رواية قسوة الرعد للكاتبة سلسبيل كوبك الفصل الرابع والثلاثون
تمارا فلتت من رعد و جريت و رعد جري وراها,نبض جريت وراهم بس فجأة حد ضربها بحاجة حديد علي كتفها و جمبها...
نبض(بصريخ): رعد...
رعد وقف في النص بص علي نبض و بص علي تمارا اللي بتجري رعد جري علي نبض بسرعة.
رعد: ايه اللي حصلك؟!
نبض(بوجع): كتفي. زي كأنه اتشال من مكانه.
رعد: طب تعال اوديكي المستشفي.
نبض(بوجع): متلمسنيش.
رعد: طب يلا.
رعد سند نبض و ركبها العربية و لف ركب هو كمان و بدأ يسوق.
نبض: مش عايزة اروح المستشفي.
رعد: بس لازم تروحي نشوف ايه اللي في دراعك.
نبض: لا مش عايزة.
رعد: بس.
نبض: الوجع اقدر استحمله.
رعد: طيب هدهنلك كريم عليه.
رعد غير اتجاهه و راح ل فندق و نزل فتح باب العربية ل نبض.
نبض بصتله و بصت للفندق و كانت مترددة.
رعد: يلا تعالي.
رعد مسك ايد نبض و قفل العربية و خدها و دخلوا.
رعد: لو سمحت في حجز هنا باسم رعد السيوفي.
موظف: اه يا فندم، اتفضل.
رعد: شكرا.
رعد و نبض طلعوا الجناح بتاعهم و رعد قفل الباب.
رعد: احم قومي يلا غيري هدومك.
نبض: مجبتش هدوم.
رعد: لا في هدوم في الدولاب هنا.
نبض قامت وقفت و فتحت الدولاب لقت هدومها. نبض خدت هدوم و دخلت الحمام.
رعد غير هدومه لبس بنطلون اسود و فوقه تي شيرت رمادي بكم.
نبض قعدت كتير تغير هدومها خدت وقت كبير بسبب كتفها.
رعد: نبض عايزة مساعدة؟!
نبض: لا.
نبض لبست بنطلون باللون الكحلي و تي شيرت ابيض قصر لغاية الخصر و ب ¾ كم و الاكمام واسعة. رفعت شعرها ديل حصان.
نبض خرجت من الحمام لقت رعد واقف مستنيها.
رعد: اقعدي يلا.
نبض قعدت علي السرير و رعد قعد قدامها و رفع كمها و بدأ يدهن الكريم علي دراعها...
رعد: حاسة بوجع؟!
نبض(بوجع): لا.
رعد: كدابة.
نبض: انا؟!
رعد: ايوه.
رعد: باين الالم في عينيكي.
رعد: خلصت.
رعد قام غسل ايده و شال المرهم و خرج من الحمام لقي نبض فردت جسمها علي السرير.
رعد لف الناحية التانية من السرير و قعد عليه.
نبض: انت هتنام جمبي؟!
رعد: لا هنام جمب الجيران.
رعد طفي النور و قرب من نبض.
نبض(باحراج): علفكرة عيب و ميصحش كدة.
رعد(بخبث): اللي هو ايه؟!
نبض(بضعف): يا رعد.
رعد(بضحك): طيب طيب خلاص متقلبيش كدة.
رعد باس رقبة نبض و خدها نبض غمضت عينيها و حاولت تنام.
نبض: يا رعد و الله لو مبطلتش هقوم من هنا خالص و همشي هه.
رعد(ببرائة مصطنعة): انا عملت حاجة؟!
نبض(بصدمة): يا كداب!
رعد(بضحكة بسيطة): خلاص يلا نامي.
رعد بعد عن نبض شوية علشان تعرف تنام,نبض غمضت عينيها و بعدها فتحتهم.
رعد: علشان تعرفي ان انتي اللي مش عايزة تنامي و انا بقول بلاش ننام. النوم مضر.
نبض: رعد انا عايزة انام بجد. بقالي ايام منمتش كويس.
رعد: يلا طيب نامي.
رعد باس رأس نبض,نبض غمضت عينيها و نامت نوم عميق...
