رواية عشقت مجنونة الجزء الرابع للكاتبة آية يونس الفصل الثالث والثلاثون
وجاء الصباح التالي واليوم التالي على الجميع في الصعيد ومصر، كانت قدر تنام في غرفة والشيطان ينام في غرفة أخري في الشقة، استيقظ كلاهما على صوت طرقات على الباب في الصباح الباكر...
فتحت قدر عيونها بإنزعاج...
هو في حد يخبط على حد في الوقت دا؟
فتح الشيطان الباب واللذي لم يكن نائماً منذ الأمس، ليجد أنها شهد ابنة عمة...
صباح الخير يا ابن عمي، ستي بعتتني اصحيك عشان تفطر ويانا
قالتها وهي تنظر له نظرات تكاد تأكله بها...
الشيطان بهدوء ولم ينظر لها حتي...
ماشي هصحي مراتي وانزل انا وهي نفطر معاكم، عن إزنك...
لم ينتظر حتى ردها واغلق الباب في وجهها بعدم اهتمام، نظرت له شهد بغضب كبير من طريقته هذه وخمنت أن زوجته هي التي تقول له أن يفعل هذا، أقسمت شهد أن تجعل زوجته تخرج من هذا المنزل وهي مذلولة فهي تكرهها لأنها اخذت منها الشخص الذي تحبه...
وضعت الحرباء أذنيها على الباب في محاولة للإستماع إلى أي شئ يحدث بالداخل ولكن دون جدوي ف غرفة قدر بعيدة للغاية عن الباب...
وعلى الناحية الأخري بداخل الشقة...
طرق الشيطان عدة طرقات على باب غرفة قدر حتى تفتح له الباب، ظل ينتظر قليلاً دون رد ولم تفتح له الباب...
الشيطان بغضب وهو يخبط على الباب...
يخربيييت نومك التقييل فوووقي...
لم تستجب قدر له فقد كانت نائمة في سابع نومه كما يقال...
الشيطان وهو يبتسم بخبث في داخله...
بقي كدا؟ ماشي...
حاول الشيطان فتح الباب ولكنه لم يفتح بسبب انها أغلقت الباب جيداً من الداخل...
اتجه الشيطان إلى التراس أو البلكونة والتي كان نافذة غرفة قدر مطله عليها أيضاً...
امسك سكين وحاول فتح قفل الشباك عن بعضهما البعض وبالفعل نجح. وفتح الشباك...
نظر الشيطان إليها من النافذة فوجدها نائمة فاتحة فمها كالحمير وتضع الوسادة على أذنيها ورأسها لأنها سمعت رنات جرس الباب ولا تريد أن تتحرك من على السرير كمعظمنا...
ابتسم الشيطان بمكر، وقفز من النافذة إلى غرفتها...
وقف أمامها بعدما اغلق النافذة مجدداً وهو يبتسم إبتسامة ماكرة...
اتجه إليها واقترب من سريرها ومنها، أبعد الغطاء قليلا بكل هدوء حتى لا تشعر هي به، أدخل يديه أسفل الغطاء وامتدت يده إلى سيقانها العارية قليلاً فقد كانت ترتدي برمودة، حرك الشيطان يديه على سيقانها بإثارة وخبث وهو ينظر لها بإنتظار أن تتحرك أو تقفز وتصرخ أو اي شئ ولكنها رفعت يديها وهي نائمة وضربت بقوة يد الشيطان فقد اعتقدت أنها ناموسة!
الشيطان بألم وهو يسحب يده...
يخربيت أهلك انتي جبتي القوة دي منين!
هنا فزعت قدر لتقوم من على السرير بعدما سمعت صوته لتصرخ بقوة وخوف...
انت جيييت منينننن؟ دخلت هنا ازاااي؟
قالتها قدر وهي مفزوعة بوجه اصفر فرّ منه الدم من الخوف...
بينما هو ابتسم ابتسامة وسيمة ماكرة...
هو مش انا إسمي الشيطان؟ يعني طبيعي تلاقيني في أي مكان بكل سهولة وميمنعنيش باب...
بسم الله الرحمن الرحيم، الشباك مقفول والباب برضة مقفول...
قالتها قدر وهي تتفحص الباب والشباك بسرعة وخوف...
يبقي انت دخلت منينننن؟
انتي فاكرة اني محتاج باب أو شباك مقفولين يمنعوني؟ انا سايبك بس بمزاجي انما لو انا عايز ادخلك من امبارح مش هيهمني باب ولا شباك...
