رواية لعنتي وعذابي الجزء الأول للكاتبة منى الأسيوطي الفصل السادس
فى صباح اليوم التالى.
تطرق على باب الغرفة برفق وتدلف بخطوات بطيئة وتقترب من فراشها لتقول بهمس...
حورية. أريج. أريج. أريج
لتتململ في نومتها وتلتفت للجهة الأخرى قائلة بنعاس
أريج. اطلع برة يا إلياس
لتبتسم حورية قائلة. إلياس اى بس. حتى ف نومك بتتخيلية. امال بتكابرى ليه بس، يا ارييييييج
لتقول كلمتها الأخيرة بصراخ لتنتفض اريج على اثر الصوت قائلة.
أريج. اى في اى
حورية. بصحيكى من بدرى قومى بقى.
أريج. وطى صوتك يا حورية، انا بتعصب من الصوت العالى
حورية. طب خلاص متزعليش. يلا الفطار جاهز تحت
أريج. طيب
حورية. خدى غيرى هدومك
لتنهى حديثها وهي تعطيها جلباب منزلى محتشم ذو أكمام طويلة. لتنظر أريج له بصدمة قائلة.
أريج. انتى بتتكلمى جد. انا مستحيل ألبس البتاع دا
حورية. والله نضيفة متخافيش
أريج. انتى فاهمة غلط. انا هموت من الحر وانتى عايزانى ألبس عباية. انا عايزة بيجامة
حورية، بس مينفعش تلبسى قصير هنا.
أريج. انتى عرفتى منين بلبس قصير
حورية. من صورك ياختى على النت
أريج. اممممم انتى متابعة بقى
حورية. مش من كتير. يلا قومى عشان الفطار
أريج. طيب هاتيلى بيجامة وتكون محترمة حلو كده. وبعد الضهر هننزل نشترى هدوم عشان انا جاية من غير اى حاجة
حورية. طيب قومى وانا هستأذن من سى حربى الأول
أريج. ماشى
لتنهى حديثها وهي تدلف للمرحاض لكى تغتسل.
منزل الديب...
غرفة عبيدة...
يتكأ على الفراش وهو يعبث بخصلاتها وينظر لها وهي تغط بثبات عميق لتتململ بضيق تهمس قائلة.
اسيل. بس يا عبيدة
عبيدة. لاء مش هبس. قومى بقى بقالك كتير نايمة
اسيل. هنام شوية بس
عبيدة. لاء يلا قومى. عينك وحشتنى
اسيل. وانت حضنك وحشنى
ليطوق خصرها بذراعية ويقربها من احضانة ليهمس قائلا.
عبيدة. انتى كلك وحشانى اصحى بقى عشان هنخرج نشم هوا وكمان في مفاجأة.
لتفتح عينيها ببطئ ليخفق قلبة بشدة عندما رأى جمالها وذلك البريق اللامع بهما ليقول...
عبيدة. بموت فيكى وفي لون عنيكى
اسيل. وأنا بعشقك يا روحى. صباح الخير
عبيدة. صباح الحب والجمال على عيونك
اسيل. اى الحب دا كلة. قولى بقى اى هي المفاجأة
عبيدة. بعشق فضولك بس مش هقولك يلا قومى اجهزى عشان نلحق اليوم من اولة
اسيل. حاضر يا حبيبى
صلوا على الحبيب محمد...
أما في الأسفل. يجلس سراج ومنير في غرفة المكتب يتحدثون في شئون العمل ليقطع حديثهم دلوف سما وهي حزينة قائلة.
سما. جدو
منير. مالك يا قلب جدو
سما. ماما مش راضية تخليني انزل مع اصحابى
منير. ليه
سما. مش عارفة. هي بتتحكم على كل حاجة ومش بيعجبها اى حاجة بعملها
منير. خلاص متزعليش تعالى وانا هقولها
ليمسك يدها ويتجة للخارج ويتبعة سراج للخارج ليقابل مها قائلا.
منير. في اى يا مها ما تسيبى البنت تخرج براحتها.
