رواية طفلة حطمت كبريائي للكاتبة نورا عبدالعزيز الفصل السابع
يبحث الجميع عنها
سامية: دى عمرها ما صحيت بدرى كده
ملك باستفزاز: يمكن هربت عشان متجوزش ولا حاجه
يتصل ناصر بأمن البوابه الرئيسيه ليخبروا بأنها لم تخرج من القصر ابدا
لتاتى الخادمة من الجنينة
الخادمة لصديقتها: هو في ايه
الخادمة الأخرى: مش لاقين آنسة نور
الخادمة: يابيه الهانم الصغيرة كانت فالجنينة برا
ليجلس الجميع وتذهب وتين تبحث عنها
سامية: انا اسفه على الازعاج ده
ناصر: حصل خير انما ايه اللى صحيها بدرى كده.
زينب بمرح لتهدى الجو: مش عروسة ياحاج
لتغضب ملك وتصعد لغرفتها
تمشى نور فالجنينة بهدوء لتسمع صوت خيل لتذهب هناك تجد منزل خشبي كبير يبدو وكأنه الاسطبل لتدخل لترى خيول كثير كل منهما فغرفة واحده ويخرج راسه من فوق الباب الخشبى القصير
لتسمع صوت انوثى جميل
وتين: عجبك
نور: شكلكم حلو
وتين: ده ياستى بندق ابعدى عنه لحسن ده عصبى جدا
نور: ههه واضح كده.
وتين: وده ياستى رماح فرس شريف وعلى طول قاعدين مع بعض كأنه فاهمين بعض، كل ما شريف يزهق يجى هنا
تنظر وترى فرس اسود اللون وشعره طويل يبدو وكأنه يطلقه بحريته
نور: شعره حلو
وتين: ودى بقا مرجانة الفرسه بتاعتى
نور بأبتسامة: فرسه
وتين: اه وده بقا مشمش بتاع ادم
نور بدلع: ايه ده وانا ماليش
وتين: جدو جبلك واحد لما عرفنا انك جايه اهو. اصيل.
تقترب نور منه بحنان وتضع يديها على مقدمة راسه بحنان لتنظر لعيونه لينظر لها وكأنه سحر بعيونها الخضراء بلون الطبيعة فرس ابيض وشعره طويل كغيره
لتحرك يديها على رقبته بحنان
وتين: تعالى بقا عشان جدو بيدور عليكى
نور: باى يااصيل هجيلك تانى
ليصدر اصيل صوته
وتخرج
نور: هو ممكن اسالك سؤال
وتين: اتفضلى
نور: هو ليه شريف وست هلاك دول متخانقين
لتنظر لها وتين بصمت
نور: معلش بس عايزة اعرف
لتحكى لها وتين ماحدث
نور: ازاى خاينته.
وتين: جبروت ياستى انا اصلا من الاول قولتله متجوزها بس ايه الحب كان عامي عينه هنعمل ايه
نور: هو كان بيحبها
وتين: جدا بس اتقلب كل ده لكره
نور: امممم
تدخل معاها لداخل لتجد الجميع يجلس على الفطار
نور: صباح الخير
زينب: صباح النور ياحبيبتى كنتى فين على الصبح كده
وتين: كانت فالاسطبل يازوزو
ناصر: كلمت المأذون ياصالح
صالح: ايوة ياحاج واكدت عليه النهاردة الساعة 8
ناصر: ماشى ربنا يباركلك يابنى.
زينب: ومبروك مقدما ياشريف انت ونور وربنا يباركلكم فحياتك
وتين باستفزاز: ويرزقكم بالذرية الصالحة يارب
صالح وناصر: امين
ملك: ماهو رزقوه ياست وتين
وتين: انا بقول عيل من نور وشريف اخويا
شريف: الحمد لله
ويقف ليصعد لغرفته
وتين: عجبك كده سديتى نفسه
رقيه: ايه ياوتين ما تكلمى مرات اخوكى كويس
وتين: بلا قرف.
