رواية فتاة القاضي للكاتبة رهف سيد الفصل الحادي والعشرون
استيقظت تالا وارتدت بنطال جينز وبلوزة صفراء
تالين، ي بنتي انهرده الحنة بتاعتك البسي فستان
تالا، طب محدش هيجي قولنا عائلية
ريماس، حتى لو مش كلنا نلبس فستاين وانتي كده
فريدة، ما بالك بقى ان انتي العروسة
تالا، حاضر حاضر البس إيه لاني عارفة مش هخلص من زنكم
جودي، ده هيبقى حلو عليكي
تالا بصدمة، ده مش بتاعي جبتيه منين
فريدة، اشترينالك معانا يلا البسية
تالا، انتو ضاربين حاجة قبل ما تيجو ولا إيه حكايتكم بالضبط.
تالين، يلا بس البسي ده وخدي ديه هداية جبناها ليكي
نظرت تالا لهم باستغراب وامسك الكيس وفتحتة ثم نقلت نظره لهم
تالا، ده ي حبيبتي انتي وهي تلبسوة انتو مش انا
جودي، هي مش حاجات عروسة
تالا، عروسة اما تاكلك ديه بدل رقص ديه ولا إيه
فريدة، تصدقو نسينا نجيب بدلة رقص
تالين، إيه ي توتو ديه حاجات عرايس
تالا بسخرية، ي شيخة طب احلفي على اساس اني مش عارفة الحاجات ديه ترجع مش كفاية المصيبة اللي هلبسها انهرده.
جودي، ليه بس ي توتو ده الفستان حلو وبعدين الحاجات ديه لازم تلبسيها
تالا، جرى إيه ي بت منك ليها عرفتو الحاجات ديه منين ديه اصغر واحدة فيكم ي مفاعيص عندها 19 سنة
فريدة، ملكيش فيه يلا خدي الحاجات ديه
تالا، برضو قلت مش واخدة حاجة
تالين، خلاص ي بنات سيبوها يلا ي توتو روحي البسي الفستان
تالا. طب مفيش غيرو
فريدة، روحي ي تالا
اخذت تالا الفستان ودخلت إلى الحمام
تالين بهمس، يلا حطو الحاجات ديه في شنطتها.
رفعو الشطنة الخاصة بها على الفراش وبدؤ في وضع الاشياء واخراج اشيائها
فريدة، بس خلاص
جودي، اقفلوها يلا
اغلقت الفتيات الشنطة ثم ارجعوها مكانها واخفو ملابس تالا خرجت تالا وهي تربط حزام الفستان كان يصل إلى قبل الركبة باللون الاصفر
تالين، ي سعدك ي هناك ي ابن عمي
فريدة، ي الهوووي على القمر
جودي. ي بختك ي واد ي هشام
ريماس، طول عمرو محظوظ ابن خالي وانا عارفاه
تالا، قصير اووي ي بنات.
تالين، لا ده حلو اووي عليكي ملكيش دعوة يلا اقعدي علشان نعملك ميك اب ونعمل شعرك
تالا، لا لا هو الفستان وخلاص
جودي، ده اللي هو ازاي لازم طبعا الميك اب والشعر اقعدي. ي تالا
تالا. بس يعني اصل مينفعش اقعد كده قدام هشام ورامي ويزيد
ريماس، لا متخافيش ماما قالت ان هما هياخدو الدور ده واحنا الدور اللي تحت
تالين، يلا بقى نبدا.
بدؤ في وضع مساحيق التجاميل ولم يكثرو منها لرغبة تالا وربطو جزء من شعرها على شكل كعكة وتركو الباقي نزلت الفتيات إلى الاسفل وبدؤ في وضع نقوش الحناء على يد تالا والفتيات
امل، ما حد يقوم يرقص ي مواكيس
تالين، عايزة اللي تعرف تهز فعلا توتو
تالا، توتو مين انتي شفتيني وانا برقص
فريده. يخربيتك فضحتينا
تالا. انطقي ي بت منك ليها.
تالين. اصل الصراحة يعني لما بتروقي اوضتك وتشغلي المزيكا وترقصي وانتي بتروقي كنت بجيب البت فريدة ونتفرج سوا
تالا، اااااه ي ج...
ريماس. خلاص ي توتو بقى يلا قومي ورينا
تالا، دول بيقولو اي فتي وخلاص
جودي، طب ورينا واحنا نقولك اذا كان فتي ولا لا
تالا، بس
فاطمة، يلا ي توتي بقى.
نهضت تالا من مكانها تقدمت جودي سريعا ولفت احدى الطرح على خصرها وربطتها باحكام شديد وشغلو الموسيقى وبدات تالا في الرقص اما في الاعلى كان الشباب يجلسون وحدهم تركهم حسن وذهب إلى غرفته كي يعطيهم المجال
يزيد، عايزك بقى ترفع راسنا ي معلم
هشام، عيب عليك
رامي، عيب على مين بالضبط ي واد ديه تالا لو ادتك بوكس تطيرك
هشام. ليه هو انا خيخة زيك
خالد. بتجيبو الكلام لنفسكم
هشام، الواد معاه حق انا رايح الحمام.