مها. معلش يا عمى انا قولتها كلمة ومفيش خروج يعنى مفيش خروج
منير. بلاش تتحكمى في كل حاجة
مها. دا مش تحكم. أنت عارف هي عايزة تخرج مع مين
سراج. مع مين
مها، مع...
لتقاطعها سما سريعا قائلة. خلاص يا ماما مش عايزة أخرج
مها. خوفتى ليه. ماتسيبينى اقول
ليلتفت سراج لسما قائلا. عايزة تخرجى مع مين
سما. خلاص مش عاوزة
سراج. لما اكلمك تردى عليا
سما. مالكش فيه انا حرة أخرج ما اخرجش انا حرة.
سراج بصوت مرتفع وعالي. أقسم بالله ما هخلى دكتور فيكى يا مصر يعرف يجبس فيكى عضمة انطقى
ليهبط عبيدة برفقة اسيل قائلا.
عبيدة، في اى
اسيل. مالك يا سراج
سراج. انطقى بقولك
فى ايه
ليلتفتو جميعا على اثر الصوت ليجدو إلياس يدلف للداخل لتقول اسيل. ايسوو وحشتنى كنت فين واريج فين
إلياس. أريج عند أختها أسبوعين وراجعة
اسيل بعتاب. كده يا ايسو. انا كان نفسى اتعرف عليها
منير بحزن. حلوة.
إلياس. نسخة من اريج الفرق أن حورية محجبة
عبيدة. كنت متاكد انك مش هتكسر خاطرها
إلياس. ماما فين
مها. في النادى
إلياس. في اى بقى. مالك يا سراج
ولكن الإجابة لم تكن عبارة عن كلمات وإنماكانت غضب شديد بركان راقد وانفجر توا ليركل الطاولة التي تتوسط بهو المنزل ويذهب صوبها لتتراجع للخلف بخوف ليذهب عبيدة سريعا ويقف امامة قائلا. في اى يا سراج
إلياس بحدة، سراااااج فوء لنفسك.
ليتجمد سراج بمكانة لدقائق معدودة قبل ان يتجة للخارج بخطى واسعة
عبيدة. سما أخفى من قدامى احسنلك لتهرول سما سريعا للاعلى لتتبعها اسيل ليقول منير...
الواد دا مالة
عبيدة. مش عارف
إلياس. الحمار دا بيحبها
ليدلف سراج مرة أخرى قائلا. الحمار عايز يتجوزها.
كل عام وانتم بخير...
منزل الزينى مساء...
تجلس الفتايات بعد يوم شاق من التسوق يشاهدون احداى الافلام الكوميدية وقد اعدت رشا بعض من الفشار والتسالى ليقطع تلك الوصلة دلوف حربى وشبل وسلام سويا ليقول حربى.
حربى. مساء الخير
الجميع. مساء النور
رشا. احضرلكم الوكل
شبل. ياريت
حربى. بس بسرعة انا جعان
سلام. امال فين وفاء
رشا. طلعت تريح شوية. ثوانى و هحضرلكم الوكل
حورية. استنى يا خيتى هاجى معاكى
أريج. طب وانا هعمل اى.
حورية. كملى الفيلم على ما نعاود
أريج. طب ماشى بس بسرعة
حورية. حاضر
لتخرج الفتاتان ليقول حربى.
حربى. اخبارك اى يا أريج
أريج، الحمد لله يا جوز أختى
حربى. انا مبسوط اوووى انك قاعدة معانا اليومين دول
أريج. ربنا يخليك يا جوز أختى. أنجز عاوز تقول اى
حربى. هو انا باين عليا اووى كده
أريج. جدا الصراحة
لينهض سلام قائلا. انا طالع أغير هدومى ونازل
شبل. خدنى معاك يا خوى
أريج. خير قول
حربى. هي حورية اتكلمت معاكى في حاجة.
