رواية طريق الهلاك للكاتبة سلسبيل كوبك الفصل السادس

رواية طريق الهلاك للكاتبة سلسبيل كوبك الفصل السادس

إيلاف حاولت تتحرك السكينة جرحت رقبتها و فجأة لقت ماريا بتجري ناحيتها و شدتها بعيد عن الحارس اللي غرز السكينة في ماريا.
ماريا وقعت بين إيدين إيلاف غرقانة في دمها.
إيلاف(بصريخ): لا.
إيلاف اتصدمت و عقلها وقف معرفتش تتصرف ازاي و بدأت تهز ماريا كتير، الحارس مسك السكينة تاني و قرب من إيلاف لسة هيقتلها كان وقع على الأرض بسبب الرصاصة اللي طلعت من مسدس رائد.

إيلاف بصت لرائد و بعدها بصت لماريا حاولت تتدخل و تنقذها في أسرع وقت.
رائد: عايشة؟!
إيلاف: اطلع جيب شنطتي من فوق.
إيلاف بدأت تسمع نبض ماريا لقته ضعيف جدا يكاد يُسمع أصلا بدأت تعمل إنعاش للقلب يدوي.
رائد: أنتي كويسة؟!
إيلاف لا رد.
إيلاف بعد فترة بِعدت عن ماريا و قعدت بعيد عنها في الأرض و ضمت رجليها ليها.
إيلاف(بضعف): مقدرتش أنقذها...
في نفس اللحظة كان دارك وصل للبيت و دخل الفيلا قرب منهم.

دارك(و هو بينهج): انت هنا من إمتى؟!
رائد: من شوية.
ريان(بصدمة): ماريا ماتت!
إيلاف(بدموع): مقدرتش أنقذها هي ضحت علشاني انا ان.
مالك: مش ذنبك.
دارك بص على ماريا و نزل لمستواها قلع جاكت البدلة بتاعته و حطها عليه.
دارك: جهزوا جنازة تكريم ليها.
دارك: و كل الحراس اللي ماتوا اشتروا ليهم مقابر خاصة بيهم بس.
دارك قرب من إيلاف و مد ايه ليها.
دارك: وجودك هنا خطر عليكي قومي.

إيلاف رفعت عينيها لدارك و مدت ايديها لايده و دارك ساعدها أنها تقف.
طاهر(بغضب): انت جايبنا علشان خاطر الخدامة دي و العاهرة اللي جمبك دي.
إيلاف(بحدة): التزم حدودك.
دارك(بحدة): حسابي معاك بعدين يا طاهر.
طاهر: هي دي الحقيقة مش كدة!
طاهر: ما نخلص منها و نرتاح.
طاهر طلع مسدسه من ورا ضهره و حطه في وش إيلاف و الكل وقف مصدوم و محدش فيهم اتحرك.
دارك(بالايطالية): نزل سلاحك حالا و إلا أنت اللي هتندم يا طاهر...

طاهر(بالايطالية): هي جت بوظتلنا مية حاجة كانت ورانا.
طاهر(بالايطالية): دي لازم تموت و نخلص منها.
دارك(بالايطالية): ده ناوي اعمله لكن مش دلوقتي.
طاهر(بالايطالية): يا عالم لو فضلت اكتر من كدة هيبقى في مصيبة إيه.
مالك(بالايطالية): طاهر اسمع كلام دارك.
ريان(بالايطالية): بلاش تقول و تعمل حاجة هتندم عليهم بعدين و خصوصا قدام دارك.
طاهر(بالايطالية): انا بعمل كدة علشان مصلحتنا.

طاهر ضرب نار ناحية إيلاف اللي فجأة لقت نفسها في الأرض فوق دارك اللي شدها ناحيته بعنف بعيد عن مكان الرصاصة.
إيلاف بِعدت بسرعة عن دارك و وقفت جمب ريان، رائد قرب من دارك قومه و سنده.
دارك(بحدة، بالايطالية): اطلع بره. اطلع.
طاهر(بصدمة، بالايطالية): انت بتطردني علشان دي!
ريان(بالايطالية): خلاص يا طاهر خلاص يا دارك.
ريان(بالايطالية): المهم دلوقتي نشوف مين السبب في ده.
إيلاف: و ماريا؟!
رائد: ربنا يرحمها.

