رواية عناد أحفاد الراوي الجزء الأول للكاتبة هدى السيد الفصل الثامن
واقف في الساحه وماسك العصى وبيرقص بيه وبكل عنف بينزل على عصى شريكه في الرقص
يونس وشبل أعينهم مثبته عليه ومتاكدين أن اليوم ده مش هيعدى على خير
شبل بهمس: الراجل ده عيموت النهارده
يونس باستغراب: ماله هايج اكده
مراد طول ماهو بيرقص بيفكر في بسمله والي حصل بينهم
فلاش باك ??كلاكيت رابع مره??معلش بقى
بسمله في الغرفه ومنه واقفه قدمها ومش عارفه إلى هي عملته ده صح ولاغلط.
فكرة انها تقولها وتسيب لها فرصه الاختيار بس قبل ماتتكلم كان مراد داخل وبنظره لمنه كانت خارجه من الغرفه
وقافله الباب مراد قرب من بسمله وهي في حالة زهول فضل باصص في عينيها فتره ومش بيتكلم
وهي ارتبكت وقررت تمشي بس قبل ماتخرج كانت يد مراد لها القرار ومنعتها من الخروج
بسمله بارتباك: فوتني يامراد
مراد بحزن: عتحبيه
بسمله برجاء: ابوس يدك ف...
مراد بغضب: ماهفوتكيش انا، وبحنيه انا غبي لكن عحبك وانتي خابره.
بسمله بضعف وارتباك من نظرة عنيه: الناس وأبوي و...
مراد: جولي اه وانا أخرج اخرب الليله على عريس الغافله ده
بسمله مش قادره تقاوم مشاعر تجاه مراد وغصب عنها قلبها دق وأعلن عن حبه وبيطالب كمان بيه
لكن عقلها رافض هو جرحها بتهديده ورفضه لها دموعها نزلت من عينيها دليل على قلة الحيله
مراد قرب منها ورفع يده يمسح دمعه قبل ماتنزل على خدها كانت طعنه في قلبه ولعن نفسه.
أنه سبب دموعها بدل مايكون سبب فرحها وسعادتها هي ورغم المشاعر الي
استيقظت بداخلها ورغم قلبها إلى بيطالب بالمزيد عقلها صحى وفكرها بالماضي
وقبل ما ايده تمسح دموعها في ثانيه دفعته بعيد عنها ورجعه خطوه للخلف
وبحده: لو انت اخر راجل في الكون كله لاء يا مراد وبسرعه وقبل مايستوعب كلامها كانت خارجه من الغرفه منه واقفه
خارج الغرفه تقطع الطريق ذهاباً وإياباً والتوتر واضح عليها وبتلعن نفسها انها.
وضعت بنت عمها في موقف هي مش عارفه نتائجه لقت بسمله خارجه وقبل ماتتكلم
بسمله ودموعها نازله ويحزن: مش مسمحاكي واصل يابنت عمى
منه باحراج وزعل عليها: استني بس يابوسي، يوووووه
عند مراد واقف مش مستوعب إلى حصل معقول بعد ماكانت بين أيديهه وشاف
الحب في عينيها راحت منه كده ببساطه
مراد بغضب: اه يا بسمه اه
وبسرعه خرج من الغرفه ومن السرايا كلها راح عند الساحه إلى فيها الرقص.
لقى شبل ويونس خلصوا رأس بالعصى والناس بتهتف باسم الفائذ وطبعا كلنا عارفين مين
دخل المكان المخصص للرأس ومسك العصى وشاب من المتفرجين قام يشركه الرقص
انتهت الفلاش باك رواية عناد احفاد الراوي بقلمى هدى السيد عبد البديع
مراد كان بيرقص بعنف لدرجه ان اغلب الناس وقفت من مكنها وبدأوا بالقاء بعض الكلمات
شبل: مش جولتلك كأن الليله ماتعديش على خير روح وجفه يايونس.