هو انت شيطان بجد يعني مش مجرد لقب زي ما انا فاهمة!
أيوة...
قالها بخبث وهو يعتقد أنها ستفزع وتصرخ...
ابتسمت قدر لتصرخ بحماس...
طب حلووو اوووي يلا خدني على عشيرتك وعرفني عليهم عشان انا بيج فان لمسلسل لوسيفر ورواية
عشق امير الجان وكل روايات مصاصين الدماء، انا مش مصدقة نفسي إن حلمي بيتحقق...
الشيطان وهو ينظر لها بإستغراب وغضب...
بيج فان.! حلم!
أيوة وعلفكرة بقي انت هتتغير على إيدي وهخليك تصلي وتبطل سجاير زي الروايات كدا. هتبقي بتلي (بطلي) واكيد وجههي الطفولي دا هيخليك تتغير وتحبني وتحس اني مختلفة مش زي بقية البنات اللي انت تعرفهم يا زير النساء...
الشيطان بضحكة طويلة...
لا من نحية اتغير متقلقيش انتي فعلا غيرتني من اسوأ شخص في مصر وبقيت اسوء شخص على كوكب الأرض كله، وبعدين وجه طفولي أي يا شحطة اللي يغيرني دا انتي وشك أتخن من وش شوبير بتاع الكورة، دا خدودك تحل أزمة مجاعة...
نظرت له قدر بغيظ وغضب...
علفكرة عيب كدا، انا لحد دقيقتين كان ممكن أحبك بس انت غيرتني تاني وبقيت بكرهك اكتر من الأول لأني مبحبش حد يتنمر عليا...
نظر لها الشيطان بهدوء، علّم للتو من لغة جسدها أنها تعاني من مشاكل مع ثقتها بنفسها فهي تتدمر بسهولة من أي كلمة...
هل انتي غبية؟ ألا ترين نفسك جميلة!
قالها الشيطان في نفسه بغضب فهو يكره أن تعتقد هذه الغبية أنها ليست جميلة! هي ليست ملكة جمال أو كتلة براءة متحركة على الأرض، لا هي ليست كذلك ولكنها ستكون كذلك إذا وثقت بنفسها، يكفي فقط هذه العيون الخضراء كالجنة، مهلاً هل يغازلها الآن؟
استفاق من تأمله بها على صوتها...
بتبصلي كدا لي!
الشيطان بإحراج وهو يبعد عيونه عنها...
احم مفيش، قومي البسي يلا عشان ننزل نفطر معاهم تحت...
قدر بحماس...
الله أخيراً هفطر فطار صعيدي بال بتاو والجبنة القريش...
انتي عرفتي البتاو مين؟
من زمان وعارفة عيش الشمس كمان دا انا كنت بتحايل على بابا يجبني زيارة للصعيد عشان اتصور سيشن هنا واعرف بيتعمل ازاي عشان اصور تيك توك للفانز بتوعي...
فانز؟ هو انتي مشهورة؟
قالها بسخرية لترد قدر بمرح وهي تفرد شعرها للخلف...
العبد لله عنده الف وخمسمية متابع على تيك توك وكلهم متابعيني عشان اخويا سيف كان بيطلع معايا في الفيديوهات...
ضحك الشيطان وهو ينظر لها ليردف بسخرية...
انا قولت كدا برضة...
وبعد محادثة استمرت قرابة العشر دقائق قامت قدر من مكانها وطردته خارج الغرفة حتى ترتدي ملابسها وتنزل معه إلى الأسفل مضطرة لأنها زوجته امام العائلة...
ابتسمت قدر في نفسها عندما تذكرت آمر إبن عم الشيطان هذا الرجل الصعيدي الثلاثيني اسمر البشرة صاحب العيون الخضراء مثلها ولكن عيونه خضراء فاتحة اللون وليست زيتونية مثلها، ذكرها شكله هذا بشكل ابطال المسلسلات والروايات اللتي تقرأها وكذلك أسلوبه معها فهو يعاملها بكل رقة حتى أمام الشيطان، ولأن سن قدر هو سن حرج في الثامنة عشر فهذا السن يقع في الاعجاب من مجرد معاملة لطيفة، تذكرت قدر أنها هنا لفترة وجيزة وستعود قريبا إلى عائلتها ولهذا قررت عدم التفكير حتى أنه يعجبها لانه بالفعل يعجبها؟
( اومال بقي لو شوفتي إياد اللي لسه جاي دا )
بالفعل نزل كلاهما وسط جو من المشاجرة والعناد بينهما للأسفل حتى يتناولا الإفطار...
