قصص و روايات - قصص رومانسية :

رواية عشق الصقر الجز الثاني للكاتبة شهد طارق الفصل التاسع

رواية عشق الصقر الجز الثاني للكاتبة شهد طارق الفصل التاسع

رواية عشق الصقر الجز الثاني للكاتبة شهد طارق الفصل التاسع

شهد بصريخ: لا لا يا صقر. لا عشان خاطرى.
صقررررر.
فاق صقر من نومه بفزع على صريخ شهد.
وفهم انها في كابوس.
خدها في حضنه بقوة وهمس في ودنها: شهد حبيبتى انا جمبك أهدى أهدى.
وبعد وقت نامت تانى.

استيقظت من نومها ووجدته بجانبها ونظرت له بحزن لا تعلم لماذا...
اما هو ف شعر بحركتها ثم فتح اعينه.
صقر بحنان: صباح الخير.
شهد: قول مساء الخير.
صقر: كدة يا شهد عايزة تفضلى لوحدك بعيد عنى بتعاقبينى يعنى.
انزلت رأسها لاسفل وقالت بوجع: مكنتش قادرة ارفع عينى في وش حد.
صقر: وانا حد يا شهد مش انا حبيب روحك زى ما بتقولى.
ليه يا شهد دايما بتدى لنفسك الاتهام الاول ليه اصلا بتحسبى نفسك متهمة.

انا عارف انك اكيد زعلانة عشان الحرس ال ماتوا في انفجار عربيتك بس مش انتى ال فجرتيها يعنى ده قدر و نصيبهم.
انتى بريئة يا شهد من جواكى بس ممكن يجى وقت برائتك دى تموتك.
انتى مفيش عليكى اى لوم أو ذنب اصلا.
بطلى تحملى نفسك حاجات قدر من ربنا.
زرفت الدموع من أعينها فهو قولا و فعلا حبيب روحها.
مسح دموعها بأنامله.
صقر: ايه رأيك انا حجزت في الجونة نقضي مصيف لينا كلنا.
شهد بفرحة: بجد.

صقر: بجد يا روح صقر مش انتى كان نفسك تروحى الجونة.
شهد بحماس: اه جدااا.
صقر: وانا مقدرش اشوف عشقى نفسها تروح مكان و مخليهاش تروحه.
هناخد اسبوع نريح في اعصابنا خالص وننسي انك المخرجة شهد طارق وانى صقر المنياوى.
احنا عاشقان رايحين يقضوا كام يوم في الاحلام.
ممكن.
احتضنته بشدة قائلة بهمس: طبعا ممكن.

فى الاستديو.
فى مكتب فادى.
فادى: ها كدة فهمتى.
همس برقة: اه انت بتشرح كويس اوى.
فادى بابتسامة: كله بفضل الريسة.
همس: واضح انك بتحبها اوى.

فادى بشرود: شهد ربنا رزقنى بيها بجد. انا ساعة ما قابلت شهد كنت وحيد مكنش ليا حد خالص. جت هي اعتبرتنى اخوها الصغير رغم أنها كانت في وقت الم و عذاب. لكن دائما كانت بتساعدنى. تعلمنى. اى فرصة شغل أو تعليم تجرى عليا عشان تقولى. هي ال كانت بتطمن عليا يوميا ولو غبت يوم و مكلمتهاش. بيبقى نهار مش فايت.
بجد انا بعتبرها اختى الكبيرة بمعنى الكلمة.
همس: واضح أن علاقتكم قوية و لغاية دلوقتى.

فادى: جدا جدا. وفعلا هتكسبى لما تشتغلى معاها.
همس: اكيد انشاء الله. فادى هو انت وحيد خالص.
فادى بمرح: هو في وحيد نص نص.
همس بكسوف: احم مش قصدى انا بس.
فادى: خلاص خلاص ايه الكسوف ده كله انا كنت بهزر. على العموم اه يا ستى انا وحيد خالص ابويا و امى متوفيين و ماكنش ليا قرايب خالص.

