رواية طفلة حطمت كبريائي للكاتبة نورا عبدالعزيز الفصل السادس
صالح: بس شريف متجوز ياحاج واكبر منها ب17 سنه كمان
ناصر: موضوع متجوز كلنا عارفين نهايته إنما السن مش مهم انا اخترته عشان هو اللى هيقدر يصونها ويعلمها الحياة بجد
صالح: ونفرض اننا غصبنا على نور. شريف هيوافق
ناصر: سيب شريف لزينب هو عمره مرفضلها طلب
صالح: طب منجوزها ادم اهو أصغر شويه
ناصر: انا عايز واحد يصلح حالها مش يفسدها اكتر
صالح: ماشى.
تنزل نور على السلم بألم من راسها لتستقبلها ملك وهي تدخل مع والدتها
ملك: وبيقولوا عليا خائنة هههههههه طلع عندهم اللى مقضيها كل يوم فاوضة راجل
رقيه والدتها: ربنا يستر على بناتنا ياحبيبتى
نور بغضب: انتى بتلقحى على مين ياست هلاك على الصبح
ملك: شوف جوزى حبيبى جايبك منين امبارح. تعالى ياماما اطلعى
نور بتريقة: شوف جوزى حبيبى، دادة يادادة
سامية: صباح الخير
نور: الجزمة دى بتلقح عليا.
سامية بهدوء: شريف وادم امبارح جابوكى من أوضة راجل
نور بصدمة: نعم
سامية: اللى حصل اقعدى هحضرلك الفطار
وتذهب لتجلس بتعب شديد فرأسها لترى وتين تنزل
نور: وتين انتى رايحة فين
وتين: راحه النادى ياحبيبتى تحبى تيجى معايا
نور: اه ياريت عشان لو قعدت هنا مع ست زفته دى هنفجر
وتين: طب اطلعى البسى بسرعة
لتصعد تركض لغرفتها لتدخل وتين لغرفة جدتها
وتين: صباح الخير يازوزو
زينب: صباح النور ياحبيبتى
وتين: انا خارجه انا ونور.
زينب: على فين
وتين: هنتمشى فالنادى شوية تجى معانا
زينب: ومين يعمل الغدا
وتين: تعالى يازوزو ونتغدا هناك
زينب بتفكير: والله فكرة استنى البس
وتين: حبيبتي يازوزو
وتخرج لتجد نور تنزل مع سامية ترتدى بنطلون جينز ازرق مقطع من الركبة واعليها كثير ليظهر قدمها وبدى عبارة عن قطعتين قطعة قطن بجماله فالاسفل وقطعه اخرى شفاف على اكتافها لتخبيهم
وتين: استنى تيتا بتلبس
نور: ماشى ينفع ناخد دادة
وتين: ينفع طبعا.
ويذهبوا معا للنادى
ناصر: يعنى هي صحيت وراحت معاكم
زينب: ايوة ياحاج واشتركت فتدريب السباحة كمان
ناصر: طيب وانا هجيب الرجالة واحصلكم
زينب: متتاخرش ياحاج
ناصر: حاضر
ليدخل صالح ليشير له بأن يجلس ويغلق معاها
ناصر: امك والبنات فالنادى هنروح نتغدا هناك
صالح: ماشى مصنع اكتوبر انتج الكمية المطلوبة من العبايات الخليجيه
ناصر: تمام خليهم يشحونها للمخازن وكل مخزن عارف طريق البضاعه بتاعه
صالح: ماشى.
يصلوا لنادى معا ليجدوا الجميع يذهبوا تجاه حمام السباحة
صالح: هو في ايه
ناصر: معرفش تعال نشوف
ويذهبوا. ليجدوا حفيدته الصغيرة تتشاجر مع شاب
صالح: يالهوى دى بيتخانق مع ابن الوزير
ناصر. : . نور
نور بغضب: تعال ياجدو شوف الحيوان ده
لتسمع صوت رجولى خشن م: ين ده اللى حيوان
ناصر: انا متأسف جدا يامعالى الوزير بالنيابة عن حفيدتى
الوزير: حفيدتك انت ياناصر بيه. هي متعرفش ابن مين اللى فرجت عليه النادي ده.
صالح لا والله متعرفش واحنا متأسفين ومستعدين الى تعويضات
لينظر الوزير لها ولغرورها الزائد
الوزير: انا قبلت اعتذركم بشرط
ناصر: خير ان شاء الله
الوزير: تتجوز ابنى اللى هزقته ده ويكسر مناخرها
صالح بتردد: مينفعش
الوزير بغضب: نعم ليه ان شاء الله هي تطول
صالح: حضرتك شرف لاى حد يناسبك بس نور متجوزة
الوزير: متجوزة
ناصر: اه فعلا متجوزة شريف ابن صالح.
ليقف شريف بصدمة تذهب نور لجدها لتكذب ماقاله ليضع صالح يديه على فمها ليمنعها
ناصر: احنا متأسفين كمان مرة
الوزير: حصل خير بس شريف انا أسمعه أنه متجوز
ناصر: وماله ده حقه الشرعي وبعدان ده لسه كتب كتاب الفرح لسه
الوزير: طب متنساش تعزمنى ياناصر بيه
ناصر: اكيد
ليذهب الوزير وابنه ليبعد صالح يديه عن نور
نور: ايه ده مين دى اللى متجوزة
ناصر: يلا نتكلم فالبيت
ويذهب بغضب شديد مكتوم وخلفه الجميع نور فغضب وشريف فصدمة.
