رواية لعنتي وعذابي الجزء الأول للكاتبة منى الأسيوطي الفصل الثاني عشر
قبل الزفاف بيوم...
منزل الديب، صباحا.
غرفة إلياس.
يستيقظ إلياس صباحا عندما شعر بشئ ما على عنقة ليفتح عينية يجد اريج تدفن وجهها في تجويف عنقة ليتجمد مكانة من فعلتها تلك فهى لم تقترب منة منذ تلك الليلة المشئومة ليقول بهدوء مصطنع...
إلياس. أريج
أريج. اممم
إلياس. بتعملى اى
أريج. ريحتك حلوة اوووى
إلياس. احم. طب ابعدى
لترفع راسها وتنظر له بنعاس قائله.
أريج. اول مرة تقولى ابعدى.
إلياس. عشان انا مش ضامن نفسى ومش عايز ازعلك تانى
أريج. انا منمتش بسبب البرفيوم بتاعك حلو اوووى
إلياس. طيب الازازة عندك هناك شمى فيها براحتك
أريج. الازازة معايا اهى
لترفع يدها وتشير للقنينة التي تحملها لتكمل حديثها قائلة...
أريج. بس البرفيوم عليك احلى
إلياس بضحك. ههههههههههههه شكلك حامل ف ولد وهيطلع وقح زى ابوة
أريج. ابنى مش وقح
إلياس. هههههه هنشوف الايام الجاية هيحصل اى.
أريج. لا مش هيحصل حاجة. انا قايمة اخد شاور
إلياس بغمزة. مش عايزة تشمى البرفيوم بتاعى وانتى بتاخدى الشاور. انا جاهز ف اى وقت
لتشهق اريج بخجل وتلقى علية قنينة العطر التي تحملها وتقول قبل ان تهرول للمرحاض.
أريج. بس يا سافل
إلياس بهمس. يا بنت المجنونة. هتجننينى معاكى.
غرفة حربى.
يجلس لأكثر من نصف ساعة وهو ينظر لها وهي تغط في ثبات عميق فأصبحت هوايتة أن يستيقظ قبلها ويظل يتاملها فهو صار متيم بهواها يعشق تفاصيلها وتصرفاتها فهى بقلبها الصغير بدأت بتغير عائله الديب للأفضل يحب حكمتها وبساطتها في حل المشكلات فهى رقيقة للغاية كما صارت عائلة الديب تحبها فهى قدرت على تجميع تلك العائلة مرة اخرى، يعود برحلة المارة إلى أرض الواقع عندما استيقظت تلك الحورية الصغيرة ليقول مبتسما.
حربى. صباح الحب على عيونك
حورية ببسمة. صباح الهنا
حربى. ابوى واخواتى جاين النهاردة
حورية. ينورو ويأنسو. أريج قالت انها حضرت لهم الأوض
حربى. انتى هتلبسى اى بكرة ف الفرح
حورية. والله ما عارفة. أريج قالتلى انها هتجبلى فستان
حربى. حورية لو ضيق مش...
حورية مقاطعة. من غير ما تقول. انا قولتلها وهي قالتلى انها هتجيبة واسع
حربى ببسمة. هتعملى لسما الحنة.
حورية. ايوا. مش عاجبنى الحنة الافرنجى بتاعتهم دى. انا بقى هعملهم حنة صعيدية مش هيشوفو زيها واصل
حربى. ربنا يفرح قلبك. يلا قومى وبلاش كسل
حورية. حاضر.
غرفة عبيدة.
يحاول عبيدة الخروج من الغرفة ولكن اسيل تمنعة فقد جن جنونها وقد بدأت هرموناتها في لعب دور مهم في حياتها بداية من الصباح الباكر...
عبيدة. اتنيلى ابعدى بقى عندى اجتماع
اسيل بغضب. اجتماع. قال اجتماع قال. أنت اكيد عايز تخونى. اه ما انا جسمى هيبوظ من الحمل ومش هعجبك واكيد هتدور على واحدة احلى منى عشان تخونى معاها
عبيدة. وبعدين معاكى بقى. انتى اتجننتى رسمى
اسيل. وكمان بتشتمنى. أنطق شكلها اى.