وقبل مايونس يتكلم كان مراد رافع العصى والغضب مسيطر عليه والكل ترقب
هيعمل ايه وشريكه رجع خطوه للخلف وغمض عنيه وقبل مالعصى تنزل عليه كان مراد مغير اتجاهه
ونازل بيها على نجفه من زينة الفرح??كرسي في الكلوب يعني ??
وقبل ما الناس تفوق كان طالع على المسرح إلى عليه الفرقه إلى هتحي الليله
وقايلهم يعزفوا اغنيه هو هيغنيها وبدأيغني والشباب طلعوا يرقصون معاه و
بيعملوا كلهم حركات موحده وكأنهم فرقه استعراضيه.
عند الحريم عرفوا أن مراد هيغني خرجوا من السرايا يتفرجوا عليه صفيه واقفه بجانب ولدة ممدوح إلى الضيق واضح عليها من كلمات الاغنيه وبتوصف مراد بقله الذوء.
وكريمه فرحانه بابنها وبصوته إلى يشبه مطربين الزمن الجميل وده بالنسبه ليها طبعا هو مراد صوته حلو في الغنى بس كل أغانيه حديثه لكن هي بتخليه يغنلها لعمالقة الطرب ومنه وقفه جنبها هي وعائشه وبيضحكوا على كلمات الاغنيه وطريقة مراد في إلقائه أما بسمله مزهوله من الاغنيه ومتضايقه من الناس إلى بتبص عليها
وبتضحك منه بتحاول تهديها وهي الغضب مسيطر عليها وبتهبد برجلها في الأرض.
أما عن ممدوح مش قدره اوصفلكم حالته كانت ازاي وكل الشباب متفاعله
مع مراد وكأنه العريس ومتضايق من نظرات مراد ليه ومخنوق من ضحك الناس وخصوصا أنهم بدأوا يبصوله ويضحكم
عثمان باستغراب: واه بيجول ايه ده
شبل بابتسامه: عيغني ياعمى
يونس باقناع: انت خابر يابوي مراد عيحب المغنى وده غنى اليامين دول
شبل بهمس: العريس عيطوج أرهنك أنه رايد يطبج في زمارة رجبته.
يونس يبص على ممدوح وبابتسامت يتابع حركات مراد الاستعراضيه وفي نفسه
بيتوعد لممدوح لو قرب لابن عمته
الحماس زاد بين الناس والكل بيرقص ومراد عينه على ممدوح مانزلتش كأنه عايز يوصله أن كلام الغنيه كلها عليه
الاغنيه????????.
جدع لكنه اتلدع والجاني كان واطي ناديت ياصاحب جدع جاوب صدى اصواتي في العشج حاصد نياشين ومعا إلى كان واطي وبشوفت الغائبين بدعي في صلاواتي، لايزال السؤال هي ليه جلبت عيال طب جواب ايه إلى جاب.
اليمين جار الشمال2الواد شبه السحالي ماعرفش كيف حبتيه فيتاني ولسه حالي كيف ماسبتيه عليه لا يزال السؤال هي ليه جلبت عيال طب جواب ايه إلى جاب اليمين جار الشمال 2كان يستحسن تبوري ولا يوم تتسمي حرمه ايش جاب سردين لبوري في السوق البوري فرمه دوبتي جالبي في ثواني ساح عالبلاد المحيطة
بشتاجلك لسه واني لابس منك في حيطه لايازال السؤال هي ليه جلبت عيال طب جواب ايه إلى جاب اليمين جار الشمال2.
بيجولو عالتوجل صانعه الله يلعن دي مهنه ليه في حبي ديما ممانعه ليه تجولي
عالزبده دهده حطك في جلبي ومتربس حرصك وديما حميكي وفي عيد ميلادك أنا البس بكار وبطوط وميكي لايزال السؤال هي ليه جلبت عيال طب جواب ايه إلى جاب اليمين جار الشمال 2.