صباح الخير يا لولو...
قالتها فاطمة ابنة عم الشيطان عندما رأت قدر
صباح النور، ردت قدر
نظر الشيطان إلى آمر بابتسامة...
صباح الخير يا ابن عمي، لما تخلص وكل ابقي اطلعلي برة عايزك في موضوع...
نظر آمر إليه بإبتسامة خبيثة فهو يعلم أنهم سيتحدثون في أمر تهريب المخدرات والآثار خارج البلاد...
ماشي يا إبن عمي، اقعد بس إفطر معانا...
جلس الجميع وسط جو عائلي يتناولون الإفطار ولم تتحدث شهد أو الجدة مع قدر حتى أنهم لم يلقيان لها التحيه بل كانا ينظران لها ب غِلّ وحقد...
لم تهتم قدر لهما بل كانت تتحدث مع فاطمة صديقتها الجديدة وأحياناً تختطف نظرات بين الحين والآخر إلى آمر الذي كان يجلس في مقدمة السفرة الطويلة لأنه رئيس البيت والمنزل كما يقال فهو يجلس في المقدمة...
كانت شهد تلاحظ نظرات قدر إلى أخيها آمر ولهذا ابتسمت براحة وقد عزمت على تنفيذ ما تنوي عليه اليوم...
ماذا سيحدث يا تري؟
وعلى الناحية الأخري في قصر آدم الكيلاني...
كانت تلك الغبية المدعوة سمر جالسة في غرفتها تبكي بدون سبب وهي تنظر بعيون حمراء يبدو أنها لم تنم طيلة الليل إلى اللاب توب أمامها تشاهد شيئاً ما...
دخلت والدتها سمر الكبيرة إلى غرفتها لتردف بغضب عندما رأتها...
انتي صاحية منمتيش لحد دلوقتي؟
ها، لا يا ماما طبعا انا لسه صاحية دلوقتي صباح الخير...
والله؟ واي دا ثواني! انتي بتعيطي؟
لا لا لا يا ماما طبعا لا دي بس دموع الزعل اني خلصت مسلسل الجمال الحقيقي كله في يوم ومش هلاقي مسلسل كوري زيه بالجمال دا عارفة يا ماما! البت اللي فيه بتفكرني بنفسي صحابها بيتنمرو عليها في المدرسة عشان شكلها وحش وفي وشها حبوب فهي بقي قررت تتغير وحطت ميكب كتير وبقت احلي واحدة فيهم لحد ما...
اسكوووتاااي، يا شيخة ينعل ابو اللي عرررفك على الكورريين وشغل مخك بيهم يا حاااج يا حاااج يا هيييثم تعااالي شوووف بنتك...
سمر بضحك...
الحته دي بتفكرني بحاجة كدا يا ماما تقريباً بتقلدي تيتا...
سمر الكبيرة بغضب...
انا دلوقتي بس عرفت انا ازاي كنت مزعجة!
قالتها بغضب وخرجت من الغرفة لتردف سمر ابنتها بضحك...
اعملك أي جينات الكوريين بتجري في دمي، يا رب بقي خدني ووديني على كوريا...
يكش تروحي كوريا الشمالية يا شيخة امين يا رب...
أي دا؟
قالتها سمر ونظرت إلى باب غرفتها المفتوح لتجده سيف ينظر لها بغضب...
سمر بمرح...
ازيك يا اشقر؟ طب قول صباح الخير الأول بزمتك لو انا روحت كوريا الشمالية مين هيقعد معاك يسليك ويذل فيك غيري!
سيف بغضب وهو واقف على باب غرفتها...
انا بشتم نفسي عشان قولت ل خالي ينزل مصر، بعد ما شوفت البلوة اللي جابها معاه دي...
سمر وهي تقوم من على السرير وتضع اللاب توب جانباً...
وأنا بشكر بابا أنه جه مصر عشان لولاه مكنتش عرفت ازاي هوقع اخوك في حبي، دلوقتي بقي أنا هغير هدومي وانت زي الشاطر كدا هتقولي ءعمل ءي عشان اخوك القاسي ابن القاسي دا يشوفني كأني أيدول في فرقة بلاك بينك...
استغفر الله العظيم يا رب، أستغفر الله العظيم يا رب، انا مش عايز آذيكي والله ما عايز آذيكي وبعدين انا جاي اقولك امسحي بالزوق كدا الفيديو اللي صورتيه ليا وانا برسم مي عشان ممسحكيش من على وش الأرض...
سمر بإبتسامة مغرورة كأفلام الإنمي...
