رواية طريق الهلاك للكاتبة سلسبيل كوبك الفصل السابع

رواية طريق الهلاك للكاتبة سلسبيل كوبك الفصل السابع

إيلاف طلعت تجري بسرعة كبيرة بس لفت بسرعة لقت الحراس بيضربوا دارك اللي استسلم ليهم.
فجأة كلهم بِعدوا عنه و واحد طلع سكينة حادة و قرب من دارك اللي قام وقف ببطء.
إيلاف كانت هتكمل جري في طريقها و فجأة حولت طريقها ناحية دارك و جريت عليه و وقفت قدامه.
محدش لحق يستوعب اللي إيلاف عملته و كانت السكينة غرزت في جمبها و بدأت تقع بين ايدين دارك في الأرض.
دارك(بخفوت): إيلاف!

الحراس بدأت تتراجع لورا ببطء و كلهم ركبوا عربياتهم و مشيوا، إيلاف كانت بتقاوم علشان تفتح عيونها.
دارك(بخفوت): عملتي كدة ازاي! و ليه؟!
إيلاف(بتوهان): و هو ده وقته!
إيلاف بصت لدارك بصة آخيرة قبل ما تغمض عينيها و تستلم للظلام اللي حواليها...
دارك استعاد وعيه و توازنه و ضغط على جرح إيلاف بإيده علشان يكتم الدم على قد ما يقدر.
دارك بص حواليه على أمل يلاقي تاكسي يوقفه.
دارك(بعصبية): أتصرف يا دارك أتصرف.

دارك بدأ يعود لهدوءه و شال إيلاف بين ايديه و بدأ يمشي بيها على أمل يلاقي مستشفى قريبة أو تاكسي يوصله لأقرب مستشفى.
دارك لقي تاكسي وقفه و بدأ يركب إيلاف و ركب جمبها.
دارك(بالايطالية): أقرب مستشفى بسرعة.
بعد فترة دارك لقى السواق وقف قدام المستشفى و دارك نزل حاسبه و شال إيلاف و دخل المستشفى.
في ممرضين جريت على دارك و معاهم نقالة، دارك حط إيلاف على النقالة و بدأوا يأخدوها لأوضة الطوارئ.

ممرضة(بالايطالية): ممنوع الدخول خليك هنا.
دارك وقف قدام أوضة الطوارئ بيبص على إيلاف من ورا الشباك الإزاز المتواجد.
بدأوا يقلعوها الجاكت اللي كانت لابساه و قطعوا جزء من هدومها و بدأوا يتدخلوا جراحياً.
دارك فضل واقف بره لغاية ما الدكتور خرج ليه.
دكتور(بالايطالية): انقذناها.
دارك(بالايطالية): حالتها حاليا؟!

دكتور(بالايطالية): الجرح مكنش عميق أوي بس ده مش معناه نستهون بيه ممكن يتلوث و يتأثر بأي حاجة بسيطة، الحركة تبقى بحساب.
دكتور(بالايطالية): لو حست بألم تأخد مسكن كتبته للممرضة هتوديه ليك.
دكتور(بالايطالية): متقلقش خالص هي كويسة.
دارك(بالايطالية): شكرا يا دكتور ليك بعتذر تعبتك معايا.
دكتور(بالايطالية): لا شكر على واجب. عن أذنك.

الدكتور مشي و دارك قرب تاني من إزاز الأوضة و بص على إيلاف، الممرضة خرجت و قربت من دارك.
ممرضة(بالايطالية): ده المسكن اللي الدكتور قال عليه و ده اسمه في حالة لو المكسن خلص.
دارك(بالايطالية): اقدر أشوفها امتى؟!
ممرضة(بالايطالية): لما تفوق.
دارك(بالايطالية): و هي هتفوق امتى؟!
ممرضة(بالايطالية): فترة بسيطة و هتوفق. عن اذنك.
دارك هز برأسه للممرضة و فضل منتظر قدام أوضة إيلاف، تليفونه رن.
الخط اتفتح.

