رواية لعنة العشق للكاتبة إيمان أحمد رشاد الفصل السابع والأربعون
خالد: قبل ما نتكلم في حاجة لازم نستنى صاحب الكرسي ده وشاور على الكرسي اللي في المنتصف بينهم
شمس: مين ده؟
خالد: شاور ب أيده على باب الشالية وهو بيتفتح...
كلهم بصوا على الباب بترقب
دخل رجل يرتدي قبعة سوداء تخفي اغلب وجه
شمس: هو مين ده ولابس اسود ف اسود كده ليه
مروان: نور هو ده الراجل اللي قولت لك عليه
نور: باصة وساكتة.
مروان: ميل على نور وقال بصوت واطي: نفس الراجل اللي كان عند دكتور خالد ونزلنا وراه نراقبه
نور: اللي اختفى؟
مروان: وطي صوتك ايوه هو
نور: انا عارفاه ده الساحر اللي رجع شمس
مروان، : ساحر؟!
نور: ايوه وكنت خايفة منه جدا اليوم ده
مروان: متخافيش انا معاكم احنا نخلص موضوع اللعنة ده بس ونمشي علطول
نور: ماشي
خالد: اتفضل
الساحر: دخل وقعد على الكرسي اللي في المنتصف من غير ما يبص يمين ولا شمال.
وطلع ورقة من جيبه وعطاها لخالد
خالد: بص في الورقة وقام سابهم وطلع بره.
آمال: ايه يا إبراهيم بقالك ساعة باصص للاكل ومش بتاكل خالص
إبراهيم: لا باكل اهو
آمال: بتاكل ايه ده انت مكلتش لقمتين على بعض
إبراهيم: معلش مليش نفس
آمال: انت تعبان ولا فيك ايه قولي حاسس ب ايه
إبراهيم: انا مش تعبان انا قلقان بس شوية
آمال: قلقان من ايه اوعى يكون لسه موضوع الكابوس ده في دماغك
إبراهيم: مش عارف يا آمال بس انا مش مرتاح
آمال: اصرف تفكيرك عن كل ده وقوم كلم خال نور مش قولت انك عايز تساعده.
إبراهيم: عم عثمان
آمال: ايوه خد تليفونك اهو كلمه واعمل ثواب وخير ووقتها بس ربنا هيحفظ لنا بنتنا
إبراهيم: عندك حق يا آمال الخير اكيد مش بيروح خصوصا انه الراجل ده يستاهل الخير كله هاتي التليفون واتصل ب عثمان.
رررررررن رررررررن
عثمان: الو
إبراهيم: ازيك يا عم عثمان ليك واحشة
عثمان: استاذ ابراهيم وانت اكتر والله طمني على صحتك
ابراهيم: الحمد لله بخير وانت عامل ايه واخبار شغلك ايه
عثمان: زي ما قولت لك اخر مرة لما اتقابلنا في الاقصر اني خلاص قربت اطلع واهو انا حاليا بخلص اوراق المعاش وفيه شوية إجراءات كده وهسلم كل عهدتي
يعني قدامي اسبوع وامشي إن شاء الله.
إبراهيم: ومش عايز تشتغل تاني ولا حاسس إنك تعبت وعايز ترتاح
عثمان: والله أنا هيوحشني شغلي ومكاني وزمايل الشغل وكمان أنا مبحبش اقعد في البيت من غير هدف كده نفسيا انا حابب اشتغل بس زي ما انت شايف الشباب نفسها مش لاقيه شغل يبقى انا هلاقي ازاي وخصوصا اني طلعت معاش.
إبراهيم: عندك حق بس انت مش لازم تشتغل عند حد ممكن مثلا تفتح شغل خاص بيك
عثمان: هاههه
إبراهيم: بتضحك على ايه
عثمان: على شغل خاص ايه اللي هفتحه
إبراهيم، : ليه بس مهو في ناس كتير عملوا شغل خاص بعد المعاش علشان يمشوا امورهم
عثمان: يا استاذ ابراهيم انا الحمد لله اموري كويسة ومعايا قرشين من الشغل حوشتهم منكرش بس انا مقدرش اتصرف فيهم واعمل مشروع صغير حتى.
فرضا خسرت والفلوس راحت وانا شايل القرشين دول علشان اجوز بيهم نور وافرح بيها
إبراهيم: يسيدي جواز نور اعتبره عليا أنا دي زي شمس بنتي
عثمان: ربنا يسترك ويكرمك بس انا عامل حسابي ومأمن لها مستقبلها وجوازها
كتر خيرك
إبراهيم: ربنا يقدرك وتجوزها وتفرح بيها
عثمان: يارب ويطمن قلبك على شمس وتفرح بيها هي كمان
إبراهيم: ربنا يسمع منك.
