رواية قسوة الرعد للكاتبة سلسبيل كوبك الفصل الثامن والثلاثون
نبض لسة كانت هتتكلم سمعت صوت انفجار كبير.
نبض(بصريخ): رعد!
رعد(بخضة): نبض!
رعد وقف العربية بسرعة لقي نبض مصدومة و بترتعش,رعد نزل من العربية و لف ناحيتها فتح الباب.
رعد: مالك يا حبيبتي حصل ايه؟!
نبض(بدموع): انا خايفة عليك اوي.
رعد خد نبض في حضنه و باس رأسها و قعد يملس علي ضهرها.
رعد: متخافيش يا روحي انا كويس.
رعد فضل حاضن نبض لغاية ما هديت و باس رأسها.
رعد: احسن؟!
نبض هزت رأسها بمعني اه رعد لف ركب العربية و بدأ يسوق.
تمارا: انت واخدني علي فين؟!
رعد لا رد، نبض ضغطت علي ايده جامد.
رعد(ببرود): هتعرفي لما نوصل.
بعد فترة رعد وصل للفندق اللي كان حاجز فيه قبل كدة.
رعد(ببرود): خشي هتلاقي في حجز باسم رعد السيوفي خليكي هنا و متطلعيش خالص.
تمارا: و ايه اللي يخليني اسمع كلامك؟!
رعد(ببرود): لان كلمتي امر.
رعد فتح محفظته و طلع فلوس و رماهم ل تمارا.
رعد: و خدي دول و قريب هكون عندك و نتكلم.
نبض: احم معلش يا انسة تمارا ممكن تسمعي الكلام هو عارف مصلحتك.
تمارا خدت الفلوس و دخلت الفندق و طلعت لاوضة رعد.
رعد: انتي كان مالك حصل ايه؟!
نبض: مش عارفة شردت و غمضت عيني للحظة ساعتها حصل سيناريو كدة في دماغي انه حصلك حاجة...
رعد(بغمزة): بتفكري فيا كتير انتي؟!
نبض: ظريف اوي.
نبض: هتعمل ايه معاها؟!
رعد: تحبي تروحي فين تاني؟!
نبض: مش عارفة.
رعد: جعتي اجيب اكل؟! او نروح نتعشي في اي مطعم.
نبض: طيب.
رعد ساق العربية لغاية ما وصل للمطعم و نزل هو و نبض...
رعد: تحبي تأكلي ايه؟!
نبض: اممم مش عارفة شوف انت.
رعد طلب عشاء ليه هو و نبض و تليفونه رن...
الخط اتفتح.
رعد: اممم.
ادم: هي جمبك؟!
رعد: اه.
ادم: طيب احنا وصلنا.
رعد: و انا قريب منك هأجيلك.
ادم: طيب.
ميران: بتكلم مين يا حبيبي؟!
ادم: السواق شوية و جاي.
ميران: طيب...
ادم: متتأخرش بقي.
رعد: الله يرحم.
رعد: اقفل اقفل.
نبض: مين؟!
رعد: واحد صاحبي كدة عايزني اجيبه من المطار.
نبض(بغيظ): انت قولت ان النهاردة بتاعي.
رعد: الساعة عدت 12 يبقي اليوم خلص.
نبض(بغيظ): يا رخم، طب قوم بقي مش عايزة اقعد معاك هه.
رعد: هنوصله بيته و نكمل يومنا يا نبض في ايه بس.
نبض: طيب.
العشاء جه و نبض و رعد اتعشوا و بعدها رعد دفع الحساب.
رعد: يلا يا حبيبتي.
رعد مسك ايد نبض و ركبها العربية و راح للمطار.
رعد: انزلي.
نبض: هو صاحبك و لا صاحبي.
رعد: انزلي يا نبض.
نبض و رعد نزلوا و وقفوا قدام المطار...
عند ادم و ميران.
ميران(بزهق): هو السواق اتأخر ليه ما نأخد اي تاكسي يا ادم.
ادم: استحملي شوية.
ميران: عايزة انام.
ادم: ابقي نامي في العربية.
ميران: اوف بقي.
ادم: تعالي.