دارك(بالايطالية): إيه؟!
ريان(بالايطالية): رائد كان في الحجز و انا لسة جايبه.
دارك(بالايطالية): طيب كويس.
ريان(بالايطالية): سافرت؟
دارك(بالايطالية): لا.
ريان(بالايطالية): ليه!
دارك(بالايطالية): لما ارجع نبقى نتكلم.
دارك قفل مع ريان اللي بص للشباب اللي قاعدين قدامه.
طاهر(بالايطالية): ها إيه الأخبار خلصنا منها؟!
ريان(بالايطالية): مسافرتش.
طاهر(بعصبية، بالايطالية): يعني إيه مسافرتش يعني إيه؟!

طاهر(بعصبية، بالايطالية): ليه اصلا؟! احنا طيارتنا النهاردة بليل الساعة 10.
رائد: دارك بيعرف يتحكم في كل الأمور يا طاهر و هو عارف بيعمل ايه و هيتصرف ازاي.
طاهر(بالايطالية): بس البنت دي منعرفش أصلها ايه و لا نعرف ممكن تبلغ عننا و لا لا.
طاهر(بالايطالية): من ساعة ما جت و في مصايب بتحصل.
ريان(بالايطالية): طاهر المصايب كدة كدة موجودة، متنساش في شغلنا واجهنا من ده كتير يعني مش جديد اللي بيحصل.

رائد(بالايطالية): نستنى لما دارك يرجع.
كلهم بصوا لبعض و قعدوا ساكتين، طاهر سابهم وطلع أوضته ينام فيها شوية.
عند دارك.
دارك فضل ساند على شباك الأوضة و هو منتظر أن إيلاف تفوق، لمحها و هي بتقاوم علشان تفتح عينيها و بدأت تبص حواليها بأستغراب.
دارك دخل من باب الأوضة و راح ناحيتها.
دارك(بعصبية): انتي ايه اللي عملتيه ده! بسببك بوظتي كل المخطط اللي كنت عامله.
دارك(بعصبية): دماغك كانت فين ها؟!

إيلاف بصت لدارك بهدوء و غمضت عينيها.
إيلاف(بضيق): في حاجة اسمها آداب زيارة المريض مسمعتش عنها!
دارك(بعصبية): اقتلك طيب و ارتاح.
إيلاف(بخفوت): مش فارقة.
دارك(بعصبية): طبعا ما انتي ا.
دارك سكت أول ما لقى الدكتور بيدخل من باب الأوضة و قرب من إيلاف اللي رنت الجرس اللي جمبها.
دكتور(بالايطالية): حاسة بأيه؟!
إيلاف لا رد.
إيلاف(بالانجليزية): مش بتكلم إيطالي.
الدكتور بص لدارك اللي ترجم لإيلاف اللي الدكتور قاله.

إيلاف: قوله مش حاسة بوجع لسة في بنج.
دارك(بالايطالية): هي مش حاسة بوجع حاليا.
إيلاف: قوله هتفضل موجودة هنا لحد إيه؟!
دارك(بالايطالية): هي هتفضل هنا لحد امتى؟!
الدكتور(بالايطالية): هيحصل تحقيق الأول لأنهم لازم يحققوا معاها بسبب جرحها، و لازم تبقى في راحة تامة على الأقل ال48 ساعة الجايين.
دارك(بالايطالية): شكرا ليك.
الدكتور بدأ يسحب حقنة و قرب من إيلاف اللي مدت دراعها ليه و استسلمت تماما.

دكتور(بالايطالية): عن أذنكم.
الدكتور مشي و إيلاف رفعت رأسها لدارك اللي فضل واقف شارد بيفكر في حاجة.
إيلاف: دارك.
دارك(ببرود): هروح مشوار و جاي إياكي تتحركي من مكانك و كوني على أتم استعداد نمشي من هنا.
إيلاف: مش هينفع أمشي علشان جرحي انت مجنون ا.
دارك ساب إيلاف و مشي و إيلاف ضربت رأسها بايديها.
إيلاف(بعصبية): كان يوم أسود يوم ما اتعينت في المستشفى دي.
إيلاف(بعصبية): مجنون.

بعد فترة إيلاف كانت بتحاول لسة تنام لقت الباب بيتفتح بطريقة عنيفة قامت مخضوضة.
إيلاف(بخضة): حرام عليك ليه كدة؟!
دارك: قومي.
إيلاف: أقوم اروح فين؟!
دارك قرب من إيلاف مسك ايديها و قومها من مكانها، إيلاف حست بوجع شديد في جمبها.
إيلاف: انت مجنون؟!
إيلاف: واخدني على فين؟!
دارك: خدي البسي دول.

