رواية فتاة القاضي للكاتبة رهف سيد الفصل الثلاثون
مر عليهم اسبوعان وكان كل الاطراف حبهم يزداد كانت تالا تنزل من الدرج وهي تشعر بالتعب حقا
تالين، إيه ي توتي انتي مش عندك شغل
تالا. مفيش دايخة ومش قادرة اتحرك حتى
فريدة، ليه ي قلبي مالك
تالا، وربنا ما اعرف
جودي. طب ما تيجي نروح احنا الاربعة بربطة المعلم وتكشفي
تالا، طب انا اللي هروح وممكن اخد حد ليه اخدكم كلكم طالعة رحلة
تالين، احنا جاهزين يلا ي توتي
تالا، يخربيتك إيه جبلة مفيش دم يلا.
ذهب الاربعة إلى احد المستشفيات الكبرى.
مجهول1، تالا تعبانة وممكن تكون حامل
مجهول2، يبقى خلي التنفيذ انهرده
مجهول1، تمام عن اذنك بقى علشان ابدء التجهيز
مجهول2، اهم حاجة الوقت هيفرق
مجهول1، متخافيش سلام.
كان هشام يجلس في مكتبه حتى طرقت السكرتيرة بابة
هشام، اتفضلي ي ميمونة
ميمونة، في واحدة عايزة حضرتك برة
هشام، واحدة! مقالتش اسمها
ميمونة، لا ي فندم وبتقول عيزاك بخصوص المدام
هشام. تالا طب دخليها اما نشوف
اومات له ميمونة وخرجت
هشام حبيبي
وقف هشام بصدمة، كارما انتي جاية ليه
اقتربت كارما منه بدلال، وحشتني وانتا مش بتيجي قولت اجي انا هشام، وانا من امتى باجي اصلا بقولك إيه انتي جاية ليه
كارما، علشان بحبك.
هشام، ههههههه صدقتك وانا ي بنت الحلال بحب مراتي
كارما، مراتك تحت ايدي ي هشام
هشام، ازاي ده يعني
نهضت كارما من مجلسها وتوجهت بجانبة، يعني ي حبيبي مراتك مش في البيت اصلا ورجالتي وراها يعني ممكن في ثانية اخليهم يموتوها
هشام، انتي مجنونة
كارما، ليه بس ي حبي
هشام، عايزة إيه
كارما، انهرده الساعة 9 بليل عندي في الشقة مستنياك وإلا اقرا الفاتحة على حبيبه القلب
هشام، تاخدي كام وتبعدي عني وعن طريقي.
كارما، تؤتؤ ليه فاهمني غلط ي حبيبي بس انا عايزاك انتا
هشام، وانا مش عايزك
كارما، اوك بس تعالا علشان انا عايزاك برضو والا انا مش مسؤولة عن اللي هيحصل لتالا وانتا عارف انا مجنونة واعملها
هشام، حاضر هجيلك انهرده الساعة 9 بس والنعمة لو تالا حصلها حاجة هنسفك من على وش الارض
كارما، طيب ي حبيبي مستنياك ب قلبي
خرجت كارما وهي تتغندر بمشيتها
هشام، كك وجع في قلبك ي شيخة اووووف.
عاد واكمل عمله مرة اخرى وباله معلق بتالا.
بعد ان فحصت الطبيبة تالا نهضت وهي تهندم من ثيابها
الدكتورة، طب احنا هنعمل اختبار ونشوف النتيجة
فريدة، اختبار إيه ي دكتورة
الدكتورة، اختبار حمل
تالا بصدمة، يعني يعني انا ممكن ابقى حامل
الدكتورة، ليه هو حصل حمل قبل كده ونزل
تالين، لا لو حصل تبقى ديه اول مرة
الدكتورة، ممكن طبعا تحمل مش مدام برضو
تالا بخجل، ايووة مدام بس انا
جودي. مفيش ي دكتورة بس هي مصدومة شوية.
الدكتورة، هههههه متخافيش ي حبيبتي احنا هنعمل اختبار لاني شاكة ممكن يكون فية حمل اتفضلي على المختبر
نزلت تالا هي والفتيات إلى المختبر وانتظرو قرابة النصف ساعة حتى خرج التحليل
تالا، لا انا خايفة افتحو
تالين، افتحي ي تالا الاختبار بقى خلينا نفرح
تالا، طب طب لو مطلعش فيه حمل
فريدة، يلا بس تفائلو بالخير تجيدوه
جودي، يلا ي توتا بقى
تالا، طب واحدة تفتحو وتقولي
تالين، لا علشان انتي تكوني اول واحدة تعرفي بالخبر.
تالا، طب نطلع للدكتورة هي تفتحو
امسكت جودي الورقة، انا هشوف
قرات جودي والورقة واغلقتها مرة اخرى واعطتها لتالين
تالين، إيه حامل
جودي، اقرئي
قرات تالين الورقة واعطتها إلى فريدة
فريدة، هو في إيه
قرات فريدة الورقة واغلقتها بصمت
نظرت تالا إلى تعابير وجههم تحاول الوصول إلى حل
تالا، حمل ولا لا
مدت فريدة يدها بالورقة، خدي اقرئي.
