رواية قسوة الرعد للكاتبة سلسبيل كوبك الفصل الأربعون
فرح(بعياط): تعالي بسرعة.
رعد بعد نبض عنه بسرعة و قام وقف بصدمة.
نبض(بقلق): ايه يا حبيبي؟!
رعد(بقلق): مين؟!
فرح(بعياط): انا امك يا ابني، فارس هيقتلني الحقني ارجوك...
فرح بعتت الموقع ل رعد و قفلت الخط خالص. رعد حس بالقلق و دخل غير هدومه بسرعة و خد حاجته.
نبض: فهمني يا رعد حصل ايه؟!
رعد: مفيش خليكي هنا قريب و هرجع.
رعد ساب نبض و نزل ركب عربيته و راح للمكان اللي فرح بعتته ليه.
رعد نزل و حس بحاجة غريبة مسك سلاحه في ايده لقي مصنع حديد و حارسين واقفين.
حارس: سلم سلاحك...
رعد: انتوا مين؟!
حارس2: من طرف فرح هانم.
الاتنين شدوا سلاح رعد منه و دخلوه المصنع و زقوه.
رعد رفع رأسه اتصدم لما لقي ادهم و تمارا قاعدين علي كرسي مربوطين و متكتفين...
فرح(بضحك): مفاجاة مش كدة.
فرح: كنت فاكر اني يوم ما هقع هسند عليك انت. ابن ابوك.
ادهم(بدموع): مقولتش ليه ليا يا رعد؟!
رعد: محبتكش تعرف حقيقة امك ال و ال.
فرح(بغضب): انا!
رعد لقي حد بيضربه علي ضهره بسلسلة حديد...
ادهم(بخوف): رعد.
رعد(ببرود): عايزة ايه؟!
فرح: روحك.
رعد: خرجيهم بره لعبتك ال.
فرح: هقتلهم هما كمان بعدك. و بعدها اخوك التالت و مراتك.
فرح: علموه الادب...
في واحد جه من ورا رعد ضرب رجله بحاجة حديد رعد غصب عنه وقع في الارض علي ركبه.
تمارا(بصريخ و عياط): حرام عليكي هما عملوا ليكي ايه؟! سيبينا بقي.
فرح مسكت تمارا من شعرها جامد و تمارا كانت بتصرخ.
تمارا(بصريخ و عياط): انتي مش ام انتي ازبل واحدة عرفتها.
فرح ضربت تمارا علي وشها كتير لغاية ما اغمي عليها، كان شوية رجاله بيضربوا رعد و رعد مش بيقاوم خالص.
فرح: قبل ما تموت تحب تعرف الحقيقة كاملة.
فرح قربت من رعد اللي مرمي في الارض و نزلت ل مستواه.
فرح: ابوك كان شخص رخم و غبي، كان بيحبني زي المجنون حبه خنقني و كرهني فيه و في كل حاجة.
فرح: في يوم جه فارس شوفته و عجبني اسلوبه و كلامه و تقله. من يومها و انا بقيت افكر فيه.
فرح: بس للاسف كنت حامل في اللي هناك ده. شاورت علي ادهم.
فرح: جه كذا مرة و اتكملنا و عرفت انه هو كمان معجب بيا، خلفت و مكنتش قادرة استحمل اكتر كنت خلاص قرفانة من ابوك و من كل اللي في البيت استنيت سنة.
فرح: هربت من البيت و مشيت من غير ما ابص ورايا سيبتك و سبت اخوك و سبت ده، و انا مش ندمانة.
فرح: عرفت اني حامل للاسف الشديد بعد ما خلفتها فارس حبيبي مكنش طايقها ودتها للخدامة هي اللي ربتها.
فرح: كنت كل ما افكر عمر قد ايه اتأذي من بعدي كنت افرح اوي.
فرح: و انت جيت ملهوف علشان تشوفني مالي.
فرح مسكت دقن رعد و رفعتها ليه.
فرح(بابتسامة خبث): ابني حبيبي.
رعد(بغضب): هخليكي انتي و جوزك تدفعي التمن غالي اوي يا فرح.
فرح: تؤتؤ هي حياة معلمتكش ازاي تتعامل مع امك ازاي.
رعد(بغضب): متذكريش اسمها علي لسانك هي انضف منك. علي الاقل هي لاخر لحظة في حياتها كانت متمسكة بعيالها و مكنتش شايفة غير جوزها.
فرح ضربت رعد قلم علي وشه و بعدت عنه.
فرح: قبل ما تموت نفسك في حاجة؟!
ادهم(بخوف و دموع): رعد انت كويس؟!
رعد(بكبرياء): متخافش يا ادهم. متنساش انك من عائلة السيوفي ابن عمر السيوفي و عمر السيوفي ولاده كلهم رجالة مبيخافوش ابدا.
فرح: مش عايز تشوف حبيبة القلب مرة قبل ما تموت.
رعد بص قدامه ببرود و ادهم مكنش عارف يعمل إيه و تمارا مغمي عليها,اشتغلت شاشة صغيرة قدام عيون رعد.
عند نبض.
نبض كانت قلقانة اوي علي رعد، جرس الباب رن.
نبض راحت ناحية الباب و فتحته.
فارس: انتي نبض السيوفي.
