قصص و روايات - قصص رومانسية :

رواية لعنتي وعذابي الجزء الثاني للكاتبة منى الأسيوطي الفصل الأول

رواية لعنتي وعذابي الجزء الثاني للكاتبة منى الأسيوطي الفصل الأول

رواية لعنتي وعذابي الجزء الثاني للكاتبة منى الأسيوطي الفصل الأول

منزل حربى الزينى بالقاهرة...

بعد وفاة عثمان الزينى انتقل حربى الزينى للقاهرة وأقام شركة صغيرة في البداية لتتوسع اعمالة في مجال استيراد وتصدير الحبوب و المحاصيل الزراعية وتبقى شبل وسلام بالصعيد يديرون الأعمال هناك ليصدع اسم مجموعة الزينى في أرجاء العالم لينتقل حربى وحورية وأطفالهم ومكثو بفيلا بجوار فيلا الديب ليفصل بينهم ذلك الحاجز الحديدى. اما بداخل الفيلا المتوسطة الحجم المكونة من طابقين حيث الدور السفلى يحمل غرفة الجلوس وغرفة الطعام وغرفة المكتب والمطبخ وغرفة الخدم، أما بالأعلى يوجد أربع غرف أولا غرفة حربى وحورية وهي اكبر غرفة في المنزل حيث تحتوى على مرحاض كبير وغرفة مكتب تحمل الكثير والكثير من الكتب فالقرأة أصبحت ملاذ حربى في الآونة الأخيرة، أما الغرفة التي تليها هي غرفة سليم الزينى المكونة من غرفة نوم يتبعها مرحاض متناسب الحجم وغرفة العاب رياضية متوسطة الحجم ثم تليها غرفة خديجة الزينى وهي عبارة عن غرفة نوم و مرحاض تابع لها فقط كذلك أيضا غرفة عائشة الزينى ولكنها تختلف عن غرفة شقيقتها بسبب شرفتها المليئة بالورود فهى تعشق الورود وتقوم بزراعتها والعناية بها.

صباحا في غرفة الطعام...
يجتمع حربى برفقة اسرتة لتناول الفطور ليقول حربى.
حربى. امال سليم فين
خديجة. قالى هياخد شاور ونازل
حربى. خط سير كم اى؟
عائشة. انا عندى اجتماع الساعة 12الضهر، وهطلع بعد كده على المصنع
خديجة. انا عندى عقد مع شركة المهدى وهخلص وهطلع على الشركة.
حربى. تمام، أشوفكم في الشركة
ليقاطعهم سليم الذي دلف للتو وأمسك بكرسية الخاص قائلا.
سليم. صباح الخير
الجميع. صباح النور.

حربى، وانت خط سيرك اى النهاردة؟
حربى. عندى ميعاد كمان ساعتين مع رامى مراد وبعد كده عندى ميعاد مع صوفيا وهكون في الشركة على الساعة 2
عائشة. الله يسهلو ياعم صوفيا ورامى مراد ومقضيها واحنا مسحولين
حورية. عائشة اى الأسلوب دا؟ اتكلمى كويس انتى بنت مش ولد
سليم، عندك حق يا ماما. البت دى بقت بيئة
حربى بسخرية. البركة فيك
سليم. ثانكس. مبحبش اتكلم عن قدراتى
حربى. منك لله.

خديجة. ههههههههه متتعبش نفسك يا بابا. مفيش فايدة
حورية، ربنا يكملك بعقلك. سليم ليه سايب دقنك وشعرك كده يابنى!
حربى. انا شعرة دا منرفزنى
سليم. ما انا لمة اهو
حربى بغضب. أنت يا زفت يا أبو طويلة انت. قص شعرك دا
سليم. مش عارف يا بابا شعرى مزعلك ليه. دا حتى انا مز بية وشكلى قمر
حربى. حورية خلية يفور من قدامى لاضربة
حورية بضحك. هههههههه اضربة
حربى. انا مش عارف البغل دا طالع طويل لمين.

عائشة. يا حبيبى مش سليم اللى طويل احنا اللى قصيرين
حربى. تصدقوا بالله انتو ما اتربيتو
خديجة. عند حق يا بابا.

