رواية قسوة الرعد للكاتبة سلسبيل كوبك الفصل السابع عشر
نبض كانت مغمضة عينيها فجأة سمعت صوت ضرب نار جمبها.
نبض(بفزع و صريخ): رعد!
نبض قامت مفزوعة من علي الكنبة و وقعت علي الارض بسبب رجليها و نزلت دم.
نبض قعدت تعيط جامد لغاية ما سمعت صوت خبط الباب انكمشت علي نفسها و هي بتعيط.
و فجأة الباب اتكسر.
نبض(بصريخ): رعد.
رعد: اهدي حصل ايه؟!
نبض(بعياط): ضرب نار.
رعد: طيب اهدي انا موجود...
رعد لقي دم نازل من نبض لمس رجليها نبض اتوجعت.
رعد: تعالي علشان هنروح.
نبض(بلهفة و بدموع): بجد؟!
رعد: ايوه.
رعد قام جاب جاكت نبض و لبسه ليها و شالها و بدأ يخرج من البيت.
نبض لقت في ناس غريبة عليها و بدأت الرؤية تقل تدريجيا لغاية ما اغمي عليها.
رعد: نبض يا نبض. فتحي عينك.
عز: هتلاقيها مأكلتش كويس يا ريت بس نلحق نخرج قبل ما الدنيا تبقي ليل...
عز(لنفسه): ايه الجمال ده كله؟! يا بختك يا عم رعد يا ريت بس تقدر...
بعد فترة خرجوا للطريق العام و عز فتح الباب ل رعد.
رعد قعد و خلي نبض علي رجله و هو شايلها.
رعد: انجز يا عز علي اقرب مستشفي...
عز: طيب.
رعد بدأ يشوف نبض نبض و يبص علي جرح رجليها...
رعد: قدامك قد ايه؟!
عز: بشوف اهو.
- الفرقة لاحظت اختفاء رعد و اتصلوا بيه بس تليفونه مغلق و ده مش من عادة رعد. فعملوا مراقبة للتليفون و حددوا اخر مكان تليفون رعد كان فيه و بعدها دخلوا الغابة مع شخص عارف الغابة و ازاي يتخرج منها، و ضربوا نار علشان رعد يطلع علي الصوت و في الوقت ده رعد كان راجع و شاف عز و القوات اللي معاه...
عز: وصلنا.
رعد شال نبض و دخل بيها المستشفي.
ممرضة: مين دي؟!
رعد: عايز دكتورة بسرعة.
ممرضة: طيب طيب.
ممرضة: تعالي ورايا.
دخلوا نبض اوضة الاسعاف و جت دكتورة بدأت تفحصها.
الدكتورة: الحمدلله الاصابة مش عميقة و مش محتاجة خياطة.
الدكتورة: و كويس انه تم التدخل بالاسعافات الاولية في البداية.
الدكتورة: هتفوق حالا. عن اذنك.
رعد: شكرا.
الدكتورة: الف سلامة...
رعد لاحظ ان نبض بدات تفوق ساب نبض و خرج بره.
نبض فتحت عينيها ببطء و بصت يمين و شمال ملقتش حد جمبها زعلت و غمضت عينيها تاني.
نبض(لنفسها): يا رب. زهقت زهقت من حياتي اوي زهقت من اللي بيحصل فيها مش معترضة بس مش قادرة اتحمل. لما بتعب بلاقي اللي بيسندني من ساعة ما دخل حياتي و بقيت لوحدي...
نبض غصب عنها عيطت و الممرضة دخلت علشان تطمن عليها.
ممرضة: حضرتك كويسة يا استاذة؟!
نبض: ايوه.
ممرضة: حاسة بوجع؟!
نبض: ايوه.
ممرضة: طب هنادي الدكتورة.
نبض: لا شكرا انا كويسة مش عايزة حاجة.
ممرضة: بس ايه اللي عمل فيكي كدة؟! و لا اتخطبتي ازاي؟!
نبض: قدر.
ممرضة: طب بتخافي بقي و لا هتأخدي الحقنة زي الشاطرة.
نبض(بضحكة خفيفة): لا مبخافش انا دكتورة علفكرة...
ممرضة: اصل كل البنات اللي تيحي يا مامي و يا بابي و زفت علي دماغها و تعيط علشان خدت حقنة.