همس: الله يرحمهم. عن اذنك هروح اكمل تدريب معاهم.
فادى: اتفضلى. لو عوزتى اى حاجة مكتبى موجود.
همس برقة: شكرا.
وبعد خروجها.
فادى في نفسه: يخربيت رقتك يا بنت اللذين.

فى غرفة شهد.
صقر: حبيبتى انتى مش قولتى عندك حلقة انهاردة.
شهد بغموض: لا يا حبيبى خليتها بكرة.
صقر باستغراب: هو انتى بتصورى الحلقات على مزاجك.
شهد ببساطة: لا يا حبيبى بس اصل لو كانت اتصورت انهاردة كانت هتبقى متسجلة لكن بكرة هتبقى على الهوا مباشر ادام الكل.

صقر: اها فهمت. ناوية على ايه تانى يا شهد.
شهد: ولا حاجة يا قلب شهد. المهم انا هحضر حلقة بكرة وبعديها نسافر تمام.
صقر: تمام يا عشق صقر.
يلا نروح بيتنا بئا.
شهد: ما تخلينا بايتين هنا يا صقر.
صقر: خلينا براحتنا أحسن في بيتنا.
شهد: عشان خاطرى يا صقر وحياتى عندك.
صقر بإستسلام: خلاص يا ستى نبات هنا.
قامت بحماس و باسته من خده وقالت: حبيبى يا ناس.
انا هروح اكلم خوخة...
صقر: ماشي.

جريت برة بحماس وهو فضل يراقبها بإبتسامة.
انه قدر يخرجها من ال هي فيه و للمرة المليون بيعترف أن برائتها عمرها ما هتنتنهى.

فاتن وطارق شافوا شهد طالعة مبسوطة.
مصدقوش أن ديه شهد ال كانت من كام ساعة ضعيفة و هذيلة وكأنها عايزة تنتحر.
طلعت البلكونة عشان تكلم خلود بنت خالتها.
و فاتن و طارق قعدوا يتكلموا.
طارق بشرود: عمرى ما تخيلت أن شهد ممكن حد يحولها بالشكل ده.
فاتن: رغم حكاية شهد و صقر مع الغريبة. لكن شهد بجد بتلاقى معاها الامان.
شهد مهما كبرت هتفضل طفلة ادامه.
هو ال بيقدر يحتويها. هو ال زى ما انت شايف رجع ضحكتها.

طارق: عندك حق.

فى البلكونة.
شهد: اذيك يا خوخة.
خلود: قلب خوخة انا الحمد لله يا حبيبتى. انتى عاملة ايه.
شهد: تمام الحمد لله. صحيح انتى مروحتيش الشركة ليه زى ما اتفقنا.
خلود: بينى و بينك انا قدمت استقالتى من البنك وقولت اقعد كام يوم في البيت اريح و نرجع للشغل تانى مش هيطير.

شهد بضحك: هههه عندك الحق. قوليلى مش عايزة تسافرى مصيف.
خلود: بجد اكيد يعنى عايزة ده سؤال.
شهد: اممم تفتكرى يموت فين. فين.
خلود: قولى والنبى يا شهد.
شهد بتفكير: فين يا شهد فين يا شهد. في الجونة يا قلب شهد.
خلود بسعادة: عاااااااا بجد انتى بتهزرى الجونة الجونة.
بتاعة نجيب ساويرس.
شهد بضحك: ههههه اه بتاعة نجيب ساويرس يا رب هبلة.
خلود: هبلة هبلة مش مهم. المهم هنروح امتى يا شوشة يا عسل.

شهد: هخلص تصوير حلقة بكرة ونسافر على طول.
خلود: أشطا يا شوشة يا عسل انتى والله. سلام.
شهد: سلام يا كارثة.