نبض: ايوه مين حضرتك؟!
نبض لقت حد ضربها برجله في بطنها وقعت في الارض.
نبض(بوجع و دموع): انتوا مين؟!
فارس نزل ل مستوي نبض و شدها من شعرها و رفعها ليه.
نبض(بصريخ): ادم.
نبض كانت حاسة بوجع شديد في بطنها...
فارس(بسخرية): هو موجود؟!
فارس: احسن علشان نخلص من التلاتة في وقت واحد.
نبض(بخوف): رعد رعد فين؟!
فارس: زمانه بيتدفن دلوقتي.
نبض(بدموع و خوف): انت كداب. رعد بخير.
فارس(بسخرية): ده البعيدة غبية بقي.
فارس قرب وشه من وش نبض بس نبض بعدت عنه.
نبض(بغضب): انت شخص زبالة.
فارس: اطلعوا شوفوا اخو المحروس فين؟!
نبض زقت فارس بغضب و زحفت ل ورا بوجع.
فارس(بضحكة خبيثة): بتستخبي مني؟!
فارس قرب من نبض اللي وقعت من السلمتين اللي قدام الباب.
نبض(بدموع و وجع): اياك تقرب.
عند ادم و ميران.
ميران كانت نايمة و حست بحركة غريبة قامت.
ميران(بخوف): ادم ادم.
ادم(بنوم): ايه يا ميران؟!
ميران(بخوف): انا خايفة اوي و حاسة بحاجة غريبة.
ادم شد ميران لحضنه اكتر و باس رأسها.
ادم(بنوم): نامي يا ميران، متخافيش.
ميران(بخوف): يا ادم.
فجأة الباب اتفتح و دخلوا كذا شخص لابسين اسود و معاهم اسلحه.
ميران(بفزع): ادم.
ادم قام بسرعة و شغل النور لقي واحد مصوب السلاح ناحيته عكس ايده و خد السلاح ضرب رصاص علي رجل واحد منهم و ضرب رصاص علي رأس واحد و التالت ضرب نار علي ادم.
ادم شد ميران في حضنه و حماها بجسمه.
ميران(بدموع): ادم.
ادم ضرب نار قبل ما التاني يضرب و التلاتة وقعوا في الارض.
ادم: اهدي اهدي يا حبيبتي اهدي.
ادم خد ميران و كان بيبص يمين و شمال و نزلوا علي السلالم.
نبض(بوجع): ابعد يا حيوان.
نبض(بوجع): لو اخر راجل في الدنيا مستحيل اخليك تقرب مني، انا متجوزة و بحب رعد حتى لو زي ما انت بتقول انه مات هفضل مراته و هيفضل هو الراجل الوحيد اللي يحق ليه انه يلمسني.
نبض(بصوت عالي): فاهم؟!
ادم(بعصبية): ايه اللي بيحصل هنا؟!
ادم رفع مسدسه في وش فارس في واحد رفع مسدسه في وش ميران و واحد تاني في وش ادم.
فارس: نزل سلاحك يا حلو.
ميران(بدموع و رعب): ادم انا خايفة.
ادم: انت مين؟!
فارس: اللي هيخلص عليك.
فارس(بخبث): بس لما استمتع مع مرات اخوك شوية.
ادم(بغضب): علي جثتي ده يحصل.
فارس(بخبث): قدامك ل تنقذ مرات اخوك لاما تنقذ مراتك يا ادم اختار.
ادم بص ل ميران اللي كانت بتبص ل فارس برعب و خوف. و بص علي نبض اللي مرمية في الارض و بتنزل دم.
ادم قرب من نبض كان الحارس اللي رافع سلاحه علي ميران ضربها علي رأسها. ميران وقعت في الارض.
فارس: امسكوه.
باقي الحراس مسكوا ادم و كانوا كتير. فارس شد نبض من شعرها و قومها معاه و طلع علي اوضتها هي و رعد.
نبض(بصريخ): ابعد عني يا حيوان.
فارس ضرب نبض علي وشها و رماها علي السرير.
نبض(بصريخ): يا حيوان انت زبالة.
نبض مسكت كأس كان علي الكمودينو و ضربت بيه رأس فارس.
فارس(بوجع): يا.
نبض زقت فارس و بعدت عنه بسرعة. نبض نزلت جري بره الاوضة.
نبض حست بوجع شديد و كانت قوتها انهارت. نبض وقعت من علي السلالم و نزلت السلالم كلها و هي بتدحرج وقعت في الارض مغمي عليها.
عند رعد.
رعد صرخ بأعلي صوت عنده لما نبض وقعت من علي السلم و كان حواليها دم.
فرح(بخبث): ايه يا حبيب امك شوفت السنيورة...
رعد(بغضب): و حياة نبض لاكون قاتلك.
فرح(بخبث): بعد الوقعة دي معتقدش انها هتعيش.
فرح(بخبث): شوفت بقي انا ساعدتك ازاي قبل ما تموت و وريتك مراتك و هي بتموت قبلك.
-فرح مسكت مسدس و وجهته ناحية رعد,رعد في اقل من لحظة شد السلاح منها و حاوط رقبتها بايده و حط المسدس علي رأسها.