يحل المساء وتجلس زينب تشرف على الخدم والطعام وادم يشرف على تزين القصر. تجلس سامية ووتين يجهزوا نور تضع لها وتين بعض مساحيق التجميل والعطور الفريدة التي تميزها عن غيرها وبعض الاكسسوارات من المجوهرات الباهظة الثمن
لتدخل زينب عليهم
زينب: الماذون وصل ياحبايبي خلصتوا
لتبتعد وتين من أمام نور
وتين: بصى يا زوزو نونو بقت قمر ازاى
زينب وهي تعانقها: هي قمر من غير حاجه بس خفى شوية اخوكى عصبى
وتين: فكك منه.
وينزلوا معا لتراه يجلس على الاريكة بجانب المأذون ومن الجهه الاخرى يجلس ناصر ليسمعوا صوت زغاريط وتين وزينب ليرفعوا نظرهم لهم، لينظر لها بدهشة من جمالها الساحر وهي ترتدى فستان ابيض جميل مطرز بفصوص ذهبية من الصدر قصير يصل لاعلى ركبتها وترتدى صندل كعب عالى جدا لتصل لطوله وشعرها مرفوع للاعلى وبعض خصلاته على جبينتها
صالح: سبحان الخالق العظيم. بسم الله ماشاء الله تعالى ياحبيبتى.
لتجلس بجانب جدها ليقبل راسها بحنان
المأذون: موافقة ياعروسة
لتشير براسها بنعم وهي تنظر للارض بخجل وبداخلها شعور غريب توتر وارتبارك فهذه أول مرة لها تجلس أمام ماذون
المأذون: على البركه ايدك ياحاج ناصر. ايدك ياعريس
ويتم عقد القران لتصبح الطفلة العنيدة والمتمردة زوجته شرع? وأمام الجميع ويصبح ذلك الشرس الغاضب المجروح زوجها الاول والاخير
لتبدا وتين بطلق زغاريط حارة فالقصر بأكمله.
وتين وهي تعانقها: بحب مبروك يامرات اخويا
نور برقه: الله يبارك فيكى ياتوتا وعقبالك
وتين: بعد الشر عليا
صالح: مبروك ياشريف ربنا يباركلك فيها يابنى وتبقى زوجة صالحة ليك يابنى
شريف ببرود: الله يبارك فيك يابابا
ادم: مبروك يا عمنا رغم انى كنت حاجزها بس متغالش عليك
شريف بغضب: متحترم نفسك ياض دى بقيت مراتى
ادم: ماشى ياعم
ليذهبوا معا أمام ناصر وزينب
زينب بدموع: الفرح مبروك ياحبايبي ربنا يتمم لكم على خير يارب.
نور وهي تعانقها: طب بتعيط ليه يازوزو.
زينب وهي تضمها لها بسعادة: عشان اطمنت عليكى قبل مااموت
شريف: بعد الشر عليكى ياتيتا
زينب بتحذير: ولد ياشريف تخلى بالك منها وتحطها جو عيناك
شريف وهو يقبل يديها: حاضر
لتعانق جدها ليمسح على راسها بحنان ليطمن قلبها قليلا
ناصر: انا مش هوصيك عشان ستك قامت بالواجب
وتين بمرح: ياسلام ياعم جدو انت وزوزو طب حد يوصيها على اخويا.
عارفه يابت لو زعلتيه هعمل فيكى ايه.
نور بابتسامة: لا خلاص انا كنت ناويه ازعله لكن بعد كلامك هعفو عنه
ليضحك الجميع
تجلس ملك فغرفتها في حالة غضب شديد ووجع لتكسر المرأة بالطفاية بغضب
ملك: ماشى ياشريف هنشوف يانا يانت، احلق شعرى دى لو مخلتكش تطلقها وترجعلى زى الكلب
تترك نور الجميع وتذهب لسامية لتجدها تبكى بسعادة لتعانقها بقوة
نور: دادة
ساميه: بقيتى عروسة يانور وخلاص هتسيبنى
وتين: مين قالك كده نور وشريف هيعيشوا معانا هنا
نور: دادة انا بحبك اوووى.
سامية: وانا والله يانور بحبك اوووى ياحبيبتى مبروك ياقلبى وربنا يوفقك فحياتك
نور: يارب يادادة
يجلس الجميع على الفطار
زينب: امال نور فين
سامية: نايمة نامت متاخر امبارح
زينب: نوم العوافي
ناصر: عوديها ياسامية تصحى بدرى عشان تعرف تصحى جوزها لشغله
سامية: حاضر ياحاج
ليسمع الجميع صوت صراخها وبكاءها من الاعلى..