رواية قسوة الرعد للكاتبة سلسبيل كوبك الفصل التاسع والعشرون
نبض مسكت التليفون اللي طارق وداه ليها.
الخط اتفتح.
نبض(شبه نايمة): الو يا ميرفت.
ميرفت: دكتورة نبض.
نبض: ايه؟!
ميرفت: البقاء لله...
نبض(بخوف): مين؟!
ميرفت: جوزك.
نبض(بصدمة): ميرفت الكلام ده مفهوش هزار.
نبض و هي علي التليفون مع ميرفت سمعت صوت مهند.
مهند(بصوت عالي): قسما بربي اقتلك اقتلك فيها.
فتحي: ايه؟!
نبض(بدموع): رعد.
فتحي و نبض قاموا ركبوا موتسكل فتحي و راحوا للمستشفي.
نبض دخلت جري علي جوا و فتحي دخل مكتبها و قعد فيه.
نبض: ايه اللي حصل؟!
كان في الوقت ده الدكتور خرج من اوضة العمليات.
مهند: انجز في ايه؟!
نبض(بدموع): ياسر رعد فيه ايه؟!
ياسر(بحزن): حصله شلل نصفي و ده الحل اللي قدامنا لاما يموت و فعلا قلبه وقف اثناء العملية مرتين...
مهند(بقلق): طب طب هو يعني كويس؟!
ياسر: بالنسبة لشخصية رعد هيبقي الموضوع مأثر علي نفسيته اوي و هيكون عنده الموت اهون...
نبض(بدموع): ايه اللي حصل يا مهند؟!
عز(بعياط): انا السبب انا اللي محمتش ضهره.
خرجوا رعد علي نقالة و كانت ملامحه باهتة جدا.
نبض(بدموع): طب و ميرفت قالت ليه انه مات؟!
ياسر: لانه بالفعل قلبه وقف يا نبض و عدي 3 دقايق و لسة مكنش رجع ف دي اشارة ان النبض مش هيرجع...
نبض سابتهم و دخلت علي اوضة مكتبها و قفلت الباب...
فتحي: ايه الاخبار؟!
نبض وقعت في الارض و هي بتعيط و تصرخ.
نبض(بعياط): رعد رعد تعبان اوي و هيتعب اكتر لما يفوق و و...
فتحي: هشششش اهدي اهدي انتي هتقفي جمبه و هتساعديه، و هتخليه يرجع زي الاول تاني.
نبض(بعياط): مش هقدر مش هقدر اشوفه و هو بالضعف اللي هيبقي فيه...
فتحي: هتبقي انتي قوته يا نبض.
نبض(بعياط): لا مش هقدر انا عارفة مش هقدر انا انا خايفة اوي.
فتحي: طب اهدي انتي دلوقتي.
الباب خبط.
مهند: نبض افتحي عايز اتكلم معاكي.
نبض قامت وقفت و مسحت دموعها و لسة هتفتح الباب...
فتحي(بهمس): همشي انا هتصل بيكي. باي.
فتحي مشي من البلكونة اللي في اوضة نبض. نبض فتحت الباب.
نبض: اتفضل.
مهند(بحزن): انا جاي اطلب طلب يا نبض منك.
نبض: اتفضل.
مهند: رعد.
نبض: ماله؟!
مهند(بحزن): عارف انه اللي عمله فيكي مش قليل بس ممكن تقفي جمبه الفترة اللي جاية لانها هتبقي فترة صعبة جدا عليه، و رعد يعني.
نبض: فاهماك يا مهند. انا كنت بفكر في الموضوع ده مهما كان ده ابن عمي برضو...
نبض: اكيد.
مهند: شكرا ليكي يا نبض.
بعد فترة...
كان يعتبر كل اللي يعرف رعد في القاهرة موجود قدام اوضته مستنينه يفوق...
مهند: خلاص يا عز جمد قلبك هو بخير الحمدلله...
عز(بدموع): بس انا السبب برضو يا مهند.
نبض: هدخل اطمن عليه تقدروا تروحوا شكله مش هيفوق الليلة دي.
نبض دخلت اوضة رعد و ملست بايديها علي وشه. رعد كان في الوقت ده بيرجع لوعيه و فتح عيونه.
نبض(بابتسامة و دموع): حمدلله بالسلامة.
رعد(بتعب): ايه اللي حصل؟!
نبض: مفيش فترة و هتعدي.
رعد(بتعب): ضهري واجعني اوي...
نبض: ايوه لان الرصاصة جت في العمود الفقري.
رعد(بتعب): انا.
نبض: انت لازم ترتاح شوية كلهم واقفين بره قلقانين عليك...
رعد: هو انا ليه مش حاسس برجلي؟!
نبض: رعد.
رعد: نعم.
نبض: ايه رأيك لما تقوم من هنا نسافر؟!
رعد(باستغراب): مش فاهم...
رعد: و ايه التغير الجذري ده؟! و كمان ايه النظرة اللي في عينيكي دي؟!
رعد: حصل ايه يا نبض اتكلمي؟!
نبض: محصلش.
رعد: نبض رجلي ليه مش حاسس بيها و مش قادر احركها.
نبض عيطت و غمضت عينيها و رعد ساعتها فهم.
رعد(بغضب): كنتي تأخدي روحي يا نبض قبلها.
نبض لا رد.
رعد رمي كل حاجة جمبه علي الترابيزة بغضب.
نبض(بدموع): اهدي يا رعد.
رعد(بغضب): اهدي ايه مين الحمار اللي عملي العملية دي؟! كنتوا تأخدوا روحي قبلها يا نبض كانت روحي تطلع يا نبض.
