رواية لعنة العشق للكاتبة إيمان أحمد رشاد الفصل الثامن والثلاثون
لا يمكنك رفض الملك من يرفض الملك يُقتل ولو بعد حين..
وظل يردد بغضب شديد: انتِ ميتة وكلكم ميتووووووون انتِ ميتة وكلكم ميتووووووون
الساحر: روحي افتحي الستارة السودة دي
نور: انا؟
الساحر: ايوه انتي
نور: بصيت لخالد
خالد: طيب ممكن انت افتحها؟
الساحر: لاء لازم هي
نور: ليه اشمعنا أنا
الساحر: مش عايز اسئلة كتير نفذي علطول
انتي مش عايزة صحبتك ترجع
نور: لا عاوزاها ترجع.
الساحر: يبقى لازم انتي اللي تفتحي الستارة علشان انتي روحك متواصلة معاها اكتر يلا افتحي
نور: , اه فهمت طيب ممكن هو يجي معايا وانا بفتح الستارة السودة دي
الساحر: لاء مينفعش روحي لوحدك
خالد: خلاص روحي متخافيش انا واقف اهو
نور: طيب متمشيش
خالد: اكيد مش همشي واسيبك يا نور.
نور: طيب ومشيت ناحية الستارة السودة وهي خايفة لحد ما وقفت قصادها ومديت ايدها براحة علشان تفتحها واول ما فتحتها لقيت شمس في وشها واقعة على الارض
شمسسسسس الحقني يا خالد شششششمس
خالد: راح بسرعة وفوق شمس براحة
شمس: فتحت عينها وبصيت لهم وبصوت ضعيف: انا فين
الساحر: خدوها واطلعوا بره من هنا بسرعة
نور: قومي يا شمس
شمس: انا دايخة مش قادره اقف
خالد: وسعي يانور و شال شمس وطلع بره
نور: نخدها المستشفى.
خالد: لا هي كويسة احنا نخدها الفندق ترتاح وانا هديها علاج عشان ضغطها وطى شوية بس
نور: ماشي يلا وركبوا تاكس ومشيوا في طريقهم للفندق.
وبعد شوية
شمس: نايمة في السرير
نور: قاعدة جنبها
وخالد: بيديها حقنة
نور: اي الحقنة دي
خالد: متقلقيش ده فيتامين علشان هي ضعيفة شوية
نور: هو حصلها ايه عند آمون وايه الفستان الغريب ده والفل اللي ف شعرها والياسمين
خالد: مش عارف بس اكيد كانت مع الملك وزي ما توقعت هو اللي كان وراء انهيار البحر وتصادم المركب بتاعتنا كان هدفه كله انه يوقعها في البحر عشان يخدها اكيد.
نور: ايوه صح مهو لو مكنش هو اللي خطفها مكنش الساحر هيعرف يرجعها تاني
خالد: بالضبط المهم دلوقت أنا هنزل عشان ابلغ اننا لقينا شمس وانتي كلمي خالك عشان تطمنيه
نور: خلاص ماشي هكلمه
خالد: يلا أنا نازل وفتح باب الاوضة وخرج
نور: بتقفل الباب
خالد: حط ايديه على الباب نسيت اقولك حاجة مهمة قبل ما انزل
نور: بصيت لخالد ب انتباه: ايه هي قول؟
خالد: هتوحشيني
نور: ابتسمت ونزلت عينها من عينين خالد ومعرفتش ترد.
خالد: ضحك ونزل
نور: قفلت الباب وهي بتضحك ومسك تليفونها واتصلت ب خالها
رررررررن رررررررن
عثمان: رد علطول الوو نور انتي كويسة حصل حاجة
نور: انا كويسة متقلقش يا خالي
انا بتصل بس عشان اطمنك واقولك اننا لقينا شمس
عثمان: اييييه بتكلمي بجد
نور: اه والله
عثمان: وشمس كويسة؟ حصلها حاجة
نور: كويسة الحمد لله و نايمة قصادي اهي
عثمان: طيب الحمد لله رب العالمين
بس كانت فين كل ده؟ وانتم لقيتوها ازاي
نور: روحنا لساحر ورجعها.