ميران: السواق جه.
ادم: هناك اهو.
ادم شاور علي رعد و نبض، ميران فضلت واقفة مصدومة...
نبض(بزهق): فين صاحبك ده؟!
رعد: اهو.
نبض لقت ميران عيونها دمعت و فرحت الاتنين جريوا علي بعض و حضنوا بعض جامد...
ادم و رعد ابتسموا ل بعض و حضنوا بعض.
رعد: حمدلله بالسلامة...
ادم(بالتركية): شكرا ليك.
رعد: غور ياض من وشي.
ادم(بضحك): يا كبير.
نبض(بالتركية,بدموع): وحشتيني اوي.
ميران(بالتركية,بدموع): و انتي اكتر. طمنيني عليكي عاملة ايه اخبارك و اخبار جوزك و اخبار عمو جلال و الشغل و حياتك كلميني عنك.
نبض(بالتركية,بدموع): انتي طمنيني عنك و فتون و محمد هما مجوش ليه، و انتي ليه مقولتيش ليا؟!
نبض(بالتركية): ليه مقولتيش انك جاية؟!
ادم: حبيت اعملها مفاجاة.
نبض: ادم! انت ايه اللي جابك و تعرف ميران منين.
ادم حاوط كتف ميران بايده و خدها في حضنه.
ادم: اقدملك مدام ميران السيوفي.
نبض(بصدمة): افندم! ازاي و ليه و حصل فين و امتي؟!
رعد: اهدي يا نبض نبقي نتكلم في العربية.
ميران حضنت نبض جامد اوي مرتين.
ميران: ده حضن من محمد و ده حضن من فتون.
نبض: لا و كمان بتتكلمي عربي، هو بيحصل ايه؟!
رعد: تعالي و هنفهم.
ميران(بهمس و غمزة): ده جوزك اللي كنتي مخبياه عننا القمر ده.
نبض(بخجل و همس): بس بقي.
ميران(بهمس): مكسوفة.
رعد: يلا يا نبض.
الاربعة راحوا العربية و ركبوها نبض و ميران ورا و ادم و رعد قدام...
ميران حكت اللي حصل ل نبض و نبض كانت مبسوطة و مندهشة.
نبض: يوم ما تقعي تقعي في ايد ده!؟
ميران: في حاجة انا معرفهاش؟! احنا لسة في البداية.
ادم: انتي دخلتي القفص يا حبيبتي متحلميش.
ميران: مفيش اختيارات.
ادم(بالتركية): لا.
نبض: ايه ده ايه ده؟! تركيا غيرتك خالص.
ادم: انا يا بنتي في دمي بتجري تركيا.
التلاتة ضحكوا و رعد كان مركز في الطريق.
ميران(بهمس): هو جوزك ده مش بيضحك؟! وشه كدة علطول.
نبض: متركزيش معاه هو فريد من نوعه كدة.
ميران(بهمس): وقعتي يا بيضة؟!
نبض(بهمس): طب ما انتي وقعتي.
ميران: مصر حلوة اوي.
ادم: ايوه هتعجبك اوي لما اخدك و الف بيكي.
ميران: كل سنة و انتي طيبة يا روحي.
نبض: و انتي طيبة يا قمري.
ادم: هنروح علي فين يا رعد؟!
رعد: بفكر نروح علشان نصحي بدري و نرجع البلد لاما نلف باقي اليوم و نرجع الصبح و نسافر بليل...
ادم: مش عارف شوف انت عايز ايه.
رعد: تحبي ايه يا نبض؟!
نبض: خلينا نروح زمان ميران تعبانة يوم تاني بقي.
رعد طلع تليفونه و اتصل ب أدهم.
الخط اتفتح.
رعد: اطلع علي بيتي هنسافر الصبح.
ادهم: انا لحقت استمتع.
رعد: ادهم مش ناقصك.
ادهم: حاضر حاضر...
رعد: و جيب يوسف معاك.
ادهم: عندي ليكوا قنبلة.
رعد: اوعي لتنفجر في وشك.
رعد قفل الخط في وش ادهم و ابتسم ابتسامة جانبية...
-بعد فترة...