نبض(بضحك): لا انا مش بتاعت الكلام ده. بس عندي بابي.
ممرضة: و مامي؟!
نبض(بابتسامة خفيفة): ماما ربنا يرحمها.
ممرضة: اسفة يا بنتي و الله.
نبض(بابتسامة): لا خالص حضرتك هونتي عليا شوية. شكرا.
ممرضة: شكلك طيبة و بنت ناس، و جميلة اوي.
نبض: تسلمي يا طنط.
ممرضة: طنط ايه بقي قولي يا خالتي؟!
نبض(بضحك): خالتي!
ممرضة: اومال؟!
نبض: طب حضرتك اسمك ايه؟!
ممرضة: خالتك احسان.
نبض: طيب يا طنط احسان.
احسان: برضو طنط طيب طنط طنط كله زي بعضه.
احسان: يلا بقي اقلعي الجاكت ده.
نبض بدأت تقلع الجاكت بتاعها و احسان ودتها الحقنة...
احسان: قوية بسم الله ما شاء الله. ربنا يحفظك يا بنتي.
نبض: شكرا يا طنط.
احسان: هو الجدع اللي بره ده يقربلك ايه؟!
نبض: جوزي.
احسان: ربنا يخليكوا لبعض و يرزقكم بالذرية الصالحة.
رعد دخل في الوقت ده و سمع دعوة احسان.
رعد: في ايه؟!
احسان: تعالي يا باشمهندس جمب مراتك.
احسان: امسك ايديها متسبهاش و هي كدة.
احسان مسكت دراع رعد و شدته جمب نبض و مسكت ايديهم في ايدين بعض.
إحسان: اجيلك كمان شوية بقي.
احسان سابتهم و مشيت و نبض رفعت عينيها ل رعد و شدت ايديها منه...
رعد: هنروح كمان ساعة.
نبض: لا هبات الليلة هنا...
رعد: و ده بناءًا علي ايه بقي؟!
نبض: ممنوع اتحرك علي رجلي علي الاقل لمدة 24ساعة.
رعد: و انا اسيب شغلي علشان جنابك.
نبض(ببرود): حد قالك اقعد معايا امشي و روح شغلك، و لا يفرق معايا.
رعد: بمزاجي انا. ثانيا انتي كدة كدة متفرقيش معايا.
رعد قام و حط فلوس لنبض و موبايل نبض علي الترابيزة اللي جمب نبض...
رعد: روحي بقي لوحدك.
رعد ساب نبض و خرج خد عز و مشي.
عز: هي مراتك مش جاية ليه؟!
رعد: سيبها ملكش دعوة بيها.
عز: طيب يا عم هي مراتي و لا مراتك الله.
رعد: اخرس بقي.
عز: الله عملت ايه انا؟! و كمان حد يسيب مراته و هي تعبانة؟!
رعد(بعصبية): ما تخرس بقي.
عز: براحتك.
رعد ركب العربية و عز جمبه و رعد بدأ يسوق و هو بيفكر في حاجة معينة.
عز: رعد يا رعد.
رعد: ها!
عز: ها؟!
عز: يا ابني بنادي عليك بقالي ساعة.
رعد: عايز ايه يا عز؟!
عز: بقولك بالنسبة للقضية احنا عملنا كل اللي انت طلبته.
رعد: طيب هروح البيت اغير هدومي و انزل نروح المبني مع بعض.
عز: طيب. و اه متنساش ان في حفلة قريب لينا.
رعد: عارف.
عز: و جيب مراتك معاك بالمرة؟!
رعد: هشوف. و اخرس بقي.
رعد وصل للبرج و طلع ل شقته و خد دوش و بدأ يغير هدومه.
رعد لبس بنطلون اسود و تي شيرت ابيض بكم و فوقه جاكت. و سرح شعره لبس كوتشي ابيض و حط البرفيوم بتاعه.
رعد نزل لقي عز تحت بيتجول في الشقة.
عز: جاهز؟!
رعد: ايوه. يلا بينا.
رعد: امسك دي.
عز: ايه ده؟!
رعد: ملكش دعوة قدامي يلا.
تليفون رعد رن، الخط اتفتح.
رعد: الو يا عمي.
