قصص و روايات - روايات صعيدية :

رواية عناد أحفاد الراوي الجزء الأول للكاتبة هدى السيد الفصل الخامس

رواية عناد أحفاد الراوي الجزء الأول للكاتبة هدى السيد الفصل الخامس

رواية عناد أحفاد الراوي الجزء الأول للكاتبة هدى السيد الفصل الخامس

بعد ماشبل طلب منى الكل استغرب من طريقة منه كانت بتاكل شرقت والمعلقه وقعت من أيدها ويونس ابتسم على تهور ابن عمه ومنى قلبها دق جامد وحست أن هيغمى عليها ثاني
أما عثمان على قد ماهو مستغرب من طريقة شبل على قد ماهو فرحان من طلب شبل مروان عينه على أخته وبيفكر رد فعلها هيكون ايه الكل قاعد مستني رد منى
منه في نفسها: ايه إلى انت هيبته ده
عثمان: وماله يا ولدي بس كل حاجه بالاصول.

قبل ما شبل يرد على عمو كانت منى قايمه مره واحده و بتشاور بإديها وبعصبيه بتقول انها مش ممكن توافق على كده وانها هترجع القاهره شبل كان متوقع انها تعترض بس ما كنش متوقع رد فعلها ده وانها تبقى بالعصبيه دي للدرجه دي مش طايقاه
منه طلعت وراء اختها ومروان قاعد حزين على اخته هو كان عارف ان ده هيبقى رد فعلها
عثمان بحزن: اديك شايف ياولدي ماجدرش اغصبها على حاجه
مروان: بعد اذنك ياعمى، انا موافق يا شبل.

عثمان: كيف ده عتغصبها اياك
مروان: ياعمى منى رافضه مبدأ الجواز مش رافضه شبل لشخصه وانا مش هقف اتفرج على اختي وهي بتدفن نفسها، انا واثق فيك ياشبل وحاسس أن في مشاعر تجاهك لمنى عشان كده عايزك تستحمل شويه ونأجل الموضوع ده
لحد ماتهدى
شبل بحزن: وانى معاك يامروان لحد ماتوافج، عن اذنكم اني لازم امشي
يونس: استنا ياشبل خدنى معاك
عند منى رايحه جايه في الاوضاع ودموعها نازله ومنه بتحاول تهديها.

منه: خلاص بقى يامنى لازم تنسي شبل بيحبك جربي مش هتخصري حاجه
منى والدموع نازله من عينيها بتمسك قلبها بايديها: مش بايدي قلبي مش ملكي ماقدرش
منه: بعد السنين دي كلها لسه بتحبيه
منى بدموع بتقول لاختها ولحد اخر يوم في عمري ده كل حياتي ماقدرش اخونه ابدا
منه باستغراب: تخونيه ازاي ياحبيبتي ده مات من زمان
منى بعصبيه: ماتقوليش مات هو عايش كفايه أنه عايش في قلبي.

منه: حرام والله إلى بتعمليه في نفسك ده، وهما بيتكلموا مروان يدخل عليهم
مروان: ليه كده يامنى
منى بتشاور بأديها و بتحرك راسها يمين وشمال معترضه على الزواج من شبل او حتى التفكير فيه ومش عايزه تسمع اي حاجه منهم في الموضوع ده
مروان بحده انا مش هاسيبك تعيشي باقي عمرك كده شبل طيب و بيحبك وده واضح حاولي لو
ماعرفتيش وقتها ابقى سبيه لكن مش هتفضلي ترفضي من غير سبب كده.

منه باقناع: والله انا باقول لها كده حاولي يا منى جربي
منى بتحط ايديها على اذنها وبتعيط جامد هي مش عايزه احد يقولها كده هي مرتاحه مش عايزه تنسى حبيبها عايزه تفضل عايشه على ذكراه
عند شبل قاعد هو ويونس وسرحان وباصص للسماءويونس كل شويه يبصله
بعد مده قرر يتكلم
يونس: . هتفضل سرحان أكده ياشبل
شبل وهو على نفس الحاله: ليه يا يونس الحب عذاب.

يونس بابتسامه كلها وجع: هه، هو اكده اللي عيحب لازم يبقى خابر انه عيتعذب، خابر ياشبل لو الجلب ده راجل كنت جتلته
في مكان بعيد يغلب عليه الظلام قاعد ماسك تليفون وبيتكلم
: يعني شبل هيتجوز البت الخرسه
: ايوه بس هي ماريداش
: هههههههههههه المهم يفضلوا بعيد عن يونس
: الخوف من البت الصغيره باين عليها واعره
: تبقى هي إلى جنت على نفسها والي ماحصلش زمان يحصل الوقتي
: تجصدى ايه
: نفس إلى فهمتيه.

في اليوم ده الكل ينام وكل واحد مشاعره متلخبطه مابين وجع القلب والرجوع للماضي ثاني يوم منه وبسمله خارجين عشان يروحوا الجامعه لقو مراد في طرقهم
مراد بابتسامه؛صباح الخير يا احلى بنات
منه بابتسامه: صباح النور يامراد
بسمله ببرود: صباح الخير
مراد: رايحين الجامعه تعالو اوصلكم في طريجي اني نازل المركز
بسمله: لاه احنا هنروح لحالنا
منه: ليه يابنتي هو كده كده رايح يلا يلا.

في الطريق مراد مش منزل عينه من على بسمله وهي بصه من الشباك وكل شوية تبصله وترجع ثاني منه شايفه نظرات مراد لبسمله وحسه أن مراد نظرته مش عاديه حبت تتاكد
منه بخبث: شفتي يا بوسي ممدوح ده طلع زباله
بسمله بحده: واه بتجولي اكده ليه يا منه
منه: مش انا اللي باقول دي زينب صاحبتي بتقول عليه سمعته وحشه
بسمله والله انتم ظالمينه ده انسان محترم جدا
مراد قاعد سامع الحوار ومتضايق انها بتتكلم على شخص بكل الود ده.

مراد بعصبيه: ومالك عتتحدتي عنيه اكده تعرفيه من فين
بسمله بلا مبالاه: مش المعيد بتاعي وبعدين حرام تجيبوا سيرت حد بالباطل
منه: والله يا مراد هو مش نازلي من زور مش عارفه بسمله بتحب فيه ايه
مراد بحده: عتحبه كيف يعني
بسمله بارتباك: عحب مين انا انا ما عحبش احد واجفلي بجى على السيره دي.

طول الطريق ومنه بتكلم على ممدوح عشان تعرف رد فعل مراد وصلو عند الجامعه وممدوح كمان كان واصل شافهم بيقربوا من بوابة الجامعه اسرع في خطاه وقرب عليهم مروان كان لسه قاعد في العربيه عايز يتأكد أنهم دخلوا لقى واحد بيقرب منهم وهما وقفوا يتكلموا معاه نزل مراد من العربيه وعينه كلها شرار
ممدوح: صباح الخير
منه برود: اهو صباح
بسمله بكسوف: صباح النور كيفك حضرتك.