رعد بعد ما اتأكد ان نبض نامت قام و قعد علي الكنبة و فتح اللاب بتاعه و مسك ملف قضيته و بدأ يشتغل شوية.
رعد طلع تليفونه و اتصل ب سعد.
الخط اتفتح.
سعد(بخضة): رعد في ايه؟!
رعد: صحيتك من النوم؟!
سعد(بصدمة): افندم! انت متصل بيا الساعة 3 الفجر و تقولي صحيتك من النوم.
رعد: انا مش تافه زيك...
رعد: المهم عايزك تعرفلي فين مكان اللي اسمها تمارا.
سعد: احم هو كدة خلاص.
رعد(بعصبية): سعد متعصبنيش ايوه كدة خلاص عايز اخلص من الموضوع ده.
سعد: طيب خلاص متضايقش حاضر حاضر.
سعد: انت جاي الاجتماع.
رعد(بعصبية): ما قولت اه.
سعد: مالك يا ابني متعصب ليه؟!
سعد: لحظة لحظة انت شوفتها.
رعد(بغضب): ايوه و شوفتها و لما مسكتها كان معاها شخص زيها و جريت وراها و ال كان معاها ضرب نبض في كتفها.
سعد: يعني ده كله علشان نبض اضربت في كتفها.
رعد(بغضب): انت واخد الموضوع بسيط كدة.
سعد: خلاص يا عم انا اسف. يعني انت عايز ايه مني الساعة 3 الفجر.
رعد: قولتلك تعرفلي بيتها فين؟!
سعد: طب ما انا عارف بيتها.
رعد: طيب هأخده منك بكرة، مع السلامة.
رعد قفل التليفون و رماه علي الترابيزة و كمل شغل.
-في مكان تاني...
في تركيا، عند ادم و ميران.
ميران: هو اتأخر ليه ده؟!
ثريا: معلش يا حبيبتي هتلاقيه غصب عنه.
ميران: ده كمان مش بيرد عليا اوف.
تليفون ميران رن، الخط اتفتح.
ميران: الو انت فين ده كله؟!
ادم: ايه قلقانة عليا؟!
ميران: ها لا، انت اللي قولت ابقي جاهزة بس.
ادم: في عربية قدام القصر اركبيها مستنيكي.
ميران: تمام.
ميران ركبت العربية اللي ادم قال عليها و بعد فترة لقت العربية وقفت قدام البحر.
ميران(بالتركية): شكرا.
ميران نزلت من العربية و استغربت بس لقت اتجاهات علي الارض بالورد مشيت ناحيته لغاية ما لقت ادم واقف حاطط ايده في جيبه.
ميران: انا مش فاهمة حاجة.
ادم اول ما شاف ميران خد نفسه بعمق و ميران قربت منه و وقفت قصاده.
ادم: ايه ده؟!
ميران: ايه؟!
ادم: انتي ازاي جميلة اوي كدة!
ميران(بصدمة): ايه؟!
ميران كانت لابسة فستان باللون الاسود طويل ب ¾ كم و مفتوح من الرجل اليمين و مفتوح من الضهر و لبست صندل بكعب باللون الدهبي و حطت روچ باللون الاحمر الغامق و كحل حدد عينيها.
ادم قرب من ميران و باس رأسها، ادم مسك ايدين ميران و خد نفس عميق طلعه بهدوء.
ادم: تفتكري ايه السبب اللي خلاني اتجوزك؟!
ميران: الاجابة عندك.
ادم(بهدوء): علشان مخلكيش عُرضة ان حد غيري يقرب منك.
ادم(بهدوء): علشان خاطر من ساعة ما شوفتك و انا حبيت كلامي معاكي و خناقنا مع بعض و بحب لما تعانديني و بحب كل حاجة بتعمليها سواء وحشة و لا حلوة، كنت في الاول بطنش و بقول عادي لكن دلوقتي انا ادمنت حاجة اسمها ميران.
ادم(بهدوء): ممكن اكون اجبرتك بس انا مأخدتش الخطوة دي من فراغ يا ميران، انا خدت الخطوة دي لما شوفت في عيونك نظرة حب و خوف عليا.
