رواية قسوة الرعد للكاتبة سلسبيل كوبك الفصل الحادي عشر
في مصر، في الصباح الباكر.
-في مستشفي.
مهند: لو سمحت رعد عمر السيوفي و نبض جلال السيوفي في اوضة كام؟!
الممرضة: اللي لسة جايين حادثة امبارح في اوضة رقم 305,308.
مهند: تمام شكرا...
الممرضة: لا لحظة اتنقلوا اوضة واحدة يا فندم رقم 308 بس في الدور التالت.
مهند: طيب شكرا، عن اذنك.
مهند ركب الاسانسير و طلع للدور التالت و راح للاوضة، خبط الباب.
رعد: ادخل.
مهند دخل لقي رعد قاعد نص قعدة علي سريره. نبض نايمة علي السرير و متعلق ليها محاليل.
مهند: انت كويس؟!
رعد: اه.
مهند: هو حصل ايه؟! حد من اعدائك؟!
رعد: لا حادث عادي يعني.
مهند: الحمدلله مش اصابات كبيرة، و هي حصلها ايه؟!
رعد: بيقولوا اصابتها مش خطيرة بس صعبة عليها.
مهند: مش شايف جبس يعني او اي حاجة.
رعد: اتخبطت في رأسها لما العربية اتقلبت و ايديها حصلها التواء. لسة بيطلعوا الاشاعة.
مهند: طب و انت؟!
رعد: محصليش حاجة.
مهند: الحمد لله، انت مقولتش انك جاي.
رعد: عادي.
مهند: مالك يا ابني هي الحادثة مأثرة علي دماغك و لا ايه؟!
رعد: ده انا، ايه الجديد؟!
مهند: استغفر الله.
الباب خبط.
رعد: ادخل.
ممرضة: مساء الخير...
مهند: مساء النور.
-الممرضة قربت من رعد و غيرت ليه علي الجرح اللي في رأسه. و قربت من نبض كانت بتظبط المحلول.
نبض بدأت تحرك رأسها ببطء و وجع و بعدها فتحت عينيها ببطء.
ممرضة(بابتسامة بشوشة): حمدلله بالسلامة يا مدام نبض.
نبض حاولت تقوم تتعدل بس حست بصداع في رأسها.
نبض(بوجع): هو حصل ايه؟! انا حصلي ايه؟!
ممرضة: حادثة بسيطة و الحمدلله جت سليمة.
نبض(بوجع): ايدي وجعاني اوي.
ممرضة: التواء بسيط هيخف شوية شوية...
الممرضة ساعدت نبض و سندت ضهرها علي السرير.
نبض بصت حواليها لقت رعد قاعد ببرود.
نبض(بسخرية): منور...
رعد لا رد.
نبض(بغيظ): جنابك محصلكش حاجة ليه بقي؟!
رعد(برفعة حاجب): ده بدل ما تقولي حمدلله علي سلامتك.
نبض(بغيظ): ما انت كويس قدامي اهو زي القرد اهو.
نبض(بغيظ): انا اللي ايدي شبه اتكسرت و مش هعرف امسك مشرط تاني...
رعد: احسن برضو.
نبض(بعصبية): رخم و رزل.
رعد: هقوملك و اكسر علي اللي باقي منك.
نبض(بتريقة): هقوملك و اكسر اللي باقي منك، نينينييي.
نبض: خفت انا كدة؟!
رعد لا رد.
نبض: ما تتكلم ساكت ليه يا رزل؟!
رعد: اللهم طولك يا روح، يا بت انا ماسك نفسي بالعافية بسببك عملنا الحادثة.
نبض(بصدمة): بسببي انا! يا كداب.
رعد: ايوه بسببك انتي رغاية و مخلتنيش اعرف اركز.
نبض: طبعا ما انت كان كل اللي هامك انت و بس.
نبض: نفسي نفسي.
رعد(بعصبية): انا ا.