فى أحد المنازل بألمانيا المكون من طابقين ويحمل بالطابق السفلى غرفة الطعام وغرفة جلوس والمطبخ وغرفة للخدم والطابق العلوى يحمل أربع غرف لندلف لأول غرفة وهي غرفة ذلك الوسيم المدعو بإسلام الديب لنجدة يعدو على آله المشى وهو عارى الصدر ويرتدى شورت قصير فقط ويضع سماعات الأذن ويستمع لأحداى الموسيقى الغربية لينعزل عن العالم. لتدلف شقيقتة الصغرى وهي تقول...

ريم. يا دوك. إسلام، يا داكترة. اسلاااااااام. يا دى النيلة طبعا مش هيسمعنى
لتنهى حديثها وهي تقترب منة وتنزع السماعات خاصتة قائلة...
ريم. بقالى ساعة بنادى
ليوقف الآلة ويتناول قنينة مياة صغيرة قائلا.
إسلام. عايزة اى
ريم بحزن. هنسيب بابى لوحدة كتير. دا بقالة عشر سنين على الحال دا. انا خايفة علية. من وقت موت مامى وهو بقى ساكت ووحيد.

إسلام بتنهيدة. انا تعبت، حاولت معاة كتير، بس احساسة بالذنب من ناحية طنط سما لما ماما تعبت وبعدها ماتت هيقضى علية. هو شايف ان ربنا بيعاقبة على اللى عملة زمان
ريم. طب والعمل. احنا ليه منرجعش القاهرة ونقعد مع أهلنا
إسلام. هو عاوز كده. وأنا مقدرش اخالف اوامرة. كفاية اللى هو فيه
ريم. طيب خلاص انا عازماكم على الغدا كلكم ونروح نأكل مع بابى
إسلام ببسمة. والله فكرة يا قردة. امال سيف فين.

ليقول سيف مقاطعا الذي دلف للتو استمع لحديث شقيقة.
سيف. انا هنا يا كبير
إسلام. لابس بدرى. أنت عيان
سيف. لا متاخدش عنى فكرة سيئة. بس النهاردة عندى كذا اجتماع فقولت أجهز بدرى
إسلام. يارب اشوف النشاط دا كل يوم. يلا كل واحد على شغلة. وأنا هطلع على المستشفى الأول ونتقابل في الشركة
ريم. ماشى. يبقى متفقين هناكل مع بابى
سيف. انا عايز سمك
ريم. حاضر.

منزل الديب...
لقد توفى منير منذ تسع سنوات ليترك خلفة عائلة كبيرة حيث أنجب الياس أسر ثم حبيبة ثم رويدا، وانجب عبيدة أيضا زين ومازن، وسما ابنة سراج التي اعتنت بها كل العائلة
صراخها صم الأذان ويدها تؤلمها بشدة بسبب محاولتها في كسر ذلك الصندوق الزجاجى كى تخرج والدتها التي تبكى وهي تحاول الخروج لتظل تصرخ وتصرخ.

أما بالغرفة المجاورة يستيقظ أسر على صوت صراخها المعتاد بسبب ذلك الكابوس الذي يراودها دائما ليهرول سريعا لغرفتها ليجد كل من بالمنزل يتبعوة ويدلفون خلفة. ليدلف للداخل ويجدها تحتضن نفسها وتبكى وتصرخ قائلة...
سما. ماااااامى.
ليحتضنها أسر سريعا وهو يحاول أن يوقظها قائلا...
أسر. سما. سما. قومى يا حبيبتى. سما
لتفتح عينيها بفزع وهي تتمسك بة لتقول سناء.
سناء. اسم الله عليكى يا ضنايا
سما. هو في اى.

أسر. مفيش يا روحى. دا كابوس
لتنتبة سما انها باحضان أسر وهو عارى الصدر لتنتفض واقفة وهي تقول بتوتر.
سما. ا اية دا. ألبس هدومك
حبيبة. مالك ياسما خايفة كده ليه. دا جوزك، هو انتى محضرتيش كتب الكتاب
مازن. في اى يا سما. مالك؟
سما بتوتر. لا م مقصدش. بس الدنيا برد. وهو ماشى كده
أريج. ربنا يخليكولبعض ياولاد
الياس. طيب يلا أنزلو تحت وانتى ياسما غيرى هدومك وتعالى نفطر. وانت استر نفسك وحصلنا.

