رواية قسوة الرعد للكاتبة سلسبيل كوبك الفصل العشرون
نبض راحت علي مكتبها و كانت لسة هتقعد تشوف ورق المرضي تليفونها رن...
الخط اتفتح.
نبض(بالتركية): اسفة جدا و الله ع.
فتون(بالتركية,صريخ): الحقيني يا نبض...
نبض(بقلق,بالتركية): في ايه؟!
فتون(بالتركية): انا حامل.
نبض(بالتركية): تصدقي انك تافهة. و فيها ايه بقي؟!
فتون(بالتركية): لا يا نبض مش عايزة ابقي حامل.
نبض(بالتركية): يا بنتي اعقلي بقي.
فتون(بالتركية): لا بعد الحمل محمد مش هيحبني زي الاول.
نبض(بالتركية): هيحبك اكتر.
نبض(بالتركية): ده اللي بيحصل و دي شُنة الحياة. انك تبقي حامل و تخلفي لما تتجوزي.
فتون(بالتركية): لا هيفضل يقرف مني و يزهق من طلباتي.
نبض(بالتركية): لا بالعكس هيتحملك لانه بيحبك.
فتون(بالتركية): لا يا نبض.
نبض(بالتركية): بت انتي بطلي تفاهة شوية.
نبض(بالتركية): الف مبروك اعملي حفلة بسيطة بقي و اعترفي.
فتون(بالتركية): تفتكري هيتقبل الموضوع؟!
نبض(بالتركية): ايوه.
فتون(بالتركية): اسفة صرعتك.
نبض(بالتركية): لا عادي، اخباركوا ايه؟! وحشتوني.
فتون(بالتركية): ايوه بأمارة انك سيباني و مش بتسألي علينا.
نبض(بالتركية): غصب عني سامحيني.
فتون(بالتركية): مش ناوية تورينا صورة جوزك القمر.
نبض(بالتركية): و ايه اللي عرفك انه قمر؟!
فتون(بالتركية): انتي مش هتتجوزي اي واحد و السلام. هتتجوزي واحد فريد من نوعه.
نبض(بالتركية): طيب نتكلم بعدين انا ورايا شغل بقي...
فتون(بالتركية): غيرانة نشوف صورته.
نبض(بالتركية): لا بتقولي ايه لا طبعا.
نبض(بالتركية): هبقي ابعتلك الصور حاضر...
فتون(بالتركية): طيب، باي.
نبض(بالتركية): باي.
نبض قامت و بدأت تشوف شغلها لغاية ما خلصت و خرجت لسة هتوقف تاكسي لقت حد ماسك دراعها.
نبض(بعصبية): انت غبي؟!
نبض(بغضب): شيل ايدك دي بعيد عني انت اتجننت؟!
نبض(بصوت عالي): امن امن...
الشخص اللي واقف قدام نبض كتم بوقها بايده و بدأ يبص عليها. نبض داست علي رجله جامد بس متحركش.
رعد(بغضب): انت مين؟!
رعد مسك الشخص ده و لسه هيضربه في شخص تاتي ضرب رعد علي رأسه,رعد فقد توازنه و وقع في الارض.
الشخصين ركبوا موتسوكل و هربوا.
رعد وقع علي ركبه و ايده علي رأسه,نبض حطت ايديها علي بوقها بتكتم شهقاتها و عياطها.
نبض(بعياط): اسفة اسفة.
نبض قربت من رعد و بدأت تشوف جرحه بس رعد وقع بين ايدين نبض علي رجليها.
نبض(بصوت عالي): عايزة نقالة بسرعة.
كان واحد من الامن في الحمام و رجع سمع نبض جابوا نقالة بسرعة.
نبض(بدموع): محدش يلمس رأسه.
نبض ثبتت رأس رعد بايديها و هما بيحطوه علي النقالة، و بدأوا يدخلوا المستشفي.
نبض(بانفعال): وسعوا بسرعة وسعوا.