ممدوح بهيام: حلو قوي انا لما بشوفك ببقى حلو يا بوسي عناد احفاد الراوي بقلمي هدى السيد
منه بهمس: هه طب استلقى وعدك بقى
بسمله بتبص تشوف منه عنيه اتسبتت. على ايه لقت مراد جاي عليهم وشكله مايطمنش
مراد خير مين سيادتك
ممدوح باستغراب: انا المعيد بتاعهم مين انت
مراد بثقه: انا ولد عمتهم اجدر اعرف ايه اللي موقفكم اهنه
منه: والله احنا داخلين بس الاستاذ ممدوح وقفنا ممدوح بارتباك: عادي يعني انا بصبح عليهم.

مراد بحده: واتصبح عليهم ليه عتصبح انت على كل التلامذه
ممدوح: انت كبرت الموضوع ليه يا عمده
مراد بحنق: ماعمداش انا واوعاك اعلم انك وجفت معاهم بعد اكده
بسمله متضايقه من طريقه مراد وعايزه تقوله انت مالك بس خايفه يقول لابوها و بنظره واحده من مراد كانت منه اخذت بسمله ودخلت ومراد سابهم و مشي وممدوح وقف شويه ودخل
ممدوح: ايه الناس دي هو انا هكلهم، ماشي كلها تكه والحلو يجي
بعد ما دخل لاقى بسمه واقفه لوحدها.

ممدوح: واقفه لوحدك يعني امال فين قريبتك بسمله: عندها محاضره كنك رايدها ولا ايه
ممدوح بنفي: لا طبعا ده انا ما صدقت لقيتك لوحدك
ممدوح: بسمله الصراحه انا معجب بك وعايزه اتقدم لك
بسمله: بتقول ايه يا ممدوح
ممدوح بهيام: الله اول مره اعرف ان اسمي حلو كده، قوليلي انت موافقه ولا لا ء
بسمله مكسوف: جول لابويا وانا هابجى اجوله انا موافقه ولا لاه
ممدوح خلاص انا هاجي بكره اتكلم معه
بسمله اتكسفت وما عرفتش تتكلم.

ممدوح: ايوه بقى الفراوله طلعت اهه
بسمله وهي راجعه السرايا طول الطريق مبتسمه ومنه بتسالها ايه سبب السعاده دي
منه: ايه يا بنتي من ساعه ما خرجنا وانت الابتسامه مش سايبه وشك
بسمله: اجولك وماتجوليش لحد
منه بنفاذ صبر: هاقول لمين يعني اخلصي
بسمله: ممدوح هياجي يخطبني بكره
منه: ايه ده بجد
بسمله: ايوه بجد مستغربه ليه
منه: والله يا بسمله انا مش عايزاك تزعلي مني بس البنات بيقولوا انه خاطب.

بسمله: خاطب كيف دول اكيد كذابين
منه: وهيكدبو ليه يعني ههما ما يعرفوش انه عايز يخطبك ده كان كلام عادي
بقلمي هدى السيد عبد البديع الكاتبه الصغيره
بسمله: لاه يا منه انا عارفه انه عيحبني من زمان نظراته كلها بتجول اكده
منه: مش عارفه والله يا بوسي انا حبيت اقولك علشان تاخدي بالك.

بعد شويه بسمله قاعده في غرفتها بتفكر في الكلام اللي منه قالته بس بتحاول تقنع نفسها ان منه ما بتحبش ممدوح و عشان كده شيفاه كله عيوب و انها ممكن تكون فهمت موضوع خطوبته ده غلط فاقت من شرودها على صوت التليفون
بسمله: الو مين معاي
ممدوح بخبث: ما عرفتيش صوتي انا ممدوح ازيك يا بوسي
بسمله باستغراب: واه جبت رقمي من فين
ممدوح بثقه: مافيش حاجه تصعب على ممدوح بسمله بخوف: انا لازم اجفل دلوك.

ممدوح: استني بس انا كنت عايز اتكلم معاكي شويه
بسمله بزعل: تتكلم تجول ايه تجول انك خاطب ممدوح بارتباك حاول يداريه: انا فعلا كنت خاطب بس سبتها
بسمله: من فين معجب بيا ومن فين خاطب جبل سابج
ممدوح بإقناع: ما انا ما قدرتش اكمل معها ابويا صمم ان اخطب وبعدين انا كنت قلقان وما كنتش واثق انك ممكن توافقي عشان الفرق اللي بيننا وكده
بسمله: فرج ايه ده انت دكتور جد الدنيا وبعدين لا أنا ولاابوي عنفكر في الحاجات دي.

ممدوح: يعني افهم من كده انك موافقه
بسمله بكسوف: انا ماجلتش اكده
ممدوح بزعل مصطنع: يعني مش موافقه
بسمله ماجلتش اكده بردك
ممدوح: حيرتني معكي يا بوسي
بسمله ولا حيره ولا حاجه بكره تاجي وجريب عتعرف رأي
ممدوح: اه امتى بكره ده يجي بقى
عند مراد قاعد في اوضته وامه تدخل عليه
الام: جاعد لحالك ليه نضري مش بعاده تجعد في غرفتك من بدري اكده
مراد: تعالى يا كريمه وحشاني والله
كريمه: واه كريمه اكده من غير امي.

مراد: امي انت يا كريمه انت خيتي وصاحبتي وحبيبتي
كريمه بحنيه: وانت جلبي يا مراد وابني وحبيبي اللي ما ليش غيره
مراد: متجوزتيش ليه بعد موت ابويا يا امه
كريمه بدموع: اتجوز هلاجي انا اياك كيف ابوك
مراد: ايه اللي خلجه ماخلجش غيره اياك.

كريمه: لا خلج لكن زيه في نظري ابدا ابوك ده كان سيد الرجاله واخذني وانا بنت خام ما كنتش اعرف حاجه واصل علمني كل حاجه ما كنتش اعرف الحب انا والكلام ده صبر على لحد ما خلاني احبه وما احبش حد ولا اشوف حد غيره لما مات كان جلبي مات وادفن معاه و عيني ما تشوفش راجل غيره
مراد: واه يا اما كل ده حب يا بختك يا ابوي
كريمه: الله يرحمه يا ولدي لو لفيت الدنيا مالجيش زيه واصل.

مراد: خابره ياامه رايد اتجوز واحده تكون كيف اكده
كريمه ربنا يرزقك ببنت الحلال اللي تريح جلبك يا ولدي
مراد في نفسه: بنت الحلال وجعه جلبي وجعاه جوي يا امه
عند شبل في البيت قاعد يفكر يعمل ايه مع مني عشان تخرج من اللي هي فيه وهو قاعد وسرحان في حاله الباب يخبط
اخوي ممكن اتحدت وياك
شبل بابتسامه: تعالى ياعيشه من ميته بتستاذنى عائشه بضيق: ماتجوليش عيشه دي انا اسمي عائشه عائشه يا شبل.