أريج. حاجة زى اى مش فاهمة
حربى. من الآخر انا عايزك تساعديني انى اصالحها
أريج. بس انا مش شايفاكم متخانقين
حربى. لاه ما هو مش خناق انا عملت حاجة زعلتها وعايز اصالحها. هاا هتساعدينى ولا لاه
أريج ببسمة. هساعدك بس بشرط
حربى. اؤمرى
أريج. أنت عندك خيل
حربى. ايوا. ليه
أريج. انا زهقانة وعايزة أركب خيل
حربى. انتى بتعرفى تركبى خيل
أريج. انا بعرف اعمل كل حاجة إلياس معلمنى كل حاجة حتى ضرب النار.
حربى بتوتر. ممكن اقولك حاجة
أريج. اكيد اتفضل
حربى. مش هسالك هو مزعلك في اى بس انتى بتحبية واللى بيحب بيسامح. الحب حلو استغلى الوقت انك تكونى جنبة. الدنيا مش مستهلة البعد والجفا وانتى طيبة وتتحبى وتستاهلى انك تتحبى
ينهار اسود. أنت بتهبب اى
ليلتفتو على أثر الصوت ليجدو وفاء تقف على باب الغرفة وتنظر لهم بغضب ليقول حربى.
حربى. في اى يا مرت اخوى سودتى النهار ليه.
لتقول وفاء بصوت مرتفع ليجتمع كل من بالمنزل على أثر صوتها.
وفاء. اهنه يا ولد الناس. في البيت. اى البجاحة دى. بتخون مرتك مع أختها واهنه. وانتى يا هانم جاية تخربى بيوتنا وتخطفى رجالتنا
أريج بصدمة. انتى بتقولى اى يا مجنونة انتى
سلام بغضب. وفاااااء اتلمى وعدى يومك
عثمان. انتى اتجنتى يا مرت ولدى. اقفلى خاشمك دا
حورية. خيانة اى. دى أختى.
وفاء بمكر، أختك. أختك اى. دى جاية تخطف جوزك. جوزك كان قاعد يتغزل فيها ويحب فيها وانتى زى العبيطة نايمة على ودانك
حورية بغضب. اخرسى قطع لسانك يوم ما تتكلمى عن أختى انتى مخابراش انتى بتتحددى مع مين.
أريج. استنى ياحورية. هعرفها انا. انا اريج الديب بنت وليد الديب. حفيدة منير الديب جوزى إلياس الديب انا بنت الاكابر انا بنت الأصول والحسب والنسب. انتى فاكرة انك لما تتكلمى عليا وحش حد هيصدقك. من الآخر يا بنت فوزية الدلالة انا عارفة تاريخك الأسود كلة واوعى تفتكرى انى سهلة انا ألعن حاجة ممكن تقابليها خافى منى لانى مجنونة بقى انا اخون أختى مع جوزها انا قلبى دا مربوط بحب الياس انا موشومة على اسمة انا اشرف من واحدة زيك فاهمة. أقسم بالله لو فكرتى تكرريها ما هخلى الدبان الازرق يعرفلك طريق جرة انا هسكت عشان خاطر سلام وعمى عثمان انما غير كده انا كنت فرغت مسدسى كلة في راسك فاهمة يا بنت الدباغ.
ليتفاجأ الجميع من رد فعل اريج فكيف لتلك البريئة أن تكون بتلك القوة كيف علمت كل ذلك عن وفاء حسنا لا يجب التهاون مع تلك الحسناء المتعجرفة لتضرب وفاء الأرض بقدميها وتذهب صاعدة للأعلى ليلتفت اريج لعثمان وسلام قائلة.
أريج. انا آسفة
سلام. انا اللى آسف
عثمان. خلاص حصل خير.
فى احداى الأماكن العامة نجد عبيدة واسيل يجلسون سويا لتقول اسيل.
اسيل. حلو اوووى المكان دا
عبيدة. عارفك بتحبى الطبيعة فقولت نيجى سوا نتفرج على الغروب
اسيل. دى احلى مفاجأة ربنا يخليك ليا
عبيدة. بس دى مش المفاجأة
اسيل. اى دا طب اى هي المفاجأة
عبيدة. هتعرفى بس مش دلوقت. دلوقتى ركزى في المنظر الجميل دا
اسيل. انا بحبك اووى
ليقبل باطن كفها قائلا. وأنا بموت فيكى.