ادم(بهدوء): اتأكدت من حبي ليكي فعلا لما اتخطفتي كان بمثابة كارثة شقلبت كياني كله.
ادم: القرار قرارك دلوقتي يا ميران مش هجبرك علي حاجة.
ادم: تقبلي تكملي حياتك كزوجتي؟!
ميران غمضت عينيها و فتحتهم و ابتسمت لادم و هزت رأسها بمعني اه...
ادم ضحك و حضن ميران و شالها و لف بيها.
ميران: يا مجنون.
ادم نزل ميران و حاوط وشها بين ايديه و (لخيالكوا).
ميران(بابتسامة): بحبك.
ادم باس رأس ميران و خدها في حضنه.
ادم: و انا بموت فيكي.
ادم: يلا بينا نروح اهو قولت اللي انا عايزه فاضل ايه بقي.
ادم: يلا بينا.
ميران: استني انا انا.
ادم: ايه؟!
ميران: انا عايزة فرح يا ادم...
ادم: امممم اكيد يا روحي هعملك احلي و افضل فرح. بس حاليا بقول نروح البيت.
ميران: ادم.
ادم: يخرب بيت ادم و سنينه.
ميران: اوف بقي انا عايزة فرح غير كدة يبقي انسي.
ميران: هو كدة بقي.
ميران وقفت و ربعت ايديها و ادم بصلها بجديه و قرب منها خطوتين.
ميران(بضعف): يا ادم.
ادم: حاضر يا عيون ادم هعملك فرح، بس بشرط.
ميران: ايه؟!
ادم: الفرح هيبقي في مصر.
ميران: طيب.
ادم باس رأس ميران و مسك ايديها ركبها العربية و لف ركب و بدأ يسوق.
بعد فترة وصلوا للقصر ادم فتح باب العربية لميران و دخلوا القصر.
ادم: راحة فين؟!
ميران: احنا في فترة الخطوبة دلوقتي تصبح علي خير.
ادم: تعالي هنا.
ميران جريت علي اوضتها و قفلت الباب.
ادم: ميران متبقيش مجنونة افتحي الباب.
ميران: تصبح علي خير يا خطيبي العزيز.
ميران اترمت علي السرير و هي مبسوطة و كل شوية تفتكر كلام ادم و تغمض عينيها و تضحك.
ادم: ليكي يوم.
ادم راح علي اوضته و غير هدومه و فرد جسمه علي السرير افتكر ميران و قعد يضحك و كان مبسوط.
-في الصباح الباكر...
عند نبض.
نبض بدأت تفوق فتحت عينيها بصت جمبها ملقتش رعد. نبض اتعدلت بسرعة...
نبض(بسخرية): كان لازم اتوقع منه ده.
نبض كانت هتقوم بس لاحظت ورقة جمبها علي السرير اترددت تفتحها و لا لا. نبض مسكت الورقة و قرأتها.
مضمون الورقة صباح النور. البسي و جهزي نفسك ورايا اجتماع سريع هخلصه و اجيلك هنروح نزور مراد و باقي اليوم مفأجاة,لما تصحي اتصلي بيا.
نبض قفلت الورق و هي مبتسمة و بصت علي التليفون و مدت ايدها جابته و جابت رقم رعد اتصلت بيه.
الخط اتفتح.
رعد: صباح الخير.
نبض: صباح النور.
رعد: صوتك حلو كدة علطول.
نبض ابتسمت غصب عنها بسبب رعد.
نبض(ببرود): احم و مين قالك اني هستناك علشان اروح ازور مراد.
رعد: قلبي...
نبض(ببرود): و الله؟!
رعد: ايوه.
سعد: رعد يلا علشان الاجتماع.
رعد: اسبقني انت يا سعد.
رعد: طيب باي هقفل دلوقتي.
رعد: استنيني. مش هتأخر.
رعد: سلام.
رعد قفل الخط و راح الاجتماع,نبض كانت مبسوطة و خجلانة و قعدت تصرخ و تتطنطط...
نبض(بتنهيدة): اوف اوف يا رعد.
نبض: حتى و انت بعيد بتعمل كدة.
نبض رمت نفسها علي السرير و هي بتأخد نفسها.
