رواية قسوة الرعد للكاتبة سلسبيل كوبك الفصل السابع والثلاثون
رعد و نبض قعدوا فترة يتكلموا. الباب خبط.
رعد: قومي افتحي.
نبض قامت فتحت الباب فضلت واقفة مندهشة...
نبض(بصدمة): رعد! انت ازاي عرفت؟!
رعد قام و قرب من نبض حط ايده في جيبه.
رعد: ازاي يعني انسي عيد ميلادك.
نبض جريت علي رعد حضنته رعد حضنها جامد و باس رأسها.
رعد: تحبي تفتحيهم فين؟!
نبض: هنا.
نبض فتحت باب البيت علي اخره و بدأت تمسك علبة علبة و تدخلها الشقة و مسكت البلالين اللي كانوا طايرين و كانت فرحانه بيهم اوي.
نبض(بفرحة): الله حلوين اوي يا رعد.
نبض قعدت في الارض هي و رعد و بدأت تفتح العلب و هي مبسوطة.
نبض(بفرحة): الله بجد حلوين انا مبسوطة اوي.
رعد كان باصص ل نبض بابتسامة و كان بيبص ل لفرحتها.
رعد: عيد ميلاك بكرة عارف بس حبيت اعمله النهاردة. علشان بكرة هنكون في الصعيد هتحتفلي بيه مع عمي علشان عارف انك كنتي كل سنة بتحتفلي بيه مع باباكي.
نبض(بفرحة): ربنا يخليك ليا يا رب.
نبص حضنت رعد جامد فضلت ماسكة فيه.
رعد: طب كملي فتح الهدايا طب؟!
نبض: انت اجمل هدية...
رعد: يا بكاشة...
نبض(بابتسامة): ايه ده انت قفشتني؟!
رعد: و الله؟! طب تعالي بقي.
رعد قعد يزغزغ نبض كتير و نبض تضحك.
رعد(بينهج): عملتي فيا ايه الله يخرب بيتك؟!
نبض(ببرائة مصطنعة): انا عملت حاجة؟!
رعد: و الله؟! طب غمضي عينك.
نبض(بحماس): اهو.
رعد طلع علبة من جيبه و فتحها.
رعد: فتحي عينك.
نبض(بصدمة): ايه ده! كدة كتير...
رعد لبس نبض دبلة دهبي في ايديها الشمال و باس ايديها.
رعد: اسف اني مجبتهاش ليكي من البداية.
نبض: و لا يهمك.
نبض باست خد رعد و قعدت هي و هو يكملوا فتح العلب.
نبض: يا سافل حد يجيب ده.
رعد: مش انا عملت كدة يبقي في.
نبض: نينينينيييي.
رعد: و كمان مكسوفة مني انا؟! ده انتي تتكسفي من العالم كله الا انا.
نبض: طيب يا سيدي شكرا...
رعد: كملي فتح.
نبض: دول كتير اوي يا رعد.
رعد: يعني اروح ارجعهم مثلا...
نبض: بحبك.
رعد: و انا، بصي بقي عايزين نجيب ايه.
نبض: ايه؟!
رعد: اربعة كفاية؟!
نبض: اربعة ايه؟!
رعد: عيالنا. و نسميهم ايه بصي مبدأيا ولدين و بنتين. ولد يبقي اسمه.
رعد: فكري معايا.
نبض: تعالي نكمل فتح العلب.
نبض كملت فتح العلب و كانت بتعجبها الهدايا.
نبض: انا حاسة انك اشتريت كل حاجة في الدنيا دي، برفيوم و جذم و شنط و هدوم و شيكولاتات و دباديب و اكسسورات و كل حاجة...
نبض: بحبك. و البلالين حلوة اوي.
رعد: ايوه يا روحي...
نبض: انا خايفة يا رعد.
رعد: من ايه؟!
نبض: اكون بحلم و انك هتسبني و تمشي زي ما مشيت قبل كدة. خايفة اتخدع فيك يا رعد تاني انا اه بحبك بس مش هقدر يا رعد ادوس علي نفسي اكتر. المشكلة ان الواحد بيحب الحاجة اللي بعيدة عنه طول ما انا بعيدة عنك هتحاول تقربني منك و لما اقرب منك هتكسرني يا رعد.
