رواية عاشقان يجمعهم القدر للكاتبة آية محمد رفعت الفصل السابع والعشرون
عاد الجميع إلى القصر
وحمل ادهم نور إلى غرفتها
ووضعها على الفراش بحذر كبير ووضع وساده خلف ظهرها
ادهم: كدا كويس ياحبيبتي
نور بخجل: ايوا متشكره
ادهم بابتسامته الجذابه: تعرفي يانور انك لو كنتي كلمتني في الاول بالادب والاخلاق دي مكنش كل ده حصل لكن العند الا جواكي خالني افقد السيطره على نفسي
نور: على فكره انا متكلمتش خالص الا لما انت قليت ادبك وحسيتك انسان مش محترم.
ادهم وهو يتطلع لها بحب فهي جميله حتى وهي غاضبه
ادهم: اه وحضرتك بقا هتمشي في الشارع اي حد مش محترم تضربيه بالقلم
نور بخجل: موصلتش لكدا بس انت غلطت فيا جامد ياادهم وهنت كرمتي وعملتني كأني واحده من الشارع وكانت نور تبكي مع تذكر ما فعله ادهم بها
فقترب ادهم منها وكفكف دموعها وقال: اسف ياحبيبتي كان غصب عني والله كان لازم احمد يعرف ان مقابلتنا صدفه كنت عايز احميكي يانور.
هدءت نور قليلا وقد تذكرت كلام احمد نعم هي تتذاكر انه قال لها ان ادهم قد انقذها وان ادهم ذكر لها انه كان يحميها من هذا الشيطان.
نور: طب ليه عملت كدا
ادهم باستغراب: عملت ايه
نور حميتني منه وانت متعرفنيش اذي
تنهد ادهم بحيره وقال: انا نفسي معرفش ليه يانور كل الا اعرفه ان اول ما فارس حكالي عنك وعن مواقفك مع احمد حسيت باحساس غريب اووي تجاهك من قبل ما اشوفك لقيت نفسي برسم عنك صوره في خيالي
نور: وطلعت ذيها.
ادهم بنظرته الرماديه القاتله: لا احلي بكتير انتي خالتيني احلم من جديد يانور اول ما شوفتك حسيت اد ايه اني ضعيف ادمك ان ممكن انهار
نور بدهشه: نعم كل الا انت عمالته دا وضعيف وتنهار كمان
تبسم الصقر على كلام هذه العصفور التي جعلت قلبه ينبض بالحياه
ادهم وهو يقترب منها: دا كان تمويه او بمعني الاصح واقترب منها اكثر واخذ يهمس لها بالقرب من اذنها بصوته الرجولي الجذاب.
خوفت لفقد لقبي بسببك وابقي ضعيف ادمك وانا مبحبش الضعف يانور انا اقوي من اني افقد لقبي بسهوله عشان كدا كنت بقسي عليكي بس انا الا كنت بتوجع مش انتي لانك ملكتي قلبي كان صعب عليا اووي يانور بس في الاخر اتقبلت دا انتي كسبتي وفزتي بقلبي بقلب الصقر الا مات من سنين طويله قدرتي تصحيه تاني انا بعشقك يانور
احتضنها ادهم بين زراعيه القويتين بشده وانزل رأسه اليها لكي يدفنها في عنقها ويتعطر برائحه شعرها.
ثم قبلها قبله تحمل معني اشتياقه وشغفه لها بها جزء بسيط فقط بما يشعر تجاهها
وذهبوا في عالم يملئه لها حبه وعشقه لها
في الاسفل
ابدل ادهم ثيابه إلى بنطلون جملي وتيشرت ابيض ضيق يبرز جميع عضلات جسده
فوجد ملك تجلس وهي في حاله من الشرود
ادم: لسه صاحيه ياملك
ملك: لا رد
ادم: ملك
عندما وجد ادم ملك لم تجيبه اقترب منها وامسك يدها مما جعلها تفزع بشده
ملك بفزع: خضتني ياادم مش تتكلم.
ادم: دا بجد ده بقالي ساعه بنادي عليكي وانت في دنيا تانيه
ملك: اسفه مسمعتكش
جلس ادم بجوارها وقال: مالك يا ملك من ساعه اما رجعنا من المستشفي وانتي مش على بعضك
ملك: مفيش ياادم انا كويسه
ادم: عليا ياملك فيكي ايه
فشلت ملك في كبت دموعها فبكت
مزق قلب ادم لاجلها واقترب منها
ادم: مالك بس فيه ايه حد زعلك هنا قوليلي ياملك
ملك: مفيش ياادم انا بس زعلانه عشان حسام هيمشي وهيسبني انا ونور.
