رواية طريق الهلاك للكاتبة سلسبيل كوبك الفصل الخامس
إيلاف كملت جري فجأة لقت نفسها داخلة في أماكن مليانة شجر و ضوء الشمس بسيط.
إيلاف(و هي بتنهج): اوعوا تقولوا إني دخلت غابة.
إيلاف قعدت تبص حواليها كويس و اتوترت و خافت من المنظر اللي حواليها.
إيلاف(و هي بتنهج): لازم اتصرف.
إيلاف لفت علشان تحاول ترجع من نفس المكان اللي جت منه فجأة وقفت مصدومة لما شافت المسدس المصوب ناحية رأسها.
إيلاف رفعت رأسها ناحية الايد اللي رافعة على رأسها المسدس لقت شخص غريب عنها.
فيرو(بالايطالية): أنتي مين؟!
إيلاف لفت ببطء و ودت وشها لفيرو...
إيلاف(بالانجليزية): مبعرفش أتكلم إيطالي.
فيرو(بالايطالية): شكلك هتبقي فريسة ليا النهاردة.
إيلاف بدأت ترجع لورا و فيرو موجه ليها مسدسه، إيلاف وقفت أول ما حست بأنفاس حد وراها و لقت فيرو بيبص باستغراب.
إيلاف لفت لقت دارك واقف وراها.
فيرو(بالايطالية): أنت مين؟!
دارك(بالايطالية): كنت هنا انا و مراتي للصيد بس تاهت مني شكرا ليك.
دارك مسك ايد إيلاف و كان هيمشي بس لقى فيرو شد الزناد بتاع سلاحه...
فيرو(بالايطالية): مين قال إني هسيبكم تمشوا من هنا؟!
فيرو(بالايطالية): و انا برضو كنت هنا للصيد و لقيت فريستين زيكم مستحيل أسيبهم يمشوا.
دارك خلى إيلاف ورا ضهره و قرب من فيرو.
دارك(بالايطالية): متستهونش بكل فريسة تلاقيها قدامك.
قبل ما يستوعب فيرو كلام دارك، دارك طلع مسدسه من ورا ضهره و ضربه بالنار.
إيلاف انتفضت من مكانها وحطت ايديها على بوقها بصدمة شديدة، دارك قرب منها و هي رجعت لورا كذا خطوة و بعدها سابت دارك و بدأت تجري.
دارك جري ورا إيلاف و لحقها و وقعوا هما الاتنين على الأرض.
إيلاف(بوجع): آآه.
دارك(بغضب): انتي ازاي اتجرأتي و مشيتي؟!
إيلاف(بعصبية): اومال عايزني أعمل ايه استنى لما تيجي الاوامر منك و لا استنى لما يثبتوا التهمة عليا إني مشتركة معاك في كل جرايمك و لا لغاية ما تخلص عليا.
إيلاف(بعصبية): انت عايزني أقعد مع مجرم زيك في مكان واحد أنت مجنون؟!
إيلاف مسكت كوعها اللي اتجرح لما وقعت و بدأت تقوم تقف و دارك قام وقف هو كمان.
دارك: انتي عارفة انتي فين؟!
إيلاف: إيطاليا.
دارك رفع حاجبه باستغراب لإيلاف.
إيلاف: لما نزلنا من الطيارة عرفت.
دارك: لازم نمشي.
إيلاف: مش همشي معاك.
دارك: براحتك انتي الخسرانة.
دارك ساب إيلاف و بدأ يمشي و إيلاف مشيت وراه علشان تخرج من الغابة.
إيلاف و دارك بدأوا يمشوا لفترة طويلة، إيلاف لقت دارك بيتنهد و قعد في الأرض سند ضهره على الشجرة اللي كانت وراه.
إيلاف: انت كداب انت دخلتنا الغابة اكتر!
دارك(بهدوء): حد قالك تثقي فيا؟
إيلاف: انت مجنون مش المفروض تراعي شعور اللي معاك؟! مش المفروض يبقى عندك شوية قيم و أخلاق.
دارك(بسخرية): قيم و أخلاق!
دارك(بسخرية): معداش عليكي الراجل اللي لسة قاتله و لا إيه النظام؟!
إيلاف ضربت برجليها الأرض بغضب.
إيلاف: انت ازاي كدة!
إيلاف(بعصبية): انا عايزة ارجع بيتي حالا انت فاهم.
إيلاف(بعصبية): رجعني البيت رجعني زي ما خدتني...