-دخلوا رعد اوضة الاشاعة و بدأوا يعملوا اشاعة لرأسه بأمر من نبض,نبض كانت واقفة علي اعصابها مستنية النتيجة.
ممرضة: الاشاعة يا دكتور نبض.
نبض شدت بسرعة الاشاعة و بدأت تفحصها بعناية.
نبض: الحمدلله...
نبض: انقلوا المريض اوضة عادية و ودوا ليه().
ممرضة: حاضر يا دكتور.
نقلوا رعد اوضة عادية و نبض دخلت قعدت قصاده. رعد بدأ يحرك رأسه ببطء.
نبض: تقدري تروحي انتي.
ممرضة: حاضر يا دكتور...
ممرضة(بفضول): بس هو حضرتك مهتمة بيه ليه؟!
نبض(بحدة): اطلعي بره.
-رعد فتح عينه ببطء و بص حواليه اكتشف انه في مستشفي و بعدها افتكر نبض و اللي حصل.
رعد: نبض.
نبض: نعم!
رعد: كويسة؟!
نبض: الحمدلله.
رعد: مين الحقير اللي لمسك ده؟!
نبض: معرفهوش.
رعد(بغضب): ازاي يعني؟!
نبض: قولتلك معرفهوش و انت شوفت بنفسك كان لابس قناع علي وشه و مش باين غير عيونه.
نبض: و اهدي علشان الانفعال غلط عليك.
رعد قام فجأة فحس بصداع و دوخة نبض قامت بسرعة سندته و رجعت جسمه تاني للسرير.
نبض: قولتلك اهدي. نبقي نتكلم في الموضوع ده بعدين.
رعد(بعصبية): دي حركة غدر و انا لازم اعرف مين اللي وراها.
رعد بص جمبه لقي موبايله كان لسة هيمسكه نبض شدته بسرعة.
رعد(بعصبية): ايه شغل العيال ده؟!
نبض: مفيش موبايلات عيونك و رأسك محتاجين راحة. يلا نام.
رعد(بعصبية): هتعملي دكتورة عليا.
نبض: عليك و علي غيرك...
رعد(بعصبية): يبقي اتجننتي.
نبض: لا يا بيبي انا مجنونة من الاساس.
رعد(بانفعال): هاتي الموبايل احسنلك.
رعد كان هيمسك نبض بس نبض بعدت عنه و هي بصاله بتحدي.
نبض: برضو مش هتأخده، و متحاولش تقوم انت اللي هتخسر و هتتعب اكتر.
نبض: ممنوع تليفونات او اي حاجة تأثر علي دماغك.
رعد: و الله؟!
نبض: ايوه.
نبض حطت الموبايل علي كرسي من اللي موجودين و قربت من رعد و وقفت جمبه.
رعد(بغيظ): طيب.
نبض قربت من رعد و باسته علي خده.
نبض: شطور.
نبض و هي بترفع وشه بصت ل رعد لقت انهم قريبين من بعض اوي، رعد رفع ايده و حاوط خصرها.
ممرضة: دكتورة نبض.
نبض(بخضة): نعم!
نبض بعدت بسرعة عن رعد و رجعت شعرها لورا بتوتر...
نبض: عايزة ايه؟!
ممرضة: ها لا مفيش حاجة، عن اذنك.
نبض(بغضب): يعني كان لازم تقرب عليا في الوقت ده؟!
رعد(بهدوء): خلاص هي مشيت تعالي اقرب عليكي بقي...
نبض: يا سافل اخرس...
رعد: انتي حرة بقي.
نبض(بانفعال): اكيد مش هتسكت و هتروح تتكلم عني مع الكل.
رعد(ببرود): واحد و مراته عادي.
نبض: اوف بقي.
نبض كانت بتبص ناحية الباب رعد رفع رأسه و بص عليها,رعد مسك ايد نبض و قربها منه...
نبض: ايه؟!
نبض قعدت علي السرير مع رعد و رعد قرب نبض منه اوي...