جلال: ازيك يا ابني؟!
رعد: الحمدلله.
جلال: و اخبار نبض ايه؟!
رعد: كويسة الحمد لله.
جلال: متأكد يا ابني؟!
رعد: ايوه ليه؟!
جلال: اصل تليفونها مغلق و مش بترد عليا فقلقت.
رعد: لا هي معايا و كويسة يا عمي.
جلال: طيب يا حبيبي. ممكن اكلمها؟!
رعد: هي في الحمام حاليا لما تخرج هخليها تكلمك.
جلال: طيب.
جلال: رعد.
رعد: نعم يا عمي.
جلال: نبض في حمايتك يا رعد. هي اللي طلعت بيها من الدنيا دي و لو زعلتها صدقني هطلع روحك في ايدي.
رعد: نبض مراتي يا عمي و مش هقبل حد يعمل ليها حاجة لانها شايلة اسمي.
رعد: عن اذنك.
رعد مشي و نزل بره البرج و كان بيسرع في خطواته...
عز(باستغراب): في ايه يا ابني؟!
رعد: مفيش.
رعد ركب العربية و جمبه عز و بدأ يسوق.
عز: مش طريق المبني...
رعد: تعرف تخرس.
رعد رجع تاني المستشفي و جري علي جوا و فتح باب اوضة نبض بقوة...
نبض(بشهقة): في ايه؟!
نبض: حد يدخل علي حد كدة؟!
رعد: جنابك مش بتردي علي ابوكي ليه؟!
نبض: بابا متصلش و كمان ملمستش التليفون بتاعي.
نبض مسكت التليفون و حاولت تفتحه لقته مقفول.
نبض: فصل شحن.
رعد: طيب خدي كلميه و متقوليش ليه علي اللي حصلك.
نبض: طيب.
نبض خدت التليفون من رعد و كلمت جلال.
الخط اتفتح.
نبض: الو يا بابا.
جلال: الو يا حبيبتي اخبارك عاملة ايه طمنيني عنك؟!
نبض: انا بخير بيك يا بابا انت اخبارك ايه؟!
جلال: كويس يا حبيبتي كويس لما سمعت صوتك.
نبض: بتأخد دواءك؟!
جلال: اه يا حبيبتي.
نبض: و ثريا اخبارها؟!
جلال: ثريا رجعت تركيا ضروري.
نبض: اشمعنا؟!
جلال: علشان أمان.
نبض(بفرحة): بجد هو رجع؟!
جلال: اه.
نبض: وحشني اوي و وحشني اني اتكلم معاه و هنخرج سوا.
نبض: طيب يا بابا قريب ان شاء الله.
جلال: هترجعوا امتي؟!
نبض: معرفش.
جلال: طيب يا حبيبتي اسمعي كلام رعد هو عارف مصلحتك.
نبض: طيب يا بابا باي.
جلال: باي يا حبيبتي.
نبض: اتفضل.
رعد: خدي اللبس ده.
رعد: بكرة الصبح هجيلك.
رعد ساب نبض و خرج و نبض بصت مكان ما هو خرج.
نبض: يا رخم.
-في مكان تاني...
في الصعيد.
جلال قفل مع نبض و سمع صوت عالي بره خرج بسرعة بره اوضته لقي بلال بيضرب ملك.
عادل(بغضب): وجف(وقف)اللي بتعمله يا بلال.
بلال(بعصبية): عايزة تتربي يا بوي(بابا).
جلال: في ايه بيحصل ايه هنا؟!
ملك(بعياط): عايزين يجوزوني غصب يا عمي.
ورد: عيب يا ملك.
ملك(بعياط): انا مش هتجوز اني(انا).
ملك(بعياط): انا مش عايزة اتجوز و اللي هيجبرني و الله اموت نفسي.
بلال(بغضب): يا جليلة(قليلة)الرباية.
هدي: خلاص يا ولدي(ابني) اهدي.
هدي: خدي بتك(بنتك) يا ورد.
ورد: تعالي يا ملك.
ملك(بعياط): مش هتجوزوني؟!
جلال: اهدي دلوقتي يا ملك و روحي مع امك يلا.
عمر: اسمعي الكلام يا ملك يلا.
ملك راحت مع ورد و زهرة لاوضتها.