شبل: واه عيشه ولا عائشه ما هي نفس الاسم وبعدين ما تتزرزريش اكده عيب تكلمي اخوكي الكبير اكده
عائشه باعتزار: انا اسفه بس ماتجولش عيشه دي ثاني بقلمى هدى السيد
شبل: ماشي يا ستي جوليلي بجى رايده ايه مخليكي سهرانه لحد دلوك
عائشه: رايداك تاجي معايا المدرسه
شبل: ليه عملت ايه
عائشه: والله ما عملت حاجه المدرسه ريده ان اخذ عندها درس وانا ما عحبش شرحها وهي عتضربني.

شبل: واه عتضربك كيف انا هاجي وياكي بكره واشوف عتضربك كيف هي سايبه اياك
عائشه: ربنا يخليك لي يا اخوي، وبخبث، و يريح جلبك
شبل: امين، خذي اهنه جصدك ايه بيريح جلبك دي
عائشه ما جصديش حاجه عادي بدعيلك ماريدش ادعي لاخويا حبيبي
شبل: ماشي يا ست عائشه
عائشه: ماشي يا جلب عائشه.

ثاني يوم شبل راح مع عائشه المدرسه ودخل عند المدير طلب منه يستدعي المدرسه وهي اول ما دخلت شافت شبل ماعرفتش تتكلم شبل راجل صعيدي هبته طاغيه عليه طول بعرض ولابس الجلابيه والعمه وشكله لوحده يخلي اللي قدامه ما يعرفش ينطق
المدير بحده: انت كيف تضروبي الطالب عائشه انت مش خابره هي تبجى مين
المدرسه بارتباك: والله ما كنت اعرف يا حضره الناظر.

شبل بضيق: هي مسأله بنت مين اياك كيف تضربي طالب عندك منشان ريداها تاخد عندك درس
المدرسه بارتباك: درس ايه انا ماعطيش دروس انا. انا ضربتها مشان مستواها ضعيف واريده تبجى شاطره
شبل بزهول مين دي اللي مستواها ضعيف عائشه بتطلع من الاوائل كل سنه كيف بجى مستواها ضعيف.

الناظر بحده: اتفضلي على حصتك واوعاكي تمد يدك عليها ثاني اهدا يا شبل بيه هي ما تعملش اكده ثاني وانت يا عائشه مره ثانيه لما يحصل حاجه تاجي تجوليلي انا اهنه مكان اهلك يلا يا بنتي روحي علي دروسك يلا
شبل باعتراض: لاه بعد اذنك يا حضره الناظر انا هاخدها وياي النهارده سلام عليكم
المدير: وعليكم السلام مع السلامه يا شبل بيه و سلامي للوالد و عثمان بيه الف سلامه
شبل اخذ اخته وخرج وهو ماشي قابل مروان في المدرسه.

شبل بفرحه: مروان ماشاء الله بجيت عتمشي زين
مروان الحمد لله يعني العكاز بيساعدني قلت اجي اشوف دروسي احسن من القاعده طول اليوم كده
شبل زين ما عملت اهو تغيير
مروان انت هنا بتعمل ايه رجعت تدرس ثاني
شبل بضحك: لاه جاي لخيتي عيش
عائشه تبصله وهو كمل بضحك جصدي عائشه اصلها في اولى ثانوي و...
عائشه بضيق: في ايه يا شبل عتحكي قصه حياتي يلا بجى انا رايده اروح. وسابته مشت
شبل: عن اذنك يا مروان وبالتوفيج.

مروان بابتسامه: مع السلامه، ايه البنت دي
في السرايا منه لابسه عشان تروح الجامعه راحت لبسمله علشان يمشوا مع بعض
منه: بوسي انت لسه ملبستش يلا كده هنتاخر بسمله: لاه انا ما عروحش النهارده
منه ليه يابوي هاروح لوحدي
بسمله: معلش يا حبيبتي انت خابره ممدوح جاي النهارده مشان يتجدملي وانا لازم اجعد علشان اضبط حالي
منه: برده يا بسمله يعني انت موافقه
بسمله: صدجيني ممدوح كويس وبعدين ان خابره انه كان خاطب جبل سابج.

منه بذهول وعرفتي امتى بقى انت مبارح اتفاجئتي لما قلتلك
بسمله ما هو جالي
منه: قالك، قالك امتى
بسمله: بصي هو كلمني في المحمول بس اوعى يأمنه تجولي لحد
منه: مش هاقول يا بسمله بس انت بتغلطي
ماينفعش كل الناس تكون شايفاه وحش وانت الوحيده إلى شيفاه كويس
بسمله: انت بس اللي ماعترتحيش ليه لكن والله هو طيب وعلى فكره ما بيجولش في حقك كلمه عفشه.

منه بيأس: براحتك يا بسمله بس خلي بالك وربنا يسعدك يا حبيبتي بسمله ربنا يخليك يا حبيبتي
منه: انا همشي بقى علشان ماتاخرش. باي
بسمله: مع السلامه منه نازله من عند بسمله وعينها في شنطتها بتتأكد من اغراضها ويونس خارج من غرفته وباصص في ساعته الاثنين خبطو في بعض
منه: اه
يونس بحده: بصي جدامك ماعتشوفيش انتي
منه بغضب: وانت مش باصص قدامك، ليه ان شاء الله ولا هي قله ذوق وبس
يونس بزعيق: مين ده اللي جليل الزوء.

منه بارتباك من صوته لكنها حاولت التماسك، انت
يونس متضايق منها وبيكذعلى اسنانه ولسه هيرد عليها طلعت بسمله على صوتهم
بسمله: في ايه اصواتكم جايبه لاخر البلد
منه: الاستاذ خبطني وبيقول على قليله الذوق يونس باستغراب: انا اللي جلت عليكي اكده صوح ناجصات عجل ودين، وسبهم ومشى وهو متضايق من افعالها
منه: استنى هنا مين دي اللي ناقصات عقل استني انا باكلمك
بسمله مستغربه ازاي بتزعق كده ليونس وهو عادي كده سابها ومشي.

منه بضيق: اوف طب والله ما انا رايحه الجامعه بسمله بضحك: واه طب ومحضرتك النهارده عندك حاجات مهمه
منه عصبيه اطفال: مش رايحه ويا رب اسقط بقى هه
يونس وهو نازل لاقى عثمان وكريمه قاعدين وبيضحكم
يونس صباح الخير يا ابوي صباح الخير يا عمتي مالكم عتضحكوا على ايه
كريمه: صباح الخير يا ولدي عنضحك عادي حرام ولا ايه
يونس: لاه مش حرام انا ماشي ماعيزش حاجه يا بوي.

عثمان بتسامه: خذني وياك يا ولدي رايد اتحدت وياك في موضوع، امال مراد فين يا كريمه كريمه بحزن: جاعد في اوضته ما ينزلش واصل ماعرفاش ايه اللي صابه
عثمان: لما ترجع شوف واد عمتك يا يونس سايب اشغلنا ومعتكف في اوضه ليه
يونس: انت خابر يابوي هو اكده كل يامين يعتزل حاله دلوك تلاقيه وسطينا
مراد ينزل من على السلم لابس جلابيه وعمه بيعدل فيها
يونس: اهه مش جلتلكم.

