رواية طريق الهلاك للكاتبة سلسبيل كوبك الفصل الرابع والعشرون
إيلاف حطت ايديها على وشها و لفت ببطء ناحية دارك، دارك مشي ناحيتها و شدها من دراعها بعنف.
دارك(بغضب): مش قولتلك م.
كمال: دارك ماركوس هنا.
في أقل من لحظة كان الكل متحاوط من رجالة ماركوس و موجهين مسدساتهم ناحية الكل...
دارك حمى إيلاف بجسمه و حاوطها بايده...
ماركوس(بالانجليزية): أظن أنك منفذتش مهمتك.
ماركوس وجه مسدسه ناحية إيلاف اللي بصت لدارك و غمضت عينيها بخوف.
دارك(بالانجليزية): إياك أنا قدامك تقدر تعمل أي حاجة.
ماركوس(بالانجليزية): لكن الأوامر أننا نخلص عليها.
دارك(بالانجليزية، بحدة): شوف أنت عايز كام أو إيه الحل لكن ابعد عنها.
إيلاف(بهمس): هموت مش كدة؟
دارك(بحدة): تعرفي تسكتي مش كدة.
كمال(بالانجليزية): ممكن نتفاوض يا ماركوس.
ماركوس(بالانجليزية): عرضك مش مغري.
ماركوس(بالانجليزية): امسكوه.
في حراس مسكت دارك و حاولت تبعده عن إيلاف اللي مسكت فيه جامد.
دارك(بغضب، بالانجليزية): ماركوس متعملش كدة و إلا ساعتها.
ماركوس(بالانجليزية): مش مهم كلامك عقابك هيكون على إيد جاك أصلا.
الحراس فرقت بين دارك و إيلاف، و باقي الحراس وجهت أسلحتها ناحية الشباب، ماركوس شد الزناد و وجه مسدسه ناحية إيلاف اللي رفعت ايديها على وشها.
ميرنا(بصريخ): لا إيلاف.
حارس(بالانجليزية): ماركوس تليفون من جاك.
ماركوس مسك التليفون و بص على إيلاف، ماركوس رمى التليفون بغضب على الأرض و قرب من دارك ضربه بسلاحه على رأسه.
إيلاف جريت على دارك و حاوطت وشه بين ايديها و في دم نزل على إيديها من رأس دارك.
إيلاف(بعياط): أنا آسفة آسفة.
إيلاف حضنت دارك جامد، دارك رفع ايده على رأسه و باس خدها.
دارك: أنا بخير متعيطيش.
ماركوس(بالانجليزية): هاتوهم.
الحراس خدت كل اللي موجود حتى لورين و ميرنا بالإجبار بعد ما وداهم مخدر خلاهم يفقدوا وعيهم.
بعد فترة كبيرة، دارك بدأ يفوق ببطء و حط ايده على رأسه بوجع شديد فتح عينه و بص حواليه كان المكان عبارة عن ساحة فاضية في مكان مهجور.
دارك(بقلق): إيلاف.
دارك قام بسرعة من مكانه كانت ايده مربوطة بحبل، دارك لقى الشباب مرمين جمبه.
دارك: كمال رائد طاهر.
دارك بدأ يفوقهم و هما استجابوا و بدأوا يفوقوا و كان أولهم طاهر اللي بدأ يستوعب الموقف.
طاهر(بغضب): الحيوان ماركوس.
طاهر: رائد رائد.
كمال(بخفوت): احنا فين؟
دارك: معرفش بس المهم دلوقتي أعرف أوصل لإيلاف.
رائد(بقلق): هي إيلاف مش موجودة؟
دارك قبل ما يتحرك من مكانه كان باب المكان اتفتح و في عربية بضوء شديد دخلت المكان.
دارك لف بسرعة علشان الضوء كان شديد علي عينه، طاهر حاول يقوم معرفش بسبب رجله.
رائد ساعد طاهر و كذلك كمال اللي قرب من دارك و وقف جمبه.
في حراس كتير دخلت حاوطتهم، و باب العربية اتفتح و نزل منه ماركوس و جاك.
جاك(بالانجليزية): أخر حاجة كنت ممكن اتوقعها خيانتك يا دارك.