رعد: قسما بربي لو ما خليتيهم ينزلوا السلاح لاكون قاتلك.
محدش نزل سلاحه رعد قتل خمس اشخاص.
رعد: ناقص رصاصة واحدة هتكون في رأسك.
فرح(بخوف): نزلوا سلاحكم.
الباقي نزل سلاحه و رعد خد مسدس تاني و قتل الباقي و كانوا عدد صغير,رعد ضرب نار علي الكل.
رعد(بغضب): قسما بربي لو حد من اللي بحبهم حصله حاجة اللي كنت هعمله فيكي في الاول كان رحمة.
رعد ضرب فرح علي رأسها بالمسدس. فرح وقعت في الارض مغمي عليها.
رعد قرب من ادهم فك الحبل اللي كانوا مقيده.
رعد: انت كويس؟!
ادهم: اه.
رعد قرب من تمارا فك الحبل بتاعها و شالها علي كتفه و خرجوا هما التلاتة ركبوا العربية و رعد ركبها بسرعة و ساق بأقصي سرعة عنده.
رعد مسك تليفونه و اتصل ب سعد، الخط اتفتح.
رعد: سعد ابعت رجالتك ل().
رعد: هيلاقوا فرح الدمنهوري خدها وديها للمخزن القديم.
سعد: طيب بس فهمني حصل ايه؟!
رعد قفل التليفون و كمل سواقة ناحية البيت بسرعة.
عند نبض.
مراد كان جاي يزور نبض لقي الباب مفتوح و دم و اول ما دخل لقي رجالة مكتفة ادم.
مراد: صابر.
مراد: انتوا بتعملوا هنا ايه!
صابر(حارس): فتحي انت ايه اللي جابك هنا؟!
مراد: انت مجنون سيبه انت بتعمل ايه ده يخصني.
مراد(بخضة): نبض.
مراد جري علي نبض و لفها ليه لقي رأسها بتنزل دم و تحتها دم.
فارس(بغضب): اما ربيتك يا.
فارس بص لقي نبض مرمية في الارض و مراد رفع رأسه لقي فارس.
مراد(بغضب): يا ابن ال.
مراد قام جري علي فارس و قعد يضربه بغضب.
صابر: خلاص يا فتحي اهدي.
مراد(بغضب): ابعد عني. و انت كنت فين لما عمل كدة؟!
مراد(بغضب): اللي انت عملته في اختي و ربي لادفعك التمن غالي. يا.
مراد نزل تاني ل نبض. صابر خلي الحراس يسيبوا ادم.
ادم جري علي ميران بقلق.
ادم(بخوف): حبيبتي فتحي عينك.
مراد: مش هنقدر نستني لازم ننقلهم المستشفي.
مراد شال نبض بين ايده و خرج بره البيت,ادم شال ميران و خرج ورا مراد.
كل واحد ركب عربية و راحوا علي اقرب المستشفي.
مراد(بصوت عالي): دكاترة هنا بسرعة.
لوسي: نبض!
طارق(بخضة): نبض!
ياسر: ايه اللي بيحصل هنا؟!
طارق: نقالتين هنا بسرعة.
حطوا نبض و ميران كل واحد علي نقالة و نقلوهم اوضة الاسعاف.
ادم و مراد واقفين خايفين عليهم.
ياسر: ازاي حصل ده؟! و فين رعد؟!
ادم(بتذكر): اه فعلا؟!
ادم: رعد.
عند رعد.
رعد وصل بسرعة للبيت و دخل بسرعة ملقاش حد بس لقي دم نبض.
رعد(بصريخ): يا رب.
ادهم(بدموع): رعد اهدي.
رعد طلع بسرعة علي اوضته و رمي هدومه علي الارض و بص علي شاشة صغيرة شوية و جاب التسجيل و شاف ان مراد خد نبض.
رعد طلع تليفونه بسرعة و اتصل علي ادم.
الخط اتفتح.
ادم(بقلق): رعد انت كويس؟!
رعد: انتوا فين؟! فين نبض يا ادم؟!
ادم: في مستشفي().
رعد: انا جاي.
رعد نزل جري علي تحت و ادهم وراه ركب العربية و راح علي المستشفي.
رعد نزل و شال تمارا بين ايديه و دخل المستشفي.
ادهم: دكتور هنا بسرعة.
ميرفت: دخلوها الاسعاف.
دخلوا تمارا اوضة الاسعاف و رعد شاف مراد و ادم جري عليهم بسرعة.
ادم(بقلق): ايه اللي حصل فيك؟!
رعد(بخوف): مش مهم انا، فين نبض؟!
مراد و ادم بصوا علي سرير نبض,رعد اتصدم من الدم اللي نازل منها و الدكاترة كلهم حواليها.
ياسر(بحدة): جهزوا اوضة العمليات.
ياسر(بحدة): و اطلبوا وحدات دم مماثلة.
مراد: اهدي يا رعد.
رعد(بدموع): انا السبب. انا السبب.
ادم: لا اهدي.
مراد حضن رعد جامد و رعد مسك فيه و بدأ يعيط و ادم و ادهم كانوا مستغربين.
رعد(بعياط): مطلعتش قد الامانة يا مراد.
مراد: اهدي نبض اختي و انا عارفها هتبقي كويسة.
