رواية لعنتي وعذابي الجزء الأول للكاتبة منى الأسيوطي الفصل التاسع عشر
فى صباح يوم جديد تجتمع اريج واسيل في غرفة سما...
اسيل. خلاص ياسما عينك ورمت
أريج. والله ما هسكت وهثبتلك انة برئ. اصلا البت دى شكلها مش مظبوط.
اسيل. انا مش مصدقة مستحيل سراج يعمل كدا. يا بنتى اخويا بيحبك مستحيل يتجوز غيرك
أريج. قومى غيرى هدومك يلا. انا هثبتلك ان كل دا كدب
سما ببكاء. م مش عايزة ا اتكلم و م مش عايزة اعرف حاجة. س سيبونى في حالى
أريج. بطلى عبط وانا هريح قلبك قومى يلا و...
لتبتر كلماتها بسبب ارتفاع رنين هاتفها لنجيب قائلة.
أريج. ألو
كله تمام يا أريج هانم. اى اؤامر
أريج. وديها مخزن الحديد القديم بتاع شركة الديب
حاضر يا هانم
أريج. عايزة حراسة على المكان وناس تكون تحت أمرى فاهم
فاهم يا هانم. في انتظارك
أريج. ساعة وأكون عندك
تمام يا هانم
لتنهى الاتصال وترى علامات الاندهاش تحتل وجة اسيل وسما لتقول اسيل.
اسيل. حراسة اى ومين اللى وديتية مخزن الحديد القديم.
أريج. هتعرفى الإجابة لو قومتو لبستو. اخلصو بقى
ولو عبيدة وسراج سألوكم رايحين فين. هتقولو رايحين نتمشى فاهمين. انجزو يلا.
أما بالأسفل يطرق الياس الأرض بغضب واضح ويجتمع الكل بالأسفل معه ليقول منير...
منير. يابنى الصور دى حقيقة
الياس. حقيقية بس من حوالى خمس سنين. اموت واعرف مين اللى بعتها
عبيدة. امبارح جواز سراج و النهاردة صورك وانت في حضن واحدة دا حد عايز يدمر جوازكم
سناء. يا ماشاء الله يا زين ما ربيت
الياس. يا أمى والله الصور دى قديمة جدا. دا انا نسيت انها موجودة. دماغى وقفت
مها. طيب شيلو الصور دى قبل ما أريج تشوفها.
أريج. صور اى يا طنط
لتلقى اريج كلماتها وهي تهبط الدرج برفقة سما واسيل بعدما استمعت لحديث مها لتجعل الأجواء متوترة خوفا من معرفتها بتلك الصور
أريج. ما حد يرد صور اى
الياس بتوتر. م مفيش.
لتنظر له أريج بتقيم وتلمح شئ في يدة لتقترب منة وتمسك بالصور وعلامات الصدمة تتصاعد تدريجيا إلى وجهها حيث كان يجلس الياس على الارضية وفتاة تجلس على كرسى ورأسة مستندة على قدميها وصورة أخرى والياس يجلس تلك الفتاة على قدمية ويقبل وجنتها وهي تحتضنة وتحاوط خصرة بقدميها وصورة اخرة وهي تقف امامة ويحتضنها الياس من الخلف وصورة أخرى وهم يجلسون على الأريكة والفتاة تضع يد على عنقة والأخرى على صدرة لتنظر أريج للصور بتقيم ليقول الياس.
الياس. أريج انا هفهمك والله الصو...
أريج مقاطعة. أنت ازاى تعمل كده
الياس. هفهمك
أريج. تفهمني اى ازاى تغلط غلطة زى دى
الياس. انا.
أريج. انا بعد كده اللى ههتم بلبسك
الياس بصدمة. اى
أريج. القميص دا وحش جدا
لتنهى كلماتها وهي تشاور على احداى الصور
الياس. انتى بتقولى اى
أريج. اى مسمعتش ازاى الياس الديب يلبس قميص زى دا. ذوقك ابتدى ينحدر يا روحى
سناء. أريج انتى كويسة
أريج. ايوا يا طنط. يلا بقى يا جماعة
اسيل. يلا.
عبيدة. يلا فين
أريج. سما تعبانة هناخدها ونتمشى شوية بعد إذنك يا روحى
الياس، ا ا ا
لتقترب منة أريج وتحتضنة بحب قائلة.
أريج. مالك يا قلبى
الياس. ا انتى مش زعلانة
لتقترب منة بدلال وتهمس باذنة قائلة.
