رواية لعنتي وعذابي الجزء الأول للكاتبة منى الأسيوطي الفصل السابع عشر
منزل الزينى صباحا، غرفة حربى
تجلس على حافة الفراش تنتظر عودتة منذ امس، فهو لم يعد بعد ان تشاجرا وتركها ورحل لتظل طيلة الليل تجلس في انتظاره ولكنة لم يعد. ليقطع لحظاتها دلوفة للغرفة. ويبدو على ملامحة الإرهاق الشديد لتقول بخوف...
حورية. أنت كويس
حربى بجمود. ايوا
حورية. أنت لسة زعلان
حربى. لاء
حورية. امال مرجعتش بالليل ليه
حربى. وانتى من أمتى بتسالينى. اى هتتحكمى فيا
حورية. لاة مقصدتش. انا بس خوفت عليك.
حربى. كان من باب أولى تخافى على نفسك
حورية. انا مش فاهمة فيها اى لما نزلت تحت. انا اتخنقت من القاعدة. وانت نزلت وسبتنى. قولت انزل شوية تحت
حربى. فيها انك بتتعبى. انا خايف عليكى. افهمى بقى
حورية. خايف عليا ولا على عيالك
لينظر لها بحدة ويقترب منها ويجلس بجوارها لتتغير نظراته لها فجاءة من نظرات الحدة لنظرات لوم وعتاب
ليقول...
حربى. انتى فاكرة ان انا زعلان عشان عيالى، انا زعلان وخايف عليكى. عيالى انا لسة مشوفتهمش. ولو هحبهم وهخاف عليهم عشان هما منك انتى. انتى اهم حاجة في حياتى. اوعى تفكرى انك ممكن تهونى عليا
حورية، انا آسفة. حقك عليا مكنتش اقصد اكدة، انا بس...
حربى مقاطعا. خلاص حصل خير. انا بس زعلت من اهمالك في نفسك
حورية ببسمة. يعنى مش زعلان
حربى. انا عمرى ما ازعل منك ياا ملاكى.
منزل الديب...
تصعد اريج الدرج وتسير في ذلك الممر المؤدى لغرفتها
وما ان وصلت وامسكت مقبض الباب حتى استمعت لحديث زوجها عبر الهاتف قائلا...
إلياس. مش هقدر يا مايا، بجد ماليش مزاج، طيب شوفى سراج يروح معاكى، خلاص متزعليش، حاضر، هكلم عبيدة وسراج ونتقابل في الكافية، اوك. طيب تعالى انتى البيت ونطلع سوا من هنا، خلاص مستنيكى. باى.
وما ان إنتهى من حديثة عبر الهاتف حتى اشتعلت نيران الغيرة بداخلها وتنهدت بغضب قائلة بهمس...
أريج. طالعين مع السلعوة. ماشى. انا بقى هوريها
لتنهى حديثها وتعود ادراجها مرة اخرى ولكن باتجاة غرفة سما...
غرفة سما...
تجتمع الثلاث فتايات من أجل إعداد مخطط للقضاء على تلك الدخلية...
سما. انتى متأكدة
أريج. بقولك سمعاة بودانى
اسيل. ليلتك طين يا عبيدة انا تخونى مع السنكوحة دى
سما. ماشى ياسراج. والله لخليك تقطع الخلف
أريج. اعقلى انتى وهي واسمعونى كويس
سما واسيل، قولى.
أريج، الرجالة بتاعتنا مش غلطانين. هي اللى رمت نفسها في سكتهم. ومش سايباهم. وطبعا سما سراج عالطول واكلين بعض. وأنا واسيل تخنا بسبب الحمل. والله أعلم الزفتة دى بتقول اى علينا من ورانا. دى قالتلى قدام الياس انتى تخينة
سما. يالهوووى طب هنعمل اى
أريج ببسمة. هقولكم.
اما بغرفة المكتب. يجتمع منير باحفادة من اجل العمل.
منير. يعنى انتو موافقين على المشروع دا
عبيدة. طبعا ياجدو. دا هيبقى اكبر كومباوند في القاهرة
سراج. بس لازم يكون من غير ديفوهات
إلياس. طيب مين الشركة اللى هتشطب
عبيدة. هو دا سؤال اكيد شركة الحديدى
سراج بغمزة. دول عليهم تشطيب قمر
عبيدة. التشطيب اللى قمر ولا...
إلياس. انا كده عندى مشكلة
منير، اى هى
إلياس. انا مش هقدر اتعامل مع ريم الحديدى.
