قصص و روايات - قصص رومانسية :

رواية لعنتي وعذابي الجزء الأول للكاتبة منى الأسيوطي الفصل الخامس

رواية لعنتي وعذابي الجزء الأول للكاتبة منى الأسيوطي الفصل الخامس

رواية لعنتي وعذابي الجزء الأول للكاتبة منى الأسيوطي الفصل الخامس

لقد وردت لنا أهم الأنباء.
محاولة انتحار اريج الديب زوجة رجل الأعمال المشهور إلياس الديب وتم اسعافها بأحداى المشفيات كما واردنا من مراسلنا أن حالة من الذعر والحزن يخيم على عائله الديب وبالأخص سيد الأعمال الشهير إلياس الديب وسنوافيكم بأحدث الأنباء. ابقو معنا.

هذا كان حديث احداى المذيعات بأحداى القنوات الفضائية ليحتل خبر محاولة انتحار اريج كل مواقع التواصل الاجتماعى أيضا فهى شخصية عامة مشهورة ولها الكثير من المعجبين والمتابعين...

منزل الزينى...
تهبط رشا الدرج سريعا وتدلف لغرفة الجلوس حيث يتواجد الجميع لتقول وهي تلهث بشدة.
رشا. شبل أفتح قناة الأخبار بسرعة
حورية. مالك يا خيتى و...
لتصمت حورية وينتبة الجميع لحديث المذيع وهو يتحدث عن نبأ محاولة انتحار اريج ليمسك شبل هاتفة النقال ويتصفح مواقع الاتصال الاجتماعى ليتأكد من الخبر ليقول حربى.
حربى. كيف تنتحر وكتب كتابها كان عشية
سلام. الموضوع دا فيه حاجة غلط
شبل. انا مبقتش فاهم حاجة.

سلام. ولا انا
حربى. انا عايز تاريخ البت دى
حورية. ليه
حربى. لأنها ممكن تكون أختك انتى مش شايفة الشبهة اللى بينكم
حورية. يخلق من الشبهة أربعين
حربى بغضب مكتوم. يعنى انتى عايزة اى
حورية. عايزاك متدورش في القديم
عثمان. ايوا يابنى حورية معاها حق
حربى. انتو شايفين اكدة
عثمان. ايوا
حربى. ماشى
لينهى الحديث ويصعد للأعلى لتنظر رشا لحورية قائلة.
رشا. حورية. تعالى عايزاكى
حورية. حاضر
لتخرج الفتاتان وينظر سلام لشبل قائلا.

سلام. أقطع دراعى أن ما كانت حورية من عيلة الديب
شبل. وأنا برضو حاسس بكدة
عثمان. قفلو على السيرة دى عاد ومش عايز اسمع كلمة تانية ف الموضوع دا
بحبك اووى يارب...
غرفة رشا...
تجلس رشا برفقة حورية يتحدثون.
حورية. محصلش
رشا. كيف يا خيتى. كل دا ولسة
حورية. هو مش طايقنى
رشا. لاه انا متأكدة أنه بيحبك. بس بيكابر
حورية. طب انا اعمل اى عاد
رشا. هقولك. بس هتنفذى كل اللى هقولك علية فاهمة
حورية. فاهمة.

رشا. احنا هنمشى بأسلوب شوق ولا تدوق
حورية. كيف يعنى
رشا. هقولك.

فى المشفى...
هرج ومرج بالداخل الحراسة تحاوط المكان الكل متوتر.

يجلس الجميع أمام غرفة العمليات ومازالت اريج بالداخل ويعلو صوت بكاء اسيل وسما ومها وسناء ويجلس منير والحزن يحتل ملامحة فهى حفيدتة ايآ كان سبب الكره لها عبيدة وسراج يحاولون تهدئةالاوضاع أما إلياس يجلس على الأرضية امام باب العمليات ووجهة لا يحمل اى تعابير لانة لا يشعر بشئ سوى الضياع. ليفيقو جميعا من دوامة أفكارهم عندما خرج الطبيب اخيرا من الداخل ليهرول الجميع إلية ليقول إلياس.
إلياس. طمنى يا دكتور.

الطبيب. الحمد لله لحقناها وكل حاجة بخير
منير. هنشوفها امتى؟
الطبيب. هي دلوقتى هتتنقل على أوضة عادية وتقدرو تدخلولها بس بلاش التوتر لأن واضح انها تعبانة نفسيا
عبيدة. شكرا لحضرتك
الطبيب. العفو دا واجبى. بعد أذنكم.

غرفة حربى...
تدلف حورية للداخل لتجد حربى يجلس على الفراش وشارد الذهن لانة لم ينتبه لوجودها لتدلف للمرحاض بعدما أخذت فستان بيتى لتبدل ثيابها.

