رواية لعنتي وعذابي الجزء الأول للكاتبة منى الأسيوطي الفصل السابع
فى أحد المطاعم...
يجلس شبل برفقة رشا والنادل يضع أمامهم طعام الفطور ليقول شبل بعد رحيل النادل.
شبل. يلا يا قلبى كلى بالهنا
رشا باندهاش، الله يهنيك. بس مالك
شبل. مالى كيف يعنى
رشا. يعنى فطور برة وقلبى هو انت كويس
شبل. اى الغريب في اكدة
رشا. الغريب أن دى اول مرة تعمل معايا اكدة
شبل. آسف
رشا. على اى
شبل. على بعدى عنك. انا عارف انك ليكى حق عليا بس غصب عنى الشغل واخد وقتى.
رشا ببسمة. وأنا مش زعلانة. وجودك جنبى مكفينى. صباح الخير منك بتراضينى. نومتك جارى عندى بالدنيا وما فيها كفاية علية بسمة رضا منك ربنا يخليك ليا وما يحرمنى منك ابدا
شبل. انتى جميلة اووى. ربنا يديمك نعمة في حياتى ويخليكى ليا انتى ونور
رشا ببسمة. مش هناكل عاد
شبل. هناكل يا أغلى حاجة في حياتى.
فى أحد المولات التجارية. داخل احداى المطاعم.
يجلس حربى برفقة حورية يتحدثون وهم يتناولون طعام الافطارلتقول حورية...
حورية. أسألك سؤال
حربى. اتفضلى
حورية. حبيت قبل كده
حربى. كتير
حورية بصدمة. كتير
حربى. بصى مش هخبى عليكى. بس انا كنت اعرف بنات ياما ودماغك ماتروحش لحاجة غلط انا علاقاتى معدتش الحدود
حورية. يعنى اى
حربى. يعنى أخرى كان الفون وكام خروجه اكتر من كده مفيش، بس.
حورية. بس اى.
حربى. كل اللى فات كان لعب عيال. إنما دلوقت حياتى وتفكيرى اتغيرو
حورية. كيف يعنى
حربى. لانى اول مرة أجرى ورا واحدة. ديما هما اللى بيجرو ورايا. المرة دى. انا هعمل المستحيل عشان تحبينى
حورية. هتتعب وفي الآخر هتمل منى
حربى. انا متأكد انى عمرى ما همل
حورية. إشمعنى
حربى. لأنك حنينة. هتعرفى تحتوينى. هتعرفى تحافظي على حياتنا.
حورية. بس أن...
حربى مقاطعا. بحبك.
لتصمت حورية وتنظر له بصدمة واضحة على ملامحها ليظل يتاملها حتى قال...
حربى. حورية. انتى كويسة
حورية...
حربى، حورية. حورية
حورية بتوتر. انا عاوزة اروح
حربى. لااااا تروحي اى. لسة بدرى
حورية. هعيط وربنا
حربى بقلق. ليه. في حاجة بتوجعك
حورية، متقولش كده تانى
حربى. متقولش اى
حورية. الكلمة دى. متقولهاش تانى
حربى. انتى مش بتحبينى
حورية. ا ا انا، ا.
حربى، مش عايز اعرف دلوقتى، بس صدقينى. انا بحبك. ومن النهاردة هتشوفنى حربى تانى. الأيام هتثبتلك انى بموت فيكى
حورية، انا خايفة
حربى. ليه
حورية. الدنيا لما بتدينا حاجة حلوة لازم تاخد حاجة قصادها
حربى. اوعى تخافى طول ما انا جنبك
حورية. اطلب منك طلب
حربى. انتى تؤمرى مش تطلبى
حورية. إياك تكسر قلبى. مش هستحمل وكل حاجة هتضيع قبل ما تتبدى
حربى. انا عايزك تثقى فيا وكل حاجة هتكون تمام.
