رواية لعنة الحب والكبرياء للكاتبة ياسمين عادل الفصل الخامس

رواية لعنة الحب والكبرياء للكاتبة ياسمين عادل الفصل الخامس

- نشب العراك بين كلاهما بينما حاولت جيدان ان تفض هذا العراك ولكن باتت محاولاتها
أدهم بصوت حاد وقوي وممسكا بياقته: انا قولتلك 100 مرة مالكش دعوة بيها ومتتواجدش ف مكان هي فيه. وانت جاي تكلمها وتحط ايدك عليها كمان انت اتجننت
مالك محاولا التحرر من يديه: براحه ياعم المحموق. انا مش عارف انت لازق ليها ع طول بصفتك ايه اصلا. اوعي ايدك بدل ما اكسرهالك
جيدان بصوت ممزوج بالبكاء: أدهم بليز سيبه ويلا نمشي.

ادهم ملتفتا برأسه وبصوت جهوري حاد: امشي من هنا. امشييييييبيي، ااااه
- انتهز مالك فرصة التفات ادهم براسه لجيدان ولكمه بقوة. فاستجمع ادهم قوته وانقض عليه بكل قوة
ادهم لاكما اياه: ياحيواااان، طول عمر الغدر ف دمك
مالك بتألم: وانت الطمع طول عمرة جواك اااه.
جيدان بصراخ: اوعوا بقي انتوا الاتنين
ادهم بضرب: انا هربيك من اول وجديد يازباله
مالك محاولا رد الضرب: انا زباله يا#.

طارق بصدمه محاولا الفض بينهم: اوعوا. اوعواااا بقولكوا قبل الامن ما ييجي
مالك لاهثا: والله ما هعديهالك
ادهم بقوة: اعلي ما ف خيلك اركبه. وابقي قرب منها تاني ولا حتى بنظرة ياواطي
مالك: انا واطي يا...
طارق واقفا بينهم: بيسسسسس خلاص. هو ايه اللي حصل لكل ده. ادهم اهدا ياعم انا واقف ف وسطكوا عيب كده
مالك بحده: ماتسيبه يوريني جدعنته
ادهم: يابني انا اجدع من عشرة زيك. بس عشان انت زباله فاكر كل الناس زباله زيك.

طارق بضيق: ادهم اعملي اعتبار يااخي
مالك بخبث: انا ساكت عشان خاطرك انت ياطارق
ادهم بتهكم: الواد محترم اوي بصراحه والادب بينقط منه
جيدان: ادهم كفايه كده. بليز يلا نمشي.

- امسك ادهم بكف جيدان وسحبها وراءه وسار بااتجاه البوابه الرئيسيه للخروج وما ان صار بعيدهطا عنهم حتى افلت يدها وسار بمفرده بينما تبعته هي حتى وصل لسيارته واستقلها وانتظر ان تدلف لداخل السيارة. ولم يفتح لها الباب كما اعتادت هي فعلمت بأن عراك طويل ف طريقه اليهم فاستقلت السيارة بهدوء وظلت صامته وتكتفي بالنظر من زاوية عينيها لتتعرف ع ايماءات وجهه بينما ظلت معالم وجهه مكفهره للغايه. حتى قطعت جيدان حاجز الصمت قائله.

جيدان بهدوء: هتفضل ساكت كده كتير
( ما ان نطقت جيدان بكلمتها وكأن بركان ع وشك الاندلاع. فتوقف بسيارته فجأه لترتد هي للامام وتصتدم برأسها. )
جيدان ممسكه برأسها: ااااااه ايه ده ياادهم مش تحاسب
ادهم بنظرات غاضبه: عايزاني اقول ايه ياهانم وانتي عارفه كويس اني محذرك من الوقفه مع الزفت دع او الكلام معاه
جيدان عاقده حاجبيها ف ضيق: هو اللي جه وكلمني وحاولت و...