وصلوا للبيت لقوا ادهم و يوسف قاعدين قدام البيت ادهم نايم علي كتف يوسف.
نبض: اوف انتوا قاعدين في البرد كدة ليه؟! قوموا يلا.
رعد و ادم بصوا ل بعض و قربوا من ادهم و شالوه...
ادهم حس نفسه في الهواء فتح عيونه لقي نفسه مرفوع ل فوق.
ادهم: احنا فينا من كدة، يا رعد نزلني.
رعد: لا.
ادهم: يا يوسف الحقني...
يوسف(بضحك): خليك متشعلق كدة.
ادم و رعد بصوا ل بعض بصدمة و سابوا ادهم غصب عنهم من الصدمة ادهم وقع في الارض.
ادهم(بصريخ و وجع): دي آخرتها...
نبض و ميران جريوا علي ادهم سندوه.
ادهم(بوجع): آه يا مرات اخويا آه.
رعد(بصدمة): اللي سمعته حقيقي و لا ايه النظام؟!
يوسف(بابتسامة): اه.
ادم و رعد جريوا علي يوسف حضنوه جامد.
ادم(بفرحة): يا ابني ده احلي خبر و الله.
يوسف: شكرا.
رعد: ما كنت تقول من الاول.
يوسف: هو انت كنت بتديني ريق حلو.
نبض: و الله يا يوسف هو طول عمره مش بيودي حد ريق حلو...
رعد لف ليها و بص بصدمة و اندهاش...
نبض(بتوتر): احم اقصد.
ادم: لحظة لحظة كلنا اتصدمنا الا انتي.
نبض: ها؟! انت قوي الملاحظة اوي.
رعد قرب من نبض نبض استخبت ورا ادهم.
ادهم: هو انا فيا حيل يا اختي.
رعد: و انتي تعرفي منين يا هانم؟!
نبض: كنت بقعد معاه الله.
رعد: و الله و مقولتيش ليه؟!
نبض: اقول سره يعني. يرضيك مراتك تفشي بالاسرار.
رعد: و الله؟!
يوسف: خلاص يا ابني هو نصيب.
ادهم: بس معرفتوناش بالعظمة دي.
ميران(بابتسامة): انا ميران مرات ادم...
ادهم: تعالي في حضني.
ادهم لسة هيحضن ميران لقي بوكس في وشه من ادم.
ادهم(بوجع): عيني.
نبض: احم بقول كفاية كدة. يلا نخش.
ادهم: يالهوي ياني اه، آآآه الحقووووني يا ناس.
رعد(ببرود): تستاهل.
رعد راح ناحية البيت و فتح الباب و الكل دخل.
ميران: واو هي دي الهدايا.
نبض: ابقي اوريهالك بعدين، اطلعي ارتاحي دلوقتي.
ادم: اي اوضة؟!
رعد: اي اوضة ما عدا الاوضة الرئيسية دي بتاعتي انا و نبض.
ادم: طيب يلا يا حبيبتي.
ادم و ميران اختاروا اوضة و دخلوها...
ادهم: و اخوك المتكسر ده؟!
رعد: تعالي معايا انت و يوسف.
رعد: نبض اطلعي الاوضة.
نبض: حاضر.
ادهم و يوسف راحوا قعدوا علي الكنبة. نبض كانت هتطلع رعد حضنها و باس خدها.
رعد(بهمس): استنيني متناميش.
نبض(بهمس): حاضر.
رعد: اتريقي اتريقي لما اطلعلك.
نبض ضحكت و طلعت علي اوضتها. رعد قرب من ادهم و يوسف.
رعد جاب تلج و حطه علي عين ادهم.
رعد: و انت يا يوسف ايه اللي حصل فهمني؟!
يوسف(بتنهيدة): ايه يا رعد؟!
رعد: ادهم اطلع اوضتك.
ادهم: اي واحدة؟!
رعد بصله بتحذير ادهم جري علي فوق و لقي اوضة من الاوض دخلها و نام فيها...