رعد(بتوهان): محدش ليه حاجة عندنا انتي مراتي.
رعد قرب من نبض و (لخيالكوا)...
نبض(بتوتر): علفكرة انت بقيت متجاوز شوية حاجات. وسع كدة.
نبض بعدت عن رعد و راحت قعدت علي الكنبة و هي بتلعب في موبايلها بتوتر بعيد عن نظر رعد.
رعد رجع رأسه لورا بتعب و غمض عيونه بدأ ينام.
في الصباح الباكر...
نبض كانت نامت غصب عنها بدأت تفوق و تفتح عينيها و بصت حواليها لقت نفسها علي سرير رعد و رعد مش موجود في الاوضة.
نبض: اوف الغبي.
نبض بدأت تقوم و تفوق و قامت من علي السرير بدأت تلبس الكوتشي بتاعها و خرجت تدور عليه.
نبض: لو سمحت مشوفتيش المريض اللي في اوضة 406؟!
ممرضة: لا.
نبض: راح فين ده؟!
نبض بدأت تدور علي رعد في المستشفي كلها.
نبض: اوف ليكون حصله حاجة.
نبض لسة بتلف لقت رعد في وشها بحركة تلقائية منها حضنته...
نبض: كنت فين افتكرت حد عملك حاجة؟!
رعد: يلا جيبي حاجتك هنسافر.
نبض: فين؟!
رعد: هنرجع الصعيد يلا.
نبض: بس انت تعبان و هتسوق؟!
رعد: ملكيش فيه.
نبض(بغيظ): يا شيخ انا مالي الله ان شاء الله تولع.
نبض دخلت خدت شنطتها و هي خارجة قابلت طارق.
طارق: انتي فعلا بتي(نمتي) مع ابن عمك ده في اوضة واحدة؟!
نبض(برفعة حاجب): و انت مالك؟!
طارق: انت ازاي يعني هو مقربش منك صح؟!
نبض: ملكش دعوة و علشان ترتاح مفيش حاجة بيني و بين ابن عمي، عن اذنك.
نبض راحت ل رعد و خرجوا بره المستشفى راح لجراچ العربيات...
نبض(بابتسامة واسعة): خليني اسوق انا...
رعد: لا.
نبض: بليز بليز يلا يا رعد علشان خاطري.
رعد: ما انتي معندكيش خاطر عندي.
نبض: طيب ربنا يديم عدم القبول اللي ما بينا.
نبض: انا عايزة اسوق بس كدة.
رعد رمي المفاتيح في وش نبض و لف ركب مكان جمب السواق، نبض قعدت تتنطط كتير من الفرحة.
رعد: لو خلصتي فقرة البهلوان يا ريت تركبي بقي علشان نلحق نروح قبل ما الليل يجي...
نبض(بفرحة): حاضر.
نبض جريت علي باب العربية و فتحته و قعدت و بدأت تسوق تحت توجيهات رعد.
رعد: خشي يمين...
بعد فترة كبيرة.
رعد(بنفاذ صبر): يعني جنابك ماشية علي قشر بيض و لا ايه مش فاهم؟!
نبض: اعمل ايه يعني؟!
رعد(بنفاذ صبر): سرعي شوية اتصرفي.
نبض: اهو علي 120.
رعد طلع تليفونه و بدأ يتفحصه، و فجأة سمعوا صوت فرقعة.
نبض(بصريخ): رعد.
رعد وقف الفرامل بسرعة و نبض كانت في حالة صدمة رعد نزل بسرعة يشوف في ايه لقي عجلة فرقعت.
رعد(بعصبية): عجبك كدة؟!
نبض: اسفة اسفة بعتذر.
رعد(بعصبية): اركبي العربية مش عايز اشوف خيالك.
رعد فتح شنطة العربية و طلع كوتش عربية و بدأ يغير العجلات...
بعد فترة.
نبض: طب اساعدك طيب.
رعد(بنفاذ صبر): تعرفي متتكلميش خالص؟!
