رواية لعنتي وعذابي الجزء الثاني للكاتبة منى الأسيوطي الفصل الثاني
مشفى الديب بألمانيا.
بعد ان تم نقل سراج للمشفى للاطمئنان على صحتة وإلى حد ما أصبح بخير بعد ان تم اسعافة، يجلس إسلام بجوار والدة ممسك بيدة وهو يرتدى تلك الملابس الزرقاء الخاصة بالمشفى وسيف وريم يجلسون على تلك الأريكة الموجودة بالغرفة وملامح القلق والخوف تحتل وجههم ليحاول سراج تخفيف الوضع قائلا بتعب.
سراج. شكلك حلو بالبس دا
إسلام ببسمة. أنت احلى حاجة في حياتنا
ريم ببكاء. بابى انت كويس.
سراج. انا زى الفل. عاوز انزل مصر
سيف بصدمة. نعم!
سراج. عاوز انزل مصر
إسلام. مصر. افتكرت مصر دلوقت. لاء يا بابا. انا مش هسمح بكدة
سراج. هتمشى كلامك عليا
إسلام. مقدرش. ولا عشت ولا كنت. بس انا مش هفرح لو جرالك حاجة. أنت فاكر انها هتقبل بيك بعد العمر دا كلة. وطبعا انت مش هتستحمل رفضها وهتتعب
سراج. انا مستعد ادفع اللى باقى من عمرى بس احضنها
ريم. طب ما احنا معاك، ليه عاوزها؟
سراج. عشان بنتى. انا ظلمت أمها وظلمتها وعايزها تسامحنى
سيف. بابا وتفتكر بيت الديب هيرحب بينا
سراج. تصدق أنهم كلهم وحشونى
إسلام. يعنى انت عاوز اى
سراج. عايز اموت في بلدى
لينتفض إسلام واقفا والغضب يحتل كيانة ليتحدث بصوت مرتفع نسبيا...
إسلام. بطل تتكلم عن الموت. ماشى عاوز تروح مصر حاضر. بس أقسم بالله لو جرالك حاجة بسبب البنت دى ما هيحصل كويس
سراج ببسمة. اسمها سما. سما سراج الديب. اختك
ريم. بابى
سراج. نعم.
ريم. هتحبها اكتر منى؟
سراج. كلكم غلاوة واحدة
لينهى حديثة وهو يفتح ذراعية لتهرول ريم لاحضانة قائلة.
ريم. ربنا يخليك لينا.
منزل الديب مساء...
تجتمع الفتايات في بهو المنزل يتحدثون.
عائشة. والله قعدتهم دى جايبالى القلق
سما. ليه يعنى. اكيد عندهم شغل متأخر
حبيبة. طب ما احنا بتشتغل معاهم منادوش علينا ليه. لا اكيد بيخططو لمصيبة
سما. انتو بتقولو كده ليه
رويدا. عشان حابسين نفسهم لوحدهم بقالهم ساعة. لو كان شغل كان بابى واونكل عبيدة واونكل حربى قعدو معاهم
سما. عادى يعنى يمكن حابين يقعدو لوحدهم.
عائشة، لو منك أخاف ياسما وأقوم اشوف جوزى
سما، أخاف ليه. أسر قاعد مع عيال عمتو وابن خالتو أخاف ليه بقى
حبيبة. اسمعو منى وتعالى نسمع بيقولو اى
رويدا بصدمة. يالهوى عايزانا نتجسس عليهم
عائشة. حبيبة معاها حق تعالو بس بشويش اوعو حد يشوفنا
سما. يالهوى انتو هتهببوا اى
لتمسك حبيبة بيدها قائلة.
حبيبة. قومى يا سما بس.
ليسيرون ببطء شديد خلف بعضهم حتى وصلو لغرفة المكتب لتقترب حبيبة من الباب في محاولة يائسة منها للاستماع لأى شئ لتقول خديجة بهمس.