عثمان بحده: حالك مش عاجبني يا مراد فايت اشغالنا وجاعد في اوضتك كيف الحريم ليه
مراد بعصبيه: حريم كل ده مشان يامين امال لو قعدت سبوع هتجول ايه
كريمه بزعيق: اتحدت ويا خالك عدل يا مراد عثمان: فوتيه يا كريمه كانه رايد علقه من بتوع زمان رواية اعناد الراوي بقلمي هدى السيد
مراد: ياريت يمكن افوج، انا ماشي الكل واقف مذهول من طريقه مراد هما عارفين قد ايه بيحب خالو وعمره ما يعلى صوته عليه.

عثمان: روح يا ولدي شوف ماله ده الظاهر ان في حاجه مضايقاه شوف في ايه وانا حسابي معاه بعدين
يونس: يروح لمراد يلاقيه بياخذ الحصان بتاعه وخارج
يونس: واخذ الحصان و رايح على فين
مراد: رايح في داهيه فوتني يا يونس انا مخنوج دلوك
يونس بحده: ايه هتعلي حسك على كيف معليته على خالك اياك انزل من على الفرس وتعال رايد اتحدت وياك انزل.

مراد ينزل من على الحصان و يركب العربيه مع يونس كل شويه يونس يبصله ومراد سرحان وساكت بعد شويه من الصمت
يونس: ده الموضوع كبير على اكده مالك يا واد عمتي
مراد بحزن: ماليش يا يونس فوتني لروحي
يونس: هو في ايه يا واد اللي عتحبها خنتك اياك مراد بهمس: هه، عتجول فيها
يونس: عتجول ايه انت ارفع حسك اكده وسمعني عتجول ايه
مراد: مش نجصاك هي يا يونس شكلك رايج وانا روحي في منخاري.

يونس بضحك: فايج هههههه فايج اني صوح ههههه
مراد: تعرف يا يونس نفسي ابقى بدون مشاعر كيفك اكده عتعملها كيف دي
يونس وهو على نفس الحاله: ههههه بدون مشاعر ههههه اه ه ه ه يا ريتك يا واد عمتي ماتبجى كيفي ماودنيش في داهيه وجست جلبي غير المشاعر دي
مراد: صوح الحب عيجسي الجلب
يونس: لاه الحب ما عيجسهوش اللي عنحبهم هما إلى عيجيسوه
مراد: مانسيتش انت يا يونس.

يونس بتنهيده: انسى كيف دول خمس سنين من عمري، اه ه ه ه جاسي الجلب اني صوح يا مراد
مراد بحب: لاه يا يونس حنين انت وعتحب اللي حواليك وكلنا بنرمي همومناعليك حمال انت يا واد خالي
يونس: طب جولى ايه اللي جواك عتخبي على اياك
مراد بحزن: اللي جوايا ما ميتجالش يايونس اللي جوايا لازم يموت جوايا
يونس: واه كنك شايل كثير يا ولد عمتي
مراد: ولا كثير ولا حاجه كله بيعدي.

يونس في نفسه: خابر اللي جواك والله يا مراد بس ما اجدرش اريحك يا واد عمتي ده جلب ماجدرش اتحكم فيه
عند شبل راح المزرعه عشان يحاول يتكلم مع منى اول ماوصل لقاها واقفه مع الدكتور إلى كان متقدملها عناد احفاد الراوي بقلمى هدى السيد
بسرعه كان واصل عندها وشكله مايبشرش بخير
شبل بغضب: ايه إلى موجفك اكده
الدكتور بارتباك: كنت بسألها على حاجه في علاج المواشي
شبل بديق: وسألتها ولا لسه
الدكتور: لاء سألتها بعد اذنكم.

منى واقفه متضايقه من شبل وعايزه تقول له انت مالك بس خايفه لان شكله مش ناوي على خير
شبل بغضب: حسك عينك توجفي مع الجدع ده ثاني انت فاهمه
منى بصتله والدموع في عينيها وهزت راسها بالموافقه
منى اصلا بتخاف من الصوت العالى وشبل كان بيتكلم بحده وبصوت مرتفع بعض الشيء عائشه حبت تلطف الجو راحت وقفت جنبها
عائشه: كيفك يا منى وحشاني والله.

منى هزت راسها وحيت عائشه وسابتهم ومشت عائشه بعتاب: ليه اكده بس يا شبل دي مني طيبه عملت ايه مشان تزعج فيها أكده زمنها عتعيط دلوك روح بجى راضيها
شبل واقف متضايق لانه حس فعلا انها خافت منه هو كان جاي علشان يتكلم معها وجايب عائشه معاه عشان تلطف الجو بينهم بس اول ما شافها واقفه مع اللي كان عايز يخطبها اتضايق ومحسش بنفسه غير وهو بيزعق لها فاق على صوت عائشه: عتشخوط فيها ورايدها تحبك كيف دي.

شبل: بتجولي ايه انت جبتي الحديت ده من فين عائشه: واه اختك انا يا شبل عتحب و مخبي عليا شبل بابتسامه: والله وكبرتي يا عيشه وبجيتي تحسي بخوكي
عائشه: بغض النظر عن عيشه دي انا صغيره اه لكن احبك واللي يحب حد يفهمه من غير ما يتكلم
شبل بتنهيده: صوح عيفهمه من دون كلام
عائشه روحلها بجى و حاول تصالحها وانا هستناك في العربيه لما تاجي.

شبل راح عند مني ولقاها بتعيط اول ما شافها صعبت عليه وندم على إلى عمله هو عارف انها بتخاف راح قاعد جنبها واتكلم بصوت هادي وبحنان انا اسف ما كانش جصدي اعلى حسي عليكي لكن انا ما جدرش اشوفك واجفه ا كده مع حد بغير عليك انا يا منى
منى رفعت وشها وتمسح دموعها وبنظره غضب
شبل ماريداش اجولك اكده
لاه هاجول، بغير عليك انا وعحبك كومان.

منى قامت مره واحده من على الكرسي واخذت شنطتها وعايزه تخرج من المكتب بس شبل مسك ايدها وقفها وهي بتحاول تبعد عنه شبل ومشاعره غالبه عليه ماتمشيش غير لما نتحدت، اني عسيبك بس اوعديني تجعدي تسمعيني للاخر
منى هديت شويه و قررت تسمعه علشان تخلص من الحكايه دي
شبل بهزار: ربنا يهديكي شوفي لما تسمعي الكلام تبجي زينه كيف
مني بنظره استياء من كلامه ظهر الضيق على وجهها
شبل بضحك: خلاص ماتظربنيش بس.

وبحنان شوف يا منى مشان ماكررش الكلام ثاني عحبك انا ورايد اتجوزك و ده ما فيهوش حديت اعملي كل اللي رايداه صوري و اتعصبي واغضبي بس رايدك تعرفي ان في الاخر عتبجي مرتي
منى بتسمع ودموعها بتنزل عايزه تقوله بس ما تكملش مش من حقك تقولي الكلام ده انا عمري ما هحب ثاني بس مش قادره تنطق كل اللي قدره عليه انها تعيط تعيط وبس شبل بص لها شويه و كمل كلامه.

