رواية طريق الهلاك للكاتبة سلسبيل كوبك الفصل العشرون

رواية طريق الهلاك للكاتبة سلسبيل كوبك الفصل العشرون

فجأة إيلاف لقت الباب اتكسر و ظهر قدامها حراس كتير، إيلاف رجعت لورا لغاية ما وقعت في الارض.
كل الحراس وجهت أسلحتها ناحية إيلاف، إيلاف غمضت عينيها جامد و حست بظلام حواليها.
إيلاف(لنفسها): واضح أن دي نهايتك يا إيلاف.
إيلاف لقت الحراس بيمسكوها و خرجوها بره البيت، إيلاف لفت برأسها ناحية البيت و كملت مشي معاهم.
حارس(بالروسية): اركبي.

إيلاف كانت لسة هتركب العربية فجأة حصل ضرب نار، الحارس ركبها العربية و قفل الباب.
و بدأ يحصل ضرب نار متبادل، دارك كان وصل و مسك رشاش و بدأ يضرب نار عليهم.
الطلقات خلصت دارك وقف ورا شجرة يحمي جسمه و بدأ يبدل ذخيرة الطلقات.
طاهر دخل بعربيته ناحية الحراس نصهم وقعوا في الأرض، طاهر فتح سقف العربية و بدأ يضرب نار عليهم مع دارك.
إيلاف فتحت باب العربية و جريت ناحية دارك.
دارك(بحدة): يا غبية.

دارك جري ناحية إيلاف و لحقها قبل ما رصاصة تصيبها و ضرب نار على الشخص اللي كان مصوب ناحيتها.
إيلاف حضنت دارك و مسكت فيه جامد.
دارك: انتي كويسة؟
إيلاف هزت رأسها بمعنى اه و هي في حضن دارك، دارك شدد على إيلاف و هي في حضنه.
طاهر: لازم نمشي.
دارك هز رأسه لطاهر و مسك ايد إيلاف ركبها العربية و لف ركب، طاهر ساب عربيته و ركب معاهم و قعد في الكرسي الخلفي.
إيلاف(بتوتر): طب و طنط جورا؟
دارك: رجالتي هتوصلها.

دارك(ببرود): اتصل برائد شوف إيه الأخبار؟
طاهر: حاضر.
طاهر أتصل برائد و أطمن عليه.
دارك(ببرود): البضاعة عدت الحدود؟
طاهر: أيوه.
دارك(ببرود): كويس.
طاهر: دارك أحنا جي.
دارك(ببرود): مش عايز اتكلم في حاجة دلوقتي يا طاهر حسابك أنت و رائد بعدين.
إيلاف لفت ناحية طاهر اللي بصلها ببرود و بص ناحية الشباك، إيلاف بصت لدارك و حطت ايديها على كتفه.
إيلاف: مش هما السبب يا دارك انا اللي أصريت عليهم يروحوا ليك.

إيلاف: أنا السبب مش هما.
إيلاف: طاهر قال لرائد يفضل معايا و لكني رفضت و خليتهم يروحوا ليك و الحمدلله عدت على خير عديها بقى.
دارك هز رأسه بهدوء بمعنى ماشي و بص ناحية الشباك بتاعه، إيلاف نزلت ايديها بعيد عن دارك و بصت لطاهر بابتسامة هادية.
دارك: أتصل بريان يجيب البنات و يجي.
طاهر: حاضر.
دارك وقف قدام فيلا و فتح الباب نزل و فتح باب إيلاف اللي نزلت و وقفت قدامه، دارك قفل الباب وحاوط إيلاف على العربية.

