رواية للفهد عرين للكاتبة سلسبيل كوبك الفصل الثالث

رواية للفهد عرين للكاتبة سلسبيل كوبك الفصل الثالث

آخر حاجة وصلنا عندها في الفصل التاني ان البنات دخلوا و ناموا...
نبدأ روايتنا في الصباح الباكر..
بتقوم حور من على السرير بكسل و تدخل الحمام تأخد دش و تخرج تلبس جيبة قصيرة لحد الركبة باللون الكشميري و تي شيرت باللون الابيض و تفرد شعرها و بعدين تروح تصحي منة علشان شغلها
حور: منة قومي يلا علشان الشغل..
منة: ماشي هقوم، و تكمل نوم
حور: يا بت انتي قومي هتتأخري..
منة: مش هروح ارتاحي بقي...

حور: بقي كدة ماشي..
و تروح تصحي ندى..
حور: ندى..
ندى: اممم
حور: معلش لو تعرفي تأجلي شغلك علشان خاطر حبيبة و تقعدي معاها، تمام
ندى: تمام ماشي..
حور: باي انا راحة لبابا..
ندى: باي..
حور تخرج تفطر و بعدين تنزل...
تركب عربيتها و بتسوق و مشغلة اغاني و منسجمة اوي و بعدين تلاحظ عربية ماشية وراها..
فحور بذكائها و زي ما علمها اخوها عرفت ازاي تهرب و تفوت منهم و وصلت لشركة والدها..

طلعت و خبطت على مكتب والدها و دخلت اول ما دخلت والداها فرح جدا..
ادم(والد حور): أخيرا السنيوريتا قررت تحن علينا و تيجي تزورنا..
حور: في ايه يا بابا محسسني اني كنت مسافرة..
ادم: ماشي ماشي مع اني محسبتكيش على بياتك امبارح..
حور: و الله حبيبة عملت حادثة و اكيد مش هسيبها لوحدها...
ادم: ايه ده بجد طب انا لازم اطمن عليها..
-ادم والد حور بيعتبر حبيبة و منة و ندى بناته و -فبيخاف عليهم زي حور بنته...

حور: متقلقش هي بخير مجرد التواء..
ادم: طب سلميلي عليها، مقولتليش بقي ايه سر المفأجاة دي؟
حور: انا حور بنت ادم الشاذلي قررت اشتغل في الشركة...
ادم: أخيرا يا قلبي تنوري الشركة وقت ما انتي عايزة...
حور: بس يا بابا تعاملني كإني موظفة عندك...
ادم: بس انتي ليكي نسبة في الشركة...
حور: مش لازم يا بابا المهم عايزة اشتغل براحتي بليز مترفضش؟
ادم: خلاص ماشي على شغلك يا انسة حور..
حور: اموت في الجميل لما يحن؟

ادم: مش هتتغيري..
حور: باي..
ادم: بااي، اه السكرتيرة هتوريكي تعملي ايه...
حور: ماشي يا حاج...
ادم: بردو مفيش فايدة...
في مكان تاني
في شركة فهد
بيدخلوا الناس اللي كانت بتراقب حور بس حور قدرت تهرب منهم...
واحد من الرجالة: هربت مننا يا باشا..
فهد: انا مشغل حمير ازاي هربت يعني..
واحد تاني: منعرفش يا باشا قدرت تفلت مننا..
فهد: انا مشغل بهايم انتوا مطرودين...
جاسر و فارس دخلوا في اللحظة دي.
جاسر: في ايه حصل ايه..

فهد: اللي حصل اني مشغل ناس مبتفهمش..
فارس: خلاص روحوا انتوا يا رجالة..
واحد من الرجالة: يعني مش هنطرد يا بيه..
جاسر: لا خلاص متخافوش..
جاسر: في ايه يا فهد...
فهد: ابعتهم وراها تعرف تهرب منهم..
جاسر: وراها!هي مين دي يا فهد؟
فارس: ما تفهمنا يا فهد..
فهد: دي البنت بتاعت امبارح...
فارس: اهاااااا افتكرت...
جاسر: ما تفهموني معاكوا، بنت مين و ايه اللي حصل امبارح؟

فارس حكي كل اللي حصل لجاسر و فهد عيونه جامدة كل ما بيفتكر...
اول ما فارس خلص جاسر انفجر من الضحك و قعد يضحك و مش قادر يجمع كلمة...
جاسر: يعني انت هههههههههه.
جاسر: لا مش قادر. هههههههههه.
فهد فتح درجه و طلع مسدسه و وجهه نحو جاسر و قال..
فهد: ده ممكن يسكتك..
جاسر سكت فورا و فارس هو اللي ضحك المرة دي
فارس: جبان هههههههههههه
جاسر: انا بضحك على خيبتكوا انتوا الاتنين...