إيلاف بدأت تقوم دارك اللي بصلها بحدة و هي قعدت تضربه بعصبية شديدة.
إيلاف فجأة وقفت و بصت لايديها اللي مليانة دم من قميص دارك خدت نفسها بصعوبة.
إيلاف: إيه ده؟!
دارك بِعد إيد إيلاف عن قميصه و بدأ يفتح أزرار قميصه الأسود كان جرحه اتفتح و بدأ ينزل دم و دارك ملامحه بدأت تبقي شاحبة.
إيلاف بصت ليه و بصت لشنطتها و مسكتها بسرعة و طلعت علبة الاسعافات الاولية اللي ملازمة شنطتها.
إيلاف: أقعد أقعد.
إيلاف ساعدت دارك أنه يقعد و هي قعدت جمبه بدأت تمسح الدم و تطهر جرحه تاني...
إيلاف: الجرح لسة جديد ازاي اتحركت؟!
دارك(بخفوت): مش مهم. لازم نمشي الوقت هيليل.
إيلاف(بتوتر): عندك حق لازم نمشي.
إيلاف بصت حواليها و بعدها بصت لدراك اللي بدأ يقفل ازرار قميصه، إيلاف مسكت شنطتها و قامت وقفت هي كمان.
إيلاف: هنمشي ازاي؟!
دارك شاور بعينيه على الطريق و إيلاف بصتله و بصت مكان الطريق.
إيلاف: متأكد؟!
دارك(بخفوت): شايفاني في حالة تسمح بكدة.
دارك و إيلاف بدأوا يمشوا ناحية الطريق اللي دارك قال عليه لغاية ما وصلوا للطريق الرئيسي.
طاهر(بعصبية، بالايطالية): مستنين إيه و لغاية إمتى؟!
ريان(بالايطالية): دارك ودانا أوامر يا طاهر.
طاهر(بعصبية، بالايطالية): ا.
طاهر كان بيتكلم و بيبص جمبه لقى دارك و إيلاف جايين ناحيتهم.
مالك(بالايطالية): دارك.
جريوا على دارك و سندوه و كانوا هيمشوا بس وقفوا لما لقوا دارك بيمسك ايد إيلاف...
دارك(بخفوت): متنسوهاش.
إيلاف بصت ليهم و ريان ابتسم ليها بخفة.
طاهر: يلا بينا.
إيلاف و دارك و ريان ركبوا ورا و مالك و طاهر قدام، إيلاف كانت قاعدة جمب دارك اللي بدأ يغيب عن الوعي تدريجيا.
إيلاف كانت ساندة رأسها على الشباك فجأة لقت دارك بيميل على كتفها، طاهر بص عليهم من المراية اللي قدامهم و بص لإيلاف.
مالك: واضح أنه تعب أوي.
ريان: انتوا عارفين أنه بيجهد نفسه مهما كلكم اتكلمتوا.
طاهر(بالايطالية): اظن أننا اتفقنا هنتكلم بلغة البلد اللي احنا عايشين فيها حاليا.
مالك(بالايطالية): آسف.
إيلاف عدلت رأس دارك بعيد عنها بس رأسه مالت ناحيتها برضو، إيلاف بصت بضيق لكل اللي موجود و بصت لدارك بغيظ.
بعد فترة طاهر وقف قدام بيت دارك و بدأوا ينزلوا، إيلاف حاولت تفوق دارك.
إيلاف: أغمي عليه.
طاهر(بغضب): ما هو بسببك مصيبة و حلت على دماغنا.
طاهر(بغضب): ريان انت و مالك شيلوه.
الاتنين سندوا دارك و إيلاف قربت من طاهر.
إيلاف(بحدة): انا معملتش حاجة انت فاهم انتوا السبب، انا كنت في بلدي و بيحققوا معايا و يومين بالكتير و هطلع لكن الزفت اللي اسمه دارك ده جه و خدني من هناك و ثبت التهمة عليا انا اكتر واحدة متضررة مش انتوا يا ريت تفهم.
إيلاف زقت طاهر و دخلت البيت، طاهر بصلها بغضب و دخل وراها.
ماريا(بالايطالية): أجهز العشاء؟!
طاهر(بالايطالية): جهزيه يلا.
طلعوا دارك أوضته و طاهر شد إيلاف من دراعها ناحية أوضتها.
طاهر: مش عايز أشوف وشك لغاية ما اؤمر بغير كدة.