يوسف: طبعا انت عارف ان امي كانت بتتلقي كل انواع العذاب حتى و هي حامل فيا من اللي اسمه ابويا ده. ده اثر عليا كمان لما كنت عيل الاحداث لزقت في مخي و ده خلي عندي عقدة و خلل و مبقتش اتكلم و كنت بسمع كلام الناس حواليا و كلام اهلي ببقي هموت و اصرخ و اتكلم بس مقدرتش.
يوسف: من سنتين كنت بقلب في السوشيال لقيت دكتور بيعالج الحالات دي اتواصلت معاه و بدأنا نتواصل لغاية ما بدأت اتكلم بس كان كلامي مقطع لغاية ما عرفت اتكلم كويس.
يوسف: بس مستحيل انسي اهانتهم ليا يا رعد.
يوسف: و لا اهانته لامي.
يوسف: الموضوع صعب عليا اوي، انا شخص حياتي ممشيتش زي ما كنت مخطط بس ده القدر.
رعد: الحمدلله انك بخير دلوقتي.
رعد: متقلقش كله هيبقي بخير المهم دلوقتي انك كويس.
رعد: لازم تتخطي كل اللي حصل ده علشان تعدي و تكمل، و اسف اني بعدت عنك الفترة دي غصب عني يا يوسف.
يوسف: لا و لا يهمك، بس كنت عايزك في موضوع.
رعد: قول.
يوسف: احم انا هو.
رعد: قول.
يوسف(باحراج): انا بح.
رعد: كمل يا ابني في ايه؟!
يوسف(بسرعة): في واحدة بحبها و عايز اتجوزها.
رعد(بضحك): و مكسوف تقول.
رعد: مين اللي خطفت قلبك؟!
يوسف: عطر.
رعد: فين دي؟!
يوسف: في الصعيد بنت محترمة و اهلها ناس محترمين، انا بقالي شهر نفسي اقول الموضوع ده.
رعد(بغمزة): لما نرجع نقول ل ستك و نشوف مين ست عطر اللي خطفت قلبك دي.
يوسف: ربنا يخليك يا رعد.
رعد: يلا قوم نام.
رعد و يوسف قاموا رعد ودي يوسف اوضته...
عند ادم و ميران.
ميران: البيت ده حلو و اخواتك حلوين.
ادم: طب خشي يلا غيري هدومك.
ميران: طيب.
ميران دخلت الحمام غيرت هدومها.
ميران لبست بيجامة باللون الاحمر عبارة عن بنطلون احمر طويل و تي شيرت ب ¾ كم باللون الابيض و عليه رسومات باللون الاحمر و سيبت شعرها علي ضهرها.
ميران خرجت لقت ادم فارد جسمه علي السرير.
ميران: هو احنا هنام سوا.
ادم: متخافيش انا وعدتك اني مش هقرب منك.
ميران: انا واثقة فيك.
ميران نامت جمب ادم و حضنته حطت رأسها علي صدره.
ادم: تصبحي علي خير.
ميران: و انت من اهله، هو احنا هنروح بكرة فين؟!
ادم: هنرجع الصعيد.
ميران: حلوة؟!
ادم: متأكد انها هتعجبك.
ميران: طالما متأكد يبقي خلاص.
ادم باس رأس ميران و طفي النور و حاول ينام...
ميران: هو.
ادم(بتعب): حبيبتي نتكلم بكرة بس حاليا اسف تعبان...
ميران: و لا يهمك.
عند رعد و نبض.
نبض. طلعت خدت دوش و غيرت هدومه.
نبض لبست شورت اسود قصير و تي شيرت ابيض بحمالة رفيعة علي الكتف و مبين جزء بسيط من بطنها، نبض رفعت شعرها علي شكل كحكة و نزلت كام خصله علي وشها. و حطت مكياج هادئ.
نبض وقفت في البلكونة شوية لغاية ما حست ب رعد وراها...
نبض: النجوم حلوة اوي.
رعد: مفيش احلي منك...
نبض بصت ل رعد بصدمة و رعد مفهمش تعبير نبض...
رعد: ايه في ايه؟!
نبض: لا انت هتجنني اكيد.
رعد: انتي اصلا مجنونة بس قوليلي مالك.