رعد مسك ايدين نبض و باسهم و بص في عيونها.
رعد: خليكي متأكدة مية في المية اني بحبك و عايزك في حياتي و عايز اكمل حياتي معاكي.
رعد: انتي نوري يا نبض، ربنا يخليكي ليا و ميحرمنيش منك ابدا.
رعد: متخافيش ابدا طول ما انا معاكي، متخافيش انا معاكي اهو جمبك و في ضهرك.
رعد: فاهمة؟!
نبض هزت رأسها بمعني اه. رعد قرب منها باس رأسها.
رعد: يلا قومي البسي فستان سهرة شيك هنخرج.
نبض: حاضر بس يلا اطلع اغيرلك علي جرحك.
رعد: طيب.
نبض و رعد طلعوا اوضتهم و نبض بدأت تغير علي جرح رعد.
نبض: انت غيرت عليها امبارح؟!
رعد: اه.
نبض: طب يلا قوم.
رعد: طيب هستناكي تحت...
رعد فتح دولابه و طلع بدلة و راح اوضة من الاوض.
نبض دخلت الحمام خدت دوش و خرجت بدأت تغير هدومها...
نبض اختارت فستان باللون النبيتي قصير قبل الركبة و ب ¾ كم و الاكمام مخرمة و برضو الضهر مخرم. نبض لبست صندل بكعب باللون النبيتي. سيبت شعرها علي ضهرها و كتفها. حطت روچ احمر غامق بنفس درجة الفستان و كحل حدد عينيها و حطت البرفيوم بتاعها.
رعد(بصوت عالي): يلا يا نبض.
نبض مسكت الجاكت بتاعها و الشنطة و خرجت من الاوضة نزلت بسرعة علي السلالم قدام نظر رعد.
نبض: اتأخرت عليك؟!
رعد: اوي.
نبض(بابتسامة): طب يلا بينا.
نبض بدأت تلبس الجاكت بتاعها و قفلته بحزامه.
رعد مد ايده ل نبض و نبض مسكت ايده رعد شدها ناحيته.
نبض(بشهقة): رعد.
نبض حست بتوتر من نظرات رعد ليها,رعد فضل باصص ل نبض و لجمالها.
رعد: كنت ناوي اخلي ده بعد ما نرجع...
نبض: ايه هو؟!
رعد قرب من نبض و (لخيالكوا) و...
-في مكان تاني...
عند يوسف.
مدير: تمام و احنا قبلنا الشغل معاك.
يوسف(بابتسامة): شكرا شكرا جدا ليك.
يوسف: ابدأ من امتي؟!
مدير: من بكرة الصبح لو انت حابب.
يوسف: شكرا يا فندم و اوعدك مش هتندم علي قرارك ده...
مدير: اتمني.
يوسف خرج من الشركة و هو مبسوط لقي ادهم مستنيه في عربيته...
ادهم(بغمزة): ايه النظام؟!
يوسف(بفرحة): مبسوط اوي يا ادهم. قبلوني في الشغل.
ادهم: لازم يقبلوك هو انت اي حد و لا ايه. يلا بينا ننط علي رعد و نبض.
يوسف: ممكن يكونوا مش فاضيين متنساش انه عملها مفأجاة عيد ميلادها النهاردة، لازم نراعي.
ادهم: طب اتصل بادم ارخم عليه.
يوسف: انت عايز ترخم علي اي حد؟!
ادهم: ايوه.
ادهم طلع تليفونه و اتصل بادم. الخط اتفتح.
ادهم(بصوت بنات): حبيبي عامل ايه؟!
ادم(بصدمة): ادهم!
ادهم(بصوت بنات): كدة يا حبيبي تمشي اخر يوم من غير ما تودعني كدة يا وحش.
ادم: ما تسترجل ياض.
ادم: الله يخرب بيتك.
ادم: ميران استني هفهمك ميران.
ادم: اسمعيني بس ده اخويا ادهم و بيهزر.
ادم: ادهم هتخرب بيتي قول لميران انك اخويا.
ادهم(باستغراب): ميران مين!