دارك(بالانجليزية): مخونتكش يا جاك كل اللي عملته حميت مراتي زي ما أنت طلبت مني احمي بنتك الغالية عندك أنا كنت بحمي مراتي.
جاك(بالانجليزية): زي ما خونتني يا دارك جه اللي خانك.
جاك شاور ناحية الباب دخل ريان حاطط ايده في جيبه و بصلهم بكل ببرود.
كمال(بغضب): يا حيوان.
طاهر(بغضب): تصدق أنه مبيطمرش فيك أي حاجة أنت.
رائد(بغضب): أوعدك موتك هيكون على مسدسي يا حقير.
كمال(بغضب): تعالى هنا.
كمال كان هيروح ناحية ريان لكن دارك منعه، دارك بص لريان بنظرات مقدرش يفسرها.
ريان: اعمل ايه بقى فلوسهم أكتر.
ريان: أما انتم كان في جانب شريف جواكم و أنا مبحبش الشرف الصراحة مش كيفي مش بحسه كدة.
دارك(ببرود، بالانجليزية): فين مراتي و البنتين التانين؟
ماركس(بالانجليزية): معرفش ممكن يكونوا دلوقتي بيواجهوا مصيرهم.
دارك(بغضب، بالانجليزية): يبقى استعد لموتك يا ماركوس.
جاك(بالانجليزية): خيانتك ليا مقابلها خيانة صاحبك ليك و.
دارك(بالانجليزية): و؟
جاك(بالانجليزية): هتعرف.
كانت الشباب مش طايقة ريان و بتتمنى تقتله.
ريان قرب من دارك و مال عليه.
ريان(بهمس): سامحني دارك لكن أماني مش معاكم و أه أنا بلغت ستيفان و جين بخططك كلها.
دارك(ببرود): بالرغم من كل الوقت اللي قضتيه معايا بس لحد دلوقتي مفهمتش مين هو دارك يا ريان و هتشوفه عملي على نفسك.
ريان بِعد عن دارك، دارك لمح حارسين شايلين إيلاف و رموها تحت رجله.
دارك(بقلق): إيلاف.
دارك نزل على ركبته و مكنش عارف يلمسها بسبب ايده المربوطة ورا ضهره.
جاك(بالانجليزية): فكوهم.
ماركوس قرب من دارك فك الحبل اللي حوالين ايديه، في حارس فك الحبل اللي حوالين رائد.
الحراس أجبرت رائد يقعد على ركبته، دارك حاوط إيلاف بين ايديه.
دارك(بقلق): إيلاف فتحي عينك احكيلي حصل ايه.
دارك(بغضب): عملتوا فيها ايه؟
إيلاف بدأت تفوق و هي حاسة بصداع و رفعت ايديها حطتها على رأسها.
إيلاف(بخفوت): أنا فين؟
دارك: معايا، حاسة بوجع؟
إيلاف(بخفوت): أه صداع.
فجأة شدوا إيلاف من بين ايدين دارك و ثبتوا دارك مكانه، قعدوا إيلاف جمب رائد.
رائد(بابتسامة): هاي إيلاف.
إيلاف(بوجع): هو انا مكتوب عليا مشوفش يوم حلو من ساعة ما قابلت أخوك ده.
الحراس ثبتت كل الشباب على الأرض صف واحد و قدامهم دارك اللي قعدوه على ركبته في الارض.
جاك(بالانجليزية): أنت خونتي و الخيانة مش بالساهل يا دارك.
جاك(بالانجليزية): أنت مقدرتش تنفذ المهمة لأنها مراتك صح؟ لكن أخوك.
دارك(بحدة، بالانجليزية): متقربش من أي حد منهم أعمل فيا اي حاجة أنت عايزها إلا هما لأن صدقني أكتر حد هيتضرر أنت و رجالتك.
جاك(بالانجليزية): مسبتش ليا خيار تاني يا دارك الخيانة لازم يدفع تمنها.
جاك(بالانجليزية): بس أنا هبقى رحيم بيك و بحالتك.
جاك(بالانجليزية): رفضت تقتل مراتك لكن دلوقتي قدامك خيار لإما تختار مراتك لإما أخوك.
رائد: دارك أكيد اختارها هي مش محتاجة كلام.
إيلاف بصت لدارك بهدوء مع ابتسامة بسيطة.
