قصص و روايات - روايات صعيدية :

رواية عناد أحفاد الراوي الجزء الأول للكاتبة هدى السيد الفصل السابع

رواية عناد أحفاد الراوي الجزء الأول للكاتبة هدى السيد الفصل السابع

رواية عناد أحفاد الراوي الجزء الأول للكاتبة هدى السيد الفصل السابع

منه واقفه في شرفة غرفتها لقت وحده لابسه ملس مغطيها من راسها إلى
اخر قدمها وبتبص يمين وشمال بتتوجه لداخل السرايا بسرعه خرجه من غرفتها ونزلت على السلم لقت الباب بيتفتح ودخل منه الشخص الملثم سند على الباب وفجاءه سمعت صوت صريخ دب الخوف في ااوصلها منه وهي بتنزل من على السلم كانت بتصرخ باعلى صوتها عشان حد يجي يمسك الحرامي على حد تفكيرها
منه: اه ه ه الحقونييييييي اه ه ه ياعمتو الحقوني حرامي، حرامي.

العمه يفزع: واه في ايه يانضري عتصرخي ليه
منه وهي بتمسك الست من هدومها: الحقي ياعمتو دي شكلها حرميه انا شوفتها وهي داخله تتسحب اكيد عايزه تسرق حاجه
كريمه وهي بتدقق النظر: مين انتي وداخه تتسحبي ليه
بزعر ترفع النقاب من وجها وتحاول تتكلم بهدوء: واه انتي خوفتي منى ماوخداش انتي على اللبس ده احنا ماعنخرجوش كيفكم يا بنته احنا لازم ندارو وجهنا مش أكده ياعمه
كريمه باستغراب: صفيه كنتي فين في وجت كيف ده.

صفيه بارتباك: كنت بشوف خيتي اتوحشتها فيها حاجه
كريمه: لاه مافيهاش حاجه، وقربت من منه، ماتخفيش ياجلب عمتك
منه باحراج: انا اسفه ياطنط اصلك سوري يعني كنتي داخله تتسحبي زي إلى عامل عمله
صفيه بضيق: عتسحب ليه حرميه اياك ماتتحشمي في كلامك ولا امك ماعرفتش تربيكي صوح
منه والدموع في عينيها: انا ماسمحلكيش تتكلمي عن ماما كده انا بقول إلى شوفته انتي فعلا كنتي داخله بتتسحبي.

صفيه ترفع أيدها وتضرب منه يونس يكون داخل السرايا وقبل ما أيدها تنزل عليها
عناد احفاد الراوي بقلمي هدى السيد عبد البديع
يونس بصوت عالي: مرات ابوي
صفيه بارتباك وخوف من يونس أنه يعرف انها كانت بره
وأنها كانت داخله تتسحب لسه هتتكلم سمعوا صريخ كريمه
كريمه: يونس الحجنا ياولدي.

منه اول مامرات عمها رفعت أيدها عليها انصدمت هي مش مصدقها انها ممكن تمد أيدها عليها بتلقاءيه رفعت أيدها تداري وجهها بس الغريبه انها ماحستش بضرب على وجهها بتفتح عينيها لقت الدنيا بتلف بيها ووقعت في حضن عمتها
يونس يفزع: منه، وبخفه كان شلها و توجه لغرفتها وهو طالع بصوت عالي شيعى لدكتور يا عمه
بعد شويه الدكتور خرج وقالهم انها اتعرضت لصدمه عشان كده أغمى عليها
يونس بحده: ايه إلى حوصل مشان تمدي يدك عليها.

صفيه بارتباك: ماحصولش حاجه هي جلت ادبها عليا وماحسيتش بروحي غير واني برفع يدى عليها انت يرضيك ياولدي تغلط فيا واني كيف امها
يونس بعدم تصديق وبنظره غضب: هنشوف يامرت ابوي والى غلط عيتعاقب
بسمله صحت على صوتهم خرجت من غرفتها: واه ايه إلى حوصل يايونس منه كيفها
يونس: ماتجلجيش يا بسمه ادخل شوفيها وجوليلها اني رايد اتحدت معاها
عند منه نائمه على السرير ودموعها نازله وعمتها وخداها في حضنها.