يزيد، سكة السلامة ومتجيش تاني
خرج هشام سمع صوت الموسيقى من الاسفل نظر من اعلى الدرج ليجد حبيبته ترقص والفتيات حولها يحيونها على جمال رقصها وضع يده اسفل خدة وظل ينظر لها إلى ان انتهت من الرقصة
وضع يده في فمه واطلق صفيرا عاليا رفع الجميع وجههم إلى الاعلى ليجدو هشام ينزل من الدرج ركضت تالا سريعا وهي تحاول فك العقدة التي على خصرها
امل، إيه اللي نزلك.
هشام، مفيش كنت نازل اشوفكم بس إيه انا فرحان اووي اني نزلت
فاطمة، هههههههه فرحان اوووي ي اخويا مش كده
تالا، يوووه البتاعة ديه مش عايزة تتفك
هشام، خليها ي تالا
تالا، ملكش دعوة حد يجي يفك البتاعة ديه
تقدم الفتيات وحاولو ان يفكو الربطة ولكنها كانت قوية
جودي. يالهوي هو انا ربطها جامد كده
تالا. هنعمل إيه
امل، روحو جيبو مقص
هشام. انا هفكها
تالا، لا شكرا انا هفكها
هشام، بلاش عناد وتعالي افكهالك
تالا، قولتلك لا.
وذهبت من امامهم واتجهت إلى المطبخ
هشام، شكلها مش هتتعلم انا هروح افكها
تالين. ايوة ي معلم الله يسهلو
هشام بغمزة، بس انتي انتي كلها كام يوم وتحصليها
وذهب من امامها اما تالين فوجهها اصبح مثل حبة الفراولة توجه إلى المطبخ وجد تالا تبحث عن مقص في الادراج
هشام، تالا
لفت تالا وجهها الية ظل يقترب منها وهي ترجع إلى الخلف حتى التصقت بالرخام خلفها وهشام امامها
هشام، نفسي لما اقول حاجة تتسمع.
تالا، ملكش دعوة وابعد شوية
هشام، نفسي لسانك ده يتقص بس متخافيش من بعد بكرة هيتقص
تالا، هيهيهي طب ابعد بقى ي خفة قبل ما حد يدخل
هشام، مش هيدخلو لان انا قلت اني داخل
تالاّ، ي سلام على اساس انهم هيسمعو الكلام
هشام، لازم يسمعو علشان عارفين انا لو دخلت هعمل إيه واتمني المرة الجاية تسمعي الكلام وكلمتي متتكسرش
تالا. والله ده ااااااااه
ضغط هشام بقوة على خصرها
هشام، قولت مسمعش غير كلمة حاضر
تالا، ي.
هشام، قولت حاضر.
تالا، حاضر
خف هشام من قبضتة قليلا ولكنه لم يتركها
هشام، شاطرة ي روحي و المرة الجاية لما اقول حاجة تتسمع من اول مرة
اومات له تالا بهدؤ قربها هشام اليه ومد يدة على خصرها وبدا في فك العقدة حول خصرها وضعت تالا يديه على كتفه مانعه تقربة ولكن لم يبالي كان يقربها اكثر وبدا بفك الاربطة ببطئ وضع انفة على عنقها صعودا إلى الاعلى وجهها سقطت الربطة من خصرها ولكنه مازال ممسك بها
تالا، هشام خلاص اتفكت.
ولكنة لم يبتعد رفع وجهه وهو مسحور بها واصبح ينظر لها وهو مسحور ظل ينظرون لبعض قليلا كانت تالا في حالة غريبة شعرت بشئ غريب اقترب هشام قليلا ليلتقط شفتيها بحب
يزيد، هشااا...
لم يكمل حتى اسمه وخرج مسرعا ابتعد هشام عن تالا مسرعا اما تالا فلفت وجهها إلى الجهه الثانية
هشام بصوت مبحوح، انا ماشي
اكتفت تالا بالايماء اقترب هشام وطبع قبلة على كتفها
هشام، مش هتخرجي
تالا. احم لا هخرج حالا.
هشام، طب استني اشوف في حد برة ولا لا مينفعش تخرجي كده.
اخذ هشام معطفة و وضعها على كتفها
هشام، و ياريت الهدوم ديه متتلبسش غير في الاوضة عندك في رجاله مفهوم
تالا. انا اصلا مكنتش هلبسو بس البنات اللي اصرو
هشام. بعد كده لو قالولك حاجة زي كده تقوليلي او متلبسيش
تالا، ماشي
وضع هشام يده على كتفها وخرج وجد الصاله فارغة جاء ليصعد الدرج وجد رامي ينزل خبا تالا خلف ظهره بينما لف رامي وجهه وحك مؤخرة راسه باحراج.
هشام بحدة، اطلع دلوقتي ي رامي
اوما رامي وصعد سريعا بينما سحب هشام تالا إلى غرفته فكانت الاقرب
تالا، انا بعمل إيه هنا
هشام، استني لما ينامو وبعدين اخرجي بس إيه رايك في الاوضة اللي هنتجوز فيها
تالا، نعم ازاي ده انا هفضل في اوضتي وانتا في اوضتك.