أريج. عمرى ما ازعل منك. ثقتى فيك اكبر من اى حاجة. انا خارجة ومش هتاخر
لتنهى كلماتها وهي تطبع قبلة على وجنتة وقبل ان تبتعد عنة يحاوط خصرها بتملك وعينية تتحدث بعشقها ليقول.
الياس. بلاش تخرجى وخليكى معايا. في حضنى وجوة قلبى
أريج ببسمة. معلش هخرج سما شوية وراجعة ساعتين بالكتير
الياس. بحبك
ليشهق الجميع بعد ذلك حين احتضن وجهها بكيفية واطبق على شفتيها يقبلها بكل حب وعشق بداخلة ليقول منير.
منير. يا ولاد الكلب
لتبتعد اريج عنة وهي تضحك قائلة. سورى يا جدو. يلا يا بنات
الياس. متتاخريش عليا
أريج. حاضر.
منزل الزينى. غرفة حربى
تجلس على الفراش وهي تتابع احداى البرامج عن الاطفال وبيدها طبق ممتلئ من فاكهة العنب ليدلف حربى للداخل وهو مبتسما ليقول.
حربى. بتعملى اى
حورية. بتفرج على البرنامج دا
حربى. اممممممم
حورية. خلصت شغل
حربى. اه في شوية حاجات سلام وشبل هيخلصوها
حورية. انا عارفة انى تعبت الكل
ليقترب منها ويجلس بجوارها ويحتضنها قائلا.
حربى. انتى تتعبى الكل براحتك يا قلبى. نسيت اقولك عم حسين والست عائشة جاين بالليل
لتشهق حورية بسعادة قائلة. بجد
حربى ببسمة. بجد يا قلبى
حورية. تأكل عنب
حربى بغمزة. انا عايز أكل حاجة تانية
لتشهق بخجل وتتوتر بشدة قائلة.
حورية. ب ب بس يا، و...
حربى بضحك. هههههههههههههههههه يعنى هنفضل في الكسوف دا كتير. دا انتى قربتى تولدى
حورية بخجل. يوووة بكفاية عاد
حربى. والنبى عسل وبموت فيكى.
حورية. بعيد الشر عنيك من الموت. ربنا يديمك نعمة في حياتى يا سيد الناس
حربى. لا وربنا بعد الكلمتين الحلوين دول انتى عايزة تتباسى
حورية. وااااة بوس اى. عيب اكدة
حربى. عيب. عيب اى تعالى بس.
شركة الديب...
يدلف عبيدة لداخل مكتب الياس والتوتر والخوف يتبعانة ليقول عبيدة.
عبيدة، الياس
الياس. اى في اى
عبيدة. الحراسة كلمونى
الياس. في اى اريج حصلها حاجة
عبيدة. لاء بس قالولي انها واسيل وسما في مخزن الحديدالقديم
ينتفض الياس من على كرسية قائلا.
الياس. أنت بتقول اى. وهما بيعملو اى هناك
عبيدة. معرفش انا مخلتهمش يقربو منهم ليعرفو أننا ممشين حد وراهم
الياس. هات سراج وحرس وتعالى ورايا. اكيد في مصيبة.
عبيدة. ماشى.
مخزن الحديد...
تجلس اريج بكل كبرياء على ذلك الكرسى واسيل وسما يتابعون ما يحدث بصدمة شديدة واريج تنتقم من تلك الفتاة المدعوة رغدة وهي مقيدة الايدى والأرجل وملقاة بإهمال أمام أريج على الارضية.
أريج. كان زمانك قولتى الحقيقة وخلصتى
رغدة بتعب. انا مراتة
أريج. انتى اللى اخترتى. شوااااااف
ليظهر رجل طويل وممتلئ الجسد قليلا واصلع قائلا.
شواف. أمرك يا أريج هانم
أريج. اقتلها.
لتنهى كلماتها وهي تنهض من على كرسيها وكأنها لم تقل شئ مهم لتصرخ رغدة قائلة.
رغدة. لااااااااا هقول هقول كل حاجة
أريج. كويس. مين اللى رماكى على سراج
رغدة ببكاء. فؤاد منصور
اريج، فؤاد منصور بتاع شركة مارت
رغدة. ايوا هو وهو اللى ادانى القسيمة
أريج، شواااااف
شواف. نعم
أريج. مشى البت دى من هنا وفضى المكان
شواف. حاضر
سما. مين فؤاد دا. ولية يعمل كده
أريج. مش عارفة بس...