طاهر: و اوعي تفتكري أنك مش هتتعاقبي على اللي عملتيه ده.
طاهر ساب إيلاف و دخل أوضة دارك، كان كل الشباب حوالين دارك اللي ملامحه شاحبة جدا و مغمي عليه.
سمعوا صوت الباب و إيلاف ظهرت قدامهم.
إيلاف(بهدوء): انا دكتورة و انا اللي غيرتله على الجرح ممكن القي نظرة؟!
طاهر(بغضب): لا و امشي من هنا.
ريان: طاهر مش وقته دلوقتي دارك صحته أهم...
ريان: و متنساش أننا لازم على قد ما نقدر نبعد أي دكتور عننا و بالذات عن دارك.
مالك: رأيي من رأيه.
إيلاف(ببرود): مش هنتظر جنابه لما يوافق.
إيلاف قربت من سرير دارك و مالت عليه و بدأت تشوف نبضه لقت النبض سريع.
إيلاف بدأت تفك أزرار قميصه و بدأت تشوف الجرح، إيلاف طلعت من شنطتها جوانتي و بدأت تتعامل.
إيلاف: انا شاكة أن الدم اتلوث لازم نتصرف لاما هندخل على تسمم.
إيلاف: هحتاج شوية أدوية.
إيلاف طلعت من شنطتها ورقة و قلم و بدأت تكتب أسامي الدواء اللي محتاجاها.
إيلاف: يا ريت في أسرع وقت.
ريان(باندهاش): انتي شنطتك دي فيها كل حاجة!
طاهر(بحدة): ريان.
ريان: حاضر حاضر عن أذنكم.
ريان سابهم و مشي و مالك و طاهر قعدوا على الكنبة الموجودة في الأوضة، دارك بدأ يحرك صوابع إيده ببطء و فتح عينيه لقى جمبه إيلاف.
دارك(بخفوت): ايه اللي جابك هنا؟!
إيلاف: الانسانية سمعت عنها!
طاهر: دارك.
طاهر راح ناحية دارك و مالك و بدأوا يسألوه عن حاله، دارك حاول يقوم و هما ساعدوه يقعد.
إيلاف: 7 دقايق و تنام تاني.
التلاتة بصوا لإيلاف بعدم فهم، إيلاف قامت وقفت و حطت ايديها في جيب البنطلون.
إيلاف: أنت مريض قدامي ووجودهم حواليك غلط عليك انت و انك تقعد القعدة دي لفترة طويلة برضو غلط عليك علشان كدة 7 دقايق وقت كافي تقعد فيهم و ترجع تنام تاني علشان جرحك.
إيلاف: و انتوا النفس يبقي من بعيد مش لازم هتبوسه يعني.
مالك ضحك على إيلاف، طاهر بصلها بغيظ.
دارك: لحقتي حبتيني في يومين علشان كدة خايفة عليا؟!
إيلاف: هو انا مش خايفة عليك انا عايزاك تكون كويس علشان ترجعني من مكان ما جبتني.
إيلاف: لكن لو عليا اسلمك بايدي و الله ما تفرق معايا على الأقل أخلص البشرية منك.
إيلاف: خصوصا إني شوفت وشك.
إيلاف قعدت على الكرسي اللي قدام سرير دارك، دارك بصلها باستهزاء.
دارك: و انتي فاكرة إني هظهر قدامك بوشي الحقيقي ده مجرد قناع برضو.
إيلاف: مصيري أشوف وشك مش ده موضوعنا.
طاهر: موضوعنا هو ازاي اخلص منك؟!
إيلاف: غيرك جرب كتير معرفش متحاولش.
دارك: انا لو عايز أخلص عليكي دلوقتي هخلص بس حاليا ابعدي من وشي.
مالك: هتروح اجتماع النهاردة؟!
دارك: اه. رائد رجع من عند كمال؟!
طاهر: أعتقد ان وجودك ملهوش لازمة و امشي.
إيلاف: عندك حق لازم أقوم الأوضة خنقة أوي.
إيلاف قامت وقفت و فجأة حست بدوخة شديدة و سندت على الحيطة اللي كانت جمبها.
مالك: انتي كويسة؟!
إيلاف: اه اه كويسة...
ريان: انا جبت الدواء.
إيلاف: هات.
إيلاف خدت من ريان شنطة الدواء و هي بتحاول تفوق و كان عبارة عن حقن.