منزل الديب صباحا، غرفة إلياس...
مازال ينام على الفراش رغم أنه مستيقظ منذ أكثر من ساعة. يتذكر كل شئ يجمعة بها. حقا لقد اشتاق لها كثيرا. لقد مرء يومان فقط على غيابها ولا يستطيع التحمل لأكثر من ذلك. فبرغم سفرة الكثير بسبب العمل ولكنها لا تغيب عنة بسبب الكاميرات الموضوعة في منزل المزرعة فهى كانت معة. لا تتركة. لا تغيب عن عينية. ماذا يفعل لقد تركها برفقة شقيقتها لمدة أسبوعين. ماذا اسبوعين! حسنا لن يستطيع الصمود ليضرب بكل حديثة عرض الحائط وينهض سريعا ليطفئ نيران قلبة وعقلة...
أما بالأسفل. الوضع أصبح كوميديا بسبب ذلك الثنائى فإنهم يتشاجرون على أتفه الأسباب لتقف سناء ومها بالمنتصف من أجل فض ذلك النزاع لتقول سناء.
سناء. اتهد يا زفت بقى
سراج بغضب. اتهد اى انتى مش سامعة كلامها المستفز
سما. انا برضو اللى مستفزة ولا انت اللى زوقك زفت
مها. يابت اتلمى لو طالك هيعملك كفتة
سراج. اسمعى كلام امك وخافى منى
سما. انتى معايا ولا معاة. دا انا بنتك.
مها. ما انا عارفة يا آخرة صبرى انك زفتتى بس اتلمى وقصرى لسانك المبرد دا
سما. بطلى تدافعى عنة وربنا اخنقهولك
سراج بغضب. تختفى مين يابت انتى. اوعى يا ماما كده لتمسك سناء يدية وتوقفة قائله. لالا خلاص حقك عليا انا
سراج. سامعة طولة لسانها اوعى يا ماما
سما. هتعمل اى أن شاء الله. روح يا بابا ألعب بعيد
ليهبط إلياس من الأعلى قائلا. في اى تانى
سراج. عليا الطلاق لطلقها التلاتة
إلياس. مش لما تتجوزها الأول.
سما. اتفضلو غلطااان وعايز يطلقنى. بس يكون في علمك لو طلقنى الشقة من حقى
إلياس. قصدك الأوضة
سراج. هطلقك ومش هتشوفنى العيال تانى
إلياس بصدمة. عيااال. عيال اى
سما. شوفتو الجاحد المفترى عايز يحرمنى من عيالى بس مش هتقدر لانهم في حضانتى.
اليابس. حضانة اى. باااااااس اى الجنان دا. مش لما تتنيلو تتجوزو الأول ابقو اطلقو ودورو على العيال والشقة، ليكمل حديثة وهو يمسك سما من ملابسها قائلا. وبعدين شقة اى يا ام شقة انتى هتترزعى معانا هنا. اتلمو بقى هو أنتم صغيرين
سراج. هي اللى غلطانة
سما. هو اللى محبكها زيادة عن اللزوم
إلياس. هضربك بالنار وربنا. اخرسو بقى. اى المشكلة يا ماما
سناء. والله يابنى مااعرف
إلياس. امال انتو بتسلكو وخلاص.
مها. أمال نسيبهم يقطعو بعض
إلياس. في اى يا زفت
ليتقدم سراج باتجاة الطاولة الموضوعة في المكان يخطف تلك المجلة من عليها ويريها لالياس قائلا.
سراج. شايف فستان الفرح اللى عايزة تلبسة
إلياس بصدمة. هو دا فستان ولا قميص نوم
سما بضيق. حتى انت يا أبية
إلياس. سما. سراج معاة حق. الفستان دا عريان جدا
سما. دى آخر موضة.