دارك(بالانجليزية): اختار إني أبقى مكانهم و حياتي فداهم هما الاتنين.
كمال(بالانجليزية): جاك متنساش أنه انقذلك بنتك كذا مرة خليك رحيم المرة دي.
كمال(بالانجليزية): أفهم يا جاك.
جاك(بالانجليزية): ريان صديقكم قالي كل حاجة حتى أنكم كنتم تخدعوني.
جاك(بالانجليزية): الخيار ليك يا دارك.
مرت اللحظات بينهم بصعوبة و بطء شديد عليهم، دارك كان بيبص على رائد و إيلاف.
أقسم بداخله أن خروج قلبهُ من موضعه أهون عليه من تلك اللحظة.
دارك عيونه دمعت و حط رأسه في الأرض.
جاك(بالانجليزية): الخيار صعب مش كدة ممكن أريحك منهم هما الاتنين و نرتاح.
دارك(بخفوت، بالانجليزية): رائد.
جاك(بالانجليزية): إذا حياتها بلا معنى دلوقتي.
في لحظة كان جاك ضرب نار على إيلاف اللي شهقت بخفوت و ألم، إيلاف رجعت بجسمها لورا دارك جري عليها و مسكها بين ايديه و دموعه نزلت على خده.
دارك(بوجع): أرجوكي متسبنيش.
كانت كل الشباب مصدومة من اللي حصل، رائد دموعه نزلت على خده، طاهر عيونه دمعت و هو بيبص على إيلاف اللي بدأ الدم يخرج منها بغزارة، كمال حزين على حالهم.
ماركوس(بالانجليزية): اوووه من الواضح أنها أثرت فيكم أوي.
دارك(بدموع): أرجوكي متغمضيش عينك و متسبنيش أنا آسف.
إيلاف رفعت ايديها اللي كان عليها بعض الدم على خد دارك و رفعت رأسها ناحيتها ببطء.
إيلاف(بخفوت): ممكن تبقى دي اللحظة الأخيرة بينا لك لك نن هه ي أسعد لحظ ظة بب اللن سبة ة لي اا.
إيلاف دموعها نزلت مع دموع دارك على خدها خدت نفس متقطع و كمل كلامها.
إيلاف(بخفوت): لو لو رج عع الز زم ن تت ااني.
إيلاف لسانها تقل و مكنتش قادرة تتكلم لكنها قاومت و بصت لدارك في عيونه.
إيلاف(بخفوت): ككن نت ت مم هرر بتش و ررج عتت اا تت جوز تكك للمرة الألف.
دارك(بدموع): خلاص متتكلميش ارجوكي خليكي معايا و متغمضيش عينك و قاومي علشان خاطري و أوعدك هخرجك من هنا بأسرع وقت أنا آسف متبعديش عني متخليش الفراق يبقى عنواننا.
إيلاف رفعت رأسها أكتر لدارك و حركت صوابعها على خد دارك ببطء.
إيلاف(بخفوت): سألتني لو كك نتت ندم انة ككن تت خخا يف فةة بس.
دارك مسك إيلاف و ضمها لحضنه.
دارك(بعياط): يا رب إلا هي روحها أغلى ما أملك أرجوك.
دارك حط ايده على ايد إيلاف اللي على خده و فجأة ايد إيلاف وقعت على الأرض دلالة على فقدانها.
دارك(بصريخ): إيلاف.
ماركوس(بالانجليزية): اتأثرت أوي.
جاك(بالانجليزية): نضف كل حاجة وراك.
جاك(بالانجليزية): هاتوه.
الحراس مسكت ريان و جاك ركب عربتيه و مشي، ماركوس بص ليهم و كان معاه بعض الحراس و فجأة حصل ضرب نار خارجي.
دخل مالك و معاه حراس كتير يعتبر جيش بحاله.
مالك(و هو بينهج): بعتذر جيت متأخر تحديد موقعكم كان صعب.
مالك بص على إيلاف اللي حواليها دم و هي في حضن دارك اللي بيعيط عليها زي الأطفال.
بسبب كبر عدد رجالة مالك قضوا بسهولة على حراس ماركوس.
مالك(بالانجليزية): خدوا الكلب ده دلوقتي.