لينهى الياس حديثة ويخرج من الغرفة ليتبعة الجميع للخارج ليتبقى أسر وسما فقط بالغرفة ليقول أسر.
أسر. مالك يا روحى
سما بتوتر. م مفيش. انا هغير ونازلة
ليقترب منها ويمسك بيدها ويقبلها قائلا.
أسر. خوفك دا بيقهرنى
سما. مش خايفة. انا بس اتخضيت
أسر، سما انا جوزك. انا مستحيل اعمل حاجة تضايقك ولا حاجة تزعلك
سما بتوتر. ا انا قولتلك بلاها الجوازة دى. انا منفعكش. ذنبك اى. ليه تتورط في واحدة معقدة زيى.

أسر. انا مبسوط. وحابك بكل عقدك. وهصبر
سما. بقالك سنتين صابر من ساعة كتب الكتاب وانت صابر...
أسر بحب. ولحد آخر العمر هفضل صابر. انتى حب حياتى. انا بحبك اوووى يا سما وهصبر لحد حبى ما يقضى على خوفك دا. وتيجى لحد عندى وتقوليلى انا بحبك وبموت فيك.
سما بتوتر. اى اى أية اللى انت بتقولة دا
أسر بنفاذ صبر. أسألك سؤال؟
سما. اسأل!
أسر. هو مش ابوكى يبقى عمى
سما. اه. اى السؤال دا.

أسر. الله يخربيت ابوكى مطرح ما هو قاعد. عشان هو السبب في المعاناة اللى انا فيها.
سما بضحك، هههههههههههه طب يلا روح ألبس
أسر. ماشى. متتاخريش على الفطار
سما. حاضر.

فى مشفى الديب بألمانيا...
ينهى إسلام مرورة الصباحى على المرضى ويتابع سير العمل ليتوقف فجأة حين استمع لصوت انثوى يصيح باسمة ليلتفت لها قائلا.
إسلام. أهلا سارة
سارة. بحثت عنك ليله أمس وعلمت انك رحلت مبكرا
إسلام، ماذا تريدين؟
سارة. لا شئ فقط أردت الاطمئنان عليك
إسلام بجدية. اطمئنى انا بخير. عذرا
لينهى حديثة ويتركها ويرحل هو يعلم انها تحبة ولكنة لا يبادلها نفس الشعور لذلك يعاملها بجدية شديدة...

(سارة سناث. طيبة جراحة ذات قوام ممشوق خمرية البشرة صاحبة الشعر الأسود والعيون السوداء الواسعة).

منزل الديب. غرفة الطعام.
يعلو صوت النقاش داخل الغرفة ويبدو أنهم على وشك الشجار سويا بسبب صوتهم المرتفع.
سما. قولت لاء
أسر. انا معاكى. خايفة ليه. بطلى الضعف دا
سما بتوتر. انا م مش عاوزة. انا هبوظ الدنيا. انا منفعش و...
أسر مقاطعا. انا عايزك تبوظى الدنيا، المهم تخرجى تشوفى ناس. تتعاملى وتحتكى بالناس. الوحدة اللى انتى فيها دى غلط
سما. وحدة اى. انتو معايا.

أسر. معاكى فين. انا طول النهار في الشغل وانتى يا في الجنينة اللى ورا، يا في أوضتك، يا في المطبخ
سما. لا انا بقعد مع البنات
حبيبة. بتقعدى معانا بس دايما ساكتة
سما. مش عايزة اضايق حد
رويدا. يا ستى ضايقينا ومالكيش دعوة
الياس. سما هما معاهم حق
عبيدة. انزلى الشركة مع البنات وفكى عن نفسك
سما بخوف. لا لالالا انا هبوظ كل حاجة. اسفة مقدرش
لينظر لها أسر كثيرا بصمت ثم يجمع متعلقاتة الشخصية ويرحل في صمت لتقول مها.

مها. انتى لحد امتى هتفضلى كده. أمك كانت بتحب الضحك واللمة والهزار
سما بحزن. عشان كده ماتت بقهرتها.

فى أحد الأماكن الهادئة المليئة بالأشجار الطويلة والورود الطبيعية، نجد ذلك الكوخ المكون من طابقين ونجد سراج الديب يجلس وحيدا. منعزلا عن العالم. لايريد رؤية أحد، لتصبح العزلة صديقتة ورفيقة دربة. يجلس الآن امام صوره زوجتة التي رحلت وتركتة وحيدا ودموعة تشق مجراها لوجنتية لينتبة لصوت أحد السيارات بالخارج ليتنهد بقوة لأنه يعلم أنه ابنة الاكبر اسلام، فهو لا يتركه وحيدا ابدا وهذا الشئ يزعجة ليقطع لحظات صمتة ذلك الشاب الوسيم الذي دلف توا باستخدام مفتاحة الخاص قائلا.