عبيدة بتذكير. اه صح طب والعمل بقى
سراج. اى دا ولا انا. يا دى النيلة
منير. ممكن افهم ليه
إلياس. أنت ناسى يا جدو بنت المجنونة اللى انا متجوزها لما ضربت ريم الحديدى في الاحتفال بنهاية مشروع قرية الساحل السنة اللى فاتت
منير بضحك. ههههههههههه اه افتكرت
سراج. حق الله ايدها تقيلة، البت رقدت فيها تلت ايام
إلياس. مجنونة وبسببها ريم مقطعانى من ساعتها
عبيدة. الصراحة اريج كان معاها حق ريم ساعتها كانت متقلة في الشرب.
إلياس. طب والعمل دى ضربتها وهي مش مراتى ما بالك بقى لما اتجوزنا هتقتلها ولا...
يقطع حديثهم صوت الموسيقى العالى لينظرو لبعض وعلامات الاندهاش تعلو وجوههم حين استمعوا لكلمات الأغنية وكانت عبارة عن...
الدور الدور الدور الدور موعودة يا لى عليكى الدور
حوطوها بالدفوف سقفولها بالكفوف دا وعدهااااا
(من مسرحية ريا وسكينة ).
إلياس. اى دا
منير. هو في اى برة
ليهرولو جميعا للخارج ويتجهو حيث مصدر الصوت ليتصنمو جميعا وينظرو لما يحدث بصدمة حيث الفتايات يرتدون ملابس سوداء اللون ومايا تجلس بالمنتصف مقيدة بذلك الكرسى وعلامات الذعر تحتل وجهها والفتايات تلتف حولها لتقول أريج.
أريج. قوليلى عايزة اى ياختى
سما. انتى لسة هتساليها احنا نقتلها على طول
اسيل. لااااا نعذبها الاول
أما على الطرف الآخر.
منير. إلياس مش دى مايا.
إلياس بصدمة. تقريبا
سراج. طب مش هنلحقها
عبيدة. دى بتقول نعذبها الاول
سراج. لا عايزين يقتلوها كمان
إلياس. انا حاسس انى هتشل
منير. طب الحقو البت
ليتقدم سراج بحذر شديد قائلا.
سراج. سما
لتلتفت سما له قائلا. ايوا يا روحى
سراج. اى اللى انتو عاملينو دا
سما ببسمة. مفيش ياقلبى
إلياس. أريج فكى البنت
أريج. لو تقدر تفكها فكها
لينظر لها بصدمة من حديثها وذلك التحدى الموجة له من حديثها ليعلم انها تخطط لشئ ما ليقول.
إلياس. لا يا روحى فكيها انتى عشان عاوزك ضرورى
أريج. امممممم افكها عشان تخرجو معاها مش كده
عبيدة. انتى عرفتى منين أننا خارجين مع مايا
اسيل. قولى بقى يا روح قلبى خارج على فين
عبيدة. عادى كنا هنسهر شوية
مايا بتعب. يالله لك فكونى الأول
إلياس. أريج عشان خاطرى
أريج ببسمة. من عنيا
لتنهى كلماتها وتلتفت لمايا وتمسك بخصلاتها لتطلق مايا صرخة عالية بسبب تلك الآلام التي تسببها لها أريج...
مايا. ااااااه.
أريج. بصى بقى يا سلعوة انتى تخرج من هنا على المطار عدل وتغورى على بلدك ماشوفش وشك. هو انا هلاقيها منك ولا من غيرك، اسمعى الكلام عشان انا مجنونة اساسا. وبالنسبة لايسو يا قطة تقطعى علاقتك بية نهائى. مش عشان حلو شويتين هترمى نفسك علية فاهمة
مايا. لك اى فاهمة. اتركينى وراح اضهر من هون
أريج. في غارة.
منزل الزينى مساء...
قد تخطت الساعة الواحدة بعد منتصف الليل ومازال حربى يعمل على الحاسوب وحورية تغط في ثبات عميق ولكنة استمع لصوت أنين مكتوم ليرفع نظرة ليجد حورية تتصبب عرقا وتأن بصوت منخفض ليقترب منها سريعا ويحاول ايقاظها قائلا.
حربى. حورية. حورية. حورية فوقى. حووورررية
لتصرخ عاليا قائلة.
حورية. ارررررريج
حربى. أهدى يا قلبى دا كابوس
حورية ببكاء. أريج. أريج.
حربى بخوف. أهدى يا روحى. عشان خاطرى. كده هتتعبى. أهدى
حورية. انا عايزة اشوف أريج. عشان خاطرى عايزة اشوفها
حربى. طيب أهدى وانا هكلمها الصبح واعزمهم يجو عندنا
حورية. ماشى
ليجفف دموعها باناملة قائلا...
حربى. دموعك غالية قووووى يا روحى. اوعى تبكى تانى
حورية. ربنا يخليك ليا
حربى. ويخليكى ليا يا روحى.