رواية عشقت مدللة للكاتبة إستير أشرف الفصل السابع
في الصعيد قبل كتب الكتاب بيوم
غرفة الفتاتان
ميرال: يعني خلاص بقا هقبل بالواقع و هنتجوز دول
سارة: يا ميرال حرام عليكي من امبارح و عمالة تتكلمي و انتي عارفة اننا مش هنلاقي حل
ميرال: اة مانتي مرتاحة مهو البية قالك نبقا صحاب لغاية مانتعود علي بعض و اهو باين جاب نتيجة من يومين
سارة: لية هو سليم مقلكيش حاجة
ميرال: سليم يا بنتي انتي بتهزري ده فية نظرة بيبصها تتمني ان الارض تبلعك فس ساعتها.
سارة بضحك: ههههه باين ان هيطلع عليكي القديم و الجديد
ميرال: يستني عليا هو بس
في مكان اخر
مجهول(1): عرف اخبار جديدة
مجهول(2): عرفت ان كتب كتابه بكرة و بعد كده هيرجع علي القاهرة و يدرس القضية
مجهول(1): ههه لا الف مبروك لسليم الشافعي اما نشوف معاه هيبقا معانا و يحافظ على حياته ولا إيه
منزل الشافعي يجلس الجميع
الجدة: خلاص بكرة ولاد الشافعي هيشوفو جواز
يوسف بضحك: حاسس انك شمتانة فينا يا زينبو.
الجدة: اشمت فيك إيه ده اليوم ال مستنياه
سليم بضحك: هههه يا بني جدتك لو طالت تعمل فرح هتعملها
ميرال بنفسها: مهو بيضحك اهو امال مصدرلي انا الوش الخشب لية
الجدة: لعلامهو الفرح هيتعمل جريبقريب
ميرال بقلق: قريب إيه يا نينا ده لسة فضلنا سنة في الكلية ولا إيه يا سارة
سارة: اه يا نينا فاضل سنه لسة هنبتديها بعد كتب الكتاب بيومين
الجدة: و مالو يا بتي كملو في بيت اجوزكم ولا إيه يا عرسان متجولوماتقولوحاجة.
سليم بثقة: لا يا جدتي مفيش حاجة من الكلام دة سنة لسة كتير هو بالكتير بعد شهر من كتب الكتاب
يوسف: اه يا جدتي هو ده المتفقين علية مع عمي احمد
ميرال: يعني إيه و الدراسة انت مجنون
سليم بهدوء: بردو هتطول لسانها تاني يا بنتي قولتلك هقصهولك مستعجلة علي إيه انتي بس و بعدين قولنا هتكملوها بعد الجواز
سارة: بس احنا محدش قلنا علي الموضوع دة.
الجد: بس ابوكم عارف وخلاص بجا حديتبقا كلامفي الموضوع دة و يلا بجابقاعشان نتعشي و كل واحد لو ناجصوناقصوحاجة يعملها و ينام عشان خلاص بكرة كتب الكتاب
وبعد ان اكل الجميع ذهبو إلى غرفتهم
غرفة الفتاتان
نهال: كدة كل حاجة جاهزة و كويس انكو كنتو جايبين فساتين زي دول معاكم كده مش ناقص حاجة يلا مبروك يا عرايس
سارة: طنط انا مش عارفة لية حاسة انك فرحانة فينا
نهال و هي تنظر بحب: لا فرحانة بيكم
لتحتضن سارة.
سارة: انا بحبك اووووي بجد كويس انك موجودة في حياتي
نهال و هي تحضنها: و انا كمان بحبك اووووي
لتقفز عليهم ميرال
ميرال: حبوني معاكم
ليقهقهو لصوت عالي علي حركات ميرال
بعد ان نام الجميع لمواجهه غد الملئ بالأحداث
يستيقظ الجميع باكراً علي بخور الجدة الملئ بالمكان
ميرال: كح كح إيه يا نينا دة
سارة: بتبخري لية يا نينا بس
الجدة بفرح: انهاردة جاي ناس كتير و اخاف عليكم من العين لازم تتبخرو أكده.
يوسف: إيه يا زينبو الكلام ده بس حسد إيه بس
سليم: يا بني سيبك من الكلام بص دي جابت بخور الصعيد و القاهرة كلو
الجدة: بقا اكده ماشي
ليلي: سيبك منهم يا ماما هما كدة المهم دلوقتي العرايس تروح الاوضة عشان نهال و هالةهالة والدة يوسف طيبة القلب و تحب ابنها جدا مثل ليليو انا هنطلع نجهزهم عشان يخلصو علي المعاد عشان المأذون جاي علي 6 و انتولتنظر لسليم و يوسفاطلعو علي فوق جهزو نفسكم
ليذهب الجميع.
بعد مرور ساعات قليلة
في غرفت الفتايات
نهال: بقيتو حلوين اوووي يا بنات
فهم بحق جميلات يضعون القليل من الميك اب و ترتدي ميرال فستان كات طويل ينفتح قليلاً من عند ارجلها من لون الروز و تترك لشعرها الامع العنان اما سارة فأنها ترتدي فستان كات طويل هادئ من لون التركواز ينفتح القليل منة في الظهر فاكانو رائعون
ميرال بضحك: ليه بقا يا مامي هو احنا كنا وحشين
ليلي: مين يقدر يقول كدة
سارة: ييقا كدة احنا خلصنا.
هالة: خليكم بقا هنا عشان ماما هتقتل الكل لو حد شاف حلوتكم دي بذات عشان في رجالة كتير انهاردة
ليدق علي باب الغرفة ليدخل احمد و الجدة
احمد بنظرة حب: زي القمرات يا بنات
ليحضنهم هو
سارة: ربنا يخليك لينا يا انكل
ميرال بضحك: ايه بقا مش عاوزين دراما انهارده
ثم يتفزعون فجاءه من صوت زغروطة الجدة
الجدة: لووولوووووولوووولي بجيتو كيف البدربقيتو زي البدر
ميرال بضحك: حرام عليكي يا نينا اتخضينا.
الجدة بفرح: ده من الفرح يا عيون جدتك من الفرح يلا بقا عشان العرسان يشفوكو بس بعد كتب الكتاب بس انا هوديكو اوضة المكتب
في صالون بيت الشافعي
الجد: يلا نبداء يا حضرت المأذون
الماذون: يلا نبداء
ليستمعو و هم داخلون جملة بقائهم مع سليم و يوسف ليعلمو من هذا الوقت ان اليوم قد يكونو مسئولون منهم و قد حكم بقرار حبهم إلى بعض
المأذون: بارك الله لكم و عليكم...