دارك(بالايطالية): ماركوس السبب في ده.
دارك(بالايطالية): دلوقتي لازم نمشي من هنا حالا.
دارك مسك ايد إيلاف و خرج بره الفيلا، دارك بص على ماريا قبل ما يمشي مرة أخيرة.
دارك: اركبي.
إيلاف: هنروح فين؟!
دارك: اركبي دلوقتي.
إيلاف ركبت العربية و دارك خد الشنطة من ريان و وداها لإيلاف و لف ركب مكان السواق.
دارك(بالايطالية): رائد هستناك زي ما اتفقنا بكرة الصبح.
رائد(بالايطالية): طيب.

دارك ساق بالعربية بسرعة كبيرة و إيلاف كانت حاسة بخنقة شديدة و بتحاول تتماسك.
دارك وقف العربية فجأة و بص لإيلاف.
دارك: انتي كويسة؟!
إيلاف: هو يفرق!
دارك: بالنسبة ليا لا. مجرد سؤال.
دارك: عموما اصمدي ليوم واحد و بعدها كل الأمور هتتحل.
إيلاف: هنروح فين دلوقتي؟!
دارك: مكان نقعد فيه النهاردة.
دارك ساق ناحية كوخ صغير في مكان مهجور قدام البحر و وقف العربية.
دارك: انزلي.
إيلاف نزلت هي و دارك و راحوا ناحية الكوخ.

دارك فتح باب الكوخ و شاور لإيلاف أنها تدخل، إيلاف دخلت و بدأت تبص حواليها و لفت بسرعة لما لقت دارك بيدخل و يقفل الباب وراه.
دارك(ببرود): متخافيش.
إيلاف: ازاي مخافش و أنت مش موجود!
دارك بص لإيلاف بطرف عينيه و قرب بدأ يشعل الحطب اللي كان موجود.
إيلاف قعدت على الكرسي اللي لقته و كانت حاسة بالبرد الشديد و ضمت نفسها.
دارك: دقايق و يكون المكان دافئ.

دارك قام وقف و ساب إيلاف و راح ناحية باب الكوخ، إيلاف بصتله بخوف و راحت ناحيته.
إيلاف: أنت رايح فين؟!
دارك: مضطر أشتري أكل بدل ما تقعي مني هنا و جاي.
إيلاف: لا مش عايزة أكل بس متسبنيش في المكان ده لوحدي انا معرفش حاجة هنا.
دارك طلع من ورا ضهره مسدس و مد بايده لإيلاف اللي بصتله بعدم فهم.
دارك: خليه معاكي لغاية ما اجي و لو حصل هجوم اضربي نار.
إيلاف: لا لا انت فاكرني مجرمة زيك أقدر أمسك سلاح.

دارك رمي المسدس على الكنبة ورا إيلاف و بصلها بغضب و خرج رزع الباب وراه.
إيلاف بصت على الباب اللي خرج منه و لفت بصت على المسدس اللي رماه و راحت قعدت قدام الحطب المشتعل منتظراه يرجع.
إيلاف قعدت لفترة طويلة لغاية ما بدأت تنام غصب عنها فجأة حست بحاجة غريبة و صوت بره المكان اللي هي قاعدة فيه.

إيلاف قامت وقفت بسرعة و قربت ناحية الباب و بعدها رجعت مسكت المسدس اللي دارك رماه و قربت من الباب ببطء، الباب اتفتح و هي ضربت نار و هي بتصرخ.
دارك استوعب بسرعة تفادي الرصاصة و وقع في الأرض، إيلاف غمضت عينيها و وقفت و هي بتتنفس بصعوبة.
دارك: اهدي و نزلي السلاح ده من ايدك.
إيلاف فتحت عينيها بسرعة و المسدس وقع منها و جريت على دارك.
إيلاف(بقلق): الرصاصة صابتك!
دارك: لا انا بخير.
دارك: تعالي ورايا.

