قصص و روايات - قصص مخيفة :

رواية لعنة العشق للكاتبة إيمان أحمد رشاد الفصل السابع عشر

رواية لعنة العشق للكاتبة إيمان أحمد رشاد الفصل السابع عشر

رواية لعنة العشق للكاتبة إيمان أحمد رشاد الفصل السابع عشر

شمس: طيب افتحي براحة انا خايفة
نور: ربنا يستر وحطيت السكينة في طرف الغطاء بتاع الصندوق وضغطت جامد
الصندوق اتفتح...
شمس: رجعت لوراء جامد حاسبيييي
نور: رجعت خطوتين وبصيت براحة
اي ده
شمس: في ايه يا نور لقيتي ايه
نور: قربت للصندوق وجت تمد ايدها جواه الصندوق
شمس: متمديش ايديكي جوه يا بنتي
نور: هو ثعبان يا شمس ده ورد
شمس: ورد ايه
نور: تقريبا دي زهور اللوتس تعالي بصي
شمس: قربت وبصيت
نور: دي تقريبا كمان نادرة.

شمس: نادرة؟!
نور: ايوه
شمس: بس مين باعتها وليه
نور: الصندوق كمان شكله غريب
شمس: غريبة أوي طيب مفيش كارت
نور: لا مفيش حاجة غير زهور اللوتس
شمس: غريبة اوي يمكن جت بالغلط
نور: مش عارفة يمكن
شمس: طيب خليها بعيد ع ترابيزة اللي جنب البلكونة واقفلي الصندوق متمسكيش حاجة خالص
نور: ماشي وراحت حطيتها بعيد وقفلته
شمس: يلا علشان ناكل
نور: يلا هقطع السلطة بسرعة وانتي طلعي الاكل من الفرن
شمس: ماشي وراحت المطبخ.

نور: قعدت تقطع السلطة
وبعد شوية
نور: ايه الاكل الجامد ده تسلم ايدك يا شموسة
شمس: عشان تعرفي بس غلاوتك عندي
نور: بس انا ساعدتك بالسلطة
شمس: هههه انتي شكلك مبتعرفيش تطبخي
نور: المفروض انا اللي اقولك كده هههه
شمس: هههه ليه يعني عشان كنت عايشة بره مصر لا ده احنا كنا بنخد دورات ف الطبخ اصلا وف كل حاجة من مجالات الحياة
نور: خلاص تبقي تعلميني بقى
شمس: اعلمك طبعا بس اعرفي مروان بيحب ياكل ايه هههههههه.

نور: اي الموضوع اللي يسد النفس ده
شمس: ليه بس مش انتي بتحبيه؟!
نور: ايوه بحبه بس هو موقفه مش واضح اصلا
شمس: بصي أنا في الاول كنت فاهمة انه حب تملك بسبب اللي كنتي بتحكيه عنه
وبعدين انا شوفته وهو غيران ومتعصب وخايف عليكي مني وقتها فهمت إنه الموضوع مش تملك هو طلع بيخاف عليكي اوي
نور: بجد
شمس: ايوه طبعا
نور: بس لو بيحبني زي ما بتقولي ليه بيعمل كده معايا
شمس: بصي خلينا الاول نحاول نحل سوء التفاهم اللي حصل.

نور: وده هنحله ازاي بس
شمس: فكري معايا ايه اللي ممكن يصلح الموقف ويبرره
نور: مفيش حاجة هتبرر الموقف ده ومفيش اي سبب لوجود راجل غريب في بيتك وطالع من حمامك بالمنظر ده الا لو كان جوزك مثلا غير كده لاء
وبعدين بصيت لشمس وسرحت
شمس: في ايه
نور: شمسس لازم تنقذيني من الموقف اللي حطيتيني فيه ارجوكي
شمس: انتي بتفكري في ايه
نور: نقول لمروان انه آمون ده جوزك وبس كده
شمس: نعممممممم.