إيلاف وقفت باصة لدارك بدون أي ردة فعل، دارك شدها ناحيته و بدأ يلبسها بالطو أبيض الخاص بالدكاترة و كمامة على وشها، دارك لبس كمامة على وشه و شد إيلاف معاه و خرجوا.
إيلاف(بهمس): احنا رايحين فين؟! ايه اللي بيحصل؟!
إيلاف شهقت لما لقت دارك بيشدها ناحية الحيطة و محاوطها بايده، بص بطرف عينه على الظباط اللي ماشيين وراه.
دارك(بهمس): اهدي.
إيلاف(بهمس، بحدة): أنت متعرفش أنه مينفعش أتحرك على الأقل لمدة 24 ساعة.

دارك(بهمس): محدش قالك اعملي فيها سوبر مان و خدي مكاني السكينة.
دارك(بهمس): خدتيها بإرادتك.
إيلاف(بهمس، بحدة): ده لأني اعتبرتك إنسان عاملتك كإنسان بس شكلي كنت غلطانة كنت أسيبك تموت او يكملوا عليك و ارتاح منك.
إيلاف زقت دارك اللي بص وراه تاني ملقاش الظباط بص على إيلاف و على باب المستشفى.
دارك: يلا لازم نتحرك حالا.
دارك شد إيلاف معاه و خرجوا بره المستشفى من غير ما حد يأخد باله.
إيلاف: هنروح فين دلوقتي؟!

دارك: مش مسموحلك تتكلمي عربي حاليا.
دارك شد معاه إيلاف و بدأ يمد في خطواته و إيلاف مش قادرة تمشي و ماسكة في دراعه.
إيلاف: براحة انت معندكش دم.
دارك لف وراه و بص لإيلاف، دارك بدأ يجري و إيلاف فتحت عينيها على آخرهم من صدمتها.
إيلاف(بوجع): بقولك مش قادرة أمشي تجري!
دارك(بحدة): لو مجرتش دلوقتي حياتي و حياتك هيبقوا في خطر.

إيلاف بصت وراها لقت في ظباط بصت لدارك و بدأت تفكر هل تناديهم و تبلغ عنه و ترجع بلدها و بعدها بصت لدارك اللي بيحاول قدر الإمكان يبعد عنهم علشانه و علشانها.
إيلاف كملت جري مع دارك و هي بتجري خبطت في شخص و كانت هتقع لولا دارك اللي لحقها قبل ما تقع و كمل جري.
إيلاف حست بحاجة غريبة و فجأة وقفت.
إيلاف: السلسلة؟!
دارك(بحدة): سلسلة إيه دلوقتي كملي جري.
إيلاف(بدموع): السلسلة غالية عليا اوي.

إيلاف شدت ايديها من ايد دارك و رجعت تاني، دارك اتعصب و ضرب برجله في الحيطة اللي جمبه.
دارك(بعصبية): في يوم هقتلك بدون تردد يا بتاعة انتي.
دارك بص على إيلاف اللي بتدور على السلسلة اللي كانت هدية من والدها قبل ما يتوفي كانت بتدور بلهفة و خوف و دموع، دموع أول مرة يلاحظهم في عينيها.
دارك كان بيفكر يسيبها تقابل مصيرها و يمشي هو و لا يرجع ليها و يأخدها معاه.

دارك غرز صوابعه في شعره دلالة على عصبيته اللي بيحاول يمتصها و قرب بخطوات سريعة من إيلاف.
دارك(بحدة): لقيتيها؟!
إيلاف(بدموع): لا السلسلة دي غالية عليا أوي.
دارك ألقى نظرة سريعة على الأرض و لمح حاجة بتلمع جمب عمود النور اللي موجود في الشارع قرب و نزل لمستوى السلسلة اللي في الأرض و مسكها و رفعها قدام عيون إيلاف.
دارك: هي دي؟!