خديجة. سامعة حاجة
حبيبة. لاء صوتهم واطى اوى
عائشة. اكيد بيتفقوا يجيبو نسوان
سما بصدمة. نسوان. اى اللفظ دا. وبعدين مستحيل أسر يعمل كده
خديجة. اسمعى منها مش سليم معاهم يبقى اكيد هيجيبوا بنات
رويدا، بقولكم اى احنا لو اتقفشنا هيعلقولنا
الياس مقاطعا. مين دول اللى هيعلقوكم.
ليصرخو عاليا ويلتفتو على أثر الصوت ليجدو الياس برفقة حربى وعبيدة لتقول حبيبة ورويدا...
حبيبة ورويدا. بابى
الياس. انتو بتعملو اى هنا
سما. والله يا اونكل هما السبب و...
لتبتر حديثها حين افتتح باب المكتب وخرج منة أسر وزين ومازن وسليم على أثر الصوت ليهرول أسر لسما قائلا.
أسر. مالك يا روحى انتى كويسة
سما بخوف. م مفيش
لتنقل نظرها للحبيبة قائلة بهمس.
سما. اتصرفى يا زفتة
عبيدة. هو في اى بالظبط.
مازن. اكيد البلوة حبيبة السبب
حبيبة. ما تتلم ياعم انت انا عاملة احترام لابوك غير كده كنت...
عبيدة. اعتبرينى مش موجود وورينى شطارتك
حبيبة. اى يا اونكل طب هدينى قولى صلى على النبى اى كلمتين كده مش ترمينى في النار كده
مازن، انا نار يا بلوة انتى
سليم. بس بقى ياساتر عليكم. احنا هنسيب الموضوع الأساسى ونتكلم في التفاهات بتاعتكم دى. رويدا في اى كنتو واقفين هنا ليه وصرختو ليه.
حربى. هما صرخو لما شافونا بس السؤال بقى كنتو واقفين هنا ليه؟
رويدا. ملقتوش غيرى تسالوة. انا ماليش دعوة دى حبيبة وعائشة السبب
حبيبة بهمس. الله يخربيت ابوكى
ليمسكها الياس من ملابسها قائلة بحدة خفيفة.
الياس. بتقولى اى يا بنت الكلب انتى
حبيبة، ياحاج سيب التيشرت عيب كده
أسر. سما. هو في اى اخلصو
عائشة. طب اسالونى انا
زين. طب ما تقولى يا عاقلة
عائشة. وبلا فخر انا قولتلهم أنكم بتخططو عشان تجيبوا نسوان.
حربى بصدمة. نسوان. بنتى انا بتقول نسوان
عائشة، هو دا كل اللى همك مش همك اللى هما هيعملوة
زين. طبعا اخوكى سليم هستنى منك اى ياعنى
سليم. احلى حاجة أن سمعتى سابقانى
أسر. دا في ناس طلعت بتغير اهى
سما بصدمة. بغير. انا مش بغير. انا مقولتش انى بغير. واغير ليه و و و اصلا مش مهتميةو و ولا عايزة اعرف حاجة. قال اغير قال. اغير عشان اى اصلا
أسر بمساكشة. بس انا مقولتش انك انتى اللى بتغيرى.
لتنظر له عدة ثوانى قبل ان تفر هاربة للأعلى
الياس. أسر براحة عليها انت عارف انها بتخاف
أسر بجدية. بابا انا وعدتك وانا عمرى ما أخلف وعدى وانا بحبها وهستحمل منها اى حاجة
الياس. انا عارف انك راجل وأد كلمتك. ربنا يصلح حالكم
أسر بتنهيدة. يارب.
بعد مرور يومين. شركة الديب. غرفة الاجتماعات.
يجتمع الياس وعبيدة وحربى وأسر ومازن وزين وسليم من اجل دراسة إنشاء شركة للمعمار تحمل اسم الديب والزينى ليقول أسر.
أسر. يعنى مين في الآخر اللى هيمسك الشركة دى
حربى. أنتم والحيوان دا
لينهى حديثة وهو يشير باتجاة ابنة سليم ليقول.