إسلام. ازيك يا بابا
سراج بتنهيدة. كويس. جاى ليه
إسلام. ابدا يا سيدى ريم عازمانا على أكلة سمك عايزنى ازعلها. فقولتلها هاتى الأكل وتعالى على الكوخ عند بابا وهناكل كلنا سوا، بس واضح انى جيت اول واحد
سراج. مش عايز أكل
إسلام. مش بكيفك. انا مش هفرح لو جرالك حاجة. أخدت الدوا؟
سراج. بطل تمارس مهنتك عليا
إسلام. هههههههههه. طب ارجع للساحة بقى لانى هلكت من المستشفى للمجموعة للمصانع انا اتنفخت ياسراج باشا.

سراج بحزن. تفتكر ربنا عاقبنى بيها عشان ظلمت سما
لينظر إسلام لصورة والدتة بحزن قائلا.
إسلام. متقولش كدا. وبعدين طنط سما قالت انها سامحتك
سراج. وأنا مش مسامح نفسى. انا افتريت على سما وربنا اخدها منى هي وبنتى وبعدين خلص حقهم منى في كيارا
إسلام. بابا كده ا...
ليقطع حديثة بسبب وصول سيارات ريم وسيف ليدلف ذلك المرح قائلا.
سيف، وانا اللى قولت ريم هتطبخ وتظبتنا.

ريم. لا انا قولت عازماكم، بس مقولتش هطبخ انا اللى حاسبت على الأكل وبكدا أكون انا اللى عازماكم
سيف. طب اتنيلى على خيبتك وحضرى الاكل، بابا راجع كده الملفات دى قبل ما نبعتها للشركة السويدية
لينهى حديثة وهو يضع الحاسوب النقال امامة على الطاولة لتقترب ريم بمرح قائلة.
ريم. بابى سيبك من الشغل وورينا عيلتك. حضرتك هتفضل مخبيهم كتير
سراج ببسمة. انا اللى مستخبى مش هما
ريم. طب ورينا انا نفسى اشوفهم.

سراج. وعايزة تشوفى مين منهم
ريم بسعادة. كلهم
سراج. طيب
ليبدأ في الضغط على بعض الحروف باحثا عن صور لعائلتة عبر أحد مواقع التواصل الاجتماعى لتظهر لها أحدا الصور ليبتسم قائلا.
سراج. بصى دا الياس اخويا الكبير. ودى اسيل أختى الصغيرة. أما الصورة دى امى ومرات عمى وعبيدة ابن عمى وسما الله يرحمها وانا وجدى واريج بنت عمى، بس هي دى عيلتى
لتشير ريم لاحداى الصور قائلة.
ريم. امال مين دول!
سراج بحيرة، معرفش.

لينظر إسلام للحاسوب قائلا.
تسلا. ورينى كده وانا هقولك هما مين
ليمسك الحاسوب ويعبث ببعض ازرارة لتظهر صورة مكبرة ليقول.

إسلام. بصو الصورة دى. مكتوب عليها. احتفال عائلة الديب بعيد زواج الياس الديب برفقة ابنائة أسر وحبيبة وريدا الديب وقد حضر الحفل نخبة من رجال الأعمال لتهنئة الياس الديب وزوجتة. ليقام حفل أكثر من رائع وكالعادة اشتعلت الأجواء وعلى صوت الضحكات والمزاح بسبب ذلك الثنائى المثير للمتاعب وهم حبيبة الياس الديب ومازن عبيدة الديب ليشاركهم رجل الأعمال الشهير حربى الزينى لتكتمل الفرحة والسعادة وكالعادة يختتم الحفل بواسطة اغنية رائعة من تلك الفاتنة المدعوة بسما الديب ليكون الح...

سراج مقاطعا. أنت قولت اى
إسلام بعدم انتباة. اى قولت اى
سراج. أنت قولت سما الديب
إسلام. أةمكتوب كده و، اى دا ازاى؟
سراج. اعملى سيرش عن سما الديب
لينصاع إسلام لرغبة والدة لتظهر بعض الصور لسما الراحلة يتبعها بعض الصور لسما سراج الديب ليظل إسلام يبحث عن هوية تلك الفتاة حتى ظهرت احداى الصور وأسر يحتضن سما ومكتوب أسفلها...
أسر الياس الديب وسما سراج الديب عشق سيخلدة التاريخ...

