رواية لعنتي وعذابي الجزء الأول للكاتبة منى الأسيوطي الفصل الثالث والعشرون
بعد مرور شهرين، منزل الديب. غرفة الياس.
تجلس اريج ترضع صغيرها وتداعبة ليقطع لحظاتها صوت طرق خفيف على باب الغرفة لتاذن اريج للطارق بالدخول لتدلف سما ويبدو على ملامحها التعب لتقول أريج بقلق.
أريج. سما. تعالى يا حبيبتى. مالك انتى كويسة
سما. الحمدلله انا كويسة وزى الفل
أريج، كويسة اى. شكلك تعبان
سما. متقلقيش عليا. انا كنت عاوزة أسألك سؤال
أريج. خير ياقلبى
سما. سراج فين
أريج. معرفش.
سما برجاء. عشان خاطرى يا أريج قوليلى. انا متأكدة انك عارفة طريقة. انا مش عايزة منه حاجة انا بس عايزة اطمن علية
أريج. والله العظيم انا فعلا معرفش مكانة
سما. طب أبية الياس يعرف طريقة.
سما
لتلتفت سما على أثر الصوت لتجد الياس وعبيدة خلفها لتقول
سما. نعم يا أبية
الياس. عايزة تعرفى اى
سما. عايزة اطمن على جوزى
عبيدة بجمود. بطلى تسألة علية. انا اصلا هطلقك منة
سما بصدمة. أنت بتقول يا عبيدة. انا بحب جوزى ومستح...
ليقاطعها عبيدة بغضب وحدة.
عبيدة، بطلى العبط اللى انتى فيه دا. بقالو كام شهر راميكى ومش معبرك وانتى زى الهبلة لسة بتجرى وراة.
سما ببكاء. ولحد ما أموت هفضل أجرى وراة. دا جوزى ابو بنتى ازاى اسيبة يمكن يكون في شدة ومحت...
عبيدة. شدة اى وزفت اى عايزة تعرفى جوزك فين جوزك ا...
الياس مقاطعا. عبيييييييييدة. أخرس خالص
عبيدة. ما انت شايف المتخلفة دى بتفكر ازاى
الياس بهدوء. سما شكلك تعبانة
سما. أنا مش تعبانة انا كويسة
الياس. ميعادك امتى مع الدكتورة
سما بتوتر. ل ليه
الياس. عادى عايز اطمن على بنت اخويا فيها حاجة دى.
سما. لا مفيش. ميعادى بعد أسبوعين
عبيدة. انتى في الكام
سما. في السابع
الياس. خلاص اهدوا بقى بقولك يابت ياسما ما تروحى تغيرى هدومك وتعالى أخدك نجيب هدوم لحبيبة عمها. صحيح انتى عايزة تسميها اى
سما. سما
أريج بضحك. سما. اتنين سما في الرأس توجع
سما. معلش بقى انا بحب اسمى وعايزاة يفضل موجود
الياس بشك. ماهو موجود. انتى هتروحى فين
سما. انا بهزر. بس على الله يطلع بختها احسن من بخت أمها
الياس. طيب انا هستناكى تحت.
عبيدة. انا جاى معاكم
سما بسعادة. بجد
عبيدة ببسمة. بجد يا قلب اخوكى. يلا البسى واحنا تحت. يلا يا الياس
الياس. يلا.
ليخرج الياس برفقة عبيدة ليتبقى بالداخل سما واريج لتلتفت سما وتخرج شيئا صغيرا من جيبها وتقدمة لاريج قائلة.
سما. أريج خدى
أريج. اى دا
سما. دى فلاشة خليها أمانة معاكى ومتفتحيهاش إلا في الوقت المناسب
أريج. وامتى الوقت دا
سما. هتعرفى لوحدك
أريج. مالك يا سما والفلاشة دى فيها اى.
سما. ماليش ياقلبى و هتعرفى اى اللى فيها لما تفتحيها بس أمانة عليكى تخلى بالك من الفلاشة دى
أريج. حاضر يا قلبى
سما. هروح أغير بقى
أريج. ماشى
لتلتفت لسما من اجل الرحيل ولكنها وقفت فجأة والتفتت قائلة.
سما، أريج
أريج. نعم
سما. خلى بالك من بنتى
أريج بخوف. ليه بتقولى كده. انتى في حاجة تعباكى
سما. لا انا بس خايفة من الولادة
لتحتضنها اريج بقوة قائلة.