نبض: اقوم اخد دوش.
عند رعد...
رعد: بعتذر علي التأخير.
سعد: و لا يهمك اتفضل.
رعد: سمعت ان رجل الاعمال المشهور فارس الدمنهوري بنفسه عايز يشارك شركتنا.
فارس: يبقي شرف ليا لو انت وافقت.
رعد: بس حضرتك مش محتاج يعني شراكة او شغل معانا...
فارس: انتوا ناس ليها اسم و مركز و الاهم من ده كله السمعة. و سمعتكوا بسم الله ما شاء الله سابقاكوا.
سعد: و احنا لينا الشرف اننا نشتغل مع شخص زيك.
رعد: تمام لو اتفقنا علي البنود يبقي كله تمام.
فارس: اكيد.
و بدأوا يشتغلوا و يوقعوا اوراق.
فارس: فرصة سعيدة.
رعد: نورتوا.
فارس: بس اللي معروف دايما في الاسواق سعد بيه. مين حضرتك؟!
رعد سلم علي فارس و بصله في عينه.
رعد(بابتسامة): رعد السيوفي.
فارس بص ل رعد بصدمة و رعد ابتسم ليه.
رعد: تشرفت بحضرتك.
فارس(بابتسامة متوترة): انا اكتر...
فارس مشي هو و باقي رجالته، سعد وقف جمب رعد...
سعد: عنوان للبيت اهو.
رعد(بسخرية): الام عايشة في قصر و البنت عايشة في حارة...
سعد: معلش يا رعد. استحمل.
رعد: ما انا مستحمل اهو انا قولت حاجة.
رعد: يلا هروح انا.
سعد(بغمزة): هي نبض كلت الجو و لا ايه؟!
رعد(ببرود): خليك في حالك.
رعد ساب سعد و مشي و ركب عربيته و راح علي الفندق,رعد طلع الجناح بتاعه و فتح الباب و دخل.
رعد: مساء الخير.
رعد قرب من نبض اللي قاعدة قدام التلفزيون و باس رأسها.
رعد: هخش اغير و اجي ننزل.
نبض هزت رأسها بمعني ماشي. رعد مشي خطوتين و رجع مال علي ودن نبض.
رعد: و بعد كدة لما اخش عليكي تقومي تحضنيني.
رعد باس خد نبض و سابها و دخل خد دوش و خرج غير هدومه...
رعد: جاهزة؟!
نبض: هلبس الجاكت.
نبض لبست بنطلون ابيض و تي شيرت صوف بكم باللون الاحمر و فوقه جاكت اسود جلد لغاية الخصر و لبست كوتشي اسود عالي و مقفول,سيبت شعرها علي ضهرها.
رعد: من كتر حبك في مصر يعني لابسة كدة.
نبض: اه هي جت كدة.
رعد: طب يلا.
رعد مسك ايد نبض و هي حاولت تشيل ايديها.
رعد: نبض اهدي.
رعد نزل ل تحت ركب العربية هو و نبض و راحوا للمستشفي...
-في مكان تاني...
عند ملك و مالك.
مالك: ها يا ملك خلصتي؟!
ملك: جايه اهو.
مالك: طب انجزي.
ملك جت شايلة شنطتين هدوم و حطتهم قدام الباب.
ملك: هنمشي اكدي(كدة)من غير ما نسلم عليهم.
مالك: معلش يا حبيبتي هو اسبوع و هنرجع.
ملك: طب و اخوك فاتح و سعاد؟!
مالك: هنقابلهم هناك.
ملك: طيب يلا بينا.
مالك شال الشنطتين و لسة هينزل ملك اعترضت.
ملك: لا لا انت تعبان هاتهم عنك...
مالك: اتجننتي يا بت.
مالك: قدامي يلا.
ملك: بس.
مالك: يلا قدامي.
ملك نزلت و وراها مالك و حط الشنط في العربية و ملك ركبت و هو كمان ركب.
مالك: جاهزة؟!
ملك: اول مرة اروح مصر.
مالك: علي اساس انتي في ليبيا؟!
ملك: بتتريج(بتتريق).
مالك: بتريج! (بتريق).
مالك: نامي يا به نامي.