نبض: اوف ده بدل ما تقول فداكي يا حبيبتي.
رعد: ايه يا اختي؟! ح ايه.
رعد: بتحلمي يا اختي؟!
نبض(باستفزاز): طيب يا اخويا.
رعد(بعصبية): ما تخرسي بقي.
نبض(بدلع): حاضر.
نبض(باستفزاز): يا اخويا.
رعد(بعصبية): هديكي ب دي في وشك.
نبض بصتله باستفزاز و الامر كان معصب رعد اوي.
رعد رجع كل حاجة مكانها و لف بدأ يسوق هو و كان متعصب.
بعد فترة بسيطة وصلوا للقصر و نزلوا.
غفير: حمدلله بالسلامة يا سيادة البيه.
رعد: خد الشنط طلعها فوق.
رعد و نبض دخلوا القصر و كان الكل في انتظارهم.
جلال: حمدلله بالسلامة يا حبيبتي.
نبض جريت علي جلال حضنته و جلال باس رأسها.
هدي: نورتوا يا حبايبي.
نبض: بنورك يا تيتة...
عمر: حصلك ايه يا ولدي(ابني)؟!
نبض: ا.
رعد: طيب نبقي نتكلم بعدين يلا نرتاح.
رعد شد نبض و طلعوا علي اوضة رعد و رعد قفل الباب.
نبض كانت لسة هتتحرك لقت رعد شدها ناحيته و (لخيالكوا).
رعد(بهمس): كدة مش هتقدري تقولي اخويا دي تاني.
رعد ساب نبض و دخل الحمام,نبض جريت علي اوضة الملابس و قفلت الباب بسرعة.
نبض فضلت شوية واقفة مكانها و بعدها اختارت ليها طقم تلبسه.
نبض لبست بنطلون اسود و تي شيرت طويل لغاية بعد الركبة ب ¾ كم بس مفتوح من الجمبين باللون الاسود و مكتوب علي التي شيرت كلام بالابيض رفعت شعرها علي شكل فيونكة و نزلت كام خصلة علي وشها.
-نبض فتحت باب الاوضة و رعد كان لسة خارج من الحمام عينيهم اتقابلت بس رعد دخل اوضة الملابس و نبض نزلت ل تحت.
نبض كانت لسة هتنزل لقت اللي بتزقها من علي السلالم.
نبض(بصريخ): عاااااااااا.
نبض وقعت علي الارض بس وقعتها مكنتش قوية اوي كانت حاسة بوجع في ضهرها بس.
هدي(بخضة): يا حبيبتي يا بتي(بنتي).
جلال(بخضة): نبض انتي كويسة؟!
الكل كان متجمع حواليها بس نبض كانت باصة ل ملك اللي واقفة علي اول السلالم...
ادم: نبض انتي كويسة؟!
نبض(بوجع بسيط): اه اه.
عند ملك.
رعد كان نازل لقي ملك واقفة.
رعد: الف مبروك.
ملك(بغضب): انت بتحب بنت المركوب(شتيمة معرفش معناها)دي؟!
رعد(ببرود): و انتي مالك؟! دي مراتي خليكي في عريسك.
ملك(بغضب): طول ما بنت المركوب دي موجودة اهني(هنا) معاك يا رعد و بتبات في حضنك هجتلها(هقتلها).
رعد مسك ملك من رقبتها و زقها علي الحيطة.
رعد(ببرود): انتي حاولي بس و ساعتها هقتلك انتي و عائلتك كلها...
ملك: بص عليها اكدي(كدة)كيف المتكسحة(زي العجوزة)متنفعاكش يا رعد متنفاعكش(متنفعكش).
ملك: انا اللي بحبك من زمان جوي(اوي) يا رعد.
ملك(بغل): بس طول ما انت معاها اكدي(كدة)هأذيها زي ما اذيتها دلوجت(دلوقتي).
رعد بص مكان ما ملك بتبص لقي انهم بيسندوا نبض، رعد نزل ل تحت و بصلها.