أريج. متقلقيش يا قلبى، احنا كلنا جنبك
سما. ربنا يخليكم ليا.
فى مكان آخر حيث يتواجد سراج وأسرته...
يجلس سراج يتابع عملة الجديد على الحاسوب حيث أنشأ شركة صغيرة بمساعدة زوجتة كيارا، لتدلف كيارا للداخل وهي تنزع ذلك المأزر الطويل لتظهر تلك القطعة الحريرية من ملابس النساء وتجلس بجوارة على الأرضية قائلة.
كيارا. ألم تمل من العمل؟
سراج. أعلم انك تشتاقين اللى. ولكن يجب ان أنجز بعض المهام أولا
كيارا. سراج يكفى عمل اليوم عيناك ستؤلمك
سراج. لحظة عزيزتى وساتفرغ لكى.
كيارا. انا أتحدث بجدية سراج. اترك الحاسوب
لينصاع لرغبتها ويضع الحاسوب جانبا وينظر لها بحب قائلا.
سراج، حسنا يا عزيزتى ماذا تريدين؟
كيارا. أريد أن أسألك. هل تحدثت مع أخيك مرة اخرى؟
سراج. لا. ولن أتحدث. دعى الأمور تهدأ الآن وسأذهب لعائلتى وأخبرهم بكل شئ
كيارا. حسنا. وماذا عن زوجتك؟
سراج بعدم فهم. ماذا؟
كيار. هل ستنفصل عنها ام ستبقى معها؟
سراج بتنهيدة. لا أعلم. لا أظن انها تنتظرنى على اى حال. لقد تركتها وحيدة
كيارا. لماذا تزوجتها سراج؟ ولا تكذب وتقول أحببتها. مستحيل أن تكون أحببت تلك الفتاة
سراج، حسنا. لقد استمعت لحديثها صدفة مع احداى أصدقائها عبر الهاتف...
فلاش باك...
تجلس سما بغرفتها تتحدث عبر الهاتف مع احداى اصدقائها وهي تدعى منار...
سما. بحبة بس. دا انا بموت فيه
منار...
سما، انتى مجنونة. عايزانى اروح اقولة انا بحبك يا سراج، والنبى تعالى اتجوزنى، انتى عايزة عبيدة يقتلنى
منار...
سما. بحب اناقرة. عشان بتعصب عليا عشان اتكلم معاة. هو مش بيتكلم معايا غير لو ناقرتة
منار...
سما. هيفضل حلم حياتى انى أكون مراتة، انشالله اموت بعدها
منار...
سما. تصدقى وحشنى. اما انزل ادور علية واتخانق معاة، باى.
لتنهى المكالمة وتلقى بالهاتف على الفراش و تهرول للمرحاض حتى تغتسل وتبدل ثيابها لكى تهبط للأسفل ولم تلاحظ ذلك المستمع لحديثها مع صديقتها حين كان يمر من أمام غرفتها ولم تكن موصدة الباب.
باااااااااك...
سراج. لهذا تزوجتها. لأحقق لها حلمها
كيارا. اذن ستكون بانتظارك لأخر العمر يا عزيزى
سراج بتنهيدة. لا أعلم.
منزل الزينى...
يدلف حربى بهدوء تام للغرفة والإرهاق حليفة بعد ان مكث يومان خارج المنزل من اجل العمل ليتفاجأ بحورية تجلس على الارضية وتستند بظهرها على الفراش وتحمل عائشة وخديجة باحضانها وسليم على قدميها وتغط في ثبات عميق ليتقدم بهدوء ويحمل سليم ويضعة في فراشة ويلتفت وينظر لها ليجد الهالات السوداء تحاوط عينيها ووجهها شاحب قليلا دليلا على الإرهاق الشديد وعدم النوم بسبب الصغار ليتركها ويدلف للمرحاض ويفتح الصنبور حتى يملئ حوض الاستحمام بالماء الساخن ووضع بداخلة السائل الرغوى الخاص بالاستحمام ثم اتجة لخزينة الملابس وأخرج قطعة ملابس نسائية خاصة بالنوم ووضعها داخل المرحاض وذهب حمل عائشة لتستيقظ حورية فزعة قائلة.
حورية. عائشة
ليشير لها حربى بهدوء قائلا.
حربى. هششششش دا انا
حورية بسعادة، حمدلله على سلامتك يا حبيبى
ليلتقط خديجة من حضن والدتها وهو يقول.