كريمه: سلامتك ياجلب عمتك
منه بعايط: انا محدش مد ايده عليا قبل كده ياعمتو بابا وماما عمرهم ماعملوها
كريمه: ماعلهش يا حببتي انى هتصرف معاها وهعرفها كيف تمد يدها على بن اخوي بس ماتجوليش ليونس ياحببتي إلى شوفته اصل تبجى مشكله يابتي عمك مايسكوتش لما يعرف انهاعتخرج من دون أذنه واني ورحمة اخوي في تربته لكون جيبالك حجك منيها بنت المركوب دي
منه: بس ياعمتو والله هي كانت...

كريمه: خابره ياحببتي بس انتي يرضيكي بسمه في السن ده امها تطلج والعريس إلى متجدملها عيجول ايه يابتي صدجيني لو عمك خاد خبر البيت عيطربج
منه: خلاص ياعمتو مش هقول حاجه
الباب خبط وبسمله دخلت: ادخل ولا هبجى عزول
كريمه بابتسامه: بعد الشر عليكي من العزله يا جلب عمتك تعالي ياحببتي
منه: تعالي يابوسي
بسمله: الف سلامه عليكي ياحببتي ايه إلى صابك
منه بنظره لعمتها: تقريبا ضغطي نزل فجاه.

بسمله: يونس واجف بره ورايد يطمن عليكي
كريمه: خليه يدخل ياحببتي كان مخلوع عليكي يا نضري حملك مره واحده وطلع يجري
منه اتكسفت لما عرفت ان يونس هو إلى شالها بسمله فتحت الباب وقالت ليونس يدخل
يونس بهدوء: حمد الله على السلامه
منه باحراج: الله يسلمك
يونس: فتونا لوحدينا هبابه رايد اتحدت مع بنت عمي
كريمه فهمت أن يونس مش عايز يتكلم قدام بسمله قامت من على السرير واخدتها وخرجت.

وقبل ماتخرج ربتت على كتف يونس وبصوت منخفض
ربنا يكملك بعجلك ياحبيبي
يونس: ايه إلى حصل
منه: ماحصلش حاجه
يونس بغضب: كيف ماحصولش حاجه يعنى هي عتمد يدها عليكي أكده من غير سبب
منه بتفكير: لاء هي بس جابت سيرة ماما بكلام مش كويس وأنها خلت بابا يتخلى عن جدي ويروح يتجوزها فأنا رديت عليها وهي معجبهاش الكلام ورفعت أيدها عليا
يونس بشك: بس أكده
منه بضيق: اه بس، هي دي حاجه سهله انا محدش يجيب سيرة بابا وماما على لسانه.

يونس بضحك: واه روجي أكده جلبك ابيوض ماحدش يجدر يجيب سيرتهم غير بالخير
منه بابتسامه: شكرا
يونس: على ايه انتي ناسيه أنه عمي ولا ايه
منه بكسوف: مش قصدى يعني عشان شلتني وكده
يونس: لاشكر على واجب انا لو شوفت اي حد واجع على الأرض هعمل معاه أكده حتى لو بهيمه.

منه برقت من الكلمه وبزهول: بهيمه وبعصبيه طيب لو سمحت لو شوفتني وقعه ولا ميته حتى ماتحطش ايدك عليا ثاني فاهم مش من حقك واتفضل بقى بره انا تعبانه وعايزه انام
يونس بغضب: واه انتي عتطرديني تصدجي اني غلطان اني عبرتك وجاي اطمن عليكي
وخرج وعبد الباب وراه كريمه بره خافت لما شافت يونس والغضب باين عليه فكرة أن منه تكون حكت له إلى حصل.