دارك: ناوية تتعبيني قد إيه تاني!
إيلاف(بصدمة): أنا!
دارك: مش شايفة المرمطة اللي أنا فيها بسببك.
إيلاف(بتوتر): هو ا.
دارك مسك ايد إيلاف و دخلوا للفيلا، طاهر سند على عكازه و دخل وراهم.
مالك(بصدمة): أنتوا حتى هنا مش سايبني!
دارك(بابتسامة مستفزة): وحشتني اوي فقولت اجي اقعد عندك.
دارك زق مالك من قدامه و دخل للفيلا لكن مالك وقف قدام باب الفيلا الداخلي.
مالك: مينفعش تدخلوا دلوقتي.
طاهر(ببرود): معاك حد جوا؟

مالك بص لإيلاف بإحراج و بعدها بص لدارك.
دارك(ببرود): خرجهم.
إيلاف: فيها إيه لو دخلنا يعني؟
إيلاف: و أنا مرهقة عايزة أنام.
إيلاف دخلت من باب الفيلا، مالك هز رأسه بعنف لدارك اللي دخل ورا إيلاف.
طاهر: هما كام؟
مالك: تلاتة.
طاهر: يا أخي يا جبروتك.
طاهر ساب مالك و دخل الفيلا و وراهم مالك.
إيلاف(بصدمة): مين دي!
دارك: دي الخدامة.
إيلاف: و هي الخدامة تلبس كدة!
دارك: بقولك يا إيلاف.

دارك شد إيلاف معاه ناحية الجنينة الداخلية للفيلا، دارك شاور لمالك أنه يتصرف.
دارك: شايفة الورد ده.
إيلاف: الاول نعرف مين البنت دي و.
دارك: أنتي جميلة زي الورد.
إيلاف رفعت عينيها لدارك و ابتسمت بتلقائية.
دارك: بس انا مش بحب الورد و.
إيلاف كشرت و بصت لدارك و زقته بعيد عنها.
إيلاف: اتعلم فنون في الكلام الحلو الاول.
إيلاف سابت دارك و راحت ناحية الشباب.
مالك(بتنهيدة): كان هيبقى منظري وحش اوي قدامها.

طاهر: ليه بتحاول تلفت انتباهها ليك.
إيلاف(ببرود): متخافش انتوا صورتكم نازلة من عيني أصلا.
إيلاف: انا عايزة أنام.
مالك: في أوض كتير فوق اختاري أوضة تنامي فيها.
إيلاف: طيب شكرا.
إيلاف بصت على دارك بغضب قبل ما تطلع للدور التاني و اختارت أول أوضة لقتها.
طاهر: حصلت حاجة بينكم؟
دارك(ببرود): مفيش حاجة.
مالك: هو في إيه كلكم بتتكلموا ببرود كدة ليه ارحموني مش كدة.

إيلاف قلعت الكوتشي بتاعها و فكت شعرها و بدأت تنام على السرير.
بعد فترة كبيرة، إيلاف بدأت تفوق لقت جمبها دارك نايم بِعدت عنه و قامت دخلت الحمام غسلت وشها كذا مرة و نزلت لتحت.
إيلاف(بصدمة): هو أنا نمت كتير كدة!
إيلاف بدأت تتجول في الفيلا لغاية ما خرجت للجنينة الداخلية، كان ريان قاعد شارد.
إيلاف: هاي.
إيلاف: هي الساعة كام؟
ريان: 2.
إيلاف: اممم طيب.
إيلاف: يعتبر أتعرفت على الكل إلا أنت.

إيلاف: واضح أنك كنت بتفكر في حد.
ريان هز رأسه ببطء بمعنى أه.
إيلاف(بابتسامة): حبيبتك؟
ريان: اه.
إيلاف: طب ما تتجوزها و تبقى قدام عينك ال24 ساعة.
ريان: هيحصل بس لازم أمن نفسي.
إيلاف: ازاي.
ريان: لازم اضمن إني هحميها و هحمي نفسي و مفيش حاجة تأذيها.
إيلاف: ربنا معاك.
إيلاف: ممكن سؤال؟
ريان: إيه؟
إيلاف: اسم دارك الحقيقي إيه؟
ريان ضحك بخفة و بص لإيلاف، إيلاف رجعت شعرها ورا ودانها بحرج.

