رواية قسوة الرعد للكاتبة سلسبيل كوبك الفصل التاسع
-نبض لسة بتقرب من المريض حصل ضرب نار و الكل سمع صوت طلقة في المكان...
نبض فتحت عينيها علي اخرهم لما لقت شخص كان رافع عليها السلاح وقع قدامها علي الارض و بينزل دم.
نبض رفعت رأسها لقت رعد ماسك في ايده مسدسه و هو اللي ضرب النار.
-اول ما الكل شاف رعد نوعا ما خافوا، نبض كانت مصدومة لسة و بتبص علي اللي واقع في الارض و بتبص علي اللي قدامها.
رعد(بغضب): و لا عاش و لا كان اللي يرفع سلاحه علي حرم رعد السيوفي.
رعد وقف جمب نبض و الكل بصوا ل نبض بصدمة.
راجل(بخوف): اسفين يا رعد بيه مكناش نعرف انها حرمك(مراتك).
رعد: مستنين ايه يلا غوروا بره.
راجل2: بس.
رعد: ده بس لمجرد انه رفع سلاحه علي مراتي و كان هيقتلها.
رعد: انت و هو يلا تعالوا شيلوه و ارموه في اي داهية.
شالوا اللي رعد قتله و عائلته جريت وراه.
راجل3: ارجوكي يا بتي(بنتي) انقذي ولدي(ابني).
رعد: نبض.
نبض حست بدوخة و عدم اتزان و كانت هتقع بس رعد لحقها، نبض كانت بين الوعي و اللاوعي.
نبض(بتوهان): اا ننت تت ققا تت تلل(انت قاتل).
نبض غمضت عينيها و رجعت رأسها ل ورا. رعد شالها بين ايديه.
رعد: فين اوضتها؟!
اعتماد(بخوف): اهني(هنا)يا رعد بيه.
-رعد راح لاوضة نبض و حطها علي الكنبة. و راح فتح شنطتها لقي فيها برفيوم رش علي ايده و قرب ايده من انف نبض.
رعد: فوقي يلا...
نبض بدأت تحرك رأسها يمين و شمال و فتحت عينيها ببطء.
نبض(بوجع): آآه. ايه اللي حصل ل رأسي؟!
نبض بصت يمينها لقت رعد قاعد قدامها.
رعد: قومي.
نبض(بخضة): رعد!
نبض قامت اتعدلت بسرعة و حست بوجع شديد.
نبض(بعصبية): انت ازاي ترفع سلاحك و تقتله انت اتجننت هي سايبة.
رعد(ببرود): اه سايبة.
نبض(بعصبية): انت بارد بارد بارد.
رعد(ببرود): مفيش داعي تقوليها تلت مرات.
نبض(بغضب): انت عارف انت عملت ايه انت قتلت واحد بدون ذنب.
رعد(ببرود): و انتي مكنش لازم تعملي دور الشجاعة و هنقذه و مش هنقذه...
نبض(بغضب): شوف انا بتكلم في ايه و انت بتتكلم في ايه.
نبض(بغضب): حيوان.
نبض كانت هتمشي بس رعد مسكها من شعرها و قربها منه...
رعد: لسانك يا حلوة تحافظي عليه احسنلك.
نبض(بغضب): ابعد ايدك عني، اهو ده اللي انت فالح فيه تمد ايدك و بس.
نبض(بغضب): لو دي الرجولة بالنسبة ليك فاحب اقولك انك مش.
نبض غمضت عينيها بسرعة.
نبض(لنفسها): اهدي يا نبض اهدي، مينفعش تقوليها مهما كان جوزك.
نبض(بغضب): شيل ايدك.
الباب خبط.
رعد: ادخل.
رعد شال ايده و حط ايده في جيبه ببرود.
اعتماد: دكتورة نبض دخلنا المريض اوضة العمليات بس فجأة الضغط وطي و النبض بيقل.
نبض جريت مع اعتماد و دخلت لاوضة العمليات. لبست جوانتي و كمامة بسرعة و بدأت تتدخل...
نبض: عايزة وحدتين دم.
سعاد(ممرضة): حاضر.
رعد كان بيبص علي نبض من خلال شباك اوضة العمليات...
Flash back.