نبض: بعد الشر عليك يا رعد. بس ده قدر ربنا ده قدر و ده ابتلاء من ربنا.
رعد(بغضب): علشان كدة بتبصيلي بشفقة صح.
رعد(بغضب): اطلعي بره.
رعد(بغضب و زعيق): اطلعي بره مش عايزك قدامي. بره.
مهند: في ايه بس يا رعد؟!
عز: اهدي يا رعد.
رعد(بغضب): اطلعوا بره كلكوا بره مش عايز حد.
رعد شال المحاليل اللي متعلقة في ايده بغضب و شال الغطاء من علي رجله و حاول يقوم بس مرة واحدة وقع في الارض.
نبض(بصوت عالي): طارق.
نبض: اهدي انت كمان بقي.
رعد(بغضب): ابعدي عني ابعدوا كلكوا عني.
طارق: ايه يا نبض؟!
نبض: جيب بسرعة نقالة.
مهند: يا رعد اهدي بس ده.
رعد(بغضب): انت ازاي توافق علي حاجة زي كدة؟! بره انت و هو و انتي كمان بره.
نبض: ساعدني يا طارق.
شالوا رعد حطوه علي النقالة و بعدها نقلوه علي السرير.
نبض: تمام تقدروا تروحوا انتوا.
نبض: رعد اهدي رعد.
رعد(بغضب): ابعدي عني ابعدوا.
رعد زق نبض بغضب بايده نبض وقعت في الارض.
عز: انتي كويسة؟!
نبض: ايوه.
الباب خبط.
اللواء دخل و مهند و عز وقفوا جمب بعض و نبض وقفت جمب رعد...
اللواء: رعد انا عارف ان اللي بتمر بيه صعب. بس لازم تستحمل.
اللواء: محدش يقدر يستغني عنك. حتى و.
رعد: حتى لو انا بقيت مشلول و بقيت ضعيف كدة. حتى لو انا هيبقي ليا مرافق يعملي كل اللي انا عايزه. حتى لو هبقي وحيد كدة. ايه مش هتستغنوا عني يوم يومين شهر سنة بالكتير و بعد كدة هترموني زي الكلب.
اللواء: يا رعد.
رعد(بغضب): مش عايز حد معايا يلا بره...
اللواء خرج علشان مقدر حالة رعد,سعد دخل بلهفة.
سعد: رعد الحمدلله اني شوفتك بخير. قلقوني عليك.
رعد لا رد.
سعد: ايه يا عم البطل تقلان علينا ليه؟!
سعد: اوبا! هي دي مراتك يا ابن المحظوظة.
مهند(بهمس): اخرس. انت متعرفش اللي حصل.
سعد: في ايه يا رعد؟! مالك؟!
نبض: رعد.
رعد(بغضب): مش عايز اسمع صوتك. اطلعوا بره يلا.
سعد: ايه اللي حصل ل ده كله؟!
عز: مش وقته يا سعد.
رعد(بصوت عالي): لا قول اني بقيت مشلول و مش هقدر امشي علي رجلي تاني...
سعد(بصدمة): بس ب.
نبض: استاذ سعد ممكن نطلع و نسيب المريض يرتاح لانه هيأخد حقنه مهدئة حاليا.
رعد(بغضب): انا مش مريض و مش هأخد حقنة مهدئة و اطلعي بره بقي...
نبض: شكلك عايزني اتعامل كطبيبة معاك و معنديش مانع خالص.
نبض(بصوت عالي): سارة طارق زياد ميرفت
الاربعة دخلوا و وقفوا جمب نبض.
نبض: كتفوا المريض معايا.
نبض: ميرفت جيبي حقنة()5سم.
نبض: انت اللي اضطرتني ل كدة.
كتفوا رعد و نبض ودت حقنة مهدئة ل رعد. رعد كان بيقاوم و بيشتم و يزعق في نبض.
نبض(بهمس): نتقابل في الخناقة التانية لما تفوق.
رعد اخر حاجة سمعها صوت نبض و بعد كدة غمض عينه راح في نوم عميق...
نبض: اتفضلوا نتكلم بره.
الكل خرج بره و الممرضين رجعوا مكانهم.
نبض: دلوقتي اللي عايزين نعمله نلعب علي العامل النفسي فقط غير كدة مش هيقدر يتحسن.
نبض: محدش يحسسه بالعجز خالص. هنعدي فترة و هنبدأ بالعلاج الطبيعي و ان شاء الله هيقدر يمشي علي رجله تاني...
نبض: وجودكم مش هيجدي بنفعة حاليا لانه هيفوق بكرة، عن اذنكوا انا موجودة هنا معاه.
نبض سابتهم و راحت لاوضة التغير و بدأت تغير هدومها...
نبض لبست بنطلون جينز و تي شيرت بكم باللون الاسود و لبست كوتشي ابيض عالي سيبت شعرها علي ضهرها.
نبض: لو هتتكلمي في تفاهة معنديش وقت...
لوسي: مقولتيش ليه انك متجوزة؟!
نبض: و انتي مالك؟! انا حرة اتجوز اتطلق ملكيش دعوة.
نبض كانت هتمشي بس لوسي مسك دراعها.
لوسي(باحراج): sorry.
لوسي سابت نبض و مشي و نبض وقفت مصدومة من ردة فعلها لفترة.
نبض: سبحان الله. ربنا يهديكي يا بنتي.
نبض راحت لاوضة رعد اطمنت عليه و بعدها راحت اشتغلت...
-في مكان تاني...
في تركيا...