بولي عزراء لكني اسد الاسود واسأليهم واكمن حبك ساكيني من الحصره كدهم ماليهم لا يزال السؤال هي ليه جلبت عيال طب جواب ايه إلى جاب اليمين جار الشمال2 ????????اسمعوها وارجعوا ??????????
الاغنيه خلصت والشباب حملت مراد وبيرفعوه لفوق وممدوح بسرعه قرب عليه والغل والحقد ماليه مسك مراد من تلابيب الجلباب ومراد عينه في عنيه والإبتسامة على وشه يونس وشبل قبل من الثانيه كانو واقفين بينهم.
ممدوح بحده: تقصد ايه بالاغنيه دي
مراد بخبث: والله إلى على رأسه باطحه
شبل وهو يدفع مراد: امشي يا مراد جدامي هتفرج الخلج علينا امشي
مراد مش عايز يمشي وبنظرة تحدي لممدوح: مش هحاسبك دلوك على عملتك دي
شبل استمر في دفع مراد واخده وتوجه السرايا وهناك كانت بسمله واقفه عنيهم اتقبلت والكل بدأ يبص عليهم شبل دفعه للامام وبحده: يلا يامراد بكفياك أكده يلا.
عند يونس واقف جنب ممدوح وباصص قدامه وبهدوءلكن بحده: ماتحصولش ثاني ويدك تلمس مراد حتى لو بالسلام
ولو حوصل ماتلومش غير روحك وجتها لان مواجهتك عتبجى معايا
وبنصف ابتسامه ماخبرش بتفكر كيف
في غرفة مراد يدفعه شبل داخل الغرفه
شبل: ادخل بجى يا اخي
عند بسمله منه بتحاول تهديها وهي متعصبه مش عارفه هو عايز يوصل لفين
بيعاندو ليه الوقتي ومش راضي يرضى انها مش ليه ماهو سبها زمان ليه راجع دلوقتي
ليه في التوقيت ده بالذات.
منه: خلاص بقى يابوسي
بسمله بغضب: انتي تسكتي خالص انتي كمان حسابك معايا عسير
منه بغمزه: واهون عليك ياجميل
بسمله بابتسامه من طريقة منه: اه تهوني انتي وابن عمتك بجى أكده بتتفجى معاه عليا
طب خليها لحد ثاني ده انا حكيالك كل حاجه
منه: والله هو صعب عليا وانا شايفه الحب في عنيه وانتي بترفضى لمجرد العند
وقبل مابسمله ترد عليهم كان في شخص بيقرب منهم
: اذيكم يابنات عاملين ايه.
منه وبسمله: الحمد لله اذيك انت يادكتور عماد(كيفك)
عماد بابتسامه: الحمد لله مبروك يا بسمله
بسمله: الله يبارك فيك عجبالك يادكتور
عماد وهو بيبص لمنه وبابتسامه: ان شاء الله قريب
من بعيد صفيه بتنادي بسمله عشان تدخلها الغرفه إلى هتقعد مع عرسها فيها
سابت منه واقفه مع عماد وراحت عند ولدتها يونس بعد ماساب ممدوح بيتوجه السرايا عشان يطلع لمراد
شاف منه واقفه مع واحد وبتضحك أهمها في سره و في لمح البصر كان واقف بنهم.
منه بعد ما بسمله مشت عماد فضل يتكلم معاها على مراد وعلى شكل ممدوح وعلى خناقته مع مراد بعد الاغنيه
عماد بضحك: بس ابن عمتك ايه قصف جبهت ممدوح خالص
منه بضحك وتلقاءيه: ههههه احسن يستاهل
عماد بصلها وتبتسم وهي كملت باحراج: سوري يادكتور مش قصدى
عماد بهيام: ولا تقصدى هو...
يونس بغضب وصوت عالي اهتزت منه من سماعه: مين إلى واجفه معاه ده يابنت عمي
منه بارتباك: ده، ده...