سليم. الله ولية الغلط ياحاج.
أسر. لا انا مقدرش على كده انا ببقى هلكان من المجموعة والمصانع واتابع المدارس والمستشفيات وأرجع اشوف الشركة الجديدة لا انا بنى آدم ومحتاج راحة
عبيدة. أنت بتنق علينا ولا اى
الياس. أسر عندة حق. مجموعات الديب كبرت وبقينا دلوقت بنشتغل في كل حاجة. احنا بقى لينا في كل خرابة عفريت. خلاص سيبو الشركة الجديدة للبنات
أسر. طب ما تحاول مع سما يا بابا خليها تنزل معاهم
حربى. هي بتسمع كلام حورية واناهخليها تكلمها.
عبيدة. ياريت. البنت دى ديما قلبى واجعنى بسببها و...
ليبتر حديثة بسبب استماعة لصوت طرقات خفيفة على الباب ليتبعها دولف السكرتيرة وهي تدعى نوار ليقول الياس.
الياس. في اى يا نورا
نورا. انا اسفة يا فندم بس في ناس عايزة تقابل حضرتك وعبيدة بية
الياس. ناس مين
نورا. واحد منهم اسمة سراج الديب بيقول أنه اخو حضرتك
لينتفض الياس من على كرسية واقفا ليقول بعدم تصديق.
الياس. س سراج. اخويا.
لينهى حديثة وهو يهرول للخارج ويتبعة الجميع ليقف فجأة وهو ينظر لشقيقة الأصغر الذي بدى علية الكبر وعلامات الزمن تركت أثرها على خصلاتة لتحولها إلى رمادية اللون لينظر سراج لشقيقة الأكبر وتمتلئ عينية بالدموع ليهرول الياس ويحتضنة بقوة ليتصنم الجميع بمكانهم لرؤية هذا المشهد حتى العاملين بالشركة ليتمسك سراج بملابس شقيقة قائلا.
سراج. انا آسف. انا آسف. والله انا غلطان، حقكم عليا انا اسف.
الياس. هششششش. أنت كنت فين. انا قلبت عليك النمسا. وجعت قلبى عليك ياسراج
سراج. حقكم عليا كلكم
الياس. المهم انك بخير
سراج. أنت لسة زعلان منى؟
الياس. أنت ابنى، مش اخويا. واللى فات مات خلاص
ليترك سراج حضن شقيقة وينظر ل عبيدة ثم يضع نظرة أرضا ليقترب منة عبيدة ويرفع وجهة للأعلى قائلا.
عبيدة. مفيش حد من عيلة الديب عينة مكسورة عشان يبص في الأرض
ليحتضنة سراج ويبدأ في البكاء كالأطفال قائلا.
سراج. انا آسف يا عبيدة. انا غلطان. حقك عليا. والله عرفت غلطى واتوجعت زيكم. حقكم عليا سامحوني و.
ليقاطعة إسلام قائلا.
إسلام. بابا أهدى عشان صحتك
الياس. ابنك كبر مشاء الله
ليجفف سراج دموعة قائلا.
سراج. دا إسلام ابنى الكبير دكتور ودا سيف ابنى الوسطانى مهندس ودى ريم بنتى آخر العنقود مهندسة برضو
الياس. ربنا يخلى ودا بقى أسر ابنى وعندى حبيبة ورويدا ودا زين ومازن ولاد عبيدة ودا سليم ابن حربى
ليتقدم حربى قائلا.
حربى. حمدلله على السلامة ياسراج
سراج. الله يسلمك وحورية عاملة اى وأولادك
حربى. الحمد لله بخير. احنا هنفضل واقفين كده كتير
الياس. تعالو نتكلم جوة. في حاجات مهمة لازم نتكلم فيها
سراج. ليه مقولتليش ان سما خلفت والبنت عايشة
الياس. انا دورت عليك كتير بس انت فص ملح وداب وكمان جدى وصانى اسامحك الله يرحمة
سراج بحزن. هو جدو مات!
