رواية عشقت ضابط مخابرات للكاتبة رقية محمود الفصل الرابع عشر
اسر: شهد انا عايز اقولك على حاجه
شهد: قول
اسر بحب: انا بحبك
شهد بصدمه: ايه
اسر بصوت عالى: بقولك بحببببببببببك ياشهد حياتى
شهد بدموع متحجره في عينها أجل هذه دموع الفرحه: وانا كمان بحبك
اسر بفرحه: بجد
شهد بصوت عالى: انا بحببببببببك اووووووى
قام اسر من مكانه وقوم شهد معه
شهد: ايه في ايه
اسر: هاروح اطلبك من ابوكى
شهد: استنى يامجنون انتا.
اسر بعشق: انا فعلا بقيت مجنون بيكى ومهوس بيكى انا بعشقك ياشهد انتى بقيتى كل حياتى انا مقدرش اعيش من غيرك انتى شهد حياتى
شهد بحب: وانا كمان بموت فيك انتا اللى مالى عليا كل حياتى
شدها اسر
اسر: طب يلا هاروح اطلبك دلوقتى من ابوكى
شهد: يابنى اصبر
اسر: يابت انتى مجنونه بقولك بعشقك ومقدرش اعيش من غيرك ولا ثانيه تانيه
شهد: لا بس المفروض انك تاخد معاد من بابا
اسر بتفكير: امممم هو انتى مش عايزه تتجوزينى.
شهد بسرعه: لا طبعا عايزه
ضحك اسر بصوت عالى ثم قال: دا انتى شكلك واقعه اوى ياشوشو
شهد بمرح: اه ياخويا شوفت بقى
رفع اسر حاجبه ثم قال: اخوكى ايه يابت انا حبيبك
شهد حطت ايديها على بوقها ثم قالت بمرح: اصدق صح نسيت يلا ياعم انا اتاخرت عايزه اروح البيت
اسر بمرح: يلا يابت انتى فصلتينى من جو الحب متعرفيش تقعدى دقيقه نحب في بعض لازم جعفر دا يبقى موجود معانا
شهد بغيظ: طب يلا يافتحيه علشان عايزه أمشى.
اسر بغيظ: فتحيه دى خالتك
شهد بغيظ: طب يلا نمشى بدل ما اطلع عليك جعفر بجد
اسر: يلا يامجنونه ربنا يخليكى ليا
شهد: ويخليكى ليا يافتحيه.
اسر: يلا ابت غورى اركبى عربيتك وانا هركب عربيتى وانا هاجى لابوكى انهارده بليل
شهد بسعاده: ماشى
ثم ذهبت شهد وركبت العربيه وذهبت إلى البيت وهي في قمه سعادتها
وذهب اسر إلى بيته لكى يحضر نفسه لمقابله ابو شهد.
عند ادم وجورى
يقوم ادم من النوم ثم يجد جورى نايمه على الأرض مثل الملاك ثم يقوم ويدخل إلى الحمام و ياخد شاور ويطلع ويلبس بنطلون چينز وتيشرت وصفف شعره ثم صلى وذهب لكى يصحى جورى
ادم بحده: انتى يازفته
لا رد
ادم بصوت عالى: انتى يامتخلفه قومى
قامت جورى مفزوعه: ايه في ايه مين مات
ادم: إن شاء الله انتى.
جورى بغضب: نعم عايز ايه في حد يصحى حد كدا ايه بتصحى جاموسه دا انتا غبى والله ( يالهوى يالهوى دا انتى شكلك هتموتى انهارده ياجورى )
ادم اتعصب جامد ووجه بقى احمر واتكلم بصوت عالى: انتى حيوانه انتى ازاى تقولى كدا
جورى بعدم اهتمام: اصدق خوفت دلوقتى
مسكها ادم من شعرها
ادم بعصبيه وصوت عالى: بت انتى لو مش هتتعدلى في الكلام معايا انا هعدلك
جورى بالم: اااااه سيب شعرى
ترك ادم شعرها ثم قال لها.
ادم بحده: خمس دقائق وتبقى تحت
تركها ادم ونزل إلى تحت.
عند جورى كانت قاعده على السرير تبكى في صمت ثم قامت ودخلت إلى الحمام واخدت شاور واتوضت
ثم خرجت وصلت ثم غيرت ملابس إلى بيچامه بيتى مريحه لونها احمر وتركت شعرها ولم تضع اى مساحيق في وجهها وكانت في غايه الجمال ثم نزلت إلى تحت وجدت ادم قاعد على الكرسى ثم ذهبت إليه
جورى: يانعم في حاجه
ادم بحده: غورى اعملى الفطار
جورى: عايز تاكل ايه
ادم: حطى لانشون وجبنه رومى واعملى بيض مسلوق
ضحكت جورى بخبث ثم قالت: حاضر.
