رواية قسوة الرعد للكاتبة سلسبيل كوبك الفصل الثاني
نبض قامت بسرعة راحت للاسعاف...
نبض(بصدمة): حصل ايه؟!
نبض(بخوف بالتركية)): بابا انت كويس؟!
جلال(بالتركية): ايوه اهو قدامك كويس، شوفي ثريا.
نبض قربت من ثريا و بدأت تفحصها.
نبض(بالتركية): حصل ايه؟!
جلال(بالتركية): كانت نازلة من علي السلالم و وقعت.
نبض(بالتركية): محمد جول خدوها لاوضة الاشاعة. عايزة تصوير مقطعي.
محمد(بالتركية): تمام.
نبض(بالتركية): فتون اهتمي انتي ب بابا.
فتون(بالتركية): حاضر...
ممرض(بالتركية): دكتورة نبض.
نبض(بالتركية): نعم.
ممرض(بالتركية): ملف المريضة اللي توفت.
نبض(بالتركية): تمام شكرا.
نبض خدت الملف و راحت اوضتها بدأت تقرأه,نبض قامت و راحت لاوضة ميران.
ميران(بغضب بالتركية): انتي ازاي تدخلي كدة؟!
نبض(ببرود بالتركية): احتمال متكونش اوضتك بعد النهاردة.
ميران(بغضب بالتركية): انتي مجنونة؟!
نبض(بالتركية): تخيلي اني كتبت فيكي تقرير باهمالك و انه بسببك مات شخص تتخيلي كدة هتبقي واجهة لمستشفي زي دي.
ميران(بغضب بالتركية): مش علشان المستشفي بتاعت ابوكي يبقي تتأمري براحتك، في مجلس ادارة هنا بيجتمعوا و بيأخدوا قرار...
نبض(بالتركية): قصدك اللي هو انا و دكتور سلطان.
نبض(بالتركية): و تخيلي ان النسبة الاكبر ليا يعني كلمتي هتمشي...
نبض(بالتركية): عموما. هتروحي تعتذري للراجل اللي بسببك مراته ماتت و عياله بقوا من غير ام...
نبض مسكت ميران من رقبتها بغضب و زقتها في الحيطة.
نبض(بغضب بالتركية): انا لو كنت مكان الاطفال دي كان زماني خلصت عليكي، احمدي ربك انهم معملوش كدة.
ميران(بخنقة بالتركية): هموت.
نبض بصت ل ميران كتير و غمضت عينيها و بعدها سابت ميران و خرجت...
ميران قعدت علي الارض قعدت تكح.
ميران(بالتركية): يا مجنونة.
نبض خرجت و كانت راحة ل جلال.
سلطان(بالتركية): دكتورة نبض.
نبض(بالتركية): دكتور سلطان. اهلا.
سلطان(بالتركية): مالك؟!
نبض(بالتركية): مفيش، عن اذنك.
نبض سابت سلطان و مشيت و راحت ل ثريا.
نبض(بالتركية): ايه الاخبار يا محمد؟!
محمد(بالتركية): متخافيش النتيجة ظهرت و مفيش حاجة تقلقنا.
نبض(بالتركية): كويس. نقلتوها اوضة عادية؟!
محمد(بالتركية): ايوه متشغليش بالك انتي.
فتون(بالتركية): نبض باباكي عايزك.
نبض لفت لقت جلال واقف نبض قربت منه و حضنته...
جلال(بالتركية): هروح الشغل خلي بالك من نفسك.
نبض باست خد جلال و حضنته جامد.
نبض(بالتركية): و انت كمان يا حبيبي.
جلال(بالتركية): باي.
جلال مشي و ركب عربيته و وراه حراسة و راح ل شركته...
نبض(بالتركية): محمد روح للمرضي بتوعك.
محمد(بالتركية): طيب.
نبض(بالتركية): فتون تعالي معايا.
فتون(بالتركية): حاضر.
نبض و فتون راحوا يشتغل و استمروا في يومهم...
-في مكان تاني.
في مصر. الصعيد.
ملك(بفرحة): يا اما اما(امي)رعد جه.
زهرة ضربتها علي رأسها و شدتها ل جوا الاوضة.
زهرة: اتجلي(اتقلي)يا بت. عايزاه يجول(يقول)واقعة و لا ايه؟!
ملك: بحبه جوي جوي(اوي)يا خيتي(اختي).
زهرة: و لو اتجلي(اتقلي).
ملك: حاضر يا خيتي(اختي).
زهرة: يلا انزلي.