سراج بغضب. موضة. اوعى ياالياس كده وربنا لاضربها إلياس. بس يا حيوان انت، خلاص انا هتنيل اجيب الفستان وبس بقى انا مش فاضى
سناء. أنت رايح فين بدرى كده
إلياس. رايح اجيب أريج. كفاية كده
مها. أنت قولت يومين ولا أسبوعين
إلياس. انا عايزها كفاية كده شافت اختها وكلة تمام
مها. طيب بقولك متعرفش عبيدة فين. من ساعة ما خرج امبارح مع اسيل مرجعوش البيت
إلياس. نسيت اقولكم هما سافرو امبارح شرم وهيرجعو بعد 4ايام.
سناء. ربنا يعنيهم يارب وافرح بأولادهم قادر يا كريم
إلياس ببسمة. يارب. بعد اذنكم
حبيبى يا رسولى...
يجلس امام الشاطئ ويحتضنها من الخلف والهواء يداعب وجهها وخصلات شعرها البنية ليقول بحب...
عبيدة. مبسوطة
اسيل. اوووى ربنا يخليك ليا
عبيدة. ويخليكى ليا يا روحى. معلش بقى شهر العسل باظ بس شرم مش وحشه برضو
اسيل. اى حتة معاك جنة
عبيدة. يا سيدى على الرومانسية
اسيل. انا عايزة انزل المية.
عبيدة. حاضر بس استنى شوية ارتاح انتى من امبارح بتعومى متعبتيش
اسيل. أتعب من اى المية تحفة وبعدين هما أربع ايام عشان نلحق تجهيزات الفرح
عبيدة. إلياس بيشتكى من عمايلهم
اسيل. دا احنا هنضحك للصبح
عبيدة. طيب يلا نتغدى
اسيل. يلا.
منزل الزينى...
قد قاربت الساعة على السابعة مساء ليدلف حربى وحورية للداخل ليجدو الجميع بغرفة الجلوس.
حربى. السلام عليكم
الجميع. وعليكم السلام ورحمة الله وبركاته.
سلام. اى يا ابنى فينكم من الصبح.
حربى. كنا بنتفسح. هو شبل مجاش
ليقاطعهم دلوف شبل قائلا.
انا جيت اهو. السلام عليكم
الجميع. وعليكم السلام ورحمة الله وبركاتة
عثمان. يلا عشان نتعشى
حربى. لاه احنا واكلين برة
شبل. واحنا كمان
حربى. أريج.
أريج بلامبالاة. اممممممم
حربى. خلصتى
أريج. خلصت اى
حربى. مش قولتلك يا شبل مش مرتاحلها
أريج. اتحايلو عليا شوية
حربى. نعم
شبل. واااه
أريج. ههههههههههههه
حورية. هو في اى
رشا. تتحايلو على اى
حربى. بطلى هزار
أريج. والله انا كيوتة وقمر زى بعضه قولى لو سمحتى يا أريج يا قمر
نعم ياختى
ليلتفت الجميع على أثر الصوت ليتفاجأو بوجود إلياس ليقول عثمان مرحبا به.
عثمان. يا مرحب يا مرحب اتفضل يابية نورت.
إلياس. شكرا ياحج عثمان دا نورك، أريج
أريج بهدوء. نعم
إلياس. يلا
أريج. على فين
إلياس. هنرجع القاهرة
أريج. لاء مش عايزة اروح
حورية. واااه انت مش قولتلى أسبوعين
إلياس ببسمة. أصل اخويا هيتجوزبعد أسبوعين وانتو معزومين ياريت تنورونا
أريج ببسمة. سراج. هيتجوز مين
إلياس. سما
لتنتفض من مكانها وهي تبحث عن هاتفها قائله.
أريج. أغيب يومين يحبو ويتجوزو تليفونى فين
حورية. اهو.
لتنظر أريج للمكان الذي تشير له لتجدة موضوع على الطاولة لتمسكة وتجرى اتصالا عبر أحد مواقع التواصل الاجتماعى ليصبح الاتصال بالصوت والصورة لتجيب سما وهي تظهر صورتها على شاشة هاتف اريج قائله.