ادهم بصوت عالي: يعني ايه هو اللي كلمك. ما تتفضلي تمشي من قدامه ومتعبريهوش ولا كلامي خلاص بيضرب بيه عرض الحائط
جيدان: والله كنت هامشي وهو مسك ايدي. انا ذنبي ايه
ادهم: ذنبك انك لما شوفتيه مفكرتيش تمشي من مكان تاني ولا ع الاقل تخلي جني معاكي عشان يتكسف ع دم اهله شويه
جيدان: حاولت والله بس هو احرجها وهي مشيت. بليز ياادهم متزعلش انا...
ادهم: ع اساس ان زعلي فارق معاكي اوي
جيدان: اه طبعا...

ادهم: بس بس الكلام خلص خلاص
- ادار ادهم المقود بعنف وانطلق بسرعه متجهها لمنزلها، وتوقف فجأه
ادهم بحده: اتفضلي انزلي
جيدان بجديه: متكلمنيش بالاسلوب ده ياادهم انا سكت عشان شيفاك عصبي بس انا مقبلش تكلمني كده
ادهم رافعا حاجبيه: هو انتي كمان بتتكلمي وتقوليلي اقبل ومقبلشولا كأنك عملتي حاجه
جيدان: ايوة انا معملتش حاجه
ادهم بحده: هتفضلي تكابري ف الغلط لحد امتي
جيدان: انا مش بكابر ف الغلط.

ادهم بغيظ واضح وهو يجز ع اسنانه: اتفضلي انزلي لو سمحتي. انزلي
جيدان بتأفف: هوووف. نازله
ادهم بضيق: اتنفخي اوي
جيدان محاولة استثارته: انا حرة
ادهم بضيق: اتفضلي ادخلي عشان اتنيل امشي
- دخلت جيدان لمنزلها وهي في قمة ضيقها وانزعاجها من اتهامات ادهم لها بأنها السبب الرئيسي فيما حدث فأتجهت لغرفتها والقت بنفسها ع الفراش محاوله كبح دموعها التي ع وشك النزول. بينما توجه ادهم لمنزله وهو في قمة الغضب والانزعاج...

ياسين بخضه: يانهار اسود. ايه اللي شلفطك كده
ادهم: ولا متشلفط ولا حاجه
ياسين بضحك: ههههههههه واضح قوي ع وشك صراحه. قولي مين علم عليك ياعمنا
ادهم بغيظ: انت هتهيص فيها ولا ايه. هي. هي خبطه بس مش اكتر
فاتن: ايسو ايسووو حبيبي هو ادهم لسه مجا، هااااااا ايه ده ايه اللي جرالك ياادهم مين عملك كده
ادهم ناظرا للجانب الاخر: مفيش حاجه مجرد خناقه
فاتن بنصف عين: اتخانقت مع مين وليه؟

ياسين: ليه وعارفينها. انما اتخانق مع مين
فاتن: يعني ايه؟
ياسين: يعني اكيد اتخانق عشان جودي. صح يادوما؟
فاتن: اهااا. طيب ياحبيبي. ثواني اجيبلك تلج عشان الوان الطيف اللي ف وشك دي
ادهم: ...
ياسين واضعا يده ع فمه: ههههههههههههههه
ادهم: اضحك اضحك. انا طالع اوضتي
- صعد ادهم لغرفته وجلس ممدا ع فراشه.

ادهم ف نفسه: هي مالهاش ذنب اكيد هو اللي غتت عليها ماهو دم اهله تقيل. بس برده مكنش لازم تفضل تأوح معايا وتكابر دي حتى مفكرتش تعتذر ولا نقولي حقك عليا. هووووف بقي
( طقطقطقطق )
ادهم بنفاذ صبر: ماما مش عايز تلج ولا عايز ميا حتي
جيدان بطرف رأسها: ممكن ادخل!
ادهم محدقه بدهشه: جيدان؟! انتي جيتي امتي؟
جيدان: ادخل ولا امشي
ادهم لاويا شفتيه: مؤدبه اووي وبتستأذني. من امتي.

