رواية لهيب الانتقام للكاتبة فيروز شبانة الفصل الخامس
في مكتب المحامي الكبير
خد ياهاشم ملف القضيه دي ادرسه كويس دول حتى باينهم قرايبك انت مش لقبك الاسيوطي
هاشم: اه لجبي الاسيوطي فعلا
واخذ هاشم الملف وهو يفكر لماذا لم اشاهد احد اقاربي من قبل ولماذا لا يسالو علينا او نسال عليهم لابد ان بالامر شيء
ووجد من يدخل عليه مكتبه ليقطع هذه الافكار
هجرس: اني هجرس الاسيوطي
هاشم: انت من عيله الاسيوطي
هجرس: صوح انت خابر عيلتنا
هاشم: اني كومان من عيله الاسيوطي.
هجرس: واااه ولد مين عاد
هاشم: وهبه الاسيوطي
هجرس: وااااه وهبه وهدان الاسيوطي
هاشم: انت خابر وهبه زين
هجرس: كيف ماخابرش وهبه
ده ولد عمي وخوي
كيفه وهبه دا اني اتوحشته كتير كان احسن واحد ف عيله الاسيوطي
بس كيف ماياجيش يستلم ارضه وماله وحاله وتارك خواته تبرتع ف ملكه
جدك بعد عامله بوك مات ماتحملش الصدمه ومالحق يحرمه من الورث
هاشم: عامله ايه
هجرس: انت ماخابرش اياك.
بوك هرب مع صابحه بنت مسعده الخدامه ولفينا عليه ولا لجيناه وجدك ماتحملش الصدمه ومات
فتركه هاشم والشرار يطق من عينيه
هجرس: ياولد ياولد
هو خد ف وشه وجري اكده ليه
وبنظره شماته والله وهتلاجي اللي يشاركو ف الورث ياهمام انت ونوح امبرتعين ف الارض وزي مايكون الكون ملككو عاد
جالك الموت ياتارك الصلاه
وبكره هاشم ياجي يطالبكو وده محامي عقر زي ماجال حضره المحامي عشان اكده اداله قضيتي.
يعني لو ماخادش بالزوق حقه عياخده بالقانون وشكله ماهواش سهل دا واعر جوي جوي
...
ذهب هاشم إلى والدته وهو لايري امامه
ودخل واغلق الباب بقوه خلفه
راويه: ايه رجعك بدري اكده
هاشم امك فين انطجي وهو ممسك ذراعها بقوه
راويه: اي في ايه ياخوي امي راجده ف فرشتها فتركها واتجه اليها
كنتي مستنيه لميته عشان تجوليلي الحجيجه
صابحه: حجيجه ايه ياولدي
هاشم: لساتك عاوزه تخدعيني
اني عرفت كل شيء من هجرس ولد عم بوي
فصقت وجهها.
يامري ياولدي اني خايفه عليك وعلى خواتك عشان اكده ماجبتش سيره حتى بوك كل مااجوله يروح لبوه وخواته
يقولي لو رحت ماهاعاودش واصل وكان خايف يجتلوني
جدك شديد وعمامك
هاشم: جدي مات من تاني يوم ماتحملش الصدمه
صابحه: يعني مالحجش يحرم بوك من الورث
هاشم: لاااه
وعيشتينا ف الفقر ده طول السنين دي واحنا حدانا ارض وميراث كبير يكفينا ويفيض
هونت عليكي واني بوصل ليلي بنهاري وامسح جزم وارض واغسل الصحون وهم عايشين ف نعيم.
صابحه: والله ياولدي خفت يجتلوك اعمامك كانوا شداد جوي
وخفت عليكو ليجتلوكوا ولا يبهدلوكوا ياولدي ومش هنقدر نقف جصادهم
هاشم: ليه فوق القانون
انتي فاكره البلد مافيهاش جانون اياك
واللي ماهاخدوش بالجوه هاخده بالقانون
لافيني العنوان
صابحه: بلاش ياولدي احنا عايشين زين
ماعاوزاكش تتعارك معاهم وبوك مش معاك
دا بوك كان خايف يجف جصادهم
وهم خواته
يبجي هيعملو فيك ايه.
هاشم: اني ماهاطالبش غير بحقنا لو ماجاش بالذوق في قانون على رجبيهم هيطبق
صابحه: اني خايفه عليك ياولدي
هاشم: ماتخافيش هاتي العنوان بدل ماروح اولعلك فيهم كلياتهم
انتي مخلفه راجل مايخافش من حد واصل لافيني العنوان عاد
فلم تجد صابحه مفر من ان تعطيه العنوان
صابحه: طب خد حد معاك ياولدي
هاشم: واااه عيل اني اياك
اني راجل من ضهر راجل وماحدش يقدر يمد يده عليا كنت كسرتهاله.
صابحه: خد بالك من نفسك ياولدي وبناجص الورث ده
هاشم: ده حجي وماهفرطش فيه واصل مهما حصل
لو على جثتي
صابحه: لاااه بعد الشر عليك ياولدي
واعطته العنوان لياخذه ويذهب متحفزا لهذا اللقاء.