جاسر: واحد يتضرب بالقلم و التاني يتعامل بالشفقة...
جاسر: البت دي قادرة ازاي قدرت تضرب الفهد دي عندها شجاعة على كدة..
فهد: قصدك غباوة هي اللي فتحت الجحيم على نفسها...
جاسر و فارس: قصدك ايه؟
فهد: قصدي اني هخليها تتمني الموت و مش هتلاقيه، (كان بيبتسم بخبث و سخرية )
جاسر و فارس فضلوا الصمت، و فارس سرح في حبيبة...
في مكان تاني
جودي قاعدة في النادي مع انچي، وبيتكلموا..

انچي: قولتي هتيجي البارتي المرة اللي فاتت و مجتيش ليه؟
جودي: قولتلك مكنش ينفع عادي يعني..
جودي: بس نعوض النهاردة، بابا مسافر و ماما و فهد علطول في الشغل و فارس عادي...
انچي: ده احنا هنستمتع بقي..
جودي: أكيد، انا هروح الحمام..
انچي: ماشي يا جودي...
جودي و هي ماشية خبطت في شخص و كانت هتقع لولا الايد اللي مسكتها..

جودي كانت خايفة لتقع و مغمضة عنيها و اللي ماسكها كان بيدقق فيها و شارد و بعدين فاق من شروده و خلاها تقف لغاية ما فتحت عنيها..
جودي: مش تفتح..
الشخص: آسف مكنش قصدي...
جودي: اوك..
و لسة هتمشي...
الشخص: طب مفيش شكرا..
جوزدي: و انت مين اصلا(بسخرية) مغرورة اوي البت دي
الشخص: انا يوسف
جودي: ها!
يوسف: ايه انا قولت اسم غريب بقولك اسمي يوسف..
جودي: مسألتكش عن اسمك..
يوسف: ماشي يا قمر..

جودي مشيت و هي متعصبة و هو مشي و هو مبسوط مكنش عارف السبب بس كان فرحان...
في مكان تاني
في؟يلا عبد الحميد (والد فهد)
عبد الحميد: حبيبتي شوفي لو ناقص حاجة علشان ميعاد الطيارة...
إيناس: لا يا حبيبي انا جاهزة هنسلم على العيال و نمشي بس...
عبد الحميد: ماشي يا قلبي...
إيناس اتكسفت..
عبد الحميد: اموت في اللي بيتكسفوا...
إيناس: نفسي بجد ناخد عيالنا و نسافر بعيد عن هنا بعيد عن المشاكل...

عبد الحميد: و انا نفس تبعدي عن النكد يا إيناس..
عبد الحميد: انا رايح اتصل بالعيال علشان نسلم عليهم..
إيناس: ماشي..
عبد الحميد بيتصل على فهد..
الخط اتفتح..
عبد الحميد: فهد جيب فارس و جودي علشان نسلم عليكوا قبل ما نسافر...
فهد: مش لازم يعني..
عبد الحميد: دي رغبة امك يلا تعالي...
فهد: ماشي..
عند فهد...
كان فهد و جاسر و فارس بيشتغلوا لما جه تلفون فهد
فهد: فارس يلا علشان نسلم على ابوك و امك قبل ما يسافروا...

فارس: ماشي..
فهد: تعالي معانا يا جاسر...
جاسر: اوك ماشي..
فهد: فارس اتصل بجودي شوفها فين نأخدها معانا..
فارس: ماشي..
فارس اتصل بجودي..
الخط اتفتح..
فارس: جودي انتي فين؟
جودي: في النادي..
فارس: طب احنا هنعدي عليكي...
جودي: ماشي..
في مكان تاني...
في شركة ادم الشاذلي تحديدا في مكتب حور
حور(بتكلم نفسها): ياااه اخيرا خلصت اوف ده ايه الهم ده...
الباب خبط..
حور: ادخل..
فبتدخل سكرتيرة والدها..