احنا مالناش غيره ياادم حسام هو ابونا واخونا الوقتي لما يمشي مش هيكون لينا حد
ادم: طب وانا ياملك اذي مالكيش حد وانا موجود انا جوزك يابت ثم احتضنها بقوه
خجلت ملك منه وحاولت ابعاده عنها ولكنها فشلت
ملك: خلاص يادم الله
ادم: دانتي قلبي وحبيبتي
ملك: اوك ابعد
في ذلك الوقت كان ادهم قد اغتسل وارتدي ثيابه واتجه للخروج فوجد ادم يحتضن ملك بالقوه
ادهم: انت بتعمل ايه ياحيوان انت
ادم: هكون بعمل ايه يعني بحضن مراتي.
ادهم: تصدق انك واقح
ادم: من بعض ما عندكم ياخويا
استغلت ملك انشغال ادم في الحديث ودفشته
ادم: كدا ياملك ماشي
ملك: انت ما صدقت
ادم: مش بطيب خاطرك يابنتي
طب اشهد انت ياادهم البت مقهوره عشان اخوها
ادهم: مق ايه ياخويا
ادم: مقهوره
ادهم: ماشي كمل
ادم: ذعلانه عشان اخوها مسافر وبتقول انها ومراتك مالهمش حد فكان لازم اطيب خاطرها بحضن والا حاجه والا انت ايه رايك.
ادهم: انا بقول تطلع تغير هدومك وتكون قدمي في ظرف 5 دقايق بدل ما اطيب خاطرك انت
واختفي ادم في لمح البصر
ملك: طب عن ادنك بقا اطلع انام قبل ما نور الصبح تستولي عليا
ادهم: استني ياملك
ملك: نعم
ادهم وهو يجلس على المقعد: اتفضلي اقعدي عايزك
فجلست ملك واستمعت اليه
ادهم: بقا انتي مالكيش حد امال انا روحت فين انا مش اخوكي انا كمان ولا ايه.
ملك بفرحه لكلام ادهم: لا طبعا اذي دا شرف ليا انك تكون اخويا اهو بالمره تحميني من اخوك وعميله السوده فيا
انفجر ادهم ضاحكا عليها فملك تمتلك خفه الدم
ادهم: بس هتخليني اخوكي عشان كدا بس
ملك: هههههه مفيش حاجه في ذمنا ده من غير مصالح يا مان
ادهم: هههه وانا موافق احميكي
واجب الاخ انه يحمي اخته
ملك بجديه: انت بتحمينا كلنا ياادهم
ادم: الله الله ممكن اعرف ايه الا بيحصل هنا ده
ملك ؛خضتني انت ايه يابني الله.
ادهم: على العربيه ياادم
ادم: لا خلاص حاضر
ملك: هههههه بتبقا عسل اما بتسمع الكلام
ادم: مانا هرجع اعرفك العسل ده هيعمل ايه
ادهم: يالا ياملك اطلعي نامي انتي ومتزعليش حسام مش هيسافر
ملك باستغراب: اذي دا هو حجز خلاص
ادهم وهو يتجه للخروج: بس انا ثولت مفيش سفر وغمز لها ففهمت مقصده فمن يجرء على الوقوف امام الصقر
وبالفعل استطاع ادهم اقناع حسام بان يتراس هو الشركات والامور القانونيه الخاصه بشركات ادهم سليم.
بعد مرور الشهر المحدد للزفاف
تم العمل على قدما وساق بامر من ادهم سليم فاليوم هو زواج اخيه وصديق دربه
استعدت الفتايات للزفاف بافضل الطالات
فكانت ملك تبدو في فستانها الابيض المنقوش بورد ابيض به بعض الالماسات تزينه فكانت كالملاك وكانت تضع مكياج رقيق للغايه وحجابها الذي يميزها
اما سرين فكانت جميله بالمكيب الهادئ والحجاب ايضا الرقيق وفستانها الابيض الجذاب
فادهم احضر للجميع افضل المصممين لاختيار ما يناسبهم.
اما شهد فكانت ترتدي فستان من الستان الاحمر وتضع حجاب باللون الاسود وتضع مكياج رقيق للغايه فكانت قمه في الجمال.
اما سيلا فكانت ترتدي فستان من اللون السماواي وحجاب من اللون الابيض رفض حسام ان تضع سيلا مكيب حتى لو قليل ولكنها كانت تشبه الاميرات بطبيعتها.