عند منه بعد يونس خرج تمددت على السرير وبتشد الغطى بعصبيه وبتمتم: بهيمه قال أنا انا بهيمه.

بعد شويه الكل متجمع ومنى ومروان عرفة إلى حصل لمنه
وفضلو يوصوها أنها تهتم بصحتها عشان ميحصلش معاها كده ثاني
طبعا هما ماعرفوش إلى مرات عمها كانت هتضربها هما عرفوا أن ضغطها انخفض
مروان بمرح: انا مش عارف انتم أمته بقى ضغطكم منخفض كده من يومين منى ودلوقتى انتي لاء ده انا اخاف على نفسي بقى
كريمه بضحك: ههه والله انت كيف العسل يامروان.

مروان: حببتي ياعمتي بس ابوس ايدك خدي بالك مني شويه انا حاسس ان الدور عليا
الكل ضحك وعثمان دخل عليهم
عثمان بابتسامه: واه ايه الضحك ده كله كأنكم عرفتم ولا ايه
كريمه: عرفنا ايه ياخوي بقلمى هدى السيد عبد البديع
عثمان: خطوبة بسمه يوم الجمعه ان شاء الله حضروا نفسكم على أكده
كريمه بحزن: الف مبروك ياخوي ربنا يتمم على خير
بسمله بجد يابوي، جصدى ممدوح عرف، جصدى...

عثمان: هههههههههههه واه مالك متلخبطه أكده ايوه ياستي شبل ويونس زمانهم عيخبروه
بسمله: هيروحوله بيته
عثمان: عيروحوا لمين يا مخبوله عيشيعوا. الغفير يحوله ياجي امال فينها امك
بسمله بتلقاءيه: جاعده في غرفتها مانزلتش من ساعت إلى حوصل لمنه
عثمان يخضع: واه ايه اي حوصل مالك ياحببتي
منه بارتباك مافيش ياعمو ده ضغطي انخفض شويه بس الحمد لله انا كويسه دلوقتي.

عثمان بحنان: الف سلامه عليكي يا بنتي خدى بالك من روحك هبابه وانتي يالكريمه اتوصي بيهم شويه دول صغار على مسألة الضغط دي
كريمه: من عنيه ياخوي اني ليا غيرهم
بسمله بزعل مصطنع واه مالكيش غيرهم ياكريمه بسمله دلوك بجت عفشه
كريمه بحب: مين جال ده انتي حبيبتي يا بسبوسه ويحزن كيف مراد مابيجول الله يمسيه بالخير
الكل ملامحه اتغيرت بعد سماع اسم مراد مابين الاستياء واللوم والقلق.

مروان: والله هو وحشتي قو هو مش ناوي يجي بقى ياعمتي
كريمه: ماخبراش ياولدي كل ماجوله ياجي بجول هبابه أكده جاعد مع أصحابه
مراد بمرح: أصحابه برضوا تلاقيه اتعرف على مزه اسكندرانيه وهيجي يقولك جوزهالي يا أماي
مروان كان بيتكلم وهو ليمثل بطريقه كوميدي
الكل ضحك على طريقة مروان عناد احفاد الراوي بقلمى هدى السيد.

كريمه: ههههههه واه ربنا يسعدك يامروان والله ياولدي ميته ماياجي ويجولي جوزيني دي ياأمي ماهكدب خبر واكون مجوزاها له بين يوم وليله ده انا منى عيني اشوف أولاده
منه عنيها جات على بسمله لقتها قاعده بتفكر والتوتر باين عليها
بعد شويه عثمان طلع غرفته لقى صفيه قاعده على السرير وشكلها خايف
عثمان، : ايه إلى مجعدك لحالك أكده ومالك شكلك خايف من حاجه.