مش قبل ما توقع قلب اخوك في حُب بنت خاله اللي هي أنا...
يا ستتتتي اخووويا طول النهار والليل في الشررركة والشغل اعممملهااا ازاااي دي يعني؟
تقولي عنوان شركته فين وتقولي مداخل ومخارج قلبه بيحب أي بيكره أي وكدا؟
اخويا وانا بنكرهك...
سمر بإبتسامة خبيثة...
انت مش مهم المهم هو يحبني...
قالتها ودخلت إلى المرحاض حتى تأخذ حماماً دافئاً تريح به أعصابها...
نظر سيف بغضب إليها، ثواني ونظر إلى اللاب توب خاصتها المفتوح والموضوع على السرير...
ابتسم بخبث واتجه إلى اللاب توب وهو ينوي شيئاً ما...
فماذا سيحدث يا تري؟
وعلى الناحية الأخري في الصعيد عند قدر...
انهي الجميع الإفطار واتجهوا ليحملو الاطباق وينظفو المائدة ويستعدوا لبقية اعمال اليوم...
كان الشيطان آنذاك يسير في الأراضي وقت الصباح مع إبن عمة آمر...
آمر بضحك...
يعني انت خلاص قررت التماثيل هنهربها بالطيارة والمخدرات في البحر!
أيوة، عشان لو حاجة فيهم اتمسكت متخسرناش كتير، وبعدين عشان منلفتش النظر علينا انا قررت أعزم إبن عمك القبطان هنا يومين لحد تنفيذ العملية بالمرة ستك تشوفه وتطمن عليه لأنها غضبانة على أبوه. عمي أحمد الدسوقي بعد ما اتجوز رحمة لأنها مش راضية على الجوازة دي، وعشان كدا هنطمنها عليه ويقعد يومين وبعدها هننطلق كلنا على الحته اللي فيها الآثار بالليل عشان نشوف هنداريهم ازاي في الطيارة ونهربهم...
دماغك دي ولا دماغ إبليس؟
ابتسم الشيطان بمكر وضحك...
انا مسميش الشيطان على الفاضي يا إبن عمي...
دخل كلاهما إلى المنزل مجدداً...
الشيطان وهو يراقب قدر بعيون كالصقر ويبتسم بخبث...
بعد اذنكم يا جدعان عايز مراتي في كلمتين...
قدر وهي تنظر إليه بإستغراب...
في أي؟
اتجه إليها الشيطان وسحبها إلى الأعلي...
تعالي اوريكي السطوح عامل ازاي!
قالها بخبث وسحبها بالفعل إلى آخر دور وهو سطح المنزل المحاط بكل جمال قد تراه في حياتك وهي الفدادين الخضراء إلى ما لا نهاية...
قدر بصدمة عندما دخلت السطح ولم تنتبه إلى ما يفعله الشيطان خلفها...
أي الجمال دا بجد؟ دي جنة.؟
لا ولسه هوريكي الجنة اللي بجد بقي!
قالها وسحب قدر من يدها إلى الحائط وحاصرها بجسده وهو ينظر لها بخبث وغضب...
انتي بقي مفكراني اعمي ومش شايف نظرات الإعجاب في عينيكي ل آمر ابن عمي؟
قدر بغضب وهي تحاول إبعاده...
ابعد عني! وفيها أي يعني لما اكون معجبه بيه اوعي تكون فاكر اني مراتك بجد؟
نظر لها الشيطان بإبتسامة لا تنوي الخير...
طب انا المرادي هديكي تحذير بسيط، المرة الجاية هتبقي عينيكي الحلوة دي متشالة من مكانها هتبقي طرشة وعمياء كمان...
قدر بغضب...
ابعددد عننننني، فيها أي يعني لما اكون معجبه بيه و...
لم تكمل قدر جملتها حتى وجدت نفسها أسيرة شفتيه يُقبلها قبلة عميقة جعلتها تشهق بصدمة وهي فاتحة عيونها بقوة وقد دق قلبها لدرجة أنها فقدت السيطرة على نبضات قلبها من قوة الصدمة ولأنها اول قبلة لها...
بينما هو ابتعد عنها بعد وقت قصير ليردف وعلى وجهه نفس الابتسامة الخبيثة...
فكري تبصيله تاني، وشوفي المرة الجاية هخليكي تندمي ازاي يا حلوتي، المرة دي مجرد تحذير بسيط...
قالها ورحل من أمامها وهذا المغرور الوسيم وجهه يقول الكثير ويتوعد بالكثير...