رواية لعنتي وعذابي الجزء الأول للكاتبة منى الأسيوطي الفصل الرابع عشر
تقف تنظر أمامها وتحتضن نفسها وتتذكر ليلة أمس...
فلاش باك...
بعد انتهاء حفل الزفاف فاجأ إلياس الجميع انة حجز رحلة لجميع الشباب إلى رائعة مصر مدينة الأقصر لتستقل الطائرة الخاصة بالعائلة برفقة الجميع ووصلت الفندق وهي تشعر بارهاق شديد لتبدل ثيابها ويشعر إلياس بمرضها ليجعلها تغفو بين احضانة وها هي استيقظت ووقفت تتابع الحديقة من شرفة غرفتها لتفق على صوت طرقات خفيفة على باب الغرفة...
باااااك...
تدلف للداخل لتجد إلياس استيقظ وقال حين وجدها تتجة صوب الباب
إلياس. استنى يا قلبى انا هفتح
أريج. هتفتح وانت عريان كده
لينظر لنفسة ليجد أنه يرتدى شورت قصير فقط ليقول.
إلياس. وفيها اى هو انا مش عريس ولا اى
أريج. طب أفتح أفتح
ليتجة صوب الباب ويقوم بفتحة ليقلب عينية بانزعاج قائلا.
إلياس، ماذا هناك
ماج، هيا استيقظ أيها الناعس
إلياس، ماذا تريدين ماج
لتدفعة في صدرة وتدلف للداخل وهي تقول بمشاغبة.
ماج. ابتعد ايسو أين تلك الفتاة
أريج. ماذا هناك ماج. هل حدث شئ
ماج، ما هذا
أريج. ماذا
ماج. كنت أعتقد أن اجدك عارية. ايسو المشاغب لماذا الفتاة مازالت بملابسها
ليستند على حافة الباب بجزعة قائلا.
إلياس. ماج أعتقد ان تونى يريدك بدون ملابس هيا اذهبى له وانزعى ملابسك و...
لتشهق اريج بخجل قائلا. هل يمكنكم أن تتحدثون بأدب
إلياس. هي من بدأت ب...
أريج. إلياس، كفى.
ماج. أحبك يا صديقتى وانتى تفرضى قراراتك على ذلك المشاغب
أريج، وأنا أحبك يا صديقتى أين تونى
ماج. تركته يستحم حتى ننزل سويا. هيا أيها المشاغب أريد أن أرى كل شئ هنا
إلياس بمشاكسة، يستحم لماذا لم تذهبى وتجعلية يضا...
أريج بخجل. الياااااااس
ماج، ههههههههههههههه حسنا. ساهبط للأسفل انتظركم
إلياس. اذهبى ايتها الس...
أريج. اليااااس. يكفى
ماج. أنتظرك أيها المشاغب، وداعا.
لتنهى حديثها وتتركهم وتهبط للأسفل لينظر إلياس لاريج ويجدها تنظر له بغضب ليرفع يدية في حركة استسلام قائلا.
إلياس. انا برئ. هي اللى بدأت
أريج. بجد انتو فظاع انتو الاتنين ولسة السافل تونى
ليقترب منها ويحتضنها قائلا...
إلياس، طب مش هتحنى بقى. خليتى شكلى وحش قدام ماج
أريج بتوتر. ط طب لما نرجع هتلاقى الكل مستنينا تحت
إلياس. ماشى هاخد شاور وننزل.
غرفة عبيدة...
تجلس اسيل على حافة الفراش وتنظر لذلك الناعس لتبتسم بخفة حين استيقظ ونظر لها بحب لتقول.
اسيل، صباح الخير
عبيدة. صباح الحب يا قلبى
اسيل. يلا بقى عشان انا عايزة أشوف الأقصر كلها
عبيدة. حاضر ياقلبى
اسيل بتوتر. عبيدة. ا ا انت
عبيدة. في اى
اسيل. تونى هنا وانت...
عبيدة. ايوا يا اسيل هسافر انا والياس وسراج مش دا اللى انتى عايزة تقولية
اسيل. ب بس انا مش عايزاك تسافر بطلو الشغل داا بقى.