مالك حدف مفتاح عربيته لدارك.
مالك: الحقها ممكن ربنا يكون كاتب ليها عمر جديد.
دارك مسك المفتاح من على الارض و بص على إيلاف و شالها بسرعة بين ايديه و خرج بره المكان و وقف قدام عربية مالك فتحها و ركب إيلاف و لف ركب و بدأ يسوق ناحية أقرب مستشفى يلاقيها قدامهم.
مالك فك حبل الكل، و خدوا ميرنا و لورين اللي كانوا غايبين عن وعيهم و بدأوا يركبوا عربياتهم.
دارك كان بيسوق بسرعة كبيرة و بيبص كل شوية على إيلاف من مراية العربية و بيحاول يمنع دموعه من أنها تنزل.
دارك وقف قدام أول مستشفى لقاها، نزل بسرعة و نادى ممرضين و طلب نقالة.
دارك(بقلق): أرجوكم بسرعة.
نقلوا إيلاف على النقالة و بدأ يجروا ليها فحص سريع.
ممرضة(بالانجليزية): الضغط 150/80.
ممرضة(بالانجليزية): النبض بطئ يُكاد يُسمع لازم تدخل جراحي فورا.
ممرضة(بالانجليزية): اتصل بالدكتور ديف فورا.
نقولوا إيلاف أوضة العمليات و قطعوا التي شيرت اللي كانت لابساه و بدأوا يعملوا إنعاش سريع للقلب.
كانوا بيحاولوا ينقذوا الموقف بأسرع وقت، باقي الشباب جت جري و وقفت قدام دارك.
رائد(بدموع): الدكاترة قالوا اي؟
مالك: اهدي يا رائد هي لسة في العمليات.
طاهر قعد على الكرسي اللي كان موجود و غمض عيونه يمنع دموعه من أنها تنزل.
كمال: هروح اطمن على جوليا و أصلي و اجي.
كمال سابهم و مشي و قبل ما يخرج من المستشفى اطمن على ميرنا و لورين اللي دخلوا أوضة الطوارئ.
كمال ركب عربية من اللي موجودين و ساق ناحية الشقة اللي موجودين فيهم جوليا و أصلي.
كمال طلع للشقة و فتح الباب.
كمال(بخضة): جوليا.
كمال جري على جوليا اللي كانت مربوطة بحبل في الكرسي و لصق على بوقها.
كمال جري و شال اللصق و بدأ يفك الحبل.
جوليا(بتعب): أصلي ريان هو ا.
كمال: هششش اهدي.
كمال دخل جاب ماية لجوليا و بدأ يشربها، كمال بدأ يدور على أصلي لقاها مربوطة في السرير و بتعيط بصمت لأن في لصق مانعها أنها تتكلم.
كمال: اصلي.
كمال بدأ يفك الحبل من على أصلي و سندها و خرج بره، كمال قعدها جمب جوليا على الكنبة.
كمال: اهدوا و عرفوني حصل ايه.
جوليا: معرفش كان ريان معانا و أنا و أصلي بنضحك عادي و بهزر في الأوضة فجأة دخل علينا من غير استأذان و حاولي يمسكني من شعري زقته و استغربته جدا و بدأ يربط أصلي طلعت اجري علشان أتصل بيكم طلع ورايا و ربطني انا كمان.
كمال حضن جوليا و باس رأسها بهدوء.
كمال: أسف إني مكنتش هنا.
أصلي: طاهر بخير؟
كمال: اه بس للاسف.
جوليا(بقلق): ايه حصل؟
كمال: إيلاف دلوقتي بتصارع الموت.
أصلي: لازم نروح ليها.
التلاتة نزلوا و راحوا للمستشفى و الكل فضل قدام أوضة العمليات بتاعت إيلاف.
-في مكان تاني.
عند شغف.
شغف كانت قاعدة في أوضة حازم زي ما قالها و فجأة الباب اتفتح و حازم دخل شغف جريت عليه حضنته جامد.
شغف(بقلق): خوفت لتكون سبتني.
حازم: متخافيش.
حازم: حد جالك هنا؟
شغف: لا.
حازم: جبتلك هدوم تقدري تغيري هدومك جوا.
شغف: تمام شكرا.