عماد بسرعه: انا عماد معيد عند منه في الجامعه وصاحب ممدوح
يونس باستهزاء: ولما انت صاحب ممدوح واجف اهنه ليه اتفضل روح عند صاحبك
عمادمشى وهو محرج وفي نفس الوقت خايف على منه لأن يونس شكله مايطمنش
عند مراد رايح جاي في الغرفه ونفسه ينزل يضرب ممدوح ويهد الليله دي ويخلص
وشبل قاعد على السرير بيتفرج عليه
شبل بسخريه: ماعرفش انت متعصب ليه تبجى مهزء الراجل وانت إلى متدايج.
مراد بعصبيه: ماعرفش عتحب فيه ايه ده ده ده كيف السحالي
شبل باستغراب: سحالي، ولما انت عتحبها أكده ماهي طول عمرها جدامك
ولا حلت لما بجت
مراد بغضب: بسمله عمرها ماعتبجى لغيري فاهم ياشبل عمرها ماعتبجى لغيري
شبل بإقناع: ارضى بنصيبك يا مراد وفوتها تشوف مستجبلها
مراد باستهزاء: وانت مارضيتش ليه ياولد خالي
شبل بهدوء: لأنها نصيبي ابجى مارضتش كيف
مراد بحده: وبسمله نصيبي وانا مافوتهاش واصل.
شبل بابتسامه: روج روج يا ابو عمه روج
عند منه واقفه والانزعاج واضح عليها لسه هتتكلم يونس قرب منها وهي ارتبكت
يونس بأمر: على جوه وماشوفكيش ثاني بره السرايا لحد ما الليله تخلوص
منه خافت من طريقة يونس في الكلام وبسرعه كانت داخله جوه السرايا
وهي داخله رجلها خنتها وكانت هتقع بس في يد كانت اسرع ومسكتها قبل ماتقع عائشه كانت خارجه من السرايا شافت منه وهي هتقع جريت عليها ولحقتها????????????.
طبعا انتم مستنين حد ثاني إلى يلحقها ????اه ياخبثه نحنو نختلف عن الاخرين????
نرجع بقى عناد احفاد الراوي بقلمى هدى السيد
عائشه يخضه: خلي بالك ياحببتي
منه بارتباك وهي بتبص ليونس: شكرا يا عائشة. وسبتها ودخلت تحت انظار يونس الغاضبه
عائشه واقفه مع بنت قريتها وبتضحك بصوت عالي مروان يقرب منهم والبنت نسبهم وتمشي
مروان: ايه يابنتي الضحك ده كله صوتك يوطى شويه ايه يا شيخه عائشه.
عاءشه يأسف: معاك حق بس مادرتش بروحي واحنا بنتكلم اصل كنا بنتكلم على الاغنيه بتاع مراد
مروان باستغراب: ايه عجبتك قوي ده هزء العريس انتم بتهزؤ العرسان عندكم كده وبمرح لاء ياختي انا مش هتجوز من عندكم
عائشه بديق: احنا عنهزء العرسان المهزءه بس والي خايف على روحه مايتجوزش صعيديه
يخليه مع الفرافير بتوع مصر. وقبل مايتكلم كانت سيباه ونسبه
مروان في نفسه: بت اعوذ بالله مش باينه من الأرض بس عليها لسان.
عند شبل نزل من عند مراد بعد ما أكده ليه مايخرجش ثاني من الأوضه عشان الليله تعدى على خير وبعد كده يبقى يعمل إلى هو عايزه وهو نازل لاقى منى طالعه ودخلت غرفتها من غير تفكير راح عند الغرفه ورفع ايده وخلط على الباب منى فتحت لقت شبل ساند على الباب والإبتسامة مش مفارقه وجهه
منى بديق: خير ياشبل في حاجه
شبل بهيام: يا ابووووووووي ده أسمى طلع له طعم ثاني لما طلع من خشمك.
منى بارتباك: لو سمحت ياشبل بلاش الكلام ده انا...