سما. ارررريج وحشتينى
أريج. اه ياجزمة. هتتجوزى من غير ما اعرف
سما. اسكتى متفكرنيش
ليتتدخل سراج بالمحادثة قائلا.
سراج. ليه هو انا بعذبك
أريج. سراج. وحشتنى يا جزمة.
سراج. وانتى يا أريج وحشانى أبو الغضب كان بيقول أنه جاى ياخدك
إلياس. اه ياحيوان
سراج بصدمة. إلياس. طب سلام انا
سما. ههههههههههههه احسن
أريج. اسيل فين
سما. اسيل في شرم عبيدة قرر يعمل أربع ايام عسل
تعالى بقى انا لوحدى وهاتى أختك معاكى. كلنا عايزين نشوفها
أريج. طيب هحاول
سما. مستنياكى عشان نحضر كل حاجة سوا
أريج ببسمة. حاضر
سما. باى
أريج. باى
لتنهى اريج المحادثة وهي تقول لحربى.
أريج. حربى. ممكن حورية تيجى معانا.
حربى. بس
أريج. هديك مفتاح أوضتك لو وافقت. وتعالى انت كمان معاها بلييييز
حربى. أصل الشغل و...
عثمان. روح يا ولدى واهو تغير جو
إلياس. هبعتلك دعوة الفرح ياحج عثمان واتمنى انك تشرفنى انت والعائلة
عثمان. أن شاء الله يا بية
إلياس. يلا
أريج بجمود. لاء بكرة الصبح هنمشى
إلياس. بس
أريج. مبسش
لتنهى كلمتها وهي تلتفت لحربى وتخرج مفتاح من جيبها وتعطية له قائلة.
أريج. خد المفتاح اهو وادعيلى
لتنهى جملتها وهي تغمز بعينيها له.
ليبتسم حربى قائلا. انشالله يخليكى
ليأخذ منها المفتاح ويمسك بيد حورية متجها بها للأعلى لتلتفت اريج وتخرج المفتاح الآخر وتنظر لشبل قائلة.
أريج. أدى مفتاح أوضتك بس بشرط تيجو الفرح
شبل بمزاح. انا في الفرح اصلا هاتى
لياخد المفتاح ويمسك يد رشا صاعدا للأعلى لتلتفت لسلام قائلة.
أريج. سلام. كنت عايزة اتكلم معاك على انفراد
إلياس. نعم
وفاء. مالكيش صالح ب سلام
سلام بحدة. وفااااء
وفاء. بس
سلام. اقفلى خاشمك، اتفضلى.
أريج. ممكن نتكلم في الجنينة
سلام. اتفضلى
لتخرج أريج برفقة سلام تحت أنظار الجميع ليتبعهم إلياس في صمت...
غرفة شبل...
يدلف شبل برفقة رشا للداخل ليتفاجئو من شكل الغرفة حيث الشموع المعطرة بكل مكان وبعض الورود المنثورة على الأرضية ويوجد أيضا بعض منها على الفراش وبوكية من الورد الأحمر موضوع أعلى تلك العلبة الموضوعة على الفراش لتذهب رشا بسعادة وهي تفتح العلبة لتجد بداخلها احداى الملابس النسائية من اللون الأحمر وايضا منامة رجالى من الحرير الأسود وورقة بالداخل أيضا مكتوب عليها...
شغل الأغنية دى. ليلة سعيدة. أريج
لتنظر رشا مرة اخرى بالداخل لتجد أسطوانة لتأخذها وتذهب سريعا لجهاز مشغل الصوت وتقوم بوضع الاسطوانة لتبدء موسيقى احداى الأغانى ليحيى علاء
(انا السكران )لتنظر رشا لشبل قائلة بسعادة.