إيلاف بدأت تسحب بالسرنجة و ايديها كانت بترتعش و دارك لاحظ ده.
ريان: حمدلله على سلامتك يا دارك.
فجأة لقوا إيلاف وقعت على رجل دارك مغمي عليها و دارك جرحه وجعه.
طاهر(بضيق): يادي القرف بقى.
طاهر سابهم و مشي، مالك و ريان قربوا من إيلاف و دارك اللي حاول يفوقها.
بعد فترة.
إيلاف بدأت تفوق فتحت عينيها.
دارك(بالايطالية): أعرف ليا آخر الأخبار هناك.
دارك(بالايطالية): جهز العربيات خمس دقايق و هكون تحت.
دارك(بالايطالية): رائد مش هيجي معانا خليه عند كمال.
دارك قفل التليفون و بدأ يظبط هدومه قدام المراية اللي انعكست فيها صورة إيلاف و هي مصدومة أنها في أوضة دارك.
دارك: كويس أنك فوقتي.
دارك: انزلي تحت هتلاقي ماريا بتجهزلك الأكل كُلي كويس بدل ما يغمي عليكي تاني.
إيلاف(بعصبية): مش عايزة أكل و مش جعانة و ملكش دعوة يغمي عليا و لا لا.
دارك(بلامبالاة): طيب براحتك انتي اللي هتضري.
دارك كان هيخرج بره الأوضة إيلاف راحت ناحيته بسرعة و مسكت مقبض الباب مكان ما دارك ماسك.
إيلاف: مش قبل ما تفهمني انا هنا بعمل إيه؟!
دارك: ورايا اجتماع لما ارجع.
إيلاف: لا مش هسمحلك تمشي.
دارك: انتي مش مراعية انك تعبانة.
إيلاف(بعصبية): ما هو بسبب وجودي هنا.
دارك: صوتك يوطي ده أولا، ثانيا لما ارجع هقولك، ثالثا اياكي تخرجي بره الفيلا دي أحسن ما هيكون الموت منتظرك، رابعا هتأكلي و تتأقلمي هنا لحد ما ارجع.
إيلاف: أنت رايح تخطط تقتل مين او مين اللي عليه الدور صح؟!
دارك لف لإيلاف و قعد يقرب منها و هي ترجع لورا بتلقائية لغاية ما دارك وقف و مال عليها.
دارك: عندك حق و شكلي مش هنتظر لما اوصل اشوف هقتل مين و زي ما قولتلك مسدسي يضايق كدة لو فضل قاعد ساكت في مكانه علشان كدة شكلك هتكوني ضحية ليه النهاردة.
إيلاف: مبخافش و أسلوبك مضحك اوي مش بيخوف.
إيلاف وهمت دارك أنها بتمسح حاجة من على كتفه و بصتله ببرود.
إيلاف: كان نفسي أتمنالك الموت و انت رايح مشوارك ده بس للأسف مش هعرف محتجاك تعيش لفترة بسيطة علشان ترجعني بيتي.
إيلاف بِعدت عن دارك و خرجت بره أوضته نزلت لتحت لقت ماريا بتجهز ليها السفرة.
طاهر(بالايطالية): احنا جاهزين.
دارك(بهدوء، بالايطالية): تمام يلا بينا.
كل الشباب خرجت و إيلاف قعدت على السفرة بدأت تأكل و تتكلم مع ماريا.
إيلاف(بالانجليزية): شوفتي وشه قبل كدة؟!
ماريا(بالانجليزية): لا محدش يعرف وش دارك غير رائد.
إيلاف(بالانجليزية): حتى اللي اسمه طاهر ده!
ماريا(بالانجليزية): أيوه محدش شاف وش دارك إلا رائد.
إيلاف(بالانجليزية): طب ليه؟!
ماريا(بالانجليزية): هما مش بيسمحولي إني أبقى موجودة غير في المطبخ.
ماريا(بالانجليزية): دي حالة استثناء إني واقفة هنا معاكي لأن دارك أمر بكدة.
إيلاف(بالانجليزية): انتي مفكرتيش أنك تبلغي عنه؟!
ماريا(بالانجليزية): مقدرش. دارك أنقذني و مقدرش أرد جميلهُ بالخيانة او الخداع.
إيلاف(بالانجليزية): هو ده بينقذ حد!
إيلاف(لنفسها): اشمعنا اللي اسمه رائد هو اللي يعرف شكله بس!