ريان: هقولك بس هيبقى سر بيني و بينك.
إيلاف: قول.
ريان: اسمه رائف.
إيلاف(بخفوت): رائف.
ريان: اياكي تغلطي و تناديه بيه او كدة هزعل منك.
إيلاف: عيب عليك يا عم.
ريان: دخلتي في مشاكل ملكيش ذنب فيها.
إيلاف: انا متعودة على المشاكل من صغري متخافش.
ريان: هطلع أنام.
إيلاف: تصبح علي خير.
ريان ساب إيلاف و طلع لأوضته، إيلاف قعدت لوحدها لفترة كانت لسة هتقوم تطلع لقت في وشها دارك.
إيلاف(بخضة): حرام عليك خضتني.

دارك: الوقت متأخر اطلعي نامي يلا.
إيلاف: انا نمت كتير مش جايلي نوم و كمان لو نمت تاني هيجيلي كوابيس.
دارك قرب من إيلاف و قعد على الأرض.
دارك: ادينا سهرانين.
إيلاف: اطلع نام مش ضروري تفضل معايا.
دارك: أكتر حاجة بكرهها صوتك.
إيلاف بصت لدارك بغيظ و قعدت جمبه على الارض ضمت رجليها ليها.
إيلاف(بضيق): خلاص اطلع فوق مش لازم تقعد جمبي.
دارك: مش بمزاجك.
إيلاف(بضيق): انا غلطانة كنت هريحك من صوتي.

دارك(بتنهيدة): حاولي نامي الله يهديكي.
بعد فترة، كانوا هما الاتنين ساكتين محدش اتكلم.
دارك: طيب شكلنا مطولين.
دارك نام على رجل إيلاف اللي اتصدمت منه.
إيلاف: قوم.
دارك(بنوم): سيبيني بقى.
دارك غمض عينيه ببطء و بدأ ينام بعمق، إيلاف بصتله و غرزت صوابعها في شعره و رجعت رأسها لورا على الكنبة اللي وراها.
بعد فترة صحيت إيلاف من كابوسها و بصت لقت دارك نايم زي ما هو و النهار طلع.
إيلاف: دارك دارك.
إيلاف: دارك.

دارك فتح عينه ببطء و قام قعد جمب إيلاف.
دارك: حصل ايه؟
إيلاف(بوجع): النهار طلع بقول نطلع ننام فوق.
دارك: طيب.
دارك قام وقف و دخل الفيلا، إيلاف قامت و أول ما تحركت حست بوجع في رجليها شديد.
دارك: مجتيش ليه؟
دارك: حاسة بأيه؟
دارك قرب من إيلاف اللي مسكت ركبتها و بصت لدارك سندت على كتفه.
إيلاف: ما جنابك نمت عليها أكتر من 4 ساعات.

دارك وطي و شال إيلاف بين ايديه و طلع لأوضتهم، دارك نيم إيلاف على السرير و لف نام جمبها.
إيلاف: مفيش احلى من نومة السرير.
دارك: اسكتي و نامي.
دارك و إيلاف ناموا كل واحد وشه للتاني.

-في مكان تاني...
في مبنى المخابرات.
أدهم: في جديد و لا إيه؟
حازم(بابتسامة): وافقت يا أدهم.
أدهم: شغف!
حازم: أيوه.
أدهم: يعني اركز أنا مع إيلاف من غير زعل؟ حازم: يا عم براحتك بس أنا بقولها ليك بلاش إيلاف مش بتاعت جواز و عندها عقدة.
أدهم: هقبلها زي ما هي خلاص بس الأول ترجع.
حازم: ايه اخر الاخبار؟
أدهم: كلمنا معظم السفارات بره البلد و بنحاول نرجع الفيديوهات اللي اتمسحت.