دارك قام وقف و راح قعد و إيلاف قعدت قدامه و ربعت ايديها و بدأت تهز رجليها بعصبية.
إيلاف(بعصبية): ممكن ا.
دارك: عارف عارف أخرسي شوية.
إيلاف(بعصبية): علفكرة بقى ا.
دارك: ورقك أهو.
دارك حط قدام إيلاف ورق و إيلاف مسكته و بدأت تقرأ محتواه و رفعت عينيها لدارك.
إيلاف: إيه ده!
دارك: أعتقد أنك بتعرفي تقرأي و عارفة إيه ده.
إيلاف: موديني ورق بأسم مزور و باسبور مزيف فيه صورتي و تذكرة سفر لتركيا!

دارك: هتكملي حياتك في تركيا من هنا و رايح و هيبقي أسمك حياة سلطان بيك.
دارك: في مستشفى هناك موجودة هتشتغلي فيها و ليكي بيت في مكان راقي هتعيشي فيه.
دارك: تنسي كل حاجة في حياتك.
إيلاف(بسخرية): هه و المفروض إني هسمع كلامك! بتحلم انا هرجع مصر و مش هسافر في حتة تانية.
دارك: انتي تفتكري جمال هيسيبك؟! ما هيصدق ترجعي علشات يثبت التهمة عليكي أكتر.
إيلاف رمت الورق في وش دارك.
إيلاف(بعصبية): و هو مين السبب!

دارك: حبل المشنقة كان هيتلف حوالين رقبتك لو فضلتي هناك، جمال ما صدق يلاقي حد ليه علاقة بيا.
إيلاف(بعصبية): ما هو مكنش في أي علاقة تربطني بيك فعلا يعني كنت ممكن أخرج.
إيلاف(بعصبية): كل اللي انا فيه دلوقتي بسببك أنت و غصب عنك ترجعني من مكان ما خدتني.
دارك قام وقف و قرب من إيلاف اللي بصاله بغضب شديد باين على ملامحها و مسك كف ايديها تناه لورا، إيلاف غمضت عينيها بآلم.

دارك: انا قولت كل اللي عندي و هتنفذيه و هتسمعي الكلام.
دارك: بكرة الصبح طيارتك رائد هيجي معاكي و يوصلك و اول ما تنزلي من الطيارة هتلاقي شخص هناك اسمه كرم هيفهمك كل حاجة.
دارك: فاهمة؟!
إيلاف(بوجع): ايدي ابعد.
دارك(بحدة): فاهمة؟!
إيلاف(بوجع): فاهمة.
دارك بِعد عن إيلاف و راح قعد على الكنبة، إيلاف بدأت تفحص صوابعها و كف ايديها اللي أحمر و بصت لدارك بغضب.
إيلاف(بغضب): هتندم.

دارك(ببرود): نامي يلا طيارتك بكرة الساعة 8.
إيلاف قعدت في الأرض مكانها و ضمت رجليها ناحيتها و بصت لدارك اللي بدأ ينام على الكنبة الوحيدة اللي موجودة في المكان.
إيلاف(بغضب، لنفسها): حقير.
دارك: نامي و بطلي تفكير بكرة هيبقى يوم صعب عليكي شوية.
إيلاف: انام ازاي و في حيوان نايم قدامي.
إيلاف قامت بسرعة و كانت هتجري ناحية باب الكوخ بس دارك كان لحقها و مسكها من شعرها و لفها ليه، إيلاف غمضت عينيها جامد.