نور: اهدي بس ده آمون احسن من اي حد نقول لمروان انه جوزك
شمس: انتي بتقولي ايه جوزي ازاي واما مروان بقولك فين قسيمة الجواز
نور: اه صح طيب ممكن بلاش جواز عشان متبقاش واسعة مننا خليها خطوبة ايه رأيك
شمس: انتي اتجنيتي على الاخر صح
نور: عشان خاطري مش انتي قولتي انك عاوزة تساعديني
نور: , احنا لازم نقنع مروان
انكم مخطوبين انتي وامون وانه عشان اجنبي عايش بره وجه يشوفك ودخل يخد شاور عادي عشان كان جاي من السفر.

شمس: ماشي يا نور مع اني عارفة إنك هتوديني في داهية
نور: هههههه متخافيش المهم سيبك من مروان دلوقت انتي عارفة انا فرحانة اوي إنك هتيجي معايا الكلية بكرة إن شاء الله
شمس: وانا كمان فرحانة انا اصلا كنت خلاص زهقت من قعدة البيت
نور: معلش كانت ظروف وكان لازم تقعدي يومين وبعدين حتى لو سلطان رجع هو هيخاف يقرب لك تاني لانك عرفتي اسمه وشكله ف معتقدش هيجي ناحيتك اصلا.

وكمان هو ميعرفش غير بيت باباكي ومعندوش فكرة انك هنا اصلا في بيت خالي
شمس: صح عندك حق تعالي نفتح رعب
نور: اكتر من اللي احنا فيه هههههههههه طيب استني أنا هعمل الفشار
شمس: عملته اصلا هههههه
نور: يسلام عليكي ههههه
شمس: يلا بينا وراحوا قعدوا في السرير وحطوا اللاب توب قدامهم وشغلوا الفيلم
في صباح اليوم التالي
نور: شمس انا متوترة اوي
شمس: في ايه مالك
نور: مروان جاي اهو من بعيد طالع من المحاضرة.

شمس: انادي واقول بتحبك يا مروان يا غبي هههههههه
نور: بتتريقي عليا عشان قولت له كده يا رخمة انا خايفة اكلمه
شمس: اومال موقفاني بعد ما خلصنا محاضرات ليه مش علشان نكلمه
نور: ايوه بس انا خايفة
شمس: اجمدي بس وانا هتصرف واكلمه وافهمه الموضوع
نور: ربنا يستر
شمس: متخافيش
مروان: قرب ناحيتهم وبص لشمس ونور بطرف عينه ولسه هيمشي
شمس: اعمل نفسك مش واخد بالك وامشي.

مروان: شمس انا مليش حكم عليكي انتي حرة في حياتك ولا ليا حكم على حد وبص ناحية نور ومش عايز اتكلم اصلا معاكم
شمس: ولا احنا عايزين نتكلم معاك بس قبل ما ده يحصل لازم تبقى فاهم تفسير اللي حصل
مروان: هو لسه فيه تفسير اصلا كفاية اللي انا شوفته ده مفسر كل حاجة
شمس: ده من وجهة نظرك انت و أنت اوكي شوفت الموضوع غلط بس الموضوع له حقيقة انت اصلا مشوفتهاش
مروان: واي بقى الحقيقة اللي انا مشوفتهاش.

شمس: اللي انت شوفته عندي ده خطيبي وفرنسي مش مصري
مروان: وهو خطيبك هيطلع من الحمام بالمنظر ده يا شمس اومال فين القيم والمبادئ
شمس: ممكن تسكت شوية عشان اكمل كلامي ولما اخلص كلام ابقى صدق او متصدقش
مروان: ماشي كملي.

شمس: مفيش حاجة من اللي في دماغك دي خالص الموضوع كله انه جاء وجاب الخاتم معاه عشان يفاجأني ولما وصل على بيت بابا في الاقصر ملقنيش ف اتصل بيا وانا مكنش ينفع اروح اجيبه لوحدي علشان موضوع باباك ف اديته العنون بتاع بيت عم عثمان القديم لانه مكنش حاجز ف فندق لسه ف جه ودخل الحمام يخد شاور عشان جاي من السفر ولما سمع صوت بره طلع عشان كده بيفتكر ماما وبابا وبعدين هو اصلا عايش بره وبنسبة له عادي انه يجي.