ميران(بنوم,بالتركية): طيب يا ثريا حاضر.
ثريا(بالتركية): يا بنتي قومي بقي.
ميران(بالتركية): قمت اهو قمت.
ثريا(بالتركية): طيب يلا يا حبيبتي.
ثريا نزلت ل تحت تحضر الفطار، ميران قامت خدت دوش و خرجت تغير هدومها...
ميران لبست جيبة باللون الاسود ضيقة و قصير لغاية الركبة و فوقها تي شيرت ابيض ب ¾ كم دخلته في الجيبة و لبست جاكت طويل باللون الجملي و لبست بوط جملي طويل. سيبت شعرها علي ضهرها و حطت مكياچ خفيف.
ميران خرجت و هي ماشية عدت علي اوضة ادم.
ميران(بسخرية): لسة مصحهاش الباشا.
ميران كملت مشي بس لقت ادم واقف قدامها.
ادم(ببرود): صباح القرف.
ميران(ببرود): صباح الزفت.
ادم: مش قولتلك تتعلمي عربي كويس بدل المتكسر ده.
ميران(ببرود): اه طبعا طبعا.
ميران زقت ادم بايديها و نزلت ل تحت قعدت تفطر. ادم كان بيعمل رياضة و دخل خد دوش و خرج غير هدومه.
ادم لبس بدلة باللون الكحلي و قميص اسود و جذمة سوداء و حط البرفيوم بتاعه و لبس ساعته
ادم نزل لتحت و قعد فطر هو كمان...
ثريا: عايز تأكل حاجة معينة علي الغداء يا حبيبي؟!
ادم: لا شكرا يا مدام ثريا.
ادم: و انتي انجزي ورايا شغل مش فاضي لاكلك.
ميران(ببرود): الانسان لازم يأكل علشان يبقي عنده طاقة و صحته تبقي كويسة.
ميران(ببرود): و انا مش مستعدة اخسر صحتي و طاقتي علشان واحد زيك.
ميران خلصت اكل و قامت مشيت قدام ادم و ادم كان متغاظ منها.
ادم لسة هيركب العربية حصل ضرب نار ميران صرخت ادم شدها بسرعة و خباها و قعد بيها علي الارض ورا العربية.
ميران(بخوف): مين دول؟!
ادم: شكلهم اعداء عمي جلال. عايزين ينتهوا مني في اول يوم كدة.
ادم: بدري اوي.
حراس ادم اتعاملوا مع الامر.
حارس: كله تمام يا باشا.
حارس2(بالتركية): المكان امان دلوقتي يا ميران هانم.
ميران(بالتركية): تمام.
ميران بصت لادم كان محاوط خصرها بايده و مقربها منه.
ميران(بحدة): ابعد كدة، مراتك انا.
ادم(ببرود): تطولي اساسا.
ميران(بالتركية): جهزوا عربية تانية و شددوا الامن.
حارس(بالتركية): حاضر.
جابوا عربية تانية و ميران و ادم ركبوها و السواق راح ناحية الشركة.
-بعد فترة.
ميران: اتمني يبقي عندك لباقة عندنا برضو في ناس عربية بتشتغل...
ادم(بغيظ): احترمي نفسك شوية لاني حقيقي قربت ازهق منك.
ميران(ببرود): احسن برضو.
ميران(بدلع): اصلك لو مزهقتش مني هتتعلق بيا و ما ادراك لما تتعلق بميران.
ميران سابت ادم و نزلت من العربية و هي بتبتسم بخبث، ادم كان مصدوم من نبرتها في الكلام و نزل هو كمان.
ميران: يلا.
ميران و ادم دخلوا الشركة و طلعوا علي مكتب جلال القديم.
ميران(بالتركية): كريس اخبارك.
كريس(بالتركية): بخير و انتي.
ميران(بالتركية): بخير...
كريس(بالتركية): هو ده؟!
ميران(بالتركية): ايوه.
كريس: اهلا انا كريس سكرتير حضرتك بعد ميران لفترة معينة يعني.
ادم: تمام شكرا.
كريس: اتفضل.
التلاتة دخلوا المكتب و ادم قعد علي كرسي جلال القديم.
كريس: تحب تشرب قهوة؟!
ادم: قهوة سكر زيادة.
ميران: و انا يا كريس.
كريس: تمام.
كريس طلب القهوة ليهم هما التلاتة و قعد قدام ادم.
كريس: ميران هتكون مرافقة حضرتك بره الشركة و انا هكون مرافقك جوا الشركة.
كريس: و كل المعلومات اللي ممكن حضرتك تحتاجها اطلبها مني.
ادم: انا مبسوط اني لقيت شخص بيتكلم عربي كويس بدل العربي المكسر بتاع الانسة.
ادم(باستعباط): قولتيلي اسمك ايه؟!
ميران(بغيظ): ميران ميران، م ي ر ا ن، ميران.
ادم: مش هتجوزك يا انسة ميران يعني هي مرة واحدة كفاية.
كريس: احم نبدأ في الشغل بقي.
ادم: اكيد يلا.
-في مكان تاني...
في الصعيد.
علا: خلاص بجي(بقي) يا ادهم معلش.
ادهم: حقيقي الامر مزعج اوي يا مرات عمي اوف. هضطر استني لما الامتحانات تخلص علشان اسافر.
شربات: احسن برضو سيبهم علي راحتهم هناك.
ادهم: و الله؟!
ادهم: طيب اوف...
ادهم: معلش يا يوسف.
يوسف شاور ليه بمعني عادي و لا يهمك.