ثم ذهبت إلى المطبخ
عند جورى في المطبخ واقفه تعد الطعام وعلى وجهها ابتسامه مكر
جورى تحدث نفسها: ماشى والله هوريك يا ابن مديحه الابيحه
ثم جابت البيض من التلاجه ووضعته في طبق (يعنى ياجماعه البيض مش مسلوق)
ثم حطت الجبنه الرومى وحطت الانشون ثم أخذت الاطباق وخرجت ووضعتهم على السفره ثم خرجت لكى تنادى ادم
جورى: يلا الاكل جاهز
ادم: غورى وانا جاى وراكى
ذهبت جورى إلى السفره وجلست وعلى وجهها ابتسامه خبث.
ثم جاء ادم وجلس وأخذ بيضه وكسرها وجدها بهدلت ملابسه
كانت جورى تضحك على شكله وهو ملابسه متبهدله
ادم بغضب: انتى ياغبيه انتى ايه اللى انتى عملاه دا
جورى وهي تضحك: ههههههههههههه ايه ههههههههه هو انا هههههههه عملت حاجه هههههههه انتا مش قولت عايز بيض مسلوق اهو البيض المسلوق هههههههههههه.
ادم بعصبيه: دا بيض مسلوق انتى متخلفه
جورى وهي تضحك: خلاص يابيضه متزعليش يبقى بيض مقلى
ادم: بت انتى بطلى ضحك.
جورى محاوله رسم قناع الجده: ما انا قولتلك ترجع الشغاله وانتا مش راضى يبقى احسن تستاهل
ادم بعصبيه: ماشى يازفته انتى والله هوريكى
ثم طلع الى الغرفه واخد شاور وغير ملابسه إلى ملابس تانيه.
عند جورى كانت قاعده تحت تضحك ثم قالت:
ولسه انت لسه شوفت حاجه يا ابن مديحه الابيحه
ثم نزل ادم واتجه إليها
ادم: قومى البسى علشان هنروح عند بابا
جورى: حاضر
ثم طلعت ولبست ملابسها التي كانت عباره عن فستان يصل إلى بعد الركبه لونه كحلى وبكوم وشفاف وتركت شعرها منسدل على ظهرها ولبست حذائها ولم تضع اى مساحيق وكانت في غايه الجمال ثم خرجت من الغرفه ونزلت إلى تحت
ادم بحده: ايه اللى انتى لابسه دا.
جورى: اللى انتى شايفه فستان ايه فيه حاجه
ادم بعصبيه: اه فيه رجليكى باينه وذراعك باين غورى البسى حاجه تانيه
جورى: لا مش هاروح اغير دا عاجبنى وهاروح بيه
ادم بعصبيه: لا هتروحى تغيرى وتلبسى حاجه تانيه علشان لو مروحتيش انا اللى هغيرلك هدومك
جورى فقدت اعصابها وتكلمت بعصبيه وصوت عالى: لاء كدا كتير اوى انتا واحد قليل الادب.
ادم اتعصب وذهب إليها ومسكها جامد من ذراعها ولوى ذراعها وراء ظهرها ثم تكلم بغضب: لما انا واحد قليل الادب انتى ايه دا انتى ابوكى يابت باعك بالفلوس
جورى وهي تحاول تفك ذراعها ثم تكلمت بغضب: انتا واحد زباله اوى انتا وهو زى بعض انتا متعرفش انا بكرهك ازاى انتا وهو
ادم بغضب: لمى لسانك بدل ما اقطعهولك ويلا غورى غيرى القرف اللى انتى لابسه دا
تركها ادم وذهب قعد على الكرسى.
وهى طلعت إلى الغرفه بسرعه والدموع متحجره في عينها ثم دخلت الى الحمام وانهارت من البكاء
جورى تحدث نفسها: انتا السبب يابابا انتى اللى خليتوا يقول باع بنته بالفلوس طب ماهو عنده حق انتا فعلا بعت بنتك بالفلوس في اب ياربى يعمل كدا في بنته حسبى الله ونعمه الوكيل فيك يابابا ثم غسلت وشها وخرجت من الحمام وغيرت ملابسها ولبست بلوزه وبنطلون وتركت شعرها منسدل على. ظهرها ثم خرجت من الغرفه ونزلت إلى تحت.
جورى بضيق: يلا
خرجوا من الڤيلا وركبوا العربيه وذهبوا إلى بيت محمد.