شبل: انتى ايه انتي ليه مش حسه بيا عحبك انا يا بنت عمي
منى عارفه انها مش نتخلص وأنها مش هتعرف تخليه يسكت قررت تسيبه وتمشي بس هو كان اسرع منها وقرأت أفكارها سد الطريق عليها وبغضب: ماهفوتكيش تهروبي كيف كل مره وبحده: اسمعيني يابت عمى وحطي حديتي ده حاجه في ودنك هتجوزك يامنى وجريب جريب جوي فوافجي احسنلك بدل مايحصول غصب عنك ووجتها ماتلوميش غير روحك.
منى بغضب وصوت مرتفع: انت مفكر أن كده هحبك يعني على فكره انت كده بتاكدلي اني صح وان ماحدش يستاهل اني اتخلى عن حبي عشانه دي اخر مره تتكلم في الموضوع ده لاني مش هسمحلك بعد كده وريح نفسك انا مش رفضاك لذاتك عشان تخدها تحدي وتصمم على طلبك انا رفضه الجواز كله لان ببساطه انا ماينفعش اتجوز انا قلبي مش ملكي بعد اذنك.
بعد مامشت شبل واقف مزهول من كلمها بس فجاه ابتسم هو سعيد انها وقفت واتكلمت معاه مش مهم ايه الكلام إلى اتقال المهم انها سمعته وردت عليه شبل قرر يغير معاملته معاها عشان عرف انها مش بتيجي بالحنيه والمسايسه
عند بسمله بعد ماراحت عند ولدتها دخلت غرفة الصالون وكان ممدوح قاعد والغضب ظاهر عليه الباب اتقفل وبسمله قعدت على الكرسي وقبل ماتتكلم كان ممدوح قايم من مكانه وبصوت عالي.
ما عرفتنيش ليه يا هانم أن في حاجه بينك وبين قريبك ده
بسمله بدموع: حاجه ايه وضح كلامك
ممدوح بحده: عايزه تفهميني انك ماتعرفيش أنه بيحبك
بسمله: مين جال أكده مراد كيف اخوي
ممدوح: ومين قالك اني بتكلم عليه لو مش يمكن حاجه
بسمله بارتباك: انا، انا، استنتجت من كلامك لان اكيد اتديجت من الغنى بتاعه لكن إلى ماتعرفوش أن مراد عيحب المغنى وهو كان...
عناد احفاد الراوي بقلمى هدى السيد.
ممدوح بغضب: كان ايه ها كان قصده يهزقني ويقول اني مش قد المقام
بسمله دموعها نازله مش عارفه ليه كل حاجه ماشيه عكسها النهارده ممدوح يصلها وحس أن زودها معاها وخاف لخطته تفشل قرب منها وبهدوء: حببتي انا بغير عليكي ماقدرش اشوف حد بيبصلك بعين حبيب وماتديقش
بسمله: عندك حج بس صدجني مافيش حاجه من إلى في راسك.
ممدوح وقد عزم على تنفيذ خطته: مصدقك ياحببتي بس انا مش هقدر أأمن عليكي هنا بعد كده احنا لازم نتجوز في اقرب وقت
بسمله بارتباك: نتجوز بس انا لسه بدرس و...
ممدوح: وايه مانتي هتكملي دراستك بعد الجواز ياحببتي انا مش ممكن هحرمك من التعليم
ممدوح قرر يضغط على بسمله خصوصاً أنه حس انها بدأت تقطنه
بعد شويه الكل مشي والليله خلصت
منه في غرفتها راحه جايه ومتعصبه هي مش عارفه ازاي سابت يونس يتكلم معاها كده.
منه بصوت عالي نسبيا: انا، انا يحرجني كده وكمان ماردش عليه اه ه ه ه ماشي يايونس اانا مش هسيبك دانا، انا، اه يانا يامتغاظه، اه ه ه
منى تدخل الغرفه وباستغراب: ايه ده انتي بتكلمي نفسك
منه بديق: ليه شيفاني مجنونه انا انا بكلم الدبدوب وبغل ونفسي اضربه كمان
منىبضحك: ليه ياحببتي ده حتى كيوت
منه بغيظ: ده كيوت ده بارد وماعندوش دم و، و، و...