ملك: مش عاوزة انام.
مالك: عاوزة!
ملك: انت مش بتحب كلامي ليه يا مالك؟!
مالك: انا بعشق كلامك.
مالك مسك ايد ملك و باسها.
مالك: انا كدة بهزر معاكي يا قلبي، متزعليش انتي تتكلمي بهواكي و راحتك.
ملك: ربنا يخليك ليا.
مالك: و يخليكي ليا يا نور عيوني.
مالك شغل اغاني و قعد يغني و يهزر مع ملك طول الطريق...
-بعد فترة مالك وصل ل مكان و نزل...
ملك: انزل؟!
مالك: لا.
فاتح: حمدلله بالسلامة.
مالك: الله يسلمك.
مالك: خلي بالك من الطريق.
فاتح: تمام.
سعاد: خلي بالكوا يا مالك.
مالك(ببرود): تمام يا مرت اخوي(مرات اخويا).
مالك: يلا باي.
مالك ركب عربيته و ساق لغاية ما وصل للفيلا بتاعته.
ملك: هنعيش هنا؟!
مالك: ايوه.
مالك و ملك نزلوا و مالك مسك ايد ملك و دخلوا القصر.
مالك: دخلوا الشنط.
مالك دخل الفيلا و ملك كانت مبهورة بجمالها.
ملك: هنعيش في دي.
مالك: ده من هنا و رايح بيتك تعملي فيه اللي انتي عايزاه و الخدم هنا تحت كلمتك و طوعك انتي.
مالك: اهم حاجة تكوني مرتاحة و مبسوطة.
مالك: تعالي بقي اوريكي اوضة النوم.
ملك: لا وريني المطبخ الاول.
مالك: اسمعي كلامي اوضة النوم احلي.
ملك: بس.
مالك: رغاية اوي انتي.
مالك وطي شال ملك و طلع علي اوضتهم و...
-في مكان تاني.
عند فاطمة و مهند.
فاطمة: مالك يا حبيبي!؟
زياد: مليت يا ماما عايز امشي من هنا.
فاطمة: حاضر يا حبيبي. حاضر.
زياد: انا خفيت اهو.
الباب خبط.
فاطمة: ادخل...
الدكتور: ها اخبار البطل بتاعنا ايه؟!
زياد: زهقت زهقت من المستشفي.
الدكتور: كدة برضو.
الدكتور: عموما ماشي يا سيدي، انا جبت تحاليلك الجديدة اهي.
الدكتور: و باذن الله الخروج الاسبوع الجاي.
فاطمة(بفرحة): بجد يا دكتور!
الدكتور: ايوه الحمدلله، الفضل ل ربنا و دعواتكم.
الدكتور: اهم حاجة الرعاية التامة...
فاطمة(بفرحة): شكرا جدا.
الباب اتفتح و مهند دخل.
مهند: اسف يا حبايبي اتأخرت عليكم.
مهند: الدكتور!
فاطمة(بفرحة): زياد هيخرج الاسبوع الجاي يا مهند.
مهند: بجد! الحمدلله.
الدكتور: عن اذنكم.
الدكتور خرج و مهند باس رأس زياد.
مهند: خد يا حبيبي.
زياد: الله ايس كريم بحبك اوي يا بابا.
مهند: و انا كمان يا حبيبي.
مههند قرب من فاطمة و مسك ايديها بعصبية خفيفة...
فاطمة(بهمس): ايه يا حبيبي؟!
مهند(بحدة): ازاي الزفت ده يدخل كدة من غير استأذان؟!
فاطمة(بهمس): ده الدكتور يا مهند.
مهند(بحدة): و يدخل و انا مش موجود بتاع ايه. ما انا كنت هنا بقالي اكتر من يومين لما امشي انا هو يدخل بقي.
فاطمة(بهمس): يا مهند انت بتغير من الدكتور، و لسة بتغير اصلا؟!
مهند(بحدة): و هو حد قالك اننا لما بنتجوز و نخلف بنبطل غيرة و لا حاجة و ايوه بغير و قسما بربي يا فاطمة لو استهبلتي تاني مش هتعرفي ممكن اعمل فيكي ايه.