منزل الديب...
شجار في الداخل بين سراج وسما ويقف الكل يتابع ما يحدث وكأنة فيلم او احداى البرامج المسلية...
سما. انا حرة
سراج. عليا النعمة هطبق وشك
سما. متقدرش ومالكش دعوة بيا
سراج. اتلمى يا بت انتى. انا قولتها كلمة وخلص الحوار دا
سما. خلصت روحك يا بعيد بقى انا سما الديب اتجوزك انت
سراج. هقطعلك لسانك الزفر دا ما تتلمى يابت انتى
سما. بنت في عينك. أبية إلياس لم البتاع دا بقى.
سراج. بتاع. انا بتاع دا انتى وقعتك سودة. يا طنط سكتى البت دى هضربها
سما. أعلى ما في خيلك اركبو انت فاكرنى هخاف منك
إلياس بغضب. اسكتوووووو
سراج. ما انت سامعها وهى...
إلياس. قولت اسكت
سما. احسن والله...
إلياس. اخرسى يا زفتة انتى كمان. جاتكم القرف وجعتولى دماغى. نهاية الحوار دا. الفرح بعد أسبوعين سما. بس انا مش.
إلياس مقاطعا. خلصنا يا سما بقى. يلا فضو الحوار دا خنقتونى.
منزل الزينى مساء...
قد قاربت الساعة الساعة على الثانية صباحا ومازال الجميع مستيقظ لنجد حورية وهي تتجة للخارج وهي تحمل صينية عليها عدة أكواب من العصائر لتتبعها رشا وهي تحمل صينية عليها بعض من أطباق التسالي ليذهبو صوب الحديقة حيث يجلس الجميع وصوت ضحكاتهم يغرد بالمكان. نجدهم يجلسون يتسامرون وهم يشاهدون اريج وحربى وشبل وهم يمتطون الخيل ويمرحون داخل ذلك الحاجز المخصص لتدريب الخيل...
عند حورية.
سلام. ابدا والله يا ابوى. دا وفاء بتحبكم. مش اكدة يا وفاء
وفاء بضيق. طبعا يا بوى
حورية ببسمة، خلاص عاد يا ابوى قفلو على السيرة دى مشكلة وعدت خلاص
عثمان. ربنا يبارك فيكى يا بتى. أنت بنت أصول والله
رشا. وااه يا بوى طب وانا
عثمان. انتى بتى يا رشا ربنا يخليكم ليا
وفاء بمكر. هما كل دا بيلعبو بالخيل بقالهم كتير قوى
رشا. عادى يا وفاء انتى عارفة ان شبل وحربى بيحبو الخيل ومصدقو لقو حد ينافسهم.
سلام. بس أريج طلعت محترفة شايفينها راكبة الفرس كيف
حورية. ما هي قالت انها بتعرف تعمل كل حاجة
وفاء. هي بتدلع اكدة ليه. هي مش عارفة انهم متجوزين
عثمان بحدة. تانى يا وفاااااء
وفاء بخبث. انا خايفة على رجالة الدار يا ابوى. هي تقاليدها غير تقاليدنا. انتو مش شايفين هي بتهزر مع الرجالة كيف. ولبسها مايع وطريقتها مايعة. البت دى مينفعش تقعد معانا.
عثمان. شايفة باب الدار يا وفاء
وفاء. ايوا يا ابوى.
عثمان. لو مش عاجبك عيشتنا و ضيوفنا ياريت تورينى عرض اكتافك والباب يفوت جمل. مش انتى اللى تحددى مين يقعد ومين يمشى. انا عايش ماموتش عشان انتى اللى تقررى مين يدخل بيتى. البيت دا بيت عثمان الزينى وعثمان الزينى بس هو اللى يقرر مين يدخل ومين يخرج فاهمة
سلام. حقك عليا يا بوى متزعلش
عثمان. لم مرتك يا سلام وانا مزعلش
سلام. أمرك يا بوى
لينهى حديثة وهو يقبض على ساعدها ويسحبها خلفة متجها بها للداخل.