- تنهدت جيدان بضيق ثم فتحت الباب ع مصرعيه ودلفت وهي تمسك بيديها طبق صغير به بعض المكعبات الثلجيه وقطع القطن الصغيره وجلست بجواره...
جيدان: قرب وشك. عشان نصلح الوان الطيف ع رأي طنط فاتن
ادهم: ااااه قولي كده. يبقي ماما اللي كلمتك اكيد
فاتن: طبعا انا. هو في غيري هههه
جيدان: حبيبتي ياطنط
فاتن: انا هنزل اجيبلكوا حاجه تشربوها
جيدان: طنط متتعبيش نفسك بليز انا هعمله كمدات وهمشي عشان بابي.

ادهم مضيقا عينيه: هاتي ياماما اي حاجه وسيبك من كلامها الفارغ ده
فاتن: ماشي ياحبيبي
جيدان بضيق مصطنع: قرب وشك
- تعمد ادهم الاقتراب منها بشده حتى اصبحت المسافات تعتبر معدومه. فقشعر جسدها وظلت العيون في تقابل لدقائق حتى وقفت العبارات ع لسانها وظلت نظراته تنتقل لتفاصيل وجهها الرقيق ثم ابتسم ابتسامه عفويه
ادهم: مش هتعمليلي الكمدات
جيدان: هه. طط ط طب ابعد شويه
ادهم: ممم انتي اللي قوليلي قرب.

جيدان دافعه اياه بهدوء: قولت قرب. مش الزق
ادهم مبتعدا قليلا: اهو ياستي
- امسكت جيدان بقطعة القطن المبلله بفعل تأثير الثلج ومررتها ع مكان الاصابه ف وجهه برفق فأمسك ادهم كف يدها وقبله برفق
ادهم: متزعليش
جيدان باابتسامه: طب اعتذرلي يلا
ادهم تاركا يدها: نعمين ياقطه؟ مش معتذر
جيدان: ههههه انت هو انت مش هتتغير
ادهم: ممم واتغير ليه بعد الشر عليا
جيدان: طب يلا بقي
( منزل محسن الجبراوي ).

محسن بصوت عالي وغاضب: انت هتعقل امتي وتبطل شغل العيال ده
مالك: ده اللي قدرك عليه ربنا يابابا
محسن: قولتلك 100 مره ملكش علاقه ببنت السامي وانت عارف كويس انها يعتبر مخطوبه لابن عمك ليه مصمم تدخلني ف مشاكل مع مصطفي وابنه
مالك: انا ابنك والمفروض تبقي معايا مش عليا. وانت عارف اني بحبها. سنين وانا بحاول الفت نظرها ليا وهي مش شايفه غير ادهم.

محسن: طب حس ع دمك طالما هي مش عايزاك. خلي عندك نخوه انت طالع لمين ياض
مالك: ، اسمعني يابابا انا...
محسن: اسمع انت. كام شهر وهتنزل المجموعه عند عمك وانا متفق معاه ع ده وابن عمك هينزل وساعتها هتبقي خطيبته رسمي. يعني لسه الطريق طويل وهتشوفوا بعض كتير. لو مبعدتش عن البت دي انا اللي هقفلك ساعتها
مالك بغيظ: طيب
مالك ف نفسه: ورحمة امي ياادهم لاكون مندمك وبرده مش هسيبك ف حالك
( منزل انيس الجديري ).

انيس: يوووووه انتي ع طول شكاكه وبتشكي حتى ف نفسك
جميله: لا انا مش بشك ف نفسي انا شوفتك بعيني وانت طالع بيتها
انيس: قولي كده بقي. انتي مرقباني ولا ايه ياهانم
جميله: انت اللي معاك لازم تلف حوالين نفسها
انيس مرتديا سترته: انا مش فاضي لهري النسوان ده. انا عندي شغل
جميله: خد هنا رد عليا. انيس انا بكلمك متمشيش وتسيبني اكلم نفسي
( غرفة رودي ).