تقف أمام المرآه وهي تستعرض ما ترتدية فكان فستان قصير يصل لمنتصف فخذيها ذو حمالات رفيعة يظهر عظمة الترقوة خاضتها من اللون الأبيض وتترك شعرها ليستبيح ظهرها ويداعب خصرها وتضع ملمع الشفاة الوردى لتقول بهمس.
حورية. يالهوووى اى اللى انا بعمله دا. بس يالا اهو نتسلى شوية. يخربيت أفكارك يا رشا.

لتأخذ نفسا عميقا وتخرج وما ان اغلقت باب المرحاض خلفها والتفتت وجدته ينظر لها بصدمة لتتصنع اللامبالاة وتتجة للفراش لتسحب الغطاء فوقها وقبل ان تنام قال لها...
حربى. اى ده
حورية. في اى
حربى. اى اللى انتى عاملاة دا
حورية. انا، انا معملتش حاجة
حربى. قومى اقفى
لتزعن حورية لأمره وتنهض من على الفراش قائلة.
حورية. اهو في اى
حربى. من أمتى بتلبسى اكدة؟
حورية. عادى. هي مش دى اوضتى
حربى. ايوا.

حورية. خلاص انا حرة ألبس اللى يعجبنى جواها. لانى برة قاعدة بالعباية والطرحة
حربى. انتى اتجنتى صح
حورية. ليه
حربى. انتى عايزة تقعدى كده قدامى
حورية. ليه هو انت مش جوزى
حربى. والله. طب تعالى بقى
حورية بتوتر. ا اجى اجى فين
حربى. واااه انتى مش قولتى انى جوزك. يعنى ليا حقوق
حورية. حقوق اى انسى
حربى. انسى اى
حورية. انا معنديش استعداد انى أطلق وانا عندى عيال
حربى. وانتى مين قالك انى هطلقك.

حورية. أنت ناسى انك رميت اليمين قبل كده
حربى. كانت ذلة لسان
حورية. خلاص لما تتعلم تمسك لسانك ابقى أفكر
حربى. انتى بتتكلمى جد
حورية. وههزر معاك ليه. سبنى بقى عايزة أنام
حربى. هتنعسى دلوقت احنا الضهر
حورية. اه هنعس دلوقت
حربى. والله. طيب انتى اللى جبتيه لنفسك
لينهى حديثة ويهرول خلفها لتطلق حورية ضحكاتها وهي تهرول قائلة.
حورية. لو جدع امسكنى
حربى. انا هوريكى الجدعنة.

لتهرول في كل مكان وهو يتبعها ضاحكا ليجلس بعد مدة وجيزة وهو يلهث قائلا بتمثيل...
حربى. لاه عاد انا تعبت
حورية بضحك. تعبت اى هو انت لحقت. مليش صالح انا عايزة ألعب تاانى
حربى. هو انا هقضيها لعب
حورية. لاااا احنا اتفقنا
حربى. الله يخربيت الاتفاق على الجواز. كان لازم اتسحب من لسانى
حورية. عشان تمسك لسانك قبل ما ترمى اليمين تانى
حربى. كانت ذلة لسان. وقولتلك قبل اكدة انى كنت متعصب من ابويا. حنى بقى.

حورية. وأنا مالى متعصب ولا مش متعصب
حربى. انتى ناوية تشلينى صح
حورية. بعد الشر عليك يا روحى
حربى بغضب. طب اتنيلى بقى البسى حاجة عدلة
حورية بدلال. تؤتؤ أصل انا حرانة مووت
لينظر لها بغضب شديد ثم ينام على الفراش ويحسب الغطاء قائلا بتذمر...
حربى. منك لله يا ظالمة
حورية. واااااه هتنعس دلوقت
حربى. مالكيش صالح
لتضع يدها سريعا على فمها وتكتم ضحكاتها على تصرفة الطفولى.

مرء حتى الآن أسبوعين. لتصبح علاقة حربى وحورية لطيفة إلى حد ما، أما عبيدة واسيل فأصبحت حياتهم هادئة ولاكن لا تخلو من المشاكسة. أما سما وسراج اصبحو مقربين لبعض إلى حد كبير. أما إلياس واريج أصبحت علاقتهم جافة من المشاعر ليثير جنون إلياس رفض اريج الدائم للتحدث معها فهو حاول كثيرا أن يشرح لها أنه لم يكن بوعية حين تعدى عليها ولكن تقابلة بالرفض الدائم...
منزل المزرعة...