امسكت تالا الورقة بايدي مرتجفة وبدات بقراتها ظهرت معالم الفرح على وجهها وقفزت من مكانها بفرح
تالا، انا حااامل
ابتسم جميع الفتيات بفرح واحتضنوها مهنئين
تالين، مبروك ي احلى ماما في الدنيا
تالا، ربنا يخليكي ي قلبي
جودي، مبروك ي توتو يلا نروح للدكتورة ونشوف
اومات تالا وني تمشي تكاد تطير من الفرحة
الدكتورة، مبروك ي مدام تالا
تالا بفرح، الله يبارك فيكي ي دكتورة
الدكتورة، اهم حاجة نتغذا كويس ومفيش حركة كتير.
فريدة، هي حامل في الشهر الكام
الدكتورة، مدام تالا حامل في شهر نص بس اهم حاجة مفيش اجهاد كتير علشان الجنين احم وياريت جوز حضرتك يهدى الفترة ديه وبلاش شقاوة
انزلت تالا راسها وهي تكاد تموت خجلا بينما ضحك الفتيات عليها بقوة
فريدة، هههههه حاضر ي دكتور حاجة تاني
الدكتورة، ههههه لا سلامتك ي جميل المعاد الجاي بعد اسبوعين للمراجعة
اوما الجميع لها
الدكتورة، ومبروك مرة تانية وعقبالكم ي انسات.
تالين، ي ريت ي دكتور انا مدام كلنا متجوزين
الدكتورة لفريدة. حتى انتي ده انا كنت ناوية اخطبك لابني
جودي، ههه ديه بقى مرات اخويا
الدكتورة. ربنا يخليكم لبعض
خرج الجميع وهم فرحين للغاية
تالا، انا عايزة اروح الشركة عند هشام اقولو
تالين، ايوة ي عم الله يسهلو
فريدة، لا متبقيش هبله وتروحي.
جودي. انتي تروحي كده زي الشاطرة البيت تظبطي الاوضة ورد وبالونات وحركات من اللي قلبك يحبها وتلبسي الحتة اللي على الحبل وتقوليلو في جو رومانسي
تالا، تفتكري
فريدة، اكيييييد يلا بقى نروح نقول للعيله
عاد الفتيات بعد ان احضرو بعد الاشياء كانت الساعة تشير إلى 7: 30
فاطمة، كنتو فين ي بنات
تالين، احم مفيش ي تيتة كنا بنشتري
امل، تيتة
فريدة. اه هي تيته وانتي تيتة وعمو حسن جدو وهشام بابا والدنيا حلوة.
انفرجت اسارير فاطمة واحتضنت تالا مهنئة
فاطمة، مبروك ي قلبي الف مبروك
تالا، الله يبارك فيكي ي ماما
امل، مبروك ي توتو يتربى في عزك
تالا، تسلمي ي عمتو عقبال ريماس وخالد
دخل حسن هو و يزيد واسلام هي هذه اللحظة
يزيد، يتربى في عز مين ومبروك مين
اسلام، واضح ان في واحدة حامل هنا
حسن، ده بجد مين اللي حامل
تالين، تالا ي بابا تالا حامل في شهر ونص.
اقترب حسن واحتضنها رفعت تالا يدها لتبادلة عناقه الذي استمر لمدة قصيرة جدا
حسن، مبروك ي تالا ي حبيبتي يتربي في عزك
تالا، شكرا
اسلام وهو يسحبها لحضنة، مبروك ي توتا هتبقى احلى ماما
جودي، إيه ي عم داخل تحضن
اسلام، عقبالك اقمر انتا وغمز لها
لفت جودي وجهها للجانب الاخر خجلة منه بينما ضحك الجميع عليها
فاتن وهي تنزل من الدرج، مبروك ي تالا ي حبيبتي الف مبروك فرحتلك من كل قلبي
تالا، شكرا
جودي، اومال اتش فين.
يزيد، مش عارف بابا قالو تعالا قال عندو شغل
فريدة، خلاص شوية وهتلاقوه جة
صعدت تالا إلى غرفتها بدات في ترتيب الغرفة ورشت بها القليل من المعطر ونثرت الورود على الفراش والارض فتحت الدولاب الخاص بها لتمسك احد القمصان بخجل دخلت إلى الحمام واخذت حمامها خرجت ذهبت إلى المرأة لتشهق بخجل كان الفستان اسود يصل إلى بداية فخذها بفتحة صدر دائرية مفتوح من الخلف شفافا من الخصر.
تالا، هو انا هلبس كده قدامو اهدي ي تالا ده جوزك مفيش حاجة شهيق زفير عادي اوووف بقى انا مكسوفة اووي
رتبت شعرها وضعت القليل من المكياج وجلست على الفراش تنتظر هشام.
