رواية عشقت مدللة للكاتبة إستير أشرف الفصل السابع عشر
نعم اعلنت حبها بقلبي...
نعم فهي سكنت روحي...
نعم لا يوجد مثلها...
نعم اعترفت لقد احببتها بشدة...
نعم لقد بقيت بداخلي...
في سيارة سليم
ميرال بأبتسامة: ها بقا هتوديني فين يا سليم
سليم: انتي عاوزة تروحي فين
ميرال بتفكير: اممممم ممكن اروح السينما او تعالي نروح النادي او مول بص مش عارفه
سليم بضحك: خلاص بصي احنا نروح السينما و بعد كدة نشوف
ميرال بفرحة: اوك ماشي.
فيلا يوسف الشافعي
يوسف: سارة انتي روحتي فين
لتأتي له بطبق ملئ بالفشار
سارة: اهو انا جيت اهو
يوسف: هو انتي كنتي جوه بتعملي الفشار
سارة بأبتسامة: اها و يلا بقا شغلنا فيلم حلو نتفرج عليه سوا
يوسف: اه يبقا رومانسي بقا
ليطفي الضوء و يشغل الفيلم و يجلس بجانبها و هو يحضنها
يوسف بضحك: كدة تمام يا هانم
سارة بضحك: اه تمام اوي
ليمر بعض القليل من الوقت.
يوسف بضحك: بس بجد الفيلم دة مش رومانسي بس بيضحك ضحك، سارة حبيبتي
لينظر لها ليوجدها نائمة علي صدره
يوسف بضحك: انتي نمتي
ليغلق التلفزيون و ينظر لها و يحملها بين يديه ليصعد بها إلى غرفتهم لينيمها علي السرير و يطفئالنور و ينام بجانبها و يقبلها من وجنتها و يدخلها إلى حضنه.
في السينما
سليم: ها هتشوفي فيلم إيه
ميرال: معرفش شوف انت
سليم: طب بصي هتقفي تستنيني هنا عقبال ماجيب التذاكر و اجي متتحركيش من مكانك يا ميرال
ميرال: اوك يا سليم ماشي هقف هنا هستناك
ليذهب و يتركها ليأتي بعد ذلك لها احد ينادي عليها
: ميرال ميرال
ميرال بفرحة: كابتن شريف عامل إيه
شريف مدرب ميرال و سارة في التنس كان معجب بميرال لكنه لم يعترف بذلك
شريف: انا تمام و انتي عاملة جاية لوحدك و لا إيه.
ميرال: تمام لا مش جاية لوحدي
شريف بأبتسامة: يبقا مع سارة بس مقولتيش بقالك فترة مبتجيش النادي لية و لا في تدريبات و لا اي حاجة
ميرال: معلش بقا يا كابتن حصلت شوية ظروف بس انشاء الله هاجي قريب
شريف بأبتسامة: لا مفيش مشكلة بس شكلك حلو اوووي انهاردة امال فين سارة
ميرال بضحك: بس انا مش جاية مع سارة
شريف بدهشة: امال مع مين
بعد ان تركها سليم ليري ان يوجد احد تتكلم معه ليذهب اليها من دون ان تراه ليري من هذا.
سليم بغضب: مع جوزها في حاجة و لا إيه
ميرال بأرتباك: سليم جوزي يا كابتن شريف سليم دة كابتن شريف مدرب التنس في النادي
شريف بصدمة: إيه دة هو انتي اتجوزتي يا ميرال
سليم بغضب: هو انت لسة مصدوم ما بنقول من بدري اني جوزها لا كان غلط من ميرال انها متعزمكش علي الفرح
ميرال بأبتسامة: سوري يا كابتن مكنش في وقت اعزم كل الناس اصل موضوع الفرح جيه بسرعة
شريف: لا مفيش مشكلة يا ميرال.
سليم بعصبية: مش يلا بقا و لا مش هنشوف الفيلم الزفت دة
ميرال: طيب ماشي يا سليم بس مش هنجيب حاجة
سليم و هو يجبها من يديها: طب يلا بقا بعد اذنك يا كابتن شريف
ليذهب بها إلى بعيد قليلاً ليترك يديها بعنف
سليم بغضب: إيه دة بقا
ميرال بأستغراب: إيه يا سليم في إيه
سليم بعصبية: سبتك خمس دقايق لقيت دة واقف معاكي إيه يا بنتي هو مفيش حد ميعرفكيش.
ميرال بغضب: إيه يا سليم هو انت بتقول اي كلام و خلاص إيه الجنان دة و لا انت عاوز تنكد عليا و خلاص
سليم بغضب: لسانك هيطول تاني نش هتعرفي إيه ال هيحصل و اه عاوز انكد عليكي بقا في حاجة
لتدبدب ارجلها في الارض مثل الأطفال
ميرال بهمس: يخربيت الرخامة
سليم بغضب: انتي بتقولي إيه
ميرال بطفوليه: مبقولش مش هتجبلي فشار بقا و حاجات كدة
سليم بدهشة: ماشي معايا بنتي تعالي يا قدري الاسود تعالي.
ميرال بهدوء: طب انت لسة زعلانو تنظر له بطفوليه
سليم بأبتسامة: لا تعالي بقا و شوفي هتجيبي إيه
ليأخذها إالي بائع الحلوات و الفشار
سليم: ها عاوزة إيه
ميرال بأبتسامة: فشار و مارشملو و عصير و...