حازم: زمان جمال بيه على أعصابه لانها لو مرجعتش هيبقى هو في وش المدفع.
أدهم: يستاهل مش بطيقه أصلا معاملته زبالة.
حازم: بقولك إيه اروح اشتري ورد و اروح لشغف و لا ابعته ليها و لا اعمل ايه؟!
أدهم: المهم هتقول لاهلك ازاي؟
حازم: انا حر اعمل اللي عايزه و لو عارضوا هتجوزها و نعيش في شقتنا و بس.
أدهم: ربنا يتمم على خير.
الباب خبط، اللواء سراج دخل و وقف قدامهم.
سراج: انتقل شخص هنا للمبنى.

أدهم: خير يا رب ليه يا فندم؟
سراج: هيساعدكم في القضية اللي بقالها شهر او اكتر مش عايزة تخلص.
حازم: مين؟
شغف(ببرود): أنا.
حازم رفع رأسه لشغف بصدمة شديدة.
سراج: حازم شغف تبقى بنتي.
سراج: عارف أنك أكيد مصدوم لأنها عاشت في بيتك لفترة و لكن كان في خطر على حياتها و ملقتش أي حاجة تأمنها إلا بالطريقة دي.
سراج: بعتذرلك دي الطريقة الوحيدة اللي كانت قدامي علشان احميها ملحقتش حتى ابلغك.

شغف(ببرود): هاي هكون معاكم في قضية دارك.
سراج: عن أذنكم.
سراج سابهم و خرج و شغف قعدت على الكرسي الموجود قدام مكتب حازم.
حازم مكنش مستوعب اللي حصل و بص لشغف.
حازم: يعني كنتي بتستغفليني!
أدهم: اهدي يا حازم اللواء سراج قال أنه كان في خطر على حياتها نحاول نفهم.
حازم(بانفعال): و لما كان في خطر على حياتها مقالش ليه!
حازم(بانفعال): و أنتي.
شغف: انا إيه انا مقولتش ليك خدني على بيتك.
شغف: انت اللي خدتني بإرادتك.

الدموع اتجمعت في عيون حازم و سابهم و خرج بره المكتب، أدهم جري وراه.
أدهم: اهدي بس يا حازم.
حازم: كنت لعبة في حياتهم و أي كلمة هي قالتها صدقتها لأني لمحت الصدق في عينيها يا أدهم.
حازم: تكدب عليا ليه!
أدهم: خلاص اهدي.
حازم: انا استاهل كدة!
أدهم: خلاص دلوقتي اهدي ورانا شغل خليك ثابت كدة.
أدهم و حازم رجعوا لمكتبهم و حازم قعد على مكتبه، شغف بصت لأدهم و بعدها بصت لحازم بهدوء.

شغف: عايزة ملف القضية علشان أعرف أدرسه.
حازم(ببرود): خديه من أدهم من هنا و رايح مش عايز يبقى في تعامل بيني و بينك.
شغف: كنت فكراك راجل كبير و تعرف توازن بين امورك الشخصية و الشغل.
حازم(ببرود): ليه كرهي ليكي هيتغير في كلتا الحالتين!
حازم: من هنا و رايح شغلك مع أدهم مش معاياا انا.
أدهم: خلاص اهدوا هطلب من جاسر يعمل نسخة من ملف القضية و يجيبه ليكي.
شغف: هضطر أقعد معاكم هنا لحد ما مكتبي يجهز.

حازم(بهدوء): أدهم همشي أنا و لو في جديد هبلغك بيه.
أدهم: تمام.
تليفون حازم رن. الخط اتفتح.
حازم: الو يا سيادة اللواء.
إسماعيل: حازم بهيرة في المستشفى.
حازم(بقلق): مستشفى إيه؟
إسماعيل: مستشفى تعالى متتاخرش.
حازم طلع يجري بره المكتب و هو قلقان على مامته، أدهم خد حاجته و طلع وراه.
شغف: استاذ ادهم هاجي معاك.
حازم ركب عربيته، أدهم و شغف ركبوا عربية أدهم و طلعوا وراه...