وقف هشام امام باب الشقة ليطرق الباب ماهي الا ثوان حتى فتحت كارما بملابس تفضح اكثر من ان تستر نظر لها بقرف
كارما، إيه هتفضل واقف هنا كتير
هشام، عايزة إيه خلصيني
كارما. طب ادخل مش هينفع تفضل واقف على السلم كده.
دخل هشام وهو بنظر لساعة يديه كانت تشير لل9: 25 دقيقة بالطبع سوف تقلق تالا وضع يده في جيبة لم يجد هاتفه توقع ان يكون نسية في الاسفل جلس وجلست امامه كارما ورفعت رجل على الاخرى لتظهر ساقها اكثر انزل هشام راسه في الارض
كانت تالا تجوب الغرفة بتوتر امسكت هاتفها واعادت الاتصال به ولكن لا رد
تالا، انا هلبس وارحلو.
ارتدت تالا بنطال من اللون الابيض و بلوزة زرقاء وجمعت شعرها على شكل ذيل حصان ونزلت وجدت الانوار مطفئة يعني ان الجميع قد نام اخذت نفسا عميقا ونزلت بهدؤ اكثر وهي تضع يدها على بطنها وتتحسسها وصلت إلى الشركة لتجد جميع الموظفين قد غادرو عدا ميمونة
ميمونة، تالا هانم صح
اومات لها تالا بابتسامة، هو هشام جوه
ميمونة باستغراب، لا ي فندم هشام بية مشي من ساعة كده
تالا، ساعة!
ميمونة، ايوة وكمان نسي تليفونه اتفضلي.
اخذت تالا هاتفة وخرجت من الشركة جلست في سيارتها باستغراب
تالا، رحت فين ي هشام انا قلبي واجعني عليك
فتحت هاتفة لتجد رسالة فتحتها لتقرائها بصدمة
تالا، انا مستنياك في البيت ي حبيبي اوعى تتاخر والعنوان.
انزلت تالا الهاتف بصدمة بدات الدموع تتجمع بعينها ولكنها ابت لتنزل حتى تتاكد من هذه الرسالة وصلت للعنوان والدموع تقطع قلبها ولكنها ابت ان تنزل وقفت امام المصعد وصعدت إلى الدور الثاني وصلت إلى باب الشقة لتسمع صوت ضحكة
كارما، بقى البنت ديه تفضلها عليا انا ده انتا متجوز واحد صاحبك
هشام، على الاقل ديه اللي ائتمنها على ولادي وشرفي مش زيك
طرقت تالا الباب وهي تحاول ان تتماسك ارتسمت على وجه كارما ابتسامة خبث.
كارما، دقيقة هفتح
توجهت إلى الباب لتفتح
كارما متصنعة الصدمة، تالا
دفعتها تالا ودخلت وجدت هشام يجلس على الاريكة
تالا، هشام!
هشام بصدمة. تالا
تالا. بتعمل إيه هنا ي هشام
هشام، انا انا
تالا، انتا إيه انتا انسان خاين و واطي
هشام، لا ي تالا مش زي ما انتي فاكرة
تالا بصراخ، اومال سيادتك بتعمل إيه واحد الساعة 10 بليل في شقة وسايب تليفونو ومراتو مستنياه ده تسمية إيه
هشام، اهدي ي تالا وال...
تالا، تسميها خيانة وعدم ثقة انتا خاين وانا غلطانة علشان حبيت واحد مش راجل
تفاجا هشام من كلماتها بشدة ورفع يدية لتهبط على وجنتها وضعت تالا يدها على وجنتها كانت كارما تراقبها من الباب وعلى وجهها ابتسامة نصر اخذت تالا شنتطها وغادرت نظر هشام إلى كارما وتقدم صفعها بقوة لدرجة ان شفتيها ادميت
هشام، وربنا ما هسيبك ي زبالا
لحق تالا سريعا وقفت تالا امام المصعد ولكنه كان عالق نزلت عن الدرج بسرعة امسكها هشام.
هشام، تالا انا اسف والله ما كنت قاصد انتي نرفزتيني
تالا وهي تسحب يدها بعنف، وانتا خنتني
نزلت تالا مسرعة لم تنتبة إلى الماء المسكوب على الدرج لتلتف رجليها وتقع على الدرج سمع هشام صوت ارتطام ليركض وجد تالا واقعة على الدرج ركض نحوها
هشام، تالا تالا حبيبتي
فتحت تالا عينها ونطقت بتقطع، ا ب ن ي.
واغمضت عينيها لم يفهم هشام شئ شعر بشئ رطب على يده ليجدها دماء نظر على بنطالها والارض كانت مليئة بالدماء حملها سريعا وتوجه إلى اقرب مشفي انتظر قرابة ساعة حتى خرج الطبيب
هشام، طمني ي دكتور تالا عاملة إيه
الدكتور، هي كويسة بس
هشام، بس إيه
الدكتور، للاسف معرفناش ننقذ الجنين
هشام بصدمة، جنين!