اما نور فكانت ملكه الحفل فادهم احضر لها فستانا يشبه الملكات حتى يعوض لها تقصيره فكانت متالقه به فهو ضيق قليلا وينزل بالاتساع ويزينه فصوص من اللؤلو والالماس وكانت تضع حجابها والتاج الذي احضره لها ادهم ليثبت لها انها الملكه لكل شئ حتى قلبه
نزلت الفتايات إلى الاسفل فسلبت قلوبهم
فكانوا هم ايضا متميزون بالحلي السوداء والكرفات
صعد حازم إلى شهد وساعدها بالنزول
ونزلت سيلا إلى حسام الذي ينظر لها بحب.
اما سرين فركضت إلى حبيبها المذهول واحتضنته امام الجميع
اما ادم فصعد إلى اميرته فهي اميره بهذا الفستان الابيض واخذها إلى الحديقه المقام بها الزفاف
وتبقا ادهم ونور
ظل ادهم ينظر لها لا يعلم كما من الوقت ظل يتطلع لها فهي قد سلبت قلبه وعقله
كما اعجبت نور بادهم هو يبدو وسيما للغايه وجذاب من يراه يظن انه الامير الهارب من احد الاساطير
نور وهي تقف باعلي الدرج وادهم بالاسفل: هتقف كدا كتير.
ادهم بصوته الرجولي الجذاب: خايف اقرب يطلع حلم انتي ملاك صح
تبسمت نور له وقالت: ههه ملاك مره واحده وبعدين انتي الا عمالت كدا جايلبي فستان ذي الملوك
صعد ادهم لها واقترب منها وقال: انتي فعلا ملكه يانور ملكتي قلبي وملكتيني
نور بخجل: بس بقا الله
ابتسم ادهم وقال: ايه اتحرجتي ثم اكمل وهو يغمز لها بس ايه النهارده فرحنا
انفجرت نور ضاحكه وقالت: فرحنا اذي وبطني دي
ادهم: هههه نحن نختلف عن الاخرون.
وفي لمح البصر كانت نور محموله بين يديه صرخت نور به
نور: نزلني يامجنون
ادهم: هنزلك بس مش هنا في مكانك ياملكه
نور: بلاش جنان ياادهم متحرجنيش
ادهم: هههه الصقر الا في دماغه بيبعمله يانوري
وبالفعل اخذها الصقر إلى الزفاف وهو يحملها بيده
كان الزفاف يشبه الزفاف الملوكي فاشرف ادهم عليه بنفسه
تعالت التهنيئات لهم وبدء الحفل برقصه اسلو للحبيبن.
اول ثنائي ادهم ونور
ادهم: انتي احلي حاجه حصلتلي يانور نفسي اخطفك من الناس دي كلها
نور بابتسامه دلع: لا بلاش خطف الله يخليك انا بحبك من غير حاجه
ادهم: عارف انك بتحبني
نور: ياسلام وعرفت اذي بقا
ادهم وهو يغمز لها: دي حاسه الصقر السابعه محدش يعرفها
نور بدلع: وقالتلك ايه الحاسه دي
ادهم: قالتلي انك بتعشقيني ياحبيبتي
خجلت نور بشده منه وقالت: بس ياادهم انا محروجه اصلا من غير حاجه
ادهم: ليه بس.
نور: في عروسه حامل حملت امته دي
انفجر ادهم ضاحكا وقال: انتي احلي عروسه في الدنيا ياقلبي
تاهت نور في عيناه الرماديه التي تصير اسيرتها.
الثنائي الثاني ادم وملك
ادم: ملك
ملك وهي تنظر للارض: نعم
ادم: بص لي
ملك: بس ياادم
ادم: بقولك بص لي ياملك فلم تستجيب ملك له فرفع وجهها بيده حتى التقت بعيناه
ادم: بحبك ومش مصدق اننا خلاص اتجوزنا وانتي بقيتي ملكي
ملك بابتسامه: بينها كدا بجد يادومي
ادم: ههههه هو انتي فاكره اننا بنهزر ولا ايه
ملك: جايز بس الوقتي صدقت وانا كمان بحبك على فكره
ادم: يافرج الله
ملك: هههه.