بعد فترة وقف حازم العربية قدام المستشفى اللي قالها ليه والده دخل بسرعة.
حازم: لو سمحت مريضة اسمها بهيرة ا.
إسماعيل: حازم.
حازم(بقلق): بابا فين ماما مالها هي كويسة؟
إسماعيل: ضغطها علي فجأة.
حازم: طب و الدكتور قال ايه؟
ادهم: حازم.
ادهم: سيادة اللواء.
اسماعيل: هي بخير حاليا بس نايمة.
حازم: الحمدلله.
شغف: الف سلامة.
حازم(بهمس، بحدة): طلعها بره يا ادهم.
شغف(بابتسامة): مفيش داعي انا اطمنت علي طنط عن اذنكم.

شغف سابتهم و خرجت بره المستشفى و سندت بضهرها على سور المستشفى و قعدت تعيط.
شغف وقفت تاكسي و ركبته و مسحت دموعها بهدوء و بصت على المستشفى.
شغف: اطلع على فيلا شارع.
السواق: تمام.

-في مكان تاني...
عند الشباب.
ريان: كدة كلنا في خطر يا دارك.
طاهر(بضيق): عايزه يعمل ايه يعني يا ريان يرمي مراته!
رائد: بس جاك لو عرف أنه منفذش الأوامر كلنا هنكون على القائمة السودة.
ريان: لازم كمال يرجع الاول علشان نتصرف لو عرفوا خبر أنك لسة منفذتش و كمال هناك هيأخدوه رهينة.
طاهر(بضيق): المفروض كان يبقى اسمها مصيبة...
رائد: حرام عليك إيلاف لطيفة.
الباب خبط، إيلاف دخلت مبتسمة.
إيلاف: الغداء جاهز.

دارك(بهدوء): يلا بينا.
كلهم قاموا راحوا ناحية السفرة.
جوليا: تعالوا بسرعة النهاردة هنأكل اكل مصري اصيل.
إيلاف(بابتسامة): يلا بسرعة.
طاهر: الابتسامة دي مش مطمناني انتي اللي عاملة الاكل صح!
إيلاف(ببرود): انت متأكلش محدش قالك تيجي اصلا.
طاهر(ببرود): طب عندًا فيكي هأكل.
إيلاف(ببرود): أهو احسن برضو اللي سقى كلب دخل الجنة فمبالك لما يأكله...
طاهر(بغضب): اه يا بنت.

طاهر قام و كان هيروح ناحية إيلاف، إيلاف وقفت ورا دارك بسرعة.
طاهر(بغضب): لو سمحت يا دارك سيبيها ليا.
إيلاف: لا لا متتحركش.
إيلاف مسكت في دارك جامد و طلعت لسانها لطاهر، طاهر بصلها بغيظ و قعد مكانه على السفرة.
إيلاف: ايه ما تيجي خايف مثلا!
أصلي(بضحك): انتي مشكلة اهدي شوية.
إيلاف جريت قعدت مكانها على السفرة و كلهم بدأوا يأكلوا.
رائد: بقولك ايه يا ست ايلاف هاتي كدة الطبق اللي قدامك.

إيلاف: بالهنا و الشفا يا حبيبي.
ريان: متأكدة من الأكل و لا أكلم الاسعاف احتياطي.
إيلاف(بضيق): يا خفيف.
مالك: لا متقلقوش أنا دوقت كل حاجة و كانت روعة.
إيلاف: طبعا اومال انا ست بيت شاطرة.
إيلاف: ده انا هدلع اللي هيتجوزني ده.
جوليا(بضحك): شكلك نسيتي انك بالفعل متجوزة.
إيلاف: ايه ده بجد يقطعني.
كلهم قعدوا يضحكوا و يهزروا، دارك القى نظرة عليهم مع ابتسامة بسيطة.
إيلاف: يلا دوق وقولي رأيك.