ادم(بصدمة): انت مراد!
ادهم: مراد مين؟!
مراد: بعدين يا ادم.
مراد: ايه اللي حصل ل تمارا؟!
رعد(بصدمة بسيطة): انت تعرف تمارا؟!
مراد: ايوه كانت في قصر فارس الدمنهوري.
رعد: لما نطمن علي نبض نبقي نتكلم.
دخلوا نبض اوضة العمليات و رعد بص ليها حاول يمسك دموعه.
الكل قعد علي اعصابه لفترة طويلة بالنسبة ليهم.
بعد فترة.
ياسر و لوسي و طارق خرجوا من اوضة العمليات.
ياسر: الحمدلله انقذنا نبض.
طارق: بس للاسف الشديد.
لوسي: الجنين كان في ايامه الاولي مقدرناش ننقذه و نبض اجهضته.
ياسر: شدوا حيلكم، الايام جاية كتيرة.
طارق: المهم ان نبض حاليا كويسة.
لوسي: لازم رعاية كبيرة و اهتمام.
رعد كان مصدوم اوي و مش قادر يتكلم.
رعد(بدموع): يي ععن نني ي ننب ببض ض ككا ننت ت حح امم ل(يعني نبض كان حامل)؟!
لوسي: ايوه بس للاسف فقدت الجنين.
طارق: اتعرضت ل ضربات قوية ادت إلى نزيف حاد و الاجهاض. بالاضافة انها باين انها وقعت و ده سبب جرح في رأسها.
ادم: شد حيلك يا رعد.
رعد(بدموع): ب ب سس هه يي كك اا ننت ت بت تت تأ خدد حبو بب مم ن عع ا(بس هي كانت بتأخد حبوب منع ا).
لوسي: ممكن تكون بتأخد حبوب منع الحمل و واخد كل احتياطتك بس ربنا يريد انك تحمل.
لوسي: الف سلامة علي نبض.
التلاتة سابوا رعد و مشيوا و هما زعلانين علي حالة رعد و نبض. نبض خرجت علي نقالة و كان وشها شاحب نقلوها اوضة عادية.
مراد: شد حيلك يا رعد.
ادم: تتعوض يا رعد.
رعد(بتوهان): روح ل مراتك. و انت خليك مع تمارا يا ادهم.
رعد(بتوهان): انا هروح ل نبض.
رعد راح ل نبض و هو تايه و تعبان و قعد جمبها طول الليل.
عند الباقي.
مراد: ايه اللي حصل يا ادهم؟!
ادهم: معرفش اتخطفت و لقيت تمارا دي مخطوفة معايا و بعدها رعد جه و اللي اكتشفته...
ادم: اكتشفت ايه؟!
ادهم حكي الحديث اللي دار بين فرح و رعد.
ادم(بصدمة): يعني امي عايشة؟! و كمان حاولت تقتلنا كلنا.
ادهم(بدموع): ايوه.
ادم(بدموع): و رعد كان متحمل الحقيقة التقيلة دي كلها في قلبه.
مراد: المهم دلوقتي انه مخسرناش حد. كفاية انها جت لغاية دلوقتي.
مراد: و الحمدلله انهم مكنوش عارفيين انها حامل و متعلقوش بالجنين.
ادم: هروح اشوف ميران.
عند ميران.
ادم دخل الاوضة لقي ميران بتبدأ تفوق.
ميران(بتعب): انا فين؟!
ادم: انتي في المستشفي يا حبيبتي.
ميران(بخوف): ادم ادم انت كويس؟!
ادم: اه يا حبيبتي متقلقيش.
ميران(بخوف): نبض فين؟!
ادم: في الاوضة اللي جمبك.
ميران: هي كويسة صح؟!
ادم(بحزن): فقدت الجنين.
ميران(باستغراب): نبض كانت حامل!
ادم: ايوه من حكمة ربنا.
ميران: طب هي دلوقتي كويسة؟! صح؟!
ادم: ايوه متقلقيش. هتفوق بس لسة منعرفش امتي.
ميران(بدموع): يا رب بقي، هو مين الناس دول؟!
ادم(بغضب مكتوم): ناس لازم تنتهي من البشرية في اقرب وقت، متخافيش.
ميران: ادم.
ادم: نعم.
ميران: عايزة انام في حضنك.
ادم قعد جمب ميران و خدها في حضنه و ميران غمضت عينيها و استسلمت للنوم.
-كان في جرح في رأسها ناحية الشمال...
عند تمارا.
ادهم: حمدلله بالسلامة.
تمارا(بخوف): مين اللي جاب ده هنا؟!
مراد: متخافيش يا تمارا انا مش علي صفهم.
تمارا(بخوف): لا انت مرعب.
مراد: متخافيش اخوكي اهو موجود.
ادهم: متخافيش.
تمارا: فين رعد؟!
ادهم: مع مراته. لانها تعبانة.
تمارا: طب اخرجوا بره.
ادهم: طيب لو عوزتي حاجة انا بره.
ادهم خرج و مراد بص علي تمارا و سابها و مشي.
-في مكان تاني...
في الصعيد، في القصر.
عمر: اتفضل يا حاج اتفضل.
راجل: تسلم.
بلال: ام زهرة خدي الحريم(الستات).