دارك: هعديها ليكي المرة دي لأن أصلا مش هيبقى في مرة تانية، من بعد بكرة مش عايز أشوف وشك نهائي.
دارك: من بعد بكرة هخلص من همك. من بعد بكرة هخلص من إني أشوف وشك المقزز ده قدامي.
دارك: هرتاح منك و من قرفك بعد كدة.
إيلاف(بوجع): أولا سيب شعري.
إيلاف: ثانيا فكرة إني موجودة معاك في نفس المكان ده لوحده شئ مقرف.
إيلاف: انا بكرهك أنت مجرم و قاتل و مصيرك هيتقبض عليك و ساعتها هكون فرحانة.

إيلاف: و قريب جدا هسمع الخبر ده.
دارك زق إيلاف اللي وقعت في الأرض و بصتله بغضب و دارك راح فرد جسمه على الكنبة و بدأ ينام، إيلاف نامت على الأرض و ضمت رجليها ليها و غمضت عينيها و هي بتحاول متنامش بس غصب عنها نامت و نامت بعمق شديد.
دارك فتح عينيه ببطء أول ما حس أنها نامت و بص عليها بصة أخيرة و فضل صاحي لتاني يوم.

-في الصباح الباكر.
عند أدهم في مبنى المخابرات.
أدهم كان سهران طول الليل في مكتبه بيشتغل على قضية دارك و إيلاف.
باب مكتبه خبط.
أدهم: ادخل.
حازم: ها إيه الأخبار؟!
أدهم(بضيق): اخرج مش طايق أشوف وشك.
حازم قلع النضارة اللي كان لابساها و قعد قدام أدهم و بصله باستفزاز.
حازم(ببرود): وصلت لحاجة؟!
أدهم: شغال عندك أهلك!
حازم(ببرود): اخلص.
أدهم لا رد.

أدهم اتعدل في قعدته و بص على الورق اللي قدامه بس حازم حط ايده على الورق اللي قدام أدهم.
حازم: مش سألتك سؤال؟!
أدهم(ببرود): مش انا الوحيد اللي قائم على المهمة دي للأسف أنت كمان فاتصرف و اعرف المعلومات اللي عايز تعرفها بعيد عني.
حازم(بعصبية): أدهم.
أدهم(ببرود): متنساش أنك في مكتبي هنا و مش مسموحلك تعلي صوتك عليا.
حازم(بعصبية): انت نسيت إني زي زيك!

أدهم: تؤ تؤ أنت زيي اه لكن اسما متنساش إسماعيل بيه عمل ايه علشان تبقى زيي.
حازم قام وقف من مكانه بغضب و بص لأدهم اللي بصله ببرود تام و سابه و خرج بره المكتب.
أدهم: جاسر يا جاسر.
جاسر: نعم يا أدهم.
أدهم: ابعت الأمن هنا يأخدوا حازم بيه على مكتبه شكله تايه.
حازم خرج بره أوضة أدهم حط ايده في جيبه و بصله بغيظ، حازم سابهم و مشي.
جاسر: معلش يا أدهم استحمله.

أدهم(بعصبية): فهمه أن شغلي ميتدخلش فيه خالص و لما يتعامل معايا يتعامل باحترام.
أدهم ساب جاسر اللي وقف متضايق من اللي بيحصل.
جمال: جاسر.
جاسر: نعم.
جمال: في جديد؟!
جاسر: لسة مفيش أي أخبار نهائي.
جمال: أكيد متفقة معاه انا عارف الأشكال اللي زيها دي.
جاسر: اتواصلنا مع بعض الدول اللي بره و البحث قائم.
جمال: تمام روح.
جاسر: عن أذنك.

-في مكان تاني...
عند إيلاف.
إيلاف قامت مفزوعة من نومها المزعج بالنسبة ليها صرخت لما لقت قدامها دارك واقف و حاطط ايده في جيبه.
إيلاف حطت وشها بين ايديها و حاولت تهدئ نفسها، رفعت رأسها لدارك.
إيلاف: انت اللي صحتني؟!
دارك: مكنتش مضطر لكدة.
دارك: كابوسك كان السبب.
إيلاف(بتنهيدة): طيب.
إيلاف قامت وقفت و هي حاسة بصداع في رأسها فمسكت رأسها بايديها.
إيلاف: في نسكافيه هنا؟!