عبيدة. من حوالى 13سنة وماما وطنط سناء فضلو يزنو عشان نرجعك. خصوصا أن سما كانت محتجالك
سراج ببسمة. فرحت اووى لما عرفت أن أسمها سما
عبيدة. دى كانت وصية اختى. على فكرة سما عارفة بكل حاجة حصلت زمان
سراج. يعنى هتسامحنى
الياس بتنهيدة. مش عارف. تعالى نروح ماما هتفرح اوى لما تشوفك
سراج. بس طنط مها و...
عبيدة مقاطعا. متقلقش ماما سامحتك من زمان. يالا بينا
الياس، يالا.
منزل الديب...
تجتمع مها وسناء وحورية واريج واسيل في غرفة الجلوس يتحدثون...
سناء. غريبة الساعة داخلة على خمسة والولاد مرجعوش
أريج. متقلقيش يا طنط زمانهم جاين
مها. فعلا النهاردة اتأخرو
ليقاطع حديثهم دلوف عبيدة قائلا.
عبيدة، مساء الخير
مها، اى يابنى اللى اخركم كده
عبيدة. معلش يا ست الكل كان عندنا شغل ومعانا مفاجأة
اسيل. مفاجأة اى. وفين الولاد
ليدلف الجميع تباعا ليقول زين.
زين، احنا اهو يا ماما.
حورية. اى دا هو حربى وسليم مش معاكم
سليم. لا معاهم ياقلبى. امال القرود فين
حورية. اتلم يا ولا متقولش على أخواتك كده
الياس. مساء الخير
الجميع. مساء النور يابنى. اى ياحبيبى اللى اخرك كده
الياس. مش ترحبى الأول
سناء. أرحب بمين
ليشير الياس لباب الغرفة الذي دلف للتو منه سراج وابنائة لتنظر سناء للباب بصدمة ودموعها تنهمر بغزارةقائلة.
سناء. ابنى. سراج
ليهرول سراج ويحتضن والدتة قائلا.
سراج. ماما وحشتينى. انا آسف. حقك عليا
سنا بعتاب. هونت عليك يا ضنايا تسبينى كل السنين دى
سراج. انا آسف غصب عنى. مكنتش قادر ارجع وانا عارف انى غلطان
سناء. اخص عليك. كنت خايفة اموت قبل ما أشوفك يا ابنى
ليقبل سراج يدها قائلا.
سراج. بعد الشر عليكى، ربنا يخليكى ليا ويبارك في عمرك
مها. هتفضل حاضن أمك كتير هو انا ماوحشتكش يا ولا
ليقترب سراج منها قائلا بحزن.
سراج. حقك عليا يا مرات عمى والله انا غلطان متزعليش منى.
مها بحب. أنت زى عبيدة وسما الله يرحمها وصتنى اسامحك وانا مسمحاك يا ضنايا
اسيل. سراج
ليلتفت سراج لشقيقتة ويحتضنها قائلا.
سراج. حبيبة سراج. وحشتينى يا اسيل
اسيل ببكاء. اخص عليك. كده تسبنى كل دا
أريج. اخص علية بس والله لاضربة الجزمة دا عشان يفكر يختفى كده تانى
ليتعجب الأبناء من فعلة اريج ليحتضنها إلياس قائلا.
الياس. خلاص يا روحى قلبك ابيض
أريج. خلاص اى. الحيوان دا نشف دمنا.
سراج بضحك. لسة لسانك طويل. اتلمى بقى كبرتى ولسة ابيحة زى ما انتى
أريج. اوعى يا الياس. الحيوان دا بيقول عليا كبرت
أسر. يعنى يا ماما زعلانة من كبرتى ومش زعلانة من ابيحة
أريج. عمك دا متخلف وعايز يتربى من تانى
سراج. خلاص بقى راحت عليا. سما فين
اسيل. مع البنات في أوضة الرقص. طلعت في دماغهم يرقصو زومبا وكلهم هناك
أسر. طيب هناديها
الياس. لا استنى كلنا هتروح نناديهم. يلا.