عبيدة. دا شغلى ولا انتى لسة متعرفة عليا
اسيل. خلاص انا مش عايزة اتخانق
عبيدة. انتى إللى بتنكدى اهو
اسيل. مش هنكد خلاص. قوم خد شاور عشان ننزل
عبيدة. طيب.
غرفة سراج...
هل يمكن أن يعيش ذلك الثنائى بهدوء. بالطبع لا لنستمع لصراخهم المعتاد حيث قضت سما ليلة زفافها وهي تختبئ في المرحاض وسراج يصرخ من الخارج...
سراج. افتحى يا سما بدل ما أفتح دماغك
سما بخوف. لا مش هفتح انا مش مطمنة
سراج. والله ما تخافى افتحى بقى
سما، لا مش هفتح
سراج بارهاق، سما انا تعبت وكلها شوية ولازم ننزل عشان هنخرج معاهم
سما. أخرج انت انا مش هطلع
سراج. يابنتى افتحى طيب ومش هعمل حاجة.
سما. بتتكلم بجد
سراج. اه بجد. افتحى بقى
سما. بس. بس.
سراج. هتفتحى ولا اروح اندة عبيدة انا تعبت
سما بخوف. لاء خلاص هفتح.
لتفتح الباب ببطء شديد وتنظر للخارج لتجد سراج يستند على حافة الباب ويبدو علية الإرهاق الشديد وهو ما زال بملابسة لينزع جاكيت بدلتة حين خرجت من المرحاض وهي أيضا مازالت بفستان الزفاف ليتركها دون ان يتحدث معها ويدلف للداخل لكى يستحم لتنظر له بخوف وتتنهد بقوة حين أغلق الباب خلفة لتجلس بتعب على حافة الفراش وتتمدد بارهاق لتغفو دون الشعور منها لكثرة التعب، ليخرج بعد مدة وجيزة ليجدها تغط في ثبات عميق ليتنهد بقوة ويخرج ملابسةمن الحقيبة ويرتديها سريعا ويجلس بجوارها على الفراش ويوقظها قائلا.
سراج. سما. سما. سما اصحى
لتفتح عينيها ببطء وتنتفض واقفة حين وجدته يجلس بجوارها ليتنهد بسخرية قائلا.
سراج. مش هاكلك. روحى خدى شاور وغيرى هدومك عشان الناس اللى مستنيانا تحت
لينهى حديثة ويتركها ويذهب ويصفع الباب خلفة بقوة.
أما بالأسفل...
يجتمع الكل في بهو الإستقبال وتقف الفتايات برفقة بعضهم والشباب برفقة بعضهم ليقف إلياس برفقة تونى وماج...
(نتعرف على ماج وتونى...
ماج. فتاة في أواخر عقدها الثانى امريكية الأصل سكرتيرة ورفيقة تونى سميث أحد زعماء المافيا وصديق إلياس المقرب )
عند الفتايات.
أريج. هي البت سما فين
اسيل. أدينا مستنينها
حورية. عروسة يا خيتى
أريج. اراهنكم أن كانت اتباست حتى
رشا. ههههههههه يالهوووى على كلامك.
وفاء، ربنا يهنيها ويسعدها
اسيل. سراج اهو بس بيطلع نار من ودانة
أريج، ههههههههههههههه مش قولتلكم هتلاقى سما نيمتة على الكنبة
ليستمع سراج لحديثها وهو يقترب منها ليقول.
سراج. حتى الكنبة مطولتهاش. شوفولكم حل بدل ما اقتلها وأخلص
أريج، هههههههههههههه لا وعلى اى سيبهالى
اسيل. هي فين
سراج. بتغير ونازلة. انا رايح اشوف تونى
أريج. انا راشقة في السفرية دى
سراج. قولى لجوزك وانا مالى.
لينهى حديثة ويتركها ويذهب لتقول اسيل.
اسيل. انا معرفش قلبك جامد كده ازاى
أريج. هي اول مرة أسافر مع الياس يعنى و...
لتقطع حديثهم ماج حين تقدمت منهم قائلة.