دارك: لا خدي الهدوم دي غيري هدومك علشان هنتحرك كمان 15 دقيقة.
إيلاف مسكت الهدوم و دخلت الحمام اللي دارك شاور عليه و غسلت وشها كذا مرة.
إيلاف(بضيق): شكلي بقى عامل ازاي!
إيلاف(بضيق): و شعري أوف.
إيلاف لبست بنطلون جينز و فوقه تي شيرت أبيض حمالة رفيعة على الكتف و دخلته جوا البنطلون و لبست فوقه جاكت جلد قصير لغاية الخصر، لبست كوتشي أسود عالي و رفعت شعرها على شكل كحكة و نزلت كام خصلة على وشها.

إيلاف خرجت من الحمام لدارك اللي كان بيتكلم في التليفون و بصلها و سابها و خرج.
دارك: اه اه معاك.
دارك(بالايطالية): آسف تقدر تعيد كلامك تاني.
حارس(بالايطالية): كل حاجة مضبوطة زي ما حضرتك طلبت.
حارس(بالايطالية): رائد بيه و باقي الحراس في طريقهم لحضرتك.
دارك(بالايطالية): تمام.
دارك قفل تليفونه و لف لما سمع صوت خطوات إيلاف وراه.
إيلاف: أنت كويس؟!
دارك: هبقى كويس أكتر لما تمشي.

إيلاف(بضيق): و انا هبقى مبسوطة و انا شايفة حبل المشنقة حوالين رقبتك.
دارك: متخليش إنسانيتك تخليكي تساعدي أي حد قدامك.
دارك: مش كلهم نيتهم صافية.
إيلاف: اللي أعرفه قدم الخير من غير مقابل و اللي بيقدم خير بيلاقي خير و الخير هيعود ليك في يوم من الأيام.
دارك كان لسة هيتكلم لقى في عربيات بتقف قدامه، رائد نزل من عربيته و قرب من دارك.
رائد: ها إيه الأخبار؟!
دارك: هي جاهزة خدها.
رائد: الأوراق معاها؟

دارك: هدخل أجيبها.
دارك دخل البيت و جاب الورق اللازم لإيلاف و وداه ليها، إيلاف بصتله و شدت منه الأوراق.
دارك: متنسيش اللي قولته ليكي كرم هيكون منتظرك في المطار و هيفهمك كل حاجة.
دارك: يلا خدها.
رائد(بابتسامة): اتفضلي.
إيلاف سابت دارك و راحت ناحية العربية كانت لسة هتركب بس وقفت للحظة و لفت لدارك اللي بصلها ببرود و كان هيدخل البيت.
إيلاف: لحظة.
إيلاف قربت من دارك و وقفت وراه.

إيلاف: عايزة أقولك حاجة قبل ما امشي.
دارك لا رد.
إيلاف: ممكن تكون مجرم و قذر و حقير و قاتل و كل الصفات الوحشة فيك.
إيلاف: بس إياك تكون حيوان منساق ناحية رغباتك القذرة و الوحشية اللي بتبقى فيهم.
إيلاف سابت دارك و ركبت في العربية مع رائد.
رائد: تحبي تأكلي أو تشربي أي حاجة؟!
إيلاف: لا شكرا.
رائد: تمام.
رائد بدأ يسوق ناحية المطار و معاه إيلاف، دارك دخل الكوخ و رمى نفسه على السرير بتعب و غمض عيونه حاول ينام.

-في مكان تاني...
عند كمال و جوليا.
جوليا(بالايطالية): يلا يا حبيبي كُل.
كمال(بالايطالية): خلاص مش قادر يا جوليا بطلي شوية.
جوليا(بالايطالية): مبقتش تأكل زي الأول.
كمال(بالايطالية): معلش يا حبيبتي. بجد مش قادر أكل.
كمال(بالايطالية): في اي اخبار عرفتيها؟!
جوليا(بالايطالية): مفيش بس ريان قالي أن طاهر و دارك اتخانقوا.
كمال(بالايطالية): ليه!
جوليا(بالايطالية): بسبب البنت اللي جت دي.