ملك: يلا بينا.
ملك و زهرة نزلوا ل تحت...
هدي: نورت بيتك يا رعد يا ابني.
رعد: جهزوا الاكل.
رعد سابهم و طلع علي اوضته غير هدومه و نزل تاني.
ادهم(بفرحة): رعد.
ادهم جري نط علي رعد و رعد مسكه بسرعة.
رعد: مش قولتلك قبل كدة بلاش طاقتك الزيادة دي.
ادهم: اسف من فرحتي و الله.
رعد: اتعلم تبقي راجل و مسئول.
ادم: الكبير اخيرا جه.
ادم راح ل رعد و سلم عليه و حضنه.
ادم: اخبارك؟!
رعد: تمام.
زهرة: نورت يا وِلد(ابن)عمي.
رعد: خلاص مش عايز كلام.
رعد سابهم و كان هيخرج قابل جده و ابوه و عمه.
بلال: حمدلله بالسلامة يا رعد.
رعد بصلهم ببرود و خرج بره القصر.
عادل(بغضب): ولدك(ابنك) مش متربي يا عمر.
عمر: معلش يا ابوي(بابا) انت عارف رعد زين(كويس).
عادل(بغضب): طيب.
بلال: معلش يا ابوي انت عارف رعد.
عمر بص ل بلال و سابهم و مشي...
ادهم: هو ماله اخوك؟!
ادم: الطبيعي انت مجنون.
ادهم: اوف.
ادم: تعالي معايا نروح ليه.
ادهم: طيب.
ادم و ادهم كانوا رايحين ورا رعد.
عند رعد.
رعد كان بيتمشي بين الاراضي الزراعية طلع علبة السجاير من جيبه و بدأ يشرب واحدة.
مسعد: اخيرا شوفناك يا راجل؟!
رعد(ببرود): عايز ايه يا مسعد؟!
مسعد: برحب بيك يا ابو نسب.
رعد: طيب.
مسعد: و شغلك اخباره ايه؟!
رعد خد نفس من السيجارة بتاعته و مسك مسعد من جلبيته و زقه علي الشجرة اللي موجودة.
رعد: بص يا مسعد انا مش بطقيك و لا بطيق ابص في وشك حتى، فابعد من وشي احسن و ربي اعلقك في الشجرة دي و ساعتها محدش في البلد كلها هيقدر ينزلك الا بامر مني، اتقي شري يا مسعد و خد بعضك و غور في داهية.
رعد ساب مسعد و مسعد بصله بغضب و مشي.
ادم: ايه يا عم مالك؟!
رعد: مفيش.
ادهم: يا ابني السجاير غلط.
رعد: عيل لسة 17 سنة و بيتكلم.
ادهم: و النبي؟!
رعد بصله من تحت ل فوق و ادم كان بيضحك علي منظر ادهم.
ادم: من اعمالكم سُلط عليكم.
ادهم: طيب يا ادم اصبر عليا...
ادم(بعصبية): بتقول ايه؟!
ادهم(بضيق): ايه بقي انتوا الاتنين عليا انا راجل زيي زيكوا.
رعد(ببرود): هو انت لو مكنتش راجل كان زمانك من عائلة السيوفي.
ادم: خلاص يلا علشان الاكل...
رعد: يلا.
التلاتة راحوا و لقي الاكل مفروش علي السفرة و قعدوا يأكلوا.
ملك(بحماس): عجبتك الملوخية يا رعد انا اللي عاملاه.
ورد ضربت ملك في جمبها و قرصتها.
ملك: احم بعرف رأيه بس.
عادل: بليل في اجتماع مع عائلة الشرقاوي.
كل الرجالة ما عدا رعد: تمام.
عادل: سمعتني يا رعد؟!
رعد(ببرود): شوفوا هتتفقوا علي ايه و ابقوا قولوا ليا.
عادل(بحدة): لا هتيجي معايا و كلمتي هتمشي.
رعد قام و قرب من عادل و سند علي الترابيزة.
رعد(ببرود): ابقي اجبرني لو تقدر.
-رعد سابهم كلهم و طلع علي اوضته نام شوية...
عادل(بغضب): عمر تشوف حل مع ولدك(ابنك) احسنلك.
عمر: يا ابوي(بابا).
عادل(بغضب): اخرس مش عايز اسمع حسك(صوتك)...
عادل سابهم و طلع السطوح هدي طلعت وراه.
هدي: يا حاج.
عادل: خير؟!
هدي: متقساش علي رعد علشان خاطري.