فاطمة(بهمس): يا مهند.
مهند(بحدة): مش انا قولتلك نظراته مش تمام...
فاطمة(بهمس): ايوه بس.
مهند: مفيش بس، في بعد كدة سمع كلام و احسن اننا هنغور من هنا قريب.
مهند: جتك القرف في حلاوتك يا شيخة.
فاطمة: مهند.
مهند: متكلمنيش.
فاطمة: مهند.
مهند: اوف عايزة ايه؟!
فاطمة: بحبك...
مهند: لا لا مش هضعف.
فاطمة: و بموت فيكي.
مهند: احم ايه رأيك يا زياد اخد ماما و اجيبلك حاجة حلوة و نرجع.
زياد: هتجيبولي ايه؟!
مهند: اخت صغننة كدة تلعب بيها.
فاطمة بصت ل مهند بصدمة و ضربته في جمبه.
مهند: طيب عايز حاجة يا حبيبي؟!
مهند: خلي بالك من نفسك. ساعتين كدة و جاي...
مهند مسك ايد فاطمة و خرجوا بره المستشفي.
فاطمة(بصوت عالي نسبيا): يا مجنون؟!
مهند: بيكي يا قمري.
-في مكان تاني...
في الصعيد...
هدي: كلوا يلا.
عمر: و الله ما في وكل(اكل) افضل من اكلك.
هدي: بالهناء و الشفاء يا حبيبي.
جلال: تسلم ايدك يا حبيبتي.
هدي بصت ل جلال و عمر بابتسامة و راحت تشوف شغلها.
جلال: مفيش اخبار جديدة!؟
عمر: لا زي كأنه اختفي.
جلال: اممم خير ان شاء الله.
في اوضة زهرة...
عادل: زهرة.
زهرة: نعم يا جدي.
عادل: مش هتخرجي من جوضتك بجي(اوضتك بقي).
زهرة: سيبني اهني(هنا)يا جدي.
زهرة: احسن و افضل من بره.
عادل: بس ده مش حلو علشانك يلا قومي.
زهرة: لا.
عادل: مش عايز اضغط عليكي بس عايزة تفضلي اكدي لحد ميته(كدة لحد امتي).
زهرة: لحد ما تجيبه مذلول يا جدي تحت رجلي...
عادل: وعدتك و هيحصل.
عادل: اول لما يجع(يقع) تحت ايدي.
زهرة: ساعتها هخرج يا جدي.
عادل استغرب نبرة زهرة و سابها و خرج بره القصر.
في المستشفي.
شربات(بضحك): و الله مفيش احلي من القعدة دي.
علا: عندك حق.
ورد: احسن بكتير من القصر.
علا: بس برضو اما(امي)هدي.
شربات: دي حتة سكرة.
ورد: فعلا. ربنا يخليها.
علا: اخبار الجرح ايه دلوقتي.
شربات: احسن، بس برضو مين اللي زقني؟!
ورد: جصدك ايه؟! (قصدك ايه)
شربات: في حد زجني(زقني).
علا: متأكدة؟!
شربات: اه.
علا: ممكن مين طيب؟!
شربات: ملحجتش(ملحقتش) اشوف.
ورد: بس مين هيكون ليه يد في اكدي(كدة)؟!
شربات: برضو معرفش...
التلاتة قعدوا يفكروا و يخمنوا.
عند عطر.
مامت عطر: يا بت.
عطر: ها ايه يا اما(امي).
مامت عطر: ايه اللب واخد عجلك(عقلك) يا بت الخضراوي؟!
عطر: مفيش حاجة يا اما(امي).
مامت عطر: طب خلصي خياطة يلا.
عطر: حاضر اهو.
مامت عطر: متأكدة؟!
عطر: يوووه بجي يا اما(بقي يا امي).
مامت عطر: طيب طيب انا غلطانة خايفة علي مصلحتك.
عطر: متخافيش يا اما(امي).
-في مكان تاني...
عند رعد و نبض.
نبض(بضحك): بجد و الله؟!
محرم(بضحك): ايوه زي ما بقولك كدة.
