رواية لهيب الانتقام للكاتبة فيروز شبانة الفصل الثلاثون
اخذ يوسف زوجته لشقه بيري
راويه: انت جايبني عند المخفيه دي ليه
يوسف: اعمل ايه ف عملي الاسود اللي مابتصدقنيش عاد
عثبتلك اني بريء براءه الذئب من دم بن يعقوب
راويه: ياسلام واني اش دراني انك متفق معاها
يوسف: اتصدقي يابت اني هجتلك وارتاح منيكي
راويه: خلاص خلاص
اضرب الجرس
يوسف: اخفي اهنه واسمعي بودانك
ففتحت بيري فلم يمهلها ان تنظر ف الخارج حتى لا تري راويه ودخل وترك الباب
وبيري تحتضنه.
كنت عارفه انك هترجعلي وهتسيبك من الجربوعه دي
دي مش مقامك خالص انت مقامك كبير اوي وواحده زيي سيده مجتمع تشرفك
يوسف: انتي اتجنيتي عاد
اجي فين واسيب مين اني جاي اخد حقي منك ع اللي عملتيه فيا
وبت عمي دي ضفارها ب ميه من عينتك
انتي عارفه لو ماكنتيش حرمه اني كنت عملت معاكي الصح
كيف تتصلي بمرتي وتجريني اهنه كيف البهيمه واني مادريانش بالخيه اللي نصبتيهالي عشان توجعي بيني وبين مرتي حبيبتي.
بيري: ازاي تقول ع الجربوعه السنكوحه دي حبيبتك نسيت اللي كان بينا انت بتحبني انا
يوسف: ضربها كف
حسك عينك تقولي عليها كلمه تاني زياده اني ماحبتش غير مرتي انتي كنتي صاحبه زي اي صاحبه لو خيالك المريض صورلك غير اكده اني ماليش صالح بخيالك الواسع ده اني ماعشمتكيش بحاجه واياكي تاني مره تتدخلي بناتنا هولع فيكي وانتي ماتعرفيش يوسف ممكن يعمل ايه
ودخلت راويه
عنك انت ياسبعي فوتهالي.
يوسف: خلاص ياراويه انتي حامل بدل ماتسقطي
ولا حياه لمن تنادي ركبت فوقها وهاتك ياشد شعر وعض وطلعت غل السنين فيها
يوسف: ربنا مايحكمك على يتامي روحي
خلاص بقي ربنا يرحمها لحد اكده
راويه: مالكش صالح عاد اني بصفي حسابي معاها
يوسف: خلاص انتي حره فشي غلك بدل الواد مايتكبت اني ماناقصش
ربنا يقويكي اما تخلصي اني مستنيكي تحت
وقامت: شوفي ياصايعه انتي
لو هوبتي نواحي جوزي تاني هقطعك بسناني
بيري: متوحشه.
مش ممكن تكوني ادميه ابدا
راويه: عشان تفكري الف مره قبل ماتتحدي بنات الصعيد
وتحاولي تخطفي جوزي
دااني اقرقش عظمك قبل لحمك
ونزلت ليوسف
يوسف: ايه ياوحش تاويت الجثه ولا نعاود نجبوها
راويه: لااه خلاص ماعدلهاش قومه تاني واصل كسرتها
تبقي تدور على عربيه اسعاف تلمها
جاتها خابط
يوسف: يعني صدقتي اني مالياش ذنب
راويه: بس زعلانه منيك
يوسف: اباااي ليه تاني
راويه: عشان قلتلك يومها ماتروحش اهنه ولا اهنه وبرديك رحت.
يوسف: طب والله ماكنت اعرف فكرت قاعده رجال ماجاش ف بالي ده كلياته
ومع ذلك حقك عليا ماعادتش تتكرر وقبل راسها
خلاص صافي يالبن
راويه: حليب ياقشطه
يوسف: بينا ع القصر بقي ياعروسه
اني اتوحشتك جوي جوي
راويه: لااه نقول لامي واخوي وتاخدني من هناك
يوسف: نعم واني وديتك اصلا انتي اللي مخك وسخ ورحتي من غير ماتفهمي
راويه: وااه ماتخربتش بالحديت بدل والله مااعاود معاك
يوسف: اتصدقي اني اللي غلطان
وهطلقك واخلص من ارفك عاد.
