رواية قصة عشق للكاتبة لولو الصياد الفصل الخامس
يارب عاوزنى ليه ده كمان يعنى لا بيكلمنى ولا يسال عليا وكمان جاى دلوقتى يزعق ليه هو شايفنى ايه يلف ويرجعلى اعوذ بالله يارب...
خبطت روما على الباب...
حسام: ادخل، وكان صوته عصبى جدا...
روما، نعم يا دكتور حضرتك طلبتنى...
حسام وهو يدور حول المكتب ويقف امامها ومسك يديها بشده...
روما، اه في ايه...
حسام: انا عرفت دلوقتى مش عاوزه حد يعرف انك مراتى ليه علشان تمشى على حل شعرك براحتك.
روما، روما انا مسمحلكش انت انسان مريض ده زميل عاوز المحاضره مني لانه جه متأخر...
حسام وهو يترك يدها، يعنى مفيش غيرك ولا أنتي المنقذ
روما، بعصبية حاجه متخصكش...
حسام: لا تخصنى لأنك مراتى وكل حاجه عنك لازم اعرفها...
روما، مش لما تبقى تكلمنى الأول بعدين تعرف
حسام، انا، انا.
روما: مفيش داعي للتبرير يا دكتور عن اذنك...
حسام استنى هوصلك
روما وهي تفتح الباب وتخرج، لا شكرا للخدمات دى انا عارفة السكه كويس.
وخرجت وتركته يغلى...
سحر، ايه يا بنتي كل ده عند دكتور حسام يا بختك يا عم
روما: بعصبية، يا شيخه روحى ده انسان معقد، وحكت ما حدث...
سحر، بيغير هليكى بس يا جميل...
روما سيبك ويله نروح يا اختى...
ذهبت كل من روما وسحر الى منزلهم ولكن لم تكن تعلم روما ما ينتظرها...
روما تدخل وتغلق الباب...
محمد: روما انا عاوزك تعالى
دخلت خلفه ووجدت حسام يجلس في الصالون مع والدها...
ايه ده جاى يشتكينى يا نهار اسود...
روما. ازيك يا دكتور اخبارك
حسام: بسخريه كويس الحمد لل
محمد، اقعدى يا روما انا عاوزك...
روما، خير يا بابا وكانت تنظر لحسام بشك...
محمد: انا خلاص قررت ارجع المنصوره وانتى هتتنقل بيت جوزك هتعيشى هناك زي ما اتفقنا
روما، بسرعه كده يا بابا ليه خليكم شويه
محمد: يا بنتي انا مصالحى متعطله والبيت هناك مقفول وانتى عارفه انا سايب حالى ومالى بقالى قد ايه
روما، طيب ماما تفضل معايا...
محمد: ويرضيكى أفضل هناك لوحدى واعيش لوحدى وانتى عارفه انى مقدرش استغنى عن امك لحظه واحده
حسام، ربنا يخليكم لبعض...
روما، خلاص يا بابا اللي تشوفه وده هيبقى امتى
محمد، ربنا يهديكى يا بنتي اناخلاص جهزنا حاجتنا وهنسافر انهارده وحسام جاى دلوقتى علشان ياخدك لانى قلتله امبارح
روما: يعنى انا اخر من يعلم...
محمد، لا يا حبيبتي بس مكنتش عاوز ازعلك وبعدين حسام وعدنى خميس وجمعه هيجيبك عندنا...
روما: بجد يا بابا.
حسام: هو اللي رد، ايوه بجد يا مريم...
روما، شكرا باقتضاب...
ذهبت روما الى غرفتها وجهزت اشيائها بمساعدة والدتها
فاطمة: خلى بالك يا روما من نفسك ومتزعليش جوزك ولا اهله منك ابدا مهما حصل وحلوا المشاكل بينكم وبين بعض...
روما، ان شاء الله يا ماما...
رحل الجميع من الشقه ولم تذهب روما الا بعد ذهاب اهلها وكانت دموعها تنزل في صمت فاقت على صوت حسام
حسام: يله بينا...
ركبت روما السياره وظلت صامته الى ان تكلم حسام...
حسام: بصى انا بحب النظام والدقه وكمان مش بحب الصوت العالى ابدا...
روما بصوت هامس، فعلا صدق اللي سماك حسام نكد...
حسام، بتقولى ايه...
روما: انا ابدا، ولا حاجه...
حسام: اه حسام نكد هههههههههههههههه وظل يضحك بطريقه رائعه وروما تنظر له بانجذاب رهيب
حسام، انا الطلبه مسمينى كده ههههههه
روما: بخوف بصراحه اه
حسام، كويس هههههههههههه اول مره اعرف
روما: انا اسفه...
حسام، ولا يهمك اول مره اضحك كده من زمان...
روما: ربنا يسعدك دايما...
وصل حسام الى الفيلا ولكن وجد امامها سياره.
حسام، يووه شكله يوم مش فايت انهارده...
روما يا ترى مين ده اللي حسام اتعصب منه يارب كان هادى دلوقتى ايه اللي حصل...
حسام، الشنط هخلى حد من الخدم يجبها يله بينا ندخل...
دخل حسام ولكن الغريب انه مسك يد روما وقام بمشابكه اصابعه باصابعها ودخل بيها الفيلا...
دخلوا وجدوا مصطفى والد حسام واخته سلوى وشخص اخر لم تعرفه روما ولكن يبدو عليه في سن حسام ولكن من ينظر له يشعر انه شاب فاسد خبيث غير مريح بالمره
حسام، مساء الخير.
الجميع مساء النور...
سلوى وهي تحضن روما: اخير وحشتيني موت
روما، وانتى كمان...
مصطفى، اهلا بيكى يا بنتي نورتى الفيلا...
روما، بنورك يا بابا...
الشخص: ايه يا حس مش تعرفنا...
حسام: اولا اسمى حسام، ثانيا دكتوره مريم مراتى وده ابن عمى اسمه ابراهيم...
ابراهيم، ازيك يا قمر بصراحه اول مره اشوف جمال كده وهو يصفر
حسام، احترم نفسك هو انا مش مالى عينك
مصطفى، خلاص يا ولاد سلوى خدى مريم اوضتها
سلوى: حاضر يا بابا...
طلعت سلوى وروما الاوضه...
روما: هو ليه حسام بيعامله كده...
سلوى: هحكيلك بس اوعى تقولى لحد والنبى...
روما، متقلقيش سيرك في بير.
سلوى: اصل ابراهيم ده شيطان وشخص خاين جدا حسام كان بيحب بنت ايام الجامعه وهي كمان بس طبعا ابراهيم كان بيغير من حسام من صغره اول ما عرف الموضوع وقع بينهم واقنع البنت ان حسام بيخونها وكان كداب وبعدين راح هو خطبها وضحك عليها ومرضيش يتجوزها بعد كده والبنت جت لحسام وحكت له كل حاجه حصلت وبعدها عرفنا انها انتحرت للاسف وهي حامل علشان الفضيحه الله يرحمها بئه شخص واطى وخدها.
روما، اعوذ بالله انسان معندوش أي دين حسبى الله ونعم الوكيل فيه
سلوى: علشان كده حسام بيكرهه ونصيحه مني تجنبى إبراهيم خالص علشان غضب حسام وحش اووى
روما، ربنا يستر يارب.