الثنائي الثالث حسام وسيلا
حسام: يعني كان لازم نرقص ياسيلا انا بتحرج
سيلا بزعل مصطنع: كده ياحسام مش عايز ترقص معيا
حسام: لا ياحبيبتي طبعا ارقص معاكي واكتر كمان بس مش ادام الناس ياحبيبتي
سيلا: الله بقا ماالكل بيرقص اهو
حسام: انا غير اي حد يا سيلا
سبلا: خلاص بقا ياحسام الله بالله عليك ما تزعلنيش النهارده لاني فرحانه جدا
حسام: ربنا يسعدك ايام يا روحي بس ايه سر سعادتك
سيلا: خبرحلو اووي هقولك عليه اما نروح.
حسام: ما ينفعش هنا
سيلا: ههههه لا لوحدنا
حسام: لوحدنا طب ربنا يستر
سيلا: ههههههههه هيستر ان شاء الله.
الثنائي الرابع حازم وشهد
شهد: حازم
حازم: قلبه
شهد: بتحبني
حازم: دي رقم ال17 النهارده مالك ياشهد انتي تعبانه ياقلبي
شهد: الله عشان بحبك ابقي تعبانه
حازم بابتسامه: وانا بموت فيكي ياشهد
شهد: ليه بقا
حازم باستغراب: ليه ايه
شهد: ليه بتحبني
حازم: الصبر من عندك يارب انتي في الكام الوقتي
شهد: في اخر الرابع ليه
حازم: هفضل في الغلب دا كتير صبرني يارب
شهد: بحبك يازومي الله.
حازم: وانا بحبك ياشهد ممكن تسكتي بقا اصل اجري والله
شهد: متقدرش
حازم ليه بقا ان شاء الله
شهد: لانك بتموت فيا
ابتسم حازم على هذه المجنونه وقال: طب انتي عارفه اني بحبك وبموت فيكي بتسالي ليه بقا
شهد: بتدلع عليا يابو نور
حازم بدهشه: نور انتي
شهد: ايوا هجيب بنوته
حضنها حازم بشده فهو يرغب بفتاه مشاكسه كأمها.
الثنائي الاخير عمر وسرين
سرين: عمر
عمر لارد
سرين: عمر
عمر: الرقم الذي طالبته خارج نطاق التغطيه
سرين: والله ليه ان شاء الله
عمر: عايزه ايه ياسرين مس نفذتي الا في دماغك واتجوزيتني
سرين: لا والنبي وانا كنت اتجوزتك غصب عنك لو كدا طلقني ياعمر
عمر: فاكريني اهطل اطلقك عشان الكل يقول عليا طلقت يوم الفرح واسمع بقا من الا قلبك يحبه
سرين: وعلي ايه كل ده هو سؤال بتحبني ولا لا
عمر: الاجابه بموت في الا جابوكي.
سرين بجديه: انا بحبك اوي ياعمر من واحنا اطفال وانا بحبك كنت بتعذب اووي لما القيك متجهلني او بتتريق عليا
عمر: بس انتي خاليتني احبك ياسرين انا دلوقتي عرفت ان الحب مش بالشكل انتي خاليتني اعرف يعني ايه حب انا بحبك يا مجنونتي
سرين وهي تضع يدها على عنقه وانا بموت فيك.
انتهت الرقصه واجتمعت البنات معا ورقصوا على
شهد: ماتقومي يابت نرقص معهم
نور: نرقص فين بالبطيخه الا قدمك دي اقعدي بلاش فضايح انا محروجه اووي بالفستان دع ارقص اذي بس
شهد: اتكلمي عن نفسك يا حبيبتي انا هقوم ارقص انا
نور: قومي ياختي وابعتيلي سيلا
وبالفعل انضمت شهد لسرين وملك وسيلا
ورقصوا جميعا فقط بتحريك ايديها
سيلا: ايه يانور عايزني ليه دوقته
نور: يابنتي انتي حامل الحركه غلط عشانك اقعدي.
سيلا: الله انا بعمل ايه بحرك ايدي بس
نور: حسام عرف
سيلا: لسه هقوله اما اروح هيفرح اووي يانور
نور: ربنا يفرح قلبكم ياحبيبتي
عادت الفتيات واجتمعوا معنا جميعنا كانت الفرحه حليفتهم
فلاحظوا اجتماع عمر وحازم وادم ويبدوا انهم يخططوا لامرا ما فضحكت سيلا وغمزت لهم
نور: هو في ايه
سيلا: هههه دول عايزين ادهم يرقص فبيعملوا خطط عشان يرقص معهم
نور بدهشه: هو ادهم بيعرف يرقص.