إيلاف جريت بسرعة على دارك و شدتها منه و بصتله بفرحة شديدة و ابتسامة عريضة على وشها.
إيلاف: شكرا.
دارك: لازم نتحرك.
إيلاف حطت السلسلة في جيبها و دارك شدها معاه و كملوا جري و إيلاف قاومت لأقصي حد عندها تستحمل وجع جرحها.
إيلاف فجأة وقفت و هي بتنهج و سندت على الحيطة اللي جمبها.
إيلاف(بوجع و تعب): مش قادرة.
إيلاف(بوجع): أكتر من كدة الجرح هيتفتح و هنزل دم و ضغطي هيوطي و هيجيلي هبوط و هيغمي عليا.

دارك: استحملي شوية كمان.
إيلاف(بوجع): لا مش هقدر. و كمان مبقاش في بوليس بيجري ورانا نقعد نستريح شوية.
إيلاف لقت سلالم جمبها قعدت عليها و دارك بصلها و بعدها بص وراه و اتأكد أن مفيش بوليس قعد هو كمان.
إيلاف طلعت من جيبها السلسلة و فتحتها ابتسمت بحزن شديد على فقدانها لأهلها.
دارك(بلامبالاة): ليه مهتمية بالسلسلة أوي كدة؟!
إيلاف(بابتسامة): لأن فيها صورة حبيبي.

دارك رفع عينيه لإيلاف اللي بصت للصورة و ابتسمت و بدأت تشرد في ذكرياتها زمان.

إيلاف: ماما.
صبا: تعالي يا إيلاف انا في المطبخ.
صبا: قوليلي عملتي إيه في الدرس؟!
إيلاف: تمام. بس قوليلي هو الجمال ده كله هنا في البيت؟!
صبا(بعدم فهم): ايه؟!
إيلاف: الباشا اللي حاطط رجل على رجل ده و بيشرب من فنجان قهوته القمر ده.
صبا: هقول إيه ما انتي مش متربية ده أبوكي.
إيلاف: طب و فيها إيه قمر برضو.
فهد(بتنهيدة): لمي الدور يا إيلاف لصبا تأكلك و ساعتها مش هنقذك لأنها عندها حق تتعصب لأنك مستفزة.

إيلاف: كدة! طب مش مذاكرة.
فهد: اتلككي بقى.
صبا: مين دي اللي مش هتذاكر يا إيلاف!
إيلاف: مين دي يا أمي! هواء و أكون على الكتاب فورا.
صبا: يلا بسرعة.
إيلاف: ياااه يا نبع الحنان.
إيلاف دخلت أوضتها تغير هدومها، صبا بصت لزوجها اللي ابتسم على تصرفات بنته.
إيلاف: بقولك إيه يا وسيم يا قمر أنت؟!
صبا(بصوت عالي): اللهم طولك يا روح.
فهد: خير يا آنسة إيلاف؟!
إيلاف: سيبك من صبا راحت عليها.
صبا: يا نهارك أسود!

فهد(بضحك): اهدي يا صبا انتي عارفة إيلاف بتحب تهزر كدة علطول.
صبا: تهزر في أي حاجة إلا أنها تيجي جمبك.
إيلاف بصت لصبا و راحت قعدت جمب فهد باسته على خده و طلعت لسانها لصبا.
صبا: فهد ابعد البت دي من وشي.
فهد(بضحك): خلاص وسعي يا مصيبة انتي عايزة تخربي بيتي.
فهد: و لما البيت يتخرب مين هيعملنا الأكل؟!
صبا: قصدك أنك متجوزني علشان الأكل يا فهد؟!
فهد: اه أقصد لا طبعا يا حبيبتي لا طبعا.

فهد: ابعدي عني يا شيطانة يا صغيرة.
إيلاف(بضحك): حاضر يا عُمري.
صبا: دقيقة كمان و هجيب سكينه و هقتلك بيها.
إيلاف: فهد حبيبي هيجيب حقي.
فهد: حبيبك! انتي نفسك تموتي صح؟!
إيلاف: كفاية خوف بقى من مراتك انت حبيبي انا.
فهد: طبعا يا حبيبتي.
صبا: فهد.
فهد: انا قايم رايح الشغل ده انتوا ستات نكدية.
فهد قام و عدل هدومه و سابهم و راح ناحية الباب.
إيلاف(بدلع): متنساش تجيب بيتزا و انت جاي يا حبيبي.