كمال(بالايطالية): اه فهمت.
جوليا(بالايطالية): مش ناوي تفهمني هي مين بقى؟!
كمال(بالايطالية): مش دلوقتي يا حبيبتي.
جوليا(بالايطالية): طب حاسس بوجع حاليا؟!
كمال(بالايطالية): اه اوي.
جوليا قربت من كمال بسرعة و بدأت تشوف جرح كمال و لقت كمال بيحضنها جامد و باس خدها.
كمال(بالايطالية): من أنقى الأشياء في حياتي.
جوليا(بابتسامة، بالايطالية): بتحبني؟!
كمال(بالايطالية): بعشقك.
جوليا حضنت كمال و باست رأسه.

جوليا(بالايطالية): و انا بحبك اوي اوي اوي.
كمال(بالايطالية): طب هتفضلي حلوة كتير كدة؟!
جوليا(بالايطالية): انت عايزني ابقى وحشة و لا ايه بقى؟!
كمال(بالايطالية): في كل حالاتك و كل الأوقات هتفضلي حلوة في نظري و جميلة.
جوليا(بالايطالية): بحبك.
كمال(بالايطالية): فين الدكتور الرخم ده عايز أرجع بيتي بقى.
جوليا(بالايطالية): قال هيمر النهاردة يشوفك و يقول مسموح تمشي أمتي.
كمال(بالايطالية): وحشتيني أوي.

جوليا ابتسمت بخجل لكمال و قعدت جمبه و هو مسك ايديها و باسها بحب...
الباب خبط.
كمال(بالايطالية): ادخل.
الدكتور(بالايطالية)مساء الخير.
الدكتور دخل و بدأ يفحص كمال و يدون ملاحظاته.
دكتور(بالايطالية): تقدر تخرج خلال 36 ساعة و يبقى في مراعاة لحالتك و متتحركش كتير.
كمال(بالايطالية): شكرا جدا ليك.
دكتور(بالايطالية): لا شكر على واجب عن أذنكم.
جوليا باست خد كمال و كمال خدها في حضنه.
كمال(بالايطالية، بهمس): بحبك.

جوليا ابتسمت بحب لكمال و نامت على كتفه.

-في مكان تاني...
عند دارك.
دارك كان نايم صحي على صوت موبايله اللي قعد يرن كتير، دارك مسك الموبايل بضيق و كان بيشتم المتصل.
دارك قام بسرعة من نومه أول ما شاف أسم رائد، و فتح الخط بسرعة.
دارك: رائد في حاجة؟!
رائد(بالايطالية، انفعال): حصل علينا هجوم مش عارف أعمل ايه. اروح المطار و لا نهاجم احنا كمان؟!
إيلاف(بصريخ): عااااااا.

دارك سمع صوت صريخ إيلاف و سمع صوت ضرب النار اللي حواليهم و خد حاجته بسرعة و خرج ركب عربيته و هو بيكلم رائد.
دارك(بالايطالية): خليك ماشي في طريقك انا جايلك حالا.
دارك(بالايطالية): هما عددهم كام؟!
رائد(بالايطالية): تلت عربيات مسلحة.
دارك(بالايطالية): انا جاي خلي بالك من نفسك لحد ما اجي...
دارك(بالايطالية): متروحش المطار و انت في الحالة دي بطئ شوية لغاية ما اوصل.
رائد(بالايطالية): طيب.

دارك قفل مع رائد و زود لأقصى سرعة العربية ناحية طريقه للمطار الطريق اللي رائد مشي منه.
عند رائد و إيلاف.
إيلاف: انت هتعمل ايه؟!
إيلاف: هما مين دول؟!
إيلاف: رد عليا.
رائد فتح الدرج اللي قدام إيلاف و طلع منه سلاح و بدأ يضرب نار هو كمان.
رائد للأسف ضرب نار على عربيتين ملهمش ذنب و مش بيطاردوهم.
الناس بدأت تبلغ البوليس و وقفت عربياتها و هي خايفة من أنها تتصاب.