المهم انا مش بحب اللف والدوران علشان كده عايز اتكلم معاك في الموضوع اللي اتصلت بيك عشانه بس مش عايز يكون فيه حساسية بينا انت عارف انا نيتي خير
عثمان: هو الموضوع بخصوص ايه خير انا سامعك
إبراهيم: الموضوع بخصوص شغل
عثمان: شغل ايه
إبراهيم: بص يا سيدي انا عايزاك تشاركني في مشروع هعمله
عثمان: اشاركك ب ايه انا مقدرش على ده ولسه قايل لك فلوس نور مقدرش المسها
إبراهيم: , لا مهو انت مش هتشاركني بالفلوس.
عثمان: اومال هبقى شريك معاك ب ايه
إبراهيم: بالمجهود
عثمان: هو ايه مشروعك
ابراهيم: مش عارف لسه مقررتش المهم انا عايزك معايا في اي مشروع بمجهودك فقط ودي سهلة اهي مفيهاش مشكلة بالنسبة لك
عثمان: مجهود ايه انا هبقى جاي عليك بخسارة كده
إبراهيم: ليه بتقول كده
عثمان: علشان انت مش هتستفيد مني في اي حاجة انا لا شباب ولا عندي علم او خبرة في مجال مشاريعك ولا معايا فلوس حتى ولا منصب ولا تعليم ولا لغات.
إبراهيم: بس عندك أمانة وانا واثق فيك انت اخدت بالك من شمس ولو حد مكانك مكنش هيعمل اللي انت عملته مع بنتي
عثمان: الاجر والثواب عند الله وانا صدقني مش عايز مقابل منك وبعدين شمس بنتي التانية وغالية عندي زي نور بالظبط
إبراهيم: انا فاهم طبعا ونعم بالله بس صدقني انت شخص امين فعلا وانا حابب اشتغل معاك وبعدين يسيدي خد وقتك وفكر مترفضش علطول حتى عشان خاطري.
عثمان: خاطرك غالي عندي حاضر هخلص موضوع معاشي ده ونتكلم تاني وربنا يعمل اللي فيه الخير
إبراهيم: متشكر يا عم عثمان
عثمان: انا اللي متشكر على ثقتك الغالية دي
إبراهيم: هستني منك تليفون اتفقنا؟
عثمان: اتفقنا إن شاء الله
إبراهيم: مع السلامة
عثمان: في رعاية الله مع السلامة.
نور: هو خالد راح فين كل ده
مروان: مش عارف انا مش مطمن خالص متيجي نخد شمس ونهرب من هنا
نور: واللعنة وامون هنهرب منهم ازاي لازم نخلص من الكابوس ده ب اسرع وقت
لو خايف امشي انت لكن انا مش هسيب شمس لوحدها
مروان: خايف ايه لاء طبعا أنا معاكم مش همشي الا لما اخدكم معايا ونطلع من هنا على خير يارب
نور: يارب
مروان: دكتور خالد جاء اهو
خالد: بص للساحر وقال:
انا جهزت كل حاجة بره.
الساحر: قام وقف وبص لشمس وقال جاهزة تتخلصي من لعنة الملك توت عنخ آمون؟
شمس: متكلمتش وبصيت لنور
نور: اجمدي يا شمس لازم تتخلصي منه ومن لعنته ومن حبه المزيف افتكري كل اللي عمله فيكي بلاش ده كله
افتكري اللي كان هيعمله فيكي ده كان هيدمرلك حياتك كلها اجمدي يا شمس.
شمس: بصيت للساحر وهزت دماغها وقالت بتردد:
ج ج جاهزة.
الساحر: خرج بره الشالية وهما كلهم خرجوا وراه.
كان مرسوم دائرة على رملة البحر باللون الاسود وعليها علامات غريبة وعلى كل زاوية غراب ميت
الساحر: بص لشمس. وقال:
ادخلي جوه الدائرة ونامي على الارض
شمس: دخلت الدائرة ونامت على الارض
الساحر: فضل يلف حوالين الدائرة وهو بيتمتم ب طلاسم وتعاويذ مش مفهومة
فجأة
شمس: غمصت عينها
نور: هي غمضت عينها ليه هي كويسة ولا حصلها ايه.