دارك هز رأسه بمعني ماشي لإيلاف و كلهم بدأوا يأكلوا و مدحوا في أكل إيلاف.
طاهر: ازاي اتعلمتي؟
إيلاف: مش هقولك.
طاهر: يا رخمة.
إيلاف: احسن من رخامتك.
أصلي: قوليلي انا يا إيلاف.
إيلاف ابتسمت لأصلي و بعدها بصت لدارك اللي لاحظ الحزن في عينيها.
إيلاف: اضطرتني ظروفي إني اتعلم الأكل مع أنه كان من رابع المستحيلات بس يلا الحمدلله.
دارك: الأكل جميل.
إيلاف: شكرا.
إيلاف: يلا مين هيغسل المواعين؟

رائد: انا ناويت اريح سيداتي القمرات النهاردة و هغسل المواعين.
أصلي: طب و الله مفيش قمر غيرك...
رائد: شكرا شكرا.
رائد: ريان يلا رحلي الاطباق.
بدأوا يساعدوا بعض، إيلاف قربت من دارك.
إيلاف: ممكن لحظة.
دارك هز رأسه بمعنى ماشي و طلع هو إيلاف لأوضتهم، باقي الشباب وقفت على السلم بتبص عليهم...
رائد: هو هيحصل ايه؟
جوليا: هنعرف لو اتأخروا.
طاهر(بحدة): أفكاركم المنحرفة دي شيلوها بعيد.
طاهر: يلا يا أصلي اعملي العصير.

اصلي: انا!
طاهر: ايوه اتحركي.
اصلي(بضيق): حاضر...
أصلي راحت تعمل عصير للكل، رائد بص لطاهر بخبث و طاهر بصله ببرود تام.
عند إيلاف و دارك.
دارك قعد على الكنبة و فرد دراعه و شاور لإيلاف أنها تتكلم، إيلاف بصت لدارك بتوتر.
دارك: هتفضلي واقفة عندك كتير؟
إيلاف قربت و قعدت على الترابيزة اللي قدام دارك و بصتله.
إيلاف: هو.
دارك مال ناحيتها و بصلها بهدوء.
دارك: قولي.
إيلاف: أنا سمعتكم و أنتوا بتتكلموا.
إيلاف: شايفة أنه.

دارك: اه.
إيلاف: سيبني و أتخلى عني أنا مش عايزة أكون سبب أذية ليك مش هسمح بكدة و.
دارك قرب من إيلاف (ولخيالكوا).
دارك: ده كان ردي على كلامك مش عايزك تعيديه.
دارك: أنا عندي مسؤليات كتير و أنتي أهمهم.
إيلاف رفعت عينيها بصدمة لدارك و دموعها نزلت على خدها، دارك حاوط وشها بين ايديه و باس رأسها.
الباب خبط و جوليا دخلت، دارك قام وقف بسرعة و إيلاف مسحت دموعها و بصت لجوليا.

جوليا(بدموع): دارك كنت عايزة اقولك حاجة.
دارك قرب من جوليا بقلق و حاوط وشها بين ايديه.
دارك: حصلت حاجة؟
جوليا(بدموع): انا خايفة على كمال اوي مش مرتاحة لجاك و اللي هيعمله.
دارك: فجأة كدة قلقتي عليه.
جوليا(بدموع): اه حاسة أنه حصلت حاجة.
إيلاف قربت من جوليا و خدتها في حضنها بعيد عن دارك و باست رأسها.
إيلاف: هيبقى كويس.
إيلاف: دارك مش هيسيبه لوحده.
دارك: متخافيش يا جوليا أنا هكلمه و كدة كدة هنروح امريكا بكرة.

