قصص و روايات - قصص رومانسية :

رواية لعنتي وعذابي الجزء الثاني للكاتبة منى الأسيوطي الفصل الرابع

رواية لعنتي وعذابي الجزء الثاني للكاتبة منى الأسيوطي الفصل الرابع

رواية لعنتي وعذابي الجزء الثاني للكاتبة منى الأسيوطي الفصل الرابع

مرء اليوم سريعا دون اى أحداث أخرى تذكر حتى خيم الليل على الجميع...
منزل الديب. غرفة سما.
تتململ في نومها حين شعرت بألم في ظهرها لتفتح عينيها ببطء لتجد غرفتها كما هي حيث الأشياء المبعثرة والزجاج المكسور ولكن ما جعلها تشهق بخجل حين رأت انها غفت بين أحضان أسر وهي مازالت على الارضية لتقول بتوتر حين رأتة ينظر لها مبتسما.
سما. اسفة انا محستش انا نمت ازاى.

أسر. بتتأسفى على اى انتى مراتى. ومن حقك تعملى كل اللى انت عايزاة. انا تحت امرك
سما. احنا امتى
أسر. الساعة تقريبا عشرة
سما. أسر
أسر. نعم ياقلب اسر
سما بتوتر. انا. يعنى. الصبح و...
أسر. احسن حاجة حصلت الصبح انى عرفت انك بتحبينى
سما. بس...

أسر. انا عند وعدى معاكى. وهفضل صابر. ولو وافقتى هعملك اكبر فرح وهاخدك ونروح اى بلد انتى عايزاها. واعملك احلى شهر عسل. ولو موافقتيش انا مش مستعجل. انا كفاية عليا نظرة الرضا اللى في عنيكى
سما. أنت ازاى كده!
أسر. كده ازاى يعنى. مش فاهم
سما. انا عمرى ما شوفت واحد بيحب واحدة كده
أسر. عارفة ليه؟
سما. ليه؟
أسر. عشان انتى مش اى واحدة. انتى مفيش منك اتنين. انتى اللى ملكتى قلبى. بس أسألك سؤال
سما. اسأل.

أسر. انتى بجد بتحبينى
لتنظر له بخجل وتوتر ولا تعلم كيف تجيب على سؤاله لتقول بتوتر.
سما. ا انا. انا
أسر. انا عايز اعرف اللى سمعتة الصبح دا حقيقة
سما. يووووة حقيقة
لتنهى حديثها وهي تنهض مهروله للخارج لتصتدم بسيف ليقول بألم.
سيف. اااة. اى يا بنتى. خلى بالك
سما. سورى
سيف. طب بمناسبة سورى وانا اخوكى ماتكسبى فيا ثواب
سما بحدة. قولت ماليش زفت اخوات. أنجز عاوز اى
سيف. جعان
سما بسخرية. وانت عايزنى اطفحك.

سيف. لا عايزك تعمليلى طفح. طنط أريج قالتلى انك شيف بريمو وانا جعان. جعان. جعان. جعان. جع...
سما مقاطعة بحدة. بس خلاص. أنت علقت. عايز تتسمم اى
سيف. انا عايز مكرونة بشاميل
سما. دلوقت
سيف. اه دلوقت
سما. الوقت اتأخر والأكل دا غلط على معدتك بالليل
سيف. وهي معدتى عارفة أننا بالليل. بطلى عبط ويلا انا جعان
سما. انا عبيطة. طيب شوف بقى مين هيطفحك.

سيف. انتى يا روحى. يا تاكلينى يا هيفضل ازن ازن فوق دماغك واقولك. جعان جعان جعان جعان جعان جعان
سما. باااس خلاص ياساتر اى دا. هعملك بس بشرط. تترزع ساكت لحد ما أخلص وإياك اسمع صوتك
سيف. بس كده. من عيونى
سما. ورايا
لتنهى حديثها وهي تهبط باتجاة المطبخ ويتبعها سيف للداخل ولم يلاحظو أولئك الذين يراقبوهم بهدوء. حيث يقف الياس وعبيدة وسراج يراقبون ما يحدث بسعادة ليقول الياس.