ميران اتأكدت ان ادهم بيهزر مع ادم و يبقي اخوه.
ميران: انا ابقي مرات اخوك يا ادهم.
ادهم(بصدمة): مرات اخويا!
ادهم: ايه ده في ايه؟! انا مش فاهم حاجة.
ادم: هبقي هفهمك كدة كدة راجعين قريب.
ادهم: يعني انت اتجوزت؟!
ادم: ايوه.
ادهم: حلوة؟!
ادم(بعصبية): ما تحترم نفسك بقي.
ادهم: خلاص اسف تبقي حلوة.
ادم(بعصبية): ده انا لما اشوفك هديك علقة محترمة.
ادهم: خلاص بقي اسيبك انا بقي.
يوسف: ايه اللي حصل؟!
ادهم: الباشا اللي كان مفهمنا انه رايح شغل راح و اتجوز.
يوسف(بدهشة): بجد!
ادهم: ايوه.
يوسف: ايه عصر السرعة ده؟!
ادهم: بس يا بختك يا عم انا و انا قاعد في الكافتريا بتاعت الشركة شوفت حبة مزز.
يوسف: اتعدل ياض.
ادهم: طب مش هتعزمني يا بيبي.
يوسف: امشي قدامي. امشي ده انت مصيبة.
عند ادم و ميران.
ميران(بضحك): اخوك قمر.
ادم: فعلا.
ميران: ربنا يخليه ليك. عيد ميلاد نبض بكرة كان نفسي ابقي معاها.
ادم: تحبي تروحي و لا؟!
ميران: ماشي.
ادم و ميران ركبوا العربية و رجعوا القصر.
ادم: جهزي هدومك هعدي عليكي بليل...
ميران: هنسافر؟!
ادم: ايوه. ودعي فتون و محمد.
ادم: جهزي هدومي انا كمان هعدي عليكي بليل.
ادم: باي.
ادم ساق و راح علي الشركة يخلص كل اللي عليه.
ميران اتصلت بمحمد و فتون و خلتهم يجوا.
فتون(بدموع,بالتركية): هتسافري؟!
فتوت(بالتركية,بدموع): هتسبيني لوحدي؟!
ميران(بالتركية): يا روحي غصب عني.
محمد(بالتركية): استني انتي يا ميران. هتسيبك لوحدك! اومال انا وظيفتي ايه؟!
فتون(بالتركية,بخفوت): مش هعرف اتكلم عليك معاهم.
محمد(بالتركية): يا واطية.
فتون(بالتركية,صريخ): ميران.
فتون طلعت تجري و محمد وراها فتون استخبت ورا ميران.
ميران(بضحك,بالتركية): خلاص يا محمد.
محمد(بالتركية): الصبر يا فتون.
فتون(بالتركية): خديني معاكي ده مش هيرحمني.
ميران(بالتركية): ما تيجوا معانا.
محمد(باتركية): يا بنتي احنا ده اساسنا هنا بيتنا هنا. اما انتي جوزك اصله من مصر لازم تبقي معاه.
ميران(بالتركية)مش هقدر اسيبكوا.
فتون(بالتركية): و لا انا.
محمد(بالتركية): هنبقي نيجي زيارة و نشوف نبض لانها وحشتنا اوي، و بجد انا زعلان اننا اتفرقنا...
فتون(بالتركية): و انا.
ميران(بالتركية): غصب عننا يا جماعة.
محمد(بالتركية): عارف.
فتون حضنت ميران و قعدت تعيط و ميران برضو كدة.
محمد(بالتركية): تعالوا تعالوا.
محمد حضن ميران و فتون و باس رأسهم.
محمد(بالتركية): هنتجمع تاني اكيد ان شاء الله.
التلاتة قعدوا يتكلموا مع بعض اوي و يهزروا لغاية ما ادم جه.
ادم(بالتركية): مساء الخير.
ادم سلم علي محمد و فتون و قرب من ميران باس رأسها.
محمد(بالتركية): انت لحقت تيجي علشان تمشي لا و هتمشي و معاك حد عزيز علينا.
ادم بص ل ميران و ابتسم ليها...
ادم(بالتركية): قدر بقي.
ادم(بالتركية): هستناكوا قريب في مصر.