عادل(بغضب): انتي واقفة في صفه يا مَرة(امراة).
هدي: مجدرش(مقدرش) يا حاج.
عادل(بغضب): امشي من وشي يا ولية(ست).
هدي سابت عادل و نزلت ل تحت.
بلال: اظبط ولدك(ابنك)يا عمر.
عمر: متخافش يا خوي(اخويا)ابني مظبوط ده طبعه.
بلال: طبع ماسخ(وحش).
عمر: حتى و لو اسمه راجل.
علا: يلا يا يوسف نطلع فوق يلا.
بلال بص ل يوسف بقرف. علا خدت يوسف و طلعته اوضته.
علا: عايز حاجة يا حبيبي؟!
يوسف شاور ليها بمعني لا.
علا: طيب يا عين امك.
-علا سابت يوسف و نزلت ل تحت، يوسف سند راسه علي السرير و بص للسقف و غصب عنه عيط حاول كتير يتكلم بس مقدرش.
تحت.
شربات(بوجع): سي بلال.
بلال: ايه يا شربات؟!
شربات: كنت عايزة اروح للحكيمة(الدكتورة) اصلي موجوعة جوي جوي(اوي).
بلال: ابقي خدي ورد او علا يا شربات و روحي.
بلال سابهم و خرج بره البيت.
ورد: يلا يا ملك انتي و زهرة علي المطبخ.
زهرة و ملك: حاضر يا اما(امي).
شربات: تيجي معايا للحكيمة(الدكتورة)يا ورد.
ورد: هشوف يا شربات.
ورد: قدامي يا صبايا(بنات)يلا...
عمر: شايفين اخوكم منك ليه؟!
ادهم: كله عارف طبع رعد يا بابا محدش يستغرب...
عمر: لا زاد فيها جوي(اوي).
ادم: دايما زايد فيها، و واجهه لو تقدر تلاقيه زي الاسد اللي لقي فريسته...
ادهم: عن اذنك يا بابا.
ادهم ساب عمر و ادم و مشي راح لاوضته.
عمر: الاجيها(الاقيها)منك و لا من البومة اخوك و لا اخوك الكبير.
ادم: بابا رعد مش هيتغير مهما حصل، و انا بشتغل معاك في المصنع و ادهم بيحدد مستقبله.
عمر: طيب يا ادم لما نشوف اخرتها مع اخوك.
عدي اليوم بدون ذكر احدات تُذكر...
-في مكان تاني...
في تركيا. في المستشفي.
سلطان(بالتركية): دكتورة نبض.
نبض(بالتركية): اتفضل.
سلطان(بالتركية): هتمشي؟!
نبض(بالتركية): ايوه. في حاجة؟!
سلطان(بالتركية): كنت عايزك في حالة مريض عندي.
نبض(بالتركية): انا واثقة فيك اكيد هتحل الموضوع، يلا عن اذنك.
سلطان(بالتركية): لحظة. احم بس يعني مش هأخرك كتير.
نبض(بالتركية): قدامي يا دكتور سلطان.
نبض و سلطان راحوا لاوضة سلطان و قعدوا.
سلطان(بالتركية): ملف المريضة.
نبض بدأت تشوف الملف الخاص بالمريضة.
نبض(بالتركية): الحالة واضحة جدا...
سلطان(بالتركية): حبيت استفاد منك برضو ممكن تشوفي حاجة انا مش شايفها.
نبض(بالتركية): اللي انا شايفاه انه ورم مؤثر علي العصب. اثناء العملية ممكن يُصاب المريض بالعمي.
سلطان(بالتركية): ده اللي انا عايزاك فيه خايف اخاطر لوحدي.
سلطان حط ايده علي ايد نبض و مسكها.
سلطان(بالتركية): محتاجك جمبي يا نبض.
نبض شالت ايديها و قامت وقفت.
نبض(بالتركية): تمام دكتور سلطان هوديك قراري بكرة، عن اذنك.
نبض سابت سلطان و لقت ميران في وشها.
نبض(بالتركية): شكلي حظي زفت.
ميران(بالتركية): دايما يا بيبي.
نبض(بالتركية): بيبي!
نبض(بالتركية): لا يا روحي انتي مش بتكلمي طفلة عندها سنتين. اتعدلي و انتي بتتكلمي معايا.
ميران(بالتركية): اعتقد وصف بيبي لايق عليكي اكتر مع عنادك المشهور يا دكتورة نبض.
ميران دخلت ل سلطان، نبض بصت مكان ما هي دخلت.