ماج. ماذا تفعلون يا فتيات
أريج. فقط نتحدث تقدمى ماج، يا بنات دى ماج صاحبتى تبقى حبيبة تونى. ماج. تلك الفتاة شقيقتى التؤام وتدعى حورية
ماج. ياالهى لم أكن أعلم أن لكى شقيقة
أريج بضحك. ههههههههه ولا انا
ماج. مرحبا حورية
أريج. بترحب بيكى يا حورية.
حورية. أهلا وسهلا
أريج. وتلك الفتاة تدعى وفاء وتلك رشا
ماج. مرحبا يا فتايات
أريج. بترحب بيكم
وفاء. أهلا وسهلا
رشا. أهلا وسهلا
أريج. ماذا يحدث هناك
ماج. اتركينا مما يحدث مع الرجال لقد أخبرني ذلك المشاغب بأنك حامل أريدها فتاة حتى أفسد أخلاقها
ليقترب إلياس محتضن اريج من الخلف قائلا.
إلياس. ابتعدى عن طفلى ايتها ال
ليقترب الجميع ليقف كل زوج بجوار زوجتة ليقول تونى. لا تبدؤ الآن في حرب الألفاظ البذيئة.
أريج. كيف يمكن أن يحدث هذا
تونى. لا أعلم جميلتى. اووووو اريج لقد اصبحتى أجمل مما قبل
إلياس. تونى اقسم لك...
تونى. ههههههههههه انى أمزح أيها الغيور
عبيدة. مهلا ماذا يحدث هنا هل بدأت حرب الألفاظ البذيئة من دونى
تونى. أن العرض قد بدأ للتو. ما هذا
إلياس. ماذا
ليشير إلى حورية قائلا. من تلك الفتاة. يا الهى انها تشبهك كثيرا يا جميلتى
ليحتضنها حربى قائلا بحدة. انها زوجتى.
لتتفاجأ اريج ان حربى يفهم ما يتحدث به تونى لتقول سريعا.
أريج. انها شقيقتى التؤام وزوجة حربى
ماج، اوووووو هل ذلك الوسيم متزوج
ليخجل حربى من حديث ماج عنة لتقول حورية.
حورية. هي قالت اى
حربى. ها لا مبتقولش
سراج. هههههههههههه انت بتتكسف
حربى. اسكت يا عم انت
ماج. انى أعشق الرجل الشرقى
تونى. ماج انى أغار يا حبيبتى
ماج. أنت شئ خاص ياعزيزى
لتقطع لحظاتهم هبوط سما قائلة
سما. انا جاهزة يلا انا عايزة الف الأقصر كلها.
عبيدة. جوزك يلففك
سراج بسخرية. لا بلاش انا عشان بعض.
منزل الديب مساء، غرفة المكتب...
يجلس منير يتحدث عبر الهاتف مع إلياس...
إلياس. لسة داخلين من برة
منير. ربنا يسعدكم. اتفقت مع تونى
إلياس. ايوا وهنسافر بعد تلت ايام
منير. متروحش لوحدك خد عبيدة وسراج معاك
إلياس. متقلقش انا هاخد عبيدة بس وخلى سراج يدير فرع القاهرة
منير. خلاص خلى أريج واسيل يرجعو القاهرة مع الباقين
إلياس. بس أريج مسافرة معايا
منير بخوف. بلاش يا إلياس
إلياس. ليه.
منير. عشان انا مش مرتاح لستيف اصلا وتونى مقلق من الشحنة دى. تقوم انت تاخد مراتك معاك
إلياس. متقلقش كلة تمام وتونى مأمن كل حاجة
منير بتنهيدة. براحتك انت حر. يلا روح ارتاح
إلياس، تمام. سلام
منير. مع السلامة
ليغلق منير الهاتف ويتنهد بقوة قائلا.
منير. وآخرتها يا ابن الديب.
فى الأقصر...
غرفة عبيدة.
يجلس عبيدة على حافة الفراش يتابع اسيل وهي تجلس أمام التلفاز وتأكل شيكولاتة بنهم شديد ليظل يتأملها بملل حتى قال.
عبيدة. اسيل كفاية أكل بقى
لتلتفت تنظر له قائلة بتذمر...
اسيل. أنت بتعد عليا الاكل.