سيلا: ادهم الرقص الاساسي ليهم دا عليه رقص شعبي يالهووي حاجه كدا مشفتهاش
نور: اول مره اعرف
سيلا: اتفرجي الوقتي رقصه تحفه حتى في الرقص متميز تحسي كدا انه مش بيرقص تحسي انه قائد
شهد: هههه قائد في الرقص
سيلا: هههه هتشوفي الوقتي
وبالفعل نجحت مخطتطهم وشارك الصقر في الرقص معهم.
ورقصوا جميعا عليها وتمايلوا معهاوكان يتراسهم ادهم برقصه الجميل وبرغم حرفيته في الرقص الا انه لم يخسر رجولته ووسامته بل كان اكثر وسامه
كانت نور تراقب عيون الفتايات وتريد ان تقتلهم
انتهي الحفل واخذ كلامنهم زوجته وتوجهوا إلى بيتوتهم.
اخبرت سيلا حسام عن حملها ففرح كثيرا وحمد الله على هذه النعمه وادخال الفرحه على قلبه بهذه الزوجه وهذا الجنين
ام ادهم فاخذ نور إلى مكان خارج القصر في سفينه لكي يقضوا شهرا كاملا على متنها في البحر بينا السماء والماء.
في غرفه ادم
في غرفه ادم وملك
دلفت ملك إلى الغرفه وهي متوتره وخائفه للغايه
احتضنها ادم من الخلف فشعر برجفه جسدها ولكن قبل ان يتحدث قاطعته
ملك وقالت: ادم هو انا لو طلبت منك طلب تنفذه
ادم: اكيد يا قلبي انتي تؤمري بس وانا انفذ على طول
ملك: انا عايزه نور
نظر لها ادم وهو لا يستوعب ما نطقت به للتو هل تريد شقيقتها في ليله زفافهم
ادم: نعم
ملك وهي تبكي مثل الاطفال: انا عايزه نور.
اقترب منها ادم ولكنها ابتعدت ظل يقترب وهي تبتعد حتى التصقت في الحائط
ادم بهدوء حتى لا يفزعها: انت خايفه مني ياملك
ظلت ملك تنظر إلى عيناه
ادم: خايفه صح
هزت ملك رأسها ببطء فنحني ادم اليها وقربها ببطئ اليه حتى التصقت به وقام بتقبيلها بعشق وحب وفرحه وملكيه لها.
كانت ملك ترتجف بين يديه ولكنها كانت تتشبث بقميصه بشده فابتسم ادم على هذه الطفله التي تود ان تذهب إلى شقيقتها وفي نفس الوقت تتشبث به ولا تريد ان تتركه فحملها ادم بين زراعيه واتجه بها نحو الفراش وهي كالمغيبه تماما تسرح فقد في سحر عينيه وقبلاته التي تأخذها إلى عالم اخر عالم لا يوجد فيه احد غيرهم لتصبح زوجته امام الله
في غرفه عمر وسرين
سرين: انا مش مصدقه خلاص احنا اتجوزنا وبقينا في بيت واحد
عمر: نعم.
سرين: يا قلبي عههههه انت مكسوف
في حد برضو يتكسف من مراته
عمر: ايه
سيرين: لا انت هتعمل عبيط انا هدخل اغير وانت كمان غير هدومك هما خمس دقايق وهتلقيني دخلت هنا هههههه
عمر: انت يا بت انت
سيرين: ايه مالك بس
عمر: ياما انت بنت المفروض تكوني مكسوفه وخجوله كده ذي البنات
سيرين: هههههه انا مبكنش خجوله الا ادام الاكل وبعدين بدردشك بدل مانت خجول كدا
عمر: اه تدرديشيني فقولتي ابقا انا العروسه وانت العريس صح.
سيرين: تصدق فكره
عمر: نعم ياختي
سيرين: خلاص يا عم بهزر
عمر وقد حمل سيرين بين يديه
عمر: انا هوريكي الهزار على اوصله
سرين: اعقل يا عمر ونزلني
عمر: وانت خليتي فيها عقل.
كانت سيرين ستتحدث لكنه قاطعها بقبله مليئه بالشغف والعشق نعم انه كان لا يحبها ولا يود ان يجلس معها في مكان واحد ولكنها فازت عليه واحتلت قلبه بجداره بخفه دمها ومرحها والاهم قلبها الطيب الذي احبه اخذها إلى مكان اخر بعيد عن هذا العالم اخذها إلى كون اخر بعيد عن هذا الكون فهو احبها كما هي هذهبوا إلى كونهم الرائع الذي لا يخلو من الفرح وبالطبح الجنون والمرح فأصبحت زوجته شرعا وقانونا واصبحت ملكه للابد وهو ملك لها للابد.