صفيه بارتباك وهي بتقلعه العبايه: لاه وهخاف من ايه اني بس جلجانه مشان موضوع بسمله خايفه العريس يزهج
عثمان بعصبيه: كانك جنيتي يا وليه عنخاف احنا اياك مايزهج ولا يغور في داهيه هنرموا بنتنا اياك
صفيه: اني ماجصديش ياحاج اني بس...
عثمان: جفلي على السيره دي وعلى العموم انا وافجت وهياجي بكره هو وأهله عشان نتفج
صفيه بفرحه: بجد الحمد لله الف نهار ابيوض
عثمان باستغراب: واه فرحانه كانك العروسه.

صفيه بارتباك: مش بتي وفرحى من فرحها
عثمان في نفسه: والله مانا خابر إذا كانت فرحانه ولا بتمثل الفرح
ثاني يوم ممدوح وأهله يروحوا عند عثمان عشان يتقدموا رسمي
ممدوح كان عايز يكتب الكتاب بس عثمان قاله نعمل خطوبه الاول وبعد كده نشوف موضوع كتب الكتاب
ام ممدوح بتعالي: هي العروسه فين مش هنشوفها ولا ايه
يونس بضيق من طريقتها لسه هيرد عليها بس عثمان لحقه
عثمان: كيف ده وصل الهانم عند الحريم ياشبل.

ام ممدوح: كمان انا إلى هروحلها مش المفروض هي إلى تيجي تسلم على حمتها مش هي دى الأصول.

وقبل ماحد يتكلم كان عثمان رد بكل زوق: مش مسأله
مين عيروح لمين لكن هي ماتجيش أهنه وسط الرجاله
وبأمر، جوم ياشبل وصل الضيقه عند خيتك
وأكد على كلمة ضيفه عشأن يعرفهم أنهم لولا ضيوف كان رده على طريقتها هيبقى غير
الجو اتوتر بعد كلام ولدت ممدوح ويونس قاعد مش طيقه اصلا من اول القاعده عشان حاسس أنه مش دغري في كلامه
عند بسمله قاعده ومعها منه ومنى في غرفتها وكريمه مع صفيه في المطبخ
شبل: احم احم ياعمتي.

كريمه: خلصنا اهه يا شبل نحطو الوكل دلوك
شبل: تعالي ياعمتي الست ام ممدوح رايده تشوف العروسه
كريمه: واه رايده تشوفها من اولها أكده
صفيه: وفيها ايه ماهي حجها تشوفها. بت ياهنيه اطلعى نادمي على بسمله خليها تنزل تسلم على حماتها
هنيه: حاضر ياستي
صفيها: خليها تاجي لحالها فاهمه لحالها
كريمه بصت لشبل وهو حرك عنيه بمعني عادي
شبل رجع عند الرجاله وكريمه وصفيه راحو عند ام ممدوح.

صفيه: يا الف اهلا وسهلا منوره ياست ام ممدوح
ام ممدوح بتكبر: ميرسي
بسمله نزلت وهي مرتبكه وقررت منها وبابتسامه: ازي حضرتك نورتينا
ام ممدوح بصت عليها من فوق لتحت وباطراف اصبعها سلمت عليها: امممممم انتي العروسه
بسمله باحراج: ايوه انا
ام ممدوح: مش بطاله
كريمه بعصبيه: ايه دي إلى مش بطاله بنتنا مافيش زيها في البر كله
ام ممدوح حست انها زودتها ولو الجوازه باظت ابنها هيهد الدنيا: انا مش قصدي انا قصدي انها كويسه.

صفيه: حصل خير تعالي ياعمتي نحضر الوكل
كريمه وهي بتتعد ل في قاعدتها: روحي انتي اني هجعد اهنه
صفيه دخلت المطبخ بعد مافشلت في إقناع كريمه انها تدخل معاها وكريمه قاعده نفسها تقوم تضرب ام ممدوح من طريقة كلمها مع بنت اخوها
ولدة ممدوح فضلت تتكلم مع بسمله في مواضيع كتير وهي كانت محروجه وبترد بكلمات بسيطه
ام ممدوح: ده انتي لخمه خالص.