منى: ياه كل ده لاء لو هترتاحي كده اضربيه هو يستاهل الصراحه.
منه وهي بتضرب الدبدوب: اه هرتاح هه، هه، هه، هه، اه ه ه ه ه بس خلاص هديت
تصبحي على خير خدى الباب في ايدك وانتي طلعه يامنى وماتنسيش تطفئ النور
منى قربت من اختها وطبعة قبله على رأسها وبابتسامه وانتي من اهله ياحببتي
عند يونس واقف في البلاكونه وبيفتكر مراد والي عمله وبيبتسم فجاه كشر وافتكر منه وهي واقفه مع عماد تلقائيا عينه راحت على غرفة منه
وفي نفسه: ماشي يامنه أما شوف ميته عتبطلى واجفه مع الرجاله.
ثاني يوم بسمله صحت متأخر لبست هدومها وراحت لمنه لقتها مشت نزلت بسرعه تدور على يونس عشان يوصلها قبل مايروح شغله
بسمله: يونس فين يابوى
عثمان: واه الخلج تجول صباح الخير الاول
سماع وهي بتبوس يد والدها: صباح الخير يابوي معلهش اصل متاخره
وكنت رايداه يوصلني
وهما بيتكلموا مراد يكون نازل عشان يروح شغله وخاله يطلب منه يوصلها
عثمان: مراد تعالى ياولد وصل بنت خالك اصلها متاخره على جمعتها.
بسمله بارتباك: لاه انا هروح لحالي ماريداش اعطل مراد معايا
مراد بسخريه: ماتخفيش يابنت خالي مش هتعمل ولا حاجه هستناكي بره
بسمله خرجت وراء مراد وراحت عند العربيه وبتفتح الباب الخلفي عشان تقعد
مراد بحده: عتعملي ايه انتي
بسمله بارتباك: هركب عشان نمشو
مراد وهو كاذز على اسنانه: اجسري الشر واركبي جاري احسنلك
بسمله بخوف فتحت الباب وقعدت جميع ومراد مره وحده طلع بالعربيه وبيزود السرعه.
بسمله بصوت مهزوز: لو سمحت يامراد هدي السرعه شويه
مراد من صوتها يصلها وشكلها وجع قلبه هو شاف في عينيها خوف ماشفوش قبل كده أتاني مره بيكون سبب األمها
هدى سرعة العربيه وبندم: انتي عتبكي يا بسمه
بسمله بكبرياء لاه مش يبكي
مراد بسخريه: امال ايه ده غسله وشك اياك
بسمله بديق: ماتتريجش عليا انت خابر اني بخاف من السرعه
مراد بصدق: انى اسف ماكنش جصدى حجك عليا
بسمله: خلاص يامراد محصلش حاجه، مراد
مراد بهدوء نعم.
بسمله: ممكن لما نوصل توجف بعيد اصل ممدوح ه...
مراد: اصل ايه وهباب ليه انتي عتجولي الحديت ده ليا انا انا إلى غريب وهو جريب دلوك
بسمله: هو خطيبي وعيتدايج لو شافني معاك
مراد بغضب: طب شوفي يابت خالي طظ فيكي وفيه ماتفكريش اني ماجدرش اوجف المسخره دي لكن اني سايبك مشان تعرفي انك اشتريت الرخيص بالغالي لكن وحياتك عندى لما هجلب ممدوح بتاعك ده ماهتشوفيهوش على وش الأرض.
واوعاكي يابسمه تتحدتي وياه عن الحب والكلام الماسخ ده كلمة بحبك ماتطلعش من خاشمك غير ليا فاهمه ولا لاه
بسمله مصدومه من كلام مراد هي فكرة بمجرد خطوبتها أنه خلاص هيسكت لانها عارفه انه اتدايق لما لقتها بتفكر في غيره هو عايز ديما يشوفها وهي بتجري وراه ده إلى كانت فهماه بسمله وعشان كده صممت تتخطي لممدوح فاقت على صوت مراد وهو بيزعق
مراد: فاهمه
بسمله بخوف: فاهمه.