نبض: يا ابني هو انت شوية متضحكش و تفضل ساكت متتكلمش و بعدين تيجي تضحك و تتكلم ارسي علي حل. دي ميران قالت هو جوزك مش بيضحك خالص.
رعد باس كتف نبض و خدها في حضنه.
رعد: انا الضحكة مبتعرفش طريقها ليا الا و انتي معايا يا نبضي.
نبض(بابتسامة): بحبك.
رعد: و انا اكتر.
رعد كان هيقرب من نبض نبض بعدت عنه بسرعة.
نبض: هدخل الحمام.
نبض سابت رعد و دخلت للاوضة و رعد وقف استناها...
نبض: هتنام؟!
رعد: جايلك.
رعد راح ل نبض و قعد جمبها علي السرير و قعد يملس علي وشها.
رعد: اتمني تكوني انبسطتي النهاردة.
نبض(بابتسامة): ايوه.
رعد قرب من نبض و (لخيالكوا) و.
-في الصباح الباكر...
في الصعيد...
هدي: ناوليني يا علا.
علا: خدي يا امي.
هدي: يلا منك ليها شدوا حيلكم، رعد قال عايز كل حاجة تبقي مظبوطة.
زهرة: شوفي اكدي(كدة) يا اما(امي).
ورد: حلو.
ورد: الاكل روحي شوفيه كدة يا سوسن.
سوسن: حاضر.
جلال: صباح الخير.
الكل: صباح النور.
جلال(بفرحة): هو فعلا نبض راجعة يا ماما النهاردة.
هدي: ايوه يا حبيبي. رعد قالنا كدة.
جلال(بفرحة): طيب كويس.
جلال: عن اذنك هروح اشوف حاجة.
هدي: طيب.
زهرة: هو المفروض نجيب هدايا ليها؟!
علا: انا جبت.
شربات: و انا.
هدي: و انا.
زهرة: يبقي لازم نجيب ليها.
زهرة: هروح اشوف اجيب ليها ايه...
هدي: طيب روحي.
زهرة لبست عبايتها و خرجت بره القصر بدأت تتمشي في السوق و تبص يمين و شمال علي حاجة تناسب نبض.
زهرة: لو سمحت دي بكام؟!
الراجل: 45.
زهرة(لنفسها): بس هيبان انها حاجة مش قد المقام.
زهرة: شكرا...
زهرة بدأت تتمشي بس خبطت في حد و هي ماشية.
زهرة: انا اسفة يا حاجة اسفة جدا.
ست: و لا يهمك يا حبيبتي.
زهرة: بجد اسفة اعذريني.
شاب: خلصتي يا امي؟!
ست: ايوه يا عثمان يلا بينا...
عثمان: يلا يا حبيبتي. هاتي ايدك.
عثمان مسك ايد والدته و بدأ يمشي بيها.
عثمان: بتبصي علي مين يا امي؟!
ست: ببص علي البنت القمر دي. و بفكر اجوزهالك.
عثمان(بضحك): انتي اي حد بتقابليه قمر و كمان عايزة تخلصي مني بسرعة كدة.
ست: و هو انا هخلص منك اساسا ما انت بعد ما تتجوز هتبقي معايا.
عثمان: انا خدامك يا روحي.
ست: ربنا يخليك يا زينة الشباب.
عثمان: و يخليكي ليا يا ست الناس كلهم.
عند زهرة.
زهرة قعدت تدور كتير علي حاجة ل نبض لغاية ما لقت حاجة مناسبة اشترتها و رجعت تاني.
بلال(بحدة): كنتي فين؟!
زهرة: كنت بشتري هدية ل بت عمي(بنت عمي).
بلال(بحدة): طيب خشي جوا يلا.
زهرة: حاضر.
زهرة دخلت لباقي الستات و بدأوا يتكلموا و كملوا شغل.
عمر: براحة عليها يا اخوي(اخويا).
بعد فترة كبيرة...
كان رعد و الباقي وصلوا الصعيد و ميران كانت مبسوطة اوي.
رعد: يلا انزلوا.
ميران: شكلها بلد حلوة اوي.
رعد: يلا بينا.
جلال: حبيبتي.