سليم بضحك: إيه هو في حاجات تاني دة كدة معايا بنتي فعلاً
ميرال بغضب: خلاص مش عاوزة حاجة
سليم بضحك: هههه خلاص خلاص عاوزة إيه تاني
ميرال بأبتسامة: خلاص كدة مش عاوزة حاجة تاني
ليجلب لها الذي طلبته و يعطيهم لها.
ميرال بفرحة: شكراً اوووي يا سليمو تبله في وجنته
سليم بأبتسامة: العفو مش هندخل بقا
ميرال بضحك: لا يلا ندخل.
في مكان اخر
: احنا لازم نشتغل علي القضية دي علي طول
وكيل نيابه (1): بس حضرتك عارف ان سليم كان فرحه امبارح و في جازة
: مينفعش نتأخر اكتر من كده
وكيل نيابه (2): طب هنعمل إيه يا فندم هنديها لحد تاني
: لا القضية دي محدش هيحلها غير سليم
وكيل نيابه (1): طب كدة مفيش غير حل واحد بس هينفع نعمله
: اه هنعمله هخليه يقطع الاجازة مش هينفع نستنى كدة انا هكلمه.
في السينما
ميرال بأبتسامة: الفيلم حلو جداً بجد
سليم بأبتسامة: هو حلو فعلا
ميرال: ها بقا هتوديني فين تاني
سليم بهدوء: ميرال الوقت اتأخر تعالي نروح و نبقا نخرج بكرة او يوم تاني
ميرال بغضب: لا يا سليم انا عاوزة اخرج دلوقتي مش عاوزة اروح البيت
سليم بغضب: قولت هنروح البيت يا ميرال خلاص خلصنا بكرة نبقا نخرج
ميرال بغضب: اووف طيب
سليم بهدوء: احنا اصلاً قربنا نوصل.
ميرال بغيظ: يعني انت اصلا كنت رايح البيت من غير حتى ما تقول
سليم بهدوء: انزلي يا ميرال احنا وصلنا اصلا و كملي الخناقة في البيت
لتنظر له بغيظ و تنزل من السيارة بعصبيه ليغلق هو العربيه و يذهب بعدها
سليم بهدوء: خلاص يا ميرال قولتلك بكرة بقا
ميرال بهدوء: طيب اما نشوف
لتصعد إلى غرفتها لتغير مالبسها لترتدي بجامتها الطفولية كالعادة و لم تشعر بنفسها إلا و هي ترتمي علي السرير لتنا كالأطفال ليصعد هو إليها.
سليم بهدوء: ميرال انتي نمتي
ميرال: ...
ليجلس بجانبها و يقبلها في وجنتها
سليم بأبتسامة: شكلك حلو اووي و انتي نايمة زي الاطفال و انتي و صاحية بقا مجنونة مبتقعديش علي بعضك بس باين حبيتك
ليطفئ نور الغرف و ينام بجانبها
ليأتي يوم جديد ملئ بالأحداث.
فيلا يوسف الشافعي
يستيقظ يوسف ليراها نائمة كالملاك بجانبه
يوسف بحب: سارة يلا يا حبيبتي اصحي
سارة بنوم: سبني شوية يا يوسف
يوسف بأبتسامة: لا مش هسيبك عندنا طيارة
سارة بأبتسامة: خلاص اهو صحيت صباح الخير يا حبيبي
يوسف بحب: صباح النور يلا بقا عشان اصلا هنفطر في الطيارة عشان مش هنلحق نقوم نلبس و ننزل علي طول علي المطار
سارة بأبتسامة: اوك هي اصلا الشنط جاهزة.
لتستيقظ ميرال و لم تري سليم بجانبها
ميرال: سليم سليم انت فين
لتدور عليه في الغرفة و لكنه لم يوجد لتنزل إلى اسفل
ميرال: سليم انت فين
سليم بأبتسامة: انا هنا يا ميرال تعالي
لتري في الرسيبشن
ميرال: هما مين دولوهي تشير إلى الواقفين
سليم: اه دول دي دادة نسيمة و دي مريم بنتها ال هيشتغلو هنا دادة نسيمة دي يعتبر ال مربياني.
ميرال بأبتسامة: اه اهلا بيكو بصي يا دادة اوضتكم ال جمب المطبخ يارب تعجبكم و لو في حاجة ممكن تقولولي
دادة نسيمة: ماشي يا بنتي يلا يا مريم نروح الاوضه نحط الحاجة بعد اذنكم
سليم: اتفضلو
لتذهب إلى غرفتها
ميرال: كنت بدور عليك انت بتصحي بدري كدة لية
سليم بأبتسامة: من الشغل اتعودت
ميرال بأبتسامة: اه هتخرجني فين انهاردة
سليم: الحته ال عوزاها
ليرن هاتفه.
سليم بهدوء: الو ايوة يا فندم، الحمدلله تمام، القضية اه مش قولنا هشتغل عليها بعد الجازة ماتخلص، بس يا فندم، يعني مش هينفع نستني، خلاص تمام يا فندم ساعتين و هتلاقيني عندك، مع السلامة
ليغلق الهاتف و ينظر لميرال
ميرال بقلق: في إيه
سليم بهدوء: هنزل الشغل من انهاردة الاجازة اتلغت...