ودخلت ل طارق و فاتن.
شهد: بابا. ماما احنا بعد بكرة هنطلع الجونة.
فاتن بدهشة: الجونة. بجد يا شهد.
شهد بضحك: هههههههه بركاتك يا صقر خليت العايلة كلها تندهش...
طارق ابتسم بحب و فرحة و هو شايف بنته الضحكة رجعت نورت وشها تانى بعد ما شاف حالتها الصبح.

صقر طلع من اوضة شهد و دخل ليهم في غرفة المعيشة ال قاعدين فيها.
صقر: مساء النور يا جماعة.
شهد: مساء النور يا حبيبى.
قعد على الكنبة ال موجودة و راحت قعدت جمبه.
شهد بهمس: حبيبى انت اتغديت.
صقر بنفس الهمس: انا مكلتش حاجة من الصبح مقدرتش اكل من غيرك.
شهد بغضب: اغس عليك يا صقر يعنى غسان انا مش معاك متاكلش لغاية دلوقتى ليه بئا.

صقر بإبتسامة: خلاص متزعليش. انا دلوقتى عايز اكل بس المهم اكل من ايدك.
شهد بحماس: عيونى. ثوانى والاكل يكون جاهز.
فاتن: استنى جاية معاكى يا شهد.
شهد بحماس: يلا يا ماما.
بعد خروجهم.
طارق مال على صقر وقال: شكرا يا صقر.
صقر باستغراب: على ايه يا عمى.
طارق: انك رسمت ضحكة شهد ال انا نفسي مقدرتش اعملها.
صقر بحب واستغراب: حضرتك بتشكرنى.

أنا المفروض ال اشكركم كلكم واحد واحد. اشكرك انك جبت الدنيا شهد ال جت نورت حياتى اشكرها هي نفسها انها خدتنى للطريق الصح بعد ما كنت خدها في طريق ملوش رجوع.
وأقل حاجة اعملها انى اكون سبب في ضحكتها.
شهد براءة الدنيا فيها هي بتحاول ترسم ادام الكل العكس لكن متقدرش ادامى. شهد بتبقى زى الطفلة ادامى.
وبرائتها دى هي ال خلتنى اعشقها.
عرفت المفروض مين يشكر مين.

طارق مش مصدق أن صقر بيعشق بنته للدرجة دى كل مدى بيكتشف صقر اكتر و بيكتشف عشقه ل شهد اكتر.

طارق: ربنا يخليكوا لبعض.
صقر: يارب.
فضل صقر يتابع شهد وهي بتتنقل من المطبخ للصالة بخفة طفلة. و فرح من حولها لأقصى درجة أنه غير مودها.

فى بيت روان و مروان.
قاعدين بياكلوا على السفرة. ومروان ملاحظ سكوت روان وديه مش طبيعتها دايما بتحكى عن يومها و تهزر و تضحك.

مروان بحنان: رونى مالك انتى فيكى حاجة مزعلاكى.
روان بزعل: انت يا مروان.
مروان بإستغراب: انا.
روان: أيوة انت مخبى عليا حاجة و مش راضي تقولى. ده غير انى كذا مرة اتصل بيك في الشركة يقولولى مش موجود.
ومش بتقولى انت بتروح فين.
مروان بتوتر: عادى يا روان مشواير شغل.
روان بزعل اكتر: اهو لسه بتكمل كدب اهو. ماشي يا مروان براحتك.
وقامت و سبيته.
اتنهد بضيق لأنه مش عايز يقولها ال بيحصل ل شهد.
وراح اتصل على صقر.

مروان بضيق: اذيك يا صقر.
صقر: الحمد لله انت عامل ايه.
مروان: كويس.
صقر: مالك يا بنى شكلك متضايق.
مروان بضيق: متخانق مع روان بسبب مراتك.
صقر: مراتك. ليه انشاء الله يا خويا.
مروان: قولتلى متعرفهاش اى حاجة حصلت ل شهد الايام ال فاتت و قولنا ماشي.
الهانم شكت فيا عشان حاسة انى بكدب عليها و بروح مشواير من وراها.
صقر: اممم. معلش.
مروان بصدمة: معلش ده ال ربنا قدرك عليه.
صقر: اعملك ايه.