بسمله عينيها دمعت ومعرفتش ترد وكريمه بغضب بدلت جلستها وقربت عليها استعداد منها للهجوم في اي لحظه ????
كريمه: بنتنا مش لخمه لكن عتستحي ماخلعاش برجع الحيه كيف ناس
ام ممدوح بحده: تقصدي اي...
اكريمه بخبث: ماجصديش اني عجولك انك عتخدى واحده خام ملهاش في شغل الحريم ده
قطع كلامهم يونس وهو بيقول لعمته تجهز السفره بعد شويه بسمله في غرفتها وبتعيط منه تروح عندها
منه: ايه ده انتي بتعيطي حصل ايه يابوسي.

بسمله بدموع: امه شكلها أكده ماحبتنيش شيفاني أجل منها وعتبصلي من فوج لتحت
منه باستفسار: ازاي يعني
بسمله حكتلها على إلى حصل وقالت لها انها كانت قاعده مكسوفه وماكنتش عارفه ترد عليها وهي افتكرتها مش بتعرف تتكلم وقالت لها انها ماتنفعش
تكون سيدة مجتمع ولازم تتلحلح شويه(طبعا تتلحلح دي من عندي اكيد الست ام ممدوح مش هتقول كده بس الصراحه هي فقعه مرارتي)المهم نرجع ثاني.

منه بعصبيه: سيدة ايه ياختي ليه هي فاكره نفسها ايه ان شاء الله وانتي ازاي تسكتى على كده ماادتيهاش فوق نفوخها ليه
بسمله: مشان الجوازه تبوظ اياك
منه بغيظ: ماتبوظ ولا تتهبب والله انا مش عارفه عجبك فيه ايه لاء وامه كمان جايه تتنك الحمد لله اني ماكنتش معاكي كنت خرجتها من هنا على نقاله مش خايفه الجوازه تبوظ
(اهدى ياوحش مش كده)عناد احفاد الراوي بقلمي هدى السيد عبد البديع.

بسمله بضحك على طريقه منه: لاه خليكي بعيد انتي انا خابره ماريداش تكمل
منه: انتي بتقولي فيها ياه ده انا نفسي اروح كده واقف قدامه هو وامه وقوله وبحركه مسرحيه انت ياض انت ماعندناش بنات للجواز امشي وخد امك دي في ايدك وشوفلك واحده من مستواك
بسمله ماقدرتش توقف ضحك من طريقه منه وفي الاخر أخدتها في حضنها وبصدق: ربنا مايحرمنيش منك والله يامنه انتي كيف اختي ربنا عوضني بيك انتي ومنى.

بعد كام يوم السرايا مزينه بالنور وناس كتير متجمعين والكل مشغول مابين طبخ وتعليق الانوار إلى يشوف السرايا يقول فيها عرس مش بس خطوبه طبعا دى بنت كبير البلد وحبيبت قلب اخوها
كريمه في المطبخ تباشر الاكل لقت هنيه جايه عليها وبلهفه
هنيه: ست كريمه ياست كريمه
كريمه: في ايه يابت عتصرخي ليه
هنيه بفرحه: سي مراد رجع ياست كريمه
كريمه وهي خارجه من المطبخ وبلهفه: عتجولي ايه مراد رجع ولدي جه.

مراد داخل السرايا وفي ايده شنطه اول مايشوف امه يرمي الشنطه ويجري عليها
كريمه بعياط: اتوحشتك جوي ياجلب امك أكده يامراد شهر بحاله
مراد وهو يقبل يدها: ماتعيطيش ياكريمه اني جيت اهه وماعسبكيش واصل
كريمه: ماتحرجش جلبي عليك ياولدي اني من دونك اموت
مراد بحزن: بعيد الشر عليكي يا حببتي ربنا يجعل يو...
كريمه بسرعه تحط أيدها على فمه: ماتجولش أكده ربنا مايورنيش فيك سوء ياولدي
مراد يبوس رأس امه ويخدها في حضنه.