نبض جريت علي جلال و حضنته جامد و رعد و ادم و ادهم حضنوا عمر...
جلال(باستغراب): ميران!
ميران(بابتسامة): مفأجاة مش كدة.
جلال: احلي مفاجاة.
جلال حضن ميران و باس رأسها هي و نبض.
نبض: ازيك يا عمو.
نبض سلمت علي عمر و راحت ناحية عادل.
نبض: ازيك يا جدي.
عادل خد نبض في حضنه و طبطب علي ضهرها تحت استغراب نبض و الباقي...
عادل: بخير يا جلب(قلب) جدك.
عادل: لينا جعدة(قعدة) مع بعض يا نبض.
نبض: تمام.
ادم: يلا تعالي يا ميران.
عادل: نورتي يا بتي(بنتي).
ميران: بنورك يا جدو.
رعد: قبل ما ندخل عايز اقول حاجة.
رعد: يوسف بقي بيتكلم و بقي ليه وظيفة في شركة كبيرة في القاهرة و هيرفع رأسنا دايما.
جلال: مبروك يا يوسف.
يوسف: الله يبارك فيك يا عمي.
عمر: مبروك. الف مبروك.
يوسف: تسلم يا عمي.
يوسف قرب من عادل و باس ايده عادل خده برضو في حضنه...
عادي: متزعلش مني يا يوسف.
يوسف: عادي.
بلال بص ليهم و سابهم و مشي...
رعد: يلا ندخل.
ادم: احم بابا.
عمر: في مفاجات تاني و لا ايه؟!
ادم: انا اتجوزت.
عمر: نعم يا روح امك.
ادم: احم في ايه؟!
عمر: و اتجوزت مين بجي(بقي)؟!
ادم: ميران.
ادم باس رأس ميران و حضنها، جلال بص ليهم بصدمة.
جلال: كدة يا ميران.
ميران(بابتسامة و خجل): اعمل ايه يعني حبيته الله.
جلال: حبيته الله! طيب. متقلقش يا عمر علي ضمانتي انا.
عمر بص ل ميران نظرة تقيمية و رعد بصله بمعني انها محترمة.
عمر: علي خيرة الله.
رعد: نبقي نتكلم في التفاصيل بعدين يلا نخش.
الكل دخل لقوا الستات منتظرينهم.
نبض: تيتة.
نبض جريت علي هدي حضنتها و حضنت علا و ورد و شربات.
نبض: ازيك يا زهرة.
زهرة: الحمدلله.
نبض: مين؟!
هدي: مرت عمك(مرات عمك).
نبض بصت بصدمة و بعدها سكتت...
علا: حمدلله بالسلامة يا حبيبي.
يوسف: الله يسلمك.
علا عيونها دمعت و ضحكت و بصت ل يوسف بصدمة و فرحة...
علا(بدموع): صحيح اللي سمعته.
يوسف: بحبك يا اغلي حاجة في حياتي.
يوسف مسك ايد علا و باسها علا خدته في حضنها و قعدت تعيط.
علا(بعياط): الحمدلله.
ادهم: ده عيد ميلاد يا ست الناس اهدي كدة و صلي علي النبي.
الكل: عليه افضل الصلاة و السلام.
علا: الحمدلله يا حبيبي، دعيت ربنا كتير.
علا: لحظة و جاية.
علا راحت اوضتها بسرعة اتوضأت و قعدت تصلي و هي بتشكر ربنا و بتعيط.
علا: الحمدلله يا رب.
تحت.
هدي(بهمس): مين البت دي؟!
نبض: احب اعرفكم دي ميران صاحبتي من تركيا و مرات ادم.
شربات: مرات مين؟!
ادم: انا انا.
ادم: ميران مراتي يا جدعان في ايه؟!
ادم: كتبنا الكتاب في اقرب وقت هنعمل الفرح...
عمر: و جاي علي نفسك اوي اكدي(كدة) ليه.
ادم: و الله يا حاج كان نفسي اتجوز بس ميران نفسها في فرح...
نبض: حقها، كنت قتلتها لو ملبستهاش الفستان الابيض بايدي.
ميران: روحي.
جلال: نبض قربي.