مروان بغيظ و خنق: ولا حاجة يا صقر ولا حاجة سلام.
شهد سمعت الحوار وراحت ل صقر.
شهد: مالهم مروان و روان يا حبيبى.
صقر بملل: روان زعلانة عشان حاسة أن مروان بيخبى عليها حاجة ومبيقولهاش بيروح فين.

شهد بعتاب: اغس عليك يا صقر يعنى هما متخانقين بسببى وتقوله اعملك ايه.
صقر: مش انتى قولتيلى محدش يبلغها اى حاجة.
شهد: أيوة قولت بس لو هيخانقوا بسببى لا.
انا هروح اكلمها.
صقر: براحتك.
وذهبت إلى غرفتها و هاتفت روان.
شهد: اذيك يا رونى.
روان بحزن: اذيك يا شهد عاملة ايه.
شهد: تمام الحمد لله مالك صوتك مش عاجبنى.
روان: مفيش يا شهد.
شهد: على شهد بردوا قوليلى متخانقين ليه.
روان: هو قالك.

شهد: لا عادى قال ل صقر وانا سمعته.
المهم انتى زعلانة منه ليه.
روان بحزن: مروان بيكدب عليا يا شهد و مش عارفة بيروح فين الايام الفاتت.
شهد: روان متظلميش مروان أو تشكى فيه على العموم مروان كان بيبقا معايا انا وصقر.

روان: طب هو مقاليش ليه.
شهد: انت ال طلبت منه كدة.
روان: شهد انا مش فاهمة حاجة.
شهد بتنهيدة: هحكيلك.
وقصت عليها كل شىء حدث في لأيام الماضية.
روان بصدمة: يعنى حصلك كل ده و اتعرضتى لكل ده و متقوليش يا شهد.
شهد محاولا تهدئتها: يا روان.
روان وهي على حالتها: وكمان قائلة ل مروان وأما اخر ما من يعلم وكمان قايلاله ميعرفنيش حاجة.
للدرجادى مبقتش مهمة في حياتك يا شهد.
شهد: يا روان انتى فاهمة غلط والله.

روان: فاهمة غلط اه. سلام يا شهد.
وأغلقت الهاتف بوجهها.
أغمضت عينيها بعنف وزفرت بضيق.
ودخلت ل صقر و حاولت ترسم الابتسامة على وشها.
صقر بهدوء: عملتى ايه.
شهد بكذب: معرفتش اكلمها كانت بتنيم شهد و مش عايزة تتكلم.
صقر بهدوء: روحى صالحيها بكرة و بطلى تكذبى.
وقام دخل اوضتهم.
شهد في نفسها: اوووف مش هتبطلى تكذبى عليه.

دخلت خلفه فور دخولوه.
وجدته يجلس فوق فراشها و يمسك بيده هاتفه.
شهد: احم. صقر.
لم يرد.
شهد: مش قصدى اكذب عليك. بس انت عمال تبسطنى من الصبح مردتش انكد عليك. واكملت بنبرة حزن. واقولك انها قفلت السكة في وشي.

ترك هاتفه وقام بأحتضانها وهي شددت على أحضانه.
صقر: شهد انا بعديلك كتير وانتى عارفة انى مبحبش الكذب لكن انتى مبقتيش تعملى حاجة غير انك تكذبى...

وكانت س تهم بالرد ولكن قاطعها.
صقر: من غير كلام يا شهد بعد كدة مفيش كدب في اى حاجة مهما كانت صغيرة أو كبيرة.
تمام.
شهد: تمام.
صقر: بكرة روحى صالحيها هي طيبة وكانت خايفة عليكى ف اكيد عشان كدة زعلت منك.
شهد: عندك حق. خلاص بكرة هروح اصالحها.
صقر: ماشي. ممكن بئا نرجع الفيلا.
انا رضيت نبات امبارح.
شهد: ماشي. يلا.