مهند: احم احم.
رعد و نبض: اخرس.
مهند: في ايه احترموني؟!
نبض(بقرف): انت مين اصلا؟!
مهند: انا صاحبه.
نبض(بعصبية): تبقي تخرس خالص.
مهند(باحراج): حاضر.
رعد(بعصبية): مهند اطلع قدم علي خروج فورا.
مهند: حاضر.
مهند قام و بدأ يتكلم مع الدكتور عن الخروج و وافق.
رعد(بعصبية): بصي يا بت انتي طول فترة وجودك هنا مسمعش صوتك و لا اشوف خيالك حتى.
نبض: رجعني بلدي.
رعد(بعصبية): وطنية اوي انتي. بلدك هي بلد ابوكي.
رعد: قومي يلا.
نبض: رزل.
نبض قامت دخلت الحمام و بدأت تغير هدومها اللي موجودة في الحمام...
رعد و نبض خرجوا و نبض سندت علي رعد لانها فجأة. حست بدوخة و صداع و رعد متكلمش.
مهند: العربية جاهزة، و المحضر ا.
رعد(ببرود): مقولتش تتكلم.
رعد(ببرود): بليل نبقي نتقابل.
مهند(باحراج): حاضر.
Flash back.
-رعد و نبض ركبوا العربية و بدأ رعد يسوق ناحية القاهرة.
نبض فتحت الشباك رعد قفله تاني.
نبض: ليه؟!
رعد: ملكيش فيه مزاجي كدة...
نبض: يا رخم.
بعد فترة بسيطة.
نبض(بلهفة): وقف العربية بسرعة بسرعة...
رعد وقف العربية بسرعة نبض فتحت باب العربية و نزلت جري بسرعة,رعد نزل بسرعة و جري وراها.
نبض: يلا طلع فلوسك طلبت ليا و ليك.
رعد(ببرود): انتي تافهة.
رعد: و يلا قدامي مفيش حمص.
نبض: بليز نفسي اجربه.
رعد: لا.
رعد شد نبض من دراعها و جرها وراه و ركبها العربية و قفل الباب بتاعها...
نبض(بصريخ و صوت عالي): انا عايزة اشرب حمص انا عايزة اشرب حمص انا عايزة اروح اشرب حمص انا عايزة اروح اشرب حمص. عايزة اشرب حمص.
رعد ركب العربية و بدأ يسوق و نبض مسكتتش.
رعد(بغضب و صوت عالي): اخرسي.
نبض سكتت للحظة و بصت ل رعد.
نبض(بعصبية): لو مشربتش حمص دلوقتي هرمي نفسي من هنا.
رعد(بسخرية): لو عرفتي.
نبض كانت فعلا هتفتح الباب بس رعد قفله بسرعة.
-رعد فتح الدرج اللي في العربية و طلع كلبشات و حطها في ايد نبض و في ايده و بدأ يسوق.
نبض فتحت بوقها و عينيها من الصدمة.
نبض(بصدمة): ايه اللي انت عملته ده؟!
رعد(ببرود): طريقة علشان تسكتي.
نبض(بعصبية): فك اللي في ايدي ده انت مجنون.
نبض قعدت تحاول تفك الكلبشات بس رعد شدها و نبض غصب عنها كانت قريبة من رعد.
نبض(بتوتر): انت بتعمل ايه؟!
رعد(برفعة حاجب): انتي اللي جيتي عليا مش انا.
نبض(بعصبية): رخم.
نبض بعدت عن رعد و قعدت علي كرسيها و رجعت شعرها لورا.
رعد(بحدة): ايدي.
نبض: مليش فيه انت اللي حاطط الكلبشات دي.
رعد(بعصبية): بت مش فايقلك.
نبض قعدت تغني كتير اغاني تركية لغاية ما رعد صدع.
رعد(بصوت عالي): اخرسي بقي اخرسي صوتك مزعج.