محرم: و في مرة بيقولك واحد اقرع حس بنملة ماشية علي رأسه لسة هيقتلها قالتله استني يا عمو و النبي اخر زحلوقه.
نبض(بضحك عالي): انت مسخرة.
رعد كان قاعد حاطط ايده علي خد و بيبصلهم ببرود.
محرم: انت مش معانا يا رعد بيه؟!
رعد: بفكر اقتلك ازاي؟!
محرم(بخوف): ايه؟!
رعد: خوفت؟! يا ريت لو عندك دم غور...
رعد: انا غلطان اني سلمت عليك و عزمتك اصلا.
محرم(بخوف): احم طيب يا مدام نبض فرصة سعيدة عن اذنكم...
محرم خد حاجته و طلع بره الكافيه بسرعة.
نبض: ليه كدة خوفته؟
رعد: لاني جاي اقعد مع جنابك مش معاه...
رعد: و ايه النكت البايخة بتاعته دي؟!
نبض(بسخرية): علي اساس انت بتعرف تقول نكت حلوة.
رعد: انا مش تافه زيهم.
نبض: طيب يا عم و انا بحب التافهين.
رعد: بيقولك مرة واحد بيقول لمراته عايزة تسافري فين يا حبيبتي قالتله استر عليا يا حبيبي قالها استر عليكي ازاي مش فاهم قالتله هي مكتوبة كدة Australia. قالها استري عليا انتي و متقوليش لحد انك تعرفيني.
-نبض بصت ل رعد للحظة و بعدها مقدرتش تكتم ضحكها قعدت تضحك و رعد سرح فيها.
- بالنسبة ل نبض فالنكت دي غريية و جديدة و مضحكة.
رعد مسك خد نبض و باسها جامد علي خدها.
نبض: بتبوس طفلة.
رعد: احلي من الطفلة كمان.
نبض: رعد.
رعد: نعم.
نبض: عندي سؤال!؟
رعد: عارفه.
نبض: هو ايه؟!
رعد: مين البنت بتاعت امبارح.
نبض: احم ايوه.
رعد: بعدين هبقي اقولك.
رعد: يلا بينا نقوم نلف شوية.
رعد وشه قلب و قام وقف بيلم في حاجته نبض قامت وقفت قصاده.
نبض: مش همشي من هنا قبل ما اعرف ليا الحق في كدة...
رعد(ببرود): نبض خلينا حلوين مع بعض. يلا قدامي.
نبض: روح لوحدك انا هقعد هنا...
رعد(ببرود): براحتك.
رعد ساب نبض و خرج بره الكافيه و سند علي العربية بتاعته و نبض خدت شنطتها و خرجت من الكافيه بغضب و عدت من قدام رعد...
رعد: نبض.
نبض وقفت بس ضهرها ليه. رعد قرب منها.
رعد: متضغطيش علي الواحد يا نبض انتي متعرفيش ظروفه.
نبض(بدموع): رعد انا مش عارفة علاقتنا راحة لفين رعد انا لغاية دلوقتي خايفة ل في يوم تسبني و تمشي رغم اني شايفة الصدق في عيونك.
نبض: رعد انا مش عارفة انا ايه في حياتك. انا شايفة اني مليش اي لازمة في حياتك.
نبض: يا رعد انا.
نبض: انا مش واثقة من حبك لغاية دلوقتي. و اسفة مش هقدر اثق.
نبض(بخنقة): احسن حل نطلق و ارجع بلدي يا رعد.
رعد قرب من نبض و خدها في حضنه نبض مسكت فيه جامد,نبض بعدت عن رعد و سابته و مشي.
رعد(بصوت عالي): نبض.
رعد جري علي نبض و خدها في حضنه و وقعوا هما الاتنين في الارض,و نبض شافت عربية ماشية و فيها واحد قاعد يضرب نار عليهم.
نبض معرفتش تشوف حاجة بعد كدة لا ن رعد حماها بكل جسمه...
العربية مشيت و نبض كانت ماسكة في رعد جامد,رعد بعد عن نبض و نبض فتحت عينيها.
نبض(بخوف): حصل ايه؟!
نبض رفعت رأسها لقت تي شيرت رعد كله غرقان دم و رعد بيغيب عن وعيه و...