نبض: خلاص انا بخير متقلقوش.
هدي: طب تطلعي ترتاحي يا بتي(بنتي).
نبض: لا لا هقعد هنا كدة...
نبض(بمرح بسيط): سندني يا ادهم سنديني يا ابني جالي الغضروف.
ادهم قبل ما يقرب علي نبض لقوا نبض بين ايدين رعد و راح للكنبة حطها عليها.
نبض(بصدمة): شكرا.
هدي: يلا يا بت منك ليها علي المطبخ.
عادل: عايزك انت و ابوك في اوضة المكتب.
عادل راح لاوضة المكتب و رعد وراه هو و عمر.
في اوضة المكتب.
عادل: اجعد(اقعد) يا اخرة صبري.
رعد(ببرود): يا ريت ننجز.
عمر(بحدة): رعد عيب تكلم جدك اكدي(كدة) اهدي شوية...
عادل: احم احنا عايزين وريث.
رعد(ببرود): مش مكفيك ادم و ادهم و انا؟!
عمر: لا مش اكدي(كدة)؟!
رعد(ببرود): اومال؟!
عادل: عايزنك انت و نبض تشدوا حيلكم اكدي(كدة).
رعد قام وقف و حط ايده في جيبه...
رعد(ببرود): انا اللي احدد اخلف امتي محدش يتدخل في حياتي احسن ليكوا.
رعد سابهم و مشي و عمر و عادل بصوا ل بعض و بصوا ل رعد...
بره.
نبض(بضحك): طب حاسبي لتولدي هنا في الرابع.
شربات(بضحك): مش قادرة انتي مسخرة يا نبض حقيقي ولادتي هتبقي علي ايدك.
نبض(بضحك): طيب اهدي شوية. انا برضو اللي مسخرة و لا انتي؟!
ادهم(بمرح): ضحكوني معاكوا...
شربات: لا.
ادهم: يا رخمين.
نبض: طيب تعالي تعالي صعبت عليا.
ادم(بعصبية): ممكن نهدي بقي صوتكوا عالي.
نبض: في ايه يا ابني مالك قفوش كدة ليه؟!
زهرة: الحج يا ادم مرت ابوي وجعت في الارض(الحق يا ادم مرات بابا وقعت في الارض).
زهرة: اطلب الحكيمة(الدكتور).
نبض قامت و راحت للمطبخ و بدأت تفحص علا لقي دم نازل من انفها...
نبض: ارتفاع في ضغط الدم.
نبض: انقلوها معايا.
ادم و ادهم و يوسف شالوا علا و نقلوها اوضتها بسرعة...
نبض: هات ورقة و قلم يا يوسف.
يوسف جري بسرعة جاب ورقة و قلم و وداهم ل نبض تحت استغراب الكل...
نبض بدأت تكتب كلام في الورقة دي...
نبض: حد يجيب امبولين من ده فورا و قطن.
ادهم خد الورقة من نبض و طلع جري علي المستشفي و جاب الامبولين و رجع تاني بسرعة.
نبض: اهدوا و ابعدوا كدة عنها علشان النفس.
نبض: و يُفضل تطلعوا بره.
بره.
عادل: ايه الاخبار يا حاجة؟!
هدي: نبض معاها جوا يا حاج ان شاء الله خير.
عادل: طيب انا هروح الارض اطمن عليها لو في جديد بلغيني.
هدي: حاضر يا حاج.
عمر: بلال عرف يا اما(امي)؟!
هدي: لا يا عمر...
جلال: مش المفروض نقوله لازم يبقي جمب مراته في وقت زي ده...
عمر: يسيب شغله يعني علشان مرته(مراته).
جلال: المفروض دي مراته هي حد غريب.
عمر: الشغل اهم الستات هيعرفوا يصرفوا نفسهم.
جلال: انت غريب يا عمر. علشان كدة رعد زيك و شبهك.