شغف خدت الهدوم من ايدين حازم و دخلت تغير هدومها و خرجت لقته نايم على السرير.
حازم: تقدري تيجي تنامي على السرير.
شغف(بقلق): لا لا هنام على الكنبة هنا حلو جدا.
حازم: شغف.
شغف: صدقني هبقى مرتاحة.
حازم قام و قرب من شغف و مسك ايديها و قعدها على السرير.
حازم: تقدري تنامي هنا.
حازم خد مخدة و راح ناحية الكنبة و بدأ ينام عليها، شغف نامت على سرير حازم باستحياء.
بعد فترة، الباب بدأ يخبط جامد و صوت إسماعيل الغاضب عالي.
إسماعيل: افتح يا حازم.
شغف و حازم قاموا مفزوعين من نومهم...
حازم: اهدئ متخافيش.
حازم قرب من الباب و فتحه لقى في وشه إسماعيل و هو في قمة غضبه.
بهيرة: اهدى يا إسماعيل مش كدة.
إسماعيل(بغضب): مين البنت اللي جوا دي؟
حازم: مراتي.
إسماعيل مسك حازم من هدومه بغضب و زقه على الحيطة اللي جمب الباب، شغف بصت بصدمه و شهقت بخوف على حازم.
إسماعيل(بغضب): خير يا باشا مفكر ابوك مات مثلا و لا حاجة و رايح تتجوز من غير اذن و من غير ما اعرف و حياة امك.
حازم: شغف مراتي يا بابا و مش هطلقها و خلاص اتجوزتها مفيش مفر.
بهيرة(بحدة): لا في تقدر تطلقها و ترجع من الشوارع اللي جت منها.
شغف وقفت قدام باب الأوضة وبصت لحازم.
حازم(بحدة): خشي جوا الأوضة يا شغف.
شغف كانت هتدخل مسكتها بهيرة.
بهيرة: تدخل فين الجربوعة دي؟
شغف(بخفوت): يا طنط أنا مش من الشوارع انا.
بهيرة: اخرسي.
إسماعيل(بغضب): اسمع هي كلمة واحدة طلقها.
حازم: لا.
إسماعيل(بغضب): يبقى اطلع بره يلا.
إسماعيل(بغضب): لتطلع بره و تخسر كل ما تملك لاما تطلقها.
حازم بِعد إسماعيل عنه و شد شغف بعيد عن بهيرة و مسك في يديها.
حازم: همشي.
حازم: خشي هاتي هدومك يا شغف.
بهيرة(بصدمة): فضلتها علينا؟
حازم: لا فضلتها على الفلوس و كل ما املك.
حازم خد شغف و خرجوا بره البيت كان لسة هيركب عربيته.
إسماعيل(بغضب): لا قولت هتتنازل عن كل حاجة.
حازم شد شغف و خرج بره الفيلا.
بهيرة: إسماعيل ا.
إسماعيل(بغضب): هيرجع هو ميقدرش يعيش بعيد عن الفلوس.
حازم وقف تاكسي و ركب شغف و ركب معاها.
بعد فترة حازم وصل لشقته و حاسب السواق و نزل هو و شغف طلعوا ليها.
حازم: كويس أن سمير نضفها.
حازم: خشي أي أوضة نامي فيها.
حازم ساب شغف و راح على الكنبة فرد جسمه عليها بعد فترة فتح عينه لقى شغف قاعدة جمبه على الارض.
حازم(بقلق): في حاجة؟
شغف(بدموع): أنا آسفة.
حازم: على إيه مفيش حاجة بطلي عياط.
شغف(بدموع): سامحني.
حازم: قولتلك مفيش حاجة.
شغف(بدموع): أنا خليتك تسيب أهلك.
حازم: ده اللي المفروض كان يحصل من زمان.
حازم حاوط وش شغف بين ايديه و باس رأسها، حازم مال بوشه على شغف(و لخيالكوا).
حازم بص على شغف و شغف سابته و قامت دخلت أوضتها جري.
-في مكان تاني...
عند إيهاب و أمينة.
راحوا للشرطة و بدأ يبلغوا عن إختفاء ميرنا لأنهم مكنش ينفع يبلغوا عن إختفاء إيلاف.
إيهاب و أمينة كانوا قلقانين جدا عليهم.