رائد كان بيسوق بسرعة كبيرة و إيلاف ماسكة جامد في العربية و رفعت رجل على الكرسي و قعدت تصرخ.
رائد: هو انا معايا واحدة حامل؟!
إيلاف(بصريخ): لو فضلت عايشة هوريك ازاي تتريق عليا. مبحبش ضرب النار مبحبهوش.
رائد غصب عنه ضحك على شكل إيلاف و ساق و باقى العربيات وراه، فجأة سمعوا صوت ضرب نار من وراهم و كان دارك.
دارك بدأ يضرب نار على عجلات العربيات المهاجمة و العربيات بدأت تتقلب كذا مرة.

دارك ساق بسرعة كبيرة لقدام و وقف قدام عربية رائد اللي فرمل عربيته بسرعة، إيلاف رأسها اتخبطت في العربية.
إيلاف(بتعب و هي بتنهج): منكوا لله.
دارك نزل من عربيته و قرب من باب إيلاف و فتحه و إيلاف نزلت بدأت تضرب دارك بغضب.
إيلاف(بعصبية): مش عايزة أشوف وشك انا في كل ده بسببك. ابعد عني بقى خليهم كلهم يبعدوا عني.
دارك بص في ساعته و بعدها بص لرائد.

دارك: فاضل ساعة على ميعاد الطيارة لازم نوصل خلال نص ساعة على الأقل.
رائد: طيب...
فجأة سمعوا صوت عربيات البوليس.
دارك(بالايطالية): خليك هنا حل الموضوع.
دارك شد إيلاف معاه و ركبها عربيته و ساق هو ناحية المطار بسرعة كبيرة.
إيلاف(بعصبية): بطئ شوية.
دارك بطئ السرعة شوية، رائد كان واقف بينهج و مش قادر يأخد نفسه.
ظابط(بالايطالية): تعالى معانا.

الظباط بدأت تلم كل الحراس و كل اللي سببوا ذعر للناس و خدوهم للمركز عندهم علشان يحققوا معاهم.
عند دارك و إيلاف.
إيلاف كانت بتحاول تظبط نفسها، دارك بصلها و بعدها ركز على الطريق.
إيلاف: فاضل كتير؟!
دارك: هنوصل و هتمشي الليلة دي من إيطاليا.
دارك فجأة وقف عربيته لما لقى قدامه كذا حارس واقفين قدام عربياتهم.
إيلاف: هو الأكشن لسة مخلصش!
دارك: لا كدة لسة البداية امسكي كويس.

دارك شغل عربيته و ساق بسرعة كبيرة لقدام في حد ضرب نار على كوتش العربية، عربية دارك اتخبطت في عمود كان موجود على الطريق.
إيلاف(بوجع): آآآه منك لله.
إيلاف(بوجع): لا كدة كتير...
دارك نزل من عربيته و وقف و هو بيبص للحراس اللي قدامه، إيلاف نزلت و وقفت ورا دارك.
دارك(بهمس): اول ما اقول 3 اطلعي اجري.

دارك قرب من الحراس اللي قدامه و بدأوا يحاوطوه، دارك لمح حارس منهم بيأخد الأوامر من شخص بيكلمه عن طريق سماعة بلوتوث.
دارك(بصوت عالي): تلاتة.
إيلاف طلعت تجري بسرعة كبيرة بس لفت بسرعة لقت الحراس بيضربوا دارك اللي استسلم ليهم.
فجأة كلهم بعدوا عنه و واحد طلع سكينة حادة و قرب من دارك اللي قام وقف ببطء.
إيلاف كانت هتكمل جري في طريقها و فجأة حولت طريقها ناحية دارك و جريت عليه و وقفت قدامه.

محدش لحق يستوعب اللي إيلاف عملته و كانت السكينة غرزت في جمبها و بدأت تقع بين ايدين دارك في الأرض.
دارك(بخفوت): إيلاف!