ليرحلو جميعا متجهين خلف المنزل حيث توجد تلك الغرفة المليئة بالمرايا ومخصصة للرقص فقد أسس الياس تلك الغرفة خصيصا لاريج بسبب عشقها للرقص لتبقى الغرفة موجودة حتى الآن ليستمعوا لصوت الموسيقى المرتفع حين قاموا بفتح الباب ليتوقفواجميعا يشاهدون ذلك المشهد حيث عائشة وخديجة وحبيبة ورويدا وسما يهرولون خلف بعضهم البعض ويمرحون وسط ضحكاتهم العالية لتتوقف رويدا فجأة حين لمحت الجميع قائلة.
رويدا. بابى.
لتلتفت الفتايات وتنظر باتجاة الباب لتذهب سما وتطفئ مكبر الصوت و تهرول رويدا وحبيبة باتجاة الياس ويقبلون وجنتة قائلين.
حبيبة. حمدلله على السلامة يا بابى
رويدا. حبيبى يا بابى
لتذهب سما وتحتضن الياس قائله.
سما. مساء الخير يا اونكل
الياس. مساء النور يا روحى
لتذهب وتحتضن عبيدة قائلة.
سما. مساء الخير يا خالو
عبيدة بحب. مساء النور يا قلب خالو
ليمسك أسر بيدها ويقبلها بحب قائلا.
أسر. وحشتينى. عملتى اى من غيرى.
سما بخجل. معملتش
كل ذلك تحت نظرات سراج وابنائة الذين يتابعون ما يحدث ليقول الياس.
الياس. سما عايز اعرفك بحد
سما. حد مين
ليبتعد الياس قليلا ليظهر سراج وبجوارة ريم تحتضن يدية وخلفة إسلام وسيف ليقول.
الياس. اعرفك سراج الديب ابوكى ودول اخواتك إسلام وسيف وريم
لتظل سما تنظر لهم بصدمة وتنظر لريم بحزن وهي تحتضن يد والدها لتحدث نفسها قائلة.
سما. أبويا. يااااااااة. بعد العمر دا كلة. أب وأخوات فجأة. والبنت دى بنتة. طب ماهو عايش حياتة اهو راجع ليه. وأنا المفروض اعمل اى. أجرى علية واحضنة. ولا ابعد ومقربلوش. اعمل اى
لتفيق من دوامه أفكارها وأسر يحتضن يدها قائلا.
أسر. انتى كويسة يا روحى
سما بجمود. كويسة
سراج. مش هتحتضنينى
سما بسخرية. احضنك. احضنك ببتاع اى. انا معرفكش. حضنك غريب بالنسبالى
إسلام. اتكلمى كويس عيب دا بباكى.
سما بقهر. مش أبويا. دا ابوك انت واخواتك
سيف. احنا اخواتك انتى كمان
سما. اخواتى عند الحكومة وبس. انا معرفكوش
ريم. بابى رجع عشانك
سما. لا كتر خيرة والله. عارفة انى مش طايقة ابصلك وانتى ماسكة فيه كده. انتى جاية تعرفينى أنه رجع عشانى بعد العمر دا كلة وهو بقى عشانك انتى. هو ابوكى انتى بتحضنية كل يوم الصبح وانتى اللى شوفتى حنانة وحبة مش انا. انا معرفوش
سراج. هعوضك عن كل اللى ضاع
سما. والله. طب رجعلى مامى.
سراج بحزن. ياريت اقدر
سما. يبقى مات بينا الكلام واديك عرفت اللى بيروح مش بيرجع يا سراج باشا
لتنهى حديثها وهي تحاول الخروج من الغرفة لتتوقف فجأة بسبب ذلك الدوار الذي عصف بعقلها ليحتضنها أسر قائلا. سما مالك
لتصرخ الفتايات حين فقدت سما الوعى ليحاول إسلام مساعدتها ليمنعة أسر قائلا.