نبض: نعم يا بابا.
جلال باس رأس نبض و خدها في حضنه.
جلال: خدي يا حبيبتي دي هديتك.
نبض مسكت الهدية و بدأت تفتحها لقت سلسلة فيها صورة حياة.
نبض حضنت جلال و باست رأسه.
جلال: خلاص بقي عندك 25 سنة.
نبض: فكرتني ليه يععععع. اوف انا كبيرة اوي.
هدي: اومال انا اعمل ايه؟!
ورد: الحجي(الحقي)خلفي عيل و لا اتنين اكدي(كدة).
نبض لا رد.
رعد: هنشتغل علي الموضوع ده متقلقوش.
عادل: تعالي يا نبض.
نبض: لا ده انتوا تقعدوا بقي كدة و اجي لواحد واحد بالدور.
فعلا الكل قعد و كان بيهزر و يتكلم و نبض لفت عليهم و خدت الهدايا.
زهرة: اتفضلي.
نبض: قلبي يا رب تسلمي.
نبض وصلت ل رعد و كان اخر واحد. رعد كان قاعد قدامها و بصلها باستغراب.
نبض: طلع اللي في جيبك كله كدة...
رعد: ده تهديد.
نبض: ايوه لو مطلعتش فلوس هعمل منك صوابع كفته...
رعد: مفيش فلوس.
نبض: شوفت يا بابا ده طلع بخيل...
رعد: انا بخيل يا ستي ملكيش دعوة.
نبض: اووووووووووووووووووووف.
الكل ضحك علي نبض و رعد. و قعدوا يأكلوا و يهزروا و كانوا مبسوطين اوي...
في اوضة رعد و نبض.
نبض: يا رعد خدني معاك علشان خاطري.
رعد: لا يا نبض خليكي هنا.
نبض: لو ليا خاطر عندك يا رعد و كمان علشان ابقي جمب مراد و انت...
نبض: يا رعد...
رعد: يا نبض خليكي هنا بقي و اسمعي الكلام.
نبض: بحبك يلا بقي خدني معاك.
رعد(بضعف): طيب هفكر.
نبض قربت من رعد اوي و حاوطت وشه بين ايديها.
نبض: فكرت؟!
رعد(بضعف): احم اه طيب موافق...
نبض: بحبك...
نبض باست رعد علي خده و طفت النور و نامت...
رعد: تصدقي انك عايزة الحرق.
نبض: شكرا.
رعد: اتخمدي.
نبض: متشكرة.
-في الصباح الباكر...
عند ملك و مالك.
مالك: ايه اللي صحاكي بدري؟
ملك: كنت جعانة نزلت كلت.
مالك: طيب يا حبيبتي، اطلعي البسي يلا.
ملك(بفرحة): هنخرج؟!
مالك: اه يا حبيبتي.
ملك: طيب.
ملك طلعت غيرت هدومها و نزلت ل مالك...
مالك: للدرجة دي كان نفسك تخرجي؟!
ملك: مش اوي. بس مبحبش اقعد كتير في البيت.
مالك: فاهمك.
مالك: يلا بينا.
مالك راح للمستشفي و ملك استغربت.
ملك: في ايه؟!
مالك: نطمن علي البيبي.
مالك و ملك دخلوا و دفعوا كشف مستعجل و دخلوا.
دكتورة: اتفضلي حضرتك بتشتكي من ايه؟!
مالك: هي لسة حامل جديد كنا عايزين نعمل متابعة مع حضرتك.
دكتورة: اه طب اتفضلي هنا.
ملك قعدت علي السرير و الدكتورة بدأت تفحصها.
دكتورة: خلاص قومي.
مالك ساعد ملك و رجعوا قعدوا مكانهم.
دكتورة: جسمك محتاج فيتامينات. هكتبلك عليها.
دكتورة: لازم مراعاة و اهتمام.
مالك: تمام شكرا يا دكتور.
دكتورة: لا عادي.
مالك و ملك خرجوا من العيادة و مالك كان مبسوط.
مالك: تحبي تأكلي فين النهاردة؟!
ملك: اي مكان المهم انه معاك.