ورد: اتفضلي.
جلال: اتفضل يا عثمان يا ابني اقعد.
عثمان: شكرا.
عادل: اتفضلوا.
بلال: القهوة يا ام يوسف.
علا: حاضر ثواني.
عند الستات.
هدي: منورة يا ام عثمان.
مامت عثمان: بنورك يا حاجة.
مامت عثمان: بصي بجي(بقي) يا حاجة انا صريحة اكدي(كدة).
مامت عثمان: احنا شوفنا بتكم(بنتكم) و جينا اهني(هنا) علشان نطلبوها(نطلبها) لولدي(ابني) عثمان.
ورد(باستغراب): بنت مين؟!
مامت عثمان: بتكم(بنتكم) زهرة.
زهرة كانت واقفة و فتحت عينيها من الصدمة و سابتهم و جريت علي فوق علطول.
ورد: احم بس.
مامت عثمان: عارفة و سمعت من الناس جبل(قبل) ما اجي، بس انا جيت اهني (هنا)علشان سمعت كل طيب علي عائلة السيوفي و صبايا(بنات) عيلة السيوفي.
مامت عثمان: و كومان(كمان) احنا منعرفوش(منعرفش)السبب اللي بتكم اطلجت(بنتكماطلقت) علشانه بس.
شربات: احم بس زهرة مش بتخلف.
مامت عثمان: انتوا روحتوا للحكيمة(للدكتورة)؟!
هدي: الصراحة لا.
مامت عثمان: خلاص تروح للحكيمة و نعرفو اذا كان العيب منيها(خلاص تروح للدكتورة و نعرف اذا كان العيب منها).
علا: لو كان العيب منها.
مامت عثمان: انا غرضي شريف يا ام عمر. سمعت كل خير عن بتكم(بنتكم) زهرة و انا احب اختار لولدي(لابني) بنت ادب و اخلاق و تربية الاول.
مامت عثمان: و انا صليت استخارة جبل(قبل) ما اجي و ان شاء الله خير...
هدي: و الله مش عارفة يا ام عثمان. لما نسمع رأي الرجالة.
عند الرجالة.
كانوا بيتكلموا في نفس الموضوع و عادل و ولاده مندهشين.
والد عثمان: ها جولت ايه(قولت ايه؟! ).
بلال: انت فاهم معني اللي انت بتجوله(بتقوله).
عثمان: لحظة يا حاج.
عثمان: بصوا حضراتكم انا اللي جابني هنا هو سمعة بنتكم و الكل بيشهد بيها و بيشهد باخلاقها و ادبها و تربيتها. سواء كانت متزوجة قبل كدة و لا لا ميهمنيش لان الماضي بيفضل ماضي اهم حاجة اكون انا حاضرها و مستقبلها.
عثمان: و مش هنجبركم علي حاجة و الرأي رأيكم.
والد عثمان: نستأذن احنا.
عادل: اجعدوا شوية كومان(اقعدوا شوية كمان).
والد عثمان: الجايات جاية كتيرة ان شاء الله لو انتوا وافقتوا.
والد عثمان: و علفكرة والدة عثمان صلت استخارة جبل(قبل) ما تيجي...
التلاتة مشيوا من البيت. و عائلة السيوفي قعدت كلها مع بعض.
هدي: انا شايفة نودي زهرة للحكيمة(للدكتورة).
سوسن: الناس شارين زهرة.
بلال: بتفكر في ايه يا ابوي(بابا)؟!
عادل: ناس محترمة و كونهم اختاروا زهرة بس وسط بنات الصعيد كلاتها(كلها). الناس شارية بجد.
عادل: خلاص هنودي زهرة للحكيمة(للدكتورة) الاول.
عادل: نادمي(نادي) علي زهرة يا علا.
علا: حاضر يا عمي.
علا طلعت و نادت زهرة و زهرة نزلت و حطت رأسها في الارض.
عادل: زهرة.
زهرة: نعم يا جدي.
عادل: في عريس متجدم ليكي و في ايدك الجرار المرة دي يا بتي علشان مكونش ظلمتك(في عريس متقدم ليكي و في ايدك القرار المرة دي يا بنتي علشان مكونش ظلمتك). بس في البداية هتروحي للحكيمة(للدكتورة).
زهرة: اللي تشوفه مناسب يا جدي انا موافجة عليه(موافقة عليه).
عادل: علي خيرة الله.
ورد(بفرحة): ما نروح للحكيمة دلوجت(للدكتورة دلوقتي).
الكل بص ل ورد و ضحكوا...
هدي: مستعجلة جوي اكدي(اوي. كدة).
عادل: روحوا المستشفي.
ورد: يلا يا زهرة اطلعي البسي.
ورد طلعت بسرعة تغير هدومها و هما ضحكوا عليها و زهرة مكنتش لسة مستوعبة الموضوع.
زهرة طلعت و غيرت هدومها و ورد خدتها و راحوا للمستشفي.
الدكتورة طلبت كذا تحليل و زهرة عملتهم.
الدكتورة: بكرة تقدروا تيجوا تأخدوا النتيجة.
ورد: شكرا يا حضرة الحكيمة(الدكتورة).
زهرة: ده انتي غريبة جوي يا اما(اوي يا ماما).