لتصمت حين ارتفع رنين هاتفها لتجيب قائلة.
أريج. مرحبا ماج
ماج. مرحبا صديقتى
أريج. هل يوجد أخبار جديدة
ماج. انة شخص يدعى فؤاد منصور
أريج. يا اللهى، حسنا شكرا ماج
ماج. انا دائما بالخدمة عزيزتى. وداعا
أريج. وداعا
لتنهى الاتصال وتنظر لأسيل قائله.
أريج. فؤاد منصور هو اللى بعت الصور بتاعت الياس
اسيل. طب هيستفاد اى
أريج، أقطع دراعى ان الموضوع دا في إن، انا متأكدة أن الراجل دا عايز يشغلهم بمشاكلنا عشان في هدف عايز يوصلو و...
لتصمت اريج حين رأت الفتايات ينظرون خلفها بصدمة وخوف لتقول أريج.
أريج. انتو متنحين كده ليه
لتنهى كلماتها وهي تلتفت خلفها لتجد الياس ينظر لها بغضب شديد وبرفقتة عبيدة وسراج.
عبيدة. اسيل. قدامى على البيت
اسيل بخوف. حاضر
سراح. يلا يا سما
لتذعن لأمرة دون حديث ليتبقى بالداخل اريج والياس فقط لتقول بتوتر.
أريج. ا الياس. انا. انا
الياس بحدة. انتى اى
أريج. آسفة بس.
الياس. آسفة. آسفة على اى ولا اى، هو انا علشان سكت على اللى عملتية في مايا تفتكرى ان كل حاجة هتعدى من غيرحساب
أريج. انا كنت...
الياس. كنتى اى يا مدام. كنتى بتستغفلينى. كنتى بتكدبى عليا. متجوز رئيسة عصابة. بتخطفى بنت وتأمرى بقتلها عادى. لا وكمان بتتعاملى مع مجرمين
أريج بدموع. ا ا.
الياس بغضب. اخررررسى مسمعتش صوتك. هو انتى شايفانى اى عشان تتصرفى كده. تفكيرك من دماغك. بتتعاملى مع الشواف، انتى عارفة انة مجرم ورد سجون، انتى اتهبلتى في عقلك
أريج، الياس. متتكلمش معايا كده. انا كنت بساعد سما ا
الياس بصوت مرتفع وغاضب. انتى كمان ليكى عين تبجحى فيا. انتى ناقصة رباية
أريج بصدمة. أنت بتقول اى. انا مش متربية. أنت ازاى تتكلم كده
إلياس. أقسم بالله هطبق وشك
أريج، انا حرة ومش همشى على كيفك.
إلياس. اه دا انتى فلتت منك بقى. تعالى هنا
أريج بخوف. لاء. طلقني أن...
هدوء عم المكان بعد تلك الصفعة التي صدى صوتها بالمكان لتتحسس اريج وجنتها بصدمة لتجلس على الارضية وتبدأ في الانهيار والبكاء لينظر الياس لها قليل من الوقت وهو مازال تحت تأثير غضبة ليمسك يدها بعنف يرفعها عن الأرض قائلا.
الياس. قومى يا هانم يلا.
لينهى حديثة وهو يسحبها خلفة ليضعها بالسيارة وهو يصفع الباب بقوة لتنظر حولها لتجد كم هائل من الحراسة الشخصية تحاوط المكان ليندفع الياس بالسيارة بأقصى سرعة لتتبعى سيارات عبيدة وسراج والحراسة الخاصة...
منزل الديب غرفة عبيدة.
تجلس اسيل على حافة الفراش وهي تضم نفسها بيديها بسبب تلك الحالة التي انتابت عبيدة حيث قام بتحطيم الغرفة لافراغ غضبة بها حتى لا يقترب منها لانة غاضب منها وبشدة كيف تعرض حياتها للحظر بتلك الطريقة ليعم الصمت المكان بعد ان هدأ قليلا وجلس على الارضية بتعب وارهاق بدأ من شعرة المشعث وقميصة المفتوح والعرق يتصبب منه لتنهض وتحاول الاقتراب من هو قائلة ببكاء
اسيل. عبيدة. انا آسفة.
لينظر لها بلوم وعتاب ويبعد نظرة عنها دون ان يتحدث لتجلس بجوارة وتمسك يدة قائلة.