نبض(بالتركية و تريقة): بيبي! اكبر مصيبة في حياتي.
فتون(بالتركية): نبض بتكلمي نفسك؟!
نبض(بالتركية): طبيعي هكلم نفسي انا في مستشفي مجانين.
نبض سابت فتون و مدت فتون جريت وراها.
فتون(بالتركية): ميران تاني؟!
نبض(بالتركية): في غيرها هنا؟!
فتون(بالتركية): هتمشي؟!
نبض(بالتركية): خير انتي كمان عايزة ايه؟!
فتون(بالتركية): محمد حاجز تلت تذاكر للسهرة.
نبض(بالتركية): روحوا انتوا، باي.
نبض(بالتركية): قولي ل محمد قبل ما يمشي يطمن علي ثريا...
فتون(بالتركية): حاضر.
محمد(بالتركية): لا انا اطمنت و اخيرا خدت حريتي.
محمد(بالتركية): مش يلا؟!
نبض(بالتركية): لا لازم اروح بدري علشان بابا لوحده. يلا باي.
نبض سابتهم و ركبت عربيتها و ساقت و لقت اتنين موقفينها في نص الطريق.
نبض(بالتركية): ايه اللي بيحصل هنا؟!
شخص1(بالتركية): انزلي من العربية.
نبض فتحت باب العربية و نزلت منه و قفلت الباب. الشخص كان هيفتح الباب نبض مسكت ايده.
نبض(بالتركية): بتعمل ايه؟!
شخص1(بالتركية): النساء كلهم اغبياء، انتي دلوقتي بتتسرقي.
نبض(بالتركية): اه شكرا علي المعلومة...
-نبض مسكت دراع الشخص الاول و كسرته و التاني كان لسة بيرفع ايده يضربها ضربته مكان قلبه بقوة الراجل وقع في الارض و التاني بيتلوي بسبب دراعه المكسور.
نبض(بالتركية): اذا كانوا النساء اغبياء. فانتم اغبي.
نبض ركبت عربيتها و ساقت ناحية البيت بس طلعت تليفونها و اتصلت بالاسعاف.
نبض(بالتركية): حادثة علي طريق()كسر في اليد اليمني و اغماء بسبب تعرض القلب لضربة قوية.
نبض قفلت التليفون و رمته علي الكنبة جمبها و بعد فترة وصلت للقصر لقت جلال لسة بينزل من عربيته...
جلال: نبض رجعتي؟!
نبض(بالتركية): اه، حمدلله بالسلامة.
جلال(بالتركية): يا بنتي اتكلمي عربي بقي.
نبض(بالتركية): بابا يلا ندخل.
جلال حاوط خصر نبض و نبض حضنته و دخلوا القصر...
نبض(بالتركية): هطلع اغير هدومي و انزل اعمل عشاء.
جلال(بالتركية): منتظر.
نبض باست خد جلال و كانت طالعة علي السلالم.
نبض(بالتركية): يلا اطلع غير هدومك.
نبض دخلت اوضتها غسلت وشها و عقمت نفسها و خرجت تغير هدومها...
نبض لبست شورت باللون ابيض و بينك و بيبي بلو و تي شيرت بنص كم بس الحمالة مايلة علي الكتف و بنفس الالوان الشورت و قصير مبين بطنها. رفعت شعرها علي شكل كحكة لطيفة.
نبض نزلت ل تحت و دخلت المطبخ.
جلال(بالتركية): محتارة؟!
نبض(بالتركية): لا هعمل اكلة رهيبة.
جلال(بالتركية): يا خوفي منك.
نبض(بالتركية بغمزة): متقلقش يا جلال.
نبض بدأت تعمل الاكل و هي مش عارفة هي بتعمل ايه اساسا.
-بعد فترة.
نبض(بالتركية): الاكل.
جلال جه و قعد علي السفرة و نبض قعدت جمبه.
نبض(بالتركية): دوق و قولي.
جلال بدأ يأكل من الاكل و نبض بصاله بحماس.
جلال(بالتركية): حلو اوي يا روحي.
نبض(بفرحة بالتركية): الله، ماما كانت بتعملها انا فاكراها من ساعتها.
نبض بدأت تأكل و تفت اللي هي كلته.
نبض(بالتركية): هو ده اللي حلو؟!
جلال(بالتركية): معلش يا روحي. تيجي نطلب بيتزا؟!
نبض(بالتركية): اطلب يا عم يلا اصرف ما في جيبك.