إيلاف: خالو هناك في امريكا ممكن نروحله.
دارك: لا.
إيلاف(بضيق): طيب.
دارك: يلا ننزل تحت.
كلهم نزلوا لتحت و قعدوا مع بعض، دارك سابهم و دخل أوضة مكتبه.
أصلي: خدي يا إيلاف دخلي ده لدارك.
إيلاف(بتوتر): انا!
رائد(بضحك): تحبي اجي معاكي.
إيلاف: يا رخم.
إيلاف خدت القهوة من أصلي و دخلت لأوضة المكتب كان دارك مشغول جدا بالورق اللي قدامه، إيلاف قربت من كرسي دارك.
إيلاف: القهوة.
دارك: ماشي شكرا حطيها.

إيلاف: عايز حاجة اساعدك فيها؟
دارك: لا.
إيلاف كانت لسة بتحط فنجان القهوة و دارك كان هيمسكه فوقع على الورق اللي قدامه.
دارك(بحدة): ايه اللي عملتيه متعرفيش الورق ده مهم ازاي!
إيلاف: آسفة.
دارك قرب من إيلاف و ضغط على كف ايديها.
دارك: بأسفك اعمل ايه؟!
إيلاف(بدموع): ابعد عني.
دارك(بحدة): غلطك مين هيعاقبك عليه؟
إيلاف(بانفعال و دموع): أنت بتعاقبني دلوقتي بمسكتك دي و الحرق اللي في ايدي.

دارك بِعد ايده بسرعة و لمح إحمرار ايد إيلاف، إيلاف بصتله بدموعها اللي على خدها و سابته و مشيت و هو راح وراها.
دارك: إيلاف ا.
إيلاف خرجت بره أوضة مكتبه مسحت دموعها بانفعال و طلعت على أوضتها علطول دخلت الحمام.
طاهر: حصل ايه!
أصلي: قسوة دارك الطبيعي.
إيلاف حطت ايديها تحت الماية و كتمت صوتها بايديها و دموعها نزلت على خدها.

إيلاف بدأت تدور على علبة إسعافات أولية لغاية ما لقت و بدأت تدهن كريم على الحرق و لفته بشاش.
إيلاف غيرت هدومها إيلاف لبست بنطلون أسود و فوقه تي شيرت صوف بكم باللون الأحمر، رفعت شعرها على شكل كحكة عالية.
خرجت إيلاف و وقفت في البلكونة خدت نفس عميق و فضلت تتأمل السماء بنجومها...

-في مكان تاني...
في المستشفى.
لميس: ربنا يرجع دكتورة إيلاف على خير غيبيتها طولت.
أروى(بسخرية): هي عمرها ما هترجع هو اللي بيعمل عاملة بيرجع للخطر.
صابرين: دكتورة إيلاف عمرها ما غلطت و سمعتها سبقاها علطول.
سيدة: أيوه.
أروى(بسخرية): ده كان قناع بترسمه علينا.
أروى: أنتوا متعرفهاش على حقيقتها.
زينب: مهما تقولي دكتورة إيلاف هتفضل صورتها زي ما هي عمرها ما هتتهز.

مؤنس: عندك حق يا زينب دكتورة إيلاف ما تستحقش معاملة زي معاملة السفهاء.
أروى(بحدة): قصدك إيه يا مؤنس؟
مؤنس: قصدي يا دكتورة أروى روحي لشيلتك الجديدة هنيئا ليكي.
مؤنس: خليهم يلعبوا في دماغك أكتر.
مؤنس: مهما تقولوا دكتورة إيلاف هتفضل أنجح دكتورة قدام عينينا و هتفضل دايما في المرتبة الأولى مهما اتقال عنها احنا مسمعناش منها و مش هنحكم عليها أبدا.
أروى بصت لمؤنس بغضب و سابته و مشيت لمبروك و هنا.