في الديوان عند يونس كان في حاله من الهرج والمرج الكل مرتبك ويونس بيزعق والجو كله متكهرب
يونس بزعيق: كيف ماخبرش مين غيرك عيدخل المكتب اهنه
الغفير: والله يا يونس بيه ما عرف راح فين اني اهنه بجالي سنين معاكم عمر مافي ورجه ضاعت
يونس بغضب: امال عفريت دخل واخده افتكر ياعم صالح تلاجيك وانت عتنضف ورجه ضاعت أكده ولا أكده
صالح: يا يونس بيه اني ما بحركش ورجه من مكانها اني بنضف وأخرج طوالي.
مراد: خبر ايه يايونس صوتك جايب لاخر البلد
يونس: اوراج الأرض إلى عنبنو عليها المستوصف مالجيهاش
مراد: كيف ده عتروح فين يعنى دور تلاجيها اهنه ولا اهنه
صالح بصدق: والله يايونس بيه...
يونس: خلاص ياعم صالح اني خابر انك ماتعملهاش حجك عليا
روح انت دلوك
مراد: عتعمل ايه يايونس كده البنى عيجف
يونس بتفكير: المهم دلوك اعرف مين إلى اتجرء واخد حاجه من مكتبي.
بعد كام يوم يونس داخل السرايا لقى عماد قاعد مع عثمان في المندره
يونس باستغراب: السلام عليكم
الكل: عليكم السلام ورحمه الله وبركاته
عثمان بابتسامه: هو يونس جه انه اجعد بجى عشان نتعشو سوا مشان يبجى عيش وملح
عماد باعتزار: معلش ياحاج مره ثانيه ان شاء الله استاذن انا و، الف مبروك يايونس بيه
يونس: مبروك على ايه
عثمان: شرفت ياولدى والله يبارك فيك مع السلامه.
يونس: في ايه يابوي عيباركلي على ايه ده وايه إلى جابو اخته من الأساس
عثمان: كل دى اسأله اجعد واني هجولك كل حاجه
يونس: وادى جهده خير بجى
عثمان بابتسامه: خير طبعا ده عريس
يونس باستغراب: عريس كيف يعني
عثمان: ايه إلى كيف عريس يعنى عريس
يونس: ولماهو إلى عريس عيباركلي انا ليه وبعدين عريس لمين بسمله خلاص اتخطبت
عثمان: لمنه
يونس: لميييين
عثمان: ايه مش بنت ومن حجها تتجوز اياك
يونس: ماجصديش لكن دي لسه صغيره.
عثمان: اولا هي مش صغيره ثانيا اني رفضت وجولتله انها مخطوبه
يونس: طب زين، مخطوبه مخطوبه لمين
عثمان: لواد عمها يونس
يونس: اه وادعم، كيف ده يابوي مين جال اني رايد اتجوز
عثمان بغضب: امال هتجعد باجي حياتك أكده من غير حرمه
يونس بغضب اكبر: اجعد ولا ماجعدش لكن ماعتجوزش عيله اني مش هتجوز بالطريقه دي
عثمان بحده: امال عتتجوز بالطريقه انهي سبج وسبتك تختار المره دي اني إلى هخترلك يايونس.
يونس: يابوي انا اكبر منها بياجي 11سنه كيف ده بس
عثمان: انا كان بيني وبين امك 12سنه وأنى جدامك صحتي كيف البومب خايف من ايه
يونس بديق: بتجول ايه يابوي عخاف من ايه اني لكن أنا ماريدش اتجوزها ماعحبهاش انا
عثمان بحده: فوتك تحب مره والنتيجه انت عارفها الحديت خلوص أكده وكلامي مش هيتعاد ثاني
عثمان ساب يونس وقام وهو طلع غرفته وقبل مايدخل راح عند غرفة منه وبغضب خبط على الباب و،.