إيهاب(بغضب): أول ما أشوف اللي اسمه جوزها ده هخليه يطلقها ده مش مهتم و مرجعش و مش عارف هي فين و لا بيحصلها ايه.
أمينة: متظلمهوش يا إيهاب.
إيهاب: اسكتي انتي أنا لو إيلاف حصلها حاجة هندمه.
-في مكان تاني...
عند إيلاف.
الدكتور خرج من العمليات بعد عدة ساعات.
ديف(بالانجليزية): الحالة حرجة و كان في خطر بيهدد حياتها عدت على خير.
ديف(بالانجليزية): لازم راحة تامة.
دارك(بالانجليزية): يعني مش هيحصلها حاجة صح هتبقى كويسة.
ديف(بالانجليزية): حاجة في إيد الرب.
ديف سابهم و مشي، الممرضين خرجوا من أوضة العمليات و إيلاف على النقالة كالجثة بملامحها الشاحبة.
نقلوا إيلاف أوضة للمرضى.
الممرضة(بالانجليزية): ينفع تدخلوا بس من غير دوشة و لا كلكم تدخلوا مرة واحدة و حاولوا تتكلموا معاها ممكن يحسن من حالتها و تفوق بشكل أسرع.
دارك دخل و قعد جمبها و مسك ايديها ببطء.
دارك(بدموع): ضعفي بسببك عمري ما كنت ضعيف قد اللحظة دي، فكرة فقداني ليكي بالنسبة ليا ضعف.
دارك(بدموع): إياكي تسيبني في يوم يا إيلاف.
الكل سهر لتاني يوم لغاية الصبح، كان الكل قاعد في أوضة إيلاف منتظرينها تفوق.
في الصباح الباكر...
دخل ممرض لإيلاف علشان الفحص.
دارك(بالانجليزية): من الطبيعي أنها متصحاش كدة.
ممرض(بالانجليزية، بابتسامة): متقلقش.
خلال الفحص كانت إيلاف بدأت تحرك رأسها ببطء دلالة على أنها بدأت تفوق.
إيلاف فتحت عينيها ببطء، الكل كان مبسوط، دارك قرب من إيلاف و كذلك الممرض.
ممرض(بالانجليزية): سمعاني؟
ممرض(بابتسامة، بالانجليزية): سمعاني؟
ممرض(بالابتسامة): يلا افتحي عينك الكسولية دي اللي بتحب النوم كتير.
إيلاف أول ما فاقت بصت على الممرض و ركزت مع صوته.
إيلاف: إيه الجمال ده!
إيلاف: ازاي في حد في جمالك ده؟!
إيلاف: أكيد أنا مش على الأرض.
إيلاف: ابتسامتك جميلة.
إيلاف: عيونك جميلة بشكل مش معقول.
دارك بص لإيلاف بغضب شديد و عض على شفايفه جامد لدرجة كانت هتتجرح.
دارك(بحدة): إيلاف أنا هنا.
إيلاف لفت ببطء ناحية دارك و بصت للممرض.
إيلاف: بس هو جميل أجمل منك.
إيلاف: كيوت و جميل أوي، و ليه وش واحد.
إيلاف: مش زيك مليون وش و بتتغير زي الحرباية في الدقيقة الواحدة.
دارك شاور على نفسه بصدمة و بص لصحابه اللي كانوا بيضحكوا عليهم.
ممرض(بالانجليزية): ممكن تكون تحت تأثير المخدر لسة.
ممرض(بالانجليزية): حاسة بألم؟
إيلاف: الألم اللي في قلبي بسبب ضحكتك الجميلة.
دارك: بصي بصي يا إيلاف أنا بعرف اضحك زيه اهو.
دارك اصطنع الابتسامة و قرب من إيلاف.
إيلاف: ابتسامته شكل تاني.
إيلاف كانت لسة هترفع ايديها ناحية الممرض دارك مسك ايديها و شدها ناحيته.
إيلاف(بوجع): آآآآآه.
إيلاف غمضت عينيها و فتحتهم و بدأ التخدير يروح نهائي، إيلاف بصت حواليها.
إيلاف(بتعب): حصل إيه!
دارك(بحدة): كلمة كمان و كنت هسحب مسدسي و قتلتك و ارتحت...