ادهم: وسعوا وسعوا بسرعة.
ادهم دخل و ودي ل نبض اللي هي طلبته,نبض مسكت الامبول و فرغته علي القطن و حطته في انف علا.
نبض: ارفعي رجليها.
نبض: مش كدة.
نبض: حطي مخدات تحت رجليها كتير.
ملك(بهمس): بتتأمر علينا و خلاص.
ورد(بهمس و حدة): اكتمي يا بت(اسكتي).
نبض: خلاص سيبوها ترتاح...
الكل بدأ يخرج الا يوسف ماسك ايد علا,نبض قعدت جميه و حطت ايديها علي كتفه.
نبض(بابتسامة خفيفة): هتبقي كويسة متقلقش.
يوسف(بتقطع بسيط): شش كرا(شكرا)...
نبض: شايفة في تحسن مبروك.
نبض: هسيبك شوية لو حصلت حاجة ناديني.
نبض خرجت و لقت ملك واقفة علي حرف السلم.
نبض: ملك.
ملك: خير؟!
نبض: عايزاكي.
نبض مسكت دراع ملك و ابتسمت ليها ابتسامة صفراء و خدتها و راحت للاسطبل.
زهرة: من ميته(من امتي) في حاجة بين نبض و ملك؟!
هدي: عادي يا بتي(بنتي).
زهرة مكنتش مطمنة فراحت وراهم.
نبض(بعصبية): تصدقي يا بت انك جبانة و غدارة.
نبض(بعصبية): انا عملتلك ايه جنابك؟!
ملك(بغل): هفضل اعمل اكدي(كدة) لغاية ما تمشي من اهني(هنا) يا بنت بلاد بره.
نبض(بسخرية): لا تكوني فاهمة يا بت انك كدة بتذليني.
نبض(بحدة): و كمان انا عملتلك ايه يعني؟!
ملك(بغل): خدتي مني رعد...
نبض(بانفعال): يا شيخة كنتي اتجوزتيه انتي و ريحتيني منه و من شكله و من قرفه، ده انتي كنتي هتشوفي ايام سوداء في حياتك بسببه.
نبض(بانفعال): كنتي تتمني الموت و لا تتمنيه هو. اتنيلي بتحبيه علي ايه؟!
ملك: رعد ده حبيبي من و احنا صغيرين كان بيهتم بيا و بيحبني جوي جوي(اوي).
ملك: بس انتي اللي خدتيه رعد بيحبني انا و بس. و كمان باسني انا اول واحدة و انا كان دايما يقول انتي مراتي انا و بس...
ملك: رعد ملكي انا يا بنت المركوب.
نبض: نينينينينيننيني.
نبض مسكت ايد ملك و تنتها بغضب.
نبض: اللي يلعب مع الكبار يخسر يا حلوة، و اياكي تظهري في وشي تاني.
زهرة: بعدي عنها انتي اتجنيتي(ابعدي عنها انتي مجنونة).
نبض: خديها جتك مصيبة في شكلك انتي و هي.
نبض زقت ملك علي زهرة و وقعوا هما الاتنين في الارض بسببها.
نبض سابتهم و طلعت علي اوضتها قلعت الكوتشي و الشراب و ريحت جسمها علي السرير.
نبض(بوجع): آه يا جسمي آه...
نبض: اشوف فيك يوم يا رعد الكلب انت من ساعة ما اتجوزتك و انا حياتي اسمها نبض حوادث.
نبض اتقلبت في نومتها و غمضت عينها تفكر لغاية ما نامت خالص من كتر التعب...
تحت...
في الاسطبل...
رعد: ايه الاخبار؟!
رعد قعد يملس علي الخيل بتاعه و بعدها لقي ادم و ادهم قدامه.
رعد: اممممم.
ادم: ايه اخبارك؟!
رعد: مش شايفني قدامك اهو كويس من امتي و انا مش كويس يعني.
ادهم: يا ابني احنا مش عادل و عمر و الناس دي...