عثمان: والعياذ بالله ساحر
نور: هو حاول بس يأثر على اللعنة علشان هي اتخطفت من الملك
عثمان: اه فهمت يعني اللي حصل ده كله كان بسبب اللعنة
نور: ايوه
عثمان: طيب محكتلكيش حاجة عن اللي حصلها بالتفصيل
نور: لاء هي مقالتش حاجة خالص لانها كانت دايخة وخالد عطاها حقنة فيتامين وعلاج ونامت لما تصحى بقى إن شاء الله ابقى افهم منها كل حاجة
عثمان: انا فرحان والله انها رجعت بالسلامة كانت صعبانة عليا اوي.
نور: وانا كمان فرحانة اوي
عثمان: المهم يا حبيبتي موبيل شمس طبعا وقع في البحر
نور: ايوه
عثمان: هبعتلك رقم ابوها بس تتصلي بيه من تليفون دكتور خالد وتخليها تكلم ابوها تطمنه ويسمع صوتها.
نور: ما اكلمه من تليفوني
عثمان: لا انا قولت له انه تليفونك اتسرق مع تليفون شمس
نور: مهو ميعرفش رقمي اصلا كأني جيبت تليفون جديد او بتكلم من تليفون اي حد
عثمان: خلاص ماشي المهم تخلي شمس تطمنه انا هبعتلك الرقم ف رسالة ماشي
نور: ماشي يا خالي
عثمان: انا هقفل دلوقت وخلي بالك من نفسك كويس انتي وشمس ومتسيبهاش لوحدها تاني
نور: متخافش انا جنبها
عثمان: ربنا يحفظكم يارب يلا مع السلامة يا نور
نور: سلام يا خالي.
وراحت قعدت جنب شمس وهي بتطبطب عليها...
شمس: رايحة في النوم.
وبعد شوية
باب الاوضة خبط
طاك طاك
نور: ده اكيد خالد وقامت تفتح الباب لقيت مروان
مروان: ايه يا بنتي انتي فين كل ده
نور: , وطي صوتك بتزعق ليه شمس نايمة
مروان: , منا كنت قلقان استني أنتي بتقولي ايه شمس ايه هي رجعت
نور: ايوه
مروان: ازاي وكانت فين
نور: معرفش هي رجعت وكانت تعبانة شوية ونامت لسه متكلمتش في حاجة
مروان: شمس دي غريبة اوي والله
نور، : ليه
مروان، : بتختفي وتظهر وتختفي تاني في اي وقت هي عفريت ولا ايه.
نور: مش مشكلة المهم انها رجعت الحمد لله
مروان: بس ليكون ابويا خطفها تاني
نور: لاء مش ابوك انا متأكدة
مروان، : اي ده مش بتقولي متعرفيش حصل ايه
نور: ايه ايوه م م معرفش حاجة
مروان، : اومال ايه اللي اكد لك اوي انه مش ابويا
نور: اصل ايوه هقولك
مروان، : بنت انتي مخبية حاجة ولا مالك متوترة كده ليه
نور: مش متوترة انا بقولك متأكدة انه مش ابوك ع اساس انه يعني ابوك ايه اللي هيجيبه هنا
مروان: اه
نور: هو ايه اللي اه.
مروان: مش مرتاح لك انا على فكرة
نور: ليه بقى
مروان: علشان بيبان على وشك ده لما بتكدبي
وحط ايديه على وشها اهو باين اهو
نور: يبني متمدش ايدك قولت لك
ومسكت أيده عشان تنزلها
خالد: طلع وشافها وهي ماسكة ايد مروان
نور: سابت ايد مروان واتخضت
مروان: مالك اتخضيتي كده ايه شوفتي عفريت وبص وراه لاقى خالد
اهلا يا دكتور
خالد: اهلا.
مروان: , انا نازل يا نور لما شمس تفوق كده ابقي هاتيها وانزلي عايزين نرقص تاني أنا وانتي هههههه
نور: امشي يخريبتك
مروان: ضحك ونزل.
خالد: فضل باصص لنور بثبات ووشه كان متعصب
نور: انت بتبصلي كده ليه
خالد: مروان كان بيعمل ايه هنا وكنتي ماسكة أيده ليه
نور: ان أنا مكنتش ماسكة ايده ده انا كنت بنزلها عشان ميهزرش ويحطها على وشي
خالد: وبالنسبة ل الرقص في المركب
نور: ده كان ماضي
خالد: سند ايده على الباب ونور قصاده
ولو حصل وشوفتك بترقصي مع مروان ده تاني في الحاضر
نور: ارقص ولا لاء انت مالك
خالد: بلهجة حادة:.