صبا: يا نهارك أسود ده انا مراته و مبتدلعش عليه كدة.

إيلاف ابتسمت على ذكرياتها لباباها و مامتها و بانت لمعة في عينيها لمجرد أنها افتكرتهم.
دارك: أظن ارتاحنا يلا قومي.
إيلاف بدأت تلبس السلسلة في رقبتها تاني و قامت وقفت و قربت من دارك اللي مشي و إيلاف وراه.
إيلاف: هنروح فين؟!
دارك: اسبانيا.
إيلاف(بصدمة): هنروح اسبانيا مشي.
دارك غصب عنه ضحك و كمل مشي بس وقف لما لقى قدامه إيلاف بتمنعه يكمل مشي.
إيلاف: أوعي تقول أننا هنروح اسبانيا مشي!

دارك حط ايده على رأس إيلاف و بصلها.
دارك: شكل الجرح أثر عليكي.
دارك: قدامي.
تليفون دارك رن. الخط اتفتح.
دارك(بالايطالية): اتصرفت؟!
رائد(بالايطالية): هنتحرك دلوقتي. كمال و جوليا سبقونا على هناك.
رائد(بالايطالية): و انا حجزت ليك انت و إيلاف الطيارة اللي بعدنا.
رائد(بالايطالية): الورق المطلوب هتلاقيه في المكان اللي اتفقنا عليه.
دارك(بالايطالية): تمام.

دارك قفل مع رائد و قرب من إيلاف اللي كانت بتبص على الناس اللي ماشية في الشارع.
دارك: تحبي تأكلي؟!
إيلاف: ده إذا تكرمت يعني انا مأكلتش بقالي يومين.
دارك: خلاص انا غلطان إني سألتك قدامي.
دارك و إيلاف دخلوا مطعم راقي و اختاروا ترابيزة و قعدوا هما الاتنين، دارك بدأ يشوف الأكل اللي موجود ايه، إيلاف حطت رأسها على الترابيزة بملل.
إيلاف: بقالك ربع ساعة بتقرأ في الmenu.
دارك: بشوف أكل يناسب حالتك الصحية.

إيلاف(بملل): طيب.
دارك طلب أكل ليه هو و إيلاف و الجرسون جه و قدم الطلبات، الاتنين كانوا بيأكلوا إيلاف لقت شخص بيحط جمب ترابيزة دارك شنطة.
إيلاف(بهمس): في حد حط جمبك شنطة.
دارك: عارف اخرسي شوية و كُلي و انتي ساكتة.
دارك: كملي أكل هنا هدخل الحمام و اجي...

دارك خد الشنطة و ساب إيلاف دخل الحمام و دخل حمام معين و كان فيه بعض الورق اللي دارك هيحتاجه في السفر، دارك بدأ يغير شكله و لبس قناع لشخص تاني و خرج بره الحمام.
إيلاف كانت خلصت أكل و الجرسون جه شال الأكل و طلبت عصير بدأت تشرب منه.
إيلاف لمحت بعض الشباب اللي بيبصوا ليها و بيتكلموا عليها.
إيلاف(بضيق): لو كنت أفهم بتقولوا إيه عليا كان زماني رمياكم كلكم على الأرض.
إيلاف(بضيق): حتى هنا بتعاكسوا أوف.

في شاب اتجرأ و قرب قعد قدام إيلاف بمرح.
شاب(بالايطالية): تعرفي أنك جميلة؟!
شاب(بالايطالية): انا ?ارون.
?ارون(الايطالية): مش هتعرفيني بأسمك؟!
دارك(بالايطالية): بعتذر إني هحطم قلبك لكن اللي بتتكلم عليها تبقى مراتي علشان كدة امشي من وشي أحسن ما هعمل حاجة أخليك تندم أنك اتجرأت و اتكلمت معاها.
?ارون(بالايطالية): للأسف خسارة كنت أتمني إني ابقى معاها لمدة يوم.