ليظل سراج ينظر للحاسوب قليلا والصمت يعم المكان حتى صرخت ريم قائلة.
ريم. بااااااااابى.

منزل الديب مساء...
فى غرفة مازن.
تدلف حبيبة ببطء شديد وتلتفت يمينا ويسارا وكأنها لص خائف من أن يراة أحد لتسير بخطوات حذرة باتجاة ذلك الناعس وتخرج شيئا صغيرا من جيبها وتضعة على وجة مازن بهدوء شديد ثم تصرخ عاليا قائله...
حبيبة. اعااااااااا عنكبوت. عنكبوت يا مازن
لينتفض مازن من نومتة وهو يصرخ عاليا بسبب انة لديه فوبيا من تلك العناكب قائلا.
مازن. لاااااااا بلاش هزارك دا. لااااااا.

حبيبة. ههههههههههه عشان تبقى تخضنى تانى
مازن بغضب. طب وربنا ماانا سايبك
لتهرول حبيبة للاسفل وهي تصرخ قائلة.
حبيبة. يا اونكل عبيدة. يا عمتووووو الحقووونى.

أما بالأسفل...
يدلف للداخل بعد إرهاق يوم طويل ليجد الجميع يجلسون بغرفة الجلوس ليلقى بمتعلقاتة الشخصية على الطاولة وينحنى ويقبل يد والدتة قائلا...
أسر، ازيك يا حبيبتى
أريج ببسمة. الحمد لله ياحبيبى، مالك شكلك تعبان
أسر. جدا والله يا امى. امال سما فين؟
أريج. الدنيا بتشتى المفروض تبقى عارف لوحدك
أسر. اه فاتتنى دى. انا في الجنينة اللى ورا ولما بابا يرجع ابعتيلى حد يقولى
أريج. ماشى يا حبيبى.

لينهى حديثة وهو ينهض مرة اخرى متجها للخارج ليصتدم بتلك المشاكسة ليصدر أنين دليلا على ألمة قائلا.
أسر. بصى قدامك يا زفتة
حبيبة. سورى يا اسورة
أسر. بت بطلى الاسم دا. بتجرى من مين يا مصيبة
حبيبة. بينى وبينك بجرى من مازن لو مسكنى هيعلقنى
أسر. اللهى يعلقك وأخلص منك
حبيبة، الله يسامحك. انا مش هرد عليك غير لما بابا يجى
الياس مقاطعا. لا وانتى شبح وهتردى.

حبيبة. قلبك ابيض يا حاج بدل ما تحوش عنى ولا عشان انا مكسورة الجناح يعنى كلكم تبهدلونى كده و...
لتصرخ عاليا حين رأت مازن يهبط الدرج لتهرول تاركة المكان ويتبعها مازن قائلا...
مازن، والله ماهسيبك. تعالى هنا يا جزمة
ليضحك الياس على طفلتة التي دائما تفتعل المشاكل ليقول لأسر.
الياس. أنت رايح فين كده
أسر. سما في الجنينة اللى ورا. رايح اجبها بدل ما تبرد
الياس. ماشى يا حبيبى.

ليكمل أسر طريقة متجها للخارج لتلامس زخات المطر ملابسة وبشرتة حتى وصل إليها ووجدها تجلس على ذلك المقعد الخشبى الذي يتوسط الحديقة ليجلس بجوارها قائلا...
أسر. كده هتبردى
سما. لا متقلقش
أسر. ممكن اعرف مقموصة ليه
سما. مش مقموصة ومالكش دعوة بيا
أسر. على فكرة انتى اللى غلطانة
سما بحدة. كمان انا اللى غلطانة
أسر. صوتك عالى يا روحى. وكدة عيب.

سما. انا مش صغيرة. وبطل تقولى عيب. انا مش طفلة. وأنا حرة مش عايزة اشتغل ومش عايزة اتعامل مع حد. انا كده مرتاحة. انا مش...
أسر مقاطعا. بحبك
سما. بطل توترنى
أسر. بعشقك
سما. يوووة اسكت
ليحتضنها قائلا.
أسر. بحبك وبعشقك ودايب في هواكى يا بنت عمى.

الفصل التالي
جميع الفصول
روايات الكاتب
روايات مشابهة