فتون(بالتركية): طب و نبض مش ترجع؟!
ادم(بالتركية,بضحك): ليه هما بيبدلوا ورديات؟!
ادم(بالتركية): زمان نبض مع رعد دلوقتي.
ميران(بضحك,بالتركية): يا ريت كان في حد تالت معانا و نجوزه لاخوك ادهم.
ادم(بالتركية): عندك حق.
فتون(بالتركية): انتوا تلت اخوات؟!
ادم(بالتركية): ايوه.
محمد(بالتركية): ربنا يحفظكم.
ادم(بالتركية): شكرا.
ادم(بالتركية): جهزتي الشنط؟!
ميران(بالتركية): اه.
محمد(بالتركية): الطيارة امتي؟!
ادم(بالتركية): كمان ساعة...
فتون(بالتركية): طيب يلا تلحقوا الطيارة.
الاربعة قاموا وقفوا و سلموا علي بعض.
ميران(بالتركية): مش هنسلم علي ثريا؟!
ادم(بالتركية): مدام ثريا في مصر...
ميران(بصدمة,بالتركية): امتي؟!
ادم(بالتركية): طيارتها كانت الصبح...
فتون(بالتركية): كنت مستغربة انها مش موجودة.
محمد(بالتركية): يلا.
الاربعة خرجوا من القصر و ركبوا عربيتهم و راحوا للمطار.
محمد(بالتركية): خلي بالك منها.
ادم(بالتركية): متقلقش.
فتون(بالتركية): سلميلي علي نبض كتير.
ميران(بالتركية): حاضر.
ادم(بالتركية): باي.
ادم خد ميران و دخلوا المطار ركبوا طيارتهم.
فتون كانت هتعيط محمد حضنها و باس رأسها.
محمد(بالتركية): اوعدك هنروح ليهم قريب.
فتون(بالتركية): بحبك.
محمد(بالتركية): و انا كمان...
-في مكان تاني...
عند مالك و ملك.
مالك كان في الشغل و رجع لقي ملك قاعدة في الجنينة لوحدها.
مالك: مالك يا حبيبتي؟!
ملك: انت جيت؟! حمدلله بالسلامة.
ملك: هخليهم يحضروا الاكل.
ملك كانت هتقوم مالك مسك ايديها و قعدها علي رجله و حاوطها بايده.
مالك: مالك؟! زعلانة ليه؟!
ملك: مش عارفة حاسة اني وحشة اوي يا مالك و مستاهلش اللي انت بتعمله علشاني.
ملك: حاسة اني مستهلكش. انا واحدة كنت حقودة و انانية.
ملك: اذيت بنت عمي و كنت هأذيها و كنت بكرهك كنت بكره الكل.
ملك: كنت ناوية اهرب يوم فرحنا. و كنت بحب شخص تاني غيرك.
ملك: انا وحشة اوي يا مالك وحشة انت متستاهلنيش يا مالك انت تستاهل واحدة ماضيها نضيف.
مالك: و انا عايزك انتي.
ملك بصت ل مالك و مالك فضل باصص ليها.
مالك: ميهمنيش ماضيكي. ميهمنيش غيرك.
مالك: ميهمنيش اي حاجة خالص غيرك انتي انتي و بس. و ميهمنيش اي حاجة تاني.
مالك: يهمني دلوقتي انك بتحبيني انا و انك حامل في ابني و هتخليني اب و هتكوني ام و هنكون اسرة سعيدة مع بعض.
مالك: متفكريش في اي حاجة تاني.
مالك: متشليش هم طول ما انا موجود علي الدنيا دي.
مالك قرب من ملك و باس رأسها و خدها في حضنه اكتر.
ملك: بحبك ربنا يخليك ليا يا رب.
مالك: اتعشيتي؟!
ملك: لا.
مالك: مش انا قولتك كلي اهم حاجة صحتك.
ملك: يلا نأكل سوا.
مالك شال ملك و دخل بيها الفيلا.
صابرين: الاكل جاهز يا بيه.
مالك: طيب حطيه علي السفرة.
ملك(بابتسامة): بحبك و بحب كل تصرفاتك.