رعد كان راكب عربيته و وصل للقصر و كان لسة هيدخل لقي نبض و الممرضة بيجروا.
رعد استغرب جدا و بعدها سأل واحد من الحراس.
رعد: ايه اللي جاب الممرضة دي هنا؟!
حارس: اصل يا بيه نبض هانم بجت(بقت)بتشتغل في المستشفي و ربنا يكرمها غيرتها خالص و خلت كل الناس تشتغل فيها لغاية ما خلتها جميلة جوي جوي(اوي اوي).
رعد(لنفسها): وقعتك سوداء يا نبض.
رعد ركب عربيته و راح علي المستشفي استغرب من تغيرها بالشكل ده و النظام اللي موجود فيها.
رعد: انا غبت هما تلت ايام.
رعد دخل المستشفي و سأل علي نبض.
رعد: انتي.
ممرضة: نعم يا رعد بيه.
رعد: في هنا دكتورة اسمها نبض هي فين؟!
ممرضة: حضرتك بتشتكي من ايه؟!
رعد(بغضب): سألتك سؤال انطقي.
ممرضة(بخوف): بتتخانق فوج(فوق).
رعد طلع لفوق بالفعل لقي نبض و هي بتتخانق.
Back.
نبض: الحمدلله هو بخير.
راجل: ربنا يخليكي يا حضرة الحكيمة.
نبض: اعتماد اتكلمي معاهم في اللي انا قولتهولك.
نبض لقت رعد واقف و حاطط ايده في جيبه بصتله و سابته و مشيت.
رعد بصلها بغضب و راح وراها مسك دراعها بغضب و سندها علي الحيطة.
رعد(بغضب): هو محدش علمك تتصرفي مع جوزك ازاي؟!
نبض(بتريقة): هو فين جوزي ده؟!
نبض: اووووه نسيت جوزي اللي سابني ليلة فرحي.
رعد: قصدك انك زعلانة اني سيبتك ليلة الفرح؟!
نبض: مش بزعل من ناس ملهاش قيمة عندي.
رعد قرب وشه من نبض اوي.
رعد: نعيد اليوم تاني معنديش مانع.
نبض: حد قالك انك سافل.
رعد دخل نبض اوضة مكتبها و قفل الباب بالمفتاح.
رعد ضرب نبض قلم علي وشها. نبض حطت ايديها علي خدها بوجع.
رعد(ببرود): دي حاجة بسيطة علشان تعلمك بعد كدة متكسريش كلام جوزك.
رعد(ببرود): خروج من البيت بعد كدة مفيش...
رعد مسك شنطة نبض و رماها في وشها نبض مسكتها. رعد مسك دراع نبض و شدها وراه لغاية ما خرج من المستشفي.
رعد: اركبي.
رعد(بزعيق): اركبي.
نبض رفعت عينيها في عيونه و ركبت العربية. رعد لف و ركب و بدأ يسوق ناحية القصر.
بعد فترة.
رعد(بصوت عالي): مش هقعد كل شوية اقولك انزلي و اركبي...
نبض فتحت الباب و دخلت القصر و رعد وراها.
هدي: ايه اللي صابك يا بتي(ايه اللي حصل يا بنتي).
رعد ظهر من ورا ضهر نبض و قرب منهم.
رعد(بغضب): مين سمح ليها تخرج بره البيت ده؟!
عمر: انت يا ولدي(ابني).
رعد(بغضب): مين اللي قال الكلام ده؟! انا مسمحتش انها تخرج بره القصر.
جلال: اهدي يا رعد و اتكلم حصل ايه؟!
نبض(بصوت عالي): ايوه انا كدبت و قولتلهم انك عارف.
الكل بص ل نبض بصدمة.
نبض(بصوت عالي): كله لا، انا مش اجتهدت و ذاكرت و سهرت ليالي و درست طب و بقي ليا مركز و اسم في تركيا و اجي هنا تقولي مفيش خروج بره الباب ده...
نبض(بصوت عالي): شغلك بالنسبة ليك مهم اوي و ده باين اوي ما انت سبتني ليلة الفرح. زي ما شغلك مهم بالنسبة ليك شغلي اهم منك شخصيا.
جلال(بغضب): نبض.
جلال ضرب نبض قلم علي وشها...