ده مش قفل مصدي ده ترياس مصوجر
راويه: اباي بدك تطلقني ياواد عمي
يوسف: والله حلال فيكي الجتل
مش انتي اللي رايده اطلقك
راويه: لااه ده كان زمان قبل مااعرف الحقيقه
يوسف: حيث اكده لاهنروحو البلد عنديكو ولا القصر هنروحو الفيلا المطرفه ويغمز لها
ودخلو الفيلا
راويه تنظر لها باستحقار
ايه المنفي اللي جايبنا فيه ده
مالقيتش حاجه احسن من اكده.
يوسف: امشي يابت جوه وعدي ليلتك عشان اني صبري نفد لحسن والله بالمداس اللي ف رجلي بعد اكده
تبتسم راويه خلاص عاد انت حمقي اكده ليه ليجذبها اليه اتوحشتك يابجره
راويه: وااه ليكون القاضي طلقنا استني شويه
يوسف: البت دي اتجنت ولا بتفقد الذاكره وهي واجفه
ماجلنا مافيش قضيه اترفعت من اساسه
راويه: اااه صوح نسيت والله
اااه
يوسف: في ايه تاني
راويه: ولدك مجنني كيف بوه
يوسف: كيف بوه ولا كيف امه.
ده بوه طلع غليان بالنسبه لامه
راويه: طب نتصلو نطمنوهم علينا
يوسف: هاشم عارف كل شيء ومظبط معاي
راويه: اكده ياخوي بتعمل عصابه على خيتك ويا ولد عمك
يوسف: احنا ماهنخلصوش الليله دي ولا ايه
هنفضلو ف الحكي الماسخ ده عاد
راويه: وااه امال عاوز ايه
يوسف: ماعرفاش عاوز ايه
دا البعيده لوح تلج مابتحسش
راويه: لااه اني فاهمه بس بتوه
يوسف: لا ناصحه
وعادت المياه لمجاريها بين يوسف وراويه
لحسن كنت هجتلهم اني واتاويهم.
جميله: اتصدق ان اختك راويه دي واطيه
من ساعه مارجعت لخوي ولا كانها تعرفنا ولا بتاجي تبص على امها حتي
هاشم: واه يعني خوكي هو اللي مش واطي
يومين اما كانت اهنه كل يومين ينطلنا ويتخانجوا ويعاود
من ساعه ماتلمو على بعض وهو مابشوفهوش لا اهنه ولا هناك الا للضروره القصوي
يلا ربنا يهنيهم
وهي كمان بقت كيف الكوره زيك اكده ربنا يكملكو على خير
جميله: يارب.
هاشم: امال اني جبت حد اهنه يخدمكو ليه انتي مقدراش وامي مقدراش هخدمكو اني عاد
مش ام السيد زينه وياكو
جميله: اه ست طيبه وف حالها وبتسلي امك خصوصا الايام اللي بروحها المستشفي
هاشم: والله ماله عازه التنطيط ف المستشفيات اده
جميله: اباي مش خلصنا من الموضوع ده عاد
هاشم: خلاص اني ماشي
جميله: ماشي فين عاد ماهتاخدنيش ف طريقك اني جلت لعم ابراهيم اني راحه وياك وماياجيش
هاشم: ماشي يلا همي هتاخريني
وذهبت للمستشفي.
جميله: كنت عيزاك تكشف عليا يادكتور سليمان
سليمان: بس انا مش نسا
جميله: واني ماعوزاش نسا
سليمان: امال ايه
جميله: شوف اكده
سليمان: ازاي ساكته لدلوقت
جميله: اني حامل وماهعملش حاجه الا اما اولد
سليمان: ازاي بس تسكتي دا كله
وماقلتيش لحد
جميله: لاااه بوي عنديه القلب يروح فيها
سليمان: وجوزك
جميله: في نفسها عشان يشمت فيا ويحس بالانتقام مني
لاااه يادكتور ماعوزاش حد يعرف شيء باللي بناتنا
واني باقي شهر واولد.
وبعدها هشتغل كيماوي
سليمان: ده لازم عمليه استئصال فورا
جميله: لاااه ماهخشش عمليات هو كيماوي
سليمان: يابنتي الكيماوي بيحجم المرض لازم استئصال الاول
جميله: واني جلت مش هستأصله
واوعاك تجول لحد دي امانه ف رقبتك
سليمان: حاضر.