إيلاف كلت و بدأت تفكر في اللي هي فيه حاليا.
-في مكان تاني...
في المستشفى عند كمال.
جوليا كانت قاعدة جمبه و ماسكة إيده بتعيط.
كمال بدأ يفوق ببطء من غيبوبته البسيطة اللي بعد الجراحة و فتح عينيه ببطء.
كمال(بخفوت): جوليا.
جوليا(بعياط، بالايطالية): كمال أنت كويس؟! رد عليا. أنت فوقت صح كويس صح طمني عليك؟!
كمال شدد على إيد جوليا بهدوء و ابتسم ليها.
كمال(بخفوت): متخافيش انا كويس.
كمال(بخفوت): دارك دارك كويس؟
جوليا(بدموع): اه متخافش.
كمال(بخفوت): كنتي خايفة عليا؟!
جوليا(بدموع): انت كل مرة بتسأل السؤال ده! اه بخاف عليك و بخاف لو غبت عني للحظة و بخاف لما بتروح مع دارك مشوار.
جوليا(بدموع): بخاف لتبعد عني و بخاف إني أخسرك.
كمال فرد دراعه لجوليا اللي حضنته و قعدت تعيط في حضنه و كمال قعد يطبطب عليها و باس رأسها.
كمال(بتعب): انا بخير يا حبيبتي مش عايزك تخافي.
كمال(بتعب): انا عايش بيكي و علشانك.
كمال(بتعب و مرح): بس شكلي كدة هودع قريب و انتي خنقاني بايدك.
جوليا(بدموع و قلق): انا آسفة.
كمال: متعتذريش.
جوليا: هنادي الدكتور يطمن عليك.
كمال: تمام.
جوليا سابت كمال و خرجت بره أوضته نادت الدكتور المسؤول عن حالة كمال.
جوليا(بالايطالية): فاق من 5 دقايق.
دكتور(بالايطالية): كان لازم تناديني أول ما يصحى عموما هروح حالا و افحصه.
الدكتور دخل و فحص كمال و بدأ يشوف قيمه الحيوية.
دكتور(بالايطالية): هنحطك تحت المراقبة 48 ساعة و بعدها أقدر احددلك ميعاد الخروج.
كمال(بالايطالية): شكرا يا دكتور.
دكتور(بالايطالية): الاسعافات الأولية اللي اتعملت ليك طولت في معدل حياتك.
كمال(بالايطالية): شكرا.
الدكتور ساب جوليا و كمال، جوليا قعدت تاني جمب كمال و مسكت ايده.
جوليا: مين اللي كنتوا رايحين تجيبوها دي؟!
كمال: اسألي دارك.
جوليا: محدش بيأخد منه حاجة يا كمال و انت عارف.
كمال: و انتي عارفة جوزك مش بيقول حاجة مش مسموح انها تتقال.
جوليا(بضيق): حتى و انت تعبان كدة.
كمال: مش عاجبك يا حبيبتي.
جوليا: لا طبعا ازاي عاجبني.
كمال: بقولك إيه؟!
جوليا: إيه؟!
كمال: قربي.
جوليا قربت من كمال لقت كمال مال عليها.
كمال: بحبك.
كمال قرب من جوليا (ولخيالكوا).
رائد(بالايطالية): جوليا انا جبت الأكل.
رائد خرج بره الأوضة بسرعة و كمال بِعد عن جوليا اللي خرجت نادت رائد.
رائد(بالايطالية): حمدلله على سلامتك.
رائد قرب من كمال حضنه و سلم عليه...
كمال: راحوا الاجتماع؟!
رائد: أيوه...
كمال: مروحتش معاهم ليه؟!
رائد: دارك رفض.
كمال: تمام.
رائد: أنت أهم حاجة كويس؟!
كمال: الحمدلله.
رائد: طيب اسيبكم تكملوا بقى.
جوليا: جاسمين راحت فين؟!
رائد: روحت.
جوليا: تمام.
رائد: همشي يلا باي.
رائد راح ناحية الباب و غمز لكمال اللي ضحك.
كمال: اقعدي كلي يلا.
جوليا(بابتسامة): حاضر.
جوليا: مش هتأكل؟!
كمال: الدكتور لو قفشنا هيقتلني.
جوليا: حبيبي.
كمال: يلا يا حبيبتي كملي أكل.
جوليا ابتسمت ليه بحب و كملت أكلها.
-في مكان تاني...