جلال(بغضب): شكل دلعي ليكي الكتير خلاكي متميزيش انتي بتكلمي مين و بتكلميه ازاي.
رعد وقف بين نبض و جلال...
رعد(بحدة): عمي مقبلش ان حد يمد ايده علي مراتي مهما كان مين.
رعد مسك ايد نبض و طلع بيها لاوضتهم و قفل الباب.
رعد(بحدة): عجبك اللي حصل ده؟!
نبض(بدموع و عصبية): انا معملتش حاجة ل ده كله.
رعد(بحدة): لسة بتعاندي.
نبض(بدموع و عصبية): طلقني و ان.
نبض(بوجع): آآه.
رعد مسك نبض من دقنها بغضب و زقها علي الحيطة.
رعد(بغضب): انا مستحملك و مستحمل تصرفاتك دي بالعافية. قسما بربي اسمع كلمة طلاق دي تاني و هقتلك في ايدي. و لو محترمتيش نفسك و سمعتي الكلام ساعتها هخرسك بطريقتي انا.
نبض(بدموع و وجع): انا معملتش حاجة غلط كل اللي كنت عايزاه اني اشتغل و اشغل نفسي بعيد عن القرف اللي انا عايشة في ده.
رعد: انتي لسة مشوفتيش قرف انتي لسة في البداية و احسنلك تسمعي الكلام.
الباب خبط.
رعد زق نبض و راح فتح الباب.
ثريا: معلش يا ابني ممكن ادخل ل نبض.
رعد: خشي و يستحسن تعلميها ازاي تتعامل.
رعد سابهم و نزل ل تحت، ثريا اول ما دخلت نبض اترمت في حضنها و قعدت تعيط.
تحت.
عادل: ايه اللي حوصل(حصل)يا ولدي(ابني)؟!
رعد: مفيش حاجة...
هدي: يلا يا بنات علي المطبخ.
كل الستات راحت للمطبخ. ادهم دخل من باب القصر.
ادهم: حمدلله بالسلامة.
ادهم حضن رعد و قعد جمبه هو و ادم.
ادهم(بهمس): في ايه؟!
ادم(بهمس): اخرس و متتكلمش.
بلال: هطلع اشوف شربات.
عادل: اطلع.
بلال طلع و لقي شربات نايمة كان هيخرج تاني بس شربات مسكت ايده.
شربات: عايز حاجة يا بلال؟!
بلال: لا يا شربات كملي نوم.
شربات: طيب.
عند يوسف.
علا: عايز ايه يا حبيبي؟!
يوسف سألها عن نبض بس بالاشارة.
علا: رعد جه يا حبيبي و هي اكيد مع جوزها.
يوسف شاور ليها بمعني انه مضربهاش؟! .
علا: لا يا حبيبي ليه هيضرب مراته يعني.
علا: انت عامل ايه؟!
يوسف شاور ليها بمعني انه كويس.
علا: طيب يا حبيبي. همشي انا...
علا قامت و راحت المطبخ...
ملك(بضحك): بس خدت حتة جلم(قلم)و لا بتاع السيما(الافلام).
زهرة(بضحك): عندك حج(حق). كانت تستاهل جلم(قلم)كمان.
هدي(بحدة): ورد لمي بناتك.
ورد: اخرسي منك ليها.
زهرة: جولنا(قولنا)حاجة؟!
ملك: البت تستاهل شايفين رفعت صوتها علي زوجها كيف(البنت تستاهل شايفين رفعت صوتها علي جوزها ازاي؟! ).
ملك: لا و رفعت عينيها في عينه و لا كان هاممها حد.
زهرة: بت جليلة الرباية(بنت قليلة الادب).
علا: ميصحش اكدي(كدة) يا بنات.
هدي: لو جبتوا سيرتها تاني انا اللي هزعلكوا.
هدي سابتهم و طلعت علي اوضتها لقت عادل قاعد علي كرسي في الاوضة.
هدي: عايز حاجة يا حاج؟!
عادل: لا سلامتك يا حاجة.
هدي: تحب تتغدي دلوجت(دلوقتي)؟!
عادل: كمان شوية.
هدي: حاضر يا حاج. كنت عايزة اتحدد(اتكلم) معاك في موضوع.
عادل: تعالي يا هدي.
هدي قعدت قدام عادل علي السرير.