بسمله كانت نازله شافت عمتها واقفه ومراد معاها غصب عنها دموعها نزلت مراد رفع وجهه عنيهم اتقبلت هو بنظره شوق وعشق وهي بنظرة بنظرة ايه هو مش عارف يفسر ملامحها
مراد في نفسه: اتوحشتك جوي يا حببتي
الليل قرب يدخل وبسمله خلاص قربت تجهز منه تدخلها وتكون البنت إلى بتزوقها خلاص بتوضع اللمسات الاخيره
منه: ماشاء الله قمر يابوسي
منى للبنت إلى بتزوق: ماتصغريش الطرحه خليها كبيره
البنت: الموضه أكده يادكتوره.

منى: احنا ملناش دعوه بالموضوع احنا لنا دعوه بالشرع
بسمله بابتسامه: خليها كبيره ياصابحه عتبجى احلى
صالحه: إلى يريحك ياست البنات
بعد شويه بسمله نزلت والليله ابتدت الرجاله خارج السرايا والستات بالداخل بسمله قاعده والبنات حوليها وبيغنو ويرقصوا مراد يدخل يشوف بسمله يسرح في جملها ويلعن نفسه أنه سبها تروح من ايده منه شافت مراد واقف في ركن بعيد قامت وقربت منه
منه: بتحبها
مراد بشرود: بعشجها.

منه: معلش يامراد كل شيء اسمه ونصيب
وقبل ماتمشي اتكلم بسرعه
مراد: ينفع اطلب منك حاجه
منه: طبعا بقلمى هدى السيد
في مكان بعيد قاعدين وفرحنين أن خطتتهم مشيه زي ماهما عايزين
ههههههه خليهم يفرحولهم يومين وبعد كده ننفذ باقي الخطه
بس ممدوح ده طلع ايه وقع البنت من اول نظره
مش قولتلك ده رقبته تحت ايدي هو عارف لو ماعملش إلى انا عايزه آخره هيبقى فين
بس انا خايفه الحكومه توصل قبلنا وتعرف مكان المقبره.

انا مش عارف عثمان ماوفقش على الجواز ليه ايه لازمت الخطوبه
اكيد يونس هو إلى صمم على كده عايز يتأكد منه انت مش عارف هو روحه في اخته ولازم يبقى مطمن...
؟، كان زمنا خلصنا منه وارتحنا
كله الا القتل
هههههههههههه ليه كانت اول مره نقتل ولا هتبقى اخر مره انتي بس الى مش قادره تنسيه
بعصبيه: ايوه مش قادره انساه ده الشخص الوحيد إلى حبيته
بعنف: احنا ماينفعش في شغلنا مشاعر الحب ده آخره السجن.

بحزن: عارفه والدليل اني معاك بس برضوا مش هسيبك تأذيه
بسخريه: والي بتعمليه ده مش اذيه
بغضب: انا ممكن اعمل اي حاجه عشان مايبقاش لغيري، وبضعف، لكن ماقدرش اعيش وهو مش في الدنيا
بخبث: والله طول ماهو بعيد عني مش هقرب منه لكن يوم ما يضر شغلي ماتلومنيش على إلى هعمله
في السرايا منه اخدت بسمله من وسط الحريم ودخلت بيها غرفة مروان
بسمله: واه جيباني اهنه ليه وفوتنا الفرح
منه: بوسي انتي عارفه اني بحبك.

بسمله باستغراب: واني كمان عحبك ياحببتي
منه: ماتزعليش مني
بسمله: واه خبر ايه يا منه اني مافهماش حا...
وقبل ماتكمل كان مراد ظهر وبنظره لمنه عرفت هو عايز ايه وبسمله بتبص لمراد.

الفصل التالي
جميع الفصول
روايات الكاتب
روايات مشابهة