حربى، الله يسلمك يا قلب حبيبك
ليلتفت لها ويمسك يدها ليوقفها قائلا.
حربى. شكلك تعبانة. ومش بتنامى كويس
حورية. بصراحة سليم مزعج جدا ومش بيسكت خالص و...
لتشهق فزعة حين حملها حربى فجأة لتقول.
حورية. أنت بتعمل اى
حربى. هششششش لازم تريحى جسمك دا وانا ياستى هظبتك تعالى بس.
لينهى حديثة وهو يتخلص من ملابسها ويضعها بحوض الاستحمام الدافئ حتى تنعم بة وتركها قائلا...
حربى. اقعدى في المية شوية وراجعلك.
ليتركها ويذهب لخزينة ملابسة ليبدل ملابسه ببنطال قطنى وترك جزعة الأعلى عاريا وذهب لهاتفة ليتصفح المواقع الإلكترونية عن العناية بالبشرة والشعر وكل ما يخص النساء ثم ذهب لطاولة الزينة الخاصة بزوجته وأخذ تلك العلبة الخاصة بأحد الأقنعة للعناية بالبشرة وأخذ أيضا بعض الأشياء الأخرى ليدلف للداخل ليجدها غفت في المياة من شدة ارهاقها ليوقظها بهدوء قائلا.
حربى. حورية. حورية
حورية. اممممم. اى دا. انا نمت ازاى.
حربى. هههههههه لا معلش صحصحى معايا كده
لتنظر لما بحملة بيدية بتعجب لتقول.
حورية. اى دا. أنت بتعمل اى بحاجتى
حربى. بصى بقى الأول هحطلك البتاع دا. بيقولو مفيد للبشرة
حورية. ايوا دا ماسك. بس انت اللى هطحطلى
حربى بغمزة. هحطلك بس. دا انا هظبتك، وهعملك مساج كمان وهضيعلك الإرهاق اللى انتى فيه دا
حورية ببسمة. أنت بتتكلم جد
حربى. جد جد كمان. تعالى بقى ادينى وشك القمر دا
حورية، هتعرف تحطهولى
حربى. طبعا داانا هبهرك.
حورية بضحك. هههههههه ربنا يستر.
منزل الديب مساء...
تجلس سما في بهو المنزل وتجلس برفقتها اسيل واريج وهم يقومون بفتح المشتريات الخاصة بالمولودة وتقوم بعرضها على مها وسناء ومنير. الجالسين أمامها يتابعون سعادتها بهذة الأشياء الكثيرة. حيث قام إلياس وعبيدة بشراء أشياء كثيرة من اجل طفلتها، لتمسك أحد الفساتين القطنية الصغيرة وهي تقول بسعادة.
سما. بص يا جدو الفستان دا حلو ازاى. انا متأكدة انها هتكون قمر فيه.
منير بحب. اكيد هتبقى قمر لمامتها
سناء، ربنا يقومك بالسلامة يابنتى
سما بتنهيدة خوف. يارب
مها. بس الهدوم دى كتير اوووى
الياس. مفيش حاجة تكترعليها ولا على حد من عيلة الديب
عبيدة. عيشوا حياتكم بقى احنا عندنا شغل لازم يخلص
منير. طيب تعالو على أوضة المكتب نتكلم
لينهى حديثة ويتبعة الياس وعبيدة لتبقى سما واسيل واريج وسناء ومها يتابعون فتح الأشياء...
أما في غرفة المكتب يتحدث منير بغضب قائلا.
منير. يعنى انت عرفت مكانة
الياس. ايوا. في النمسا. بس فين بالظبط لسة معرفش. العنوان هيجيلى بكرة وهربية لما اوصلة
عبيدة. يطلقها الأول
الياس. أهدى يا عبيدة الأمور ما تتحلش كده
عبيدة بحدة. أهدى. أهدى اى. أنت لو عرفت انى متجوز على أختك لااااا ومخلف كمان وكنت عايز احرمها من الخلفة وفي الآخر سبتها وهربت هتكون هادى، كل المعلومات اللى وصلت لنالحد دلوقتى تخلينى عايز اقتلة.
الياس بتنهيدة. عندك حق في كل اللى هتقولو. بس احنا لازم نهدى عشان خاطر سما وبنتها لازم نحكم عقلنا
منير. هاتولى الحيوان دا من تحت الأرض. انا عا...