هدي: يلا اطلع ذاكر يا ادهم علشان تبجي(تبقي) زي اخواتك...
ادهم: طيب طيب.
ادهم: انا طالع.
ادهم طلع علي اوضته قعد يذاكر.
هدي: ناوليني العلبة اللي هناك دي يا سوسن...
سوسن: اتفضلي يا امي.
ورد(بدموع و صدمة): هي زهرة اكدي فجدت النطج(هي زهرة كدة فقدت النطق)؟!
علا: الحكيمة جالت انها فترة و هتعدي(الدكتورة قالت انها فترة و هتعدي).
ورد: يا مرارك الطافح يا ورد. كان يوم اسود يوم ما جوزته بتي(بنتي).
شربات: معلش بجي(بقي)نصيب.
عند عادل.
عمر: ايه رأيك يا ابوي تأخد اما و تروحوا تحجوا(ايه رأيك يا بابا تأخد امي و تروحوا تحجوا).
عادل: فكرة حلوة جوي(اوي)يا عمر.
جلال: فعلا فكرة حلوة تغير جو ليكوا و كمان هتزوروا بيت ربنا.
عمر: ما هما زاروه كذا مرة جبل اكدي(قبل كدة).
جلال: ده شئ جميل جدا، روحت انا و حياة جبل اكدي(قبل كدة).
جلال سرح في ذكرياته مع حياة.
Flash back.
جلال: حياة.
حياة(بضحك): لا.
جلال: تعالي هنا.
حياة(بضحك): لا لا.
جلال: و الله طيب تعالي بقي.
جلال جري ورا حياة لغاية مقدرش يمسكها.
حياة(بضحك): تعبت.
جلال(بتعب): هاتيلي الدواء بتاعي يا حياة.
حياة(بقلق): جلال حبيبي انت كويس.
حياة جريت علي جلال و قعدت قدامه...
حياة(بدموع): انت كويس.
جلال(بضحك): مسكتك.
حياة: و الله طب مش مكلماك ابعد عني وسع كدة.
جلال: خلاص انا مقدرش علي زعلك بس دي الطريقة الوحيدة اللي تجيبك.
حياة: و لو برضو.
جلال: خلاص بقي يا حبيبتي.
حياة: هتعزمني بليل علي عشاء في مطعمنا المعتاد؟!
جلال: عيوني.
حياة: خلاص عفوت عنك.
جلال: بحبك.
حياة: بموت فيك يا روحي.
حياة قربت من جلال حضنته و باسته من خده.
جلال: تعرفي عايز اخلف بنت شبهك اوي.
حياة: اممم شبهي من ناحية؟!
حياة حطت رأسها علي رجل جلال و غمضت عينيها.
جلال: ما اني عارف انك عايزاني اوصفك بس ماشي.
حياة(بابتسامة): انت هتوصف بنتنا مش انا.
جلال(بحب): طب ما انا عايز بنت شبهك انتي، تبقي واخدة كل صفاتك و كل حاجة فيكي...
جلال(بحب): علشان انا بحب كل حاجة فيكي عايزاها هي كمان تبقي شبهك بالظبط.
جلال(بحب): لو عيونك اللي شبه الخضرة و الجنينة اللي بتوه فيهم كل مرة بشوفهم.
جلال(بحب): و تبقي ليها لون شعرك البني الجميل ده.
جلال(بحب): و تبقي جميلة زيك بالظبط و مجنونة و هبلة.
حياة(باندهاش): انا هبلة!
جلال(بضحك): هي دي حاجة جديدة يا قلبي.
حياة: يا حيوان.
جلال: بحبك.
جلال حضن حياة من ضهرها و حياة سندت بضهرها عليه.
حياة: ايه رأيك في اسم نبض؟!
جلال: اسم نبض! هو في حد اسمه نبض؟!
حياة: معتقدش بس هيبقي في.
جلال: مين؟!
حياة: بنتنا.
جلال: نبض اسم غريب من واحدة اغرب.
حياة(بابتسامة): هتفضل تحبني؟!
جلال: لاخر نفس في حياتي.
حياة: و انا كمان.
جلال: ربنا يديمك في حياتي يا حبيبتي.
جلال قرب من حياة و باس رأسها و خدها في حضنه.
Back.
عمر: جلال يا جلال.
جلال: ها! نعم.
عمر: ده انت مش معانا خالص.
عادل: سرحت في ايه؟!
جلال(بابتسامة): حياة.
عمر: ربنا يرحمها كانت و نعمة الزوجة و الام.
عادل: فعلا.
-في مكان تاني...
عند ملك.
ملك كانت نايمة فتحت عينيها لقت مالك قاعد قدامها مبتسم.
مالك: اخيرا الاميرة صحيت؟!
ملك(بابتسامة): و الامير ايه اللي صحاه بدري اكدي(كدة).
مالك(بضحكة خفيفة): بعيدا عن كلمة اكدي دي، بس الامير صحي علشان يتأمل في الاميرة.
مالك قرب من ملك و باس خدها.
مالك: وحشتيني اوي.
ملك(باندهاش): وه! ما انا كنت نايمة جارك(جمبك) طول الليل.
مالك: ليه مستغربة ايوه وحشتيني بحبك و بتوحشيني في كل لحظة انتي موجودة و مش موجودة فيها، بتوحشيني حتى و انتي قدام عيوني.
ملك: بتحبني يا مالك؟!
مالك: و هو انتي لسة معرفتيش؟!
ملك: بتأكد.
مالك: اممم تعالي اثبتلك.
الباب خبط.
مالك(بصوت عالي): مش وقتك.