شبل: ماحبيتش انا جبل سابج عمري ما عرفت الحب لكن يوم ما شفتك حسيت ان ربنا بيجولي دي اللي نصيبك وياها دي اللي عتدور عليها دي حبيبتك ومراتك وام عيالك
شبل بيتكلم ومش عايز يوقف كلام هو قرر يقول لها كل حاجه ويعرفها هو قد ايه بيحبها هو مش مستعد انها تضيع منه.

مني قاعده منهاره من كلامه ومجرد سمعها لكلامه حاسه انها بتخون حبيبها قامت مره واحده من مكانها وعماله تمشي يمين وشمال و بتشاور باديها وبتحاول تسكتوا بس هو مش بيسكت مسكت راسها جامد الصداع هيموتها شبل مش ساكت وبيعترف اكتر واكتر وهي من كثر الضغط فجاه صرخت بعلو صوتها بانهيار شديد اسكت اسكت اسكت، اه ه ه ه هيء هيء هيء.

شبل واقف مش مصدق أنه سمع صوتها وأنها اتكلمت قرب منها وقبل مايتكلم كانت منى وقعه على الأرض
شبل بخضه: منى فوجي ياحببتي فوجئ يا جلب شبل
شبل قاعد ومنى على الكنبه بيحاول يفوقها لحد ماسمع انين اخد نفس وبصوت منخفض الحمد لله وجعتي جلبي يا حبت الجلب
منى بتعيط جامد وانهارت أكثر من كلامه وهو بيحاول يهديها بقلمى هدى السيد
شبل: اهدى ياحببتي اهدى والي رايداه عيحصول
منى بضعف: سبني في حالي سبني ارجوك.

شبل بحنيه: انا حالك ياحببتي ماعسبكيش واصل خدي واجتك كيف ماتريدي بس في الاخر ماجدمكيش غيري
منى بعياط: انت ماتعرفش حاجه انا مش هقدر صدقني مش...
شبل: اني خابر كل حاجه
منى بزهول: عارف عارف ايه
شبل: خابر انك كنتي مخطوبه جبل سابج وخطيبك عمل حادثه ومات
منى بتأنيب ضمير: وعارف مات ازاي عارف اني كنت السبب في موته عارف اني كنت السبب اني أحرم ابوه وامه منه عارف اني كنت السبب اني اخسر الإنسان الوحيد إلى حبيته.

شبل بضيق من اعترافها انها بتحب غيره
شبل بسخريه: والسبب كيف بجى سمتيه ولا طخطيه عيارين
منى تبصله وتسكت
شبل: ماتشليش ذنب انتي مالكيش يد فيه
منى بصوت عالي: لاء ليا انا السبب لو ماكنتش صممت اني ادخل عند الأسد وانا عارفه اني مش هقدر اسيطر عليه ماكنتش عرضت نفسي للهجوم و ماكنش هو دخل يحوش عني والاسد يهجم عليه
شبل بزعيق: ده جدر ربنا وهو عمره أكده عتعترضي اياك.

منى: ماشي ده قدر ربنا وده مالوش علاقه بموضوعنا انا عمري ما حبيت ولا. هحب غيره انا...
شبل بغضب. وهو بيمسك أيدها وضاغط عليها: سيرته ماتجيش على لسانك تاني اني اتكلمت وياكي بذوء لكن تتحدتي عن راجل غيري عتشوفي مني إلى ماشفتهوش في حياتك والحمد لله حسك بجى زين اهه مالكيش حجه بعد أكده اني صابر عليكي لكن رايدك تعرفي ماعصبرش كثير اني.

منى لسه هترد عليه وهتعترض على كلامه كان هو خرج من المكتب وهي فضلت تعيط وبعد شويه قررت ترجع السرايا وتكلم عمها عشان يوقفه عند حده
شبل بعد ماسبها وخرج كانت الابتسامه ملئه وشه على قد ماهو حزين من اعترافها انها بتحب واحد تاني على قد ماهو فرحان أنه سمع صوتها راح عند العربيه و عائشه كانت قاعده مستنياه
عائشه شكلك غني عن السؤال اتصفيتوا خلاص
شبل بابتسامه: لاه.

عائشه باستغراب: واه ومالك فرحان كنها وافجت على طلبك
شبل بسعاده: حسها رجع لها ثاني
عائشه بفرحه: بجد الحمد لله وبغمزه، عملت ايه خليته يرجع
شبل ما، وانتي مالك انتي عتحججي امعاي اياك
عائشه بزعل مصتنع: ا كده ماشي الحج عليا رايده اطمن على اخوي
شبل: اطمني هي لاطيجاني ولا رايده تتحدت امعاي لكن اني ماعستسلمش واصل
عائشه بحماس: ايوه أكده هو ده شبل مايسيبش حجه واصل احنا عندنا بنته تجول رأيها ولا ايه.

شبل: هههههههههههه طيب خليكي شاهده على حديتك ده مشان لما ياجي عريس عوافج اني من دون رأيك
عائشه بمرح: ماتجلجش هو ياجي بس واني عوافج علطول
شبل يضربها اسفل راسها ويضحك(قفاها يعني)????عند يونس وصل هو ومراد الديوان وبيسأل على شبل وعرف أنه لسه ماوصلش
يونس بسخريه: ماعادش ياجي شبل الديوان كل جعدته بجت في المزرعه
مراد بتوهان: ليه يايونس إلى عنحبهم يبجو سبب وجعنا
يونس سرح في سؤال مراد. ورجع لذكرياته
فلاش باك.

في غرفة يونس واقف عند الباب وعينه على إلى واقفه بفستانها الابيض تشبه الاميرات قرب منها وهي ظهرها ليه مسكها من أيدها ولفها وقربها منه أكثر
يونس وهو يطبع قبله أعلى راسها: مبروك ياجلب يونس
البنت بدلع: ميرسي يا بيبي
يونس بشوق: عحبك انا ياجوهره عحبك جوي
جوهره بدلع ذائد: طب مانا عارفه
يونس بابتسامه: امممممممم وخابره ايه كومان.

جوهره وهي بتخلع العمه من على رأسه وبتنزل العبايه من أكتافه ومع كل كلمه يتقبله في وجهه: عارفه انك بتحبني، وبتعشقني، وبتموت فيا، و...
وقبل ماتكمل كلامها كان يونس شايلها ورميها على السرير
جوهره بضحك: اه ه ه يونس
يونس: انتي خليتي فيها يونس، ياجوي...
يونس فاق من شروده على صوت مراد: روحت فين يا وادخالي عتحدت وياك بجالي ساعه
يونس: معاك يامراد معاك، جولي عملت ايه في الأرض بتاعت العزيزه.