في المستشفى في مصر.
مؤنس: انا حاسس أن في حاجة حصلت دكتور يوسف بقى مش على بعضه.
أروى: مؤنس.
مؤنس: إيه؟!
أروى: أنت لسة بتحب إيلاف؟!
مؤنس: عمري ما هبطل أحبها يا أروى.
أروي: هشوف دكتور مبارك عايزني في إيه و هجيلك.
مؤنس: تمام.
أروى سابت مؤنس و راحت لدكتور مبارك اللي ناداها، مؤنس راح لدكتور يوسف حاول يتكلم معاه.
يوسف: قولتلك مفيش.
مؤنس: طب إيلاف راحت فين؟!
يوسف: حتى دي معرفهاش.
مؤنس: يا دكتور يوسف احنا عايزين نطمن على إيلاف.
يوسف: اطمن هي كويسة.
مؤنس: طيب الحمدلله. هترجع امتى؟!
يوسف: وقت ما ترجع يا مؤنس.
يوسف ساب مؤنس و خرج بره الاوضة بدأ يمر على الحالات اللي هو متابعها.
-في مكان تاني...
عند حازم.
بهيرة: هي هتفضل مختفية كتير كدة؟!
إسماعيل: الموضوع قريب هيبقي قضية عالمية.
حازم: بس لازم نرجعها قبل ما الموضوع يكبر.
إسماعيل: انت و شطارتك.
حازم: يعني إيه؟!
بهيرة: رجعها و كون أنت البطل قدامها.
إسماعيل: مش لما يلاقوها الأول. انتوا شكلكم لسة معرفتوش الموضوع ممكن يوصل لغاية فين.
حازم: إن شاء الله هنلاقيها.
بهيرة: مالك ملهوف عليها كدة ليه؟!
بهيرة: هي لاما تموت و ورثها هيجي لينا لاما ترجع و ترضي تتجوزك.
إسماعيل: مهرة.
مهرة: نعم يا إسماعيل بيه.
إسماعيل: شيلي الأكل ده.
مهرة: ممكن سؤال؟!
حازم(بضيق): قولي اخلصي.
مهرة: هو الست إيلاف فعلا مختفية؟!
بهيرة(بحدة): و انتي بتتدخلي ليه؟! انتي مجنونة يلا ادخلي شوفي مكانك فين.
مهرة(بدموع): حاضر انا آسفة يا ست هانم عن اذنك.
حازم: انا طالع انام.
حازم كان طالع لأوضته لقى تليفونه بيرن.
حازم(بضيق): اهو الرخم بيتصل.
الخط اتفتح.
حازم: خير؟!
أدهم: إيه جنابك مش ناوي تشرفنا يوم في المبني؟!
حازم: مش فاضي ليك.
أدهم: متنساش أن انا و انت شغالين على نفس المهمة و اللي هي ازاي نرجع خطيبتك و بنت عمك.
حازم: كل واحد يشتغل بطريقته.
أدهم: يا ابني هو انت معندكش دم.
حازم: حل عني انا رايح انام.
حازم قفل في وش أدهم اللي اتعصب منه.
أدهم: طيب يا حازم هشوف انا و لا أنت.
أدهم بدأ يفكر في قضية إيلاف.
-في مكان تاني...
عند دراك.
دارك كان قاعد في مكانه في الاجتماع و حواليه رجاله و باقي أعضاء الاجتماع.
كانوا بيتكلموا في شغلهم، ريان مال على دارك.
ريان(بهمس): مش مرتاح لماركوس و نظراته.
دارك(بالايطالية): أعتقد إني نفذت اللي اتطلب مش مضطر أبرر لحد وجودي في مصر لمدة يوم إضافي.
دارك(بالايطالية): و أعتقد وجود ماركوس هنا ملهوش داعي انا استلمت خلاص العملية دي.
ماركوس(ببرود، بالايطالية): معنديش مانع إني همشي و اتنازل عن العملية بس.
مالك(بالايطالية): بس؟!
ماركوس(بالايطالية): شيك بقيمة 10 مليون دولار.
دارك(ببرود، بالايطالية): متخلقش لسة اللي يساوم دارك يا ماركوس.
ألبرتو(بالايطالية): معتقدش أننا هنوصل لحل بسببكوا.
ألبرتو(بالايطالية): احنا هندفع ليك يا ماركوس. لكن العملية دي تبع دارك و رجالته.