عند شهد وصلت إلى البيت ثم دخلت الى غرفتها وكانت سعيده جدا
ثم بدأت تبكى وتحدث نفسها: كان نفسى اوى ياماما تكونى معايا زى البنات ان امها تكون معاها يوم فرحها
ثم قعدت شويه تبكى، ثم قامت وغسلت وشها.
عند اسر وصل البيت ثم دخل وجد ريم قاعده تشاهد التلفاز
ريم: ايه يااسر كل دا تأخير
اسر بمرح: ايه يابت اسكتى بلاعه اتفتحت
ريم بغيظ: طب ياخويا متشكرين شكلك كدا عايز تقول حاجه
اسر: احلى حاجه فيكى ياريري انك بتفهمى بسرعه
ريم بثقه: طبعا يابنى بلا فخر وبعدين انتا لما بتقول ريرى دى يبقى وراها مصيبه
اسر وهو يقلد صوتها: طبعا يابنى بلا فخر
ريم وهي تضحك بصوت عالى: انتا لما بتقعد معايا بتموتنى من الضحك.
اسر بغيظ: ليه ياختى بتشوفى مكتوب على قافيه نكته
ريم: اصدق ايوه
اسر بغيظ: اصدقى كنت هقولك انا عايزك في ايه بس مش هقول
ريم: لا والنبى يا اسر قول
اسر: لا مش هقول
ريم: علشان خاطرى قول بقى
اسر بابتسامه: علشان خاطرك بس
ريم: حبيبى قول بقى
اسر بجديه: انا هتجوز
ريم بصدمه: ايه
اسر: ايه في ايه مالك اتصدمتى كدا ليه
ريم ببكاء: يعنى هتتجوز وتبعد عنى
اسر: ياريم انتى قبل ماتكونى اختى انتى بنتى ومافيش حد يقدر يبعد عن بنته.
ريم: خلاص انا كمان عايزه اتجوز
ضحك اسر بصوت على ونظرت له ريم بغيظ
اسر: هتتجوزى ياختى مستعجله على ايه وبعدين انا مش هسيبك ابدا انا هبقى اجاى اطمن عليكى كل يوم
ريم بمرح: هي العروسه اللى امها داعيه عليها اسمها ايه
ابتسم اسر ونطق اسمها بحب: شهد حياتى
ريم: اوووووبا دا انتا شكلك واقع اوى
اسر: واقع اوى اوى ياريرى.
ريم قامت وبدأت تقول: هيصه هيصه هيصه هيصه اخويا هيبقى عريس وانا اخت العريس لولولولولولى وكانت تعمل حركات تضحك
ضحك اسر على صغيرته الجميله المرحه
اسر: اقعدى يامجنونه
قعدت ريم ثم قالت: وهي العروسه بقى اسمها شهد
اسر: اه اسمها جميل اوى
ريم بمرح: ايه ياعم خد بالك أن انا لسه سنجل
اسر: عارف ياختى
ريم: وهتروح تطلبها امتى
اسر: انهارده بليل
ريم: لولولولولولولولولى.
اسر بمرح: يابت اسكتى صوتك مسرسع اوى.
ريم: ايه ياعم مش افرح يعنى
اسر: ربنا يفرح قلبك كمان وكمان ربنا يخليكى ليا
ريم: ويخليك ليا يارب
ثم قام اسر ودخل إلى الغرفه واتصل با ابو شهد واخد منه معاد يجى فيه انهارده وكان المعاد على الساعه ٧ونص
ثم اتصل على ادم
اسر: الو ياادم
ادم: ايه يااسر
اسر: بقولك ايه
ادم: ايه
اسر: انا هاروح أخطب انهارده أو اتجوز لسه مش عارف
ادم: مش عارف ايه ياهبل
اسر: انا عايزها تبقى جواز بدل خطوبه
ادم: دا انتا شكلك واقع اوووى.
اسر بمرح: اوى اوى يادومى
ادم: طب ياخويا عايز منى ايه
اسر: عايزك تيجى معايا
ادم: مش هينفع يا اسر والله انا رايح عند بابا انهارده
اسر بحزن: ماشى ياادم
ادم: ياض انتا اهبل اكيد يعنى هاجى معاك من غير ماتقول
اسر بفرحه: حبيبى يادومى والله ربنا يخليك ليا
ادم: ايه ياض جو المحن اللى نزل على أهلك مره واحده دا
اسر بمرح: واقع بقى اعمل ايه خطفت قلبى يادومى.