نورا: يلا يا خفيف انزل علشان خاطر وراك مشوار مع ابوك.
مالك: اوف، طيب غوري بقي.
ملك: قوم يا مالك دلوجت(دلوقتي).
مالك: يا بت اعدلي لسانك.
ملك: ليه لتكون مستعر مني؟!
مالك: انا يا ملك!
ملك: معرفش بجي هو اكدي(معرفش بقي هو كدة).
مالك: و الله طيب.
مالك كان لسة هيقوم بس ملك مسكت ايده.
ملك: اسفة.
مالك: طب يلا طلعيلي هدوم البسها.
ملك: حاضر.
مالك: يحضرلك الخير.
مالك دخل خد دوش و خرج غير هدومه.
مالك: ها يا حبيبتي عايزة حاجة اجبها و انا جاي؟!
ملك: لا تسلم يا حبيبي.
مالك: طيب هروح المشوار و ارجع.
ملك: خلي بالك من نفسك.
مالك: طيب يا حبيبتي.
مالك باس رأس ملك و خرج و ملك دخلت خدت دوش و غيرت هدومها و نزلت...
-في مكان تاني...
عند نبض.
ياسر: نبض.
نبض: نعم يا دكتور ياسر.
ياسر: تفتكري اللي عملته صح؟!
نبض: في شغلنا مينفعش نميز بين مريض و مريض...
نبض: و كمان ايا كان هو مين فاللي انت عملته كدكتور صح. انت خليته علي قيد الحياة بعد ما كان ميت.
نبض: و لو عايز موافقة حد من افراد عائلته فانا مراته و انا بقدملك موافقتي علي اللي حصل ده.
نبض: تمام.
ياسر: تمام يا نبض شكرا.
نبض: تمام هيأخد وقت قد ايه علشان نبدأ في العلاج الطبيعي.
ياسر: في حالة رعد دي مش هينفع دلوقتي حاليا لازم حالته النفسية...
ياسر: و ده العامل الاساسي للعلاج الطبيعي يكون المريض قابل للعلاج.
نبض: اااااا احم تمام عن اذن حضرتك دلوقتي.
نبض مدت بسرعة و دخلت اوضة رعد شغلت النور و بصت علي الاوضة كلها و بعدها بصت علي رعد اللي بدأ يفوق بسبب النور.
نبض لسة بتلف علشان تخرج لقت شخص قدامها.
نبض: مين؟!
الشخص ده هجم علي نبض و مسك رقبتها,رعد كان فاق.
رعد(بقلق): نبض.
نبض(بخنقة): اضغط علي الزرار اللي جمبك ده يا رعد.
الشخص اللي كان بيخنق نبض سابها و راح ناحية رعد. نبض كعبلته برجليها و قربت منه.
نبض ضغطت علي رقبته بسرعة بدأ الشخص ده يفقد وعيه تدريجيا.
نبض قامت بسرعة و قربت من رعد و هي بتنهج.
نبض: انت كويس؟!
رعد: تمام.
نبض طلعت تليفونها و اتصلت ب طارق...
الخط اتفتح.
نبض: طارق اتصل بامن المستشفي و جيبهم لاوضة رعد.
نبض: تمام منتظراك.
رعد: شيلي اللي علي وشه ده.
نبض: بستغرب ليه كل اللي بقابلهم او المجرمين يكونوا لابسين اقنعة.
نبض شالت اللي علي وش الشخص اللي قدامها ده رعد دقق في ملامحه.
رعد: اتصلي بمهند بسرعة.
نبض(باستغراب): طيب.
نبض اتصلت ب مهند و قالتله يجي.
نبض مسكت ملف رعد و بدأت تشوفه و الامن جم.
طارق: ايه اللي حصل يا نبض؟!
نبض: ااااا احم لا خلاص مفيش كان في شخص بس شاكة فيه طلع زائر.
طارق قرب من نبض و حط ايده علي كتفها.
طارق: انتي كويسة؟!
نبض: اه متقلقش شكرا ليك يا طارق.
طارق خد الامن و خرجوا و رعد رمي المخدات اللي ورا ضهره بغضب علي الارض.
نبض: مش سليم اللي انت عملته ده.
نبض جابت المخدات و حطتهم ورا ضهر رعد.
رعد(بعصبية): ابعدي عني انتي و المخدات دي.
نبض(بحنية): رعد.
رعد(بعصبية): متبصليش كدة انا مش شحات عندك علشان تبصيلي بشفقة كدة.
-الشخص كان مرمي علي الارض مغمي عليه طارق مقدرش يشوفه لانه كان واقع ورا السرير.
نبض قعدت جمب رعد علي السرير و حاوطت وشه بين ايديها...
نبض: مش شفقة يا رعد مش شفقة...
نبض: رغم خبرتك الكبيرة مقدرتش تعرف نظرات ايه دي.
نبض غمضت عينيها و قربت من رعد بس فتحت عينيها فجأة لما حست بضربة شديدة علي رأسها.
رعد(بخوف): نبض.
رعد داس علي الزرار اللي نبض قالتله يدوس عليه كتير. و الشخص التاني مسك نبض من شعرها و رعد كان ماسك نبض اوي.
رعد(بغضب): قسما بربي لاخليك تندم انك قربت منها بس.
شخص: كنا هنخلص منك بسرعة بسرعة بس هي حشرت نفسها.
الباب اتفتح و دخلت ممرضة شافت الشخص ده و نبض اللي مرمية في حضن رعد.
ممرضة(بصوت عالي): امن.
الشخص ده زق الممرضة و طلع يجري بره المستشفي...