ماركوس(بالايطالية): أساسا طيارتي كمان ساعتين. هطلع من هنا على المطار.
ريان(بالايطالية): هنرتاح.
ماركوس(بالايطالية): هنتقابل قريب في روسيا.
دارك(بالايطالية): إمضي.
ألبرتو(بالايطالية): ايه ده يا دارك؟!
دارك(بالايطالية): مش كل عملية بعقد و ده العقد بتاع العملية دي.
ماركوس(بالايطالية): تمام.
ماركوس بدأ يمضي على الورق اللي دارك قاله عليه و قام عدل جاكت بدلته و قرب من دارك و مال عليه.
ماركوس(بالايطالية): سايب ليك هدية.
ماركوس غمز لدارك قبل ما يمشي و دارك بصله ببرود تام و بص قدامه و هو مش شايل هم حاجة.
ألبرتو(بالايطالية): دارك المصلحة واحدة. بلاش تخلق عداوة بينك و بين ماركوس.
مالك(بالايطالية): ألبرتو أنت عارف أن ماركوس عايز يأخد مكان دارك بينكم.
ألبرتو(بالايطالية): و دارك عارف مكانه عندنا إيه.
دارك(بتذكر): هدية!
ألبرتو(بالايطالية): نكمل اتفاقنا ا.
دارك ساب الاجتماع و خرج بسرعة ركب عربيته و وراه رجالته و حراسه.
طاهر(بالايطالية): في إيه سيبت الاجتماع ليه؟!
دارك(بالايطالية): اطلع على البيت بسرعة.
مالك(بالايطالية): حصلت حاجة؟!
دارك(بالايطالية): أسرع.
عند إيلاف.
إيلاف كانت في أوضتها بتغير هدومها بدل اللي اتبهدلت.
إيلاف لبست جيبة باللون الأسود في أبيض واسعة و فوقها تي شيرت صوف باللون الأسود، لبست بوط باللون الأسود. سيبت شعرها على ضهرها و حطت مكياج خفيف.
ماريا(بالانجليزية): جميل جدا.
ماريا(بالانجليزية، باندهاش): جميل جدا عليكي ازاي كدة!
إيلاف(بابتسامة، بالانجليزية): شكرا ليكي.
ماريا(بالانجليزية): مبسوطة بيكي اوي.
إيلاف وقفت قدام المراية بدأت تشوف منظرها و عجبها و فجأة بدون مقدمات حصل ضرب نار شديد على البيت.
إيلاف لقت كل الازاز اللي موجود بدأ يتكسر و صرخت هي و ماريا و خرجوا بره أوضة إيلاف.
ماريا(بالانجليزية، بقلق): في حراس متخافيش متخافيش.
إيلاف(بالانجليزية): مخافش ازاي حصل هجوم شامل انتي بتقولي ايه.
إيلاف بدأت تنزل السلالم هي و ماريا، إيلاف لقت معظم الحراس مرمين في الأرض مقتولين و في حراسين داخلين ناحيتهم.
إيلاف و ماريا بدأوا يرجعوا لورا بخوف.
في حارس أول ما شاف إيلاف راح ناحيتها و حط مسدس على رأسها، الحارس التاني مسك ماريا و كان لسة هيضغط على الزناد علشان يقتلها.
ماريا فأجاتهم و ضربته برجليها في بطنه و زقته على الأرض، الحارس اللي كان مع إيلاف لف ليها يضربها بس هي مسكت ايده تنتنها لورا كسرت إيده.
إيلاف حطت ايديها على بوقها بصدمة و كانت هتعيط و حاولت تمسك دموعها.
ماريا(بالانجليزية): متخافيش ا...
ماريا سكتت أول ما لقت حارس حاطط سكينه على رقبة إيلاف و أي حركة من إيلاف هتتجرح.
ماريا(بالايطالية): أنت عارف دارك هيعمل ايه!
حارس(بالايطالية): هخلص عليكي و عليها قبل ما امشي و مش هيعرف.
ماريا(بالايطالية): طب سيبها هي.
حارس(بالايطالية): الاوامر إني أخلص على كل اللي في بيت دارك.
إيلاف حاولت تتحرك السكينة جرحت رقبتها و فجأة لقت ماريا بتجري ناحيتها و شدتها بعيد عن الحارس اللي غرز السكينة في ماريا.
ماريا وقعت بين إيدين إيلاف غرقانة في دمها.
إيلاف(بصريخ): لا.