جلال(بالتركية): جيبي فاضي.
نبض(بالتركية): يا راجل!
جلال طلب بيتزا و بعد فترة البيترا جت و بدأ هو و نبض يأكلوا...
جلال(بالتركية): تيجي نقعد بره شوية؟!
نبض(بالتركية): تعالي نام جمبي شوية.
جلال(بالتركية): طيب يا روحي...
جلال و نبض طلعوا اوضة نبض و نبض جريت علي السرير و جلال وراها و خدها في حضنه.
جلال(بالتركية): يلا نامي.
نبض(بالتركية): بابا.
جلال(بالتركية): ايه؟!
نبض(بالتركية): هو انا فعلا اشبه ماما؟!
جلال(بالتركية): ايوه يا روحي، بس ليه بتسألي؟!
نبض(بالتركية): احكيلي بشبهها في ايه؟!
جلال(بالتركية): طيب يا روحي. لون عيونك الجميل ده هو هو نفس عيون حياة.
نبض(بالتركية و مغمضة عينيها): و ايه كمان؟! دي عارفاها.
جلال(بالتركية): لسانها الطويل زيك.
جلال(بالتركية): جمالك. مرحك حبك للحياة. كانت قوية الشخصية مش بتخاف من حد غير اللي خلقها...
جلال(بالتركية): كانت انسانة رائعة بمعني الكلمة، كل يوم بصحي علي وشك بفتكرها بفتكر ضحكتها بحسها حواليا و جمبي.
نبض(بالتركية): و حبتك صح؟!
جلال(بالتركية): حياة بسبب حبها ليا خسرت ناس كتير هي بتحبهم، و كمان هي كانت كسولية زيك، و كانت متهورة و عبيطة بصي انتي نسخة تانية من حياة يا نبض.
نبض(بالتركية): عارف مع ان اسمي غريب بس مبسوطة منه لان ماما هي اللي مسمياني.
نبض دفنت نفسها في حضن جلال.
نبض(بالتركية): تصبح علي خير يا احلي اب.
جلال(بالتركية): و انتي من اهله...
-نبض غمضت عينيها و بدأت تنام جلال بعد ما اطمن عليها قام و راح اوضته جاب صندوق من دولابه و فتحه مسك اول حاجه في الصندوق و كانت صورته و صورة مامت نبض اللي هي حياة و هي شايلة نبض و فرحانة.
جلال: وحشتيني يا حبيبتي.
جلال باس الصورة و نام علي السرير...
-في الصباح الباكر...
عند نبض.
نبض بدأت تفوق من نومها فركت عينيها و قامت قعدت علي السرير بكسل...
تليفونها رن، الخط اتفتح.
نبض(بالتركية): الو يا جول.
جول(بالتركية): دكتورة نبض اسفة لو ازعجتك بس.
نبض(بالتركية): بس؟!
جول(بالتركية): الاسعاف مزدحم و محتاجينك.
نبض(بالتركية): طيب هقوم البس و اجي، باي.
نبض قامت و دخلت غسلت وشها و خرجت تغير هدومها...
نبض لبست بنطلون اسود و تي شيرت ابيض بكم قصير لغاية الخصر و لبست فوقه جاكت كحلي و سيبت شعرها علي ضهرها. و لبست صندل بكعب اللون الاسود.
نبض خرجت و نزلت لقت جلال كان هيمشي...
نبض(بالتركية): استني.
جلال(بالتركية): ايه يا حبيبتي قولي مستعجل...
نبض(بالتركية): متنساش نفسك و كُل كويس.
جلال(بالتركية): طبعا طبعا.
نبض(بالتركية): عارفة اني فاشلة في الاكل بس و الله بحاول اتعلم اهو.
جلال(بالتركية): اعملي فيا معروف و اتكلمي باللغة العربية.
نبض قربت من جلال و باست خده.
نبض(بغمزة): والعة يا عم.
- نبض كانت طريقتها في نطق اللغة العربية مميزة.
نبض راحت ركبت عربيتها و كانت هتمشي شاورت ل والدها المصدوم و غمزتله.
جلال(بصدمة): يوم ما تتكلمي تقولي والعة يالهوي عليك يا جلال...
-جلال ابتسم لما افتكر طريقة حياة في كلامها كانت في البداية كدة بس لما اتجوزت جلال بقت تتكلم عربي كويس اوي.
نبض راحت المستشفي لقتها مليانة مرضي.
نبض(بالتركية): ايه يا محمد ده كله؟!
محمد(بالتركية): هيكون ايه حالات؟!