رشا. حلوة قوى
شبل. بصراحة اريج دى طلعت جبارة. انا عمرى مفكرت اعمل اكدة
رشا. والنبى اريج دى انا عايزة ابوسها
شبل. والله انا اللى قاعد مستنى البوسة
رشا. ههههههههه ثوانى هغير وجاية.
غرفة حربى...
يدلف حربى للداخل برفقة حورية ولكن الوضع مختلف هنا حيث انطلقت الإضاءة تلقائيا وايضا بدأت الموسيقى الهادئة بمجرد إضاءة المصابيح لتنظر حورية للغرفة بصدمة فكانت مليئة بالورود الحمراء والشموع المعطرة والفراش مزين بالورود وايضا يوجد ملابس نسائية موضوعة على الفراش من اللون الاسود ومنانة رجالى من الحرير الاسود لتشهق حورية بخفة عندما حاوطها حربى من الخلف بذراعية قائلا.
حربى. بحبك.
حورية بخجل. اى دا كلة
حربى. انسى اللى حصل يوم فرحنا. النهاردة هعوضك عن كل اللى حصل
حورية. انا. انا
حربى. هشششششش متقوليش حاجة ممكن
حورية. سى حربى
حربى. نعم
حورية. بحبك
ليلفها حربى لتنظر له ليقول لها وهو ينزع حجابها ببطء شديد قائلا.
حربى. وأنا بموت فيكى. وعمرى ما هخليكى تندمى. انتى شقلبتى كيانى وخلتينى مش على بعضى. انا نفسى أعيش باقى عمرى كلة معاكى انا عايز دستة عيال منك انا عايزك عكازى لما أكبر. انا بحبك.
لينهى حديثة وهو يقبلها بكل حب وشغف لتبدئ قصة عشق لا أبطال فيها غيرهم...
فى حديقة المنزل تجلس اريج بجوار سلام ولا تعلم بذلك المستمع خلفها لتقول.
أريج. بص يا سلام انا عارفة انى ماليش دخل في حياتك بس كنت حابة انصحك نصيحة
سلام. انتى كيف أختى الصغيرة ويعلم ربنا انى بقيت بعتبرك واحدة من العيلة
أريج ببسمة. ربنا يخليك دا من ذوقك، انا كنت عايزة اقولك. حب مراتك
سلام بعدم فهم. كيف يعنى هو انا بكرهها
أريج. أنت مش بتكرهها ومش بتحبها انت صامت انت آخر مرة قولتلها بحبك امتى.
ليحك رأسة قائلا. مش فاكر
أريج. آخر مرة قولت رأيك في شكلها اولبسها او اى حاجة بتعملها كان امتى
سلام. مش فاكر. ليه بتسألى كل الاسئلة دى.
أريج. انا بنت زى زيها نظرة عنيها لما حربى بيقول كلمة حلوة لحورية او شبل لرشا، نظرة حزينة كلها جفا نظرة شوق لكلمة حلوة لبسمة تطيب الخاطر. صدقنى احنا صنف تافهة جدا. اقل كلمة بتراضينا وتجبر بخاطرنا. اقولك. انا زعلانة جدا من الياس بس بمجرد ما هيحضنى ويقولى متزعليش انا هنسى وهحضنة. الراجل امان الست انت الاساس لو مراتك مطفية يبقى انت السبب ولو كلها حيوية ولا ضحك ومبسوطة يبقى انت برضو السبب. هاتلها هدية حتى لو بسيطة. اشكرها عشان جابتلك كوباية مية عرفها أن وجودها مهم وصدقنى هتشوف الفرق بنفسك.
سلام بمزاح. انتى عندك كام سنة
أريج. مش هقولك. وهستناكم يوم فرح سراج وسما
سلام. أن شاء الله وشكرا على النصيحة
أريج. العفو بس ياريت تعمل بيها
سلام. أن شاء الله.