هدي: نبض يا حاج.
عادل(بضيق): جليلة الرباية(قليلة التربية).
هدي: متجساش(متقساش) عليها يا حاج.
عادل(بضيق): هي تستاهل اكتر من اكدي(كدة).
عادل(بضيق): تحمد ربها ان ابوها هو اللي اتصرف معها(معاها). و لو كنت انا كنت جتلتها(قتلتها).
هدي: ي.
عادل(بحدة): خلص الكلام يا هدي.
هدي: حاضر يا حاج.
-في مكان تاني...
عند مهند.
فاطمة: بس صاحبك طول عمره قاسي كدة يا مهند؟!
مهند: يا بنتي ده اتولد و القسوة جواه.
فاطمة: ليه بس؟!
مهند راح قعد جمب فاطمة و حاوطها بايده.
مهند: قوليلي الاول زياد نايم؟!
فاطمة: مهند كل ما اكلمك في موضوع صاحبك ده تتهرب.
مهند: يا قمر انتي. انتي جميلة ليه النهاردة؟!
فاطمة(بشهقة): قصدك اني مش جميلة علطول؟!
مهند: لا طبعا انتي قمر علطول بس.
فاطمة(بضيق): هي فيها بس؟! طب وسع بقي وسع كدة.
مهند: يالهووووي يا بت ده رعد مودينا هما يومين بس اجازة سيبيني استغلهم.
فاطمة: لا انت شكلك شايفلك شوفة تاني.
مهند: يا بت اسمعيني الحق اشوف بنت تانية فين؟!
فاطمة: مليش دعوة ابعد عني.
مهند: يا رب. ربنا يهديكي يا فاطمة.
فاطمة: قصدك ايه؟!
مهند: انا داخل انام يا بت وسعي كدة.
مهند قام و فاطمة ابتسمت.
مهند: قفشتك. بتضحكي عليا يا فاطمة؟!
فاطمة: بس بقي.
مهند: يا مكسوف انت.
مهند رجع قعد جمب فاطمة تانية و قرب منها.
زياد: ماما.
مهند: ايه اليوم اللي مش فايت ده...
فاطمة: ايه يا حبيبي عايز ايه؟!
زياد: جعان عايز اكل.
فاطمة: طيب يا حبيبي خليك جمب بابا هنا هقوم احضر العشاء.
مهند خد زياد علي رجله و فاطمة قامت للمطبخ.
مهند: امتي هتكبر كدة ياض؟!
زياد: لسة يا بابا سنة و ادخل المدرسة.
مهند: اممم و ناوي تطلع ايه يا عم زياد؟!
زياد: مهندس...
مهند: اشمعنا؟!
زياد: علشان ماما نفسها في كدة.
مهند: و انت عايز تبقي ايه؟!
زياد: اللي يبسط ماما.
مهند: و ابوك ده ملهوش لازمة؟!
زياد: ما انت مش بتقعد معايا زي ماما يا بابا.
مهند: معلش يا اخويا.
زياد: انا مش اخوك انا ابنك.
مهند: ايه ياض اللماضة دي؟!
زياد: بعضا من عندكم.
مهند: و الله؟!
زياد: بحبك اوي يا بابا...
مهند: و انا بموت فيكي يا روح قلب بابا.
زياد: بابا انا عايز اخت.
مهند: و انا و حياتك.
زياد: عايز اخت؟!
مهند: لا بنت.
مهند: ايه رأيك يا فاطمة؟!
فاطمة: اه ان شاء الله.
مهند: طبلي طبلي.
فاطمة: هو صاحبك ده مش هيتغير؟!
مهند: هيتغير هيتغير.
فاطمة(و هي بتحط الاكل): امتي؟!
مهند: لما يحب...
فاطمة: و هو ده بيعرف يحب؟!
مهند: و حياتك ما اعرف، بس دوام الحال من المحال.
فاطمة: طب يلا علشان نأكل.
مهند: يلا يا زياد.
زياد: يلا.
و التلاتة قعدوا علي السفرة و بدأوا يأكلوا و يتكلموا و يهزروا...
-في مكان تاني.
عند نبض.
نبض كانت نايمة بعمق و بدأت تتحرك في نومها.
نبض(بابتسامة): ماما.