ولكنه لم يجيبها بل انفجر ضاحكا على هيئتها المزرية ليتقدم منها ويمسكها من يدها ويوقفها أمام المرآة لتشهق اسيل بخفة من مظهرها حيث كانت الشيكولاته تغطى وجهها وعنقها ويوجد أيضا البعض منها على ثيابها وخصلات شعرها من الأمام ليقول عبيدة...
عبيدة. اى اللى انتى عاملاة دا
اسيل بتوتر. ا ا انا كنت باكل و...
عبيدة. هههههههههههه تعالى اغسلك وشك دا
اسيل. لا انا هغسلة لوحدى
عبيدة بغمزة، لا والله انا اللى هغسلة.
ليمسك عبيدة يدها يسحبها خلفة ليدلف بها إلى المرحاض ويقف أمام الحوض ويفتح صنبور المياة ويبلل أطراف أنامله ويمررها على وجهها حتى نزع بقع الشيكولاته ونظر إليها قائلا.
عبيدة. نفسك في ولد ولا بنت
اسيل. مش فارقة المهم أنهم حتة منك
عبيدة. هههههههههه قلبى بيقولى انها بنت مش عارف ليه
اسيل. كل اللى يجيبو ربنا كويس
عبيدة بغمزة. ماتيجى اقولك كلمة سر
اسيل. لا هاتلى شوكولا الأول
عبيدة. بس كده من عيونى.
اسيل بحب. يسلملى عيونك
عبيدة. ويخليكى ليا
لينهى حديثة وهو يقترب منها مطوقا خصرها بيدية ويقبل وجنتها بحب...
غرفة إلياس.
يجلس على الفراش واريج باحضانة يتحدثون.
أريج. أنت مطمن لستيف المرة دى
إلياس. اى حكايتك انتى وجدو
أريج. مش عارفة بس ماج بتقول انة مش واضح المرة دى
إلياس. ماج دى هبلة
أريج. إلياس
إلياس. قلبة
أريج. أنت شامم ريحة سودانى بيتحمص
إلياس. سودانى. سودانى اى. انا مش شامم حاجة
أريج. مش شامم ازاى بقولك في ريحة سودانى حلوة اوووى
إلياس. تيجى ننزل اجبلك
أريج بسعادة. بجد
إلياس. ايوا بجد. قومى غيرى هدومك.
أريج بسعادة. هوا
لتنهى حديثها وهي تطبع قبلة سريعة على ثغرة وتهرول لكى تبدل ثيابها ليقول سريعا...
إلياس. براحة يا مجنونة.
غرفة سراج.
تجلس على أحد الكراسى وتنظر له بتوتر وهو يعبث بحاسوبة النقال ليقول دون ان يرفع نظرة عن ما يفعلة.
سراج. هتفضلى متنحة كتير
سما. ها. لا أصل. أصل
سراج، أصل اى
سما. انا جعانة
سراج. عندك التليفون اطلبى أكل وهيجيلك
سما. طب وانت مش هتاكل
سراج. مش جعان
سما. أنت. أنت لسة زعلان منى
سراج. وازعل ليه هو انتى بتعملى حاجة تزعل
سما، أنت بتكلمنى كده ليه
سراج. بقولك اى دماغى وجعانى اسكتى احسن.
سما بنبرة باكية. حاضر
لتنهى حديثها وهي تتجة صوب الفراش وتتمدد علية ساحبة الغطاء فوقها ليتنهد بقوة قائلا.
سراج. مش هتاكلى
سما. لا ماليش نفس
ليغلق الحاسوب ويضعة جانبا وظل ينظر لها لبعض من الوقت ليتنهد بحيرة لينهض اخيرا ويجلس بجوارها ليقول بهدوء.
سراج. سما
سما. امممممممم
سراج. قومى عايز اتكلم معاكى
سما بنبرة باكية. انا تعبانة وهنام نتكلم بعدين
سراج. بطلى عياط وقومى
سما ببكاء، مش بعيط
سراج. واضح. قومى بقى.
لتعتدل جالسة وهي تزيل دموعها قائلة...
سما. نعم
سراج. بتعيطى ليه
سما، مش بعيط
سراج. امال اى الدموع دى
سما. مفيش دموع
ليقترب منها ويمرر اناملة على مجرى دموعها قائلا.