مالك: هطلع اغير هدومي و نأكل سوا و نتفرج علي كرتون سوا.
مالك باس رأس ملك و سابها و طلع علي اوضتهم بسرعة غير هدومه و نزل ل تحت و هو مبسوط و بدأ يأكل هو و ملك.
مالك: صابرين تعالي شيلي الاكل.
مالك خد ملك و دخلوا الصالون.
مالك: تحبي تتفرجي علي كرتون سندريلا و لا روبانزل و لا.
ملك: خلينا في روبانزل ده.
مالك: طيب.
مالك شغل الكرتون و رجع قعد جمب ملك حاوطها بايده و بدأوا يتفرجوا علي الكرتون مع بعض.
-في مكان تاني...
عند مهند و فاطمة.
مهند: صباح الخير.
فاطمة: مساء النور.
مهند: اه صح...
مهند: زياد فين؟!
فاطمة: نايم.
مهند: طيب قومي اعملينا غداء...
فاطمة: الغداء جاهز ادخل خد دوش سريع عقبال ما اسخنه كدة و احطه.
مهند: طيب يا حبيبتي ربنا يخليكي.
-مهند باس رأس فاطمة و دخل خد دوش سريع و غير هدومه و خرج لقي الاكل محطوط علي السفرة.
مهند و فاطمة قعدوا كلوا فاطمة قامت شالت الاكل بعد ما خلصوا و جابت علبة الاسعافات و قعدت قدام مهند بدأ تطهر جروحه.
مهند: لسة زعلانة؟!
فاطمة: لا.
مهند: متأكدة؟!
فاطمة: ايوه.
مهند: طب ايه رأيك لما زياد يصحي نروح نخرج؟!
فاطمة: براحتك يا حبيبي...
مهند: هنسافر نزور اهلي قريب.
فاطمة: تمام...
مهند حضن فاطمة و حاوطها بايده.
مهند: فاطمة انتي في الاخر هتضعفي و هصالحك و هنبقي كويسين لغاية ما تيجي مهمة يحصلي فيها حاجة و نعيد نفس الحوار.
فاطمة(بعياط): ايه ذنبي اني خايفة عليك.
مهند: و لا اي حاجة يا حبيبتي، بس قولتهالك قبل كدة الاعمار بيد الله لو حصلي حاجة و مت هموت شهيد و دي موتة الكل يتمناها يا حبيبتي.
فاطمة(بعياط): مش هقدر علي بعدك.
مهند: يا روحي متتوقعيش الشر.
فاطمة(بعياط): حقيقة.
مهند: يا فاطمة بقي علشان خاطري متوجعيش قلبي.
فاطمة(بعياط): سلامة قلبك.
مهند(بوجع مصطنع): آه.
فاطمة(بقلق): مالك؟!
مهند: خايفة عليا.
فاطمة: يا رخم وسع.
مهند(بضحك): خلاص خلاص بحبك يا روحي.
فاطمة: و انا كمان.
مهند: مسيطر انا.
فاطمة: رخم...
مهند: يا قلب الرخم.
فاطمة: متقولش علي نفسك رخم.
مهند: بحبك يا قمري.
فاطمة: و انا كمان.
مهند: ربنا يقدرنا و نعرف نربي زياد صح.
فاطمة: يا رب.
زياد(بنوم): ماما.
فاطمة: نعم يا حبيبي.
زياد(بنوم): عايز اكل.
فاطمة: حاضر.
مهند: مفيش حضن ل بابا.
زياد جري علي مهند حضنه. مهند شاله و قعد يلعب معاه و فاطمة دخلت تجهز غداء ليه.
مهند: مين هيخرج معايا النهاردة؟!
زياد: هتخرجنا يا بابا؟!
مهند: ايوه يا حبيبي.
زياد(بفرحة): هيييييه.
مهند: يلا انزل كل و خلي امك تلبسك.
مهند(بغمزة): و تيجي تلبسني.
فاطمة: بس بقي.
مهند(ببرائة): انا عملت حاجة.
فاطمة: يا برئ.
مهند: طول عمري.
فاطمة: طب خش البس يلا.
مهند: لا و الله ابدا من غيرك...
مهند: خد راحتك في الاكل يا حبيبي.