صابرين: ربنا يهدي.
سيدة: مش عارفة ايه الناس الشر دول.؟
مؤنس: يلا يا قمرات كل واحد على مكانه.
مؤنس كان لسة هيمشي وقف لما سمع صوت رشا.
رشا: دكتور مؤنس.
مؤنس: اهلا يا آنسة رشا.
رشا: اخبار حضرتك ايه؟
مؤنس: الحمدلله.
رشا: اخبار بابا ايه؟
مؤنس: تمام لسة كنت همر عليه دلوقتي لكن انتي ايه اللي جابك في الوقت ده؟
رشا: قلقت عليه فقولت اجي اطمن و كمان جبت ليه هدوم و حاجات ممكن يحتاجها...
مؤنس: طب اتفضلي.

مؤنس و رشا راحوا لاوضة الدكتور يوسف و دخلوا.
يوسف: ايه اللي جابك دلوقتي يا رشا؟
رشا: قلقت عليك فجاة يا بابا.
يوسف: كنتي اتصلي و بس يا بنتي تيجي في الوقت المتأخر ده ليه مينفعش يا حبيبتي.
رشا: معلش يا بابا.
يوسف: خلاص باتي معايا النهاردة.
رشا: تمام.
رشا: بابا.
يوسف: قولي.
رشا: في واحد كان زميل ليا في الكلية زمان عايز يقابل حضرتك.
مؤنس: الضغط علي.
رشا(بقلق): ايه!
يوسف: متخافيش.
مؤنس: شكل الجهاز بايظ عن اذنكم.

مؤنس خرج بره الأوضة و يوسف بص لرشا.
يوسف: اول ما أخرج من هنا ابقي احدد معاه ميعاد.
رشا: تمام يا حبيبي.
رشا حضنت يوسف و يوسف باس رأسها.

-في مكان تاني...
عند شغف.
شغف كانت واقفة في جنينة الفيلا بتاعتها شاردة، شغف لقت ايد على كتفها لفت لقت والدها.
سراج: مالك يا حبيبتي؟
شغف: هو أنا كدة ابقى خدعته يا بابا؟
سراج: و مالك مهتمة بأمره ليه؟
شغف(بدموع): حاسة إني جرحته.
سراج: مجرد احساس يا حبيبتي متقلقيش.
شغف(بدموع): بس.
سراج: متقلقيش مفيش حاجة الحمدلله الخطر اللي عليكي زال.
سراج: و حازم فترة و هينسى اللي حصل.
شغف: تفتكر؟
سراج: اه.

شغف حضنت سراج جامد و دموعها نزلت و هي في حضن والدها، سراج شدها لحضنه اكتر و طبطب على ضهره بحنية و باس رأسها.
سراج: متخافيش.
شغف(بدموع): بحبك.

-في مكان تاني...
عند إيلاف.
إيلاف سرحت بتفكيرها و فاقت فجأة لما لقت دراع دارك على كتفها.
إيلاف(بضيق): نعم أفندم؟
دارك: وريني ايدك.
إيلاف(بضيق): لا و ابعد عني كدة.
إيلاف بِعدت عن دارك و كانت هتخرج من البلكونة، دارك مسك ايد إيلاف المتصابة و شدها ناحيته.
إيلاف(بدموع): ابعد.
دارك رفع ايد إيلاف ناحيته و باس باطن ايديها.
إيلاف: أنا مش طفلة صغيرة.
دارك: ا.
تليفون دارك رن، دارك بص لإيلاف و طلع تليفونه من جيبه.

دارك: لحظة.
إيلاف بِعدت عن دارك و دخلت للأوضة، دارك دخل وراها و فتح الخط.
دارك(بالالمانية): ايه اللي خلاك تتصل؟
ستيفان(بالالمانية): لو عليا امسح رقمك و لكن.
دارك(بالالمانية): حصل ايه؟
ستيفان(بالالمانية): ميسم هانم توفت.
وقع التليفون من بين ايدين دارك على الارض.