رعد(بسخرية): يا ابني!
رعد قرب من ادهم و حط ايده علي كتفه.
رعد: انت عندك كام سنة ياض انت؟!
ادهم: 17.
رعد: قولتلي 17، الفرق بيني و بينك 11 سنة فاهم...
رعد: ابني دي تروح تقولها لكلب بيلعب معاك.
ادهم: خلاص يا عم مكنتش كلمة قولتها.
ادم: الا قولي يا رعد.
رعد: خير انت كمان؟!
ادم: هي نبض بتحب ايه؟!
رعد(برفعة حاجب): اشمعنا؟!
ادم: رد عليا الاول نبض بتحب تأكل ايه و بتحب تخرج فين و بتحب ايه كدة رد عليا.
رعد قرب من ادم و وقف قصاده و هو باصص ليه باستغراب.
رعد: ايوه و انت عايز تعرف ليه؟!
ادم: عمي جلال قال ان عيد ميلادها قرب فبفكر اجيب ليها هدية ايه.
رعد حط ايده علي كتف ادم و ضغط جامد.
رعد: و ماله نجيبلها سوا يعني؟!
ادم: ايدك تقيلة يا ابني وسع.
رعد بعد عنهم و وقف جمب الخيل بتاعه.
ادم: متعرفتش علي قدر؟!
رعد: قدر مين؟!
ادم: مراتك نبض اختارت المهرة دي و سمتها قدر.
رعد قرب من المهرة و حط ايده عليها.
رعد(بصوت واطي): ق د ر. قدر...
ادهم: ما تطلع تحب في مراتك احسن؟!
رعد(ببرود): ملكوش دعوة.
رعد(بانفعال): و كمان انتوا شاغلين نفسكوا بعلاقتنا ليه اوف.
ادم: معلش معلش.
رعد: وسع ياض من وشي.
ادم: طيب يا سيدي شكرا.
رعد: هي الزفتة ملك دي هتتجوز امتي؟!
ادم: بكرة بليل كتب الكتاب.
رعد: طيب احسن...
ادم: ليه في ايه؟!
رعد: مفيش.
ادهم: بس هي نبض وقعت ازاي؟!
ادم: هتلاقيها اتكعبلت...
ادهم: ايه تفكيرك يا رعد؟!
رعد: ممكن تكون وقعت عادي. يلا اطلعوا ناموا...
رعد: و انت ركز في مذاكرتك.
ادهم: حاضر.
ادهم حضن رعد هو و ادم و رعد طبطب علي ضهرهم و سابهم و طلع لاوضته دخل لقي نبض نايمة و النور شغال.
رعد دخل غير هدومه و خرج طفي النور و راح نام جمبها و كان في ضوء بسيط جدا.
نبض(بوجع): آآآآآه...
نبض و هي بتتقلب حست بوجع في ضهرها.
رعد: نبض نبض.
نبض(بوجع و ألم): اممم ايه بقي؟!
رعد: قومي ادهنلك كريم.
نبض(بوجع): مش قادرة سيبني بقي انام.
-نبض ودت ضهرها ل رعد و هي حاسة بوجع. رعد قام جاب الكريم و رفع تي شيرت نبض و بدأ يدهن ليها الكريم و نبض حاسة بوجع بسيط.
رعد قام غسل ايده و رجع الكريم مكانه و نام علي السرير تاني، نبض لفت و كان وشها في وش رعد...
نبض مدت ايديها و حاوطت خصر رعد بايدها و نامت...
-في مكان تاني...
في تركيا، عند فتون.
فتون كانت بتجهز مفأجاة ل محمد و كانت مبسوطة اوي.
فتون(بفرحة,بالتركية): كدة ناقص انه حبيبي يجي و تكتمل الاسرة.
فتون قعدت علي الكنبة مستنيه محمد تليفونها رن.
الخط اتفتح.
فتون(بالتركية): الو.
(بالتركية): فتون التليفون وقع منها من الصدمة و بدأت تعيط.