نبض: لو كنت اكلتني حمص مكنتش هضايقك قابل بقي.
رعد طلع مسدسه و وجهه ناحية نبض.
رعد: قسما بربي لو مخرستيش لاقتلك و اريح نفسي انا شايل قرفك ليه انتي.
نبض: اقتل.
نبض طلعت موبايلها و شغلت اغاني تركية برضو. رعد مسك التليفون رماه ورا.
نبض(بغضب): يا حيوان.
رعد مسك نبض مش شعرها و قربها منه و بص علي الطريق.
رعد(بغضب): شكلي علشان اتهاونت معاكي يبقي خلاص تقلي ادبك معايا، لا تحترمي نفسك لاما ودعي شعرك يا روح امك.
رعد زق نبض علي الكرسي بتاعها.
نبض كانت بتلف ورا علشان تجيب موبايلها ف ايد رعد اتلوحت معاها رعد بصلها.
رعد: ايدي يا بهيمة...
نبض: موبايلي يا جحش انت.
نبض لسة بتلف و هتقعد رعد غصب عنه كان هيدخل في عربية و تفاداها بس عربيته اتقلبت.
نبض(بصريخ): عااااااااااااااااا.
-العربية اتقلبت كذا مرة و رعد كان فايق بس دماغه اضربت في الدريكسيون,نبض دماغها اتخبطت في التابلو بتاع العربية بس ضربة قوية ف اغمي عليها و ايديها اللي كانت في الكلبشات حصلها التواء...
-رعد ملقاش المفتاح بتاع الكلبشات قعد يبص حواليه علي اي حاجة حديد لغاية ما لاحظ بنسة شعر في شعر نبض خدها و بدأ يفتح الكلبشات و بعدها بدأ يخرج نفسها من العربية لغاية ما خرج و كان بينهج...
-رعد حاول كتير يفتح باب العربية لغاية ما فتحه و بدأ يسحب نبض من جوا العربية...
كان في ناس بسيطة اللي في الشارع و وقفت تتفرج.
-رعد بدأ يسحب نبض لغاية ما خرجها هي كمان من العربية و لاحظ ان العربية هتنفجر.
رعد(بصوت عالي): كله يبعد.
رعد شال نبض بسرعة بين ايديه و بعد عن العربية و فجأة العربية انفجرت.
رعد حط نبض في الارض علي رجله...
رعد: نبض نبض فوقي.
رعد(بحدة): عايز ماية.
في بنت اتقدمت ناحيته و ودتله ماية. رعد بدأ يرش ماية علي وش نبض بس مفاقتش.
رعد طلع تليفونه و اتصل بالاسعاف و بعد نص ساعة جم.
رعد: نبض يلا قومي.
رعد: نبض.
الاسعاف جت و نزلوا النقالة رعد شالها و حطها عليها.
ركبوا عربية الاسعاف و بعد فترة وصلوا للمستشفي.
رعد شال نبض بين ايديه و دخل المستشفي.
رعد(بصوت عالي): عايز دكتور هنا.
الكل اتجمع حواليه و خدوا نبض و دخلوها اوضة الاسعاف فورا.
ممرضة: يا فندم لازم تيجي معايا اغيرلك علي جرحك.
رعد: طيب ابعدي عني دلوقتي.
ممرضة: بس.
رعد: سمعتي يلا وسعي.
-و بدأوا يأخدوا صور مقطعية و اشاعة ل نبض و غيروا هدومها لهدوم المستشفي و نقلوها اوضة عادية...
دكتور: حضرتك لازم تيجي معايا تملي الملف...
رعد: تمام.
رعد بدأ يملي ملف للمرضي بتاع نبض و وقع.
-رعد كان لسة هيتحرك بس حس بدوخة و الرؤية مش واضحة و كان هيقع بس مسك كويس في الترابيزة و فجأة انهارت كل قوته و وقع في الارض مغمي عليه.