تجلس اريج تتحدث عبر الهاتف قائلة. حوار مترجم.
أريج. حسنا ماج. أشكرك كثيرا
امج. لا داعى الشكر صديقتى العزيزة سأرسل لكى العنوان عبر رساله الآن
اريج. شكرا لكى. سلام
ماج. سلام.

لتنهى اريج المكالمة وتنهض سريعا لتبدل ثيابها حيث ارتدت بنطال من الجلد الأسود اللامع وتيشرت ذو حمالات عريضة وسترة جلدية من نفس اللون وحذاء رياضى اسود وتضع سلاحها الخاص خلف ظهرها لتمسك بالفرشاة لكى تمشط شعرها ولاكن استوقفها رنين هاتفها لتمسك به وتجيب عندما رأت اسم سما يزين شاشة هاتفها قائلة.
اريج. اى يا سما
سما. اريج الحقى أبية إلياس نزل وهو متعصب وخد معاة حراسه كتير وبيقول انة رايح.

اريج. رايح فين يا سما كملى
سما بخوف. رايح يخلص من أختك. ب بس سراج وعبيدة راحو معاة
اريج. انا هتصرف. سلام
لتنهى أريج المحادثة وتمشط شعرها سريعا وتتركة منسدل بحرية على ظهرها وتخرج سريعا وتصعد سيارتها ويتبعها طاقم الحراسة الخاص بها لتبدء رحلتها متجها إلى منزل شقيقتها لتستخدم احداى البرامج ليدلها على الطريق لتصل لواجهتها سريعا...

بعد مرور عدة ساعات. منزل الزينى
غرفة الجلوس.
يجتمع الكل أمام التلفاز يشاهدون احداى المسرحيات ليقطع صفو لحظاتهم صوت تحطيم البوابة الخارجية للمنزل لينهضو جميعا مهرولين للخارج ليتفاجأ عثمان بألياس ليقول.
عثمان. أهلا يابية اتفضل
إلياس. هي فين
عثمان. اهى
لينظر إلياس للمكان الذي أشار له عثمان ليتصنم قليلا من الوقت ثم يشهر سلاحة بوجهها لتهرول سريعا باتجاة حربى ليوقفها حربى خلفة قائلا بحدة.

حربى. اى الجنان دا
عثمان. أهدى يابية. هو في اى
ليدلف عبيدة وسراج للداخل سريعا لينصدمو من الشبهة بينها وبين اريج ليقول سراج.
سراج. إلياس. فوء واهدى
حربى. نزل سلاحك يا ولد الديب
عبيدة. إلياس. أهدى ويالا بينا
إلياس. هقتلها
وكأن تلك الكلمة كانت الإشارة ليشهر الجميع أسلحتهم بوجه بعضهم البعض ليقول عثمان.
عثمان. نزل سلاحك يا ولد منك ليه
سلام. كيف يابوى دى مرت اخوى
شبل. جاى تهددنا في بيتنا يا ولد الديب.

عبيدة. الياااس كفاية لحد كده
وكفاية ليه
لينظر الجميع باتجاة الصوت ليتفاجئو بوجود اريج معهم لتتقدم وتقف أمام الياس قائلة.
اريج. نزل سلاحك
إلياس. هي السبب انك بعيدتى عنى
اريج. تصرفاتك السبب متحطش أخطائك على حد
إلياس. لاء انتى من ساعة اللى حصل وانتى بتبعدى وخصوصا لما عرفتى بوجودها
اريج. لآخر مرة بقولك نزل سلاحك
إلياس بغضب. هقتلهااااا
اريج. أنت اللى اخترت. لتنهى حديثها وهي تشهر سلاحها بوجه الياس.

حسنا لقد أصبح الوضع كارثى وأصبحت اللغة السائدة هي لغة الرصاص والدم الآن. لتشدد حورية قبضتها على ملابس حربى وهي تختبئ خلفة ليقول إلياس. ابعدى
أريج. هقتلك لو قتلتها
إلياس. عرفتى مكانها من ماج مش كده
أريج. نزل سلاحك
سراج. إلياس أهدى كده عشان لو في رصاصة واحدة خرجت هتبقى مجزرة.

لينتبة اخيرا لما يحدث هنا ليجد الجميع يشهر سلاحة بدء منة لعبيدة وسراج الذي يشهرون أسلحتهم بوجة سلام وحربى وشبل والآخرين أيضا يبادلونهم إشهار الأسلحة واريج ترفع سلاحها أيضا بوجة الياس ليصبح الوضع خطيرا للغاية لينظر إلياس لاريج ولأول مرة يرى علامات الغضب الممزوجة بالكره تحتل ملامحها ليقول...
إلياس. أريج. انا بحبك
أريج بهدوء. بس دى اختى
عبيدة. إلياس اريج بتتكلم صح
إلياس. أنت مش فاهم هتاخدها منى.