عادل(بغضب): واجف مليش كلمة و لا ايه يا بلال(واقف مليش كلمة و لا ايه يا بلال)؟!
بلال: يا ابوي انت شوفت حديدها(يا بابا انت شوفت كلامها).
عادل(بغضب): يبجي ترجعلي(يبقي ترجعلي).
عمر: خلاص اهدي يا بوي(بابا).
ادهم: في ايه متجمعين ليه؟!
علا: مفيش يا ادهم اطلع غير هدومك انت لسة جاي من الدرس.
ادهم: طيب.
ادهم بصلهم باستغراب و طلع علي اوضته.
جلال: اهدي يا بلال كل شئ بالاتفاق.
بلال: طالعة دماغها ناشفة اكدي(كدة) منين؟!
شربات: هدي نفسك يا بلال. البنت برضو لازم نأخد موافجتها(موافقتها).
شربات: مفيش جبر يا بلال.
بلال: و انت ايه رأيك يا بوي(بابا)؟!
عادل: اهدي يا ولدي(ابني).
ادم: تيتة جهزوا الاكل بسرعة هطلع اغير و انزل.
ادم سابهم و طلع بسرعة دخل خد دوش و خرج غير هدومه و نزل تاني لقاهم لسة واقفين مكانهم.
ادم: هو في ايه؟!
هدي: مفيش يا ولدي(ابني).
عادل: كله يشوف شغله يلا.
كل واحد بدأ يروح يشوف وراه ايه...
علا: اجعد يا ادم هجهزلك الوكل(اقعد يا ادم هجهزلك الاكل).
ادم: تسلمي يا مرت عمي(مرات عمي).
علا بدأت تجهز الاكل لادم و حطت قدامه الاكل.
في اوضة ملك.
ملك(بعياط): ابدا يا اما(امي).
ورد: يا بتي(بنتي) ابوكي هينفذ اللي في دماغه برضو.
ورد: وافجي بجي(وافقي بقي).
زهرة: بس ده ظلم يا اما(امي).
ورد: اكتمي(اسكتي).
ورد: يا ملك فوجي(فوقي)يا ملك.
ورد: ليكون في حد مالي عينك اكدي و لا اكدي(كدة و لا كدة).
ملك(بعياط): لا يا اما(امي).
ورد: بت يا زهرة انطجي(انطقي) مين هو.
زهرة(بتوتر): هو مين يا اما(امي)؟!
ورد: اللي هي بتحبه؟! انجزي انطجي(انجزي انطقي).
زهرة(بتوتر): مفيش حد يا اما(امي).
ورد(بعصبية): انطجي(انطقي) منك ليها.
زهرة: رعد يا اما(امي).
ورد(بصدمة): يا مصيبتي!
ورد(بصدمة): بتحبي ولد عمك(ابن عمك)رعد.
ورد(بصدمة): و اختارتي المتجوز يا ملك؟!
ملك(بعياط): بحبه من زمان يا اما(امي)جبل البت(قبل البنت)اللي اسمها نبض.
ورد: طب اسمعي يا بت تنسي حاجة اسمها رعد خالص، الا خراب البيوت يا ملك.
ورد: خليكي معايا.
ورد: هتتجوزي ولد عائلة الاسيوطي.
ورد: ولد ناس و متربي يا ملك. وافجي بجي(وافقي بقي).
ملك(بعياط): لا يعني لا يا اما(امي).
ورد(بعصبية): يبجي(يبقي) ابوكي يتصرف معاكي.
ورد قامت و سابت زهرة و ملك و راحت لاوضتها.
ملك اترمت في حضن زهرة و قعدت تعيط...
زهرة: اهدي يا خيتي(اختي).
زهرة: هنلاجي(هنلاقي) حل.
زهرة: اهدي بس اكدي(كدة).
ملك(بعياط): هيجوزوني يا زهرة.
زهزة: لا اهدي يا خيتي(اختي) مش هيحصل اكدي(كدة).
عند يوسف.
يوسف كان في اوضته بيتدرب علي نطق الكلام بشكل صحيح.
الباب خبط.
يوسف قفل اللاب توب بتاعه بسرعة.
ادهم: امسك حرامي بتعمل ايه؟!
يوسف شاور ليه بمعني مفيش.
