رواية قصة عشق للكاتبة لولو الصياد الفصل الثاني عشر
كانت روما تجلس في حديقه الفيلا ساحره في سماء الله المليئه بالنحوم الرائعه التى تلمع بشده وكانت تنظر وهي شارده الذهن الى ان اقترب منها حسام
حسام، ايه قاعده لوحدك ليه يا حبيبتي...
روما، انا بجد حبيتك يا حسام...
حسام: طبعا حبيبتي وروحى ومراتى كمان وان شاء الله ام عيالى اللي هيطلعوا زي القمر زيك.
روما: وهي تحضنه بشده، وانا بحبك اووى يا حسام وحياتى من غيرك ملهاش أي طعم وصحيح كنت زعلانه منك بس لما قلتلى انك بتحبنى نسيت كل حاجه...
حسام، وانا بموت فيكى يا اغلى حاجه في حياتى كلها واقترب منها ليقبلها، ولكن...
سلوى، روما: روما: قومى بئه زهقتينى...
روما، بفزع ايه في ايه...
سلوى: قومى يا أختى نموسيتك كحلى حسام قالى اصحيكة هنتاخر اخلصى قومى اجهزى بسرعه...
روما، حاضر حاضر...
تركتها سلوى وخرجت وتذكرت روما الحلم وابتسمت حرام عليكى يا سلوى كنتى سبينى اكمل الحلم، ده اول مره حسام يكون رقيق كده بس هو انا فعلا حبيته ولا حلم بس لا انا حاسه انى ابتديت احبه رغم كل حاجة حصلت يارب قوينى ومتخلنيش ضعيفة...
قامت روما وارتدت ملابسها واخدت شنطتها ونزلت وتوجهوا جميعا الى مدينه المنصوره...
سلوى، انا مبسوطه أوي انى هروح المنصوره.
مصطفى: دى مدينه جميله واهلها طيبين أوي كان ليا اصدقاء هناك كتير بس بعد مرور الزمن العلاقات بتنتهى كل واحد بيتشغل.
روما، فعلا بس المنصورة اتغيرت كتير عن زمان اتطورت جامد وبقت زحمه أوي زي القاهره بالظبط...
حسام: بس احلى بنات بنات المنصوره ولا ايه...
مصطفى: طبعا طول عمرهم احلى بنات معروفه في مصر ان بنات المنصورة اجمل بنات بس اوعى تقول لوالدتك
روما، ههههههههههه انا هفتن عليك يا بابا.
مصطفى، كده با روما وانا اللي بقول روما حبيبتي...
وظل الجميع يتحدثون الى ان وصلوا امام منزل روما وكانت روما تتابع الطريق مع حسام الى ان وصلوا الى منزلهم...
محمد، اهلا أهلا نورتم المنصوره والله
مصطفى، ربنا يخليك منوره باهلها
حسام: ازيك يا عمى والله وحشتنى جدا
محمد، وانت كمان والله اتفضلو واهلا بالقمر الصغيره.
سلوى: ميرسى يا عمو ربنا يخليك.
محمد: روما حبيبتي وحشتيني أوي وكان يحتضنها بشده.
روما، وانت كمان والله يا حبيبي: ماما فين
فاطمه: انا اهو يا حبيبه ماما.
حضنت روما والدتها وسلمت على الجميع وكان الجميع سعيد بالجو العائلى الحميم بينهم الى ان قطع الجديث محمد
محمد، انا جهزت كل حاجه يا ابنى وحجزت القاعه وكمان جهزت كروت الدعوه وهتتوزع انهارده ان شاء الله.
مصطفى، على بركه الله وكمان حسام جاب فستان العروسه وهيوصل انهارده ان شاء الله.
كانت روما تتابع الحديث دون ان تفهم شىء ولا تعلم ما يحدث نهائيا...
روما: انا مش فاهمه حاجه فستان ايه وقاعه ايه ودعوات مين
فاطمه: دعوات فرحك يا نور عينى...
روما، نعم...
كانت روما تستمع لهم ولاتفهم شى مما حولها الى ان علمت انهم يتحدثون عن عرسها نعم وكيف يكون هذا هل هي اخر من يعلم...
روما، نعم فرح مين
محمد: فرحك يا حبيبتي الف مبروك.
انتفضت روما من مكانها، ازاي ده وانا معرفش يعنى انا اخر من يعلم
حسام، حبيت تكون مفاجأة ليكى
روما، مفاجأة زي الزفت
قام محمد والدها وصفعها صفعه مدويه، انت تزاى تتكلمى كده مع جوزك هي دى التربيه
حسام، مسك محمد خلاص يا عمى حصل خير.
فاطمه، يله يا روما ندخل جوه علشان ورانا حاجات كتير...
حسام، معلش يا طنط هتكلم مع روما شويه...
محمد: اتفضل يا ابنى: خدى جوزك اوضتك...
دخلت روما وهي تبكى بصمت...
حسام: اوضتك حلوه أوي على فكره
روما: لم ترد...
جلست على السرير ولا تنظر له...
حسام جلس امامها ومسك يدها حاولت روما سحبها ولكنه كان يمسكها بشده...
حسام، بصى يا روما انا كلمت والدك امبارح
فلاش باك...
حسام: انا ممكن بعد اذنك اطلب تقديم معاد الفرح.
محمد: ماشى يا ابنى بس ليه
حسام: بصراحه عاوز افرح ماما قبل العمليه وبعدين مش قادر روما تبقى قدامى وبعيد عنى في نفس الوقت ياريت تفهمنى...
محمد، ماشى يا ابنى بس هيكون عندنا في المنصوره انا هاصل احجز احسن قاعه ودى سهله لانى معارفى كتير وهحضر الدعوات
حسام، وانا معنديش مانع هعزم كل صحابى واتا هشترى لروما الفستان وهنكون عندكم بكره بس ممكن روما معرفش
محمد: ايوه ماشى يا ابنى مش هقولها...
حسام: شكرا يا عمى مع السلامه...
باك...
حسام، يعنى لو مش عاوزه تفرحى ماما انا ممكن الغى كل حاجه من دلوقتى بس هتتحملى اللي هيحصلها
روما، انا موافقه بس ليا طلب
حسام بتنهيده ارتياح، اتفضلى اطلبى
روما، جوازنا على ورق بس لحد ما والدتك تخف وبعدين نتطلق...
حسام، موافق يا مريم...
روما: وانا كمان موافقه...
حسام: بتفكير ويحادث نفسه كل ده علشان مالك ده يا مريم انا وافقت بس دلوقتى علشان نعمل الفرح لكن أنتي هتكونى مراتى قدام ربنا والناس وجوازنا هيكون حقيقى...
روما، لنفسها يارب انا خايفة أوي من يوم اللي عمله رامز مرعوبه وعلشان كدا قلت جواز على ورق وكمان علشان حسام مش بيحبنى سامحنى يارب...