عبيدة. هي مين
اسيل. اللى خونتنى معاها
عبيدة. عليا النعمة هولع فيكى. اخونك ازاى ما انا كنت متنيل نايم جنبك
اسيل ببكاء. انا حلمت بيك وانت بتخونى. انا شوفتك وانت بتبوسها
عبيدة بحدة. انتى بتحاسبينى على أحلامك. انتى عبيطة. يعنى انتى تحلمى والبس انا
اسيل. بوسنى زى ما بوستها
ليبعدها عبيدة عن طريقة ويخرج من الغرفة وهو يقول بغضب.
عبيدة. طب غورى من وشى عشان شكلك اتهبلتى ع الصبح.
غرفة سراج...
يستيقظ سراج عندما أستمع لصوت طرق خفيف على باب الغرفة لينظر للساعة الموضوعة على الحائط ليجدها قد تخطت العاشرة صباحا لينهض بثقل متجها للباب وما ان فتحة حتى أستمع لشهقه أنثوية ناعمة ليفرك عينية وينظر أمامه ليجد سما وقد تلون وجهها بحمرة الخجل حين رأتة يرتدى بنطال قطنى
اسود اللون وجزعة الأعلى عاريا ليقول بسخرية.
سراج، اى دا انتى طلعتى بتتكسفى زى باقى البنات.
سما بصوت منخفض يكسوة الخجل والتوتر قائلة.
سما. الله يسامحك
سراج. لا و بقيتى مؤدبة
لتنظر لو بغضب قائلة. ليه قالولك انى متربتش
سراج. شوفتى قلبتى ف ثانية
سما. على فكرة انت رخم. وقليل الذوق. ومتربتش هاا. وبعدين ازاى تفتح الباب وانت كده مش تستر نفسك
سراج. تصدقى صح ازاى نسيت ألبس الاسدال قبل ما أفتح
سما. أنت بتتريق
سراج بضيق. بقولك اى انا لسة صاحى ومش فايقلك انجزى عاوزة اى
سما بتوتر. ه هعوز اى يعنى.
سراج. انجزى بزهق بسرعة
سما. عايزة أسألك سؤال
سراج. خير
سما. هو انت بتحبنى بجد.
ليمتنع الفم عن الحديث والعيون تصدر قرارها بالعشق المتيم ليقبض على رسغها ويسحبها للداخل لتقول بخوف...
سما. سراج انت بتعمل اى
سراج. وحشتينى. بقالى كتير مسمعتش طولة لسانك
سما بتوتر. ها. لا. اوعى. انا. انا
ليقترب منها لتتراجع للخلف بتلقائية لتعلو بسمة الاستمتاع شفتية ليقول.
سراج. انتى خايفة من اى. دا انا حتى خطيبك وكلها كام ساعة وأبقى جوزك
سما بصدمة. جوزى
سراج. ايوا جوزك مالك اتصدمتى كده ليه
سما. انا. انا. انا
انتى اى
ليلتفت سراج على أثر الصوت ليجد شقيقة وشقيقها وحربى ليقول سراج بتوتر من نظرات الياس له.
سراج. اى. في اى. انا كنت بقولها حاجة
عبيدة بجمود. حاجة اى
سراج بتوتر. هاا
حربى بضحك. هههههههههه. ها اى يا فلانتينو
عبيدة. سما
سما بخوف، ن نعم
عبيدة، كان بيقولك اى
سما...
إلياس، سما
سما بنبرة باكية. نعم يا أبية
إلياس. تعالى
لتتقدم سما بخوف وتقف بعيدة قليلا
إلياس. خايفة ليه انا عمرى زعلتك
لتحرك سما رأسها يمينا ويسار دليلا على علامة النفى ليكمل إلياس حديثة قائلا...
إلياس ببسمة. طيب قوليلى كان بيقولك اى
سما بخجل. كان. كان بيقولى. و. وحشتينى
سراج. يا بنت الكلب بتعترفى من اول قلم
عبيدة. بتقول اى ياحيوان انت
سراج. مش قصدى بس الهبلة بنت الهبلة فضحتنى.
عبيدة. حيواااان عليا الطلاق من أختك انت جزمة
إلياس. طب واختى مالها
عبيدة. الحيوان دا شتم امى وأبويا وانت زعلان على أختك
سراج. مش قصدى أشتم قصدى
حربى مقاطعا. اسكت احسن عشان انت بتعك
سراج. تفتكر كده
عبيدة. اسمع كلام حربى واكتم ياجزمة
سراج. اتكتمت
إلياس. ألبس هدومك يا حيوان وتعالى ورانا
سراج. طيب.