ادهم: عامل ايه يا صاحبي طمني عليك؟!
يوسف شاور ليه بمعني كويس و انت؟! .
ادهم: دروس و قرف حاجة زهق كدة.
يوسف شاور ليه بمعني: معلش هانت و قربت.
ادهم: كلها سنة بقي.
ادهم: طيب عايز حاجة؟!
يوسف شاور ليه بمعني لا شكرا.
ادهم ساب يوسف و خرج راح لاوضته و بوسف فرد جسمه علي السرير و غمض عينيه و نام.
-في الصباح الباكر.
عند رعد.
رعد قعد يشتغل لغاية الصبح تقريبا و نام في المكتب.
مهند: رعد يا رعد انت يا ابني.
رعد: ايه في ايه؟!
مهند: انت اللي ايه يا ابني؟! نايم في المكتب.
رعد: يا عم سيبني يا عم هو انا نايم فوق رأسك.
مهند: مالك يا ابني متعصب ليه؟!
مهند: عادي. و لا شكلك كنت بتحلم حلم جميل.
رعد: طب اخرس.
رعد قام اتعدل و قعد علي الكنبة و رجع شعره لورا.
مهند: احكيلي.
رعد: احكيلك ايه؟!
مهند: كنت بتحلم بايه؟!
رعد: مش بحلم اساسا.
مهند: طب قولي اخبار مراتك ايه؟!
رعد: بخير.
رعد قام دخل الحمام اللي في مكتبه و غسل وشه و خرج لبس الجاكت بتاعه و خد حاجته.
رعد: همشي انا. و انا خلصت كل حاجة امبارح.
رعد: تابعوا انتوا كمان.
مهند: طيب.
رعد خد نفسه و ركب العربية و راح علي المستشفي.
رعد: لو سمحت المريضة نبض السيوفي ايه اخبارها؟!
الدكتورة: حالتها مش خطيرة حضرتك و تقدر تأخدها النهاردة.
رعد: تمام شكرا.
رعد راح لاوضة نبض و دخل علطول.
نبض(بخضة): مين؟!
نبض لفت بسرعة لقت رعد بصتله بصدمة. رعد دخل و قفل الباب وراه.
نبض(بخجل): بتعمل ايه اطلع بره؟!
رعد(ببرود): مش هينفع اخرج انجزي كملي تغيير.
نبض بصتله بعصبية و لف ضهرها ليها و بدأت تلبس التي شيرت بتاعها.
نبض لبست بنطلون تلجي و تي شيرت زيتي باللون ب ¾ كم واصل للخصر و واسع. و سيبت شعرها علي ضهرها.
نبض: خير جنابك جيت ليه؟!
رعد: متوجعليش دماغي يلا قومي هنمشي.
نبض: بس.
رعد: لسة هتتكلمي.
رعد شال نبض و خرج علي بره الاوضة و نبض مكنتش لسة مستوعبة سرعته في ردة الفعل.
نبض: انت مجنون.
رعد نزل نبض و ركبها العربية و لف ساق ناحية البرج.
بعد فترة وصلوا للبرج. رعد نزل شال برضو نبض و كان مضايق و طلع للشفة و فتحها و حط نبض علي الكنبة.
رعد: متتعوديش علي كدة.
نبض(بسخرية): انت تطول تشيلني اساسا.
رعد: طب اخرسي يا بت.
تليفون رعد رن. الخط اتفتح.
رعد: الو يا سعد.
سعد: الو يا رعد محتاجك في خدمة.
رعد: قول.
سعد: عايز().
رعد: طيب عدي عليا في البرج دلوقتي خدها.
سعد: تسلم يا صاحبي.
رعد: لا مفيش حاجة. مستنيك.
سعد: جاي اهو.
عند سعد.
سعد خد حاجته و خرج بره مكتبه.
سعد: النهاردة الغي كل الاجتماعات يا مني.
مني(السكرتيرة): حاضر يا فندم.
سعد: يلا سلام.
سعد ساب مني و نزل خد عربيته و طلع علي شقة رعد.
عند رعد.
رعد ساب نبض و طلع اوضته فوق,نبض قامت وقفت و بدأت تتسند و متضغطش جامد علي رجليها و طلعت لاوضتها.
نبض(بصدمة): ايه ده!