عثمان. قومى يا حورية يابنتى ناديلهم يشربو العصير
حورية. حاضر يا بوى
عند اريج...
أريج. خلاص فهمت هتعمل اى
حربى. اه فهمت طب وبعد كده
أريج. مالكش دعوة انا هرتب كل حاجة
شبل. طب وانا
أريج. خلاص يبقى انتو الاتنين تاخدوهم وتخرجو وسيبو الباقى عليا. انا هظبتكم
شبل. والله من غيرك كنا ضيعنا. انا بقالى كتير مفرحتش رشا
أريج. عدو الجمايل بقى
حربى. هنعد ما تقلقيش بس يارب أختك تحن وترضى
أريج. عيب عليك متقلقش.
حربى. متجوز واحدة دماغها جزمة
مين دى اللى جزمة
ليلتفتو على أثر الصوت ليجدو حورية تنظر لهم بغضب
أريج. بيتكلم عليكى
حربى. وااااه، انتى بتسلمينى تسليم أهالى
أريج. طبعا مش أختى
حورية. طب يلا تعالو اشربو العصير وريحو شوية اديلكم اكتر من ساعة راكبين الخيل
أريج. انا جعانة
حورية. من عينى يا خيتى حاضر تعالى يلا
أريج. قلبى ربنا يخليكى ليا.
لتنهى حديثها وهي تهبط من على الخيل بأحترافية لتذهب برفقة شقيقتها لينظر شبل لحربى قائلا.
شبل. انا مش مرتاح لأخت مراتك دى
حربى بقلق. ولا انا.
منزل الديب. غرفة المكتب.
يجلس إلياس وسراج يتحدثون ليقول إلياس.
إلياس. أنت حمار يلا، حد يعامل بنت كده. ومستغرب انها مش طايقاك.
سراج. عليا النعمة هعجنها وهتجوزها ورجليها فوق رقبتها
إلياس. أنت يازفت انا تعبت منك. افهم يا حلوف انت انا بتكلم في اى. خليك حنين. خليك رقيق شوية. خليها تحبك مش تهرب منك
سراج، ودا ازاى أن شاء الله
إلياس. هقولك ويارب تفهم.
ليمرء الليل بسلام حتى الآن وتشرق الشمس لتعلن عن يوم جديد.
منزل الزينى صباحا. غرفة شبل.
رشا. كيف ياشبل نخرج واهمل نور
ليطوق خصرها بيدية ويدفن وجهة بين ثنايا عنقها قائلا. سيبها للشغالة وابوى هنا ووفاء واريج. يلا عاد
رشا بتردد، بس
شبل. من غير بس. يلا
رشا. حاضر.
غرفة حربى.
حربى. همى عاد
حورية. حاضر اهو. طب احنا رايحين فين من بدرى اكدة
حربى. عايز أخرج اتفسح واشم هوا فيها اى دى
حورية. مفيهاش خلاص هلبس اهو.
أما في الأسفل يجتمع عثمان وسلام ووفاء على طاولة الطعام من أجل تناول طعام الفطور ليقول عثمان للخادمة.
عثمان. امال الباقين فين
الخادمة. سيدى شبل وسيدى حربى خارجين مع ستى رشا وستى حورية وقالولى معملش حسابهم في الفطار
عثمان. طب وستك اريج
الخامة. ستى اريج خرجت من بدرى مع الغفير راضى وقالت انها رايحة تجيب حاجات وراجعة
عثمان. طيب روحى انتى
الخادمة. حاضر
سلام. دى راحت فين لحالها دى.
وفاء. وانت مهتم ليه. اهتم بيا انا كيف أخواتك ما بيعملو مع نسوانهم
سلام بضيق. عايزة اى على الصبح
وفاء. عايزة أخرج انا وانت
سلام. مش فاضى ورايا شغل
وفاء. وانت امتى كنت فاضى
سلام بحدة. تقصدى اى
وفاء بحزن. مقصدش.