سراج. محدش هياخدها منك دى مراتك ارحمنا وارحمها بقى
عثمان. يا بية أهدى اكدة وكل حاجة هتتصلح
أريج. نزل سلاحك
حربى. ممكن نفهم بقى اى الجنان دا عاد
سلام. إلياس نزل سلاحك وتعالى نتكلم.
لينظر لحورية بكراهية قائلا.
إلياس. عمرى ما حبيتك
حورية بخوف. هو انا أعرفك اصلا
لتلتفت اريج على أثر الصوت وتتجمع الدموع بعينيها قائله...
أريج ببسمة حزينة. ازيك ياحورية
حورية. الحمدلله. انتى صوح أختى
اريج. بيقولو كده
حورية. اسمك اى.

اريج. اريج الديب
حورية. ابوكى اسمة الديب
لتضع اريج سلاحها خلف ظهرها مرة اخرى وتتقدم منها لتقول ببسمة
اريج. لاء الديب دا لقب العيلة. أبويا وابوكى اسمة وليد منير الديب
لتبتعد حورية عن حربى وتتقدم هي الأخرى باتجاة اريج قائلة.
حورية. طب هو فين
اريج. ربنا يرحمة
حورية. وماما
اريج. الله يرحمها برضو
حورية. يعنى احنا يتامى برضو
اريج. بس الفرق انى جنبك
حورية. وكنتى فين من زمان
اريج. مكنتش اعرف بوجودك. آسفة.

حورية. ينفع احضنك
اريج. ياريت
لتهرول الفتاتان ويحتضنا بعضهم بقوة ليتعالى صوت بكاء حورية لتتبعها اريج أيضا ليعلو بكائهم لتقول اريج بعد مدة وجيزة.
اريج. آسفة. انا آسفة. والله ما كنت اعرف
حورية ببكاء. ا انا اتبهدلت كتير وكنت فاكرة انى مليش حد
اريج. انا هنا وهفضل جنبك. انتى أختى ومستحيل اسيبك فاهمة وهاخدك ونمشى
حربى. تاخديها كيف
اريج. وانت مالك
حربى. صوح وانا مالى يدوبك جوزها بس.

لتنظر لها اريج ببسمة قائلة. انتى اتجوزتى
حورية. اه دا سى حربى جوزى
لتهمس لها اريج قائلة. مبروك بس جوزك مز
لتحمر وجنتيها ليقول إلياس.
إلياس. اريج يلا بينا
اريج. لاء
سراج. اريج أبوس إيدك الدنيا هتولع لو ماجتيش معانا
اريج. تولع. معادش يهمنى انا مش عايزة اشوف وشك تانى يا إلياس فاهم
لتمسك حورية يدها قائلة. بس دا جوزك
اريج. انتى متعرفيش حاجة
حورية. عرفينى
اريج. مش وقتة
إلياس. انا بحبك.

اريج. عارفة. بس انا تعبانة ومش قادرة اتحمل تانى خلاص
عبيدة. إلياس سيبها على راحتها وهي شوية وهترجع
سلام. إلياس. سيبها تقعد مع أختها شوية
إلياس. شوفتو انها هتاخدها منى
حورية، أنت بتكرهنى ليه
إلياس. عشان هتشاركينى في حبها. عشت عمرى ببعد الكل عنها عشان حبها يكون ليا لوحدى
حورية. بس دى أنانية
إلياس. وأنا انانى في حبها ارتاحتى
حورية. طب وانا ذنبى اى يا ابن عمى. مش ابن عمى برضو
إلياس. يمكن أكون ظلمتك. بس.

لتقاطعة حورية قائلة. يمكن. لاه دا اكيد يا واد عمى
اريج. انا هقعد أسبوعين مع أختى فاهم. بعد إذنك يا استاذ حربى
حربى. الدار دارك تنورى
اريج. شكرا. واسفة عن اسلوبى معاك
حربى. ولا يهمك عادى. عارفة لو كنتى محجبة كنت هتلغبط بينكم
حورية بحدة. نعم يا خويا
اريج. هههههههههه خلاص الراجل ميقصدش.

إلياس ببسمة. هما أسبوعين بس يا أريج فاهمة. انا هسيبك عشان هي السبب انى اشوف الضحكة الحلوة دى تانى. وانتى ياحورية هفكر أتقبل وجودك ف حياتنا
حورية بسخرية. كتر خيرك والله
حربى بحدة. حوووورية وبعدين
حورية. خلاص سكت
إلياس. اريج
اريج. نعم
إلياس. هتوحشينى الأسبوعين دول.

الفصل التالي
جميع الفصول
روايات الكاتب
روايات مشابهة