مراد: عتغير الموضوع ماشي ماتجلجش كله تمام عشيه عنروحو للمحامي وكل حاجه عتخلص
يونس: طب يلا هم شوف اشغالنا عنجعدو نرغي ونفوتوا مصالحنا اياك
عند منى وصلت السرايا وكانت تعبانه جدا من كلامها مع شبل كان نفسها تدخل غرفتها وتقفل على نفسها بس اول ما دخلت شافت عمتها قاعده هي واختها وبسمله قررت أنها تبعد اي حاجه عن تفكيرها وتفرح اختها برجوع صوتها
منى بابتسامه: السلام عليكم ورحمه الله وبركاته.

الكل وعليكم السلام و...
فجاه كله يسكت ومش مستوعبين اللي سمعوه بسمله برقت وكريمه فتحت فمها ومنه قامت وقفت من المفاجاه متحركتش من مكانها
مني بضحك على شكلهم: هههههههههههه ايه ياجماعه انتم مساهمين كده ليه
كريمه بفرحه: الله اكبر اللهم صل على النبي انت اتحدتي يا نظري الف حمد و شكر ليك يا رب مبروك يا جلب عمتك
بسمله وهي على نفس حالتها بجد يا منى انت بتتكلمي ده انت طلع حسك حلو جوي.

كريمه وبسمله يباركوا لمنى بالاحضان والبوس ??تقريبا مافيش عندهم كورونا ????
ومنه تروح تقف قدام اختها
منه واقفه مكانها مش بتتحرك ومش بتتكلم
منى تقرب منها: ايه يا منه انت مش فرحانه
منه بدموع: انت بتتكلمي بجد يا منى
منى بدموع هزت راسها منه لا ماتشوريش اتكلمي انا عايز اسمع صوتك مش عايزاك تشاوري تاني ابدا ابدا يا منى.

وبسرعه رمت نفسها في حضن اختها وفضلوا يعيطوا مروان خارج من غرفته شاف اخواته بيعيطوا اتخض مروان: ايه ايه في ايه
بسمله بفرحه: ما تخافش يا مروان دي مني حسها رجع من جديد
مروان بفرحه: ده بجد بجد يا منى
منى بتمسح دموعها بجد يا مروان الله كريم
مروان اخذ اخته في حضنه وفضل يردد الحمد لله الحمد لله
الكل فرحان وعثمان رجع البيت ويونس ومراد والكل عرف ان منى صوتها رجعلها ثاني.

على الغداء الكل قاعد على السفره وشبل يدخل عليهم عثمان يقول له يقعد معاهم وهو يروح علشان يشوف مني
عثمان بفرحه: الحمد لله يا بنتي ربنا رجع لك حسك من ثاني مشان الفرحه تدخل جلوبنا بعد الحزن على اللي راحوا
منى برضا: الحمد لله يا عمي
مراد: ماجولتيش يا منى حسك رجعلك كيف.

منه باستفسار: اه صح يا مني انت ازاي اتكلمتي منى تلقائيا بصت على شبل وهو عينه جت في عنيها و ابتسامه خفيفه غمز لها بعينه وهي اتكسفت ووشها احمر و رجعت تبص لاختها
مني بارتباك: ما فيش، ا، انا كنت
يونس بخبث: كنت في المزرعه انت يا شبل النهارده تلاجيك كنت وياها لما حسها رجع
شبل ببتسامه ليونس عشان عارف انها مش عارفه تقول ايه وحب انه يبعد عنها الاحراج شبل: كان...

منى بسرعه: كان في ثور هايج وانا كنت بحاول اسيطر عليه فجاه لقيت صوتي طلع وبزعق علشان حد يلحقني
شبل بصلها و متغاظ انها بتقول عليه ثور ويونس مقدرش يمسك نفسه فضل يضحك والكل مستغرب هو بيضحك على ايه
شبل قام من على السفره ويونس خرج وراءه يونس: شبل استني عن اذنكم يا جماعه مبروك يا منى على رجوع حسك، يا شبل
كريمه: مالهم التنين دول
عثمان فوتك منهم يلا يا اولاد بسم الله انتم
منه بهمس لمنى اوعى شبلي يكون الثور.

مني ضربتها في كتفها
منه: اه ه ه خلاص يا باي
عند شبل خرج من السرايا وهو متعصب ويونس بيجري وراه
شبل بعصبيه انا انا ثور ماشي يا منى ماشي
يونس بضحك: هههههه شفتها وهي بتجول ماجدرتش اسيطر عليه لحالي هههههههههههه هايج انت ياشبل
شبل بضيق: واه عتضحك على ايه يا يونس عاجبك اللي جالته ده
يونس: جلبك ابيض يا ابو عموا روق اكده
شبل: ماشي يا منى والله لا هتشوفي مني ايام اسود من جرن الخروب، وساب يونس ومشى.

يونس: شبل رايح فين انت استني يا شبل
اه شكلك عتحب يا شبل والحب بهدله صوح
يونس واقف ومنه خرجت عشان تتكلم مع شبل لقته ماشي ويونس واقف ينده عليه
منه باحراج: احم احم هو، هو شبل مشى
يونس بصلها شويه وهي ارتبكت من نظرته بدات تعدل في طرحتها
يونس بهدوء على غير العاده: اه مشي
منه ارتبكت اكثر من صوته سابته ومشت بس هو اتكلم بسرعه
يونس: كنتي رايده حاجه منيه
منه بصوت مهزوز: لاء انا بس كنت عايز اساله منى رجع صوتها ازاي.

يونس: ما هي جالت رايده تعرفي ايه ثاني
منه: بس انا حسه ان في حاجه ثانيه
يونس باستفزاز علشان تبصله لانها كل ده بتتكلم وهي ظهرها ي ليه
يونس: عامله فيها ام العريف انت
منه بغضب وبتلف وشها انا مش عامله فيها حاجه كل الحكايه اني عارفه اختي كويس و عارفه انها
ماقالتش الحقيقه وبما ان شبل كان هناك يبقى عارف ايه اللي حصل فهمت
يونس بهدوء زايد: فهمت، وبصوت عالي فجاه. ياعوض انت ياعوض، وسابها ومشي.

منه اتخضت من صوته و اتضايقه لما سابها وهم بيتكلموا ومشى هبدت برجليها في الارض ودخلت السرايا وطلعت اوضتها بعد شويه بسمله دخلت علشان تطلب منها حاجه
بسمله: فاضيه
منه ابتسامه: ولو مش فاضيه افضى لك يا قمر بسمله: ربنا يخليك لي يا حبيبتي، شفت يا منه ممدوح وشه حلو كيف منى حسها رجع ثاني
منه بابتسامه: والله، ماشي يا ستي هو هيجي امتي بقى
بسمله: جاي على المغرب اكده
منه باستفسار: انت قلتى لعمي
بسمله: لاه عجوله ايه.