مالك: يلا بينا.
مالك خد ملك و راحوا لمطعم شيك و حلو و بدأوا يفطروا...
مالك: زعلانة؟!
ملك: لا يا حبيبي.
مالك: طب كلي يا حبيبتي علشان صحتك.
ملك: حاضر، مش المفروض نرجع نزورهم و نقولهم اني حامل...
مالك: اكيد حاضر.
ملك: تمام.
-في مكان تاني...
عند مهند...
مهند: اخيرا القمر بتاعي فتح عيونه.
فاطمة(بابتسامة): صباح الخير، انت فايق.
مهند: طبعا لازم ابقي فايق ده انا جمبي القمر.
فاطمة: يا بكاش. عموما مقبولة.
مهند: بحبك يلا قومي حضري فطار حلو لينا احنا التلاتة.
فاطمة: حاضر.
مهند: حضرلك الخير دايما...
مهند قام و دخل الحمام. فاطمة قامت دحلت المطبخ بدأت تحضر فطار.
فاطمة راحت لاوضة زياد و بدأت تصحيه.
فاطمة: يلا يا حبيبي. قوم بقي.
زياد: يا ماما...
فاطمة: قوم بلا.
زياد: أوف حاضر.
فاطمة: يلا اغسل سنانك يلا قوم.
فاطمة: يلا علشان نفطر سوا.
زياد: حاضر.
زياد قام و غسل سنانه و غسل وشه و خرح لقي مهند بيهزر مع فاطمة و قاعدين علي السفرة.
زياد: صباح الخير.
مهند: صباح النور يا بطل.
التلاتة بدأوا يفطروا مع بعض.
فاطمة: احوال رعد ايه دلوقتي؟!
مهند: تمام مش قولتلك الحب هيغيره.
فاطمة: كان عندك حق.
مهند: اينعم اتغير شوية بس لس زي ما هو جبروت ربنا يعني.
فاطمة: ربنا يهديه هو و اللي زيه.
فاطمة: رايح فين مخلصتش اكلك.
مهند: المشكلة الفترة دي صعبة علينا يا فاطمة هنشتغل كتير.
فاطمة: ربنا معاك يا حبيبي.
مهند: تسلم يلا همشي انا...
مهند باس فاطمة و زياد و خد حاجته و مشي.
فاطمة: ربنا ينورلك طريقك يا حبيبي.
عدي تلت اسابيع...
الدنيا كانت احوالها شبه مستقرة.
ملك و مالك مع بعض دايما و في متابعة مع الدكتورة كل اسبوع، مهند و باقي الفرقة منشغلين في قضيتين مهمين، ادم و ميران مش بيقعدوا مع بعض كتير و كل واحد قاعد في اوضة لوحده اصلا. يوسف رجع القاهرة و بدأ شغل علشان يثبت نفسه للكل. ادهم مركز في دراسته الفترة دي. نبض و رعد رجعوا و رعد منشغل في الشغل شوية لكنه بيودي جزء من وقته ل نبض. مراد لسة مفاقش و ده مأثر علي نبض. رعد مكلمش تمارا و هي زي ما هي في الفندق مش عارفة تعمل ايه كل ما تحاول تخرج متعرفش لان في اتنين قدام الباب مانعين خروجها...
عند نبض و رعد.
نبض كانت في الحمام بتأخد دوش,رعد. كان في اوضة الملابس بيدور علي هدومه.
رعد كان بيدور علي تي شيرت معين لقي في حاجة وقعت في الارض.
رعد وطي و مسك اللي لقاه و بص فيه كويس و كان مصدوم اوي.
رعد(بغضب و صوت عالي): نبض يا نبض.
نبض كانت لسة خارجة من الحمام ب روب الحمام.
نبض: نعم يا رعد.
رعد مسك نبض من شعرها بغضب و قربها منه.
نبض(بصريخ): انت مجنون ابعد ايدك.
رعد(بغضب): شريط البرشام ده بيعمل ايه هنا؟!
نبض بصت ل رعد بصدمة و دموع و بصت ل شريط البرشام.
رعد(بغضب): بتأخدي حبوب منع الحمل يا نبض.