نبض(بالتركية): جيبوا جوانتي هنا...
نبض(بالتركية): حد يأخد الجاكت ده و جيبوا البالطو.
نبض لبست البالطو و لبست جوانتي و بدأت تشتغل مع باقي الدكاترة...
فتون(بالتركية): جول هاتي ().
جول(بالتركية): حاضر يا دكتورة...
محمد(بالتركية): دكتورة ميران تعالي. امسكي ده كدة.
ميران(بالتركية): ده عنده جرح في بطنه...
محمد(بالتركية): جرح رأسه اهم.
نبض(بالتركية): فتون سيبي اللي في ايدك و تعالي هنا.
فتون(بالتركية): ها لحظة.
نبض(بالتركية): خلاص خليكي.
نبض(بالتركية): ازاد تعالي هنا...
ازاد(ممرض,بالتركية): نعم يا دكتورة.
نبض(بالتركية): امسك ده من هنا...
ازاد(بالتركية): كدة؟!
نبض(بالتركية): بالظبط.
و كل واحد كان مشغول في المريض اللي قدامه...
سلطان(بالتركية): نبض تعالي في حاجة مهمة.
نبض(بالتركية): دكتور سلطان لو موضوع يقدر يستني ل بعد ما اخلص اللي في ايدي فاصبر.
سلطان(بالتركية): لا.
نبض بصت ل سلطان بغضب و قلعت الجوانتي و رمته بغضب في السلة.
نبض(بالتركية): اضغط يا ازاد هنا.
ازاد(بالتركية)حاضر يا دكتورة.
نبض خرجت بره اوضة الاسعاف مع سلطان.
نبض(بحدة بالتركية): خير لو سمحت اتفضل اتكلم ورايا مرضي مستنيني.
سلطان(بالتركية): خدي اقرأي.
نبض شدت اللي في ايد سلطان و فتحته. نبض مسكت سلطان من قميصه بغضب.
نبض(بغضب بالتركية): انت مناديني علشان التفاهة دي، اكتر حاجة بتعصبني انك جايبني من شغلي للحاجات التافهة اللي شبهك...
نبض(بغضب بالتركية): وشك لو شوفته قدامي لمدة يومين يا سلطان قسما بربي لاكون مظبطاك.
نبض زقت سلطان بغضب علي الكرسي.
سلطان(بالتركية): انتي مش طايقاها و انا قولت نرفضها و كمان قولت ل جلال بيه بعتله خبر.
نبض(بغضب بالتركية): باابا مستحيل يوافق علي القرف ده و لو هو وافق فانا مش موافقة...
سلطان(بالتركية): مش انتي بتكرهيها؟! اكيد هتكوني عايزة تخلصي منها حتى لو بموتها.
نبض ضربت سلطان بوكس في وشه بكل غضب.
نبض(بغضب بالتركية): وشك مش عايزة اشوفه.
محمد(بالتركية): في ايه يا نبض اهدي، حصل ايه يا سلطان؟!
محمد مسك الورقة اللي في ايد نبض لقاها ورقة رفض ميران من المستشفي...
نبض(بغضب بالتركية): مش فاضية لمواضيع تافهة زي دي.
نبض دخلت و بدأت تكمل شغلها.
محمد(بالتركية): الوصول ل نبض مش سهل ابدا انسي يا سلطان.
سلطان خد اجازة و مشي ل بيته. محمد راح كمل شغله هو كمان...
الكل لاحظ تغير نبض و اسلوبها البارد مع الكل.
-في مكان تاني...
في الصعيد.
رعد كان قاعد علي السطح و بيشرب سجاير...
عمر: رعد.
رعد: اتفضل.
عمر: لحد ميتة(امتي)يا ولدي(ابني).
رعد: لحد ما توصلوا جثتي للقبر.
عمر: بعد الشر عليك يا ولدي(ابني).
عمر: براحتك يا ولدي(ابني). انا اتقبلك كيف ما انت(متقبلك زي ما انت).
رعد ساب عمر و رجع لاوضته اتصل ب مهند...
الخط اتفتح.
رعد: وصلت؟!
مهند: لا و معايا فاطمة و زياد اهو و هنوصل كمان شوية.
رعد: طيب كلمني لما توصل.
مهند: طيب يا صاحبي. عايز حاجة؟!
رعد: لا تسلم.
مهند: بق...
رعد: كمل يا مهند. مهند.
رعد(بصوت عالي): مهند رد عليا.
فاطمة(بصريخ): مهند!