أسر. ابعد عنها
إسلام. انا دكتور واقدر اساعدها
أسر بحدة. كل المساعدة اللى عاوزها منك تبعد عنها
سيف. أنت ماسكها كده ليه ابعد عنها.
أسر بصوت مرتفع. ابعد عن مين دى مراتى
لينهى حديثة وهو يحملها ويتجه بها للخارج ويتبعة جميع النساء ويتبقى عبيدة وحربى وسراج وأبنائهم والياس.
سراج. مراته
الياس. دا موضوع طويل تعالى نقعد ونتكلم
سراج. ماشى
غرفة سما...
يدلف أسر وهو يحملها وطلب من الجميع أن يرحلو ليبقى هو فقط معها ليضعها على الفراش بهدوء وذهب لطاولة الزينة وجلب احداى قنينات العطر الخاصة بها ليضع القليل على يدية ويقربها من أنفها لتبدء تدريجيا في العودة لرشدها، تفتح عيونها ببطء شديد لتجد أسر ينظر لها مبتسما قائلا...
اسر. سلامتك ياقلبى
سما. انا عايزة امشى من هنا.
أسر بحب. تمشى فين، وقلبى إللى داب في هواكى وحياتى اللى بقت متشعلقة في ضحتك. تمشى وتسبينى لوحدى. أعيش ازاى وانتى نفسى في الدنيا، لو عايزة تسبينى اقتلينى الأول واعملى كل اللى انتى عايزاة
سما ببكاء. بعد الشر عليك. بس انا مش هقدر اقعد معاهم في بيت واحد.
أسر. انتى قاعدة معايا انا. انا جوزك وحبيبك. هتقدرى تبعدى عنى. حتى لو انتى قدرتى، انا مقدرش، اوعى تفكرى تبعدى عنى. اوتقولى كلمة امشى تانى. اول ما قولتيها روحى اتسحبت منى وقلبى اتقبض. انا بحبك يا سما وهفضل طول عمرى بحبك.
لتجفف دموعها قائلة. بتحبنى ليه؟ انا ديما تاعباك. انا وافقت انك تتجوزنى بس متقربش منى. وانت وافقت. بقالنا سنتين على الحال دا، ولسة مزهقتش منى. ديما بتقولى كلام حلو. وعايزنى اشتغل ويبقالى كيان وانا ديما برفض اى حاجة. وبرضو لسة بتحبنى. بتحبنى ليه!
أسر بتنهيدة. الحب عمرة ماكان ليه سبب. ديما مش مفهوم. انا قولتلك يوم كتب الكتاب وهقولهالك تانى. حتى لو فضلنا عمرنا كلة كده. يكفينى انى اموت وانتى على اسمى، يلا ارتاحى شوية وهرجع لك
لينهى حديثة وهو يقبل جبينها ويلتفت كل يرحل ليتفاجأ بها تمسك يدية قائلة بخجل.
سما. أسر. استنى
أسر. عيون اسر، عاوزة اى يا روحى
سما بتوتر. م ممكن تخليك معايا
أسر. ازاى يعنى مش فاهم
سما. احم. يعنى ممكن تنام جنبى النهاردة.
أسر بصدمة. بجد
سما. ايوا بجد. انا مخنوقة وعايزاك جنبى. بس بشرط
أسر. هههههههههه وكمان هتتشرطى عليا
سما. اه، عندك مانع
أسر. طبعا لاء. اؤمرى يا قلب اسر
سما. تنام بهدومك وبأدب
أسر. ههههههههههههههههههه حاضر. بس هو انا عمرى قليت أدبى معاكى
سما. يووووة. خلاص روح نام في أوضتك
أسر. لالا خلاص هغير هدومى وجاى. وهنام بأدبى. بس انا جعان
سما. بس كده حاضر. هنزل احضرلك أكل
أسر. لا انتى تعبانة.