ورد: هوديكي للي يستحجك(يستحقك) المرة دي يا بتي(بنتي).
-في مكان تاني...
عند مهند و فاطمة.
فاطمة: طب و حصل ده ليه؟!
مهند: و حياتك ما اعرف.
فاطمة: يا خسارة كان نفسي اعرف.
مهند: يخرب بيت فضولك ده اوف.
فاطمة: في ايه يا مهند بحب اعرف الله.
مهند: طب قومي اعمليلي اكل.
فاطمة: طلبت لينا بيتزا النهاردة.
مهند: ده من كتر الفلوس يعني.
فاطمة: مرة من نفسي يا اخي، ده انت ايه ده؟!
مهند: يا مبذرة.
فاطمة: يا كداب.
مهند: انا برضو طب تعالي هنا.
فاطمة: مهند قوم افتح الباب.
مهند: لا بقي عندًا فيكي.
فاطمة: يا مهند مينفعش اقوم كدة و لسة هلبس الاسدال.
مهند: لا.
فاطمة: طيب و انا هقوم افتح كدة بشعري.
مهند(بعصبية): نعم يا اختي.
مهند زق فاطمة علي الكنبة و فاطمة ضحكت عليه,مهند راح فتح الباب و خد البيتزا و حاسب.
فاطمة: هييييه و ضحكت عليك و خليتك تدفع انت.
مهند وقف مصدوم من اللي فاطمة عملته فيه...
مهند: يا واطية تعالي هنا.
مهند ساب البيتزا و جري علي فاطمة في كل الشقة.
فاطمة: حبيبي يا مهند اهدي اكدي(كدة).
مهند: اكدي! ده انتي نهار ابوكي اسود.
مهند شد فاطمة وقعت علي الكنبة علي رجله.
مهند: حساب البيتزا مليش فيه.
فاطمة: بعد الاكل طب.
مهند: ابدا.
فاطمة: يا مهند.
مهند: وعد؟!
فاطمة: وعد.
مهند: هو زياد نايم؟!
فاطمة: ايوه.
مهند: طيب احسن مش هيأكل معايا...
فاطمة: رخم.
مهند: قولتي هتدفعي.
فاطمة: و انا وعدتك.
مهند و فاطمة بدأوا يأكلوا البيتزا.
مهند: ها فين بقي الحساب؟!
فاطمة قربت من مهند و (لخيالكوا)و...
-في مكان تاني...
عند ملك و مالك.
مالك: ها فاتتني حاجة؟!
ملك: لا بس ده طلع ابوها.
مالك: ده كله و مفاتنيش حاجة.
ملك: حد قالك تدخل الحمام؟!
مالك: و النبي!
ملك: اوف بقي خلاص اقعد كل فشار.
مالك: مالك يا بت قلبتي كدة ليه؟!
ملك: مش عارفة عايزة اعضك اوي...
مالك(بصدمة): عايزة ايه!؟
ملك مسكت ايد مالك و عضتها و مالك صرخ.
مالك(بوجع): يا بنت المجانين.
ملك: معلش يا حبيبي يلا نكمل الفيلم.
مالك بصلها بصدمة و بص لايده.
مالك: و بالنسبة لايدي دي اعمل فيها ايه؟!
ملك: هاتها...
مالك: لا.
مالك ربع ايده و بص ل ملك بصدمة,ملك بصتله بخبث.
مالك: كنتي قاصدة يعني؟!
ملك(ببرائة مصطنعة): انا يا حبييبي!
مالك(بغيظ): ايوه انتي.
ملك: حبيبي انت زعلان؟!
مالك: ايوه ابعدي عني.
ملك قربت من مالك و حضنته و باست خده.
ملك: صالحتك اهو اتفرج علي الفيلم بقي.
مالك: تيجي نتمشي في الجنينة شوية؟!
ملك: طيب.
مالك و ملك قاموا و بدأوا يتمشوا في الجنينة مالك وقف و قطف وردة حطها في شعر ملك و باس رأسها.
مالك: ربنا يخليكي ليا يا اغلي ما املك.
ملك: و يخليك ليا يا حبيبي.
مالك: قوليلي بقي لو بنت هتسميها ايه؟!
ملك: مفكرتش.
مالك: لا لازم نفكر بقي.
ملك: ممكن زينب.
مالك: حلو او ممكن قمر. لانها هتبقي اسم علي مسمي.
ملك: حلو برضو. و لو ولد؟!
مالك: عبدالخالق.
ملك: طيب.
مالك: صدقتي؟! بهزر.
ملك: اومال؟!
مالك: ممكن رعد.
ملك: براحتك اللي انت عايزه.
مالك: اضايقتي؟!
ملك: لا. اللي مضايقني انك محسسني دايما اني منستش رعد و اني مش بحبك.
مالك: انا قولت كدة؟!
ملك: لا بس تصرفاتك ساعات بتدل علي كدة.
مالك: شايف لسانك اتعدل.
ملك: اوف شوف انا بتكلم في ايه و انت في ايه؟!
مالك: بحبك.
ملك: بموت فيكي ها بقي.
مالك(بضحك): قمري المقموص.
مالك خد ملك في حضنه و باس رأسها...
-في مكان تاني...
عند سعد.