رعد(بقلق): جيبي دكتور بسرعة.
نبض(بتعب): لا انا كويسة.
نبض(بتعب): ابعتي حد ينضف ده.
نبض بعدت عن رعد و حطت ايديها علي رأسها بوجع.
نبض: انت كويس؟!
رعد(بعصبية): مهند الزفت مجاش ليه؟!
نبض: انا اعرف.
نبض حست بدوخة فقعدت بسرعة جمب رعد...
رعد: حاسة بايه؟!
نبض: الضربة كانت قوية اوي...
رعد حرك جسمه شوية بحيث يفضي مساحة ل نبض.
رعد: احم تقدري ترتاحي.
نبض رفعت رجليها علي السرير و رجعت رأسها علي دراع رعد و غمضت عينيها.
نبض كانت بين الوعي و اللاوعي و حست ب رعد و هو بيعيط و بيتكلم بهمس هي مقدرتش تسمعه.
رعد(بهمس و عياط): يا رب مش عايز اعيش بقية حياتي عاجز...
رعد(بهمس و عياط): شوفت النهاردة اهو كانت هتموت قدام عيني و انا مش قادر اتحرك.
رعد مسح دموعه بسرعة و بص علي نبض لقاها نامت شال شعرها من علي وشها و بص ل ملامحها.
Flash back...
حياة: رعد حبيبي تعالي هنا.
رعد(بابتسامة): نعم يا طنط حياة.
حياة: عيون طنط حياة تعالي اقعد معايا شوية.
رعد(بابتسامة): لما اخلص رسمتي.
حياة: رسمة ايه دي يا حبيبي؟!
رعد(بابتسامة): عروستي.
حياة: مش احنا اتفقنا انك هتتجوز النونو بتاعي.
رعد: ما انا برسمها اهو.
حياة(بابتسامة): بجد طب وريني كدة.
رعد: اهو.
حياة: الله حلوة اوي يا حبيبي.
رعد: انا بس اللي هتجوزها يا طنط.
حياة: اكيد يا حبيبي، انت جدع و حلو و كيوت و هي هتتجوزك انت و بس.
رعد: هحبها لانها بنتك.
حياة: طيب يا قمر.
جلال: لا كدة زهقت مبقاش في غير رعد يعني.
حياة(بضحك): بتغير؟!
جلال: ايوه بغير.
رعد: متخافش يا عمو مش بعاكس طنط حياة انا بعاكس النونو اللي جوا.
جلال: و الله؟!
رعد: ايوه.
جلال: و انت تعرف اسمها ياض انت؟!
رعد: ايوه النونو هتبقي اسمها نبض طنط حياة قالتلي.
جلال: و مين قالك اني هجوزهالك؟!
رعد: طنط حياة قالت انها هتجوزني بنتها نبض.
رعد: و كمان هي مش هتتجوز حد غيري انا، اجتلها(اقتلها).
جلال(بصدمة): نعم ياض هتقتل بنتي؟!
رعد: ايوه لانها اتخلقت ليا.
حياة(بضحك): خلاص بقي اهدوا.
حياة: مش انا وعدتك اني هجوزهالك يا رعد.
رعد: ايوه.
حياة: يبقي خلاص هتتجوزها.
رعد قرب من بطن حياة و باسها.
جلال: ابعد ياض عن مراتي.
رعد(ببرائة): انا ببوس مراتي انا يا عمو.
جلال: هتجبلي جلطة يا ابني.
رعد: لو حضرتك موت انا هعوضها.
جلال: انت ياض متأكد انك لسة مكملتش عشر سنين.
رعد: ايوه بس عقلي كبير...
حياة(بابتسامة): علشان كدة هجوزك بنتي.
جلال: انا هطلع اغير...
رعد: ماشي يا عمو يلا روح.
جلال: بتوزعني ياض.
رعد(بضحكة خفيفة): ايوه.
جلال: هطلع اغير و انزل افرمك.
جلال سابهم و طلع اوضته يغير و حياة كملت قعدتها مع رعد.
حياة: هتحميها يا رعد؟!
رعد: ايوه يا طنط حياة. هحميها بروحي.
حياة: و انا واثقة فيك يا حبيبي.
رعد: نبض هتتخلق ل رعد.
حياة(بابتسامة): مش لما تيجي بقي.
رعد: هتيجي و هحميها يا طنط حياة وعد مني.
رعد قرب من بطن حياة و قعد يبوسها كتير.
حياة(بضحكة خفيفة): هتطلع حنين يا رعودة.
رعد: بحبك انتي و هي.
حياة فجأة حست بوجع في بطنها.
رعد(بقلق): مالك يا طنط حياة؟!
حياة(بوجع): مش عارفة بطني بتوجعني اوي.
رعد قرب من بطن حياة و قعد يمشي ايده عليها.
رعد(ببرائة): متخافيش انا جمبك اهو جمبك.
رعد(ببرائة): نبض متخافيش.
حياة(بتعب): خلاص يا حبيبي انا كويسة.
حياة: ربنا يحفظك.
حياة باست رأس رعد و رعد باس بطن حياة. حياة ابتسمت ليه و قاموا من الجنينة دخلوا القصر.
رعد: ماما انا هتجوز نبض...
Back...
رعد فاق لما نبض فاقت من نومها.
نبض: عادةً بيقولوا ان الرجالة اللي بيسرحوا بيفكروا في واحدة ست.
نبض: كان فضول بس لا اكتر كنت بتفكر في مين؟!
رعد: ملكيش دعوة و يلا قومي من جمبي.