منزل الزينى...
غرفة سلام.
تقوم وفاء بتجهيز الحقائب من أجل السفر لحفل زفاف سراج الديب ليدلف سلام للداخل قائلا.
سلام. وفاء
وفاء. نعم
سلام. حضرى شنط العيال ونزليهم تحت
وفاء. هخلص الشنط كلها وانزلهم
سلام. لاء خلى الشنطة بتاعتى وبتاعتك لحالها
وفاء. ليه
سلام. العيال هيروحو دار ابوكى وانا وانتى بس اللى مسافرين
وفاء. ليه اكدة خلى العيال يسافرو ويتبسطو.
سلام. يتبسطو في دار ابوكى وهما راضين وهيلعبو مع عيال اخوالهم هناك
وفاء. طب فهمنى ليه هتبعتهم عند ابوى
ليحاوط خصرها بيدية وينظر لها بحب قائلا...
سلام. عاملك مفاجأة
وفاء ببسمة. بجد
سلام. ايوا بجد. همى عاد على ما أشوف ابوى وشبل جهزو ولا لسة
وفاء. حاضر.
غرفة شبل.
قامت رشا بتجهيز حقائبها ووضعتهم بجوار الفراش وهي الآن تطعم صغيرتها ليدلف شبل للداخل قائلا.
شبل. رشا خلصتى
رشا. ايوا
شبل. طيب هتسبح ونمشى
رشا. انا محضرالك الحمام
شبل ببسمة. تسلميلى.
منزل الديب مساء...
يجلسون سويا يتمازحون بسبب أفعال اسيل فمنذ أن علمت بخبر حملها وهي تفعل أشياء غريبة...
عبيدة. الرحمة يارب
اسيل. شايفين بيعاملنى ازاى
حورية. يابنتى مينفعش اللى انتى بتعملية دا
حربى بغمزة. اموووت ف العاقل بتاعى
حورية بتوتر. وااه عاد. أنت اتعديت منهم
سما. الحقى جوزك قعدتة من الناس دى غلط
حورية. عندك حق يابت عمى
سناء. ربنا يهنيكم ويسعدكم وافرح بعيالكم يارب.
منير بحب. ياما نفسى اشوف عيالكم وافرح بيهم قبل ما أموت
أريج بغضب. بطل تقول كده
إلياس. مالك يا أريج
أريج بضيق. ماليش
حورية ببسمة. ربنا يصلح حالك يا أريج
اسيل. أنجز يا عبيدة
عبيدة. مالك بقيتى سافلة كده ليه
اسيل. سافلة سافلة بس هات بوسة
سراج. استنو اجيب فشار واجى اتفرج
مها. يابنى بقالها كتير عايزة بوسة وانت عمال تناكف فيها
عبيدة. مش هتطولها عشان انا بخونها في أحلامها. انا راجل خاين.
اسيل بحدة. أقسم بالله لو ما جبت بوسة لاولع فيك
عبيدة. مالك يا اسيل انتى كويسة
اسيل. مااالى شايفنى بشد شعرى. وفيها اى لما اطلب بوسة. انا عايزة اتباس
سناء. ما تتلمى يا بت واحترمى وجودنا
إلياس بغمزة. اموت ف السفالة مش جايباة من برة
أريج بتوتر. إلياس
إلياس. نعم يا روحى
أريج. البرفيوم بتاعك حلو اوى
إلياس بملل. دى المرة العشرين اللى تقوليلى كده والازازة ف حضنك من الصبح مالك يا روحى
أريج. احضنى
إلياس بصدمة. أي.
منير. أنتم عياركم فلت كده ليه
حورية. أريج اى اللى انتى بتقوليه دا
أريج. ريحتو حلوة اوووى
ليحتضنها إلياس بحب ويقربها منة قائلا.
إلياس. بس كده ولو عايزة اكتر من حضن انا موجود
لتعقد حاجبيها بانزعاج بعد عدة دقائق لتقول.
أريج. إلياس سبنى
إلياس. ليه مش عايزة تشمى ريحتى
لت. دفعة اريج في صدرة وتبتعد عنة وتهرول للمرحاض وهي تقول.
أريج. أبعد هرجع
إلياس. كان حمل اسود عليا وعلى اللى جابنى.