اسيل. حقك عليا. اوعى تبصلى كده تانى. انا آسفة. حقك عليا
عبيدة بحزن. ليه. ليه توجعى قلبى عليكى
لتحتضنة بقوة وهي تبكى بشدة قائلة.
اسيل. ا آسفة. والله آسفة. مش هتتكرر. انا اخويا صعب عليا عشان كده روحنا عشان نعرف الحقيقة، حقك عليا. انا مستعدة لأى عقاب بس بالله عليك ما تزعل منى. انا مقدرش على زعلك. والله الموت عندى اهون م...
ليضع عبيدة يدة سريعا على فمها قائلا.
عبيدة. هششششش بعد الشر عليكى، متقوليش كده تانى
لتقبل اسيل يدة الموضوعة على فمها قائلة.
اسيل. آسفة متزعلش منى. حقك عليا
ليحاوط خصرها بيدية قائلا.
عبيدة. مش زعلان بس عقابا ليكى هتروحى تنامى في أوضتك القديمة لمدة تلت ايام
اسيل بصدمة وبكاء. هتبعد عنى تلت ايام. هتقدر
عبيدة. ولمدة التلت ايام لسانك مايخاطبش لسانى فاهمة يا روحى.
لينهى حديثة وهو يقبل جبينها ويترك الغرفة ويرحل لتنظر اسيل لاثرة بحزن وبكاء.
غرفة سراج...
يجلس سراج على أحد الكراسى بالغرفة وينظر لها وهي تجلس على الفراش ولا تتحدث ليقطع الصمت قائلا.
سراج. عاوزة اى
سما. مش عاوزة حاجة
سراج. اى تفسيرك للى حصل
سما بدموع. حقى
سراج بهدوء، حقك. حقك في اى بالظبط
سما. حقى انى اعرف الحقيقة
سراج. وعرفتيها
سما...
سراج. وحقى انا فين
سما. مش فاهمة تقصد اى
سراج. حقى انى اعرف مراتى بتخرج تروح فين. انتى عارفة انتى غلطى كام مرة النهاردة
سما. انا غلطت.
سراج. انتى كمان مش واخدة بالك، طيب أعرفك انا يا بنت عمى. اول حاجة خرجتى وروحتى المكان دا من غير اذنى ثانيا كذبتى عليا ثالثا عرضتى حياتك للخطر رابعا مش شايفة انك غلطانة
سما بتوتر. ا ا انا
سراج. راجعى نفسك يا سما لأنك غلطانة
لينهى حديثة ويترك الغرفة بهدوء ويرحل.
غرفة الياس.
يدلف الياس وهو يصتحبها للداخل ليدفعها للداخل برفق قائلا.
الياس. من هنا ورايح مفيش خروج من البيت. ومتتكلميش معايا نهائى.
أما بالأسفل يقف منير يمنع مها وسماء من الصعود للأعلى حين استمعو أصوات حطام من غرفة عبيدة وشاهدو سراج وهو يصعد بسما ويتبعه الياس وهو يسحب اريج والغضب يتراقص بعينية ليحاولو الصعود للأعلى لفض النزاع ليمنعهم منير قائلا.
منير. سيبوهم يتربو.
منزل الزينى مساء، غرفة حربى.
بعد رحيل والديناميت حربى و يضع رأسة على قدميها واناملها تعبث بخصلاتة الفحمية لتقول.
حورية. شعرك حلو
حربى ببسمة. شعرى بس
حورية بخجل. واااة عاد قولتلك بكفاية كلامك دا
لينهض من على قدميها ويلتفت لها قائلا بحب.
حربى. بحبك
حورية بخجل، وأنا كمان بحبك
حربى. بعشق كسوفك دا
حورية...
حربى. ربنا يخليكى ليا
حورية. ويخليك ليا يا غالى.
منزل الديب، غرفة الياس...