سعد خد رجالته و راح للمكان اللي رعد قال ايه لقي فرح مرمية في الارض و شاف جثث كتير مرمية في الارض.
سعد: شيلوها.
الرجالة شالوا فرح و ركبوها العربية و سعد بص في المكان كله و حس انه في حاجة حصلت.
سعد خرج و ركب عربيته و وصل ل مخزن قديم.
سعد: حطوها في اوضة هنا و يبقي في حراسة و مفيش هروب.
سعد: فاهمين؟!
الحراس: فاهمين يا فندم.
سعد: و اكلوها و شربوها.
سعد: لو في حاجة حصلت بلغوني.
سعد ركب عربيته و رجع ل لبيته...
-في مكان تاني...
عند يوسف.
يوسف كان واقف في شباك مكتبه بيبص علي الناس و الطريق.
يوسف(بتنهيدة): لا كدة كتير.
يوسف مسك تليفونه و فضل متردد لغاية ما اتصل ب هدي.
الخط اتفتح.
هدي: الو يا حبيبي.
يوسف: الو يا تيتة اخبارك؟!
هدي: بخير يا حبيبي.
يوسف: طب كويس.
هدي: اخبارك انت؟!
يوسف: تعبان يا تيتة.
هدي: مالك يا حبيبي!
يوسف: عايز اطلب منك طلب.
هدي: قول.
يوسف: تيتة انا طالب ايد عطر بنت الخضرواي.
هدي(بابتسامة): هو ده اللي تاعبك؟!
يوسف: احم.
هدي: فهمتك. هشوف و ارد عليك.
يوسف: بسرعة يا تيتة.
هدي: طيب، ركز في شغلك باي.
يوسف: باي يا حبيبتي.
يوسف قفل مع هدي و هو مبسوط انه خد الخطوة دي. و بدأ يكمل شغل.
-في الصباح الباكر.
عند نبض و رعد.
نبض كانت نايمة علي السرير و رعد غصب عنه نام علي الكرسي.
ميرفت دخلت و بدأت تشوف القيم الحيوية بتاعت نبض,كانت نبض بتبدأ تفوق.
نبض فتحت عينيها ببطء و كانت حاسة بوجع في رأسها و بطنها.
نبض(بوجع): ايه الصداع ده؟!
ميرفت: حمدلله بالسلامة.
نبض(بوجع): الله يسلمك، فين رعد؟! و الباقي؟!
نبض(بوجع): الصداع شديد اوي.
رعد فاق من النوم علي صوت نبض قام بسرعة و قرب منها.
رعد: حبيبتي حمدلله بالسلامة، اهم حاجة عندي سلامتك.
رعد مسك ايد نبض و باسها و دموعه نزلت غصب عنه.
نبض(بوجع): بتعيط ليه؟! انا كويسة قريب هبقي كويسة.
رعد(بدموع): ان شاء الله يا حبيبتي.
ميرفت: اهم حاجة رعاية سليمة و حضرتك هتبقي كويسة.
نبض(بوجع): شكرا يا ميرفت، بس وجع بطني ده ايه؟!
ميرفت: للاسف حضرتك خضعتي لعملية.
نبض(بخضة): ليه؟!
رعد: مفيش يا حبيبتي، خلاص روحي انتي.
نبض: مخبي عني ايه يا رعد؟!
رعد: مش مخبي يا حبيبتي.
نبض(بدموع): لا انت بتكدب عني. حصل ايه يا رعد؟!
رعد(بدموع): كنتي حامل.
نبض(بعدم فهم): ايوه و بعدين؟!
نبض بصت ل رعد و فهمت من عينيه انها خسرت الجنين,نبض غمضت عينيها و بدأت تعيط بصمت.
رعد دموعه نزلت مع نبض و حط رأسه علي رأسها.
رعد(بدموع): انا اسف يا نبض. اسف اني مكنتش موجود اسف اني مقدرتش احميكي اسف اسف يا نبض. بس ارجوكي سامحيني ارجوكي.
رعد(بدموع و امل): ربنا هيرزقنا تاني ربنا كريم و هيعوضنا.
رعد(بدموع): ربنا هيعوضنا صدقيني و الله...
رعد(بدموع): ارجوكي متكرهنيش انا اسف اسف.
نبض فتحت عينيها و مسحت دموعها و دموع رعد و حاوطت وش رعد بين ايديها.
نبض(بدموع): انا مستحيل اكرهك و انا بحمد ربنا اننا مكناش متعلقين بالبيبي.
نبض(بدموع): و ربنا ان شاء الله هيعوضنا خير. لازم نصبر و انا مش زعلانة منك و مش عايزاك تعتذر.
نبض(بدموع): انا متأكدة انك لو كنت موجود مكنتش سمحت لحد يقرب مني و كنت حاربت لاخر نفس في حياتك.
نبض قربت من رعد و باست رأسه رعد بصلها و ابتسم بحب ليها.
ياسر(باحراج): احم احم.
رعد بعد عن نبض بعد ما مسح دموعه و بص ل ياسر.
رعد(ببرود): معملوش الباب من فراغ.
ياسر: خبطت علفكرة العيب في ودنك بقي.
رعد: و الله؟!
نبض: خلاص اهدوا.