دارك ضرب ?ارون قلم على وشه بغضب و شد إيلاف اللي مكنتش فاهمة حاجة و مش عارفة مين الشخص اللي ساحبها.
إيلاف(بالانجليزية، بحدة): انت ازاي تتجرأ و تمسك ايدي بالشكل ده؟!
دارك(بحدة): انا دارك قدامي لازم نمشي دلوقتي.
إيلاف(برفعة حاجب): دارك!
دارك: لو اتأخرنا المرة دي على الطيارة هزعلك.
دارك مشي و حط ايده في جيبه و إيلاف ماشية جمبه بتبص حواليها و على المناظر اللي حواليها الجميلة.

دارك و إيلاف وصلوا للمطار اللي كان على بُعد قريب منهم و دخلوا، دارك بدأ يتصرف و راح يختم الباسبورات و إيلاف واقفة جمبه.
موظف(بالايطالية): ليه هتسافروا اسبانيا؟!
دارك(بابتسامة، بالايطالية): علشان أقضي انا و مراتي شهر العسل هناك.
موظف(بالايطالية): أنتم متجوزين؟!
دارك(بالايطالية): مش بتتكلم إيطالي.
الموظف بص لدارك و إيلاف و ختم الباسبورات و وداهم لدارك اللي شد إيلاف معاه و راح قعد في صالة الانتظار.

إيلاف: هو ازاي وافق بسهولة و ختم الباسبورات؟!
دارك(ببرود): زورت ورق بأننا متجوزين.
إيلاف(بشهقة): متجوزين!
دارك(ببرود): قولت زورت مالك في إيه؟!
إيلاف(بضيق): حياتك كلها كدب في كدب.
بعد فترة جه ميعاد طيارتهم و ركبوا الطيارة، الاتنين قعدوا جمب بعض.
إيلاف بدأت تحس بوجع شديد في جرحها و هي بتربط الحزام رجعت رأسها لورا...
مضيفة(بالايطالية): اربطوا حزام الأمان.
دارك: اربطي الحزام.

دارك بص لإيلاف لقاها مغمضة عينيها و مرجعة رأسها لورا و باين على ملامحها التعب بدأ يهزها بهدوء، إيلاف قاومت و فتحت عينيها.
دارك: كويسة؟!
إيلاف(بتعب): اه.
دارك: متأكدة؟!
إيلاف(بتعب): أيوه.
دارك بدأ يربط الحزام لإيلاف اللي غمضت عينيها و استسلمت للنوم...

-في مكان تاني...
عند حازم.
حازم كان بيسوق عربيته ناحية البيت فجأة لقى بنت ظهرت قدامه و خبطها بعربيته.
حازم نزل بسرعة من عربيته و هو مصدوم و نزل لمستوى البنت.
حازم: انتي يا انتي فتحي عينك.
حازم حاول كذا مرة يفوقها بس معرفش بص حواليه ملقاش حد موجود نظرا للوقت المتأخر.
حازم: اعمل ايه؟!
حازم وطي شال البنت و ركبها في عربيته و ساق ناحية بيته.

حازم وصل قدام عمارة و نزل من عربيته و فتح باب العربية اللي ورا و شال البنت و دخل العمارة.
سمير(البواب): حازم بيه نورتنا.
سمير: اومال مين الآنسة اللي معاك؟!
حازم(بحدة): ملكش دعوة. و حسك عينك الاقيك ناقل الكلام او تقول لحد إني هنا ايا كان مين فاهم؟!
سمير: اوامرك يا بيه.
حازم ركب الاسانسير اللي موجود في العمارة و ضغط على الدور اللي فيه شقته.

حازم وصل لشقته و طلع مفتاحه من جيبه و سند البنت بايده و دخل الشقة و قفل الباب وراه.
حازم وقف في نص الشقة و هو ماسك البنت في ايده و بيفكر يتصرف ازاي و لا يعمل ايه يقعدها فين.
حازم شال البنت و دخلها أوضة من الأوض اللي موجودة و نيمها على السرير.
حازم فضل واقف قدام البنت خمس دقايق دماغه واقفة مش عارف يعمل ايه.

حازم دخل أوضته اللي في الشقة و جاب ازازة برفيوم و رش على ايده و حاول يشممها و هي بدأت تفوق بهدوء.
حازم أول ما لقاها فتحت عينيها و فاقت.
حازم: انتي مين؟! و اسمك ايه؟! و ليه ظهرتي قدامي فجأة؟!
بنت(بعدم استعياب): هو ايه اللي حصل؟! انا فين؟!
حازم جاب كرسي و قعد قدام البنت.
حازم: انتي في بيتي و اللي حصل إني لقيتك فجأة قدامي و خبطتك بعربيتي.
بنت(بخفوت): آسفة تعبتك معايا.
بنت(بخفوت): انا اسمي شغف.