زياد: حاضر.
مهند: برئ اوي الواد ده...
-في مكان تاني...
في الصعيد.
ورد: طب فهميني يا اما(امي).
هدي(بجمود): بعدي(ابعدي) عني.
ورد: يا اما(امي).
هدي(بجمود): روحي اسألي بنتك.
ورد قامت و طلعت اوضة زهرة و دخلت وقفلت الباب.
ورد(بحدة): ايه اللي حوصل(حصل)؟! انطجي(انطقي).
زهرة(بدموع): انا اللي حاولت اسجط مرت ابوي(انا اللي حاولت اسقط مرات بابا).
ورد قلعت شبشبها و نزلت ضرب علي زهرة.
ورد(بغضب): يا بنت المركوب.
ورد(بغضب): و ربي و ما اعبد لو شوفتك جدامي لاكون جاتلاكي(قداميلاكون قاتلاكي).
ورد سابت زهرة مرمية في الارض و بتعيط.
علا: في ايه مالك يا ورد؟!
ورد: مفيش حاجة.
ورد سابت علا و علا دخلت اوضة زهرة تطمن عليها.
علا(بقلق): زهرة...
علا قربت من زهرة و خدتها في حضنها و زهرة قعدت تعيط.
علا: مالك بس حصل ايه كلميني؟!
زهرة(بعياط): حاولت اجتلها(اقتلها).
علا: مين؟!
زهرة(بعياط): مرت ابوي(مرات بابا).
علا(بصدمة): ليه يا زهرة حرام عليكي؟!
زهرة(بعياط): احساس صعب اوي انك متعرفيش تخلفي، الاحساس كان صعب اوي.
زهرة(بعياط): كان صعب عليا اوي ان جوزي سابني علشان مبخلفش.
زهرة(بعياط): محدش هيفهم شعوري.
علا: مهما حصل مفيش حاجة تدفعك ل ده يا زهرة.
زهرة(بعياط): مش عارفة بقي.
علا: خلاص عرفتي غلطتك.
زهرة(بعياط): انا حاسة اني لوحدي.
علا: كنتي تحكي لحد يا زهرة مش تحاول تقتلي حد من دمك.
علا: قومي يلا.
علا سندت زهرة و دخلت الحمام.
علا: خدي دوش و انسي اللي حصل محدش مستاهل تعملي علشانه كدة.
علا: يلا علشان تتغدي معانا تحت.
علا نزلت ل تحت و قعدت تجهز الاكل مع سوسن.
عادل: الوكل(الاكل)فين؟!
هدي: جاهز يا حاج...
عادل شاف زهرة واقفة قدام باب اوضة السفرة.
عادل: تعالي يا بتي(بنتي).
زهرة قربت و قعدت جمب عادل و عادل حط ايده علي رأسها.
عادل: عاملة ايه؟!
زهرة: الحمدلله.
عادل: كويس.
علا: كلي يلا يا زهرة.
الكل جه قعد و بدأوا يأكلوا.
هدي: اخبارك يا شربات؟!
شربات: في نعمة الحمدلله.
عادل: الحمدلله.
عمر: مسعد هنعمل ايه فيه؟!
عادل: سيبه اكدي(كدة) كام يوم.
عمر: حاضر.
الرجالة خلصت اكلها و قامت الاول.
زهرة(بدموع): جدة سامحيني.
زهرة(بدموع): و انتي يا اما(امي).
علا: مفيش داعي للزعل يا امي و انتي يا ورد سامحي بنتك.
شربات: حصل ايه؟!
زهرة(بدموع): سامحيني انتي كمان انا اللي حاولت اجتلك(اقتلك).
شربات لاحظت الصدق في عيون زهرة.
شربات: مسمحاكي كله خير الحمدلله.
ورد: لو عايزاني اكسرها جولي يا خيتي(قولي يا اختي).
شربات: لا محصلش حاجة.
هدي: المهم تعترفي بغلطتك يا زهرة، زهرة قامت باست ايد هدي و ورد.
هدي: يلا ورانا شغل كتير يلا منك ليها.
-في مكان تاني...
عند رعد و نبض.
رعد(برفعة حاجب): مش هتبطلي تبصيلي كدة؟!