الدكتور: تعالوا هنا بسرعة.
الدكتور: شيلوه معايا شيلوه.
دخلوا رعد اوضة نبض و بدأوا يعالجوا جرحه اللي في رأسه...
Back.
بعد فترة نبض لقت مهند وقف قدام مبني كبير.
نبض: احنا فين؟!
مهند: في بيت رعد.
رعد نزل هو و مهند و نبض وراهم و لقتهم دخلوا المبني ده و راحوا للاسانسير...
نبض: انت عايش في اي دور؟!
رعد ضغط علي الدور ال 25 و نبض اتصدمت نوعا ما.
نبض: الدور ال25!
مهند: هو في حاجة؟!
نبض(ببرود): لا بس مش مستواه.
رعد ضغط علي ايده بغضب و بص قدامه.
بعد فترة وصلوا للدور و راحوا ل شقة رعد. رعد فتح الباب.
نبض مشيت قدامهم و دخلت الشقة و رعد وراها مهند لسة هيدخل.
رعد: استناني تحت.
رعد قفل الباب و مهند الصدمة شلته.
نبض: مش بطالة حلوة.
رعد: في هدوم عندك هنا اتصرفي بيها عقبال ما هدومك ترجع.
نبض: طيب.
-رعد ساب نبض و طلع علي سلالم سوداء كدة طلعته ل دور تاني عبارة عن اوضة واحدة بس كبيرة جدا و فيها مكان للتغير و حمام كبير و سرير و كنبة و مكتب صغير و دولاب صغير مقفول برقم سري,الدور الاول عبارة عن اوضة جلوس و حمام و مطبخ بعيدين عن الصالة و اوضة رياضة.
نبض عجبها نظام الشقة من تحت و بدأت تتفرج عليها و طلعت علي نفس السلالم اللي رعد طلعها.
نبض(بتوتر): مكنش قصدي.
رعد(ببرود): هرجع و اقولك انا جوزك.
نبض(بتوتر): احم يعني هو...
رعد بدأ يلبس التي شيرت بتاعه قدام المراية و سرح شعره و حط البرفيوم بتاعه.
رعد راح ناحية السرير و بدأ يلبس الكوتشي.
رعد: في تليفون هنا عندك لغاية ما اجبلك تليفون و ارجعلك كل الارقام عليه...
رعد: في حاجة مهمة قولي. و اجي الاقي في اكل و ميهمنيش بتعرفي و لا لا.
رعد ساب نبض و نزل ل تحت و نبص نزلت وراه.
نبض: عايزة انزل الف شوية.
رعد: ممنوع.
رعد خرج و قفل الباب وراه بالمفتاح. نبض مسكت المخدات و رمتهم علي الباب بغضب.
نبض(بغضب): بكرهك بكرهك بكرهك...
نبض قعدت في الارض و بدأت تعيط و افتكرت كل حاجة وحشة في حياتها...
-في مكان تاني...
في القصر.
ادم: ايه اخبارك؟!
يوسف شاور ليها بمعني انه كويس.
ادم: عارف اني مقصر معاك سامحني غصب عني.
يوسف ابتسم ليه ابتسامة جميلة و بصله بمعني و لا يهمك...
ادم: حبيبي.
ادم(بغمزة): مفيش اي حاجة هنا و لا هنا؟!
يوسف ضحك كتير غصب عنه و بصله و شاور لا.
ادم: امممم طب اظبطك مع واحدة.
يوسف شاور ليه بمعني لا.
ادم: طيب يا عم براحتك. هتندم.
مسعد: مساء الخير.
ادم: جيت امتي من السفر؟!
مسعد: لسة جاي، في اي جديد؟!
ادم: لا.
مسعد: طيب عن اذنكوا.
مسعد دخل القصر ملقاش حد فيه طلع علي اوضته.
زهرة: جيت ميته يا حبيبي(جيت امتي يا حبيبي).