حازم: أيوه مين برضو؟! و كمان في بنت تمشي الساعة 12 بليل لوحدها كدة!
شغف(بدموع): أخويا كان عايز يقتلني.
حازم: ليه خير؟!
شغف(بدموع): علشان يأخد الورث كله لوحده.
حازم(بضيق): برضو مش فاهم و ازاي اصلا يتجرأ و يحاول يفكر أنه يقتلك ميعرفش عقوبة ده ايه.
شغف(بدموع): شكرا أنك انقذتني...
حازم(بضيق): تمام بس.
شغف: انا انا همشي انا.
حازم: ليكي حد تعرفيه هتروحي عنده؟!
شغف: لا مليش حد بعد ما بابا مات...

حازم: انتي من فين؟!
شغف: اسكندرية.
حازم: امممم انا ممكن اسمحلك تقعدي هنا لحد ما تدبري أمورك.
شغف: بس.
حازم: محدش عايش هنا غيري.
شغف(بصدمة): قصدك إني أعيش معاك في نفس البيت! لا لا طبعا مستحيل.
حازم(بحدة): لا مش كدة انا أصلا الشقة دي مش قاعد فيها حاليا هسيبك لمدة أسبوع فيها.
شغف(بدموع): بجد! شكرا شكرا شكرا أوي.

حازم: و عايز أقولك معلومة من دلوقتي علشان لو دماغك شاورتك بحاجة كدة او كدة انا ظابط يعني اياكي تفكري مجرد تفكير أنك تضحكي عليا او تعملي حاجة غلط.
شغف(بدموع): لو حضرتك مش واثق فيا خلاص انا ممكن امشي و هحاول أتصرف.
حازم: هجيلك بكرة نعرف نتكلم أكتر.
حازم ساب شغف و قام خرج بره البيت و هو بيحاول يأخد نفسه، بيفكر ليه وافق على كل ده يحصل ده مش طبعه.

شغف قامت من مكانها و هي حاسة بوجع بسيط في جسمها، شغف بدأت تتجول في الشقة.
الشقة كانت كبيرة بالنسبة لشغف اللي بدأت تبص بانبهار شديد على كل حاجة فيها.
شغف و هي بتتجول في الشقة لمحت صور بتجمع حازم ببنت كانت البنت هي إيلاف و هما صغار.
شغف شافت صورة لإيلاف لوحدها كان في صورة كبيرة متعلقة في نص الحيطة عبارة عن صورة إيلاف و هي بتضحك.
شغف: مين دي؟!
شغف: مراته؟!

شغف: لو متجوز كان قال و الا مكنش قال أنه مش بيجي هنا كتير.
شغف: حبيبته؟!
شغف: طليقته؟!
شغف: هو أكيد ليها علاقة بيه.
شغف: انا مالي إيه ده؟!
شغف حست بوجع شديد في رقبتها لأنها وقعت وقعة غلط رقبتها اتلوحت، شغف بدأت تدلك رقبتها بايديها و حاولت تتطرقعها.
شغف قعدت على الكنبة اللي لقتها قدامها و حاولت تنام علشان تصحى الصبح تبدأ تفكر في حياتها و ازاي هتتصرف.

-في مكان تاني...
عند كمال و جوليا.
جوليا: يا حبيبي خليك مكانك انت لسة تعبان.
كمال: و أسيبك لوحدك يعني!
جوليا: لما تبقى كويس أبقي ساعدني.
كمال: انا كويس يا حبيبتي وسعي كدة بقى زمانهم على وصول و هيكونوا عايزين يأكلوا و بالذات الواد ريان اللي همه على بطنه ده.
جوليا: حبيبي الوسيم انا.
جوليا باست كمال على خده و كمال ابتسم ليها.
كمال: يعني انتي شيفاني وسيم؟!
جوليا: أجمل زوج شوفته في الدنيا دي بحبك.