سراج. لا عاش ولا كان اللى يخلى عيون القمر تعيط
سما بتوتر. ا ا ا ا
سراج. بحبك
سما بصدمة. ب بجد
سراج. وبموت فيكى
سما، أنت بتتكلم جد
سراج. جد الجد كمان. دا انتى ذلتينى ونشفتى ريقى يا بنت عمى
سما. أنت بتقول اى
سراج، بقول انى بحبك.
ليقترب منها لتنتفض واقفة بتوتر لينظر لها ثم ينهض ويطوق خصرها بيدية ويقبل جبينها قائلا.
سراج. ربنا يخليكى ليا ويباركلى فيكى
لتتلاقى الأعين وتتحد القلوب والمشاعر ليعلن الحب استسلامة ويرفع رايتة لتعلو لغة العشاق والحب في أرجاء المكان...
غرفة حربى...
يعبث بهاتفة بملل ينتظر خروجها من المرحاض ولكنها لم تخرج فتعجب من تأخيرها ليذهب ويطرق على باب المرحاض بخفة قائلا.
حربى. حورية. حورية. حورية انتى اتاخرتى ليه
حورية...
حربى بقلق. حورية. حورية ردى عليا
حورية...
ليحاول فتح الباب ولكن دون فائدة ليدفع الباب بقوة عدة مرات حتى اتكسر وانفتح ليتفاجأ بها ممدة على الأرضية فاقدة للوعى ليهرول ويحملها سريعا ويخرج بها ويضعها على الفراش ويرفع الهاتف طالبا طبيب.
حربى بتوتر. ألو. انا عايز دكتور أوضة 126 بسرعة لو سمحت
لينهى حديثة ويغلق الهاتف مرة اخرى ويقترب منها صافعا وجهها بخفة قائلا.
حربى. حورية. حورية. ردى عليا. حورية مالك. حورية ليمر قليلا من الوقت حتى أتى الطبيب.
حربى. طمنى يا دكتور
الطبيب. متقلقش دا شوية هبوط واضح انها مش بتتغذى كويس
حربى. بس هي كانت كويسة
الطبيب. لازم تاخد بالها الفترة الجاية عشان دا مش كويس للى زيها
حربى. للى زيها ازاى يعنى مش فاهم
الطبيب. مبروك المدام حامل تقريبا ف شهرين
حربى بسعادة. أحلف
الطبيب بضحك. ههههههههه اه والله على العموم دى شوية فيتامينات ولازم تتابع مع دكتورة نسا
حربى. طب هي هتفوق امتى
الطبيب. متقلقش مش هتاخد وقت وهتفوق. بعد اذنك.
حربى. شكرا لحضرتك
الطبيب. العفو دا واجبى.
نعود ل إلياس واريج فهما الآن يسيران على كورنيش النيل واريج تحمل السودانى وتتناول منة بسعادة حتى اوقفها بائع متجول لثمرة البطاطا لتقول.
أريج. الله الياس انا عايزة بطاطا
إلياس بصدمة. هتاكلى من الشارع. من امتى يا أريج
أريج. اسمع منى بس هات بطاطا وتعالى نركب حنطور إلياس. حنطور وانتى حامل
أريج. وفيها اى بس. يلا عشان خاطرى
إلياس. انا مش مطمن لأكل الشارع هتتعبى
لتشهق بسعادة قائلة. دا في بتاع درة كمان.
إلياس. مالك يا بنتى من امتى بتاكلى من الشارع
لتمسكة من ياقة قميصة وتقربة منها قائله...
أريج. بقولك اى انا عايزة اعمل زى الأفلام أكل درة وبطاطا وحمص الشام واركب حنطور واركب فالوكا في النيل فاهم
إلياس. انتى بتزعقيلى
أريج. بص بقى انا اعمل اللى انا عايزاة بدل ما اخلى ابنى يقلب عليك
إلياس. انتو هتتلمو عليا
أريج بفخر. طبعا انا وولادى هنعمل خطط عليك يلا يا استاذ هو انا هاجى الأقصر كل يوم.
إلياس. حاضر يا آخرة صبرى. قدامى.