الياس. عندك حق يا سراج. الواد سيف دا مشكلة
عبيدة. عقبال باقى أخواتها
سراج. معتقدتش
الياس. ليه بتقول كده
سراج. أنت مش شايف معاملتهم لبعض
ليقاطع حديثهم دلوف عائشة وخديجة برفقة إسلام الذي يحمل باقة كبيرة من الورود الحمراء ليقول سراج بدهشة.
سراج. اى دا
عائشة. دا ورد يا اونكل
الياس. ما احنا شايفين انة ورد. جايبة لمين
خديجة. لسما
عبيدة. اية. ازاى يعنى
لتقترب عائشة من عبيدة وتحتضن ذراعة قائلة.

عائشة. اقولك انا يا اونكل. أصل بعيد عنك الجدع دا عك الدنيا على الآخر فكان لازم يكون كيوت عشان سما تقبل اعتذارة
الياس. انتو اتقابلتو ازاى؟
إسلام. قابلتهم من ساعة على باب الفيلا ومتقلقش ياعمى انا بفهم في الأصول كويس. عمى حربى عارف أنهم معايا
الياس ببسمة. راجل. بس الراجل يكون راجل في كل حاجة. روح راضى أختك ربنا يصلح حالكم
إسلام. طيب. هي فين
سراج. في المطبخ
إسلام بتنهيدة. ادعولى.

منزل الزينى. غرفة الجلوس.
يجلس سليم برفقة والدة يتحدثون ليقول حربى...
حربى. يعنى انت عايز منى اى
سليم. يوووة يا بابا. امال انا بتكلم في اى من الصبح
حربى. والله انا مافاهم انت عايز اى
سليم. عايز اتجوزها
حربى. جواز كده عالطول
سليم. امال اعمل اى. انا بحبها
حربى. طب وهي بتحبك
سليم. مش عارف
حربى. يبقى لازم تعرف
سليم. اعرف ازاى يابابا. هي بتتكلم معايا بالقطارة. وديما هادية. ووشهابيقلب طماطم لو كلمتها.

حربى. يبقى تروح تفاتحها الاول. واعرف هي بتحبك ولا لاء وبعدين ابقى اروح اقول لابوها
سليم بتنهيدة. طيب.

منزل الديب. في المطبخ...
يجلس أمامها كما أمرته ان يفعل ولكنة لا يحب الصمت ليقول بمشاكسة.
سيف. بس شكل أسر بيموت فيكى
لتلتفت له وتوجه نصل السكين الحاد في وجهة قائلة.
سما. هتقعد ساكت لحد ما أخلص وتطفح من سكات ولا اسيبك جعان واغور انام
ليرفع يدية دليلا على الاستسلام قائلا.
سيف. لالالا وعلى اى هسكت خلاص
لتلتفت لكى تنهى ما بدأته ليقاطعها مرة اخرى قائلا.
سيف. انتى خريجة اى
سما بغضب. اللهم طولك يا روح.

سيف. خلاص هسكت
ليصمت عدة دقائق ثم يتحدث مرة اخرى قائلا...
سيف. بقولك اى
سما بحدة. يا نعم
سيف. ما تيجى اعزمك على العشا برة
لتلتفت له وملامح الاندهاش تعالى وجهها قائلة.
سما. تعزمنى انا
سيف. اه. انتى أختى الصغيرة ومن حقك تدلعى
سما. انا ماليش اخوات ومش هعيد كلامى تانى.