مسعد: اتوحشتك جوي جوي يا حياتي(وحشتيني اوي اوي).
زهرة قامت و بدأت تشيل العباية ما عليه.
زهرة: هحضر الحمام تتسبح(تستحمي)
مسعد: ماشي...
زهرة دخلت جهزت الحمام لمسعد و مسعد دخل خد دوش و خرج حضن زهرة...
مسعد: ايه اللي حوصل(حصل)في غيابي؟!
زهرة حكت كل اللي حصل ل مسعد.
مسعد: يا ابوي ده كله حوصل(يا نهار ده كله حصل).
زهرة: ايوه، و جدي في الاوضة تحت تعبان.
مسعد: الحاج عادل لازم يرتاح شوية و كمان رعد ده شايف نفس جوي جوي(اوي).
زهرة: بس ده رعد دايما يا مسعد.
مسعد: ما علينا الا اننا نجعد (نقعد) و نتفرج.
زهرة: طيب. تحب اعملك حاجة؟!
مسعد: لا.
زهرة: تصبح علي خير يا حبيبي.
مسعد: و انتي من اهله.
مسعد و زهرة ناموا هما الاتنين.
عند هدي.
عادل بدأ يفوق من نومه العميق و فتح عينه.
هدي: حمدلله بالسلامة يا حاج.
عادل(بتعب): هدي.
هدي: اؤمرني يا حاج.
عادل(بتعب): فين رعد؟!
هدي: مشي هو و مرته(مراته) يا حاج جه شغل مستعجل جوي(اوي).
عادل(بتعب): مقالش هيرجع ميته(امتي).
هدي: قريب يا حاج متجلجش(متقلقش).
عادل(بتعب): طيب...
عادل: يعني خد مرته(مراته)؟!
هدي: ايوه خد نبض معاه.
عادل: تمام...
هدي: تحب اعملك حاجة؟!
عادل: لا عايز انام...
هدي: بس انت لسة صاحي يا حاج.
عادل: هنام يا هدي...
هدي: تصبح علي خير يا حاج...
عادل لف ضهره ل هدي و غمض عيونه و بدأ ينام...
عند جلال.
عمر: مالك سرحان في ايه؟!
جلال: في بنتي يا عمر...
عمر: مالها بتك؟! (بنتك).
جلال: قسيت عليها اوي.
عمر: انت جلجان جوي ليه(انت قلقان اوي ليه).
عمر: كبر يا عم كلاتهم اكدي(كلهم كدة).
جلال: نبض غير الكل نبض اميرة محدش يعرف يقدر قيمتها...
عمر: هي دلوجت(دلوقتي)في امان طالما مع رعد.
جلال: هي في امان بس ناقصها الحب,الحنية,حضن دافئ يحتويها.
جلال: ساعات بندم اني جوزتها لرعد و ساعات مش بندم.
عمر: كيف اكدي(ازاي يعني).
جلال: رعد مش هقدر انكر انه قوي و شجاع و يقدر يحمي اي حد، و بدليل انه انقذني لما كنا بنكتب الكتاب ساعتها ناس ضربوا علينا نار. ساعتها قولت كويس و يقدر يحميها.
جلال: بس نبض تقدر تحمي نفسها بنفسها هي مش عايزة حماية هي عايزة حضن حنان حب.
جلال: عايزة حد يعوضها عن حاجات انا مقدرتش اعوضها عنها.
جلال: نبض محتاجة شخص بس يفضل ماسك في ايديها طول الطريق.
جلال: مش عارف اذا كان رعد و لا لا يا عمر، عرفت ليه بقي؟!
عمر: و انا برضو خايف علي رعد جدا.
عمر: دماغه كيف(زي) الحجر.
جلال: عندك حق.
عمر: نفسي يتغير او نبض علي الاجل(الاقل) تجدر(تقدر)تغيره و لو شوية.
جلال: مش عارف يا عمر مش عارف.
جلال: اتسرعنا و لا لا؟!