نبض: اوف عيل رخم.
-نبض بعدت عن رعد و نزلت من علي السرير و رعد كان نسي انه اتشل فحاول يقوم بس محسش برجله و لا قدر يحركها فوقف حركته و نبض لاحظت اللي حصل و قربت منه...
نبض: هتتعدل متخافش.
نبض: هنعمل علاج طبيعي و هتمشي علي رجلك تاني.
رعد(بسخرية): بس حاليا لازم اتقبل فكرة اني مشلول صح؟!
نبض: لا، لازم تتقبل فكرة ان مع العسر يسر. و ان طالما لسة في شمس بتشرق كل يوم يبقي في امل.
رعد: كلام بنضحك بيه علي نفسنا.
نبض: لا حقيقة مش عايز تصدقها.
الباب خبط.
مهند: السلام عليكم اخبارك يا بطل؟!
رعد: تمام اخرجي بره.
نبض سابت مهند و رعد مع بعض اتكلموا كتير و بعتوا جابوا سعد...
عدي شهر.
ادم في تركيا ماسك كل الامور في ايده و رفع اسهم الشركات اوي و مش بيبطل خناق مع ميران,مالك و ملك عايشين احلي ايام في حياتهم و مبيتخانقوش خالص,زهرة فقدت النطق و مش بتتكلم و لا بتعمل اي حاجة غير انها بتعيط,عمر و بلال و جلال بيدوروا علي مكان مسعد بس مش لايقينه,شربات بقت في الشهر الخامس و عرفت انها حامل في بنت بس خافت تقول لبلال,فاطمة دايما بتروح تقعد مع نبض في المستشفي اللي بقت بيت نبض الاساسي مش بتخرج منه خالص,نبض مهتمة ب رعد و كل احتياجاته بس هو بيعاملها بجفاء و برود و بيطلع كل عصبيته عليها هي و بس و هي بتستحمل,مهند و سعد بقوا بيجتمعوا كتير مع رعد و نبض شكت شوية في الموضوع,ادهم قرب يخلص امتحاناته,زودوا حراسة علي المستشفي و اوضة رعد بالخصوص و مفيش اي حد اتعرض ليهم تاني,نبض كانت بتبات مع رعد في اوضته علي الارض و كانت بتتلقي اهانات كتير منه و لكنها شايفة تحسن في رجله...
نبض: هروح الف علي المرضي.
نبض بدأت تلف علي كل المرضي لغاية ما وصلت لاوضة رعد دخلت لقت في ممرضة قريبة منه اوي.
نبض(بحدة): بتعملي ايه هنا؟!
ممرضة(بتوتر): ها ها انا.
نبض(بعصبية): اطلعي بره.
الممرضة خرجت بسرعة من جمب نبض و نبض قفلت الباب...
نبض: انت حتى مش راحم نفسك و انت في الحالة دي.
رعد(ببرود): و انتي مالك؟!
نبض: عندك حق فعلا.
نبض: قوم يلا.
رعد: افندم!
نبض: اقصد ان احنا اتفقنا انك لازم تتحكم في ارادتك و قوتك يلا.
رعد نزل و وقف و اتحرك خطوة واحدة كان هيقع بس سند نفسه...
نبض: حاول تاني.
رعد(بغضب): انتي عايزة تذليني يعني؟!
نبض: و الله؟! شايف بعد ده كله اني بذلك.
نبض: عموما مش موضوعنا.
رعد حاول يحرك رجله و يمشي خطوة تانية بس كان هيقع و نبض سندته.
نبض: اعدل وقفتك.
رعد سند علي نبض و نبض كانت محاوطاه بايديها و رعد اتحرك خطوة ورا خطوة ورا خطوة قعد يتحرك لغاية ما تم عشر خطوات لوحده.
نبض(بفرحة): اخيرا!
نبض قعدت تتنطط من الفرحة و حضنت رعد.
نبض(بوجع): آه اسفة.
نبض نطت علي رعد بحماس رعد فقد توازنه فوقعوا هما الاتنين علي الكنبة.
نبض: مبروك مبروك.
نبض: يلا قوم هتقدر ترجع شغلك كدة تاني.
نبض(بغمزة و ضحكة): ماشية معاك يا عم...
رعد(ببرود): معملتيش انجاز يعني.
نبض: تمام متشكرة.
نبض: يلا روح للسرير بقي ورايا شغل باي.
نبض سابت رعد و خرجت و رعد قام ببطء و رجع للسرير تاني و كان مبسوط من نفسه اوي.
مهند: وشك مبتهج اوي النهاردة ليه؟!
نبض(بفرحة): رعد مشي علي رجله اخيرا.
مهند(بحماس): بجد اخيرا.
عز: الحمدلله يا رب...
نبض(بفرحة): انا فرحانة اوي.
سعد: طيب هنروح نطمن عليه.
نبض: تمام باي.
-في مكان تاني...
في تركيا.
ادم: انتي يا بتاعة جيبيلي الملف ده.
ميران(بغضب): قولتلك مية مرة مسميش بتاعة. انا اسمي ميران.
ادم: عارف و اعتقد اني بقالي شهر بقولك يا بتاعة متجيش تزعلي دلوقتي بقي...
ميران(بغضب): و انا بقالي شهر بقولك اسمي ميران يا ريت نفهم بقي، اوف.
ادم: طب هاتي الملف يا ميران.
ميران: ايوه كدة اتفضل.
ادم: شكرا يا بتاعة يلا روحي.
ميران(بغيظ): ادم.
ادم: عيونه.
ميران: ها؟!