ياسر: ميرفت قالت انك حاسة بوجع شديد في رأسك.
نبض: اه شوية.
ياسر: متخافيش انا عملت اشاعة امبارح كله تمام. ده بس من اثر الخبطة. متخافيش هتتعدل.
نبض: شكرا.
رعد: هنرجع البيت.
ياسر: لاني عارف اني في كل الحالات لو رفضت انت هتأخدها فماشي خدها بس لازم رعاية تامة.
رعد: اكيد.
ياسر: عن اذنكم.
ياسر خرج دخل ادم و مراد و ميران و تمارا و ادهم.
ميران(بدموع): نبض.
ميران جريت علي نبض حضنتها و قعدت تعيط...
نبض: انتي كويسة؟!
ميران(بعياط): كنت خايفة عليكي اوي.
نبض: متخافيش يا روحي انا كويسة.
مراد قرب من نبض و باس رأسها و حط ايده علي كتفها.
مراد: دي اهم حاجة عندنا انك تبقي كويسة.
نبض: يا اوزعة تعالي.
ادهم: انا؟!
نبض: في غيرك هنا اوزعة.
ادهم: ايه ده في ايه ما تلم مراتك يا عم.
رعد: براحتها تعمل اللي هي عايزاه.
ادم: مسيطرة اوي.
رعد: انا راجل عسول بيحب يسمع كلام مراته.
الكل ضحك علي كلام رعد و نبض بطنها وجعتها من الضحك.
نبض: ده انت مطيع اوي اوي انت هتقولي.
رعد: عندك رأيي تاني؟!
نبض: انا اقدر.
نبض: يا بسكوتة انتي تعالي.
تمارا: انا!
نبض: ايوه.
نبض: ما تحكوا حصل ايه.
رعد: بعدين.
رعد وطي شال نبض بين ايديه و مشي بيها.
نبض: يا مجنون ب بيجامة المستشفي.
رعد: اديكي قولتيها مجنون مستغربة ليه بقي نفسي اعرف!؟
نبض خبت نفسها في رقبة رعد هي كانت محرجة من الناس.
نبض: ده انت مجنون رقم واحد.
الكل ركب العربيات و رجعوا علي بيت رعد اللي ادم امر بتنضيفه.
رعد: البيت بيتكوا هطلع انيم نبض و انزلكوا...
نبض: لا مش هنام لا لا...
رعد: لا هتنامي.
نبض: يا رعد.
رعد: عيون رعد.
نبض(باحراج): بحبك.
رعد حط نبض علي السرير بحرص و قرب منها و بدأ يغير هدومها.
نبض لبست بيجامة باللون الاسود في ابيض. لبست بنطلون طويل باللون الابيض و تي شيرت باللون الابيض و فيه قلوب حمراء ب ¾ كم و طويل لغاية قبل الركبة بشوية...
رعد: حاسة بوجع؟!
نبض: لا.
رعد: طيب.
رعد كان هيقوم نبض مسكت ايده و قعدته تاني علي السرير.
نبض: ايه اللي حصل في وشك ده!
رعد: بعدين.
نبض بصتله رعد فهمها نام علي رجليها و مسك ايد نبض باسها...
رعد بدأ يحكي اللي حصل من اول المكالمة لغاية ما وصل للمستشفي.
نبض: حبيبي و لا تزعل نفسك اهم حاجة اننا كلنا بخير.
رعد: بس حقك هرجعه حتى لو اخر يوم في حياتي.
نبض(بقلق): رعد حبيبي بلاش.
رعد: و انتي فاكرة انه لو فضل حر هيسبنا في حالنا، الحية اللي زيه لازم يتقطع رأسه...
نبض: ناوي علي ايه؟!
رعد: و لا اي حاجة هنفذ القانون.
رعد: يلا نامي.
رعد: هنزل اشوفهم و اجيلك.
رعد نزل ل تحت ملقاش حد لقي ورقة.
مضمون الورقة لازم يبقي عندنا دم شوية برضو و لا ايه، هتصرف انا.
رعد ابتسم و طلع جري علي الاوضة تاني.
نبض: ايه؟!
رعد: طلع عندهم دم.
رعد دخل خد دوش و خرج غير هدومه بسرعة و راح قعد جمب نبض.
نبض: متنشفش شعرك بحبه كدة.
رعد قعد يهز رأسه قدام نبض و في ماية جت علي وشها.
نبض: بس بقي قولت بحبه كدة لكن مترشش عليا ماية.
نبض حطت رأسها علي المخدة ببطء و حاولت تتحمل وجع بطنها بس مقدرتش و بان علي ملامحها.
رعد قرب من نبض و باس رأسها و خدها في حضنه.
رعد: هتعدي هتعدي.
نبض: ان شاء الله.
نبض خبت وشها في رعد و غمضت عينيها و نامت بعمق,رعد برضو نام من التعب...
-في مكان تاني...
عند فرح...
فرح بدأت تفتح عينيها بتعب لقت نفسها مربوطة.
فرح(بصريخ): الحقوني حد هنا، انا هنا افتحوا.
فرح(بصريخ): الحقوني. خرجوني من هنا.
فرح حاولت كتير تفك الحبل بس معرفتش حطت رأسها علي الارض.
فرح(بخوف): لا لا لا...