نبض: حابة ابصلك كدة عندك مانع.
رعد: يا لمضة. لا طبعا معنديش مانع انا كلي ملكك و تبصيلي براحتك يا قمري انتي.
نبض: مش هتسبني؟!
رعد: لا. و ده وعد رجالة المرة دي.
نبض قربت من رعد باست رأسه و رعد خدها في حضنه.
رعد: لا احنا كدة هنبات في السرير قومي يلا البسي علشان نخرج.
نبض: حاضر.
نبض قامت بسرعة و خدت دوس سريع خرجت تغير هدومها، نبض لبست طقم الصبح و خرجت ل رعد.
رعد: انتي شكلك مش عايزانا نخرج من هنا خالص.
نبض: وحش؟!
رعد: خشي غيريه يا نبض.
نبض: رعودة متبقاش قفوش بقي.
رعد(بصدمة): رعودة! اسمي رعد ده انتي شوهتي الاسم خالص.
نبض قربت من رعد و حاوطت رقبته بايديها.
نبض: انت رعودة رعد قلبي انا.
نبض: بس يا رب تفضل زي ما انت كدة.
رعد: طول ما انا معاكي مش هتلاقي غير فرح و حب و رومانسية.
نبض: ميهمنيش الناس انت بس اللي تهمني.
رعد: انا اتغيرت علشانك يا نبض لانك تستاهلي التغير ده و التغير ده محدش لازم يشوفه غيرك.
رعد باس رأس نبض و مسك ايديها و نزلوا ل تحت...
نبض: هنروح فين؟! الهدايا مكملتش فتحهم طب.
رعد: بعدين هما هيطيروا.
رعد خد نبض و خرجوا من البيت و رعد ركب نبض العربية و لف ركب هو و بدأ يسوق.
رعد: تحبي تتغدي حاجة معينة؟!
نبض: شاورما.
رعد: تمام.
رعد وقف قدام محل شاورما سوري نزل طلب الطلب و رجع ل نبض قعد معاها في العربية.
رعد: ها عايزة ايه تاني؟!
نبض: اي حاجة اعوزها هتعملها؟!
رعد: اكيد.
نبض: امممم عايزة اتمشي معاك علي الكورنيش عايزة الف مصر كلها و اركب مركب في النيل...
رعد: اوامرك.
رعد نزل خد الشاورما و اشتري بيبسي و رجع العربية راح علي الكورنيش و قعد هو و هي و بدأوا يأكلوا سوا.
نبض: واو حمص صح؟!
رعد: بتحبيه؟!
نبض: اه.
رعد: لو سمحت عايز اتنين.
رعد اشتري ل نبض و ليه و بدأوا يشربوا حمص.
رعد: تعالي يلا.
نبض: ايه؟!
رعد: نركب مركب في النيل.
نبض: بليل دلوقتي؟!
رعد: ايوه. دي متعتها بليل.
رعد و نبض ركبوا مركب و نبض كانت مبسوطة اوي.
نبض(بفرحة): حلو اوي منظر البحر حلو.
رعد قرب من نبض و (لخيالكوا).
نبض قامت و حضنته جامد و بدأوا يتمايلوا علي اغنية رومانسية رعد خلي الراجل يشغلها.
نبض(بفرحة): انا مبسوطة اوي اليوم حلو.
رعد: احنا ساهرنين في الشارع للصبح اتمني اي حاجة.
نبض: بس المحلات هتكون قافلة.
رعد: هفتحها مخصوص يا قمري.
نبض: بحبك.
رعد: بفكر ننزل نعوم شوية.
نبض: يا مجنون لا.
رعد(بضحك): تعالي بس...
نبض: لا طبعا انت اتجننت.
نبض قعدت و رعد جه قعد جمبها و رش عليها ماية.
نبض(بخضة): يا حيوان.
نبض قعدت ترش ماية علي رعد و رعد يرش عليها.
نبض(بهمس): الراجل مركز معانا اوي.
رعد(بهمس): مضايقك؟!
نبض(بهمس): لا مش اوي يعني.
رعد: يلا نرجع نتمشي علي الكورنيش بقي.
رعد و نبض رجعوا و نبض و رعد بدأوا يتمشوا.