الساحر: هي روحها مش معانا دلوقت عشان كده غمضت عينيها المهم اقفوا كلكم على زوايا الدائرة حوالين شمس
نور: مش هقف لازم افهم روحها مش معانا يعني ايه
الساحر: مفيش وقت انتي كده بتأذيها
خالد: زعققق جامد وقال:
متبوظيش كل اللي عملته اقفي يا نور يلااااا بسرعة
نور: خافت على شمس ووقفت هي ومروان كل واحد على زاوية
الساحر: طلع حجر لونه اسود وحط حجرة قصاد كل واحد فيهم
وبعدين بص لخالد.
خالد: مد أيده في جيبه و طلع حاجة ورماها على شمس
نور: بصيت له وبصيت لشمس وهي مخضوضة
إن انتتت رميت ايه مش ده المنديل المزخرف اللي كان معاك دائما
مروان: منديل اي ده
نور: كان بيقولي إنه منديل حبيبته اللي ماتت
مروان: وايه علاقة منديل حبيبته اللي ماتت بشمس واللعنة
نور: بصيت لخالد وقالت:
هو اللي يجاوب ويقولنا اتكلم قول
خالد: راح قصاد نور ومروان وقال:
انا اسف مكنش قدامي طريقة تانية غير دي
نور: تقصد ايه.
الساحر: يقصد اني هنا علشان احضر روح البنت دي علشان تسكن جسد
شمس مش ده اللي انت كنت عايزه ودفعت لي فلوس كتير علشانه
نور: بصيت لخالد وقالت:
انت انت عملت كده
خالد: نزل عينه من عين نور
مروان: وطبعا كنت بتتقرب لنور عشان تعرف معلومات عن شمس وتوصل لهدفك.
الساحر: بس يؤسفني انه دكتور خالد مش هيوصل لهدفه اصلا
لانه شمس هتموت انا بس استخدمت روحها ك بوابة علشان اتواصل عن طريقها لاي روح ماتت واعرف اسرار كتير اختفت مع كل اللي ماتوا وابيع الاسرار دي
للي محتاجينها واكسب ملايين
خالد: بس انت مقولتش ان شمس هتموت انت قولت هترجع البنت اللي بحبها في جسم شمس لانها مميزة ب لعنة آمون.
الساحر: كان لازم اقولك كده والا مكنتش هتدفع لي كل الفلوس دي وتساعدني اوصل لشمس وكنت هتتراجع عن الموضوع ده وأنا وقتها مقدرش استفيد وبعدين لو ساعدتني انا مستعد ارجع لك روح حبيبتك دي طالما بتحبها مش هيفرق معاك جسد المهم تشوفها وتكلمها وتظهر لك دائما
خالد: بص للساحر وهو متردد وحاسس بالعجز.
نور: خالد بصلي هي دي حبيبتك اللي كنت بتتكلم عنها ف التليفون وكنت بتقول انك مستنياها ترجع علشان تعيشوا سوا من تاني اهو ضحك عليك زي ما ضحكت علينا كلنا
الساحر: انا مضحكتش عليه أنا هخلي روح البنت تظهر له
خالد: فضل ساكت
مروان: احنا لازم نمشي من هنا وجاء يتحرك من مكانه معرفش زي ما يكون رجله مربوطة بص لنور وقال: انا مش عارف اتحرك
نور: ان ان انا كمان مش عارفة اتحرك من مكاني.
الساحر: محدش هيقدر يتحرك ولا يدخل الدائرة لاني ربطتكم بالاحجار وربط الدائرة بسحر اسود
نور: , بصيت لخالد وهي بتعيط وقالت:
خااااااااااالد انا عارفة انك بتحب البنت اللي ماتت وعايز تعمل اي حاجة علشان ترجعها بس شمس ذنبها ايه تموت انت مش قاتل ارجوووووك ارجووووك وقف كل ده
خالد: بص للساحر وقال: وقف كل حاجة انا مش عايز حد يموت.
الساحر: انا مش هوقف حاجة أنا هفتح كنوز الارض بروحها الملعونة بلعنة الفراعنة وبنسبة لموضوع روح حبيبتك بلاش منه لكن انا مش غبي عشان اضيع اللي وصلت له زيك.
خالد: بس انا بأمرك توقف كل حاجة لاوديك في داهية
الساحر: انا مش هقدر اوقف حاجة والامر نفذ من ايدنا خلاص شمس روح بتبعد وقدامها دقائق وهتموت الموتة الكبرى بعد ما اقول اخر تعويذة
خالد: , وانا همنعك جاء يجري ناحية الساحر.
الساحر: حدف قصاد خالد حجرة من الحجر الاسود
خالد: وقف مكانه ومعرفش يتحرك.