كمال(بغمزة): بموت فيكي.
جوليا: هطلع أشوف الأوض لو ناقصها حاجة.
كمال: طيب يا حبيبتي.
جوليا سابت كمال و طلعت تبص على الأوض اللي هتبقى للشباب، كمال بدأ يجهز الأكل.
كمال: -شاب عنده 30 سنة، رياضي ملامحه أجنبيه. عيونه باللون الرمادي، شعره باللون الأسود، عنده غمازة في خده اليمين، عنده دقن خفيفة لايقة على ملامحه، بشرته باللون الأبيض. متجوز جوليا من سنتين و بيحبها جدا.

جوليا: -عندها 25 سنة. جسمها رشيق بتمارس رياضة كتير. قصيرة، شعرها باللون الأصفر الدهبي و قصير لغاية كتفها، بشرتها باللون الأبيض، عيونها باللون العسلي. بتعشق كمال جدا.
كمال سمع صوت الجرس بيرن خرج فتح الباب لقى الشباب كلهم جم.
كمال سلم عليهم و دخلهم جوا البيت.
كمال: فين دارك؟!
رائد: جاي مع إيلاف.
كمال(بصدمة): إيلاف! هي لسة مسافرتش؟!
طاهر(بضيق): لا الغندورة مسافرتش، فدارك جابها معاه لهنا.

ريان: اقنعه يا كمال أن دارك مينفعش يتقاله أنت بتعمل ايه هو يعمل اللي على مزاجه يا طاهر أفهم أفهم بقى.
رائد: هو غصب عنه خايف على دارك و علينا يا ريان.
كمال: بس برضو انا سمعت أنه كان هيقتلها ليه يا طاهر؟
طاهر: معصباني يا كمال معصباني.
جوليا: هاي.
رائد: دايما جوليا متألقة.
جوليا(بابتسامة): شكرا.
جوليا: هودي كل واحد هدية بس بشرط.
الكل(بحماس): إيه؟!
جوليا: تقوليلي مين اللي بتتكلموا عليها دي و جت هنا ليه؟!

رائد: الهدايا بتتعوض.
ريان: للأسف مش جاهز أموت دلوقتي.
طاهر(ببرود): محدش عارف حاجة أصلا يا جوليا دارك بس هو حتى مش مفهمنا هي وجودها في حياتنا ليه.
كمال: عرفتي بقى.
كمال: لما يجي يا أختي اسأليه.
طاهر: بطل سوقية مش عارف بتكلم معاكوا عربي ليه.
طاهر: انا طالع انام لما الأكل يجهز صحوني.
طاهر سابهم و طلع أوضته، جوليا بصت للكل و حاولت تضيف مرح و كلهم قعدوا يضحكوا و يهزروا مع بعض.

-في مكان تاني...
عند دارك و إيلاف.
دارك: حاسة بأيه دلوقتي؟!
إيلاف: خمول شديد.
دارك: قربنا نوصل استحملي.
إيلاف غمضت عينيها بوجع، قامت مفزوعة بعد فترة بسيطة بسبب حلمها المعتاد.
إيلاف بصت جمبها ملقتش دارك قامت من مكانها بسرعة و بدأت تمشي و هي بتبص على كل شخص.
مضيفة(بالايطالية): مينفعش حضرتك اللي بتعمليه ده ممكن تقعدي؟!
إيلاف(بالانجليزية): مبتكلمش إيطالي. مشوفتيش الشخص اللي كان معايا؟!

مضيفة(بالانجليزية): لا.
إيلاف(بالانجليزية): طب ازاي أعرف مكانه؟!
مضيفة(بالانجليزية): أكيد بعد فترة هيجي يا فندم.
إيلاف(بالانجليزية): طب فين الحمام لو سمحت؟!
مضيفة(بالانجليزية): اتفضلي معايا.
إيلاف راحت مع المضيفة الحمام و المضيفة سابتها و مشيت، إيلاف فتحت باب الحمام شهقت بصدمة و حطت ايدها على بوقها.

إيلاف بدأت ترجع كذا خطوة لورا من المنظر اللي قدامها، إيلاف فتحت باب الحمام لقت شخص مرمي في الأرض غرقان في دمه و قدامه دارك اللي موجه مسدسه ناحيته.