دارك ساب إيلاف و راح قعد قدامها، الممرض فحص إيلاف و إيلاف بصت لدارك بإستغراب و بصت للشباب بتساؤل.
ممرض(بالانجليزية): ممنوع الحركة الكتير علشان ميحصلش تسمم.
الممرض سابهم و خرج، جوليا حضنت إيلاف و كذلك أصلي.
إيلاف: ميرنا؟
رائد: بيتعمل ليهم فحص شامل و جايين.
إيلاف: ماله ده أنا حتى كنت قربت اموت.
طاهر(بضيق): اهي الرخامة صحيت و هترخم و هتقرفنا.
إيلاف(بضيق): مكنتش عايزة أفوق علشان مشوفش وشك أصلا.
طاهر(بضيق): على أساس كنت هموت يا بت و تبقي كويسة...
كمال: خالص كان بيعيط بس عليكي.
إيلاف(بسخرية): هه قول حاجة اقدر أصدقها.
إيلاف: انت بجد عيطت عليا؟!
طاهر(بسخرية): هه و اعيط عليكي ليه بقي من بقية اهلي مثلا.
إيلاف: واطي.
دارك(بحدة): سيبونا لوحدنا شوية.
إيلاف: لا لا مش مطمنة ليه...
دارك(بابتسامة باردة): ليه بس يا إيلاف.
كلهم خرجوا بره الاوضة، دارك قعد جمب إيلاف على السرير و حط ايده على خدها.
دارك: حاسة بوجع؟
إيلاف: يعني مش أوي.
دارك قرب من إيلاف أكتر و هي بصتله بتوتر.
دارك: الممرض اللي كان هنا كان جميل صح!
إيلاف: اه.
دارك: طب و أنا؟
إيلاف: جميل برضو.
دارك: بجد؟
إيلاف هزت رأسها ببطء بمعنى أه، دارك قرب من إيلاف و باسها على خدها دارك دفن وشه في رقبتها و خد نفس عميق.
دارك: آسف على إني أختارت رائد ا.
إيلاف رفعت ايديها و غرزت صوابعها في شعر دارك.
إيلاف: هشششش أنت عملت الصح.
إيلاف باست رأس دارك، دارك رفع عيونه ليها.
دارك: هخرج أعمل حاجة و اجيلك.
دارك خرج كانت ميرنا بره و قلقانة.
دارك: ميرنا.
ميرنا: نعم.
دارك: متقلقيش إيلاف بخير و يا ريت متبلغيش والدك بده علشان ميقلقش و اللي حصل مجرد حادث.
دارك: يا ريت تتصلي بوالدك عشان إيلاف تودعه علشان نسافر.
ميرنا: تمام.
ميرنا اتصلت بإيهاب و بلغته باللي حصل و في غضون فترة بسيطة كان إيهاب و أمينة في المستشفى.
إيهاب: مالها إيلاف هي بخير؟
أمينة حضنت ميرنا جامد و ميرنا بصت لإيهاب.
دارك: هي بخير تقدر تدخل تشوفها.
إيهاب و أمينة و ميرنا و لورين دخلوا لإيلاف.
كمال: هنسافر فين؟
دارك: انا و إيلاف بس اللي هنسافر اتصرفوا في لبس.
دارك: جهز كل الأمور يا طاهر.
عند إيلاف.
إيلاف(بابتسامة): خالو.
إيلاف حضنت إيهاب و أمينة، إيهاب باس رأسها.
إيهاب: انتي كويسة مالك حصل ايه؟
إيلاف: إصابة بسيطة متشيلش همي.
أمينة: طب الدكتور قال ايه؟
دارك: إغماء بسيط.
دارك: و هنسافر النهاردة نرجع بلدنا و ارجوكم متبلغوش حد أن احنا جينا هنا و قعدنا معاكوا علشان متتأذوش.
إيهاب(بحدة): و مين بقى اللي هيأذونا؟
إيلاف: علشان خاطري يا خالو اسمع كلام رائف هو أدرى بمصلحتنا.
أمينة: طب ما تفهمينا بيحصل ايه؟
إيلاف: مفيش حاجة.
إيلاف: ارجوكم اسمعوا كلامه.