سما. أنت عارف. لحد المطبخ وانا ببقى زى الفل
أسر. يعنى هاكل من الايدين الحلوين دول
سما. بطل كلامك دا
أسر ببسمة. عمرى ما هبطل.
أما بالأسفل حيث يجتمع الرجال بغرفة المكتب...
سراج. انا عايز افهم بنتى اتجوزت امتى
الياس. من سنتين
عبيدة. في حاجات كتير لازم تعرفها عن سما
سراج. طب عرفونى. ليه خبيتو عليا أن ليا بنت.
الياس بتنهيدة. انا لما كذبت عليك زمان عشان كنت مضايق منك. سما ماتت من قهرتها لما عرفت انك اتجوزت. عشان كده قولتلك مترجعش تانى. وانت ماصدقت واختفيت. انا قلبت عليك الدنيا وملقتقش وسما كبرت ونفذنا وصية أمها وعرفت كل الحقيقة لما كملت 15سنة. انا عرفتها كل اللى حصل زمان هي كانت ديمآ بتسأل عليك وانا كنت بقول انك مسافر بس خلاص جه الوقت اللى تعرف فيه الحقيقة. بس يارتنى سمعت كلام عبيدة وماقولتلهاش. البنت من يومها اتبدلت بقت ديما خايفة ووحيدة ومش عايزة تتعامل مع حد وكبرو العيال وأسر ابنى حبها وعرض عليها الجواز اكتر من مرة.
عبيدة مقاطعا. وديما إجابتها كانت واحدة. انا منفعكش لحد ماحورية قعدت معها وكلمة من هنا على كلمة من هنا سما وافقت على كتب الكتاب
الياس ببسمة. يومها أسر كان زى المجنون ومش مصدق انها وافقت على كتب الكتاب حتى بعد ما شرطت علية أن هيكون كتب كتاب بس.
سراج. يعنى اى كتب كتاب بس
عبيدة. يعنى جواز مع إيقاف التنفيذ. كل واحد فيهم في أوضة
الياس. الغريب أن ابنى وافق ولما اريج قالتلو ازاى هو دا يبقى جواز.
حربى. كانت اجابتة كفاية عندى انى لو مت هتكون على اسمى
الياس. سما خريجة هندسة، أسر كان معاها خطوة بخطوة. ومازال بيحاول معاها عشان تشتغل والغريب برضو ان ابن الكلب دا باله طويل اووى
سراج ببسمة. شكرا
الياس. على اى!
سراج. على حبك لبنتى ووقفتك جنبها. وتربيتك ليها
الياس. بس ياعبيط دى بنتى. انت قاعد معانا طبعا
سراج. انا عندى شغلى وحياتى ومينف...
الياس مقاطعا بحدة. صفى شغلك اللى برة واترزع معانا. احنا حتى شركة ايطاليا صفيناها وقعدنا هنا وكل الشغل القديم وقف
سراج. لا متقولش طب ماج وتونى
الياس. لا متخافش موجودين لسة قارفينى في عيشتى
مازن. طب كفاية كلام عن الذكريات بقى ووجع القلب دا مش هناكل ولا اى
سراج. ههههههههه فعلا ابن اسيل
إسلام. طيب انا راجع الاوتيل بعد اذنكم.
الياس بعتاب. اوتيل وبيت العيلة موجود عيب يابنى ومن الآخر لو عايزين سما تسامحكم لازم تقعدو معانا
ريم. هي اصلا مش طايقانا يا اونكل
الياس ببسمة. حلوة اونكل منك. اى دا أمال مراتك فين
سراج بحزن. الله يرحمها
الياس. لا حول ولا قوة الا بالله. ماتت ازاى
إسلام. كانت مريضة كانسر وقعدت تتعالج أربع سنين وفي الآخر اتوفت
عبيدة. لاحول ولا قوة الا بالله. البقاء لله.
سراج. ربنا عاقبنى على اللى عملتو في سما زمان واخد اكتر حاجة حبتها. اتوجعت اووى
الياس. ربنا يرحم كل إلى راح
سراج بتنهيدة. يارب.