فى منزل روان.
دخل إليها في غرفتهم. وجدها تجلس بحزن ليس كعادتها.
جلس بجانبها وأمسك يدها بحنان قائلا: لسه زعلانة منى.
نظرت له ب عتاب واشاحت وجهها بعيدا.
امسك يدها وقبلها بعمق امسك وجهها من ذقنها ولفه إليه.
مروان: خلاص بئا متزعليش مش هخبى عليكى حاجة تانى.

يا روان. انا عارف انتى بتحبى شهد اد ايه و بتخافى عليها اد ايه. ال حصل ل شهد مش قليل ومكنتش عايزة تقلقك عليها و صقر كان جنيها بيحاول يخفف عنها وانا كنت بعرف عشان اساعد صقر بس يعنى مكنش غرضها انها تخبى عليكى ابدا.
خلاص بئا متزعليش. وأكمل بخبث ده أنا مروان حبيبك حد يزعل من حبيبه بردوا.
ابتسمت رغما عنها ولكنه اكمل لعبته.
مروان بخبث: تصدقى جالى انهاردة سكرتيرة جديدة انما ايه بئا صاروخ ارض جو...

وكان عندنا عشا عمل. انا قايم بئا.
سرعان ما قامت و امسكته من ياقه التيشرت المنزلى الخاص به بكل شراسة.
قائلة: تعالى هنا سكرتيرة ايه ال رايح معاها ده انت يومك مش هيعدى انهاردة.
مروان بمرح: مش كنتى زعلانة منى من ثانيتين.
روان: احم. متغيرش الموضوع. وانا لسه زعلانة اصلا.
مروان بخبث: خلاص اروح انا.
روان بشراسة: بقولك تعال هنا.
وسرعان ما تحولت ل نعومة. يعنى هتسيب رونى حبيبتك.

حاوط خصرها بخبث وقال: انا اقدر بردوا.
ده انتى رونى قلبى.
وثوان وغاصوا في عشقهم اللامتناهى.

فى وزارة الداخلية.
يجلس في مكتبه بكل برود كعادته والتقط هاتفه ليجرى مكالمة.
شريف بصوت اجش: الو.
الو حضرتك مين
شريف: انا الرائد شريف الألفى. مش انتى اسراء محمود السيد.
اسراء بخوف: أيوة انا حضرتك عايز منى ايه.
شريف: مش قبل كدة طلبتى تقابلى المخرجة شهد المنياوى عشان معاكى معلومات خطيرة.

اسراء بخوف: اايوة.
شريف: تمام انا قولت ابغلك لغاية ما أرتب ليكى مباراة معاها.
اسراء: مماشى مستنية مكالمة حضرتك.
شريف: سلام.
واغلق في وجهها دون سماع الرد.
اسراء: قليل الزوق.

فى مكان آخر...
مجهول ( 1 ): ها هتعمل ايه.
شاهين: متقلقش احنا مظبطين ال رايح.
مجهول ( 1 ): بتجيب لنفسها وجع الدماغ من تركيزها ده. تستاهل.
عارف بس بردوا هي اتغيرت عن زمان. زمان كانت بتهرب من اى حاجة.
دلوقتى بقت توقف ادام الكل. بس بردوا صقر ال مقويها. وقريب هخلص منه خالص بس بعد مانسويها على نهار هاية زي ما أمر البوص.
المهم جهز نفسك يومين وهبعتلك تفاصيل الشحنة الجديدة عشان تجهز ورقك و ناسك.

شاهين بإبتسامة شريرة: ياريت ده انا اتمنى كدة.
مجهول ( 1 ): المهم جهز نفسك يومين وهبعتلك تفاصيل الشحنة الجديدة عشان تجهز ورقك و ناسك.

شاهين: تمام. تحياتى للبوص. سلام.
مجهول ( 1 ) بضحك: ههههه سلام.
لسه العذاب بيبتدى يا شوشو.

الفصل التالي
جميع الفصول
روايات الكاتب
روايات مشابهة