ادم(بضحك): عارف اني محدش يقدر يقاومني.
ميران(بغضب): بكرهك.
ميران سابت ادم و خرجت من القصر ركبت عربيتها و راحت للمستشفي.
فتون(بالتركية): مالك؟!
ميران(بالتركية): مفيش حاجة انا كويسة.
فتون(بالتركية): مش باين بس ماشي.
ميران(بالتركية): انتي اللي مالك؟!
فتون(بالتركية): الدكتورة اللي جت جديدة عايزة تأخد مني محمد.
ميران(بالتركية): هي برضو مش سهلة. باين عليها الخبث.
فتون(بالتركية,بخوف): هتأخد محمد صح!؟
ميران(بالتركية): امممم شكلها كدة.
فتون(بالتركية,بدموع): قوليلي اعمل ايه بليز؟!
ميران(بالتركية): روحي دلوقتي شديه و اثبتي ليها انه جوزك شكلها متعرفش.
فتون قامت بسرعة شدت محمد من دراعه و محمد اتخض و فتح عيونه علي اخرهم لما لقي فتون قربت منه و(لخيالكوا)...
ميران(بالتركية,بصدمة): هي عملت ايه؟!؟
ميران(بالتركية): خرب الله بيتك.
محمد(بصدمة,بالتركية): ايه اللي انتي عملتيه ده؟!
فتون(بالتركية,زعيق): ابعدي عن جوزي ده جوزي فاهمة اياكي تقربي منه تاني و الا هقتلك في ايدي.
فتون(بالتركية): يلا غوري...
الدكتورة بصت ل فتون بقرف و سابتها و مشيت,فتون لفت ضهرها لقت محمد باصص ليها.
فتون حطت عيونها في الارض و محمد قرب منها حضنها...
محمد(بالتركية): يا هبلة بحبك انتي و بس. متبقيش شكاكة.
فتون(بالتركية): كانت هتأخدك مني.
محمد(بالتركية): انا ملكك انتي و بس. بس دي مش فكرتك فكرة مين دي؟!
فتون شاورت علي ميران اللي خبت وشها بعيد عنهم.
محمد(بضحك,بالتركية): كان لازم اتوقع...
محمد(التركية): اي حاجة تضايقك تيجي تقوليلي انا، فاهمة؟!
فتون(بالتركية): حاضر.
محمد باس رأس فتون و خدها و راح لمكتبه.
ميران كانت بتقوم لقت مسدس مصوب ناحيتها بس من تحت.
شخص(بالتركية,بهمس): قدامي كدة بهدوء.
ميران بصت للشخص ده و خافت و مشيت معاه و ركبت العربية اللي الشخص شاور عليها.
ميران(بالتركية): انتوا مين؟!
شخص2(بالتركية): اسكتي.
ميران(بالتركية): بس.
ميران ملحقتش تكمل كلامها لقت مسدس مصوب ناحيتها فسكتت.
الشخص التاني حط حاجة سوداء علي عينها.
-في مكان تاني...
في مصر. في المستشفي.
سارة: شخص مجنون.
ميرفت: هو مين؟!
سارة: المريض اللي اسمه رعد اللي كان صوته بيهد المستشفي دي كلها.
ميرفت: عمل ايه؟!
سارة: هيكتب كتابه دلوقتي.
ميرفت(بصدمة): افندم!
سارة: ايوه في عروسة كدة جميلة و شيك و قمر و شخص كدة كبير بس باين عليه انه لواء.
ميرفت: انتي متأكدة؟!
سارة: ايوه في حاجة؟!
ميرفت جريت بسرعة علي اوضة تغير الملابس.
نبض: ايه يا ميرفت في حاجة؟!
ميرفت: ها لا مفيش ايه رأيك نخرج رأسي وجعاني شوية.
نبض: كنت هخرج اتمشي شوية في الجنينة و قولت اخد رعد امشيه في الهواء شوية.
ميرفت: انتي لسة بتحبيه؟!
نبض: ايه دخل الموضوع ده في ده ده مريض عندي.
ميرفت: طالما مبتحبهوش خلاص بقي اطلقوا علشان ترتاحي.
نبض: ان شاء الله يا ميرفت.
نبض: هغير.
ميرفت: ها اه لحظة...
ميرفت خرجت بره الاوضة و هي بتفكر تعمل ايه.
نبض غيرت هدومها نبض لبست بنطلون اسود و تي شيرت بحمالة رفيعة علي الكتف باللون الاسود و فوقه جاكت طويل و واسع باللون الابيض في اسود,سيبت شعرها علي ضهرها و كتفها و حطت روچ خفيف و لبست صندل بكعب اسود...
نبض لسة هتخرج لقت ميرفت واقفة قدام الباب.
نبض: مالك يا ميرفت وسعي هروح اشوف المرضي قبل ما اخد رعد و نتمشي.
ميرفت: انا عايزة اتمشي معاكي عندي مشكلة.
نبض(بقلق): مالك انتي كويسة؟!
ميرفت: تعالي نتمشي بره يلا.
نبض: طيب يلا.
ميرفت: بس سؤال.
نبض: قولي.
ميرفت: انتي لسة بتحبيه؟!
نبض(بتنهيدة): الحب عمره ما كان كفاية حبه اللي في قلبي مش كفاية علشان اسامحه.
نبض: يلا بينا.
نبض مشيت هي و ميرفت و لوسي وقفت قدامها.
نبض: في حاجة؟!
لوسي: هتسمحي بده يحصل؟!
نبض: ايه هو؟!
لوسي: جوزك هيكتب كتابه علي واحدة غيرك جوا.