عمر: كل الاوجات(الاوقات) خير خير...
جلال: عندك حق، كله هيعدي.
عمر: يلا هطلع انام ورايا شغل الصبح.
جلال: ربنا معاك و يقويك يا عمر.
عمر: تسلم يا خوي(اخويا).
جلال و عمر كل واحد طلع علي اوضته و نام...
-في الصباح الباكر...
في تركيا.
ميران(بالتركية): مساء الخير.
ازاد(بالتركية): مساء النور.
ميران(بالتركية): وريني جدول العمليات النهاردة.
ازاد(بالتركية): حاضر.
ازاد(بالتركية): اتفضلي.
ميران(بالتركية): شكرا.
ميران خدت جدول العمليات و راحت لاوضة مكتبها.
بعد فترة الباب خبط.
ميران(بالتركية): ادخل.
فتون(بالتركية): هاي.
ميران(بالتركية): صباح الفل.
فتون(بالتركية): يا روحي تسلمي.
ميران(بالتركية): وراكي عمليات النهاردة؟!
فتون(بالتركية): لا محمد عنده.
ميران(بالتركية): تمام روحي شوفي حالاتك.
فتون(بالتركية): قوليلي.
ميران(بالتركية): اممم.
فتون(بالتركية): مواصفات زوجك ايه؟!
ميران(بالتركية): ايه لازمة السؤال؟!
فتون(بالتركية): فضول.
ميران(بالتركية): اممم بصي يا ستي.
ميران(بالتركية): طويل نوعا ما و جميل و رموشه كثيفة. و عصبي كدة و كان عنده حبيبات سابقات.
فتون(بالتركية): وه! ليه؟!
ميران(بالتركية): هيعرف ايه اللي يرضيني بسرعة و ايه اللي يضايقني و كدة يعني.
ميران(بالتركية): زي خبرة كدة.
فتون(بالتركية): اممم ده انتي صعبة.
ميران(بالتركية): شوفتي.
فتون(بالتركية): همشي...
نيران(بالتركية): باي.
فتون خرجت من اوضة ميران راحت لاوضة تبديل الملابس بتاعت الرجال...
محمد(بالتركية): ايه يا بنتي الداخلة ليه!
فتون(بالتركية): عادي.
محمد(بالتركية): طيب، نتقابل بعد العملية.
محمد كان هيخرج فتون وقفته و باسته علي خده.
فتون(بالتركية): انا واثقة فيك.
محمد قرب من فتون و (لخيالكوا).
محمد(بالتركية): انا بحبك.
محمد باس رأس فتون و باس ايديها و سابها و راح لاوضة العمليات، فتون راحت لاوضة مكتبها.
-في مكان تاني...
عند نبض.
Flash back.
نبض امبارح دخلت خدت دوش طويل و طلعت غيرت هدومها.
نبض قعدت تدور علي هدوم كتير بس ملقتش لغاية ما لقت تي شيرت بناتي طويل لبسته.
نبض لبست تي شيرت بناتي طويل للركبة باللون الازرق البيبي بلو و عليه نقط باللون الاسود و سيبت شعرها علي ضهرها.
نبض قعدت علي التلفزيون شوية و بعدها كانت جعانة و ملقتش حاجة سريعة تأكلها.
نبض اتصلت ب رعد مردش عليها.
نبض فضلت طول اليوم دايخة و بتتحرك بالعافية.
لغاية ما جه بليل و رعد لسة مجاش.
نبض نامت في مكانها علي الكنبة و نامت نوم عميق بس كانت جعانة و تعبانة و سقعانة...
Back.
نبض بدأت تفوق من نومها و كانت تعبانة و قامت قعدت نص قعدة علي الكنبة و مكنتش مركزة و قعدت رجع شعرها لورا.
نبض رفعت رأسها بتعب و كانت هبطانة اوي.
نبض(بصريخ): الحقووووووووني...