مترقصيش معاه تاني احسن لك عشان رد فعلي عليكي هيبقى وحششش انتي سامعة
وقرب ناحية نور
نور: رجعت لوراء وغمضت عينيها وحطيت ايدها على وشها
وبعد ثوان
خالد: مسك ايدها و نزلها من على وشها براحة
وبصوت هادي: نور بصيلي
نور: رفعت عينها في عينه
خالد: , وضع قبلة على يد نور ثم قال:
انا اسف مقصدش اخوفك
نور: شدت ايدها من خالد وقالت:
وانا زعلانة منك ومش قابلة اسفك
خالد: بس انا
نور: قفلت الباب في وشه.
خالد: ,خبطت على الباب نور؟ نوررر افتحي يا نور
نور: مردتش عليه
شمس: فتحت عينها على صوت خبط الباب ونادت على نور
نور: جريت عليها حضنتها وقعدت جنبها وحشتيني اوي انتي حاسة ب ايه دلوقت؟
شمس: انا كويسة الحمد لله بس كنت مرهقة اوي نمت محستش بحد ولا بحاجة ومش عارفة حصل ايه لما اختفيت من وسطكم حصلكم حاجة ولا كله كويس
نور: المركب اتهزت جامد اوي وقالوا ده بسبب هزة ارضية قلبت البحر علينا وفجأة انا بصيت عليكي ملقتش ليكي اثر وبعدين خالد قال انه شافك رايحة ناحية حافة المركب وشوفت الشال بتاعك وعرفت انك مع هزة المركب.
انتي وقعتي وغرقتي بس لما مطلعتيش واختفيتي خالص
ومكنش ليكي وجود ف انا انهارت خالص وتعبت وخوفت عليكي وحسيت أن انا السبب في اللي حصلك
شمس: ليه
نور: علشان انا اللي اجبرتك تركبي معايا المركب وأنتي كنت خايفة
وبعدين لما فوقت خالد قعد يسألني عنك وقالي لازم احكي له كل حاجة عشان يعرف يرجعك وحكيت له كل حاجة
شمس: , مش احنا اتفقنا مش هنقول لحد
نور: منا افتكرت إنه حصلك حاجة وحشة
شمس: وهو صدقك.
نور: ايوه وقالي انه كان متوقع أن في حاجة غريبة بتحصل وبعدين قالي انه احنا هنروح المستشفى ندور عليكي ولقينا بنت غرقانة والدكتور قال انها مصابة ب الة حادة وماتت وافتكرتها انتي
شمس: بصيت لنور ب استغراب
نور: مالك
شمس: , ده نفس اللي حصلي انا كمان اتصابت ب اله حادة
لما كنت معاه
نور: حصلك ايه هو آمون حاول يقتلك
شمس: لاء أنا اللي روحت عليه قبل ما يقتلني ف الخنجر دخل فيا بس الجرح اختفى وهو انقذني.
نور: انقذك عشان عايز يموتك بنفسه
انا كنت واثقة إنك معاه علشان كده روحنا لساحر علشان يكسر اللعنة ويرجعك وننقذك منه وخلصناكي من اللعنة
شمس: سرحت وهي ساكتة وفي سرها:
هما مش عارفين عملوا ايه مش فاهمين انهم وسعوا
دائرة اللعنة وانا مش عارفة آمون دلوقت ممكن يعمل ايه فيا وفيهم انا مش هنسى جملته وصدى صوته وانا ببعد لما كان بيقول انتِ ميتة وكلكم ميتون
نور: انتي سكتي ليه كده سرحتي في ايه
شمس: ولا حاجة.
نور: طيب تعالي ننزل لو مش تعبانة عاوزين ننسى اللي حصل ونغير جو واحكيلك اللي حصل مع خالد
شمس: ده شكله في حاجات كتير حصلت وانا غايبة
نور: ههههه كتير اوي يلا البسي
شمس: استنيني اجهز بقى
تن تن تن تن
نور: بصيت ف تليفونها
شمس: اي رسالة منه
نور: اه هههه
شمس: بيقولك ايه
نور: بيقولي: وحشتيني مستنيكي تحت في الكافية بتاع الفندق
شمس: وحشتيني مرة واحدة هههههه طيب انزلي له
نور: مش عايزة اسيبك لوحدك.
شمس: لا انزلي انا لسه هخد شاور والبس وانزلك
نور: طيب ماشي متتأخريش هستناكي في الكافية تحت مع خالد
شمس: ماشي الله يسهلو هههههه
نور: ضحكت ونزلت
وبعد شوية...