رودي هاتفيا: ههههههه. لا بجد. ههههههه وانتي بقي عملتي ايه مع الواد ده، يخرب بيتك فصلتيني ضحك هههههههههه
انيس مطرقا ع الباب: رودي. بتكلمي مين
رودي: ثواني ياهندا خليكي معايا. نعم يادادي في حاجه
انيس: من الادب لما اكلمك تتعدلي وانتي بتكلميني ولا امك نسيت تعلمك دي كمان
رودي تذفر ف ضيق: سوري يادادي مخدتش بالي. هو حضرتك عايز حاجه
انيس: ايوة كنت عايز...
جميله: ازاي تسيبني وتمشي وانا بكلمك.

انيس: اللهم طولك ياروح. عقلي امك يارودي عشان خلاص شكل ربع عندها ضرب خلاص
رودي بااحراج: سوري يانودا مضطرة اقفل معاكي ناوو وهكلمك وقت تاني. اوكي باي، حرام عليكوا احرجتوني قدام صحابي
جميله: ابوكي مش ناوي يعقل بقي ويبطل لف ورا الستات. عيب عليك بنتك بقت عروسه
انيس: ده خيالك النريض اللي بيخيلك كده
جميله: لا انا شايفاك بعيني
رودي: يوووووه كل يوم خنا ق خناق بجد حرام عليكوا اووووف.

جميله: شايف البنت اعصابها باظت بسببك
انيس: هاها ع اساس اني خميرة عكننه وقالبها كل يوم خناق.

- تركت رودي غرفتها لوالديها ليستكملوا عراكهم سويا وتوجهت للمرحاض حيث توجهت امام المرآه وظلت تنظر لهيئتها لدقائق محدثه نفسها: هو انا ليه دايما مش مبسوطه. مع ان كل حاجه عندي وتحت رجلي بس حاسه بحاجه ناقصه. ليه ادهم مفضلها عليا مع اني اجمل منها اكيد في سبب. بس انا مينفعش اسكت ومش هينفع اوقع بينهم زي كل مره. لازم حاجه اقوي من كده. حبهم شبه الجبل العالي اللي مش بيتكسر عشان كده مينفعش ابقي لوحدي، مالك. مفيش غير مالك.

-؛
( بعد مرور ايام ليست بعديده. في منزل مصطفي الجبراوي وتحديدا ع سفرة الطعام المليئه بأشهي المأكولات من جميع الاصناف )
ادهم: ههههههههههه خلاص ياايسو يخرب عقلك
جيدان: ههههههعهه فصلتني ضحك مش عارفه اكل
فاتن: ياسين كفايه تحكي عن مغامراتك الفكاهيه وسيبهم يكملوا اكل
عزيز ماسحا فمه بأحدي الفوط البيضاء: سفرة دايمه دايما يامصطفي
مصطفي: هو انت لحقت ياعزيز. كمل تكل ده حتى فاتن بنفسها اللي عامله الاكل النهارده.

عزيز: تسلم ايدك يامدام فاتن. بس فعلا مش قادر اكل حاجه خالص خلاص
جيدان: انا كمان شبعت الحمد لله
ياسين: ايوة ياجودي متكليش كتير عشان الاكل ميقعدش ع نفسك وكده مش هنعرف نلعب بلاي استيشن
ادهم: لا لا لا ياحبيبي هتلعب معايا انا
ياسين: ايه الاستعباط ده. 17 سنه بتلعب معاك سيبهالي يوم
فاتن: ههههه هي عروسه ياايسو. وبعدين اللي تحبه جودي
جيدان: ممم هفكر ياادهم
ادهم محدقا: نعم ياماما؟

جيدان: بقول اكيد يادوما هلعب معاك طبعا
ياسين: ايه الاحراج ده. لا انا كده لتزم اقوم من المكان ده عشان متعبش اكتر من كده
الجميع: هههههههههههههه
( في غرفة ادهم )
ادهم: ادخل ادخل يخرب بيتك يمين يمين ايووووه جوووووووووووووووووووووووون
جيدان بضيق: ايييييه ده انت بتخم ع فكرة
ادهم: نعم ياقطه. الكورة اهي جوه الجون
جيدان لاويا شفتيها: شوفتها
ادهم: هاهاهاها ياسلام عليك ياتدهم ده انت نجم النجوم.