إيهاب(بحدة): افتكري إني قولتلك مش مرتاحله يا إيلاف و ساعتها لما تندمي ابقي تعاليلي.
إيهاب: يلا بينا.
كلهم خرجوا بره أوضة إيلاف، إيلاف مدت ايديها لدارك اللي مسكها و باس باطن كفها.
دارك: بتثقي فيا؟
إيلاف: اه.
بعد فترة، دارك دخل الحمام يغير هدومه و خرج بدأ يساعد إيلاف.
إيلاف: هنمشي نروح فين؟
دارك: خطر نبقى هنا...
إيلاف: بس انا.
دارك: متخافيش معايا أدوية من الدكتور.
إيلاف لبست بنطلون أسود و فوقه تيشيرت باللون الأبيض صوف لغاية الركبة و فيه حزام باللون الاسود و لبست صندل بكعب باللون الاسود، سيبت شعرها على ضهرها.
دارك قرب من إيلاف(ولخيالكوا).
إيلاف: ليه حاسة ان في حاجة غلط؟
دارك: مفيش يلا بينا.
دارك مسك إيد إيلاف و خرج بره الاوضة، إيلاف سلمت على كل اللي موجودين.
إيلاف: مش هتوحشني نهائي.
طاهر: و لا انتي يلا غوري.
إيلاف: رخم.
إيلاف حست بوجع في جرحها، دارك شالها بين ايديه و باس رأسها و خرج بره المستشفى.
إيلاف: مش مرتاحة.
دارك: مش قولتي أنك بتثقي فيا؟
إيلاف: اه.
دارك: خلاص.
دارك ركب إيلاف العربية و لف ركب و وصل للمطار كانت التذاكر محجوزة ركب مع إيلاف اللي نامت علي كتفه.
إيلاف: لمرة نركب طيارة مع بعض طيقاك.
دارك ابتسم بخفة و بص ناحية الشباك، بعد فترة نزلوا من الطيارة و راحوا للميناء...
دارك: اركبي.
إيلاف: بحب التجديد.
دارك ركب و مد ايده لإيلاف و دخلوا اليخت اللي بدأ يتحرك و إيلاف مش فاهمة حاجة.
بعد يوم كامل من سفرهم بكل الطرق...
دارك: اركبي.
إيلاف(بوجع): تمام.
دارك(بقلق): انتي كويسة؟
إيلاف(بوجع): اه اه.
إيلاف ركبت في العربية و دارك لف ركب و طلع دواء من جيبه و وداه لإيلاف.
دارك: خدي.
إيلاف: شكرا.
الدواء معملش حاجة مع إيلاف و كانت بتقاوم الوجع بشتى الطرق و بصت ناحية الشباك.
إيلاف(بصدمة): احنا في مصر!
دارك(ببرود): اه.
إيلاف بصت حواليها بصدمة و بصت لدارك.
إيلاف: وقف بسرعة خلينا نرجع لو مسكوك هتتسجن.
دارك(ببرود): اتسجن هيفرق معاكي.
إيلاف: أنت مجنون يا دارك!
دارك(ببرود): زهقت من مسؤوليتك خلاص.
إيلاف بصت لدارك بصدمة، دارك كمل سواقة و بص للطريق قدامه باهتمام.
إيلاف بصت ناحية الشباك و حطت رأسها عليه.
دارك وقف على بُعد من المستشفى اللي إيلاف بتشتغل فيها.
دارك(ببرود): انزلي.
إيلاف: ندمانة على كل لحظة قضتها معاك، ندمانة على كل فرصة جاتلي اهرب فيها منك بس مهربتش.
إيلاف: مش عايزة أشوف وشك تاني لأن صدقني المرة الجاية لو لقيتك قدامي هقولهم علي كل ما يخصك.
إيلاف فتحت باب العربية و نزلت بسرعة، دارك لف بالعربية و ألقى نظرة أخيرة على إيلاف.
إيلاف مشيت بوجع و تعب و خطوات بطيئة ناحية المستشفى، إيلاف دخلت المستشفى و وقفت في نص المستشفى الكل بص عليها بصدمة شديدة مقدروش ينطقوا من شدة صدمتهم.
إيلاف فجأة وقعت في الأرض مغمي عليها و حواليها دم.