منه: الله. يا بنتي امال هو هيعرف منين ان في حد جاي له
بسمله: ماخبراش هو ياجى فجاه اكده
منه طب افرضي عمي ما كانش موجود ساعتها بسمله: لاه ابوي ما يخرجش بعد المغرب الا لو في حاجه ضروري. ريدانى اجوله في راجل كلمني ورايد يتحدت وياك ده كان يجطع خبري
منى باستغراب: ليه يعني عموما انا شايفه انك المفروض تقولى بس انت حره
بسمله: سيبك انت من الحديت ده تعالي وياي جوليلي البسي ايه لما ياجي
منه بقلة حيله: تعالى.

وهم خارجين يكون مراد خارج من غرفته اول ما يشوف بسمله يروح عندها
بسمله خير يا مراد رايد حاجه
مراد: ينفع اتحدت وياكي
منىه حست انه عايز يتكلم معها لوحده
منه: اه يوه انا نسيت الموبايل في الاوضه هاروح اجيبه واجي
بعد ما مشيت مراد عينه على بسمله ومش بيتكلم بسمله بزهق: واه خبر ايه يا مراد ماتجول رايد ايه هنفضلو واجفين اكده
مراد بحنيه: اعذريني يا بسمله لما بشوفك بنسى الدنيا من حوليا
بسمله: تجصد ايه بحديتك ده.

مراد بارتباك: انا، انا عحبك يا بسمله عحبك من زمان ورايد اتجوزك
بسمله بحده: بتجول ايه انت، وبستهزاء انت كيف اخوي يامراد
مراد بعنف: لكن اني مش اخوكي اني واد عمتك
بسمله بسخريه: بس اني لسه صغيره على الكلام ده ولا ايه ياولد عمتي
مراد بغضب من طريقتها: ولما انتي صغيره ايه إلى عيخلي الواد الملزج ده ياجي يتجدملك
بسمله باستغراب: وانت عرفت كيف
مراد: هو ده إلى همك عرفت من فين
عرفت وخلاص جولتي ايه.

بسمله بتكبر: ولما انت عارف ان في حد جاي يتجدملي بتتحدت امعاي ليه دلوك
مراد بصدق: ماجدرتش اخبي اكتر من أكده ماجدرش اجف اتفرج وانتي عتروحي مني
بسمله لاه خبي يامراد وياريت ماتفتحش الموضوع ده ثاني انت كيف اخوي
مراد: يعني ده اخر الحديت
بسمله: ماعنديش غيره ياولد عمتي
وقبل مايتكلم كانت سيباه ومشيه منه خرجت من غرفتها وسمعت اعتراف مراد بحبه لها واتضايقت من رفض بسمله.

منه: ماتزعلش يامراد صدقني هي مش عارفه مصلحتها ممدوح ده بيضحك عليها سيبك منها وكلم عمي قبل ماممدوح يجي يطلبها
مراد بكسره: هي اختارت وتتحمل نتيجه اختيارها بعد اذنك يابنت خالي
مرادساب منه واقفه ونزل راح عند الاسطبل وفك الحصان بتاعه وركب عليه وخرج من السرايا وكل ده وهو غرقان في ذكرياته وكل مالحصان يهدى السرعه مراد بغضب يضربه لحد مايزود السرعه
وبيتذكر ماحدث منذ وقت
بسمله قاعد ه مع منه وبتحكى عن ممدوح.

منه: والله يا بوسي انا مش عارفه انت طايقاه ازاي ده انسان بارد
منه بزعل بارد كيف يعني ده انسان محترم جدا واخلاق كمان
منه ده ده اخلاق والله الاخلاق باظت
بسمله ما تتكلميش عنه أكده يا منه
منه خلاص يا ستي احنا هنتخانق علشان حته معيد
مراد كان رايح لمنه عشان يسألها عن مروان سمع صوت بسمله وهي بتتكلم عن ممدوح وقف يسمع هي بتقول ايه
مراد بتفكير: محموجه عليه ليه يا بسمه، حكايتك ايه انت ياممدوح.

مراد من وقتها وهو بيراقب ممدوح وعرف أنه أخلاقه مش كويسه وكلف واحد برقبه داخل الجامعه وعرف أنه ديما بيقف مع بسمله وأنه اتكلم معاها وعايز يخطبها مراد لما عرف فضل قاعد في غرفتها ماينزلش منها وبعد فتره قرر أنه يتكلم معاها ويعرفها أن ممدوح انسان مش كويس سمعها وهي بتقول لمنه انها عارفه كل حاجه وأنه كان خاطب وهي برده موافقه عليه وقتها عرف أن الكلام معاها مش هيغير حاجه هو عارف هي قد ايه عنيده بس للاسف كل ما المعاد كان يقرب كل ما قلبه كان يلومه انه هيسيب حبيته تروح منه اول ماشفها ماقدرش يداري أكثر من كده و قرر يتكلم معاها على أمل انها تتخلى عن عندها وتحس بيه.

فجاه وهو على الحصان حس انه طاير في الهوى وف ثواني كان واقع على الأرض
عند بسمله واقفه في غرفتها وبتفرك في أيدها وراحه جايه منه تدخل عليها
منه: بسمله
بسمله بعصبيه: لو سمحتي يامنه ماريداش اتحدت في حاجه
منه بتفهم: طيب في عروسه حلوه كده تبقى متضايقه يوم خطوبتها
بسمله: خطوبه دي لسه كلام
منه بابتسامه: برضو تعالي يلا عشان نشوف هتلبسي ايه
في مكان بعيد قاعده ماسكه تليفونها وبتتكلم بهمس بعيد عن الأعين وبضيق.

: لاه ابوس يدك بلاش الموضوع ده
: ايه صعبانه عليكي وانا مصعبتش عليكي زمان
: انتي أكده ولا أكده ماكنتيش ريداه
: بس هي بقى عيزاه يعني انا كده يخدمها
بس...
: قولتلك الموضوع ده منتهي كل إلى عليكي تساعديني يكمل
: ماشي
: هههههههههههه ايوه كده احبك وانتي مطيعه
بعد ما المكالمه انتهت سرحت في الماضي وبشر: ماشي خليني امعاكي لحد ما إلى انا رايداه يتم وبعد أكده نخلصو منيكي انتي كومان.

عند عثمان قاعد هو وكريمه
منى قررة انها تروح تتكلم معاه عشان يوقف شبل عن مضايقتها اول ماوصلت لقت يونس وشبل قاعدين معاهم وهو أول ماشفها ابتسم وغمز لها بعينيه
منى في نفسها: اوف هكلمه ازاي انا دلوقتي
عثمان: واجفه أكده ليه يامنى تعالي اجعدى جاري
منى قربت من عمها وقعدت جنبه وهو بحنان أخدها في حضنه وشبل عينه عليها وهي حست ان ملامحه اتغيرت لما عمها أخدها في حضنه رفعت أيدها وشدت في احتضان عمها.

عثمان بحنان: انتي خابره يامنى اني سعيد جد ايه برجوع حسك ده اني من كتر فرحتي رايد اروح اشكر الثور إلى خلاكي تتحدتي ده
يونس قاعد وكاتم ضحكه كادت تفلت منه وشبل متضايق من كلام عمه وبينفخ بضيق وهي مره واحده انفجرت في الضحك ويونس ماقدرش يمسك نفسه وضحك هو كمان
عثمان: عتضحكو على ايه، وبصدق، طيب والله لو تعرفي تفرجيه عن اخواته لروح اشكره
منى ويونس مستمرين في الضحك وشبل اتكلم بعصبيه.

