رواية لهيب الانتقام للكاتبة فيروز شبانة الفصل التاسع والعشرون
بعد ان اغلق الباب فزعت راويه منه
والله يايوسف لو قربتلي لهصوت والم عليك الخلق
يوسف: صوتي تحبي اساعدك ونصوتو سوا
ماشيفاش الهو والصحرا اللي احنا فيها
دا لو بفرض سمعك حد من القتله اللي جارنا وده مستبعد وجه يستفسر
هقولهم دي مرتي ومجنونه وطول النهار تصوت عشان اكده جبتها اهنه تصوت براحتها وماتقضحنا
وقسيمتك ف جيبي وولدي ف بطنك
تنكري عاد
راويه: لاااه اني رافعه عليك طلاق وهطلق منيك غصب عن حبابي عنيك.
فيقهقه يوسف
خشي جوه ياعبيطه
راويه: لااه مادخلاش
يوسف بنرفزه: وبعدهالك عاد
هنقفو اكده خشي جوه نتفاهمو سوا ولا احملك بالعافيه
فجرت فجرت وهو يجري وراءها حول المنضده
يوسف: وبعدهالك عاد هنفضلو نجرو ورا بعضينا ف الشقه ماتعقلي بقي ثم جرت للحجره تحاول اغلاق الباب ولكنها لم تستطع
فقد كان اقوي منها
يوسف: بلاش خيابه امال
واقترب منها ممسكا بخصرها وهي تتملص منه وتقول له
بعد يدك عني ولا تجربليش.
يوسف: وبعدين معاكي انتي تصدقي عليا اكده يعني ماعرفاش انك اول واخر حرمه المسها
يابت اني بحبك بعشقك
دااني اول صعيدي يقولها لمرته ف بر الصعيد كلياته يعني ماحساش بالنار اللي جواتي لما بقرب منيكي
ما بتحسيش بالشوق اللي باجيكي بيه
لو اعرف عليكي حد كنت هبقي مشتاقلك اكده دانتي كتي بتشتكي مني من كتر مااني رايدك
وتصدقي اني ابص لغيرك
راويه: واديك عملتها وبصيت واللي شوفته بعيني التنتين دا ايه.
يوسف: والله والله خيه ونصبتها المدعوجه بيري
راويه: واندبيت فيها كيف الجردل
يعني لو ماكنتش جيت ف الوقت ده كان زمانك وياها
يوسف: والله ابدا اني اصلا ماعارفش دي شقه مين ياسر جالي جماعه اصحابي عاملينلي مفاجاه ورحت ومعرفش انها شقتها اني عمري ماروحتها كنا بنتجابل قبل سابق ف نوادي او ديسكو ولازمن تديني هديه جوه
راويه: هي حبكت ف اوضه النوم
يوسف: والله جلت لها اكده
وهي اتغابت وزقتني ع السرير.
قمت متنرفز وزقتها فشدتني وجعت عليها كيف ماشوفتي
راويه: لا والله عيله برياله اني عشان اصدق الفيلم الهندي الساقط الهابط ده
يوسف: والله جفل مصدي كيف ماخوكي جال عليكي اكده
راويه: اني هاشم يقول اكده عليا
يوسف: واكتر من اكده
والله ماعارف كيف احب واحده بالغباء ده
راويه: اني غبيه يايوسف
يوسف: ابه بجالي ساعه بحايل فيكي
هنقضوها محايله ولا ايه اني ماعايزش اخدك غصب يابت.
راويه: اياك تجربلي اني رافعه عليك قضيه وممكن القاضي يكون طلقنا ومابقتش حلالك
يوسف: اما انك هبله وعبيطه صحيح انتي صدقتي ولا ايه
راويه: تضربه ف صدره
ماتشتمش عاد
كيف يعني صدقت
يوسف: وانتي مفكره هخلي اخوكي يرفع القضيه
راويه: يعني ايه بتضحكو عليا انتو التنتين
ماشي ياهاشم
ماشي ياخوي اني هرفعها عند محامي تاني
يوسف: عتتهبلي اياك
نعملولك ايه عشان تصدقي عاد
حتي هاشم جه وياي لياسر وساله وصدقني
ومرتي ماواثقاش فيه.
همي بينا
راويه: على فين اني ماريحاش معاك ف حته
يوسف: هشيلك لو ماجربتيش قدامي
راويه: خلاص خلاص هاجي بس فين
...
اخذ احمد وهمام سمرا بعد ان كتب الدكتور الخروج لها ووصلو للقصر
همام: وصلها ياولدي واني هعاود لعمك نوح لحسن لوحده مع الفلاحين وهو عنده القلب وتعبان
احمد اتفضل انت ياعمي اني هوصلها لغرفتها
احمد: احملك ولا قادره تمشي
سمرا: لاااه اني همشي
احمد: طب هاتي يدك وتابطته لتستند عليه
سمرا: طلقني يااحمد.
احمد: وبعدهالك عاد
ماقلت طلاق مابطلقش
ايه الغباء ده
سمرا: اني مش غبيه
اني عارفه انك بتحب غيري ونفسك تتجوزها
واتغصبت ف الجوازه دي عليا
واني ماعوزاش اكده
احمد: يعني اعمل فيكي ايه
اني ماحدش يقدر يغصب عليا وده جواز مش لعبه
سمرا: لااه انت خدتك الشهامه ومارضيتش تحكي مع بوي
وخلاص اني جلتله كل شيء
يعني لو طلقتني ماهيقولش لا
احمد: وبعدهالك عاد ماهتفهميش وفتح حجرتها وادخلها واغلق الباب
وامسك بذراعيها ليلصقها بالحاءط.
وبعدهالك عاد انتي ماهتفهميش
جلتلك لا حد غصبني ولا شهامه
لو ماكانش بمزاجي ماكنتش اتزوجتك
سمرا: لااه انت بتجول اكده عشان مانتحرش تاني
ليقبلها قبله عنيفه
يعني ماحساش بده كلياته
فتخجل وتضع راسها ف الارض بعد عني يااحمد مايصحش اكده
اخرج بره
احمد: اني خارج ولو سمعتك بتجولي طلقني دي ماهيحصلش طيب
فلم تقوي على رفع ناظريها اليه
احمد: واعملي حسابك اي شيء يقف معاكي تاجي افهمهولك
سمرا: بس اكده هعطلك
احمد: مالكيش صالح.
وخرج واغلق الباب وهي تغمض عينيها وتتحسس شفتاها وتتنهد
واااه ده الحب جميل
واصبحت كانها طائره دون جناحان
ثم نزلت لارض الواقع
وااه الشريحه كسرها ورماها
ماخبراش اتواصل كيف مع البنات والمدرسين عشان اعرف فيه درس ولا لاء
يعني كان لازمن يكسرها
خلقه ضيق ومافيش تفاهم واصل
حمقي كل الرجاله اكده اعوذبالله
الستات دي ماتسترش ابدا ف ثانيه بتقلب ان كيدهن عظيم.