ليبتر كلامة ويهرولو جميعا للخارج حين استمعو لصراخ النساء بالخارج...
منزل الزينى. غرفة حربى...
يجلس حربى على تلك الأريكة الموضوعة في الغرفة وحورية تجلس باحضانة يراقبون الصغار وهم نائمون.
حربى. الواد سليم دا شكلة هيبقى داهية متحركة
حورية. ههههههههه اه والله. زنان جامد وعندة قدرة على السهر جامدة
حربى. ههههههههههه معلش يا قلبى انا عارف أنهم تاعبينك، بس انا عرضت عليكى اجبلهم شغالين مخصوص وانتى رفضتى.
حورية بجدية. الشغالة مش تاخد بالها احسن منى على ولادى. انا حابة التعب دا عشان بسببهم. انا مش عايزة حد يشاركهم فيا
حربى. خلاص ياقلبى اللى يريحك. بقولك اى ماتيجى بكرة اخد أجازة وافسحك انتى والعيال
حورية بسعادة. بجد ياريت. اهو نغير جو
حربى. من عنيا انتى تؤمرى
لتلتفت حورية حين صدع هاتفها بالرنين لتجيب بسعادة حين رأت اسم شقيقتها.
حورية. أهلا أهلا. اى يا بنتى مش ليكى أخت تسألى عليها دا انا جبت البتاع دا مخصوص عشان اكلمك
أريج ببكاء. حورية
لتنتفض حورية واقفة قائلة بقلق...
حورية. أريج. مالك يا خيتى
أريج. سما. سما تعبانة جامد
حورية بخوف. اى دا هي هتولد ولا اى
أريج. معرفش، هي ف السابع لسة. بس وقعت من طولها واحنا دلوقت في المستشفى. انا خايفة عليها
حورية. طيب أهدى وتابعينى بالتليفون
أريج ببكاء. حاضر.
لتنهى حورية الاتصال والقلق حليفهاليقول حربى.
حربى. في اى يا حورية
حورية. سما وقعت من طولها وبيقولو تعبانة جامد
حربى. طب ومستنية اى. قومى البسى ولبسى العيال وانا هشوف واحدة من للشغالين تسافر معانا عشان العيال
حورية. ربنا يخليك ليا يا سيد الناس ومتحرمش منك ابدا
حربى. ولا منك يا حبيبتى. يلا اجهزى
حورية. حاضر.
فى المشفى...
تجتمع العائلة بأكملها في المشفى والقلق والتوتر حليفهما وازداد خوفهم حين اخبرتهم الطبيبة بحاله سما الصحية ليقول الياس.
الياس. أريج. اى اللى حصل. احنا سيبناكم بتفتحو في الهدوم ودخلنا المكتب ومكانش في اى حاجة.
أريج ببكاء. ب بعد ما دخلتم المكتب سما افتكرت السلسة اللى جابتها لبنتها وقالت انها مع عبيدة.
لينظر لهم عبيدة بحزن ويخرج ذلك السلسال الذهبى المنقوش بإسم سما التي ابتاعتة لصغيرتها لتكمل اريج حديثها ببكاء
أريج. و وق قالت انها هتروح ت ت تجيبه منة وفجأة لقيناها واقفة قدام اوضة المكتب ومش بتتحرك فروحتلها انا واسيل لقناها بتعيط من غير صوت وسمعناكم وانتو بتتكلمو عن سراج انة اتجوز وخلف وفجأة مسكت قلبها ووقعت من طولها
عبيدة. أختى لو جرالها حاجة عمرى ما هسامح سراج.
مها ببكاء. ازاى مريضة قلب واحنا منعرفش
سناء. لأنها كانت بتروح للدكتورة لوحدها كانت بترفض ديمآ أن اى حد مننا يروح معاها
مها. يارب وحيات حبيبك النبى. احميلى بنتى يارب
اسيل. أهدى يا طنط ان شاء الله تقوم بالسلامة
الياس. انا ممكن اسفرها برة
منير. ايوا. سفرها. اعمل اى حاجة بس اوعى تسبها للموت. انا مش هستحمل انى اخسرها
مها لنحيب. موت. موت اى. لا يارب والنبى سيبهالى دا انا ما...
ليقطع لحظاتهم خروج الطبيبة قائلة.
الطبيبة. الحمد لله ولدت
مها. الحمد لله طب وبنتى
الطبيبة بحزن. البقاء لله.