شبل: وتتعب روحك ليه ياجي هو لحد اهنه تشكره براحتك
منى وقفت ضحك وبصت لشبل ومره واحده انفجرت في الضحك ثاني بس المره دي كانت بصوت اعلى وهو من كتر ضحكها ضحك هو كمان قطع ضحكهم صوت هنيه
هنيه: في واحد رايد جنابك يابا الحاج
عثمان: واحد مين ده يابت
هنيه: ماخبراش شكله أكده مش من حدانا
عثمان باستغراب: داخليه المندره واني جاي دلوك
يونس: خليك انت يابوي واني اشوفه رايد ايه
عثمان: لاه اني جاي وياك.

بعد ماخرجوا شبل قرب على منى وبصوت منخفض: بجى اني ثور يابنت عمى طيب اني بجى عوريكى الثور ده هيعمل ايه
يونس من بعيد: شبل
شبل بضيق: جاي يايونس
سبها ومشي وهي خافت من كلامه
في المندره عثمان قاعد وقدامه الضيف وشبل ويونس قعدين جمب بعض وعينهم على الضيف مانزلتش
عثمان خير يا ولدي
خير ان شاء الله يا حاج اعرفكم بنفسي الاول انا ممدوح معيد في الجامعه عند بنت حضرتك
عثمان اهلا وسهلا.

ممدوح انا كنت جاي النهارده و عشمان في حضرتك في طلب كده
عثمان لو اجدر عليه ما عتاخرش واصل
ممدوح لا هتقدر اصل مين في ايده كلمه غيرك يونس بضيق: انت تجول طلبك واحنا اللي نحدد اذا كنا نجدر ولا لاه
شبل بهدوء: اتفضل يا حضرت جول رايد ايه
ممدوح بارتباك من طريقتهم: انا ما اقصدش حاجه انا قصدي ان طلبي في ايد حضرتك
عثمان حصل خير يا ولدي كمل حديدتك واللي ربنا رايده هيكون.

ممدوح انا يشرفني اطلب ايد الانسه بسمله بنت حضرتك عناد احفاد الراوي بقلمى هدى السيد
يونس بعصبيه وانت هتعرفها من فين
ممدوح بتوتر: انا قلت لحضرتك انا المعيد بتاعها يونس و هتعرف انت كل اللي حداك في الجامعه ممدوح لا طبعا بس الانسه بسمله متفوقه وطبيعي اعرفها
شبل طيب و انت اتحدت معاها في الموضوع ده ممدوح بكذب: لا طبعا انا عارف انه ما يصحش اتكلم معها في حاجه زي دي.

عثمان حس انهم زودوها معاه في الكلام حب يهدي الموضوع
عثمان انت جولت طلبك يا ولدي فوتني كام يوم اكده وهردعليك
ممدوح باحراج: طيب استأذن انا ويا ريت حضرتك ما تتاخرش في الرد علي
عثمان ما فيهاش تاخير ولا حاجه كلها يا مين والرد يوصلك باذن الله
ممدوح خرج وشبل ويونس خرجوا معاه وهم بيوصلوا عند الباب كان مرا داخل و هدومه مبهدله و بيعرج برجليه.

شبل واه خبر ايه يا مراد ايه اللى بهدل اكده مراد بإستياء لما شاف ممدوح: ما فيش حاجه انا زين اهه
يونس شرفت يا استاذ ممدوح مع السلامه
ممدوح بابتسامه: الشرف لي يا يونس بيه ازيك يا مراد بيه انت مش فاكرني ولا ايه
مراد بقرف لاه مافكراكش
ممدوح: ان شاء الله هتشوفني بعد كده كثير وساعتها مش هتنساني خالص اسيبك انا بقى عشان الوقت اتاخر
ممدوح مشي وهما دخلوا السرايا اول ما كريمه شافت ابنها جريت عليه.

كريمه يخضع: ايه اللي صابك يانضري
مراد بعصبيه: كل اللي يشوفني عيسأل السؤال ده مالي مااني زين اهه
يونس بحده زين كيف ده انت ما فيكش حته سليمه
مراد وجعت من على الحصان اهدوا بجى
عثمان خرج من المندره وقال ليونس ينده علي اخته
عثمان عيط على خيتك يا يونس نشوفه راجيها ايه
الام خير يا حاج رجيها في ايه
يونس رايدها ليه يابوي كانك موافج
عثمان عنشوف رأيها الاول وبعد اكده اللي رايده ربنا هيكون.

يونس لكن يا ابويا اني مش مرتاح للجدع ده
عثمان عيبان يا ولدي عيبان
يونس نده لاخته وهي فكرت ان ممدوح تحت وعايزينها ضبطت نفسها ونزلت جرى
يونس باستغراب: واه على راحتك هتوجعي يا مهبوله
بسمله: مانا على مهلي اهه يا يونس خير يا اخويا هتنادم علي ليه
يونس بشك: يعني ماخبراش.

بسمله بارتباك ماخبراشى ايه انا ما اعرفش حاجه يونس: ابوك رايدك دلوك واحنا عنتحدت بعدين بسمله بقلق بعد ما كانت نازله فرحانه راحت لابوها خير يا ابو ي يونس جالي انك رايدني عثمان بحنيه جرب يا بسمه واجفه بعيد عني ليه
بسمله راحت تقعد جنب ابوها انا جارك اه يا بوي في حاجه
عثمان بحنيه: تعرفي واحد اسمه، اسمه، اسمه ايه يا يونس
يونس ممدوح يا بوي
شبل بيجول انه استاذ عندك في الجامعه.

بسمله بارتباك: ها ايوه ده استاذ عندي في الجامعه
عثمان تعرفي عنيه ايه يا بنتي
بسمله وانا هعرف عنيه ايه يا بوي هو المعيد بتاعي وشخص محترم جدا ده كل اللي اعرفه
الام خير يا حاج كنها فزوره اياك
عثمان ولا فزوره ولا حاجه ده رايد يتجوز بسمه كريمه اول ما سمعت الخبر عينيها جات على ابنها هي كانت حاسه انه معجب ببنت خاله
مراد مقدرش يقعد هو مش مستعد يسمع أكثر من كده.

الام بفرحه: واه المعيد بتاعها رايد يتجوزها يا الف نهار ابيض مبروك يا بنتي
يونس بضيق: عتبركيلها على ايه يامرت ابوى كنك شوفتينا وافجنا
الام: واه وماعتوفجوش ليه يا ولد جوزي هو في حد عاجل يرفض جوازه كيف دي ولا انت ماريدش حد يبجي اعلى منيك
عثمان بصوت عالي: صفيه
يونس بحده اطلعي فوج دلوك يابسمه وبصوت عالى كل واحد يروح غرفته يلا.

الفصل التالي
جميع الفصول
روايات الكاتب
روايات مشابهة