مروان: ونور كانت تعرف كل ده؟
شمس: لاء مكانتش تعرف
مروان: وده يعقل يعني انك محكتيش لها حاجة عنه قبل كده
شمس: عشان مكنتش طايقة سيرته كنا متخانقين لانه كان رافض اسيب فرنسا وادرس ف مصر واسيبه وتقريبا كنا هنلغي الخطوبة وانا سافرت وهو جه علشان يصالحني ويدعمني في دراستي وعلشان بالمرة يرجع لي خاتم الخطوبة
مروان: وهو فين الخاتم ده
شمس: ايه الخاتم هقولك اهو وبصيت لنور.

نور: مهو لسه هيجي وهيلبسها الخاتم في حفلة صغيرة في البيت وانت لو مش مصدق تعالى بنفسك
شمس: اييييييه
مروان: خلاص انا جاي الحفلة دي اما نشوف اخرتها معاكم ومشي
شمس: انتي مجنونة حفلة ايه وخاتم ايه انتي ورطينا وعقدتي الدنيا
نور: مفيش غير حل واحد
شمس: تقصدي ايه!ا
نور: ايووووه اقصد اللي جه ف بالك دلوقت
شمس: اني اقول لآمون
نور: ايوه
شمس: لاااا مستحيل انا هتحرج اقول حاجة زي كده وبعدين اصلا مين قالك انه هيوافق.

نور: مهو احنا نقوله لو وافق مثلا توعديه ب انك تقوليله ازاي آتون سكن عينك
شمس: واما ينفذ كلامنا اتصرف ازاي بعدها واقوله سر آتون ازاي هيموتنا
نور: يستي هنفكر متقلقيش وممكن نقوله اي حاجة او اي سبب نألف قصة
ونقولها له
شمس: انا خايفة ازاي هطلب منه طلب زي ده وفرضا سألني ليه وايه السبب هقوله ايه
نور: نقوله الحقيقة انه مروان حبيبي وانه شك بسبب وجوده عندك ومنعني ازورك
شمس: ولو امون صدق تفتكري مروان هيصدق كل ده.

نور: اكيد مهو هيشوف آمون معاكي ونقوله انه جه علشانك
شمس: انتي هتورطيني ورطة سودة
نور: اورطك ليه انا بخدمك مش انتي بتحبي آمون ده هيساعدكم تقربوا من بعض
شمس: معرفش بحبه ولا لاء واعتقد دي مجرد مشاعر ملغبطة بسبب الاكشن والخيال العلمي اللي انا عايشة فيه وبعدين هو اصلا مش بيحبني يا نور
نور: خلاص قربي منه وهتعرفي وقتها حقيقة مشاعرك ومشاعره هو كمان
شمس: شكلك هتغرقيني.

نور: انتي جاية غرقانة وملعونة وجربانة هههههههه بشهادة آمون انا معملتش حاجة
شمس، : نور متعصبنيش وتقولي نفس كلامه
نور: هههههه خلاص متزعليش والله انتي قمر هو اللي اتعمى
شمس: ايوه كلهم كده اتعموا
نور: هههه كلهم مصطفى ابو حجر
شمس: هههه بالظبط يلا بينا نروح
نور: انتي هتعملي ايه صحيح
شمس: معرفش يلا نروح
نور: مالك في حاجة
شمس: لا بس الشمس تعبتني وحاسة مرهقة شوية
نور: طيب تعالي اوصلك.

شمس: لا أنا كويسة متقلقيش يلا همشي بقى باي
نور: سلام هطمن عليكي.

وبعد شوية
شمس: دخلت البيت وقفلت الباب وراحت غيرت هدومها وحطيت ايدها على دماغها انا سخنة كده ليه ولا الجو هو اللي حر وراحت ناحية البلكونة
ومسكت صندوق زهرة اللوتس ودخلت قعدت على كرسي ف البلكونة وهي باصة للصندوق
وب حيرة وفضول فتحت الصندوق ومديت ايدها جواه واول ما لمست زهرة اللوتس النادرة..

الفصل التالي
جميع الفصول
روايات الكاتب
روايات مشابهة