نبض: الله بلالين.
رعد راح اشتري عشر بلالين من الراجل و وداهم ل نبض,نبض قعدت تتنطط من الفرحة و باست رعد.
نبض كانت بتلف و بتجري قدام رعد و هي مبسوطة.
نبض: (بابتسامة واسعة): بحبك.
نبض وقفت و رعد جه وقف جمبها نبض بصت للسماء و سابت البلالين اللي طارت علي فوق.
نبض: شكلهم حلو اوي.
رعد: يا خسارة الفلوس.
نبض(بضحكة خفيفة): انت زعلان.
رعد: لا يا روحي.
نبض حضنت رعد جامد و رعد حاوط خصرها و مشيوا ناحية العربية...
رعد: تحبي نعمل ايه تاني؟!
نبض: مش عارفة انا روحت معاك دريم بارك و روحت مع ادم و ادهم الاهرامات مش عارفة في ايه تاني في مصر.
رعد: تعالي اوريكي برج القاهرة.
رعد و نبض ركبوا العربية و راحوا ل برج القاهرة.
نبض: واو...
رعد و نبض دخلوه و لفوه كله و بدأوا يشوفوا كل حتة فيه...
رعد: بقولك.
نبض: ايه؟!
رعد: ايه اللي فوق ده؟!
نبض رفعت رأسها لقت اسمها مكتوب في قلب.
نبض(بصريخ و فرحة): الله! انت احسن حد في الدنيا دي.
رعد(بضحك): اهدي اهدي هتكسري البرج.
نبض: يا رخم...
نبض وقفت علي ترابيزة من اللي موجودين و شاورت علي رعد...
نبض: شايفين الكائن اللطيف ده.
نبض: هذا الكائن هو احسن حد في الدنيا هو حبيبي و كل ما املك.
نبض: انا بحبك يا رعد سامعين انا بحب هذا الشخص اللطيف.
نبض: العيون دي آسرتني من اول مرة خلتني اسيرة ليهم...
نبض(بصوت عالي): بحبك يا رعد.
كل اللي موجودين كانوا مبسوطين و رعد كان بيبص حواليه باحراج و كان مبسوط...
نبض رمت نفسها علي رعد و رعد لحقها بين ايديه بسرعة.
نبض: بحبك.
رعد(بهمس): بعشقك يا نبض الرعد.
رعد خد نبض و نزل من الدور اللي هما فيه و خرج من كل البرج.
نبض: نزلني بقي.
رعد: ابدا.
رعد ركب نبض العربية و لسة هيركب العربية لقي تمارا في الشارع.
تمارا اول ما شافته جريت عليه و وقفت قدامه,رعد كان لسة هيركب العربية تمارا مسكته بسرعة.
تمارا: هما عايزني اقتلك ليه؟!
رعد بص بصدمة و نبض نزلت من العربية لما سمعت الجملة دي...
نبض بصت ل تمارا و رعد و بعدها بصت حواليها.
نبض: خلينا نمشي من هنا يا رعد.
رعد: تعرفي مين هما؟!
تمارا: فرح هانم و فارس بيه.
رعد: اركبي العربية.
تمارا: ايه؟!
رعد: اركبي العربية.
تمارا ركبت العربية و نبض لفت و ركبت العربية و رعد ركب و لسة هيتحرك بس وقف.
رعد: انزلوا اتأكد من حاجة.
نبض: رعد.
رعد: اسمعي الكلام.
رعد قرب من نبض و باس رأسها، نبض و تمارا نزلوا من العربية و نبض كانت خايفة.
رعد ساق العربية بسرعة كبيرة و سمع صوت مؤقت عرف ساعتها ان في قنبلة في العربية.
رعد طلع تليفونه و اتصل ب نبض، الخط اتفتح.
رعد: نبض.
نبض: نعم.
رعد: آسف لو في يوم زعلتك مني و آسف اني مش هقدر اكمل معاكي اليوم ده، بس انتي احلي حاجة في حياتي يا نبض.
رعد: بعشقك يا نبض الرعد.
نبض لسة كانت هتتكلم سمعت صوت انفجار كبير.
نبض(بصريخ): رعد!