-نبض فتحت عينيها ببطء و اكتشفت انها كانت بتحلم بدأت تتمطع و هي نايمة لغاية ما قامت قعدت علي السرير.
نبض فركت في عينيها و شالت شعرها من علي وشها لقت رعد قاعد علي الكنبة بيشتغل علي اللاب بتاعه.
نبض: انت بتعمل ايه هنا؟!
رعد لا رد.
نبض(لنفسها): يا غبية هيكون بيعمل ايه ما هي اوضته.
رعد(ببرود): كويس انك اعترفتي لنفسك انك غبية.
نبض: انت علطول بارد كدة، ده ايه الرزالة دي؟!
-نبض قامت من علي السرير و دخلت الحمام غسلت وشها كتير و كل ما تبص علي خدها تفتكر اهانة رعد و جلال ليها، بصت في المراية علي شكلها.
نبض قعدت تضرب المراية بايديها لغاية ما ايديها ورمت.
نبض خرجت و دخلت غيرت هدومها.
نبض لبست بنطلون اسود لغاية بعد الركبة فوقه تي شيرت قصير لغاية الخصر ب ¾ كم باللون الاسود و فيه قلوب حمراء. رفعت شعرها ديل حصان.
نبض خرجت و كانت هتفتح الباب.
رعد: مفيش خروج الكل نام.
نبض: و انا عايزة انزل لقدر...
رعد(بعدم فهم): قدر مين؟!
نبض: المهرة بتاعتي.
رعد: برضو مفيش خروج. و لو جعانة كلي اي حاجة من التلاجة دي.
نبض(بعصبية): و انا بقي عايزة انزل مش هفضل حبيسة عندك.
رعد(ببرود): و انا قولت مفيش نزول و لا شكلك متعلمتيش من الصبح.
نبض راحت قعدت علي السرير بغضب و وجع ايديها زاد و هي كانت بتكابر.
رعد: قومي اعملي ليا قهوة.
نبض(برفعة حاجب): اتشليت و انا معرفش.
رعد(ببرود): هتقومي و لا اجيلك اكسرلك رجلك.
نبض: احسن برضو علي الاقل مش هسمع كلمة قومي اعملي كذا...
نبض: الا قولي انت هتغور امتي؟!
رعد(بسخرية): علشان تكدبي تاني.
نبض: لا علشان انزل المستشفي. انا تعبت فيها اليومين دول و مش هسيب تعبي يروح كدة.
رعد: تنكري انك كدبتي؟!
نبض: يا ابني هو انا متهمة قدامك.
رعد: قومي اعملي قهوة انجزي.
نبض: لا.
رعد رفع عينيه ل نبض و نبض بصتله بتحدي.
نبض: اشفقت عليك.
نبض قامت و عملت كوبايتين قهوة و كانت شايلة بتاعت رعد و لسة هتحطها وقعت منها و ايديها وجعتها اوي.
رعد بص ليها بغضب و بعدها بص علي ايديها قام و قرب منها.
رعد(بعصبية): انتي غبية؟!
نبض: انت اللي غبي و مش بتفهم، مش شايفني موجوعة و انت بتزعق.
رعد: و يا تري يا جناب الدكتورة عارفة المفروض يحصل ايه؟!
نبض: ايوه حاولت معرفتش.
رعد مسك ايد نبض و رجع العظمة اللي طلعت من مكانها.
نبض(بصريخ): يا حيوان.
رعد: وجع دقيقة احسن من وجع ايام.
نبض: فيلسوف انت.
رعد ساب نبض و خد كوبايتها و خرج البلكونة بدأ يشرب فنجان قهوته...
نبض قعدت تعمل مساچ لايديها.
نبض(بصوت عالي نسبيا): مع انك متستحقش بس شكرا...
نبض طلعت تليفونها و بدأت تتفحصه و رعد بعد فترة دخل.
رعد: مش هتنضفي اللي في الارض؟!
نبض: اعمله انت دي اوضتك...
رعد(بغضب): انتي قاصدة تعصبيني؟!
نبض هزت رأسها بمعني اه بكل برود.
رعد قرب من نبض بغضب و مسك دراعها و شدها علشان تقف قدامه.
رعد(بغضب): ا...
نبض(بصريخ): عاااااااااااااااااااااا.