ياسين: ممكن بقي العب انا شويه
ادهم: اه اه ياحبيبي طبعا الجهاز كله عندك خد راحتك وانا هنزل انا وجيدا
ياسين فاغرا شفتيه: ولما انت هتاخد جيدان معاك العب مع مين. مع خيالي مثلا
جيدان: ههههههه لا هلعب معاك دور قبل ما انزل
فاتن: تعالو ياولاد عشان الكريم كراميل ميستناش
جيدان باابتسامه واسعه: واوووووووو كريم كراميل. لا اعذرني ياايسو ده كريم كراميل بتاع طنط فاتن يعني مفيهاش كلام.

ياسين لاويا شفتيه: اممن وماله اتفضلي بالسم قصدي بالهنا
( ف الاسفل )
عزيز: انا مسافر كام يوم كده ياجيدا وانتي هاتيجي معايا اكيد وادهم كمان جاي
ادهم مرتشفا بعض قطرات العصير المثلج: هو ده الشغل اللي بابا قالي عليه ياعمي
مصطفي: ايووة هو. انا هاجي تاني يوم ع طول. اكون خلصت سوية اجراءات قانونيه هنا بخصوص استلام الشحنه من المينا
ادهم: تمام.

مصطفي باابتسامه: وان شاء الله تخلصوا السنه دي ونعملكوا خطوبه حلوة تليق بيكوا. ولا ايه ياعزيز
عزيز: اكيد طبعا ده يوم المني لما افرح بجيدا
جيدان بخجل: طب ومستعجلين ليه يابابي
ادهم محدقا بصدمه: مم مستعجلين! انا ماشي معاكي بقالي 17 سنه عايزة ايه تاني. ولا تحبي نستني شويه كمان لما تاخدي عليا
فاتن: ادهم! ايه ماشي معاكي دي
ادهم: مش سامعه كلامها ياماما. بتقولك مستعجلين؟
ده انا حاسس اني خلاص قربت ع مؤبد معاها.

عزيز: ههههه ده كسوف بنات بقي ياادهم
جيدان باابتسامه: ...
ادهم: ياخوووواتي. انتي مكسوفه ياجيدا
جيدان: بطل رخامه
ادهم: ههههههههه حاضر
مصطفي: هههه مش ناويين تكبروا بقي وتبطلو مناكفه ف بعض
ادهم ناظرا لجيدان: هو في احلي من كده
عزيز: اااادهم. احترم نفسك ياولد
ادهم: احم. حاضر ياعمي
ليكي يوم معايا يا، ياشيدان
جيدان: هههههههههه قلبك اسود قوي.

ادهم: يابنتي انا اللي مربيكي وانا اللي معلمك مخارج الحروف. ده انا مستلمك كل حروفك داخله ع بعضها وانا اللي فرمطها
عزيز: هههه فعلا انت اللي مربيها. دي كانت تحت عينك ع طول
ادهم: وياريت التربيه نفعت هههههههه
فاتن: هههههه بطل تنكشها بقي ههه
جيدان: ضحكتك اووي.

( ظل الوضع هكذا. بين المناكفات حينا والحب حينا اخر، فالتجمع الاسري لتلك العائلتين الصغيرتين كان له اثره عليهم فمل منهم يجد حاجته داخل هذه الاسرة التي تكونت لسنوات )
- هاتفيا...
جيدان: عموما خلاص انا مش زعلانه
ادهم: انتي هتتنكي كمان. يابنتي ده انا اشاور لاي واحده بصباع واحد تيجي لحد عندي
جيدان بغضب: لا بجد. طب روح شاور بقي براحتك. سلام
ادهم: لالالا هي جيدا واحده بس اللي تهمني وعايزها جمبي دايما.

جيدان باابتسامه: ايوة كده. وبعدين بطل غيره عاميه بقي مش مالك اللي تغير منه انت عارف اني مش بطيقه
ادهم بتنهيده: جيدان. انا بغير عليكي حتى من هدومك اللي ممكن تلمسك
جيدان: بحبك بقي
ادهم: بعشقك بقي. هانت شهور وهزين ايدك بدبلتي عشان اعلن انك باعتي. ولوحدي...