السكرتيرة: استاذ ادم طالب حضرتك...
حور: ماشي شكرا، ثانيا انا اسمي حور مش حضرتك ماشي يا...
السكرتيرة: رودينا يا فندم...
حور: تاني القاب!
رودينا: بس حضرتك بنت الباشا...
حور: و لو انا اسمي حور و بس فاهمة يا رودي لو مش هضايقك طبعا...
رودينا: لا خلاص يا فندم اقصد يا حور...
حور: ايوه كدة هروح انا اكلم استاذ ادم...
حور: نبقي نتكلم...
حور: باي..
رودينا: باي...
حور بتدخل اوضة والدها بعد ما بتخبط..

حور: حضرتك طلبتني يا استاذ ادم؟
ادم: ظابطة الدور صح..
حور: انا هنا موظفة...
ادم: ماشي يا موظفة يلا علشان اوصلك...
حور: لا انا هروح لوحدي..
ادم: حور متعانديش..
حور: بابا انا لازم اعتمد على نفسي اوك باي...
ادم: : حور..
حور: باي يا Boss.
في مكان تاني
في شقة البنات..
حبيبة قاعدة مع ندى و منة و بيتكلموا و بيهزروا..
و فجاة بيشموا ريحة حاجة بتتحرق
ندى: يا نهار اسود الكيكة بتتحرق...
منة: انتي السبب..
ندى: انااااا!

حبيبة: انتوا بتتخانقوا و الكيكة بتتحرق..
ندى: اه صح...
ندى و منة بيجروا على المطبخ و بيطفوا الفرن بسرعة..
و حبيبة بتروح ليهم بس ببطئ علشان رجلها..
حبيبة: وروني خيبتكم منك ليها..
ندى: منة السبب..
منة: انا بردو اللي السبب لا انتي..
و يفضلوا هكذا و حبيبة ساكتة لغاية ما حور تفتح الباب و تسمع صوتهم و تخش المطبخ و تقول..
حور: بسسسسسسسس
حور: انا السبب...
كلهم بصوا ليها بإستغراب..

حور: ايوه انا السبب علشان مصاحبة عيال زيكوا عيال مقرفة...
و سابتهم و دخلت غيرت هدومها لشورت و تي شيرت بنص، و خرجت..
و هما باصين عليها...
حور: مالكوا باصين كدة ليه...
ندى: انتي طبيعية؟
حور: اه...
منة: متأكدة؟!
حور: في ايه؟!
حبيبة: سيبك منهم، احكي عملتي ايه؟
حور: مفيش اشتغلت و ورايا شغل فتصبحوا على خير باي...
كلهم قالوا: باي، و انتي من اهله..
و قاموا هما كمان ناموا...
في مكان تاني...
في الديسكو..

جاسر و فهد و فارس دخلوا و طبعا كل البنات عينهم عليهم فمن لا يعرفهم...
قعدوا هما التلاتة في مكانهم..
و بعدين تلات بنات جم كل واحدة قعدت جمب واحد و اصبحوا يتحدثون في أمور لا يجوز قولها و أشياء لا يجوز فعلها...

في مكان تاني آخر...
تجلس جودي بفستانها الفاضح و الصاخب و تضحك مع ده و تهزر مع ده و تقعد جمب ده و تستمتع و تشرب الخمر...

في مكان تاني..
حيث غرفة يوسف..
يوسف(بيكلم نفسه ): هي مين دي اللي تخليني كدة بس هي جميلة بس مغرورة، هنفجر من كتر التفكير، انا هنام احسن..

في مكان تاني..
اللواءمراد: المهمة دي صعبة يا رجالة بس انتوا قدها..
كلهم: تمام يا فندم..
اللواء مراد: معاذ هو ال leader (القائد) بتاعكوا..
معاذ: تمام يا فندم، يا رب نكون عند حسن حظ حضرتك..
اللواء مراد: انا واثق فيكوا..
كلهم: شكرا يا فندم..
اللواء مراد: ربنا معاكوا يا الاسود السود...
اللواء مراد مشي..
معاذ: طبعا احنا دلوقتي هنشرح الخطة وهنهجم في الوقت اللي اقول عليه..

واحد من صحابه اسمه يونس(من الحاقدين عليه): ده شخص مغرور اوي و فاكر نفسه سوبر مان..
صاحبه بيرد عليه و اسمه مؤمن: ملناش دعوك يا يونس خليك في حالك...
معاذ: فهمتوا؟
كلهم: تمام يا فندم...
معاذ: على بركة الله..