ادم بمرح غير عادته حتى لاحظتها جورى وهما في الطريق: امال انتا عايش ازاى ياهبل لما هي تخطف قلبك
اسر بمرح: ايه دا ادم باشا شبح المخابرات مره واحده بيضحك
ادم بمرح: امال ياض قافل بوقى بسوسته
اسر: المهم انهارده الساعه ٧تكون جاهز وهعدى عليك ونروح مع بعض
ادم: تمام
ثم قفل معه الخط وكمل الطريق إلى بيت ابوه.
عند سليمان وهاجر
كان سليمان يتكلم في الفون اول اما وجد هاجر دخلت الغرفه قفل الخط
هاجر: كنت بتكلم مين
سليمان: م م مكنتش بكلم حد وبعدين انتى مال اهلك
هاجر بشك: هعمل نفسى صدقت
ثم خرجت من الغرفه
وقعد سليمان يحدث نفسه: شكلى كدا هكسب فلوس كتير اوى من وراكى ياجورى.
عند عاصم وشهد
عاصم: ياداده
جاءت الداده
الداده: ايوه ياعاصم باشا
عاصم: نادى شهد
طلعت الداده إلى غرفه شهد ونادت عليها ثم نزلت شهد
شهد: ايوه يابابا
عاصم: حضرى يابنتى نفسك انهارده علشان في عريس جيلك شكلك كبرتى بس انا شايفك في عنيا صغيره
ذهبت إليه شهد وحضنته ثم قالت له: ربنا يخليك ليا يابابا
عاصم: ويخليكى ليا ياحبيبتى
عند ادم وجورى وصلوا إلى بيت محمد ونزلوا من العربيه ثم خبطوا وفتحت لهم ريهام.
ريهام بفرحه: ادم
ثم حضنت ادم وبعد ذلك حضنت جورى هما مش بيشوفوا بعض كتير لكن أصبحوا أصحاب وبيحبوا بعض اوى ثم دخلوا
ادم: ازيك يابابا
محمد: الحمدلله يابنى
جورى بابتسامه: ازيك ياعمى
محمد: الحمدلله ياجورى
ثم قعدوا يتكلموا شويه
ادم بخبث: قومى ياجورى اعملى الاكل
محمد بحده: ايه الكلام دا ياادم انتا ازاى تهين مراتك كدا
ادم ببراءه مصطنعه: لا يابابا انا مش قصدى كدا انا اقصد انى بحب اكل اكلها.
محمد بصرامه: لا ياخويا مش مهم انهارده ما انتا طول عمرك بتأكل الاكل اللى الداده بتعمله
ادم بحرج: لا يابابا مش كدا انا كان قصدى قاطعه محمد قائلا: خلاص ياادم هي كلمه هتأكل الاكل اللى الداده هتعمله
ادم بضيق: ماشى
كانت جورى قاعده وسعيده إن في حد دافع عنها ثم حدثت نفسها: احسن تستاهل ياابن مديحه الابيحه.
ثم بعد شويه قاموا واكلوا وذهب ادم وجورى إلى الڤيلا
عند ريم واسر
دخلت ريم على اسر الغرفه.
اسر بخضه: انتى ياغبيه مش قولتلك ميت مره تخبطى على الباب قبل ماتتدخلى
ريم: معلش خليها عليك ياكبير
اسر: ياخربيتك دا انتى بيئه ايه يابت الالفاظ دى
ريم: ايه ياعم انتا هو انا قولت حاجه
اسر بنفاذ صبر: عايزه ايه
ريم: عايزه اعرف انتا هتاخدنى معاك وال لاء
اسر: لاء طبعا انتى هتيجى هتعملى ايه
ريم: ماشى ياسطا
حدف عليها اسر المخده ثم خرجت وقفلت الباب
وهو قعد يفكر في شهد حياته
جاءت الساعه ٧ وكان ادم جاهز ثم رن عليه اسر.
اسر: ايوه انا تحت
ادم: خلاص ماشى نازلك
وفى خلال دقائق نزل ادم وركب مع أسر العربيه
وصلوا إلى بيت شهد على الساعه ٧ونص بالظبط
ثم نزلوا من العربيه وكان اسر معاه بوكيه ورد احمر ثم خبطوا فتحت لهم الداده ودخلوا ثم بعد خمس دقائق نزل عاصم لكى يستقبلهم
عاصم: اهلا وسهلا منورين
ادم واسر: بنورك ياعمى
اسر: انا اسر عبد الرحمن عندى ٢٩ سنه وانا ضابط في المخابرات وبحب الانسه شهد بنت حضرتك وعايز اتجوزها.
عاصم: قول تانى كدا اسمك
اسر باستغراب: اسر
عاصم: ايوه اسر ايه
اسر باستغراب اكبر: اسمى اسر عبد الرحمن
عاصم بصدمه: ايه.