لقد مر أكثر من شهر ونصف وهو يتجاهلها تماما. لا يتحدث معها يستيقظ مبكرا ويذهب ويعود متأخرا حتى لا يتحدث معها. تعاتب نفسها كثيرا وتنهرها على فعلتها تلك لترى اول خيوط النهار التي بدئت في الظهور وهي تتسلط على وجة ذلك الناعس بجوارها لتتنهد بقوة وهي تفتن بملامحه لقد اشتاقت له كثيرا ولكنها غير مسموح لها بالاقتراب منة على الرغم من وجوده بجوارها ولكنها حقا تريد استنشاق عطرة لتقترب منه بحذر شديد حتى لا يستيقظ ولكنها توقفت وقبضت على غطائها حين شعرت بذلك الألم مجددا لتأن بخفة وتضع يدها سريعا على فمها حتى لا يستيقظ ولكنها شعرت بشئ لزج أسفلها لترفع يدها تضئ ذلك المصباح الصغير الموضوع بجانب الفراش وتنظر ليدها لتجدها مغطاة بالدماء لتأن مرة اخرى وتلتفت وتنظر له بحب ثم وضعت يدها على كتفة تحثة على النهوض قائلة.
أريج. إلياس. إلياس
إلياس بنعاس. خير
أريج بتوتر. أنت لسة زعلان منى
ليفتح عينية وينظر لها بغضب قائلا.
الياس. ياريت تقفلى على السيرة دى فاهمة
لينهى حديثة وهو يلتفت للجهة الأخرى ولكنه نهض سريعا والتفت لها حين سمعها تأن بألم ليقول بخوف.
الياس. مالك. في اى. في حاجة بتوجعك
أريج بألم وبكاء. ب بطنى بتوجعنى وضهرى ك. ااااااااااااااااة
الياس. اى في اى. أريج
أريج بألم. انا بولد
الياس بصدمة. نعم يا ختى.
أريج ببكاء. الياس ااااااااااااااة
ليقترب منها ويحتضنها بخوف واضح قائلا...
الياس. طيب أهدى. وخدى نفس، اعمل اى طيب
أريج. اتصرف. الدكتورة مش هنا. مسافرة برا اتصرف همووت اااااااة
الياس. ماما. استنى
ليتركها ويذهب سريعا لغرفة والدته ويطرق الباب بشدة وهو يصرخ ليستيقظ الجميع بسبب صوتة المرتفع ويتعاقب فتح الأبواب.
سناء، في اى يابنى
الياس بتوتر. أريج. أريج بتولد
ليهرول الجميع للداخل لتقول سما.
سما. أريج أهدى أهدى وخدى نفس
أريج. بطنى ااااااااة. الياس
عبيدة. يلا على العربيات. شيلها يا الياس
لينصاع الياس لرغبة عبيدة ويتجهون جميعا للمشفى.
فى المشفى...
صراخها صم الآذان فهى تجاوزت الساعة وهي تصرخ بشدة والجميع ينتظرها بالخارج وحورية وحربى يتابعون الموقف على الهاتف نظرا لظروفها التي منعتها من الحضور. لتخرج الممرضة سريعا وتنظر للجميع قائله.
الممرضة. جوزها فين
إلياس. انا. في اى
الممرضة. حضرتك ممكن تيجى تجهز عشان تدخلها العمليات
إلياس بقلق. ليه في اى هي كويسة
الممرضة. هي كويسة جدا. بس ضربت الدكتور و.
إلياس بصدمة. عملت اى.
الممرضة. بقولك ضربت الدكتور. و. و.
عبيدة. ما تقولى في اى
الممرضة بخجل. قلعتة البنطلون
إلياس. ينهار مش فايت
ليمر وقت قليل ويدلف الياس للداخل والتوتر حليفة ليجدها تجلس على الارضية وهي تسب الطبيب وتلعنة بأبشع الألفاظ لينظر للطبيب ويجد هيئته مزرية ليعلم انها السبب ليقترب منها بحب وخوف قائلا.
الياس. أريج.
وكأنها هي تلك الشفرة التي جعلتها تبكى بشدة لقد اشتاقت له حقا. اشتاقت لسماع اسمها يتراقص بين شفتية لتقول بألم.
أريج. الياس. وحشتنى
ليحملها ويضعها على الفراش المجهز لها من اجل أن تضع مولودها وينظر لعينيها قائلا...
الياس. متخافيش يا قلبى. اسمعى الكلام وكل حاجة هتعدى
أريج ببكاء. أنت زعلان منى، اااااااة. انا آسفة
الياس. انا عمرى مزعل منك. انتى حبيبتى
الطبيب. فينك من بدرى. دى بهدلتنا
الياس. آسف هي بس...
أريج مقاطعة. أنت بتتتاسف ليه دا دكتور
ليضع الياس يدة سريعا على فمها قائلا
الياس. وبعدييين خلاص بقى
أريج بألم. اااااااااة انا تعبانة. اااااااااة الياس
الياس. انا جنبك متخافيش.