سيف. لا انا اخوكى غصب عنك وعن التخين في بلدك ومن الآخر انا مبزهقش بسرعة ووراكى وراكى ويلا خلصى الأكل عشان انا ميت من الجوع وبعد الأكل هاخدك ونروح نأكل آيس كريم
سما. قولت مش عاوزة منك حاجة
سيف. وأنا عاوز
سما. يبقى تاخد أختك اللزجة دى وأخوك معدوم الإحساس وتروحو تطفحو زفت سوا وخلينى أخلص عشان عايزة اتخمد في يومك دا
سيف. انتى مش طايقانى ليه
سما. واحبك ببتاع اى
سيف. لما انتى كرهانى بتعمليلى أكل ليه.

سما بقوة. اذا كنت بأكل الخيل والكلاب مش هأكلك انت
سيف بصدمة. كلاب، هي وصلت لكلاب و...
ليقطع حديثة دلوف عائشة برفقة خديجة وإسلام.
عائشة. سما يا عسل
سما. خير. عملتى مصيبة اى
عائشة. انا. دا انا ملاك
سما. قصدك هلاك
خديجة. خلاص بقى يا عائشة
عائشة بانتباة. اه اسفة
لتنظر لاسلام قائلة.
عائشة. اتلحلح ياعم الحاج
إسلام. احم. سما.

لتلتفت سما على أثر الصوت لتتفاجأ باسلام خلفها حيث لم تنتبه لدلوفة برفقة عائشة وخديجة لتجيب بجمود قائلة...
سما. افندم
إسلام. آسف
سما. على اى
إسلام. احم. يعنى عشان زعقتلك و...
سيف مقاطعا. انا جعان يا ناس
سما. بس بقى انا كرهت كلمة جعان دى
خديجة. احلفى انك بتطبخى لسيف
سما. اعمل اى البنى آدم دا زنان جدا
عائشة. اعملى حسابنا معاكى بقى
سما ببسمة. حاضر
أساء. احم. ممكن انا كمان أكل معاكم.

سيف بضحك. هههههههه تعالى تعالى اصلها بتأكل الخيل والكلاب مش هتأكلك انت
إسلام، كلاب مين يا كلب انت
سيف. هي بتعطف على الكلاب وقررت تعطف علينا تعالى اقعد تعالى
إسلام. انا كنت جايب الورد دا ليكى. اتفضلى
لتنظر سما له ولباقة الورد بإشمئزاز وتلتفت لتكمل ما تفعلة دون ان تتحدث.

أما بحديقة المنزل حيث تجتمع اريج واسيل وحورية يتحدثون وفي مكان آخر بالحديقة يجلس أسر ورويدا وحبيبة ومازن وزين وريم...

عند اريج...
أريج. يعنى هنعمل عيد ميلاد ولا لاء
اسيل. هعملو طبعا. وأنا من أمتى بفوت عيد ميلاد عبيدة
حورية. خلاص انا هظبط انا والبت سما التورتة والحلويات
أريج. خلاص وانا واسيل نظبط الزينة
اسيل. وأنا هكلم البنات يساعدونى
أريج. يبقى متفقين
اسيل. تمام
عند الشباب
أسر. بس انتى غلطانة
ريم. هي اللى مستفزة
زين بهدوء. عيب دى أختك الكبيرة
ريم بتوتر. مقصدش بس يعنى
زين مقاطعا. من غير بس انتى غلطانة وبطلى اسلوبك دا.

ريم بخوف. أنت بتكلمنى كده ليه؟ انت ملكش حكم عليا كلمنى باحترا...
زين مقاطعا بحدة. انتى اللى تتكلمي معايا بأدب وفوقى لنفسك مش زين الديب اللى عيلة زيك هتعملو يتكلم ازاى فاهمة. وأقسم بالله لو ما قومتى دلوقتى واعتذرتى لسما مهيحصلك طيب. فاهمة
ريم ببكاء. لاء مش.
زين بصوت مرتفع. فااااهمة
ريم. فاهمة.

الفصل التالي
جميع الفصول
روايات الكاتب
روايات مشابهة