تجلس ملك مع امها
ملك: ده مش طايقينى ياماما
رقيه: بكرة لما تخلفى هيطيروا بيكى طير وإذا كان على جوزك انا هقولك تعملى ايه عشان يرجع خاتم فاصبعك
لتراهم يدخلوا خلف بعضهما
ملك: ايه متاخرتوش يعنى ولا قفشته ست الحسن مع واحد تانى
نور بغضب: متتلمى يابت والله اجى اجيبك من شعرك صحيح سكتناله دخل بحماره
ناصر: خلاص انتوا الجوز بقا
شريف: ايه اللى قولته ده يابابا
صالح: قولت انك هتجوز نور.
ملك بصدمة: يالللللهوى يتجوز نور هي تغلط وتلبسوها لجوزى
نور: شايف ياجدو والله هقوم لضربها
سامية: خلاص يانور بقا
ملك باستفزاز: كده ياشريف هتجوز عليا دى المفعوسة دى
عيلة: مطلعتش من البيضه
ناصر بغضب: متسكتى بقا وامشى انجرى على اوضتك
ملك بغضب: ماشى ياجدو ماشى بس على جثتى لو الجوازة دى تمت
نور لنفسها: عليا النعمة انا لو وافقت هوافق عشان اكيدك وافرس اهلك واوريكى المفعوسة اللى مش عاجبك هتعمل ايه.
ناصر: افهم ياشريف انت لو موافقته الوزير هيحطها فدماغه وانت عارف ابنه وكل يوم مع واحده
شريف: ياجدو بس
ناصر بغضب: خلاص بقا ياشريف بكرة نكتب الكتاب واسبوع كده وتتجوزوا
لتنزل ملك مع امها لتنظر نور لها ببرود
نور: بس انا ياجدو عايزة فرح
ناصر: هعملك اكبر فرح فاسكندرية كلها
لتنظر نور لها بغرور لتغضب ملك وتدخل المطبخ
نور: بس شريف متجوز
ناصر: يانور شريف ومراته مش متفهمين وهيطلقوا لما تولد
نور: ايه رايك يادادة.
سامية بابتسامة: والله شريف بيه زين الشباب ومحدش يرفضه
نور: طيب
وتصعد لغرفتها لتغير ملابسها تقف سامية وتفتح الدولاب لتخرج لها قميص نوم طويل بقط قطن
سامية: ياحبيبتى شريف كويس
نور: بس مراته حرباية وهتبقى درتى
سامية: خليكى ناصحه يانور انتى الجديده يعنى اللى على الحجر وضحكه منك بس معه تفرسها وتكدها المهم بقا بشطارتك تكسيبى قلب جوزك بسرعه عشان ميبقاش فيه غيرك.
نور وهي تدخل تحت الغطاء: لا انا اعرف افرسها كويس بس.
سامية: اعترضك عشان جوازه واهو لتحل خلاص بقا خلينى افرح ليكى
تجلس زينب فغرفتها معه
شريف: ياتيتا دى كانت عايشه برا واديكى شايفه تصرفاتها
زينب: وعارفه كمان انك هتقدر تحكم مراتك
شريف: طب دى مقضيها انا معرفش هي لسه بنت ولا لا
زينب: ياحبيبى دى لحمك ودمك حتى لو عرفنا انها مبقتش بنت هنجوزهالك عشان تستر عليها دى لحمك
شريف: بس انا موجوع مش عايز اتجوز تانى.
زينب: وصدقينى ياحبيبى سعادتك وحياتك هيرجعولك تانى معاها مش انت بتثق فكلامى
شريف بزفر: اه
زينب: اتكل على الله وبكرة هتبوس جدك وابوك أنهم جوزهالك
ليخرج من غرفتها وهو يفكر ليشعر بيد تسحبه لغرفتها
شريف: ايه
ملك: انت هتتجوز عليا ياشريف
ليضع يديه فجيبه بكبرياء: امال فاكرنى هوقف حياتى على واحده خيانة
ملك: واللى رايح تتجوزها دى مش خاينة ده انا مش محتاجه افكرك انت جايبها منين امبارح.
لتصدم بصفعة على وجهها بيديه قوية تسقطها ارضنا
شريف: اللى بتكلمى عليها دى فحكم مراتى ولما تتكلم عنها أو معاها تتكلمى بأدب واحترام بدل اما لسانك اللى فرحانة بيه ده هقصه لك انتى فاهمه
ملك ببكاء: شريف انا بحبك والله
شريف بغضب وهو يمسكها من شعرها: ملعون الحب اللى يخليكى فاكرة انك هتذلنى لا ياست ملك فوقى انا هتجوز غيرك وهعيش حياتى وانت خليكى كده زى البيت الواقف لا طايلة سماء ولا ارض.
ليترك راسها ويخرج بألم قلبه
تستقيظ سامية صباحا وتصعد لغرفة نور وتصدم حين لا تجدها تنظر فساعتها لتجدها 10 صباحا لتخرج تبحث عنها ولم تجدها فالقصر بأكمله..