رواية لهيب الانتقام للكاتبة فيروز شبانة الفصل الخامس عشر
ذهب يوسف لاخته جميله فخبط على باب حجرتها لتقوم تفتح
وعندما تراه تعطي له ظهرها
جميله: عاوز ايه عاد
ماكافكش اللي عيملته فيا جاي تكمل عليا
يوسف: ماخلاص بقي ابت لازم التقطيم بتاعك ده
جميله: انت جاي ليه اني ماعاوزاش اشوفك تاني فجذبها من ذراعها لحضنه ليملس على شعرها فتبكي
يوسف: خلاص بقي ياجميله
انتي عارفه الا انتي مابقدرش على زعلك
جميله: واديك قدرت وزعقت ليا لاول مره.
يوسف: قلت لك مليون مره جبل سابق لما تلاقيني متعصب ماتتحدتيش معاي وانتي مافيش فايده فيكي راكبه راسك ومارضياش تهمليني لحالي لحد اما اروق
جميله تبكي يعني اني اللي غلطانه
يوسف: لااه ياسيتي اني اللي غلطان وحقك عليا وادي راسك اهيه خلاص بقي امال ماتغتتيش معاي لاشق راسك نصين
جميله: واااه وده صلح ده
جاي تصالحني ولا تقتلني عاد
يوسف: يلا طالما ضحكتي عاوزه حاجه ياخيتي
جميله: لا ياحبيبي اعوذك سالم المهم راويه كيفها.
يوسف: زينه ماتشغليش بالك
فايتها بتحضرلما لقمه
جميله: ربنا يهنيكو
وهاشم ف الداخل يستمع
وعندما دخلت يتريق عليها
ماعاوزاهوش ولا يجي يطيب خاطري
جميله: وااه وانت مالك اني وخوي احرار اش حشرك بينا
هاشم: وااه اخرتها ياجزمه
خير تعمل شر تلقي
جميله: وااه اعملي فيها مينا موحد القطرين قال يعني عمل معاهده السلام
هاشم: والله ماتستاهلي زي القطط تاكل وتنكر.
جميله: ريح نفسك ماعاوزينش خدماتك اني وخوي احرار نجطع بعض حتى مالكش صالح
هاشم: والله اني اللي فعلا غلطان كنت سيبه سايبك مفحومه من العياط يمكن تقطعي النفس واخلص منيكي
جميله: بعد الشر عليا ان شاء الله انت
هاشم بقي هي اكده اخرتها وحملها والقاها ع السرير وبعدها
عشان تفتكري اني جوزك وتتعاملي معاي بادب
اما يوسف فذهب لزوجته وجدها احضرت الاكل وجلس لياكلا سويا
وبعدها يجذبها اليه
راويه: وااه عاوز مني ايه تاني.
يوسف: وااه مش مرتي عاد
روايه: اني مابحبش اكده
يوسف: لكن اني بحب اكده وحملها للفراش
راويه: اباي اني اللي جيبته لنفسي
يوسف: جرا ايه يابت واني بعمل فيكي منكر انتي مش مرتي ولا ايه
راويه: مرتك وكل حاجه بس مش اكده
يوسف: والله انتي مره تسدي النفس المفتوحه وسعي اكده
فجذبته خلاص بقي ماتزعلش
يوسف: ايوه كده تبقي زينه
راويه: طب ماهتشغلنيش برديك
يوسف: وااه وبعدهالك عاد
انت مابتزهجيش وقام بعصبيه.
راويه: يوووه بقي دماغه كيف الصخر
فجاءها صوته من الحمام
بت ياراويه اعمليلي كيبايه شاي على ماطلع
راويه: حاضر
فخرج شربها ولبس ملابسه
راويه: انت خارج
يوسف: امال عوزاني اقعد جارك اياك ماوراييش شغل
راويه: شغل ولا هتطلع تسهر زيا اصحابك
فاقترب منها وبعدهالك عاد ماتبقيش خنيقه
قعدنا مش عاجب مشينا ماعجبكيش
انولعو ف نفسينا عشان ترتاحي
راويه: لااه بعد الشر عنيك
يوسف: ماهو اكده ماهامشيش واصل
فتخجل راويه وتنظر لاسفل ليقبلها.
فقد سحرته بخجلها وعفويتها وطفولتها
يلا بالاذن بقي ماتعطلنيش
وبكره تروحي تقدمي ع الاجازه
راويه باستسلام حاضر
بس لو مليت من القعده اوعدي توافق اقطع الاجازه
يوسف: وقتها يحلها الحلال من عنده
اما تاني يوم قامت جميله لتذهب لعملها
فوجدها هاشم مستيقظه وتبحث لها عن ملابس
هاشم: على فين العزم ان شاء الله
جميله: ع الشغل
هاشم: شغل ايه عاد مافيش حريم تروح الشغل
جميله: مااختك كانت بتشتغل.
هاشم: ده وقت كان لنا ظروفنا انما مرتي ماتشتغلش وتقف تهزر مع ده وده
جميله: واااه واني راحه اشتغل ف كباريه عاد ده ميستشفي
كيلاتها عيانين ودكاتره
هاشم: اهو هو الدكاتره ده واحد يستظرف ولا عيان يخش يهرج
جميله: هو احنا فاضيين للتهريج احنا دكاتره مش مدرسين ولا محاميين
فقام امامها يجذب ذراعها قصدك ايه عاد والشرر يطق من عينيه
جميله: ماقصديش حاجه بس احنا ماتفجناش على اكده
هاشم: واتفجنا على اكده ولا اكده اصلا.
ثم استمعو صوت راويه تصرخ
الحقني ياهاشم ياجميله امي مابتنطقش
فجري هاشم واحضرت جميله شنطتها لتكشف عليها
وهاشم كل شويه هااا فيها ايه
جميله: اصبر شويه
هاشم: امال عملالي ضاكتوره
فاحضرت الفون
واتصلت بالمستشفي
عاوزه سياره مجهزه فورا ع العنوان ده
وحاولت افاقتها.
واعطاءها بعض الحقن حتى بدات استعاده وعيها فوصلت الاسعاف وكانت جميله وهاشم وراويه ويوسف ارتدو ملابسهم وذهبت جميله معها ف الاسعاف ويوسف اخذ هاشم وراويه بسيارته
وذهبو جميعا للمشفي
وجميله تتحدث مع دكتور كبير ف المشفي بما تظن انه عندها وبما اعطته لها من ادويه
الطبيب: تمام انا هشوف الحاله
وفعلا كشف
كويس جدا يادكتوره انك اتصرفتي والا كانت ممكن تروح ف غيبوبه
بس لازم تبقي هنا فتره معانا نظبط الضغط والسكر والقلب.
راويه: اني هقعد معاها اهنه
جميله: مافيش داع انا موجوده ماتقلقيش عليها ودي خاصه فيها عنايه جامده ومتوصي عليها
هاشم: اني اللي هقعد معاها
جميله: ياجماعه هي ف العنايه ممنوع دخول حد لها الا دقيقتين بالكتير لو الدكتور سمح لو مافيش خطوره عليها يعني قلتكو احسن هتتعبو نفسكو ع الفاضي.
لما تتنقل ف غرفه ابقو اقعدو معاها لكن حاليا ممنوع الزياره ممكن بس 5 دقايق تشوفوها خلو الممرضه تلبسكو لبس العنايه وبصو عليها وبلاش كلام واجهاد كتير عشان حالتها.